Pilla yetishtirish va ipakchilik sohasida bozor mexanizmlarini joriy qilishni jadallashtirish boʻyicha qoʻshimcha chora-tadbirlar toʻgʻrisida (PF-72-son)
03.05.2024
Oʻzbekiston Respublikasi Prezidentining
Farmoni
Mamlakatimizda pilla yetishtirish va ipakchilik sohasida investitsiya muhitini yanada yaxshilash, xomashyo bazasini kengaytirish hamda ipak qurti urugʻi hajmlarini keskin koʻpaytirish, pilla yetishtiruvchilarni qoʻllab-quvvatlash va yangi ishlab chiqarish quvvatlarini ishga tushirish orqali sohadagi bandlikni ikki baravarga oshirish, shuningdek, bozor mexanizmlarini joriy qilish ishlarini jadallashtirish maqsadida:
1. Pilla yetishtirish va ipakchilik sohasini yangi bosqichga olib chiqishning ustuvor yoʻnalishlari 1-ilovaga muvofiq belgilansin.
2. Pilla yetishtirish va ipakchilik sohasida 2024 — 2027-yillar davomida:
tutzorlar yer maydoni 160 ming gektarga, dala chetlaridagi yakka qator ekilgan tut daraxtlari soni 500 millionga;
respublikada ipak qurti urugʻiga boʻlgan ehtiyojni mahalliylashtirish darajasi 80 foizga;
respublikada ishlab chiqariladigan xom ipak sifati 5A klassga hamda uni qayta ishlash darajasi 75 foizga yetkazilsin.
3. Belgilansinki, Oʻzbekiston Respublikasi Prezidentining 2023-yil 1-iyundagi “Pillachilik sohasida kasanachilikni qoʻllab-quvvatlash hamda pilla yetishtirish uchun ozuqa bazasini yanada kengaytirishning qoʻshimcha chora-tadbirlari toʻgʻrisida”gi PF-85-son Farmonining 1-ilovasida nazarda tutilgan 105 ming gektar yer maydoni “E-auksion” elektron savdo platformasiga ijaraga berish uchun aniqlangan boshlangʻich bahosining 10 foizi miqdoridagi narx bilan joylashtiriladi.
Bunda, Ipakchilik va jun sanoatini rivojlantirish qoʻmitasi (keyingi oʻrinlarda — Qoʻmita) elektron onlayn auksion savdolari gʻoliblari tomonidan yer maydonlarida tutzorlar barpo etilishi va ulardan maqsadli foydalanilishi ustidan nazorat oʻrnatsin.
4. Oʻzbekiston Respublikasi Prezidenti maslahatchisi Sh.M. Gʻaniyev qishloq xoʻjaligi vaziri, ekologiya, atrof-muhitni muhofaza qilish va iqlim oʻzgarishi vaziri, Qoraqalpogʻiston Respublikasi Vazirlar Kengashi Raisi va viloyatlar hokimlari bilan birgalikda:
qishloq xoʻjaligi ekinlari joylashtirilgan dala chetlarida 2024 — 2027-yillarda 2-ilovaga muvofiq yakka qator tut koʻchatlari ekilishini taʼminlasin;
yangi tutzorlar barpo qilish maqsadida “E-auksion” elektron savdo platformasiga ijaraga berish uchun tut koʻchatlarini ekishga mos boʻlgan yer maydonlari toʻliq joylashtirilishiga hamda Oʻzbekiston Respublikasi Prezidentining 2023-yil 1-iyundagi “Pillachilik sohasida kasanachilikni qoʻllab-quvvatlash hamda pilla yetishtirish uchun ozuqa bazasini yanada kengaytirishning qoʻshimcha chora-tadbirlari toʻgʻrisida”gi PF-85-son Farmonining 2-ilovasida koʻrsatilgan prognoz koʻrsatkichlarning oʻz vaqtida bajarilishiga shaxsan javobgar etib belgilansin.
