Surxondaryo viloyatida madaniyat va sanʼat sohasini yanada rivojlantirish chora-tadbirlari toʻgʻrisida (240-son)

26.04.2024

Oʻzbekiston Respublikasi Vazirlar Mahkamasining

qarori

Surxondaryo viloyatida madaniyat, sanʼat hamda madaniy turizm sohasini rivojlantirish, shuningdek, milliy qadriyat va anʼanalarni keng targʻib etishga qaratilgan madaniy-maʼrifiy tadbirlar samaradorligini yanada oshirish maqsadida Vazirlar Mahkamasi qaror qiladi:

1. Madaniyat vazirligi va Surxondaryo viloyati hokimligining:

Surxondaryo viloyati aholisining madaniyat va sanʼat muassasalariga oilaviy kelishini hamda maroqli va mazmunli dam olishini tashkil etish maqsadida “Shanba — madaniyat kuni” loyihasini amalga oshirish;

Surxondaryo viloyatining oʻziga xos urf-odatlari, anʼana va qadriyatlari, baxshichilik, dostonchilik, raqs, amaliy sanʼat va milliy hunarmandchiligini aholi, ayniqsa, yosh avlodga keng targʻib etishga qaratilgan “Surxon madaniyati kunlari” bayram tadbirlarini 2024-yildan boshlab har ikki yilda bir marotaba respublika boʻylab oʻtkazish;

havaskorlik sanʼatining folklor ijrochiligi boʻyicha yosh avlod isteʼdodini erta aniqlash, ularni har tomonlama qoʻllab-quvvatlash va ragʻbatlantirish boʻyicha 2024-yildan boshlab “Ona zamin sadolari” respublika koʻrik-tanlovini anʼanaviy tarzda har ikki yilda bir marotaba Termiz shahrida oʻtkazish;

2024/2025 oʻquv yilidan boshlab Surxondaryo viloyatidagi barcha taʼlim tashkilotlarida ustozlar, oʻquvchi, talabalar, tarbiyalanuvchilarni mumtoz sanʼatimizning durdona asarlaridan bahramand qilish orqali yoshlarning milliy madaniy saviyasini oshirish maqsadida dars soatlaridan boʻsh (tanaffus) vaqtlarda “Musiqiy tanaffus” loyihasini amalga oshirish toʻgʻrisidagi takliflari maʼqullansin.

2. Quyidagilar:

Surxondaryo viloyatida madaniyat va sanʼat sohasini yanada rivojlantirish boʻyicha chora-tadbirlar dasturi 1-ilovaga muvofiq;

2024-yilda Surxondaryo viloyatining har bir tuman va shaharlarida namunali shaklda faoliyati yoʻlga qoʻyiladigan madaniyat markazlari roʻyxati 2-ilovaga muvofiq;

Surxondaryo viloyatidagi madaniyat markazlarida havaskorlik ansambllari hamda ijodiy jamoalarni tashkil etishning 2024 — 2027-yillarga moʻljallangan maqsadli koʻrsatkichlari 3-ilovaga muvofiq;

Surxondaryo viloyatidagi folklor-etnografik, ashula va raqs ansambllarining 2024 — 2027-yillarga moʻljallangan xorijiy gastrol safarlari rejasi 4-ilovaga muvofiq tasdiqlansin.

3. Surxondaryo viloyati hokimligi Madaniyat vazirligi bilan birgalikda:

ikki oy muddatda hududdagi “Boysun”, “Shalola”, “Boychechak”, “Chor-qarsak”, “Bulbuli-goʻyo” kabi folklor-etnografik jamoalari, ashula va raqs ansambllarining xalqaro festivallarda ishtirok etishini qoʻshma chora-tadbirlar dasturini tasdiqlagan holda tashkil etsin;

2024-yil 1-avgustga qadar Termiz shahrida tashkil etilayotgan Etnoshaharcha hududida Surxondaryo viloyati Madaniyat boshqarmasi tizimidagi tashkilotlarning shtat birliklarini maqbullashtirish hisobiga Termiz shahar Madaniyat boʻlimida 5 ta shtat birligidan iborat doimiy faoliyat koʻrsatuvchi Doʻmbira ustaxonasi va baxshichilik ekspozitsiyasi faoliyatini yoʻlga qoʻysin;

2024-yil 1-noyabrga qadar mazkur qarorga 2-ilovada keltirilgan roʻyxat asosida har bir tuman va shaharda konsert-tomosha zallari, kutubxona, kinozal va toʻgarak xonalari mavjud boʻlgan bittadan namunali madaniyat markazlari faoliyatini mahalliy budjetning qoʻshimcha manbalari hamda qonunchilik hujjatlarida taqiqlanmagan boshqa manbalar hisobidan yoʻlga qoʻysin;

2024-yil davomida hududning oʻziga xos nomoddiy madaniy merosini ilmiy oʻrganish asosida YUNESKOning Umumjahon merosi roʻyxatiga kiritilishi mumkin boʻlgan nomoddiy madaniy meros namunalarini aniqlash va hujjatlashtirish maqsadida mahalliy folklor ekspeditsiyalarini tashkil etsin;

2024-yil yakuniga qadar “Respublika baxshichilik sanʼati markazi” davlat muassasasida baxshichilik sanʼatining badiiy anʼanalarini saqlash maqsadida baxshilar tomonidan yaratilgan doston va termalarning “Oltin fondi”ni yaratsin va doimiy yangilab borilishini taʼminlasin;

mazkur qarorga 4-ilovaga muvofiq folklor-etnografik, ashula va raqs ansambllarining 2024 — 2027-yillarga moʻljallangan xorijiy gastrol safarlari rejasi asosida hududda faoliyat olib borayotgan ijodiy jamoalarni xorijiy gastrol safarlariga yuborilishini taʼminlasin;

tuman va shaharlarga biriktirilgan ijodiy maslahatchilarning tuman va shahar hokimliklari bilan faol hamkorligini yoʻlga qoʻysin hamda ularning joylarda samarali faoliyat yuritishlari uchun zarur sharoitlar yaratsin.

