Tadbirkorlik subyektlariga davlat xizmatlarini koʻrsatish sifatini yanada takomillashtirishning qoʻshimcha chora-tadbirlari toʻgʻrisida (165-son)

28.03.2024

Oʻzbekiston Respublikasi Vazirlar Mahkamasining

qarori

Aholiga davlat xizmatlari koʻrsatishda ortiqcha talablar va tartib-taomillarni qisqartirish hamda soddalashtirish, davlat xizmatlarini koʻrsatish sifatini yaxshilash borasida tizimli chora-tadbirlar amalga oshirilmoqda.

Shu bilan birga, tadbirkorlardan kelib tushayotgan murojaatlardan kelib chiqib, ularga davlat xizmatlaridan foydalanishda maʼlumotlarni olish imkoniyatlarini kengaytirish zarurati yuzaga kelmoqda.

Oʻzbekiston Respublikasi Prezidentining “Oʻzbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari toʻgʻrisida” 2023-yil 4-sentabrdagi PQ-292-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

tadbirkorlik subyektlarining yagona davlat reyestrini kreditorlar uchun zarur boʻladigan qoʻshimcha maʼlumotlar bilan toʻldirish, reyestrdan koʻchirma olish yigʻimi miqdorini kamaytirish;

yuridik shaxslarning vakolatxona va filiallarini tashkil etish (tugatish) haqida davlat roʻyxatidan oʻtkazuvchi organni xabardor qilish tartibini joriy etish;

ilgari berilgan reklama joyining pasportini yangi shakldagi reklama joyining pasportiga almashtirish uchun ariza topshirish muddatini Toshkent shahrida 2024-yil 1-iyunga qadar, qolgan hududlarda 2024-yil 1-iyulga qadar uzaytirish;

tashqi reklama boʻyicha tegishli toʻlov va yigʻimlardan oxirgi besh yil muddat uchun qarzdorlikni tadbirkor tomonidan 9 oy muddatga teng miqdorda boʻlib toʻlash sharti bilan ilgari berilgan reklama joyining pasportini yangisiga almashtirish.

2. Belgilansinki, Tadbirkorlik subyektlari yagona davlat reyestri tadbirkorlik subyektlari (yuridik shaxslar tuzilganligi, qayta tashkil etilganligi, faoliyati toʻxtatilganligi, tugatilganligi, yakka tartibdagi tadbirkor tuzilganligi, faoliyati toʻxtatilganligi yoki tugatilganligi va ularga oid boshqa maʼlumotlar) toʻgʻrisidagi maʼlumotlarni yurituvchi birlamchi maʼlumotlar bazasi hisoblanadi, banklar va kredit byurolariga tegishli maʼlumotlar bundan mustasno.

3. Oʻzbekiston Respublikasi Adliya vazirligi bir oy muddatda:

tadbirkorlik subyektlari boʻlgan yuridik shaxslarning vakolatxona va filiallarini tashkil etish (tugatish) haqida davlat roʻyxatidan oʻtkazuvchi organni xabardor etish Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida (keyingi oʻrinlarda — avtomatlashtirilgan tizim) joriy etilishini taʼminlasin;

avtomatlashtirilgan tizimda tadbirkorlik subyektlari haqida maʼlumotlar olish (qidirish) jarayonlarini soddalashtirsin;

Vazirlar Mahkamasi huzuridagi Soliq qoʻmitasi bilan birgalikda avtomatlashtirilgan tizimda hisobga olingan (chiqarilgan) tadbirkorlik subyektlari boʻlgan yuridik shaxslarning vakolatxona va filiallari haqidagi maʼlumotlar Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shugʻullanuvchi jismoniy shaxslarning markaziy maʼlumotlar bazasiga doimiy taqdim etib borilishini taʼminlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda adliya vaziri A.J. Tashkulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 28-mart,