5. Shunday tartib oʻrnatilsinki, unga koʻra 2027-yilga qadar bosqichma-bosqich pillachilik sohasida aholining mavsumiy bandligini 2 millionga yetkazish maqsadida:
Oila va xotin-qizlar qoʻmitasi hamda Kambagʻallikni qisqartirish va bandlik vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda har chorakda ishsiz va band boʻlmagan aholi, shu jumladan, ayollar roʻyxatini Qoʻmitaga taqdim qiladi;
Qoʻmita ushbu roʻyxatga asosan pillachilik klasterlari bilan birgalikda pillani yetishtirish agrotexnikasi va pillani qayta ishlash koʻnikmalariga oʻqitish kurslarini tashkil qiladi;
mazkur kurslarni muvaffaqiyatli tamomlagan aholining bandligi ustuvor ravishda 105 ming gektar yer maydonida yangi tutzorlar barpo etish va dala chetlarida yangi tut koʻchatlari ekish hisobiga taʼminlanadi.
6. Oila va xotin-qizlar qoʻmitasi hamda Kambagʻallikni qisqartirish va bandlik vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda:
oʻquv kurslarini yuqori darajada tashkil qilish maqsadida vaqtinchalik oʻquv binolari ajratilishini va zarur sharoitlar yaratilishini taʼminlasin;
har chorakda ishsiz va band boʻlmagan aholini, shu jumladan, ayollarni pilla yetishtirish agrotexnikasiga va pillani qayta ishlash koʻnikmalariga oʻqitish boʻyicha grafiklarni tasdiqlab, ijrosini taʼminlasin.
Bosh vazir oʻrinbosari Z.B. Maxkamova zimmasiga mazkur bandda belgilangan tadbirlarni oʻz vaqtida va samarali amalga oshirish boʻyicha shaxsiy javobgarlik yuklatilsin.
7. “Oʻzbekipaksanoat” uyushmasi va uning tarkibidagi korxonalar tomonidan:
2024-yilda yetishtiriladigan pilla (tirik pilla)ning tavsiyaviy xarid narxini 25 foizga oshirish;
2024-yildan boshlab pillachilik klasterlari tomonidan yetishtirilgan pilla hosili uchun yakuniy hisob-kitoblarni amalga oshirish muddatini sentabr oyi etib belgilash yuzasidan oʻzaro kelishuvga erishilganligi maʼlumot uchun qabul qilinsin.
Fermer xoʻjaliklari va kasanachilar yetishtirgan pilla xomashyosi uchun pillachilik klasterlari tomonidan toʻlanadigan mablagʻlarning haqqoniyligini oʻrganish maqsadida Qoʻmita yakuniy hisob-kitoblar amalga oshirilgandan soʻng toʻlovlarni monitoring qilishni tashkil etsin.
8. Vazirlar Mahkamasi oʻn kun muddatda ipakchilik sohasiga 2026-yil 1-yanvarga qadar quyidagi imtiyozlarni qoʻllashni nazarda tutuvchi qonun loyihasini Oliy Majlis Qonunchilik palatasiga kiritsin:
uy sharoitida tirik pilla yetishtirish bilan shugʻullanuvchi (kasanachi)larni jismoniy shaxslardan olinadigan daromad soligʻidan ozod qilish;
kasanachilar mehnatiga haq toʻlashga yoʻnaltiriladigan mablagʻlarni, boʻshagan mablagʻlarni ularni moddiy ragʻbatlantirishga yoʻnaltirish sharti bilan ijtimoiy soliqdan ozod qilish;
ipakchilik sohasida ozuqa bazasi sifatida foydalaniladigan tutzorlar bilan band boʻlgan yer uchastkalari uchun yer soligʻini xalq deputatlari tuman (shahar) Kengashlari belgilagan soliq stavkalariga 0,1 koeffitsiyent qoʻllagan holda toʻlash.