4. Surxondaryo viloyati hokimligi bir oy muddatda umumiy oʻrta taʼlim maktablari va madaniyat markazlarida barcha mavjud imkoniyatlardan samarali foydalangan hamda yoshlarning qiziqishlarini inobatga olgan holda, yoshlarni madaniyat va sanʼatga keng jalb etish, boʻsh vaqtlarini mazmunli oʻtkazishlarini samarali tashkil etishga qaratilgan toʻgaraklar faoliyatini yoʻlga qoʻysin. Bunda:

a) Madaniyat vazirligi, Maktabgacha va maktab taʼlimi vazirligi bilan birgalikda:

madaniyat markazlari tomonidan umumiy oʻrta taʼlim maktablarida toʻgaraklar faoliyatini belgilangan tartibda tashkil etish, toʻgaraklarni tegishli kadrlar bilan taʼminlash, madaniy-maʼrifiy tadbirlar, koʻrik-tanlovlarni muntazam oʻtkazishni yoʻlga qoʻysin hamda ularning mazmundorligini taʼminlasin;

tashkil etilgan toʻgaraklarning toʻlaqonli faoliyat yuritishi va tadbirlar oʻtkazish uchun umumiy oʻrta taʼlim maktablari binolaridan zarur xonalar ajratish va tegishli shart-sharoitlar yaratish hamda ularga oʻquvchi-yoshlar qatnovini tizimli yoʻlga qoʻysin;

b) madaniyat markazlari va umumiy oʻrta taʼlim maktablarini zarur musiqa cholgʻulari va boshqa jihozlar bilan taʼminlash boʻyicha masʼul etib Surxondaryo viloyati hokimligi belgilansin;

v) umumiy oʻrta taʼlim maktablari va maktabgacha taʼlim tashkilotlari oʻquvchi va tarbiyalanuvchilarining tanaffus va dam olish vaqtlarida mutaxassislar tomonidan saralangan milliy musiqiy toʻplam asosida maqom kuylari muntazam qoʻyib berilishini tashkil etsin;

g) 2024-yil yakuniga qadar tuman va shahar markaziy madaniyat markazlarining budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobidan har bir tuman va shahar markaziy madaniyat markazlarida jamoatchilik asosida faoliyat yuritadigan bittadan havaskor teatr jamoasi, vokal cholgʻu ansambli, ashula va raqs ansambli hamda namunaviy bolalar ansamblini tashkil etish choralarini koʻrsin.

5. Shunday tartib joriy etilsinki, unga koʻra Surxondaryo viloyati tajribasi sifatida 2024-yil sentabrdan boshlab:

respublika miqyosida va xalqaro koʻrik-tanlovlarda 1, 2 va 3-oʻrinlarni egallagan madaniyat markazlari toʻgarak ishtirokchilarining toʻgarak rahbarlari tegishlicha mehnatga haq toʻlashning eng kam miqdorining 6, 4 va 2 baravari miqdorida Madaniyat vazirligining budjetdan tashqari mablagʻlari hisobidan bir martalik pul mukofotlari bilan taqdirlanadi;

2024-yil yakuniga qadar madaniyat markazlarida faoliyat yuritayotgan ijodiy toʻgaraklar, studiyalar va kurslardan tashqari toʻgarak ishtirokchilariga aniq fanlarni oʻrganish boʻyicha qoʻshimcha xizmat turlarini joriy etish hamda toʻgarak ishtirokchilarida kreativ va innovatsion fikrlash koʻnikmalarini shakllantirish maqsadida “STEAM — taʼlim” dasturi joriy etiladi va yangi toʻgaraklar faoliyati yoʻlga qoʻyiladi;

madaniyat va sanʼat yoʻnalishidagi toʻgarak ishtirokchilarining ishlarini ommalashtirish, targʻib qilish hamda sotuvini yoʻlga qoʻyish boʻyicha oʻquvchi-yoshlarning ijodiy ishlari Maktabgacha va maktab taʼlimi vazirligining “Art shop” elektron doʻkonlari orqali dunyo bozoriga olib chiqiladi;

madaniyat va sanʼat taʼlim tashkilotlari oʻquvchi-yoshlari tomonidan ishlangan milliy qadriyatlarni targʻib etuvchi tasviriy va amaliy sanʼat asarlaridan eng saralarini sotib olish orqali hududda yangi quriladigan mehmonxonalarning dizayn-interyerlari bezatiladi;

mahalliy budjet mablagʻlari hisobidan aholining kitobxonlik madaniyatini yanada oshirish boʻyicha bolalar va kattalar uchun har bir madaniyat markazlarida kutubxonalar tashkil etiladi hamda mos ravishda adabiyotlar toʻplamlari bilan taʼminlanadi.