165-son

Vazirlar Mahkamasining 2024-yil 28-martdagi 165-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi Prezidentining “Tadbirkorlik subyektlarini davlat roʻyxatidan oʻtkazish va hisobga qoʻyish tizimini takomillashtirish toʻgʻrisida” 2016-yil 28-oktabrdagi PQ-2646-son qarorini amalga oshirish chora-tadbirlari toʻgʻrisida” 2017-yil 9-fevraldagi 66-son qarorida:

a) 1-bandda:

quyidagi mazmundagi uchinchi xatboshi bilan toʻldirilsin:

“Tadbirkorlik subyektlari boʻlgan yuridik shaxslarning vakolatxona va filiallarini hisobga olish (chiqarish) boʻyicha davlat xizmatini koʻrsatishning maʼmuriy reglamenti 11-ilovaga muvofiq”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

b) 1-ilovada:

quyidagi mazmundagi 171-band bilan toʻldirilsin:

“171. Yakka tartibdagi tadbirkor istalgan vaqtda faoliyatini vaqtincha toʻxtatib turish va tiklash boʻyicha roʻyxatdan oʻtkazuvchi organga murojaat qilishi mumkin. Bunda yakka tartibdagi tadbirkor faoliyatini vaqtincha toʻxtatib turish boʻyicha mazkur Nizomga 13-ilovaga muvofiq shakldagi arizani toʻldiradi”;

48-band quyidagi mazmundagi uchinchi va toʻrtinchi xatboshilar bilan toʻldirilsin:

“Taʼsis hujjatlariga ustav fondi miqdorining oshirilishi (kamaytirilishi), ulushning (hissaning) boshqa shaxsga oʻtishi bilan bogʻliq boʻlgan oʻzgartirish va qoʻshimchalar kiritishda rad etish uchun asos boʻlgan sabablar ariza beruvchi tomonidan bartaraf etilgan taqdirda, roʻyxatdan oʻtkazuvchi organ ushbu bandning ikkinchi xatboshisida koʻrsatilgan muddatda takroran ariza kelib tushganidan soʻng ularni toʻrt ish soatidan oshmagan vaqt mobaynida koʻrib chiqadi.

Arizani takroran koʻrib chiqishda roʻyxatdan oʻtkazuvchi organ tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno”;

uchinchi xatboshi beshinchi xatboshi deb hisoblansin;

Nizomga 2-ilovaning matni quyidagi tahrirda bayon etilsin:

“Tadbirkorlik subyektlari yagona davlat reyestridan maʼlumotlar berilganligi uchun undiriladigan yigʻimlar

STAVKALARI

* 2017-yil 1-aprelga qadar roʻyxatdan oʻtkazilgan tadbirkorlik subyektlari uchun bir vaqtning oʻzida.

** Tadbirkorlik subyektlari tomonidan yagona davlat reyestridan ikki yoki undan ortiq subyektga nisbatan maʼlumot soʻralganda va ulardan biri yoki bir nechtasi toʻgʻrisida maʼlumotlar mavjud boʻlmaganda ham toʻlovlar soʻralayotgan subyektlar soniga mutanosib ravishda undiriladi. Shuningdek, soʻralayotgan maʼlumot bilan birga hujjat berilganda ushbu banddan tashqari, 4 yoki 5-bandlar boʻyicha alohida toʻlov undiriladi.

Izoh. Sud boshqaruvchisining arizasiga muvofiq Tadbirkorlik subyektlari yagona davlat reyestridan maʼlumotlarni berish uchun oldindan toʻlov undirilmaydi. Belgilangan yigʻimning oʻrni sud boshqaruvchisi tomonidan “Toʻlovga qobiliyatsizlik toʻgʻrisida”gi Oʻzbekiston Respublikasi Qonunining 150-moddasi birinchi qismida nazarda tutilgan tartibda toʻlanadi”;

Nizomga 11-ilovaning 4-pozitsiyasi chiqarib tashlansin;

Nizom quyidagi mazmundagi 13-ilova bilan toʻldirilsin:

“Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomga 13-ILOVA

Yakka tartibdagi tadbirkor faoliyatini vaqtincha toʻxtatib turish toʻgʻrisida

ARIZA

v) quyidagi mazmundagi 11-ilova bilan toʻldirilsin:

“Vazirlar Mahkamasining 2017-yil 9-fevraldagi 66-son qaroriga 11-ILOVA

Tadbirkorlik subyektlari boʻlgan yuridik shaxslarning vakolatxona va filiallarini hisobga olish (chiqarish) boʻyicha davlat xizmatini koʻrsatishning

MAʼMURIY REGLAMENTI

1-bob. Umumiy qoidalar

1. Mazkur maʼmuriy reglament (keyingi oʻrinlarda — Reglament) tadbirkorlik subyektlari boʻlgan yuridik shaxslar vakolatxona va filiallarini (keyingi oʻrinlarda — filial) hisobga olish (chiqarish) boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.

Ushbu Reglament talablari tijorat banklari va kredit byurolari, xorijiy tijorat tashkilotlari, shuningdek, nodavlat notijorat tashkilotlarining vakolatxona hamda filiallarini hisobga olishga (chiqarishga) tatbiq etilmaydi.

2. Filialni hisobga olish (chiqarish) davlat xizmatlari markazlari tomonidan Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi (keyingi oʻrinlarda — Tizim) orqali amalga oshiriladi.

3. Yuridik shaxslar (keyingi oʻrinlarda — ariza beruvchi) oʻzlarining filialini tashkil etgandan (tugatgandan) soʻng oʻn kun muddatda davlat xizmatlari markazini xabardor qilishi lozim.

4. Davlat xizmati ushbu Reglamentga 1-ilovadagi sxemaga muvofiq koʻrsatiladi.

2-bob. Davlat xizmatini koʻrsatish tartibi

5. Ariza beruvchi davlat xizmatidan foydalanish uchun davlat xizmatlari markaziga oʻzi kelib murojaat etadi yoki Tizimdagi shaxsiy kabineti orqali roʻyxatdan oʻtadi.

Ariza beruvchi oʻzi kelib murojaat etgan taqdirda, davlat xizmatlari markazi xodimi ariza beruvchi nomidan, Tizim orqali murojaat etgan taqdirda esa, ariza beruvchi mustaqil ravishda ushbu Reglamentga 2-ilovaga muvofiq shakldagi soʻrovnomani elektron ravishda toʻldiradi.

Bunda ariza beruvchi davlat xizmatlari markaziga oʻzi kelib murojaat etganda, davlat xizmatidan foydalanish uchun oʻzining vakolatliligini tasdiqlovchi hujjatni taqdim etadi, vakolatli shaxs yuridik shaxs rahbari boʻlgan holatlar bundan mustasno.

Yuridik shaxs rahbari haqidagi maʼlumotlar “Yagona milliy mehnat tizimi” idoralararo dasturiy-apparat kompleksi orqali tekshiriladi.

6. Soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani oʻzining elektron raqamli imzosi (keyingi oʻrinlarda — ERI) bilan tasdiqlaydi.

Oʻzi kelib murojaat etganda soʻrovnomani ERI bilan tasdiqlash imkoniyati boʻlmagan hollarda, tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

7. Ariza beruvchi tomonidan soʻrovnomaga quyidagi hujjatlar elektron shaklda (pdf formatda) ilova qilinadi:

filial tashkil qilinganligi toʻgʻrisida davlat tilidagi taʼsis yigʻilishi (konferensiyasi) bayoni;

belgilangan tartibda tasdiqlangan davlat tilidagi filial nizomi (hisobga olishda taqdim etiladi).

8. Davlat xizmati koʻrsatilganligi uchun toʻlov undirilmaydi.

9. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi.

10. Ariza beruvchi mazkur Reglamentning 7-bandida koʻrsatilgan hujjatlarni taqdim etgan vaqtdan boshlab davlat xizmatlari markazi ikki ish soati davomida arizani koʻrib chiqadi hamda koʻrib chiqish natijalari boʻyicha filial hisobga olinganligi (chiqarilganligi) haqida yoki mazkur Reglamentning 12-bandida belgilangan holatlar mavjud boʻlganda, hisobga qoʻyishni rad etish haqida qaror qabul qiladi.

