Suv xoʻjaligida zamonaviy boshqaruv tizimini joriy qilish va rivojlantirishning ustuvor yoʻnalishlarini belgilash toʻgʻrisida (PF-74-son)

07.05.2024

Oʻzbekiston Respublikasi Prezidentining

Farmoni

“Oʻzbekiston — 2030” strategiyasida belgilangan ustuvor yoʻnalishlar boʻyicha asosiy maqsadli koʻrsatkichlarga erishishni taʼminlash, shuningdek, ilgʻor xorijiy tajribadan kelib chiqib, suv xoʻjaligida zamonaviy boshqaruvni joriy qilish maqsadida:

1. Suv xoʻjaligi vazirligi barcha manbalar boʻyicha yagona suv balansini yurituvchi hamda Davlat suv kadastrini tashkil etish va yuritishga oid ishlarni muvofiqlashtiruvchi davlat organi etib belgilansin.

Quyidagilar Suv xoʻjaligi vazirligining asosiy faoliyat yoʻnalishlari etib belgilansin:

yagona suv balansi va Davlat suv kadastrini yuritish;

transchegaraviy va ichki daryolar, soylar suvlarini samarali boshqarish hamda tabiiy koʻllar, suv inshootlari va yer osti manbalarida yetarli suv zaxirasini yaratish orqali mamlakat suv xavfsizligini taʼminlash;

irrigatsiya va melioratsiya tizimini rivojlantirish, iqtisodiyotning barcha sohalaridagi isteʼmolchilarni suv bilan uzluksiz taʼminlash;

raqamli texnologiyalarni keng qoʻllagan holda suv resurslarini boshqarish va suv hisobini yuritishning shaffof tizimini yoʻlga qoʻyish;

sohaga resurs tejovchi zamonaviy texnologiyalarni, ilm-fan yutuqlari va nou-xaularni keng joriy etish;

suvdan foydalanish va suvni boshqarishga bozor mexanizmlarini keng joriy qilish orqali suv resurslaridan foydalanish samaradorligini oshirish;

suvdan unumli foydalanish va suv xoʻjaligi obyektlaridan foydalanishning iqtisodiy samaradorligini oshirishga qaratilgan ilmiy izlanishlarni tashkil etish;

suv xoʻjaligi obyektlarining xavfsizligini taʼminlashga qaratilgan tizimli ishlarni tashkil etish;

transchegaraviy suv resurslaridan foydalanish masalalari boʻyicha davlatlararo munosabatlarni rivojlantirish.

2. Quyidagilar suv xoʻjaligi boshqaruvini isloh qilishning asosiy yoʻnalishlari etib belgilansin:

Suv xoʻjaligi vazirligi tuzilmasini yuqori, oʻrta va quyi boʻgʻinlarga ajratgan holda tashkil qilish hamda funksiyalarni aniq belgilash;

Suv xoʻjaligi vazirligining yagona suv balansini va kadastrini yuritishdagi vakolatini aniq belgilash;

suvdan foydalanish va uni muhofaza qilish ustidan davlat nazoratining samaradorligini oshirish;

strategik va innovatsion gʻoyalar, ilmiy asoslangan taklif va tashabbuslar asosida soha rivojlanishini taʼminlash;

suv xoʻjaligi obyektlarida shaffof biznes yuritish tizimini yoʻlga qoʻyish orqali suv xoʻjaligi obyektlarining xususiy sektor uchun jozibadorligini oshirish;

suvdan foydalanishga ruxsat berish tizimini soddalashtirish orqali suvdan foydalanuvchilarga qoʻshimcha qulayliklar yaratish;

mehnatga haq toʻlash tizimini takomillashtirish orqali sohaga malakali mutaxassislarni jalb qilish va kadrlar qoʻnimsizligini kamaytirish;

yirik suv xoʻjaligi obyektlarini qurish loyiha hujjatlarini ishlab chiqish tizimini tubdan isloh qilish hamda sohaviy loyiha institutlari faoliyatini jonlantirish.

3. Suv xoʻjaligi vazirligining tuzilmasida boshqaruv xodimlarining umumiy cheklangan shtat birliklari doirasida mustaqil yuridik shaxs sifatida:

a) quyidagilar:

Suv xoʻjaligi obyektlarini ekspluatatsiya qilish agentligi (keyingi oʻrinlarda — Ekspluatatsiya agentligi);

Suv xoʻjaligi loyihalarini amalga oshirish departamenti tashkil etilsin;

b) quyidagilar:

Markaziy dispetcherlik, kommunikatsiya va kadastr xizmati negizida Markaziy dispetcherlik va suv balansi xizmati;

Axborot-tahlil va resurs markazi negizida Suv xoʻjaligida islohotlar markazi;

Vazirlar Mahkamasi huzuridagi Suv muammolari ilmiy-tadqiqot markazi negizida Irrigatsiya va suv muammolari ilmiy-tadqiqot instituti tasarrufidagi Xorazm suv muammolari ilmiy-tadqiqot markazi;

Ekologiya, atrof-muhitni muhofaza qilish va iqlim oʻzgarishi vazirligi huzuridagi “Xavfsiz daryo boshqarmasi” davlat muassasasi negizida xoʻjalik hisobidagi “Suv xoʻjaligida bozor mexanizmlarini joriy qilish” davlat muassasasi tashkil etilsin va Suv xoʻjaligi vazirligi tasarrufidagi Toshkent shahri, Shayxontohur tumani, Labzak koʻchasi, 1-A uyning A-blok 4-qavatiga tekin foydalanish huquqi asosida joylashtirilsin.

4. Quyidagilar:

Suv xoʻjaligi vazirligining tashkiliy tuzilmasi 1-ilovaga muvofiq;

Suv xoʻjaligi obyektlarini ekspluatatsiya qilish agentligining tashkiliy tuzilmasi 2-ilovaga muvofiq;

Suv xoʻjaligi loyihalarini amalga oshirish departamentining tashkiliy tuzilmasi 3-ilovaga muvofiq tasdiqlansin.

5. Suv xoʻjaligi vazirligi tashkilotlarining uch boʻgʻindan iborat vertikal boshqaruv tizimi hamda funksiyalar taqsimoti 4-ilovaga muvofiq tasdiqlansin.

6. Belgilansinki, 5-ilovaga muvofiq 2024-yil 1-iyuldan boshlab Suv xoʻjaligi vazirligi va uning tuzilmasidagi tashkilotlar xodimlarining yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini belgilashda tarif koeffitsiyentlari oshirilgan miqdorda hamda 2025-yildan boshlab koʻp yillik mehnati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda har oylik ustamalar qoʻllanadi.

Mazkur Farmonning 5-ilovasida koʻzda tutilgan tartib joriy etilishi munosabati bilan yuzaga keladigan xarajatlar 2024-yilda Suv xoʻjaligi vazirligiga davlat budjetidan ajratilgan, shu jumladan nasos stansiyalarining elektr energiyasi xarajatlarini qoplash uchun koʻzda tutilgan mablagʻlarning iqtisod qilinishi kutilayotgan qismi hisobidan, 2025-yildan boshlab esa Oʻzbekiston Respublikasining Davlat budjeti parametrlarida koʻzda tutiladigan mablagʻlar hisobidan amalga oshiriladi.

7. Suv xoʻjaligi sohasida islohotlarni chuqurlashtirish va tizim faoliyatini transformatsiya qilish boʻyicha “yoʻl xaritasi” 6-ilovaga muvofiq tasdiqlansin.

8. Qoraqalpogʻiston Respublikasi Vazirlar Kengashi va viloyatlar hokimliklari Ekologiya, atrof-muhitni muhofaza qilish va iqlim oʻzgarishi vazirligi hamda Suv xoʻjaligi vazirligi bilan birgalikda 2024-yil 15-avgustga qadar tabiiy suv obyektlarining suv fondi yerlari Suv xoʻjaligi vazirligi tizimidagi tegishli foydalanuvchi tashkilotlarga doimiy foydalanish huquqi asosida ajratilishini taʼminlasin.