6. Surxondaryo viloyati hokimligi Madaniyat vazirligi bilan kelishgan holda uch oy muddatda:

Vazirlar Mahkamasining 2018-yil 17-avgustdagi 671-son qarori bilan tasdiqlangan Istirohat bogʻlari va yashil zonalarni tashkil etish metodologiyasi toʻgʻrisidagi nizomga asosan hududlarda mahalliy budjet, jismoniy va yuridik shaxslarning homiylik xayriyalari hamda qonunchilik hujjatlarida taqiqlanmagan boshqa manbalardan tushgan daromadlar hisobidan yangidan tashkil etiladigan tematik bogʻlar, xususan attraksionli hudud, yashil zonalar va jamoat parklarini tashkil etish boʻyicha yagona konsepsiya loyihasini ishlab chiqsin va tashabbuskorlarga taklif etsin;

qayta tashkil etiladigan tematik madaniyat va istirohat bogʻlarining namunaviy loyihalarini tayyorlasin;

keng jamoatchilik fikrini oʻrganish asosida madaniyat va istirohat bogʻlarini rivojlantirish va ularning moddiy-texnik bazasini mustahkamlash uchun sohaga qonunchilik hujjatlarida belgilangan tartibda davlat-xususiy sheriklik tamoyillarini joriy etsin;

mahalliy budjetning qoʻshimcha manbalari hisobidan viloyat, tuman (shahar) koʻzi ojizlar kutubxonalarini zarur jihozlar bilan taʼminlash va oʻz binosiga ega boʻlmagan koʻzi ojizlar kutubxonalarini hududdagi maqbul binolarga joylashtirish choralarini koʻrsin.

7. Surxondaryo viloyati hokimligi Surxondaryo viloyati musiqali drama teatri binosini 2027-yil yakuniga qadar qurib bitkazilishini taʼminlash choralarini koʻrsin. Bunda:

Surxondaryo viloyati musiqali drama teatrining yangi binosini barpo etish uchun Termiz shahri markazidan belgilangan tartibda yer ajratish hamda teatr binosining tashqi muhandislik-kommunikatsiya tarmoqlari qurilishini Surxondaryo viloyati hokimligi mahalliy budjeti mablagʻlari hisobidan amalga oshirish;

Madaniyat vazirligi bilan birgalikda Surxondaryo viloyati musiqali drama teatri binosining loyiha-smeta hujjatlarini ishlab chiqish va qurilish ishlari uchun talab etiladigan mablagʻlar boʻyicha takliflarni 2024-yil 1-sentabrga qadar Iqtisodiyot va moliya vazirligiga kiritish choralarini koʻrsin.

8. Quyidagilar mazkur qarorda nazarda tutilgan chora-tadbirlarni moliyalashtirish manbalari etib belgilansin:

Oʻzbekiston Respublikasining Davlat budjeti mablagʻlari;

Surxondaryo viloyatining mahalliy budjeti mablagʻlari;

Madaniyat vazirligining budjetdan tashqari jamgʻarmasi;

metsenatlik koʻmagi, jismoniy va yuridik shaxslarning homiylik xayriyalari;

qonunchilik hujjatlarida taqiqlanmagan boshqa manbalar.

9. Mazkur qarorda Surxondaryo viloyatining mahalliy budjeti mablagʻlari hisobidan bajarilishi belgilangan vazifalar xalq deputatlari Surxondaryo viloyati Kengashining tegishli qarori asosida belgilangan tartibda amalga oshirilishi inobatga olinsin.

10. Vazirlar Mahkamasining 2019-yil 21-noyabrdagi 923-son qarori bilan tasdiqlangan Qoraqalpogʻiston Respublikasi, viloyatlar va Toshkent shahrining tuman va shaharlari hokimliklariga madaniyat hamda sanʼat masalalari boʻyicha biriktirilgan ijodiy maslahatchilar roʻyxatiga 5-ilovaga muvofiq oʻzgartirish kiritilsin.

11. Mazkur qarorning bajarilishini nazorat qilish Oʻzbekiston Respublikasi madaniyat vaziri O.A. Nazarbekov hamda Surxondaryo viloyati hokimi U.B. Qosimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 26-aprel,

240-son

Vazirlar Mahkamasining 2024-yil 26-apreldagi 240-son qaroriga 1-ILOVA

Surxondaryo viloyatida madaniyat va sanʼat sohasini yanada rivojlantirish boʻyicha chora-tadbirlar