11. Agar taqdim etilgan hujjatlar mazkur Reglament talablariga muvofiq boʻlsa, davlat xizmatlari markazi xodimi:

yuridik shaxslarning tegishli reyestrlariga yozuvlar kiritish yoʻli bilan filialni hisobga oladi (chiqaradi);

hisobga olingan (chiqarilgan) filial haqidagi maʼlumotni Tizim vositasida avtomatik tarzda Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shugʻullanuvchi jismoniy shaxslarning markaziy maʼlumotlar bazasiga taqdim etadi. Bunda filialning hisobi yuridik shaxs (bosh tashkilot)ning soliq toʻlovchining identifikatsiya raqami (STIR) asosida yuritiladi;

mazkur Reglamentga 3-ilovaga muvofiq QR-kod (matrik shtrixli kod) qoʻyilgan filial hisobga olinganligi (chiqarilganligi) haqidagi guvohnomani shakllantiradi;

filial hisobga olinganligi (chiqarilganligi) haqidagi guvohnomani ariza beruvchiga taqdim etadi (oʻzi kelib murojaat etgan taqdirda) yoki ariza beruvchining Tizimdagi shaxsiy kabinetiga yuboradi.

12. Davlat xizmatini koʻrsatishni rad etish uchun quyidagilar asos boʻladi:

ariza beruvchining vakolatliligini tasdiqlovchi hujjat taqdim etilmaganligi;

soʻrovnomada notoʻgʻri yoki xato maʼlumotlar koʻrsatilganligi;

mazkur Reglamentning 7-bandida koʻrsatilgan hujjatlar toʻliq taqdim etilmaganligi.

Ariza beruvchi davlat xizmatini koʻrsatishni rad etishga sabab boʻlgan holatlarni bartaraf etib, istalgan vaqtda qaytadan davlat xizmatidan foydalanishi mumkin.

Davlat xizmatini koʻrsatishni boshqa asoslarga, shu jumladan, maqsadga muvofiq emasligi sabablariga koʻra rad etishga yoʻl qoʻyilmaydi.

13. Davlat xizmatini koʻrsatishni rad etish uchun asoslar mavjud boʻlganda, davlat xizmatlari markazi mazkur Reglamentga 4-ilovaga muvofiq davlat xizmatini koʻrsatish rad etilganligi toʻgʻrisidagi xabarnomani rasmiylashtiradi hamda uni ariza beruvchiga taqdim etadi (oʻzi kelib murojaat etgan taqdirda) yoki ariza beruvchining Tizimdagi shaxsiy kabinetiga yuboradi.

3-bob. Yakunlovchi qoidalar

14. Ariza beruvchi filialning pochta manzili oʻzgargan taqdirda, bu haqida davlat xizmatlari markazini oʻn kundan kechiktirmay oʻzining Tizimdagi shaxsiy kabineti orqali xabardor qiladi.

15. Ariza beruvchi davlat xizmatlari markaziga taqdim etilgan maʼlumotlarning toʻgʻriligi, aniqligi, buzib koʻrsatilganligi, shuningdek, taʼsis hujjatlarining qonunchilik hujjatlariga muvofiqligi uchun javob beradi.

16. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Tadbirkorlik subyektlari boʻlgan yuridik shaxslarning vakolatxona va filiallarini hisobga olish (chiqarish) boʻyicha davlat xizmatini koʻrsatishning maʼmuriy reglamentiga 1-ILOVA

Tadbirkorlik subyektlari boʻlgan yuridik shaxslarning vakolatxona va filiallarini tashkil etish (tugatish) haqida xabardor etish

SXEMASI

Tadbirkorlik subyektlari boʻlgan yuridik shaxslarning vakolatxona va filiallarini hisobga olish (chiqarish) boʻyicha davlat xizmatini koʻrsatishning maʼmuriy reglamentiga 2-ILOVA

Tadbirkorlik subyektlari boʻlgan yuridik shaxslarning vakolatxona va filiallarini tashkil etish (tugatish) haqida xabardor etish boʻyicha