9. Oʻzbekiston Respublikasining Soliq kodeksiga muvofiq:
oʻzi ishlab chiqargan oʻz qishloq xoʻjaligi mahsulotini realizatsiya qilishdan olingan foyda boʻyicha Soliq kodeksining 57-moddasida nazarda tutilgan mezonlarga javob beruvchi qishloq xoʻjaligi tovar ishlab chiqaruvchilari uchun foyda soligʻi nol stavkada qoʻllanilishi;
ipak qurti yetishtirish uchun foydalaniladigan qishloq xoʻjaligi korxonalari balansida boʻlgan mol-mulklarga yuridik shaxslarning mol-mulkiga solinadigan soliq solinmasligi maʼlumot uchun qabul qilinsin.
10. Qoʻmita:
2024-yil davomida Fargʻona va Xorazm viloyatlarida Ipakchilik ilmiy-tadqiqot instituti tasarrufidagi davlat muassasasi shaklidagi naslli urugʻchilik stansiyalari tashkil qilinishini;
2025-yil yakuniga qadar naslli urugʻchilik stansiyalarida mahalliy ipak qurti urugʻi ishlab chiqarilishini va pilla yetishtiruvchilarga sotilishini taʼminlasin.
11. Belgilansinki, 2024-yil pilla yetishtirish mavsumidan boshlab pillani qayta ishlovchi va pilla qurti urugʻini ishlab chiqaruvchi korxonalarga ular tomonidan bevosita pilla boquvchilarga yetkazib berilgan har bir quti ipak qurti urugʻi uchun respublika budjeti hisobidan 120 ming soʻm miqdorida subsidiya ajratish tartibi bekor qilinadi.
Qishloq xoʻjaligi vazirligi hamda Iqtisodiyot va moliya vazirligining 2024-yil Davlat budjeti parametrlarida qayd etib oʻtilgan subsidiyalarni ajratish uchun koʻzda tutilgan mablagʻlar hisobidan Qoʻmitaning asoslantirilgan hisob-kitoblariga asosan Fargʻona va Xorazm viloyatlarida naslli urugʻchilik stansiyalarini tashkil qilishga mablagʻ yoʻnaltirish toʻgʻrisidagi taklifi maʼqullansin.
12. Qishloq xoʻjaligi vazirligi quyidagilarni Vazirlar Mahkamasiga kiritsin:
Qoʻmita, Fargʻona va Xorazm viloyatlari hokimliklari bilan birgalikda bir oy muddatda 2024-yilda naslli urugʻchilik stansiyalarini tashkil qilish, ular uchun yer maydonlari ajratish, qurilish va jihozlash ishlarini tashkil etishni nazarda tutuvchi Hukumat qarori loyihasi;
Investitsiyalar, sanoat va savdo vazirligi bilan birgalikda uch oy muddatda naslli urugʻchilik stansiyalarida Oʻzbekiston sharoitiga mos, chidamli va unumdorligi yuqori mahalliy ipak qurti zotlarini yaratish maqsadida 2025-2026-yillarda xorijiy donor va hamkorlarning grantlarini jalb qilish boʻyicha aniq takliflar.
13. Pilla yetishtirish va ipakchilik sohasida 2024-2025-yillarda amalga oshiriladigan investitsiya loyihalarining roʻyxati 3-ilovaga muvofiq tasdiqlansin.
14. Tiklanish va taraqqiyot jamgʻarmasi pilla yetishtirish va ipakchilik sohasida amalga oshiriladigan naslli urugʻchilik stansiyalari tashkil etish, ipak matosi va ipak matosidan tayyor mahsulot hamda ipak mahsulotidan sohaga noanʼanaviy boʻlgan dori-darmon, kosmetika kabi tayyor mahsulotlarni ishlab chiqarish boʻyicha investitsiya loyihalarini moliyalashtirish uchun 2024 — 2026-yillarda tijorat banklariga, ularning buyurtmasiga asosan 3 yillik imtiyozli davr bilan 10 yil muddatga, yillik 4 foiz stavkada 15 million AQSH dollari miqdorida kredit liniyasini ochsin.