9. Belgilansinki:

Suv xoʻjaligi vazirligi “OʻzGIP” MCHJ va “Suvloyiha” MCHJ tashkilotlarining davlat nomidan ishtirokchisi funksiyalarini amalga oshiruvchi organ hisoblanadi;

Suv xoʻjaligi vazirligi hamda uning tizim tashkilotlari tomonidan suv resurslarini boshqarish borasidagi faoliyatiga uchinchi shaxslar, shu jumladan, mahalliy davlat hokimiyati organlarining aralashuvi taqiqlanadi.

10. Oʻzbekiston Respublikasi Prezidentining 2022-yil 7-dekabrdagi “Yer osti suv resurslarini muhofaza qilish va ulardan oqilona foydalanishni tartibga solish boʻyicha qoʻshimcha chora-tadbirlar toʻgʻrisida”gi PQ-439-son qaroriga muvofiq:

2024-yil 1-yanvarga qadar yer osti suvlaridan foydalanishning aniq hisobini yuritish maqsadida oʻz tasarrufidagi yer osti suv olish inshootlarini suv hisoblash vositalari bilan jihozlash majburiyati yuklatilganligi;

2024-yil 1-yanvardan boshlab suvni hisobga olish vositalari bilan jihozlanmagan yer osti suv olish inshootlaridan foydalanish taqiqlanganligi maʼlumot uchun qabul qilinsin.

Togʻ-kon sanoati va geologiya vazirligi (B. Islamov), Soliq qoʻmitasi (Sh. Kudbiyev), “Suvxoʻjaliknazorat” inspeksiyasi (R. Raximov) uch oy muddatda yer ostidan suv olish quduqlarini toʻliq xatlovdan oʻtkazsin.

Bunda, suv hisoblagichlari oʻrnatilmagan hollarda (bundan jismoniy shaxslarga shaxsiy va xoʻjalik ehtiyojlari uchun yakka tartibda sutkasiga 5 metr kubgacha boʻlgan miqdorda yer osti suvlarini olish mustasno) tegishli qonuniy choralar, shu jumladan, hisoblagichlar oʻrnatilmagunga qadar suv olish imkonini cheklash choralari koʻriladi.

11. Suv xoʻjaligi vazirligi (Sh. Xamrayev) Togʻ-kon sanoati va geologiya vazirligi (B. Islamov), Gidrometeorologiya xizmati agentligi (Sh. Xabibullayev), Qishloq xoʻjaligi vazirligi (I. Abduraxmonov), Oʻzbekiston fermer, dehqon xoʻjaliklari va tomorqa yer egalari kengashi (A. Xaitov) hamda Ichki ishlar vazirligi bilan birgalikda uch oy muddatda Yagona suv balansi va kadastrini yuritish tartibi toʻgʻrisidagi nizom loyihasini Vazirlar Mahkamasiga kiritsin.

12. Suv xoʻjaligi vaziri Sh. Xamrayevning:

mazkur Farmonda belgilangan chora-tadbirlarni oʻz vaqtida va sifatli amalga oshirish boʻyicha barcha zaruriy choralarni koʻrish;

suv balansi va Davlat suv kadastri yuritilishini taʼminlash;

Suv xoʻjaligi vazirligi tizimida oʻzaro takrorlanuvchi funksiyalarni bajaruvchi tuzilmalar faoliyatiga yoʻl qoʻymaslik hamda faoliyat samaradorliklarini baholash koʻrsatkichlarini (KPI) belgilash;

global iqlim oʻzgarishining iqtisodiyot tarmoqlariga salbiy taʼsirini yumshatish boʻyicha ilmiy asoslangan takliflar ishlab chiqish;

kadrlarni tayyorlash, tanlash va joy-joyiga qoʻyishning samarali mexanizmlarini joriy qilish, ularning malakasini oshirish orqali salohiyatini kuchaytirish;

limitlar asosida suv isteʼmolchilarga suv yetkazib berish;

sohada biznes jarayonlarini rivojlantirish;

suv xoʻjaligida islohotlarni chuqurlashtirish boʻyicha chora-tadbirlar va istiqbolli loyihalarni ishlab chiqish boʻyicha shaxsiy javobgarligi belgilansin.

13. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 7-ilovaga muvofiq oʻzgartirish va qoʻshimchalar kiritilsin.

14. Mazkur Farmon ijrosini samarali tashkil qilishga masʼul va shaxsiy javobgar etib suv xoʻjaligi vaziri Sh.R. Xamrayev belgilansin.

Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 7-may,

PF-74-son

Oʻzbekiston Respublikasi Prezidentining 2024-yil 7-maydagi PF-74-son Farmoniga 1-ILOVA

Oʻzbekiston Respublikasi Suv xoʻjaligi vazirligining

TASHKILIY TUZILMASI

Oʻzbekiston Respublikasi Suv xoʻjaligi vazirligiSuv xoʻjaligi obyektlarini ekspluatatsiya qilish agentligiSuv xoʻjaligi loyihalarini amalga oshirish departamentiSuv xoʻjaligi obyektlari xavfsizligini va suvdan foydalanishni nazorat qilish inspeksiyasi“OʻzGIP” MCHJ“Suvloyiha” MCHJSuv sohasida barqaror rivojlanish markaziSuv xoʻjaligini raqamlashtirish va monitoring markaziSuv xoʻjaligida xorijiy investitsiya loyihalarini amalga oshirish markaziIrrigatsiya va suv muammolari ilmiy-tadqiqot instituti“Suv xoʻjaligida bozor mexanizmlarini joriy qilish” davlat muassasasi

Oʻzbekiston Respublikasi Prezidentining 2024-yil 7-maydagi PF-74-son Farmoniga 2-ILOVA

Suv xoʻjaligi obyektlarini ekspluatatsiya qilish agentligining

TASHKILIY TUZILMASI

Suv xoʻjaligi obyektlarini ekspluatatsiya qilish agentligi Qoraqalpogʻiston Respublikasi Suv xoʻjaligi vazirligi, irrigatsiya tizimlari havza boshqarmalari Suv omborlaridan foydalanish boshqarmalari Amu-Buxoro mashina kanalidan foydalanish boshqarmasi Qirgʻoq himoyalovchi dambalar va oʻzan rostlovchi inshootlar boshqarmasi Jizzax bosh nasos stansiyasi boshqarmasi Magistral kanallar (tizimlar) boshqarmalari Tuyamoʻyin gidrouzelidan foydalanish boshqarmasi Qarshi magistral kanalidan foydalanish boshqarmasi Irrigatsiya tizimi boshqarmalari Nasos stansiyalari va energetika boshqarmalari Meliorativ ekspeditsiyalar Tumanlar (shaharlar) “Suv yetkazib berish xizmati” davlat muassasalari

Oʻzbekiston Respublikasi Prezidentining 2024-yil 7-maydagi PF-74-son Farmoniga 3-ILOVA

Suv xoʻjaligi loyihalarini amalga oshirish departamentining

TASHKILIY TUZILMASI

Suv xoʻjaligi loyihalarini amalga oshirish departamenti “Suvqurilishinvest” davlat muassasalari

Oʻzbekiston Respublikasi Prezidentining 2024-yil 7-maydagi PF-74-son Farmoniga 4-ILOVA