SOʻROVNOMA

Tadbirkorlik subyektlari boʻlgan yuridik shaxslarning vakolatxona va filiallarini hisobga olish (chiqarish) boʻyicha davlat xizmatini koʻrsatishning maʼmuriy reglamentiga 3-ILOVA

Tadbirkorlik subyektlari boʻlgan yuridik shaxslarning vakolatxona va filiallarini hisobga olish (chiqarish) boʻyicha davlat xizmatini koʻrsatishning maʼmuriy reglamentiga 4-ILOVA

g) 2-ilovada:

5-bandning “a” kichik bandi quyidagi mazmundagi xatboshilar bilan toʻldirilsin:

“vakolatxona va filialining hisobga olish (chiqarish) reyestr raqami;

vakolatxona va filialining pochta manzili;

vakolatxona va filialining rahbari (mavjud boʻlsa);

vakolatxona va filialining faoliyat muddati;

vakolatxona va filialining bogʻlanish uchun telefon raqami, elektron pochta manzili yoki veb-sayti manzili (agar mavjud boʻlsa)”;

9-bandda:

uchinchi xatboshi “qayta roʻyxatdan oʻtkazishni” soʻzlaridan keyin “, qayta tashkil etishni, tadbirkorlik subyektini Reyestrdan chiqarishni” soʻzlari bilan toʻldirilsin;

toʻrtinchi xatboshi chiqarib tashlansin;

Nizomga 1-ilovaning matni quyidagi tahrirda bayon etilsin:

* Yuridik shaxslarning rahbarlari haqidagi maʼlumotlar “Yagona milliy mehnat tizimi” idoralararo dasturiy-apparat kompleksidan olinadi.

Axborot mavjud boʻlmaganda, tegishli ustunda — “maʼlumot mavjud emas” belgisi koʻrsatiladi.

Koʻchirma elektron koʻrinishda berilganda, koʻchirmani bergan masʼul shaxsning lavozimi, F.I.O., imzo va muhr qoʻyilmaydi”;

d) 3-ilovaning 16-bandi “vaqtinchalik toʻxtatib turish” soʻzlaridan keyin “sabablarini” soʻzi bilan toʻldirilsin.

2. Vazirlar Mahkamasining 2019-yil 21-avgustdagi 704-son qarori bilan tasdiqlangan Tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizomning 16-bandi “a” kichik bandi quyidagi tahrirda bayon etilsin:

“a) roʻyxatdan oʻtkazuvchi organga — oʻzi kelgan holda yoki Internet jahon axborot tarmogʻi orqali ixtiyoriy tugatish toʻgʻrisidagi qaror nusxasini. Bunda tijorat tashkilotini ixtiyoriy tugatish toʻgʻrisidagi qaror nusxasi Internet jahon axborot tarmogʻi orqali roʻyxatdan oʻtkazuvchi organga taqdim etilganda, tugatuvchi oʻzining tugatuvchi etib belgilanganligini Tizim vositasida kelishadi, tugatuvchi tijorat tashkilotining direktori boʻlgan holat bundan mustasno”.

3. Vazirlar Mahkamasining “Tashqi reklama bozorini tartibga solish toʻgʻrisida” 2020-yil 20-fevraldagi 104-son qarorida:

a) 96-bandning “e” kichik bandida:

quyidagi mazmundagi oʻninchi xatboshi bilan toʻldirilsin:

“tashqi reklama boʻyicha tegishli toʻlov va yigʻimlardan qarzdorlikni qoplash majburiyati pasport egasi tomonidan bajarilmaganda”;

oʻninchi xatboshi oʻn birinchi xatboshi deb hisoblansin;

b) 7-ilovada:

1-bandning beshinchi xatboshisidagi “2024-yil 1-martga qadar” soʻzlari “Toshkent shahrida 2024-yil 1-iyunga qadar, qolgan hududlarda 2024-yil 1-iyulga qadar” soʻzlari bilan almashtirilsin;