Bunda, kredit liniyasi hisobidan tijorat banklari tomonidan tadbirkorlik subyektlariga 3 yillik imtiyozli davr bilan 10 yil muddatga yillik 6 foiz stavkada (shundan 2 foiz bank marjasi) kreditlar ajratiladi.
Tiklanish va taraqqiyot jamgʻarmasi xarajatlari mutanosibligini taʼminlash maqsadida ushbu mablagʻlar Oʻzbekiston Respublikasi Prezidentining 2022-yil 19-apreldagi PQ-212-son qarori asosida Tiklanish va taraqqiyot jamgʻarmasining mablagʻlari hisobidan ochilgan kredit liniyasini maqbullashtirish evaziga ajratilishi inobatga olinsin.
15. Qishloq xoʻjaligi vazirligi, Veterinariya va chorvachilikni rivojlantirish qoʻmitasi bir oy muddatda quyidagilarni nazarda tutuvchi qaror loyihasini Vazirlar Mahkamasiga kiritsin:
yaylovlarni rivojlantirish, ulardan samarali foydalanish va muhofaza qilish boʻyicha masʼul organni belgilash;
“Yaylov xoʻjaligini rivojlantirish” uyushmasi hamda ilmiy-tadqiqot institutlarini Qoʻmita tarkibidan chiqargan holda faoliyatini takomillashtirish;
Veterinariya va chorvachilikni rivojlantirish qoʻmitasining qorakoʻlchilikni rivojlantirish, teri va jun sanoati yoʻnalishlari boʻyicha qoʻshimcha vazifalarini belgilash.
16. Keng jamoatchilik fikrini inobatga olib hamda tutlarning noyob navlarini saqlab qolish maqsadida Toshkent shahar, Shayxontohur tumani, Ipakchi koʻchasi, 1-uy manzilidagi bino va inshootlar ularga biriktirilgan yer uchastkasi bilan birgalikda Ipakchilik ilmiy-tadqiqot institutiga operativ boshqaruv huquqi asosida berilsin.
Ipakchilik ilmiy-tadqiqot instituti Toshkent shahar, Shayxontohur tumani, Ipakchi koʻchasi, 1-uy manziliga joylashtirilsin.
Institut oʻziga tegishli boʻsh turgan yer maydonlariga tut daraxtlarining noyob navlari ekilishini va ularning genofondini yanada mustahkamlash boʻyicha chora-tadbirlar amalga oshirilishini taʼminlasin.
17. Pillachilik sohasini bozor tamoyillari asosida rivojlantirishning aniq mexanizmlarini ishlab chiqish boʻyicha ishchi guruh 4-ilovaga muvofiq tarkibda tashkil etilsin.
Ishchi guruh 2024-yil 1-iyulga qadar mazkur Farmondan kelib chiqib, 2025-yil pilla yetishtirish mavsumidan boshlab pillachilik sohasini bozor tamoyillari asosida rivojlantirish yuzasidan takliflarni ishlab chiqsin va Vazirlar Mahkamasiga kiritsin.
18. Qishloq xoʻjaligi vazirligi ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Oʻzbekiston Respublikasi Prezidentining 2017-yil 29-martdagi “Oʻzbekipaksanoat” uyushmasi faoliyatini tashkil etish chora-tadbirlari toʻgʻrisida”gi PQ-2856-son qarori 5-bandining ikkinchi xatboshisidan “hamda maqomiga koʻra vazirga tenglashtiriladi” soʻzlari chiqarib tashlansin.
20. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev va qishloq xoʻjaligi vaziri I.Yu. Abduraxmonov belgilansin.
Farmon ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 3-may,
PF-72-son
Oʻzbekiston Respublikasi Prezidentining 2024-yil 3-maydagi PF-72-son Farmoniga 1-ILOVA
Pilla yetishtirish va ipakchilik sohasini yangi bosqichga olib chiqishning
USTUVOR YOʻNALISHLARI
1. Pilla yetishtirish va ipakchilik sohalarida bozor munosabatlari va halol raqobatni rivojlantirish uchun shart-sharoitlar yaratish, ishlab chiqarish zanjirining barcha ishtirokchilari uchun teng imkoniyatlar va imtiyozlar tizimini yoʻlga qoʻyish.