DASTURI

T/r Chora-tadbirlar Amalga oshirish mexanizmi Ijro muddati Moliyalashtirish manbalari Masʼul ijrochilar 1. Surxondaryo viloyati aholisining madaniyat va sanʼat muassasalariga oilaviy kelishini hamda maroqli va mazmunli dam olishlarini tashkil etish maqsadida “Shanba — madaniyat kuni” loyihasini amalga oshirish. 1. “Shanba — madaniyat kuni” loyihasi konsepsiyasini ishlab chiqish va tasdiqlash. 2024-yil iyun Ijrochilar mablagʻlari Surxondaryo viloyati hokimligi (U. Qosimov), Madaniyat vazirligi (O. Nazarbekov) 2. Konsepsiya asosida madaniyat muassasalarida spektakllar, konsert-tomosha dasturlarini tayyorlash. 2024-yil iyul 3. Madaniy tadbirlarga aholining tizimli tashrifini tashkil etish. Reja asosida muntazam 2. Surxondaryo viloyatining oʻziga xos urf-odatlari, anʼana va qadriyatlari, baxshichilik, dostonchilik, raqs, amaliy sanʼat va milliy hunarmandchiligini aholi, ayniqsa, yosh avlodga keng targʻib etishga qaratilgan “Surxon madaniyati kunlari” bayram tadbirlarini 2024-yildan boshlab har ikki yilda bir marotaba respublika boʻylab oʻtkazish. 1. Vazirlar Mahkamasi bayoni loyihasini tayyorlash. 2. Surxondaryo viloyatining oʻziga xos madaniyati va sanʼatini targʻib etishga qaratilgan konsert-tomosha dasturlarini tayyorlash. 3. Konsert-tomosha dasturlari toʻgʻrisida ommaviy axborot vositalari va ijtimoiy tarmoqlarda eʼlonlar berish. 4. Tadbirlarni yuqori badiiy saviyada tashkil etish. 2024-yil iyun, Bayonda belgilangan reja asosida Mahalliy budjet mablagʻlari, homiylik xayriyalari Surxondaryo viloyati hokimligi (U. Qosimov), Madaniyat vazirligi (O. Nazarbekov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 3. Havaskorlik sanʼatining folklor ijrochiligi boʻyicha har ikki yilda bir marta “Ona zamin sadolari” respublika koʻrik-tanlovini Termiz shahrida tashkil etish. 1. Koʻrik-tanlov nizomi loyihasini ishlab chiqish va belgilangan tartibda tasdiqlash. 2024-yil iyun Madaniyat vazirligiga ajratilgan respublika budjeti mablagʻlari Madaniyat vazirligi (O. Nazarbekov), Surxondaryo viloyati hokimligi (U. Qosimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Koʻrik-tanlovning hududiy bosqichlarini oʻtkazish. 3. Koʻrik-tanlovning respublika bosqichini yuqori saviyada tashkil etish. Nizom asosida har ikki yilda 4. 2024/2025 oʻquv yilidan boshlab, Surxondaryo viloyatidagi barcha taʼlim tashkilotlarida mumtoz sanʼatimizning durdona asarlaridan bahramand qilish orqali oʻquvchi-yoshlarning milliy madaniy saviyasini oshirish maqsadida dars soatlaridan boʻsh (tanaffus) vaqtlarda “Musiqiy tanaffus” loyihasini amalga oshirish. 1. Musiqiy ketma-ketliklar va dasturlari roʻyxatini ishlab chiqish va tasdiqlash. 2. Loyihani taʼlim muassasalarida muntazam amalga oshirish. 2024-yil sentabr oyidan boshlab muntazam Taʼlim tashkilotining budjetdan tashqari mablagʻlari, homiylik xayriyalari Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova), Surxondaryo viloyati hokimligi (U. Qosimov) 5. Hududdagi “Boysun”, “Shalola”, “Boychechak”, “Chor-qarsak”, “Bulbuli-goʻyo” kabi folklor-etnografik jamoalar ashula va raqs ansambllarining xalqaro festivallarda ishtirok etishini taʼminlash. 1. Xalqaro folklor festivallar roʻyxatini shakllantirish. 2. Qoʻshma chora-tadbirlar dasturini tasdiqlash. 3. Folklor jamoalarning xalqaro festivallarda ishtirok etishi boʻyicha moliyaviy hisob-kitoblarni ishlab chiqish va teng ulushlarda qoplab berish. 2024-2025-yillar reja asosida Madaniyat vazirligiga ajratilgan respublika budjeti mablagʻlari, mahalliy budjet mablagʻlari Madaniyat vazirligi (O. Nazarbekov), Surxondaryo viloyati hokimligi (U. Qosimov) 6. Termiz shahrida tashkil etilayotgan Etnoshaharcha hududida Doʻmbira ustaxonasi va baxshichilik ekspozitsiyasi faoliyatini yoʻlga qoʻyish. 1. Doʻmbira ustaxonasi moddiy texnik bazasini mustahkamlash. 2024-yil avgust Mahalliy budjet mablagʻlari, homiylik xayriyalari Surxondaryo viloyati hokimligi (U. Qosimov), Madaniyat vazirligi (O. Nazarbekov) 2. Doʻmbira ustaxonasi va baxshichilik ekspozitsiyasi uchun shtatlar ajratish. 2024-yil sentabr 3. Baxshichilik ekspozitsiya loyihasini tayyorlash va tasdiqlash. 2024-yil oktabr 4. Baxshichilik ekspozitsiyasini eksponatlar va maʼlumotlar bilan taʼminlash. 2024-yil oktabr 7. Baxshichilik sanʼatining badiiy anʼanalarini saqlash maqsadida baxshilar tomonidan yaratilgan doston va termalarning “Oltin fondi”ni yaratish va doimiy yangilab borish. 