Oʻzbekiston Respublikasi Oliy taʼlim, fan va innovatsiyalar vazirligi hayʼati aʼzolari tarkibini tasdiqlash toʻgʻrisida (367-son)
29.06.2024
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida” 2023-yil 25-yanvardagi PF-14-son Farmoni hamda Vazirlar Mahkamasining “Oʻzbekiston Respublikasi davlat boshqaruvi organlari hayʼatlarining faoliyati samaradorligini oshirishga doir qoʻshimcha chora-tadbirlar toʻgʻrisida” 2017-yil 19-oktabrdagi 855-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Oliy taʼlim, fan va innovatsiyalar vazirligi hayʼati aʼzolari soni 11 (oʻn bir) kishidan iborat boʻlishi belgilab qoʻyilsin.
2. Oʻzbekiston Respublikasi Oliy taʼlim, fan va innovatsiyalar vazirligi hayʼati quyidagi tarkibda tasdiqlansin:
1. Sharipov Kongratbay Avezimbetovich — vazir 2. Daliyev Shaxrux Xojakbarovich — vazirning birinchi oʻrinbosari 3. Maxkamov Otabek Muxtarovich — vazir oʻrinbosari 4. Buzrukxonov Sarvarxon Munavarxonovich — vazir oʻrinbosari 5. Rajabbayev Sharof Raximberdiyevich — Innovatsion rivojlanish agentligi direktori 6. Karimov Madjit Malikovich — Bilim va malakalarni baholash agentligi direktori 7. Yusupov Axmadbek Tadjiyevich — Oliy attestatsiya komissiyasi raisi 8. Madjidov Inom Urishevich — Oʻzbekiston milliy universiteti rektori 9. Sirojiddinov Shuhrat Samariddinovich — Toshkent davlat oʻzbek tili va adabiyoti universiteti rektori 10. Xalmuradov Rustam Ibragimovich — Samarqand davlat universiteti rektori 11. Xoliqov Abduvali Jonizoqovich — Taʼlim muassasalari faoliyatini tashkil etish, litsenziyalash, taʼlim sifatini taʼminlash departamenti boshligʻi
3. Oʻzbekiston Respublikasi Hukumatining ilovaga muvofiq ayrim qarorlari oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.B. Mahkamova zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 29-iyun,
367-son
Vazirlar Mahkamasining 2024-yil 29-iyundagi 367-son qaroriga ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
ROʻYXATI
1. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Davlat test markazi hayʼat aʼzolarini tasdiqlash toʻgʻrisida” 2018-yil 13-apreldagi 291-son qarori.
2. Vazirlar Mahkamasining “Test tizimini takomillashtirishga qaratilgan qoʻshimcha chora-tadbirlar toʻgʻrisida” 2020-yil 17-sentabrdagi 562-son qaroriga ilovaning 4-bandi.
3. Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi hayʼati aʼzolarini tasdiqlash toʻgʻrisida” 2020-yil 12-oktabrdagi 647-son qarori.
4. Vazirlar Mahkamasining “Oʻzbekiston Respublikasi Innovatsion rivojlanish vazirligining hayʼati aʼzolari tarkibini tasdiqlash toʻgʻrisida” 2022-yil 25-fevraldagi 87-son qarori.