2. Pilla yetishtirish va ipakchilik sohasida erkin biznes muhitini yaratish hamda tadbirkorlarning sohaga kirishi va faoliyat yuritishi uchun oshkora qoidalarni qoʻllash orqali teng imkoniyatlar va ishlab chiqarish zanjirining barcha ishtirokchilari uchun manfaatli tizim yaratish.
3. Respublikada ochiq pilla bozorini tashkil etish, pillaning bozor narxlarida sotilishini tashkil etish orqali fermerlar, yakka tartibdagi tadbirkorlar va oʻzini oʻzi band qilgan shaxslarni pilla yetishtirishga jalb etish.
4. Ipak qurtining mahalliy zotlarini yaratishni ragʻbatlantirish, pilla yetishtiruvchilarni kafolatli ravishda sifatli ipak qurti bilan taʼminlash hamda ipak qurti ishlab chiqaruvchi va yetkazib beruvchilarning masʼuliyatini oshirish.
5. Sifatli ipak ishlab chiqarish, uni qayta ishlash darajasini oshirish va qoʻshilgan qiymatli tayyor mahsulot ishlab chiqarish uchun qulay sharoitlar yaratish.
6. Pilla yetishtirish va ipakni qayta ishlash jarayonlariga ilmiy-tadqiqot va tajriba-konstruktorlik ishlanmalarini keng joriy qilish.
Oʻzbekiston Respublikasi Prezidentining 2024-yil 3-maydagi PF-72-son Farmoniga 2-ILOVA
Qishloq xoʻjaligi ekinlari joylashtirilgan dala chetlarida 2024 — 2027-yillarda yakka qator tut koʻchatlari ekishning
PROGNOZ KOʻRSATKICHLARI
Oʻzbekiston Respublikasi Prezidentining 2024-yil 3-maydagi PF-72 son Farmoniga 3-ILOVA
Pilla yetishtirish va ipakchilik sohasida 2024-2025-yillarda amalga oshiriladigan investitsiya loyihalarining
ROʻYXATI
T/r Loyiha nomi Loyiha tashabbuskori Manzili Loyiha kiymati (ming dollar) shundan: Ishlab chiqarish kuvvati Yaratiladigan ish oʻrni Amalga oshirish muddati oʻz mablagʻi (ming dollar) Tiklanish va taraqqiyot jamgʻarmasi (ming dollar) Oʻlchov birligi natura mln soʻm Respublika buyicha jami: 60 600 30 600 30 000 x x 272 130,4 1 970 x 1. Ipak mato boʻyashni tashkil etish “Asaka Ipagi” MCHJ Asaka tumani 1 000 600 400 ming p.m. 30 2 232,0 40 2024-yil dekabr 2. Ipak mato ishlab chiqarish va boʻyashni tashkil etish “Oltinkoʻl Zar Ipagi” MCHJ Oltinkoʻl tumani 1 000 600 400 ming p.m. 30 2 232,0 40 2025-yil dekabr 3. Xom ipak va ipak momigʻi ishlab chiqarishni tashkil etish “Ulugʻnor Silk 7” MCHJ Ulugʻnor tumani 2 000 1 000 1 000 tonna 24 11 904,0 30 2025-yil dekabr 4. Xom ipak va ipak momigʻi ishlab chiqarishni tashkil etish “Boʻston Investment-Silk” MCHJ Boʻston tumani 2 000 1 000 1 000 tonna 24 11 904,0 30 2025-yil dekabr 5. Ipak trikotaj ishlab chiqarishni tashkil etish “Asaka Silkworm” MCHJ Asaka tumani 1 000 500 500 ming dona 100 13 640,0 100 2025-yil avgust 6. Ipak mato ishlab chiqarishni tashkil etish “Romstar” KQ Romitan tumani 3 500 1 500 2 000 ming p.m. 18 1 339,2 100 2025-yil dekabr 7. Ipak trikotaj ishlab