6-bandning “v” kichik bandi ikkinchi xatboshisi quyidagi tahrirda bayon etilsin:

“tashqi reklama boʻyicha tegishli toʻlov va yigʻimlardan oxirgi besh yil muddat uchun qarzdorligi mavjud boʻlmaganligini asoslovchi hujjatlar yoki toʻlov va yigʻimlardan boʻlgan qarzdorlik summasidan kamida 30 foiz miqdorida birinchi toʻlov amalga oshirilganligini asoslovchi hujjatlar va qarzdorlikni boʻlib toʻlash haqida iltimosnoma”;

Maʼmuriy reglamentga 2-ilovaning IV boʻlimi 5-bandi quyidagi tahrirda bayon etilsin:

“5. Tashqi reklama boʻyicha tegishli toʻlov va yigʻimlardan oxirgi besh yil muddat uchun qarzdorligi mavjud boʻlmaganligini asoslovchi hujjatlar yoki toʻlov va yigʻimlardan boʻlgan qarzdorlik summasidan kamida 30 foiz miqdorida birinchi toʻlov amalga oshirilganligini asoslovchi hujjatlar va qarzdorlikni boʻlib toʻlash haqida iltimosnoma”.

4. Vazirlar Mahkamasining “Asosiy turdagi oziq-ovqat va zarur mahsulotlar narxlari barqarorligini taʼminlash hamda mahsulotlar xavfsizligi va sifatini tizimli nazorat qilish chora-tadbirlari toʻgʻrisida” 2022-yil 19-dekabrdagi 716-son qarorida:

a) nomidagi “Asosiy turdagi oziq-ovqat va zarur mahsulotlar” soʻzlari “Ijtimoiy ahamiyatga ega mahsulotlar” soʻzlari bilan almashtirilsin;

b) muqaddima va 1-bandning birinchi xatboshisidagi “asosiy turdagi oziq-ovqat va zarur mahsulotlar” soʻzlari “ijtimoiy ahamiyatga ega mahsulotlar” soʻzlari bilan almashtirilsin;

v) 2-bandning “a” kichik bandi birinchi xatboshisidagi “Asosiy turdagi oziq-ovqat va zarur mahsulotlar” soʻzlari “Ijtimoiy ahamiyatga ega mahsulotlar” soʻzlari bilan almashtirilsin;

g) 1-ilovada:

nomidagi “Asosiy turdagi oziq-ovqat va zarur mahsulotlar” soʻzlari “Ijtimoiy ahamiyatga ega mahsulotlar” soʻzlari bilan almashtirilsin;

1-banddagi “Asosiy turdagi oziq-ovqat va zarur mahsulotlar” soʻzlari “ijtimoiy ahamiyatga ega mahsulotlar” soʻzlari bilan almashtirilsin;

2-banddagi “roʻyxatlardagi ijtimoiy ahamiyatga ega boʻlgan asosiy turdagi oziq-ovqat mahsulotlariga” soʻzlari “roʻyxatdagi ijtimoiy ahamiyatga ega mahsulotlarga” soʻzlari bilan almashtirilsin;

3-bandda:

uchinchi xatboshidagi “roʻyxatlardagi ijtimoiy ahamiyatga ega boʻlgan asosiy turdagi oziq-ovqat mahsulotlari” soʻzlari “roʻyxatdagi ijtimoiy ahamiyatga ega mahsulotlar” soʻzlari bilan almashtirilsin;

oltinchi xatboshidagi “asosiy turdagi oziq-ovqat mahsulotlarining” soʻzlari “ijtimoiy ahamiyatga ega mahsulotlarning” soʻzlari bilan almashtirilsin;

4-banddagi “Asosiy oziq-ovqat mahsulotlari” soʻzlari “Ijtimoiy ahamiyatga ega mahsulotlar” soʻzlari bilan almashtirilsin;

5-banddagi “Asosiy turdagi oziq-ovqat va zarur mahsulotlar” soʻzlari “Ijtimoiy ahamiyatga ega mahsulotlar” soʻzlari bilan almashtirilsin;