1. Oʻzbekiston xalq baxshilari tomonidan ijro etilgan dostonlar roʻyxatini shakllantirish. 2024-yil dekabr Madaniyat vazirligiga ajratilgan respublika budjeti mablagʻlari Madaniyat vazirligi (O. Nazarbekov), Surxondaryo viloyati hokimligi (U. Qosimov), MTRK (A. Djurabayev) 2. Baxshilar tomonidan ijro etilgan dostonlarni sifatli audio va video fonotekasini tayyorlash. 2025-yil fevral 3. Respublika baxshichilik sanʼati markazida baxshilar oltin fondini tashkil etish. 2025 — 2030-yillar 8. Hududning oʻziga xos nomoddiy madaniy merosini ilmiy oʻrganish va YUNESKO roʻyxatiga kiritilishi mumkin boʻlgan nomoddiy madaniy meros namunalarini aniqlash va hujjatlashtirish maqsadida mahalliy folklor ekspeditsiyalar tashkil etish. 1. Folklor ekspeditsiyalar marshrutlarini belgilash. 2024-yil may Madaniyat vazirligiga ajratilgan respublika budjeti mablagʻlari Madaniyat vazirligi (O. Nazarbekov), Surxondaryo viloyati hokimligi (U. Qosimov), Fanlar akademiyasi (B. Yuldashev) 2. Ekspeditsiya guruhlarini shakllantirish va tadqiqotchilarni jalb etish. 2024-yil iyun 3. Ekspeditsiya uchun maxsus jihozlar xarid qilish. 2024-yil avgust 4. YUNESKO roʻyxatiga kiritilishi mumkin boʻlgan nomoddiy madaniy meros namunalarini hujjatlashtirish. 2024 — 2026-yillar reja asosida 9. Surxondaryo viloyatidagi maktabgacha va maktab taʼlimi tashkilotlarida toʻgaraklar faoliyatini belgilangan tartibda tashkil etish, toʻgaraklarni tegishli kadrlar bilan taʼminlash, umumtaʼlim maktablarida turli tadbirlar, koʻrik-tanlovlarni muntazam oʻtkazish, ularning mazmundorligini taʼminlash. 1. Amaliy chora-tadbirlar loyihasini ishlab chiqish va tasdiqlash. 2024-yil sentabr Mahalliy budjetning qoʻshimcha mablagʻlari hisobidan Maktabgacha va maktab taʼlimi vazirligi (X. Umarova), Madaniyat vazirligi (O. Nazarbekov), Surxondaryo viloyati hokimligi (U. Qosimov) 2. Toʻgaraklarga madaniyat markazlari xodimlarini jalb etgan holda ijodiy toʻgaraklar sonini bir barobarga koʻpaytirish. 2024-2025-yillar, chora-tadbirlar asosida 3. Har yili kamida 2 marotaba hisobot konsertlarini tashkil etish. Muntazam 10. Maktabgacha taʼlim tashkilotlari tarbiyalanuvchilarining tushlik dam olish vaqtlarida belgilangan meʼyor asosida saralangan maxsus musiqiy toʻplam asosida maqom kuylari muntazam qoʻyib berilishini tashkil etish. 1. Maktabgacha taʼlim tashkilotlarini maxsus ixcham audio moslamalar bilan taʼminlash. 2. Maqom kuylaridan tashkil topgan maxsus toʻplamni tayyorlash. 3. Maqom kuylari ijro etilishini tashkil etish. 2024-yil iyun oyidan boshlab muntazam Mahalliy budjetning qoʻshimcha mablagʻlari hisobidan Maktabgacha va maktab taʼlimi vazirligi (X. Umarova), Madaniyat vazirligi (O. Nazarbekov), Surxondaryo viloyati hokimligi (U. Qosimov) 11. Madaniyat markazlarida musiqa ijrochiligi va ashula toʻgaraklarini maxsus oʻquv dasturlari asosida oʻqitilishini yoʻlga qoʻyish. 1. Toʻgaraklar uchun maxsus mashgʻulotlar oʻquv dasturlarini ishlab chiqish va tasdiqlash. 2024-yil sentabr Madaniyat vazirligining budjetdan tashqari mablagʻlari Madaniyat vazirligi (O. Nazarbekov) 2. Oʻquv dasturlarini joriy etish boʻyicha toʻgarak rahbarlari uchun qisqa muddatli malaka oshirish kurslarini tashkil etish. 2024-yil sentabr-oktabr 3. Oʻquv dasturlari asosida toʻgarak mashgʻulotlarini yoʻlga qoʻyish. Reja asosida 12. Respublika va xalqaro koʻrik-tanlovlarida 1, 2 va 3-oʻrinlarni egallagan toʻgarak ishtirokchilarining toʻgarak rahbarlari tegishligi boʻyicha mehnatga haq toʻlashning eng kam miqdorining 6, 4 va 2 barobari miqdorida bir martalik pul mukofotlari bilan taqdirlash tizimini joriy etish. 1. Toʻgarak rahbarlarini ragʻbatlantirish tartibini ishlab chiqish va tasdiqlash. 2. Toʻgarak rahbarlarini ragʻbatlantirib borish. 2024-yil sentabrdan boshlab muntazam Madaniyat vazirligining budjetdan tashqari mablagʻlari Madaniyat vazirligi (O. Nazarbekov) 13. Madaniyat markazlarida faoliyat yuritayotgan ijodiy toʻgaraklar, studiyalar va kurslardan tashqari toʻgarak ishtirokchilari uchun “STEAM — taʼlim” (Science — tabiiy fanlar, Technology — texnologiyalar, Art — sanʼat, Mathematics — matematika) dasturini joriy etish va yangi toʻgaraklar faoliyatini yoʻlga qoʻyish. 1. Yangi toʻgaraklarni tashkil etish boʻyicha tashabbuskorlar bilan shartnomalar imzolash. 