Suv xoʻjaligi vazirligi tashkilotlarining uch boʻgʻindan iborat

VERTIKAL BOSHQARUV TIZIMI HAMDA FUNKSIYALAR TAQSIMOTI

Tarkibiy tuzilmaBoʻysunuvFunksiyalarYuqori boʻgʻinMarkaziy apparatvazir1. Suv siyosatini yuritish.2. Yagona suv balansini yuritish.3. Idoraviy normativ-huquqiy hujjatlarni qabul qilish.4. Hududiy organlar faoliyatini baholashning maqsadli koʻrsatkichlarini belgilash.5. Transchegaraviy suv resurslarini boshqarish va foydalanish.Suv xoʻjaligi obyektlari xavfsizligini va suvdan foydalanishni nazorat qilish inspeksiyasivazir1. Oʻta muhim gidrotexnika inshootlarining xavfsizligini, ishonchli ishlashini hamda qoʻriqlanishini nazorat qilish.2. Oʻta muhim gidrotexnika inshootlarini qurish, rekonstruksiya qilish, foydalanishga qabul qilish, konservatsiyalash va tugatish ishlarida ishtirok etish hamda tegishli xulosalar berish.3. Oʻta muhim gidrotexnika inshootlarining xavfsizlik qoidalarini ishlab chiqish va mezonlarini belgilash.4. Yer usti suvlari obyektlarida suvning oqilona boshqarilishi, suvdan foydalanish va suv isteʼmoli qoidalariga rioya etilishini nazorat qilish.5. Irrigatsiya tizimlari va sugʻorish tarmoqlaridan foydalanish jarayonida ularning barqaror ishlashini nazorat qilish.Suv sohasida barqaror rivojlanish markazivazirning birinchi oʻrinbosari — Suv xoʻjaligi obyektlarini ekspluatatsiya qilish agentligi direktori1. Suv sohasini rivojlantirishga oid dasturiy hujjatlarda belgilangan yoʻnalishlar boʻyicha asosiy maqsadli koʻrsatkichlar va indikatorlarga erishish holatini tahlil qilib borish.2. Suv sohasidagi tizimli muammolarni tahlil qilgan holda sohani strategik va innovatsion yechimlar hamda istiqbolli tashabbuslar asosida rivojlantirish boʻyicha takliflar, chora-tadbirlar va istiqbolli loyihalarni ishlab chiqish.3. Suv sohasida innovatsion va ilgʻor texnologiyalarni joriy etish boʻyicha tashabbuslarni ilgari surish.4. Transchegaraviy, xalqaro va mahalliy suv muammolarini tahlil qilish hamda yechimi boʻyicha takliflar ishlab chiqish.5. Suv sohasiga oid maʼnan eskirgan qoida va meʼyorlarni belgilovchi hujjatlarni zamon talablariga moslashtirish boʻyicha tashabbuslarni ilgari surish.6. Suv sohasi tashkilotlarining faoliyatini ilgʻor xorijiy amaliyotlar asosida tashkil etish boʻyicha takliflar ishlab chiqish.7. Xalqaro tashkilotlar, moliya institutlari, konsalting kompaniyalari va mutaxassislarning tavsiyalarini tahlil qilish va umumlashtirish, maqbul tashabbuslarning samarali implementatsiya qilinishini taʼminlash.8. Konferensiyalar, simpoziumlar, seminarlar, treninglar va davra suhbatlarini, shuningdek, suvni tejaydigan texnologiyalarni joriy etish va suv resurslaridan samarali foydalanishni targʻib qilish ishlarini tashkil etish va oʻtkazish.Suv xoʻjaligini raqamlashtirish va monitoring markazivazirning raqamlashtirish boʻyicha oʻrinbosari1. Suv xoʻjaligi sohasini raqamlashtirish jarayonini tahlil qilish, axborot texnologiyalarini joriy etish boʻyicha yangi tashabbuslar ishlab chiqish va mazkur ishlarda buyurtmachi vazifasini bajarish.2. Ilgʻor xalqaro tajriba asosida suv xoʻjaligi tizimida boshqaruv jarayonlarini raqamlashtirish orqali maqbullashtirish hamda bu boradagi samarali mexanizmlarni ishlab chiqish va amaliyotga joriy etish.3. “Raqamli suv xoʻjaligi” yagona platformasiga tizimdagi barcha dasturiy komplekslarni integratsiya qilish, ularni boshqa davlat organlarining axborot tizimlari bilan integratsiyasini taʼminlash.4. Suv xoʻjaligida vaziyatlar markazining samarali faoliyat yuritishini taʼminlash.5. Suv xoʻjaligi obyektlarida suv resurslari va elektr energiyasi hisobini yurituvchi raqamli qurilmalarning texnik shartlarini ishlab chiqish va ularni joriy etish.6. Suv hisobi yuritilishini raqamlashtirish, suvdan foydalanuvchilar va iqtisodiyot tarmoqlarida suv resurslaridan foydalanish boʻyicha maʼlumotlarni yigʻish va tahlil qilish hamda maʼlumotlar bazasini shakllantirish.7. Zamonaviy texnologiyalar yordamida yagona suv balansini shakllantirish hamda davlat suv kadastrining yuritilishini takomillashtirib borish.8. Suv xoʻjaligi masalalari boʻyicha kunlik, operativ (tezkor) maʼlumotlar tunu kun olinishini taʼminlash hamda tasdiqlangan suv olish limitlari va grafiklari asosida suv olinishini monitoring qilish.Irrigatsiya va suv muammolari ilmiy-tadqiqot institutivazir oʻrinbosari1. Suv muammolarini aniqlash hamda ustuvor ilmiy-tadqiqot ishlari dasturlarini ishlab chiqish.2. Global iqlim oʻzgarishining respublika iqtisodiyoti tarmoqlariga salbiy taʼsirini kamaytirish boʻyicha ilmiy asoslangan takliflar tayyorlash.3. Sohaga ilmiy-innovatsion yangiliklarni joriy qilish boʻyicha takliflar ishlab chiqish hamda ilmiy-tadqiqot ishlarini bajarish.4. Suvni tejaydigan texnologiyalar samaradorligini oshirishning ilmiy asoslarini takomillashtirish hamda innovatsion loyihalarni amalga oshirish.Oʻrta boʻgʻinSuv xoʻjaligi obyektlarini ekspluatatsiya qilish agentligivazirning birinchi oʻrinbosari — Suv xoʻjaligi obyektlarini ekspluatatsiya qilish agentligi direktori1. Tasdiqlangan suv olish limitlari, grafiklari va taqsimoti asosida suv yetkazib berilishini hamda suv resurslaridan samarali foydalanishni taʼminlash.2. Nasos stansiyalari ish rejimini tartibga solish hamda elektr energiyasi isteʼmolini kamaytirish choralarini koʻrish.3. “Suv yetkazib berish xizmati” davlat muassasalari xizmat koʻrsatadigan hududda suv resurslarini boshqarish va hisobga olishda uslubiy va amaliy yordam koʻrsatish.4. Suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash.5. Kollektor-drenaj tarmoqlari va ulardagi inshootlarni rekonstruksiya qilish va taʼmirlash-tiklash hamda yerlarning meliorativ barqarorligini taʼminlash ishlarini belgilangan tartibda tashkil qilish.Suv xoʻjaligi loyihalarini amalga oshirish departamentiDepartament direktori1. Loyihalarni amalga oshirish yuzasidan tizimli monitoring yuritish, shuningdek, buyurtmachi va pudratchi tashkilotlar tomonidan shaharsozlik normalari va qoidalari talablariga rioya etilishini taʼminlash.2. Suv xoʻjaligi obyektlarini qurish, rekonstruksiya qilish va taʼmirlash-tiklash ishlari boʻyicha loyihalarning loyiha-smeta hujjatlarini belgilangan tartibda ishlab chiqish, ekspertizadan oʻtkazish va bosh pudrat tashkilotlarini tender savdolari asosida aniqlash hamda tegishli shartnomalarni rasmiylashtirishni nazorat qilish.3. Investitsiya loyihalarini amalga oshirish boʻyicha tender savdolari asosida bosh pudrat tashkilotlarini belgilangan tartibda aniqlash hamda tegishli shartnomalarni rasmiylashtirish.4. Suv xoʻjaligi sohasidagi loyiha-qidiruv ishlarini belgilangan tartibda ilmiy-texnik jihatdan kuzatishni tashkil qilish.“Suv xoʻjaligida bozor mexanizmlarini joriy qilish” davlat muassasasivazir oʻrinbosari1. Suv obyektlaridan baliqchilik maqsadlarida foydalanish imkoniyatlarini kengaytirish.2. Suv xoʻjaligi obyektlarining sohil boʻyi mintaqa zonalari auksion orqali ijaraga berilishini tashkil etish.3. Sohil boʻyi mintaqalari boʻyicha normativ hujjatlarni qayta koʻrib chiqish.4. Suv oqimlarini boshqarishda daryo oʻzanlari hamda qirgʻoqlaridan foydalanishni tartibga solish.Quyi boʻgʻin“Suv yetkazib berish xizmati” davlat muassasalariEkspluatatsiya agentligi 1. Belgilangan limitlar asosida suv isteʼmolchilariga suv yetkazib berish.2. Oʻziga biriktirilgan hududda suvning hisobi va hisobotini yuritish.3. Sugʻorish tarmoqlari va ulardagi gidrotexnik inshootlarni himoya zonalari bilan birgalikda soz holatda saqlash, taʼmirlash-tiklash ishlarini amalga oshirish.4. Isteʼmolchilar kesimida yetkazib berilgan suv hajmi toʻgʻrisidagi maʼlumotlarni soliq organlariga taqdim etib borish.5. Oʻz hisobidagi suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisobotini yuritishni raqamlashtirish.