7-bandning uchinchi xatboshisidagi “asosiy turdagi oziq-ovqat mahsulotlari” soʻzlari “ijtimoiy ahamiyatga ega mahsulotlar” soʻzlari bilan almashtirilsin;

Nizomga 1-ilovada:

ilova belgisidagi “Asosiy turdagi oziq-ovqat va zarur mahsulotlar” soʻzlari “Ijtimoiy ahamiyatga ega mahsulotlar” soʻzlari bilan almashtirilsin;

nomidagi “boʻlgan asosiy turdagi oziq-ovqat mahsulotlari” soʻzlari “mahsulotlar” soʻzi bilan almashtirilsin;

Nizomga 2-ilovaning ilova belgisi va nomidagi “Asosiy turdagi oziq-ovqat va zarur mahsulotlar” soʻzlari “Ijtimoiy ahamiyatga ega mahsulotlar” soʻzlari bilan almashtirilsin.

5. Vazirlar Mahkamasining “Tashqi reklama va ijtimoiy axborotning aylanish sohasidagi munosabatlarni tartibga solishni yanada takomillashtirish chora-tadbirlari toʻgʻrisida” 2023-yil 31-avgustdagi 428-son qarorida:

a) 5-bandda:

“a” kichik bandning ikkinchi xatboshisi quyidagi tahrirda bayon etilsin:

“tashqi reklama boʻyicha tegishli toʻlov va yigʻimlardan oxirgi besh yil muddat uchun qarzdorligi mavjud boʻlmaganda yoki mavjud qarzdorlikni 9 oy muddatda har oyning 10-sanasigacha teng miqdorda boʻlib toʻlash sharti bilan qoplash majburiyatini olganda. Bunda qarzdorlikni teng miqdorda boʻlib toʻlash summasi har bir konstruksiya uchun Toshkent shahrida 100 BHMdan, qolgan hududlarda 50 BHMdan oshgan qarzdorlikka nisbatan birinchi toʻlovni qarzdorlik summasidan kamida 30 foiz miqdorida amalga oshirish sharti bilan qoʻllaniladi. Pasportlar bekor qilinganda, amalga oshirilgan toʻlovlar qaytarilmaydi”;

“b” kichik bandning birinchi xatboshisidagi “2024-yil 1-martga qadar” soʻzlari “Toshkent shahrida 2024-yil 1-iyunga qadar, qolgan hududlarda 2024-yil 1-iyulga qadar” soʻzlari bilan almashtirilsin;

b) 9-bandda:

ikkinchi xatboshi “obyektlarini (konstruksiyalarini)” soʻzlaridan keyin “oʻrnatish va unda reklamani joylashtirishga boʻlgan huquq” soʻzlari bilan toʻldirilsin;

uchinchi xatboshi “obyekti (konstruksiyasi)” soʻzlaridan keyin “oʻrnatish va unda reklamani joylashtirishga boʻlgan huquq” soʻzlari bilan toʻldirilsin;

yettinchi xatboshi quyidagi mazmundagi jumla bilan toʻldirilsin:

“Bunda yigʻimdan tushumni taqsimlashdan oldin “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga oʻtkaziladigan yagona billing tizimi orqali davlat xizmatlarini koʻrsatganlik uchun 0,5 foiz miqdordagi toʻlov chegirib qolinadi”.

6. Vazirlar Mahkamasining 2023-yil 7-sentabrdagi 452-son qarori bilan tasdiqlangan Maxsus iqtisodiy zonalar hududida investorlarga davlat xizmatlarini koʻrsatishning maʼmuriy reglamenti 27-bandida:

“a” kichik bandda:

quyidagi mazmundagi uchinchi xatboshi bilan toʻldirilsin:

“18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga”;

uchinchi xatboshi toʻrtinchi xatboshi deb hisoblansin;

“b” kichik bandda:

ikkinchi xatboshi chiqarib tashlansin;

uchinchi va toʻrtinchi xatboshilar tegishlicha ikkinchi va uchinchi xatboshilar deb hisoblansin.