2024-yil dekabrga qadar, Ijrochilar mablagʻlari Madaniyat vazirligi (O. Nazarbekov) 2. Zamonaviy taʼlim dasturlarini joriy qilish. 2025-yil dekabr 14. Madaniyat va sanʼat yoʻnalishidagi toʻgarak ishtirokchilarining ishlarini ommalashtirish, targʻib qilish hamda sotuvini yoʻlga qoʻyish boʻyicha oʻquvchi-yoshlarning ijodiy ishlarini Maktabgacha va maktab taʼlimi vazirligining “Art shop” elektron doʻkonlari orqali dunyo bozoriga olib chiqish. 1. Ijodiy ishlarni saralab olish. 2. Elektron doʻkonlarni oʻrganish. 3. Ijodiy ishlarni elektron doʻkonlarga joylashtirish va sotish. 2024-yil iyun oyidan boshlab muntazam - Madaniyat vazirligi (O. Nazarbekov), Maktabgacha va maktab taʼlimi vazirligi (X. Umarova) 15. Madaniyat va sanʼat taʼlim tashkilotlari oʻquvchi-yoshlarining milliy qadriyatlarni targʻib etuvchi tasviriy va amaliy sanʼat asarlaridan eng saralarini sotib olish orqali hududda yangi quriladigan mehmonxonalarning dizayn interyerlarini tashkil etish. 1. 2024 — 2030-yillarda qurilishi lozim boʻlgan mehmonxonalar manzilli roʻyxatini shakllantirish. 2. Milliy qadriyatlarni targʻib etuvchi tasviriy va amaliy sanʼat asarlarini tanlab olish tartibini tasdiqlash. 3. Mehmonxonalar dizayn interyerlarini tashkil etish boʻyicha tavsiyalar ishlab chiqish. 2024 — 2030-yillar davomida Homiylik xayriyalari, qonunchilik hujjatlarida taqiqlanmagan boshqa manbalar Madaniyat vazirligi (O. Nazarbekov), Turizm qoʻmitasi (U. Shodiyev), Badiiy akademiya (A. Nuriddinov) 16. Aholining kitobxonlik madaniyatini yanada oshirish boʻyicha bolalar va kattalar uchun har bir madaniyat markazlarida kutubxonalar tashkil etish. 1. Kutubxonalar tashkil etiladigan madaniyat markazlari roʻyxatini shakllantirish. 2024-yil iyun Mahalliy budjet mablagʻlari, homiylik xayriyalari Surxondaryo viloyati hokimligi (U. Qosimov), Madaniyat vazirligi (O. Nazarbekov) 2. Kutubxonalar moddiy-texnik bazasini mustahkamlash. 2024-yil dekabr 3. Kutubxonalarni adabiyotlar bilan taʼminlash. 2024-2025-yillar 17. Har bir tuman va shaharlarda konsert-tomosha zallari, kutubxona, kinozal va toʻgarak xonalari mavjud boʻlgan bittadan namunali madaniyat markazlari faoliyatini yoʻlga qoʻyish. 1. Madaniyat markazlarini tashkil etish boʻyicha loyiha-smeta hujjatlarini ishlab chiqish. 2024-yil iyun Mahalliy budjetning qoʻshimcha manbalari, qonunchilik hujjatlarida taqiqlanmagan boshqa manbalar Surxondaryo viloyati hokimligi (U. Qosimov) 2. Mahalliy hokimliklar tomonidan mablagʻlar ajratish. 2024-yil iyul 3. Qurilish ishlarini amalga oshirish va yakunlash. 2024-yil oktabr 18. Madaniyat markazlarini jihozlash meʼyorini ishlab chiqib tasdiqlash va shu asosida jihozlashni tashkil etish. 1. Madaniyat markazlarini jihozlash meʼyorini ishlab chiqish va tasdiqlash. 2024-yil iyul - Madaniyat vazirligi (O. Nazarbekov) 2. Madaniyat markazlari moddiy-texnik bazasini xatlovdan oʻtkazish. 2024-yil avgust 3. Meʼyor asosida madaniyat markazlarini jihozlanishini taʼminlash. reja asosida 19. Madaniyat va sanʼat tashkilotlarini mamlakatimiz va xorijda ishlab chiqarilgan musiqa cholgʻulari hamda tasviriy va amaliy sanʼat uskunalari, ovoz yozish, ovoz kuchaytirish, badiiy yoritish uskunalari va mebel jihozlari bilan taʼminlash. 1. Madaniyat va sanʼat tashkilotlari moddiy-texnik bazasining taʼminlanganlik darajasini xatlovdan oʻtkazish. 2024-yil iyun Mahalliy budjetning qoʻshimcha mablagʻlari, homiylik xayriyalari Surxondaryo viloyati hokimligi (U. Qosimov), Madaniyat vazirligi (O. Nazarbekov) 2. Madaniyat va sanʼat muassasalarining moddiy-texnik bazasini mustahkamlash boʻyicha buyurtmalarni shakllantirish. 2024-yil iyul 3. Madaniyat va sanʼat muassasalarini musiqa cholgʻulari hamda tasviriy va amaliy sanʼat asbob-uskunalari, ovoz yozish, ovoz kuchaytirish, badiiy yoritish uskunalari va mebel jihozlari bilan taʼminlash. Avgust — dekabr 20. Madaniyat markazlarida axborot kommunikatsiya texnologiyalarini toʻliq joriy etish, kompyuter va boshqa zarur jihozlar bilan taʼminlash. 1. Kompyuter jihozlariga boʻlgan ehtiyojni xatlovdan oʻtkazish. 2024-yil iyun Mahalliy budjetning qoʻshimcha mablagʻlari, homiylik xayriyalari Surxondaryo viloyati hokimligi (U. Qosimov), Madaniyat vazirligi (O. Nazarbekov) 2. Kompyuter jihozlarini xarid qilish. 2024 — 2026-yillar reja asosida