Oʻzbekiston Respublikasi Prezidentining 2024-yil 7-maydagi PF-74-son Farmoniga 5-ILOVA

Suv xoʻjaligi vazirligi va uning tuzilmasidagi faoliyati Davlat budjetidan moliyalashtiriladigan tashkilotlar xodimlarining mehnatiga haq toʻlash va ularni moddiy ragʻbatlantirishda qoʻllanadigan

KOEFFITSIYENTLAR VA USTAMALAR

T/rSuv xoʻjaligi vazirligi tarkibiy tuzilmasiMehnatga haq toʻlashning tasdiqlangan razryadlariga muvofiq lavozim maoshini belgilashda tarif koeffitsiyentlarini oshirish miqdori *Koʻp yillik mehnati uchun lavozim maoshiga har oylik ustama miqdorlari **1.Vazirlik markaziy apparati1,81 — 5 yil — 0,25 — 10 yil — 0,310 — 20 yil — 0,420 yildan ortiq — 0,6 2.Suv xoʻjaligi obyektlarini ekspluatatsiya qilish agentligi1,82.1.Qoraqalpogʻiston Respublikasi Suv xoʻjaligi vazirligi, irrigatsiya tizimlari havza boshqarmalari1,42.2.Magistral kanallar (tizimlar) boshqarmalari1,42.3.Irrigatsiya tizimi boshqarmalari1,42.4.Nasos stansiyalari va energetika boshqarmalari1,42.5.Meliorativ ekspeditsiyalar1,42.6.Qarshi magistral kanalidan foydalanish boshqarmasi ***1,42.7.Amu-Buxoro mashina kanalidan foydalanish boshqarmasi ***1,42.7.1.Amu-Buxoro mashina kanali Olot tuman boshqarmasi ***1,42.7.2.Amu-Buxoro mashina kanali Qiziltepa tuman boshqarmasi1,42.8.Qirgʻoq himoyalovchi dambalar va oʻzan rostlovchi inshootlar boshqarmasi1,42.9.Jizzax bosh nasos stansiyasi boshqarmasi1,42.10.Suv omborlaridan foydalanish boshqarmalari1,42.11.Orolboʻyi delta boshqarmasi1,42.12.Tuyamoʻyin gidrouzelidan foydalanish boshqarmasi ***1,42.13.Amudaryo chap qirgʻoq himoya dambalar boshqarmasi1,42.14.Navoiy viloyati suv omborlari va yirik gidrotexnika inshootlaridan foydalanish boshqarmasi1,42.15.Zarafshon magistral tizimidan foydalanish boshqarmasi1,42.16.Fargʻona vodiysi magistral kanallaridan foydalanish boshqarmasi1,42.16.1Katta Fargʻona magistral kanali boshqarmasi1,42.17.Janubiy Mirzachoʻl kanalidan foydalanish boshqarmasi1,43.Suv xoʻjaligi loyihalarini amalga oshirish departamenti1,84.Suv xoʻjaligi obyektlari xavfsizligini va suvdan foydalanishni nazorat qilish inspeksiyasi1,84.1.Suv xoʻjaligi obyektlari xavfsizligini va suvdan foydalanishni nazorat qilish inspeksiyasining hududiy boshqarmalari1,45.Suv xoʻjaligida islohotlar markazi1,86.Markaziy dispetcherlik va suv balansi xizmati1,87.Davlatlararo suv xoʻjaligini muvofiqlashtirish komissiyasining ilmiy-axborot markazi ****3,08. Baliqchilikni rivojlantirish markazi 1,88.1 Baliqchilikni rivojlantirish markazining hududiy boshqarmalari 1,4

* Yagona tarif setkasi boʻyicha mehnatga haq toʻlashning tasdiqlangan razryadlariga muvofiq, barcha xodimlarning lavozim maoshini belgilashda tarif koeffitsiyentining oshirilgan miqdori 2024-yil 1-iyuldan boshlab qoʻllanadi.

** Barcha xodimlarning koʻp yillik mehnati uchun har oylik ustamalar ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda va miqdorlarda suv xoʻjaligi sohasidagi davlat va xalqaro tashkilotlardagi ish stajidan kelib chiqib Suv xoʻjaligi vazirligi tomonidan (Davlatlararo suv xoʻjaligini muvofiqlashtirish komissiyasi ilmiy-axborot markazi uchun Orolni qutqarish xalqaro jamgʻarmasi tomonidan) tasdiqlanadigan tartib asosida 2025-yil 1-yanvardan boshlab toʻlanadi.

*** Respublika hududidan tashqaridagi suv xoʻjaligi obyektlarida mehnat faoliyatini yuritadigan ushbu tashkilotlar xodimlarining respublika hududidan tashqarida boʻlgan davri uchun lavozim maoshining 40 foizi miqdorida ustamalar qoʻllanadi.

**** Davlatlararo suv xoʻjaligini muvofiqlashtirish komissiyasi ilmiy-axborot markazi:

a) barcha xodimlariga mazkur Farmon kuchga kirgan kundan boshlab:

budjet muassasalari va tashkilotlari xodimlarini moddiy ragʻbatlantirish maxsus jamgʻarmasidan ustamalar toʻlanadi;

bayramlar munosabati bilan ikki oylik lavozim maoshi miqdorida mukofot pullari toʻlanadi;

bir oylik lavozim maoshi miqdorida moddiy yordam va har chorak yakuni bilan bir oylik lavozim maoshi miqdorida mukofot pullari toʻlanadi;

lavozim maoshini belgilashda tarif koeffitsiyentining oshirilgan miqdori qoʻllanadi;

b) ilmiy darajaga ega xodimlariga 2025-yil 1-yanvardan boshlab Vazirlar Mahkamasining 2019-yil 24-dekabrdagi 1030-son qarori bilan tasdiqlangan Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi tatbiq etiladi.

