“Shoshilinch tibbiy yordam koʻrsatish uchun transport vositasining salonida boʻlishi shart boʻlgan zarur tibbiy ashyolar roʻyxatini tasdiqlash toʻgʻrisida”gi buyruqqa oʻzgartirishlar kiritish haqida (2241-1-son)

19.06.2024

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2024-yil 19-iyunda roʻyxatdan oʻtkazildi, roʻyxat raqami 2241-1]

Oʻzbekiston Respublikasi “Yoʻl harakati toʻgʻrisida”gi Qonunining 47-moddasiga muvofiq buyuraman:

1. Oʻzbekiston Respublikasi sogʻliqni saqlash vazirining 2011-yil 22-iyundagi 178-son “Shoshilinch tibbiy yordam koʻrsatish uchun transport vositasining salonida boʻlishi shart boʻlgan zarur tibbiy ashyolar roʻyxatini tasdiqlash toʻgʻrisida”gi buyrugʻiga (roʻyxat raqami 2241, 2011-yil 5-iyul) (Oʻzbekiston Respublikasi qonun hujjatlari toʻplami, 2011-y., 27-son, 287-modda) ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Ichki ishlar vazirligi bilan kelishilgan.

3. Mazkur buyruq 2024-yil 21-iyul kunidan eʼtiboran kuchga kiradi.

Vazir A. XUDAYAROV

Toshkent sh.,

2024-yil 5-iyun,

17-son

Kelishildi:

Ichki ishlar vaziri P. BOBOJONOV

2024-yil 4-iyun

Oʻzbekiston Respublikasi sogʻliqni saqlash vazirining 2024-yil 5-iyundagi 17-son buyrugʻiga ILOVA

“Shoshilinch tibbiy yordam koʻrsatish uchun transport vositasining salonida boʻlishi shart boʻlgan zarur tibbiy ashyolar roʻyxatini tasdiqlash toʻgʻrisida”gi buyruqqa kiritilayotgan oʻzgartirishlar

1. Buyruqda:

a) nomi va 1-banddagi “Shoshilinch tibbiy” degan soʻzlar “Birlamchi shoshilinch” degan soʻzlar bilan almashtirilsin;

b) muqaddimadagi ““Yoʻl harakati xavfsizligi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1999-y., 9-son, 215-modda) 17-moddasiga” degan soʻzlar ““Yoʻl harakati toʻgʻrisida”gi Qonunining 47-moddasiga” degan soʻzlar bilan almashtirilsin.

2. Roʻyxatda:

a) nomidagi “Shoshilinch tibbiy” degan soʻzlar “Birlamchi shoshilinch” degan soʻzlar bilan almashtirilsin;

b) 3-bobdan 1-pozitsiya chiqarib tashlansin.