chiqarishni tashkil etish “Silk Service” MCHJ Buxoro tumani 500 300 200 ming dona 50 6 820,0 30 2024-yil dekabr 8. Ipakdan tayyor kiyim-kechak ishlab chiqarishni tashkil etish “Gʻallaorol Silk Eksport” MCHJ Gʻallaorol tumani 500 300 200 ming dona 50 6 820,0 30 2024-yil dekabr 9. Xom ipak ishlab chiqarishni tashkil etish “Yakkabogʻ Silk Production” MCHJ Yakkabogʻ tumani 2 000 1 100 900 tonna 24 11 904,0 30 2024-yil dekabr 10. Xom ipak ishlab chiqarishni tashkil etish “Chiroqchi-Tolasi” MCHJ Chiroqchi tumani 2 000 1 100 900 tonna 24 11 904,0 30 2024-yil dekabr 11. Xom ipak ishlab chiqarishni tashkil etish “Pop Ipak Tolasi Invest” MCHJ Pop tumani 2 000 1 100 900 tonna 24 11 904,0 50 2024-yil dekabr 12. Xom ipak ishlab chiqarishni tashkil etish “Navoiy Silk Production 2020” MCHJ Karmana tumani 2 000 1 100 900 tonna 24 11 904,0 40 2024-yil dekabr 13. Ipak mato ishlab chiqarish va boʻyashni tashkil etish “Elbek T.R.J” MCHJ Pastdargʻom tumani 2 000 1 500 500 ming p.m. 60 4 464,0 50 2025-yil dekabr 14. Xom ipak va ipak momigʻi ishlab chiqarishni tashkil etish “Oltin Pilla 2020” MCHJ Chinoz tumani 2 000 1 100 900 tonna 24 11 904,0 30 2024-yil dekabr 15. Ipakdan tayyor kiyim-kechak ishlab chiqarishni tashkil etish “Nurli Tong Silk” MCHJ Margʻilon shahri 1 000 600 400 ming dona 100 13 640,0 100 2024-yil dekabr 16. Ipak mato ishlab chiqarish va boʻyashni tashkil etish “Xorazm Pilla Xolding” MCHJ Yangiariq tumani 2 000 1 300 700 ming p.m. 30 2 232,0 50 2024-yil dekabr 17. Ipak mato ishlab chiqarish va boʻyashni tashkil etish “Khiva Silk Fabric” MCHJ Xiva tumani 1 000 500 500 ming p.m. 60 4 464,0 50 2024-yil dekabr 18. Ipak mato ishlab chiqarishni tashkil etish “Bogʻot Silk Co” MCHJ Bogʻot tumani 1 000 500 500 ming p.m. 60 4 464,0 40 2025-yil dekabr 19. Ipak mato ishlab chiqarishni tashkil etish “Shovot Silk” MCHJ Shovot tumani 1 000 500 500 ming p.m. 12 892,8 30 2025-yil dekabr 20. Ipak qurti urugʻini ishlab chiqarishni tashkil etish “Platinum Silkworm” MCHJ Pastdargʻom tumani 5 000 2 000 3 000 ming kuti 20 2 976,0 100 2025-yil dekabr 21. Ipak gilam ishlab chiqarishni tashkil etish “Jayhun silk” MCHJ Amudaryo tumani 500 200 300 dona 20 297,6 20 2025-yil dekabr 22. Ipak mato ishlab chiqarishni tashkil etish “Bustan silk” MCHJ Ellikqalʼa tumani 500 200 300 ming p.m. 30 2 232 30 2025-yil dekabr 23. Ipak gilam ishlab chiqarishni tashkil etish “KKR Ipak cluster” MCHJ Beruniy tumani 500 200 300 dona 20 297,6 20 2025-yil dekabr 24. Xom ipak va ipak momigʻi ishlab chiqarishni tashkil etish “Turtkul silk carpets” MCHJ Toʻrtkoʻl tumani 500 200 300 tonna 10 4 340,0 20 2025-yil dekabr 25. Sanoat usulida (yarimavtomat dastgohda) ipak va jun aralashmali gilam ishlab chiqarish “Andijan silk co” MCHJ Marhamat tumani 1 000 500 500 dona 50 744,0 30 2025-yil dekabr 26. Ipak mato ishlab chiqarishni tashkil etish “Sapfir sanoat” MCHJ Shahrixon tumani 500 200 300 ming p.m. 30 2232,0 30 2025-yil dekabr 27. Ipak mato ishlab chiqarishni tashkil etish “Baliqchi ishonch pillachilik” MCHJ Baliqchi tumani 1 000 500 500 ming p.m 30 2232,0 20 2025-yil dekabr 28. Ipak gilam ishlab chiqarish “Kumushkent ipagi” MCHJ Vobkent tumani 500 200 300 dona 30 2232,0 20 2025-yil dekabr 29. Ipak mato ishlab chiqarishni tashkil etish “Gʻijduvon ipag tola” MCHJ Gʻijduvon tumani 1 500 500 1 000 ming p.m 100 7 440,0 100 2025-yil dekabr 30. Xom ipak va ipak momigʻi ishlab chiqarishni tashkil etish “Imastar” MCHJ Peshku tumani 1 000 500 500 tonna 10 4960,0 20 2025-yil dekabr 31. Ipak gilam ishlab chiqarishni tashkil etish “Silk expert processing” MCHJ Jizzax shahri 500 200 300 dona 20 297,6 20 2025-yil dekabr 32. Ipak gilam ishlab chiqarishni tashkil etish “Zomin asl ipak tolasi” XK Zomin tumani 500 200 300 dona 20 297,6 20 2024-yil dekabr 33. Ipak momigʻi ishlab chiqarishni tashkil etish “Al Abbos silk” MCHJ Jizzax shahri 500 200 300 tonna 10 4 340,0 20 2025-yil dekabr 34. Xom ipak va ipak momigʻi ishlab chiqarishni tashkil etish “Zafarobod Pilla Klaster” MCHJ Zafarobod tumani 1 000 500 500 tonna 24 11 904,0 30 2024-yil dekabr 35. Ipak mato ishlab chiqarishni tashkil etish “Radiant silk” MCHJ Qarshi shahri 1 000 500 500 ming p.m 20 1 488,0 30 2025-yil dekabr 36. Ipak gilam ishlab chiqarishni tashkil etish “Shakhrisabz silk production” MCHJ Shahrisabz tumani 500 200 300 dona 20 297,6 20 2025-yil dekabr 37. Ipak gilam ishlab chiqarishni tashkil etish “Al Aziz ipagi” MCHJ Navbahor tumani 500 200 300 dona 20 297,6 20 2025-yil dekabr 38. Ipak gilam ishlab chiqarishni tashkil etish “Qiziltepa Pillachilik” MCHJ Qiziltepa tumani 500 200 300 dona 20 297,6 20 2025-yil dekabr 39. Ipak mato ishlab chiqarishni tashkil etish “Xatirchi pilla xazinasi” XK Xatirchi tumani 1 000 500 500 ming p.m 60 4 464 100 2025-yil dekabr 40. Ipak kalava ishlab chiqarishni tashkil etish “Zilol silk” MCHJ Toʻraqoʻrgʻon tumani 2 000 500 1 500 tonna 9,2 6 844,80 30 2025-yil dekabr 41. Xom ipak va ipak momigʻi ishlab chiqarishni tashkil etish “Chortoq innovation silk” MCHJ Chortoq tumani 1 000 500 500 tonna 10 4 960,0 20 2024-yil dekabr 42. Xom ipak va ipak momigʻi ishlab chiqarishni tashkil etish “Yangi zamin ipagi” MCHJ Yangikoʻrgʻon tumani 1 000 500 500 tonna 10 4 960,0 20 2025-yil dekabr 43. Xom ipak va ipak momigʻi ishlab chiqarishni tashkil etish “Namangan sof pillasi” MCHJ Namangan tumani 1 000 500 500 tonna 10 4 960,0 20 2025-yil dekabr 44. Xom ipak va ipak momigʻi ishlab chiqarishni