Davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlarini tasdiqlash toʻgʻrisida (246-son)

29.04.2024

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Maktabgacha taʼlim va tarbiya toʻgʻrisida”gi Qonuniga muvofiq davlat maktabgacha taʼlim tashkilotlariga yuklangan vazifalar hamda 2024-yil uchun budjet siyosati konsepsiyasida belgilangan yoʻnalishlar ijrosini amalga oshirish, shuningdek, Davlat budjeti barqarorligini taʼminlash maqsadida Vazirlar Mahkamasi qaror qiladi:

1. Davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlari 1-ilovaga muvofiq tasdiqlansin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda maktabgacha va maktab taʼlimi vaziri X.U. Umarova zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 29-aprel,

246-son

Vazirlar Mahkamasining 2024-yil 29-apreldagi 246-son qaroriga 1-ILOVA

Davlat maktabgacha taʼlim tashkilotlarida bolalar taʼminoti uchun ota-onalar toʻlovi

MIQDORLARI

T/rTashkilot joylashgan hudud va unda bolalarning kunlik boʻlish vaqtiBir oylik toʻlov miqdori bazaviy hisoblash miqdoriga nisbatan (koeffitsiyentda)Tashkilotga qatnovchi oiladagi bitta bolaga Oiladagi har bir bolaga, agar tashkilotga bittadan ortiq bola qatnasa1.Toshkent shahri1.1.4-5 soat0,12380,08251.2.9 soat0,66020,47091.3.10,5 soat0,78640,56071.4.12 soat0,89080,63111.5.24 soat0,93930,66992.viloyat markazlari2.1.4-5 soat 0,11430,08012.2.9 soat0,63830,45152.3.10,5 soat 0,76460,54132.4.12 soat 0,84470,59472.5.24 soat 0,89320,63833.viloyat boʻysunuvidagi shaharlar3.1.4-5 soat 0,10190,07523.2.9 soat0,58740,41753.3.10,5 soat 0,66020,47093.4.12 soat0,75730,53883.5.24 soat 0,79610,56314.tuman markazlari4.1.4-5 soat 0,09220,06314.2.9 soat0,43200,32524.3.10,5 soat 0,58740,44424.4.12 soat 0,66750,50004.5.24 soat 0,70870,53165.boshqa joylar5.1.4-5 soat 0,08250,05835.2.9 soat0,30340,24515.3.10,5 soat 0,53400,42725.4.12 soat 0,62860,47095.5.24 soat0,66020,4976

Vazirlar Mahkamasining 2024-yil 29-apreldagi 246-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

ROʻYXATI

1. Vazirlar Mahkamasining “2021-yildan amalga kiritiladigan davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlarini tasdiqlash toʻgʻrisida” 2021-yil 29-apreldagi 256-son qarori.

2. Vazirlar Mahkamasining “Maktabgacha taʼlim sohasida davlat-xususiy sheriklik munosabatlarini zamonaviy raqamli texnologiyalar yordamida soddalashtirish chora-tadbirlari toʻgʻrisida” 2022-yil 2-avgustdagi 426-son qaroriga 6-ilovaning 5-bandi.

3. Vazirlar Mahkamasining “Budjet siyosatining 2023-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2023-yil 29-apreldagi 174-son qaroriga ilovaning 1-bandi.