Oʻzbekiston Respublikasi Prezidentining 2024-yil 7-maydagi PF-74-son Farmoniga 6-ILOVA

Suv xoʻjaligi sohasida islohotlarni chuqurlashtirish va tizim faoliyatini transformatsiya qilish boʻyicha

“YOʻL XARITASI”

T/rTadbirlar nomiAmalga oshirish mexanizmiIjro muddatiMasʼul ijrochilar1.Suv xoʻjaligi obyektlarini ekspluatatsiya qilish agentligi faoliyatini yoʻlga qoʻyish, bunda:oʻrta va quyi boʻgʻinlarda suvni samarali boshqarishni tashkil qilish;suv hisobini yuritish hamda “Suv yetkazib berish xizmati” davlat muassasalari oʻrtasida taqsimlash;suv hisobining samaradorligini taʼminlash orqali suv soligʻi bazasini oshirish choralarini koʻrish;iqtisod qilingan resurslar (suv, energiya yoki ekspluatatsion xarajatlar) miqdoriga qarab, samaradorlik koʻrsatkichlari (KPI)ni joriy qilish choralarini koʻrishni koʻzda tutish.Hukumat qarori loyihasini ishlab chiqish va Vazirlar Mahkamasiga kiritish2024-yil 30-maySuv xoʻjaligi vazirligi (Sh. Xamrayev, R. Qarshiyev)2.Suv xoʻjaligi loyihalarini amalga oshirish departamenti faoliyatini yoʻlga qoʻyish, bunda:budjet mablagʻlari hisobidan amalga oshiriladigan loyihalarda buyurtmachi sifatida ishtirok etish;qurilishda zamonaviy va tejamkor texnologiyalarni keng qoʻllash;loyiha va qurilish ishlari belgilangan muddatlarda yakunlanishiga hamda innovatsion yechimlar joriy qilinishiga qarab, samaradorlik koʻrsatkichlari (KPI)ni joriy qilish choralarini koʻrishni koʻzda tutish.Hukumat qarori loyihasini ishlab chiqish va Vazirlar Mahkamasiga kiritish2024-yil 10-iyunSuv xoʻjaligi vazirligi (Sh. Xamrayev, D. Xojiaxmedov)3.Markaziy dispetcherlik va suv balansi xizmati faoliyatini yoʻlga qoʻyish, bunda:barcha manbalar boʻyicha suv resurslari toʻgʻrisidagi tezkor maʼlumotlarni uzluksiz, onlayn rejimda olish, tahlil qilish va zarur hollarda, tezkor choralar koʻrish tizimini yoʻlga qoʻyish;yer usti va yer osti suvlari toʻgʻrisida iqtisodiyot tarmoqlari kesimida maʼlumotlarni yigʻishda raqamli texnologiyalardan keng foydalanish.Vazir buyrugʻini ishlab chiqish va tasdiqlash2024-yil 20-iyunSuv xoʻjaligi vazirligi (Sh. Xamrayev), Kon-geologiya vazirligi(A. Kadirxodjayev)4.Suv xoʻjaligida islohotlar markazi faoliyatini yoʻlga qoʻyish, bunda:sohada olib borilayotgan islohotlarni chuqurlashtirib borish;tizimli muammolarni tahlil qilgan holda sohani strategik va innovatsion yechimlar hamda istiqbolli tashabbuslar asosida rivojlantirish yoʻnalishlarini belgilash;sohani raqamlashtirish hamda suv obyektlarining boshqaruviga xususiy sektorni jalb qilish;sohaga oid maʼnan eskirgan qoida va meʼyorlarni belgilovchi hujjatlarni zamon talablariga moslashtirish;suv xoʻjaligi tashkilotlarining faoliyatini ilgʻor xorijiy amaliyotlar asosida tashkil etish yoʻnalishlarini koʻzda tutish.Vazir buyrugʻini ishlab chiqish va tasdiqlash2024-yil 30-iyunStrategik islohotlar agentligi (B. Raxmatov),Suv xoʻjaligi vazirligi (Sh. Xamrayev, T. Butunbayev)5.“Suv xoʻjaligida bozor mexanizmlarini joriy qilish” davlat muassasasi faoliyatini yoʻlga qoʻyish, bunda:Ekologiya vazirligi huzuridagi “Xavfsiz daryo boshqarmasi” davlat muassasasining asosiy vosita va tovar-moddiy boyliklari hamda shtat birliklarini Suv xoʻjaligi vazirligiga oʻtkazish;Topshirish – qabul qilish tadbirlari2024-yil 15-iyunga qadarEkologiya vazirligi(J. Kazbekov),Suv xoʻjaligi vazirligi( X. Quvondiqov)suv xoʻjaligi obyektlarida bozor mexanizm-larini keng joriy qilishga oid qaror loyihasini ishlab chiqish va Vazirlar Mahkamasiga kiritish. Bunda:suv fondi yerlaridan samarali foydalanish;baliqchilik sanoatini yanada rivojlantirishga manfaatli imkoniyatlar yaratish;daryo oʻzanlarini suv resurslarini toʻgʻri boshqarilishini taʼminlagan holda tartibga solishni koʻzda tutish.Oʻzbekiston Respublikasi Prezidentining qarori loyihasini ishlab chiqish hamda Vazirlar Mahkamasiga kiritish2024-yil 20-iyulSuv xoʻjaligi vazirligi(Sh. Xamrayev, X. Quvondiqov),Savdo-sanoat palatasi(D. Vahobov)6.Suv xoʻjaligi sohasida korrupsiyaga qarshi kurashish tizimini takomillashtirish, komplayens nazorat hamda ichki audit yoʻnalishida faoliyat koʻrsatayotgan tarkibiy tuzilmalarning nizomlarini ishlab chiqish va tasdiqlash.Vazir buyrugʻi2024-yil 15-iyunSuv xoʻjaligi vazirligi (Sh. Xamrayev),Korrupsiyaga qarshi kurashish agentligi (A. Burxonov)7.1. Tabiiy suv obyektlarining suv fondi yerlarini Suv xoʻjaligi vazirligi balansiga oʻtkazish.Kadastr hujjatlarini rasmiylashtirish2024-yil 15-avgustViloyatlar hokimliklari,Suv xoʻjaligi vazirligi (X. Quvondiqov),Kadastr agentligi(F. Poʻlatov)2. Suv fondi yerlaridan foydalanish boʻyicha mahalliy hokimliklar tomonidan jismoniy va yuridik shaxslar bilan tuzilgan ijara shartnomalari Suv xoʻjaligi vazirligi tashkilotlari tomonidan qayta rasmiylashtirilishini taʼminlash.Shartnomalarni qayta rasmiylashtirish2024-yil yakuniga qadar3. Mahalliy ijro etuvchi hokimiyat organlari-ning sohil boʻyi mintaqalarini foydalanuvchi va ijarachilarga berish vakolatini bekor qilish.Vazirlar Mahkamasining qarori loyihasini ishlab chiqish2024-yil 20-iyulSuv xoʻjaligi vazirligi (X. Quvondiqov)8.Suv fondi yerlarini xatlovdan va doimiy foyda-lanish huquqini davlat roʻyxatidan oʻtkazish, bunda:kanal va kollektorlar ostidagi yerlarni hamda suv fondi yerlarining kadastrini shakllantirish boʻyicha 5 yillik dastur ishlab chiqish va Vazirlar Mahkamasiga kiritish;Hukumat qarori loyihasini ishlab chiqish va Vazirlar Mahkamasiga kiritish2024-yil 15-iyulSuv xoʻjaligi vazirligi (D. Xojiaxmedov),Iqtisodiyot va moliya vazirligi(A. Xaydarov),Kadastr agentligi(A. Allaberganov)Suv xoʻjaligi vazirligi(X. Quvondiqov),Iqtisodiyot va moliya vazirligi(A. Xaydarov)kadastr hujjatlarini rasmiylashtirish uchun 2024-yil Davlat budjeti parametrlarida Suv xoʻjaligi vazirligi va uning tizimidagi tashkilotlarga nazarda tutilgan mablagʻlarning yil yakuniga qadar iqtisod qilinishi kutilayotgan qismidan ajratib borish.Moliyalashtirishni ochish2024-yil 1-iyundan boshlab9.Suv xoʻjaligi vazirligining Davlat suv kadastrini muvofiqlashtirish hamda yagona suv balansini yuritish borasidagi faoliyatini yoʻlga qoʻyish, bunda:tegishli davlat idoralarining hisobdorligini belgilash;taqdim etilishi lozim boʻlgan maʼlumotlarning shaklini ishlab chiqish va davriyligini belgilash;suv hisobi yuritilishini raqamlashtirish choralarini koʻrish.Hukumat qarori loyihasini ishlab chiqish va Vazirlar Mahkamasiga kiritish2024-yil 15-avgustSuv xoʻjaligi vazirligi(Sh. Xamrayev),Ekologiya vazirligi(J. Kazbekov),Kon-geologiya vazirligi(A. Kadirxodjayev),Kadastr agentligi(F. Poʻlatov),Raqamlashtirish vazirligi(O. Pekos)10.Aholi tomorqa yerlariga suv yetkazib berish tizimini samarali tashkil etish boʻyicha tartib ishlab chiqish, bunda tomorqa yerlarda suv hisobi, shu jumladan, minimal soliq stavkasini belgilash orqali yuritilishini taʼminlash.Hukumat qarori loyihasini ishlab chiqish va Vazirlar Mahkamasiga kiritish2024-yil 10 avgustSuv xoʻjaligi vazirligi (R. Qarshiyev),Oʻzbekiston fermer, dehqon xoʻjaliklari va tomorqa yer egalari kengashi (A. Xaitov),Qoraqalpogʻiston Respublikasi Vazirlar Kengashi Raisi va viloyatlar hokimlari11.