Vazirlar Mahkamasining 2024-yil 26-apreldagi 240-son qaroriga 2-ILOVA

2024-yilda Surxondaryo viloyatining har bir tuman va shaharlarida namunali shaklda faoliyati yoʻlga qoʻyiladigan madaniyat markazlari

ROʻYXATI

T/r Tuman va shahar nomi Madaniyat markazi nomi Qurilish turi 1. Angor tumani 7-son madaniyat markazi Yangi qurilish 2. Bandixon tumani 9-son madaniyat markazi Mukammal taʼmirlash 3. Boysun tumani 11-son madaniyat markazi Rekonstruksiya qilish 4. Denov tumani 17-son madaniyat markazi Yangi qurilish 5. Jarqoʻrgʻon tumani 21-son madaniyat markazi Mukammal taʼmirlash 6. Muzrabot tumani 29-son madaniyat markazi Mukammal taʼmirlash 7. Oltinsoy tumani 32-son madaniyat markazi Mukammal taʼmirlash 8. Sariosiyo tumani 42-son madaniyat markazi Rekonstruksiya qilish 9. Termiz tumani 4-son madaniyat markazi Mukammal taʼmirlash 10. Termiz shahri 2-son madaniyat markazi Rekonstruksiya qilish 11. Uzun tumani 49-son madaniyat markazi Mukammal taʼmirlash 12. Sherobod tumani 52-son madaniyat markazi Mukammal taʼmirlash 13. Shoʻrchi tumani 58-son madaniyat markazi Yangi qurilish 14. Qiziriq tumani 65-son madaniyat markazi Yangi qurilish

Vazirlar Mahkamasining 2024-yil 26-apreldagi 240-son qaroriga 3-ILOVA

Surxondaryo viloyatidagi madaniyat markazlarida havaskorlik ansambllari hamda ijodiy jamoalarni tashkil etishning 2024 — 2027-yillarga moʻljallangan

MAQSADLI KOʻRSATKICHLARI

T/r Hudud nomi Oilaviy ansambl Xor va vokal ansambl Milliy cholgʻular ansambli Dutorchilar ansambli Maqom va baxshi jamoalari Karnay-surnaychilar guruhi Yillar kesimida 2024 2025 2026 2027 2024 2025 2026 2027 2024 2025 2026 2027 2024 2025 2026 2027 2024 2025 2026 2027 2024 2025 2026 2027 1. Termiz shahri 2 3 4 5 2 3 4 5 2 3 4 5 2 3 4 5 2 3 4 5 2 3 4 5 2. Angor tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 3. Boysun tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 4. Denov tumani 2 3 4 5 2 3 4 5 2 3 4 5 2 3 4 5 2 3 4 5 2 3 4 5 5. Jarqoʻrgʻon tumani 2 3 4 5 2 3 4 5 2 3 4 5 2 3 4 5 2 3 4 5 2 3 4 5 6. Qiziriq tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 7. Qumqoʻrgʻon tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 8. Muzrabod tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 9. Oltinsoy tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 10. Sariosiyo tumani 2 3 4 5 2 3 4 5 2 3 4 5 2 3 4 5 2 3 4 5 2 3 4 5 11. Termiz tumani 2 3 4 5 2 3 4 5 2 3 4 5 2 3 4 5 2 3 4 5 2 3 4 5 12. Uzun tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 13. Sherobod tumani 2 3 4 5 2 3 4 5 2 3 4 5 2 3 4 5 2 3 4 5 2 3 4 5 14. Shoʻrchi tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4 15. Bandixon tumani 1 2 3 4 1 2 3 4 1 2 3 4 1 2 3 4 1 2 3 4 1 2 3 4

Izoh. Surxondaryo viloyati hokimligi va Madaniyat vazirligi madaniyat markazlarida havaskorlik ansambllarini hamda ijodiy jamoalarni tashkil etish boʻyicha masʼul hisoblanadi.