tashkil etish “Jomboy Silk-R” MCHJ Jomboy tumani 1 100 600 500 tonna 24 11 904,0 30 2024-yil dekabr 45. Ipak gilam ishlab chiqarishni tashkil etish “Oqdaryo ipagi” MCHJ Oqdaryo tumani 500 300 200 dona 20 297,6 20 2025-yil dekabr 46. Ipak mato ishlab chiqarishni tashkil etish “Samarkand silk AO” MCHJ Narpay tumani 1 000 600 400 ming p.m. 30 2 232,0 20 2025-yil dekabr 47. Ipak gilam ishlab chiqarishni tashkil etish “Ziyovuddin silk” MCHJ Paxtachi tumani 500 300 200 dona 20 297,6 20 2025-yil dekabr 48. Tayyor mahsulotlar ishlab chiqarishni tashkil etish “Urgut silk fiber company” MCHJ Urgut tumani 1 000 700 300 ming dona 100 13 640,0 100 2025-yil dekabr 49. Ipak gilam ishlab chiqarishni tashkil etish “Ishtixon silk” MCHJ Ishtixon tumani 500 300 200 dona 20 297,6 20 2025-yil dekabr 50. Xom ipak va ipak momigʻi ishlab chiqarishni tashkil etish “Tayloq ipagi” MCHJ Tayloq tumani 1 000 500 500 tonna 10 4 960,0 20 2025-yil dekabr 51. Xom ipak va ipak momigʻi ishlab chiqarishni tashkil etish “Zar oltin pilla” MCHJ Bulungʻur tumani 1 000 700 300 tonna 24 11 904,0 20 2025-yil dekabr 52. Ipak momigʻi ishlab chiqarishni tashkil etish “Movarounnahr silk road” MCHJ Boʻstonliq tumani 500 200 300 tonna 10 4 340,0 20 2025-yil dekabr 53. Ipak gilam ishlab chiqarish tashkil etish “Jinjuz silk co” MCHJ XK Ohangaron tumani 500 300 200 dona 20 297,6 20 2025-yil dekabr
Izoh: Ipakchilik va jun sanoatini rivojlantirish qoʻmitasining taklifiga asosan Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi tomonidan mazkur roʻyxatga oʻzgartirish va qoʻshimchalar kiritilishi mumkin.
Oʻzbekiston Respublikasi Prezidentining 2024-yil 3-maydagi PF-72-son Farmoniga 4-ILOVA
Pillachilik sohasini bozor tamoyillari asosida rivojlantirishning aniq mexanizmlarini ishlab chiqish boʻyicha ishchi guruh
TARKIBI
J. Xodjayev — Bosh vazir oʻrinbosari, ishchi guruh rahbari lavozimi boʻyicha — Qoraqalpogʻiston Respublikasi Vazirlar Kengashi Raisi va viloyatlar hokimlari I. Abduraxmonov — qishloq xoʻjaligi vaziri I. Ergashev — Ipakchilik va jun sanoatini rivojlantirish qoʻmitasi raisi lavozimi boʻyicha — “Oʻzbekipaksanoat” uyushmasi raisi A. Ortikov — Davlat aktivlarini boshqarish agentligi direktori A. Xaydarov — iqtisodiyot va moliya vazirining oʻrinbosari A. Qayumov — Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari A. Xaitov — Oʻzbekiston fermer, dehqon xoʻjaliklari va tomorqa yer egalari kengashi raisi Yu. Yusupov — mustaqil ekspert, “Iqtisodiy rivojlanishga koʻmaklashish markazi” nodavlat notijorat tashkiloti direktori lavozimi boʻyicha — Qishloq xoʻjaligi vazirligi boshqarma boshligʻi, ishchi guruh kotibi
Izoh. Ishchi guruh azʼolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.