“Oʻzsuvqurilish” AJ va uning tarkibiga kiruvchi davlat ulushi mavjud boʻlgan korxonalar faoliyatini oʻrganish hamda ularning samaradorligini oshirish boʻyicha takliflar ishlab chiqish.Vazirlar Mahkamasiga taklif kiritish2024-yil 1-iyulDavaktiv agentligi (A. Ortiqov), Suv xoʻjaligi vazirligi (X. Quvondiqov),Qurilish va kommunal xoʻjaligi vazirligi (Sh. Xidoyatov),“Oʻzsuvqurilish” AJ (R. Umarov)12.Soha xodimlarining ish haqi miqdorlarini oshirish bilan bogʻliq qoʻshimcha xarajatlarni:2024-yilda Suv xoʻjaligi vazirligiga davlat budjetidan ajratilgan, shu jumladan nasos stansiyalarining elektr energiyasi xarajatlari uchun koʻzda tutilgan mablagʻlarning iqtisod qilinishi kutilayotgan qismi hisobidan qoplab borish;Xarajatlar smetasiga tegishli oʻzgartirishlar kiritish2024-yil may — dekabrSuv xoʻjaligi vazirligi(X. Quvondiqov),Iqtisodiyot va moliya vazirligi(A. Xaydarov)2025-yildan boshlab Oʻzbekiston Respublikasining Davlat budjeti parametrlarini shakllantirishda koʻzda tutish.Davlat budjeti toʻgʻrisidagi Qonun loyihasini ishlab chiqish2024-yil noyabr13.Suv xoʻjaligi obyektlari xavfsizligini va suvdan foydalanishni nazorat qilish inspeksiyasi faoliyati samaradorligini oshirish, bunda:Inspeksiyaga gidrotexnika inshootlarining xavfsizligi bilan bogʻliq huquqbuzarliklar haqidagi ishlarni koʻrib chiqish vakolatini berish;Suvdan foydalanish qoidalari buzilishi yuzasidan xabar bergan jismoniy shaxslarni ragʻbatlantirish tizimini joriy qilish;daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallarini noqonuniy qazib olish natijasida tabiatga yetkazilgan zarar uchun undirish vakolatini Inspeksiyaga oʻtkazish;Inspeksiya faoliyatida idoraviy formali kiyim-bosh va farqlash belgilarini joriy etish.Hukumat qarori loyihasini ishlab chiqish va Vazirlar Mahkamasiga kiritish2024-yil 1-avgustSuv xoʻjaligi vazirligi (Sh. Xamrayev, R. Raximov),Ekologiya vazirligi(O. Qudratov)14.Amudaryo va Sirdaryo havzalari suv xoʻjaligi birlashmalari hamda Davlatlararo suv xoʻjaligini muvofiqlashtirish komissiyasi ilmiy-axborot markazi faoliyatini oʻrganish, moddiy-texnik taʼminotini va mehnatga haq toʻlash tizimini yaxshilash hamda malakali ekspertlarni jalb qilish imkoniyatlarini oshirish.Hukumat qarori loyihasini ishlab chiqish va Vazirlar Mahkamasiga kiritish2024-yil 20-iyulSuv xoʻjaligi vazirligi (Sh. Xamrayev, T. Butunbayev),Amudaryo havzasi suv xoʻjaligi birlashmasi (M. Maxramov),Sirdaryo havzasi suv xoʻjaligi birlashmasi (O. Xolxoʻjayev),Davlatlararo suv xoʻjaligini muvofiqlashtirish komissiyasi ilmiy-axborot markazi (D. Ziganshina)15.Suvdan maxsus foydalanish va suvni maxsus isteʼmol qilish uchun zarur boʻlmagan ruxsatnomalar berish bilan bogʻliq ortiqcha jarayonlarni bekor qilish.Vazirlar Mahkamasiga taklif kiritish2024-yil 15-iyunSuv xoʻjaligi vazirligi (Sh. Xamrayev),Ekologiya vazirligi (O. Qudratov),Kon-geologiya vazirligi (A. Kadirxodjayev)16.Shoʻr yuvish tadbirlarini amalga oshirish maqsadida yetkazib beriladigan suv miqdorining hisobi, shu jumladan, minimal soliq stavkasini belgilash orqali, yuritilishini taʼminlash.Hukumat qarori loyihasini ishlab chiqish2024-yil 10-iyulSuv xoʻjaligi vazirligi (Sh. Xamrayev),Raqamlashtirish vazirligi(O. Pekos)17.Kadrlar tayyorlash, tanlash va joy-joyiga qoʻyishning samarali mexanizmlarini joriy qilish, ularning malakasini oshirish orqali salohiyatini mustahkamlash choralarini koʻrish.Chora-tadbirlar dasturini ishlab chiqish2024-yil 20-sentabrSuv xoʻjaligi vazirligi (Sh. Xamrayev, T. Butunbayev),“TIQXMMI” milliy tadqiqot universiteti (B. Mirzayev)18.Sohada vujudga kelayotgan muammolarning zamonaviy ilmiy ishlanmalar asosida yechimini topish hamda ilmiy faoliyatni kuchaytirish, bunda:ilmiy laboratoriyalar faoliyatini samarali tashkil etish;amalda tatbiq etiladigan ilmiy izlanishlarni ragʻbatlantirish;suv xoʻjaligida obyektlar qurilishi, resurs tejovchi texnologiyalar joriy qilinishi va boshqa ilmiy yechimlar zarur boʻlgan yoʻnalishlarda ilmiy kuzatuvni tashkil qilish.Chora-tadbirlar dasturini ishlab chiqish2024-yil 15-oktabrSuv xoʻjaligi vazirligi (Sh. Xamrayev, T. Butunbayev),ISMITI(A. Oʻrazkeldiyev)19.Sohada oʻzaro integratsiya tizimini inobatga olgan holda zamonaviy axborot-kommunikatsiya texnologiyalarini joriy etish yoʻnalishlarini belgilash.Chora-tadbirlar dasturini ishlab chiqish2024-yil 20-avgustSuv xoʻjaligi vazirligi (Sh. Xamrayev, T. Butunbayev),Raqamlashtirish vazirligi(A. Pekos),Iqtisodiyot va moliya vazirligi(A. Xaydarov)20.2024 — 2026-yillarga moʻljallangan cuv resurslarini boshqarish va irrigatsiya sektorini rivojlantirish strategiyasi loyihasini ishlab chiqish.Oʻzbekiston Respublikasi Prezidentining qarori loyihasini ishlab chiqish hamda Vazirlar Mahkamasiga kiritish2024-yil 30-iyunSuv xoʻjaligi vazirligi (Sh. Xamrayev)21.Suv xoʻjaligi vazirligiga davlat budjetidan ajratilgan mablagʻlarning, shu jumladan, nasos stansiyalarining elektr energiyasi xarajatlarini qoplash uchun koʻzda tutilgan mablagʻlarning iqtisod qilinishi kutilayotgan qismini amalga oshirilishi belgilangan tadbirlarni moliyalashtirish uchun qayta taqsimlash boʻyicha takliflar kiritish.Suv xoʻjaligi vazirligi tizimidagi tashkilotlar tomonidan nasos stansiyalari va vertikal sugʻorish quduqlarini ishlatish uchun 2024-yilda sarflanadigan elektr energiyasi miqdori ushbu maqsadlar uchun davlat budjetidan ajratilgan mablagʻlarning aniqlangan rejasiga muvofiqlashtirilishini taʼminlash.Vazirlar Mahkamasiga taklif kiritishHar oy yakuni bilanSuv xoʻjaligi vazirligi (Sh. Xamrayev, X. Quvondiqov)22.2025-yilda suv xoʻjaligi infratuzilmasini yaxshilash boʻyicha zarur jarayonlarni jadallashtirish, bunda:Oʻzbekiston Respublikasining ijtimoiy va ishlab chiqarish infratuzilmasini rivojlanti-rish dasturiga 2025 — 2027-yillarda kiritiladigan irrigatsiya va melioratsiya obyektlari boʻyicha hududiy dasturlarni shakllantirish;shakllantirilgan takliflarni Vazirlar Mahkamasiga kiritish.Dasturga takliflar kiritishDasturga takliflar kiritish2024-yil 15-may2024-yil 30-mayQoraqalpogʻiston Respublikasi Vazirlar kengashi va viloyatlar hokimliklari,Suv xoʻjaligi vazirligi (D. Xojiaxmedov)Iqtisodiyot va moliya vazirligi (S. Saʼdullayev), Suv xoʻjaligi vazirligi (D. Xojiaxmedov)23.“Termiz suv yoʻllari texnik uchastkasi”, “Xoʻjayli suv yoʻllari texnik uchastkasi” va “Cholish suv yoʻllari texnika boʻlimi” davlat muassasalarini Suv xoʻjaligi vazirligining Suv xoʻjaligi obyektlarini ekspluatatsiya qilish agentligi tizimiga oʻtkazish va ularning faoliyatini respublika budjetidan moliyalashtirish.Ushbu muassasalarning moddiy-texnika bazasini yanada mustahkamlash, shu jumladan, texnik flot kemalari, yordamchi kemalar va mexanizmlarni xarid qilish, jihozlash hamda mavjudlarida taʼmirlash-tiklash ishlarini amalga oshirish boʻyicha uch yillik dastur ishlar chiqish.Ushbu korxonalar uchun malakali xodimlarni tayyorlash maqsadida “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universitetida alohida qayta tayyorlash va malaka oshirish kurslarini tashkil etish.Amaliy chora-tadbirlarVazirlar Mahkamasiga taklif kiritishAmaliy chora-tadbirlar2024-yil 30-iyun2024-yil 30-iyun2024-yil 1-sentabrSuv xoʻjaligi vazirligi (Sh. Xamrayev),Iqtisodiyot va moliya vazirligi(A. Xaydarov)Suv xoʻjaligi vazirligi(Sh. Xamrayev),Iqtisodiyot va moliya vazirligi(A. Xaydarov)Oliy taʼlim, fan va innovatsiyalar vazirligi(Q. Sharipov)Suv xoʻjaligi vazirligi (Sh. Xamrayev)24.Mavsumiy toshqinlar va sel kelishi oqibatida respublikadagi daryo, soy va kanallar suv oʻtkazish qobiliyati kamayib ketishining oldini olish boʻyicha yagona tizimi yaratish maqsadida idoralararo ishchi guruh tuzish.Amaliy chora-tadbirlar2024-yil 1-iyunVazirlar Mahkamasi(A. Ramatov),FVV (A. Kuldashev)Suv xoʻjaligi vazirligi (Sh. Xamrayev)