Vazirlar Mahkamasining 2024-yil 26-apreldagi 240-son qaroriga 4-ILOVA

Surxondaryo viloyatidagi folklor-etnografik, ashula va raqs ansambllarining 2024 — 2027-yillarga moʻljallangan xorijiy gastrol safarlari

REJASI

T/r Hudud nomi Ijodiy jamoaning nomi Xorijiy davlat nomi Masʼul ijrochilar 2024-yil 1. Boysun tumani “Boysun” folklor-etnografik jamoasi, “Shalola” ashula va raqs ansambli Turkiya Surxondaryo viloyati hokimligi 2. Shoʻrchi tumani “Bulbuli-goʻyo” va “Chanqovuz” folklor-etnografik jamoalari Qatar Madaniyat vazirligi 3. Angor tumani “Angor” va “Badash” folklor-etnografik jamoalari Italiya Respublikasi 2025-yil 4. Termiz shahri “Jayxun” folklor-etnografik jamoasi Xitoy Xalq Respublikasi Surxondaryo viloyati hokimligi 5. Denov tumani “Navnihol” va Muborak ashula va raqs ansambllari Bolgariya Respublikasi 6. Jarqoʻrgʻon tumani “Oydinoy” va “Jarqoʻgʻon” folklor-etnografik jamoalari Koreya Respublikasi 7. Qumqoʻrgʻon tumani “Oʻtov” va “Bobotogʻ gullari” folklor-etnografik jamoalar Turkiya Madaniyat vazirligi 2026-yil 8. Qiziriq tumani “Qoʻngʻirot” folklor-etnografik jamoasi Ozarbayjon Madaniyat vazirligi 9. Muzrabod tumani “Muzrabot chamani” folklor-etnografik jamoasi Gretsiya Surxondaryo viloyati hokimligi 10. Oltinsoy tumani “Oqarbuloq tongi” va “Lola” ashula va raqs ansambllari Singapur 2027-yil 11. Sariosiyo tumani “Zevari” va “Dashnaobod” folklor-etnografik jamoalari Hindiston Surxondaryo viloyati hokimligi 12. Uzun tumani “Ohu-voh” folklor-etnografik jamoasi, “Rayhon” ashula va raqs ansambli Germaniya Federativ Respublikasi 13. Sherobod tumani “Chechalar” folklor-etnografik jamoasi, “Chaman” ashula va raqs ansambli Ispaniya Qirolligi Madaniyat vazirligi

Izoh. Ushbu Rejada koʻrsatilgan jamoalarni xorijiy gastrol safarlariga yuborish bilan bogʻliq xarajatlar Surxondaryo viloyati hokimligi va Madaniyat vazirligi tomonidan qoplanadi.

Vazirlar Mahkamasining 2024-yil 26-apreldagi 240-son qaroriga 5-ILOVA

Vazirlar Mahkamasining 2019-yil 21-noyabrdagi 923-son qarori bilan tasdiqlangan Qoraqalpogʻiston Respublikasi, viloyatlar va Toshkent shahrining tuman va shaharlari hokimliklariga madaniyat hamda sanʼat masalalari boʻyicha biriktirilgan ijodiy maslahatchilar roʻyxatiga kiritilayotgan oʻzgartirish

“Surxondaryo viloyati” boʻlimi quyidagi tahrirda bayon etilsin:

“ Surxondaryo viloyati 107. Termiz shahri Aziza Begmatova Oʻzbekiston xalq artisti Oʻzbekiston davlat drama teatri aktrisasi 108. Angor tumani Mahmud Namozov Oʻzbekiston xalq artisti “Oʻzbekkonsert” davlat muassasasi xonandasi 109. Boysun tumani Lola Ahmedova Oʻzbekistonda xizmat koʻrsatgan artist “Oʻzbekkonsert” davlat muassasasi xonandasi 110. Denov tumani Madina Toʻxtayeva Oʻzbekistonda xizmat koʻrsatgan artist Oʻzbekiston davlat drama teatri aktrisasi 111. Jarqoʻrgʻon tumani Samandar Alimov Oʻzbekiston xalq artisti Alisher Navoiy nomidagi Oʻzbekiston davlat akademik katta teatri opera solisti 112. Qiziriq tumani Sayyora Qoziyeva Oʻzbekistonda xizmat koʻrsatgan artist “Oʻzbekkonsert” davlat muassasasi xonandasi 113. Qumqoʻrgʻon tumani Usmonqul Azimov Oʻzbekiston xalq shoiri Oʻzbekiston Yozuvchilar uyushmasi aʼzosi 114. Muzrabod tumani Mansur Ravshanov Oʻzbekistonda xizmat koʻrsatgan sanʼat arbobi Surxondaryo viloyati musiqali drama teatri faxriy aʼzosi 115. Oltinsoy tumani Qahramon Rashidov “Nihol” mukofoti sovrindori “Oʻzbekkonsert” davlat muassasasi sozandasi 116. Sariosiyo tumani Noroli Allandarov Oʻzbekistonda xizmat koʻrsatgan artist “Dilrabo” ashula va raqs ansambli badiiy rahbari 117. Termiz tumani Sitora Riyayeva “Nihol” mukofoti sovrindori “Navbahor” ashula va raqs ansambli raqqosasi 118. Uzun tumani Muyassar Qaraqulova - Surxondaryo viloyati musiqali drama teatri direktori 119. Sherobod tumani Olmaxon Berdimurodova - Surxondaryo viloyati qoʻgʻirchoq teatri direktori 120. Shoʻrchi tumani Sherzod Hurmatov - Oʻzbekiston davlat filarmoniyasi viloyat boʻlinmasi direktori ”.