Izoh: normativ-huquqiy va idoraviy hujjatlar huquqiy munosabatlarni tartibga solish predmeti va sohasiga qarab qayta koʻrib chiqilishi yoki yagona hujjatga birlashtirilishi mumkin.

Oʻzbekiston Respublikasi Prezidentining 2024-yil 7-maydagi PF-74-son Farmoniga 7-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritiladigan oʻzgartirish va qoʻshimchalar

1. Oʻzbekiston Respublikasi Prezidentining 2019-yil 23-oktabrdagi “Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini tasdiqlash toʻgʻrisida”gi PF-5853-son Farmoniga 2-ilovaning 39-pozitsiyasi chiqarib tashlansin.

2. Oʻzbekiston Respublikasi Prezidentining 2020-yil 10-iyuldagi “Oʻzbekiston Respublikasi suv xoʻjaligini rivojlantirishning 2020 — 2030-yillarga moʻljallangan konsepsiyasini tasdiqlash toʻgʻrisida”gi PF-6024-son Farmoniga 1-ilovada:

a) 5.3-bandning “a” kichik bandi quyidagi mazmundagi beshinchi xatboshi bilan toʻldirilsin:

“gidrotexnika inshootlaridan foydalanish davrida favqulodda vaziyat yuzaga kelishi natijasida boshqa shaxslarning hayotiga, sogʻligʻiga va (yoki) mol-mulkiga, shuningdek, atrof-muhitga zarar yetkazilganligi uchun ushbu inshootlardan foydalanuvchi tashkilotlarning fuqarolik javobgarligini sugʻurta qilish”;

b) 5.9-bandi “a” kichik bandining beshinchi xatboshisi quyidagi tahrirda bayon etilsin:

“suv olish limitlarini aholi va iqtisodiyot tarmoqlari, shu jumladan, qishloq xoʻjaligi uchun ularning ustuvorligidan kelib chiqib belgilash va tasdiqlash uchun xalq deputatlari tuman Kengashlariga kiritish”;

v) 6.1-bandning “a” kichik bandidagi “2023” raqami “2024” raqami bilan almashtirilsin.

3. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovada:

a) “5. Suv xoʻjaligi vazirligi” boʻlimi quyidagi tahrirda bayon etilsin:

“ 5. Suv xoʻjaligi vazirligi Suv xoʻjaligi vazirligi 229 229 shu jumladan, vazir oʻrinbosarlari soni 4 4 1. Suv xoʻjaligi obyektlarini ekspluatatsiya qilish agentligi 1 084 1 084 shu jumladan, direktor oʻrinbosarlari soni 2 2 2. Suv xoʻjaligi obyektlari xavfsizligini va suvdan foydalanishni nazorat qilish inspeksiyasi 182 182 shu jumladan, boshliq oʻrinbosarlari soni 1 1 ”;

b) izoh qismida:

5.6-kichik band quyidagi tahrirda bayon etilsin:

“5.6. Suv xoʻjaligi vazirligi tizimida Suv xoʻjaligida islohotlar markazi, Markaziy dispetcherlik va suv balansi xizmati, Suv xoʻjaligi loyihalarini amalga oshirish departamenti, Zarafshon magistral tizimidan foydalanish boshqarmasi, Fargʻona vodiysi magistral kanallaridan foydalanish boshqarmasi (sh.j. Katta Fargʻona magistral kanali boshqarmasi), Janubiy Mirzachoʻl kanalidan foydalanish boshqarmasi”;

quyidagi mazmundagi 5.6.1-kichik band bilan toʻldirilsin:

“5.6.1. Suv xoʻjaligi obyektlarini ekspluatatsiya qilish agentligi tizimida Qoraqalpogʻiston Respublikasi Suv xoʻjaligi vazirligi, irrigatsiya tizimlari havza boshqarmalari, magistral kanallar (tizimlar) boshqarmalari, irrigatsiya tizimi boshqarmalari (sh.j. Orolboʻyi delta boshqarmasi, Amudaryo chap qirgʻoq himoya dambalar boshqarmasi), nasos stansiyalari va energetika boshqarmalari, meliorativ ekspeditsiyalar, Qarshi magistral kanalidan foydalanish boshqarmasi, Amu-Buxoro mashina kanalidan foydalanish boshqarmasi (sh.j. Amu-Buxoro mashina kanali Olot tumani boshqarmasi, Amu-Buxoro mashina kanali Qiziltepa tumani boshqarmasi), Qirgʻoq himoyalovchi dambalar va oʻzan rostlovchi inshootlar boshqarmasi, Jizzax bosh nasos stansiyasi boshqarmasi, suv omborlaridan foydalanish boshqarmalari (sh.j. Navoiy viloyati suv omborlari va yirik gidrotexnika inshootlaridan foydalanish boshqarmasi), Tuyamoʻyin gidrouzelidan foydalanish boshqarmasi”.

4. Oʻzbekiston Respublikasi Prezidentining 2023-yil 20-iyundagi “Maʼmuriy islohotlar doirasida suv xoʻjaligi sohasida davlat boshqaruvini samarali tashkil qilish chora-tadbirlari toʻgʻrisida”gi PF-101-son Farmoniga 3-ilovaning 13-pozitsiyasi chiqarib tashlansin.

5. Oʻzbekiston Respublikasi Prezidentining 2024-yil 17-yanvardagi “Suv havzalarida noruda materiallarni qazib olishni tartibga solish chora-tadbirlari toʻgʻrisida”gi PF-14-son Farmonida:

a) 3-bandning ikkinchi xatboshisi “Xavfsiz daryo boshqarmasi” davlat muassasasi,” soʻzlari “suv xoʻjaligi tashkilotlari, “Suv xoʻjaligida bozor mexanizmlarini joriy qilish” davlat muassasasi,” soʻzlari bilan almashtirilsin;

b) 5-bandda:

birinchi xatboshi “Raqamli texnologiyalar vazirligi” soʻzlaridan keyin “Suv xoʻjaligi vazirligi,” soʻzlari bilan toʻldirilsin;

uchinchi xatboshidagi “tomonidan Soliq qoʻmitasiga” soʻzlari “tomonidan Suv xoʻjaligi vazirligi va Soliq qoʻmitasiga” soʻzlari bilan almashtirilsin.

6. Oʻzbekiston Respublikasi Prezidentining 2024-yil 21-fevraldagi “Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi PF-37-son Farmonida:

a) 25-bandning uchinchi xatboshisi quyidagi tahrirda bayon etilsin:

“2024-yil 31-dekabrga qadar suv kanallarini rekonstruksiya qilish ishlariga Davlat budjetidan qoʻshimcha ajratilgan 500 milliard soʻm hisobiga 1,5 ming kilometr sugʻorish tarmoqlarini betonlash ishlarini yakunlash choralari koʻrilsin”;

b) 3-ilova 6-pozitsiyasining “Ijro muddati” ustunidagi “mart” soʻzi “dekabr” soʻzi bilan almashtirilsin.

8. Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qaroriga 2-ilovaning 181 va 501-pozitsiyalari chiqarib tashlansin.

9. Oʻzbekiston Respublikasi Prezidentining 2023-yil 24-martdagi “Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida”gi PQ-102-son qaroriga 1-ilovaning 485-pozitsiyasi va 2-ilovaning 53-pozitsiyasi chiqarib tashlansin.

10. Oʻzbekiston Respublikasi Prezidentining 2023-yil 24-maydagi “Raqamli xizmatlar qamrovi va sifatini oshirish hamda soha, tarmoq va hududlarni raqamli transformatsiya qilish chora-tadbirlari toʻgʻrisida”gi PQ-162-son qaroriga 1-ilovaning 3-pozitsiyasi “Muddati” ustunidagi “2024-yil mart” soʻzlari “2025-yil yanvar” soʻzlari bilan almashtirilsin.

11. Oʻzbekiston Respublikasi Prezidentining 2023-yil 31-maydagi “Ekologiya, atrof-muhitni muhofaza qilish va iqlim oʻzgarishi vazirligi faoliyatini samarali tashkil etish chora-tadbirlari toʻgʻrisida”gi PQ-171-son qarorida:

2-ilovaning 7-pozitsiyasi chiqarib tashlansin;

3-ilovadan “Xavfsiz daryo boshqarmasi” davlat muassasasi” bloki chiqarib tashlansin.

13. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qaroriga 1-ilovada:

9-pozitsiyaning “Ijro muddati” ustunidagi “sentabr” soʻzi “dekabr” soʻzi bilan almashtirilsin;

13-pozitsiyaning “Chora-tadbirlar” ustunidan “va javobgarligini kuchaytirish” soʻzlari chiqarib tashlansin.

14. Vazirlar Mahkamasining 2018-yil 12-dekabrdagi “Suv xoʻjaligi tashkilotlari tomonidan sanoat va energetika tashkilotlariga texnik suv yetkazib berish boʻyicha koʻrsatilgan xizmatlar uchun haq toʻlash tartibi toʻgʻrisidagi nizomni tasdiqlash haqida”gi 1008-son qarorining 3-bandi quyidagi tahrirda bayon etilsin:

“3. Oʻzbekiston Respublikasi Suv xoʻjaligi vazirligi manfaatdor vazirliklar va idoralar bilan birgalikda texnik suv yetkazib beriladigan sanoat va energetika tashkilotlarini bir oy muddatda xatlovdan oʻtkazsin hamda ular bilan belgilangan tartibda texnik suv yetkazib berish xizmati toʻgʻrisida shartnomalarni rasmiylashtirsin”.

15. Vazirlar Mahkamasining 2021-yil 8-apreldagi “Oʻzbekiston Respublikasi Suv xoʻjaligi vazirligi Irrigatsiya va suv muammolari ilmiy-tadqiqot institutining mintaqaviy markazlarini tashkil etish chora-tadbirlari toʻgʻrisida”gi 191-son qarorida:

a) 6-bandning birinchi xatboshisi “hamda uning tizimiga kiruvchi” soʻzlaridan keyin “mintaqaviy markazlar,” soʻzlari bilan toʻldirilsin;

b) 8-band quyidagi tahrirda bayon etilsin:

“8. Belgilansinki, institut va uning tizimiga kiruvchi mintaqaviy markazlar, ilmiy-tajriba stansiyalari va uchastkalarining xodimlariga Oʻzbekiston Respublikasi Fanlar akademiyasi ilmiy-tadqiqot institutlarining tegishli lavozimlari uchun nazarda tutilgan mehnatga haq toʻlash va moddiy ragʻbatlantirish shartlari tatbiq etiladi”.