6Z-modda. Sudyalarni saylash va tayinlash tartibi
Sudlar toʻgʻrisida (924-XII-son) · Sana: 02.09.1993 · Kuchini yo'qotgan
Oʻzbekiston Respublikasi Oliy sudi va Oliy xoʻjalik sudi sudyalari Oʻzbekiston Respublikasi Prezidenti taqdimiga binoan Oliy Majlis tomonidan saylanadi.
Qoraqalpogʻiston Respublikasi sudyalari Qoraqalpogʻiston Respublikasi Joʻqorgʻi Kengesi Raisining Oʻzbekiston Respublikasi Prezidenti bilan kelishilgan taqdimnomasiga binoan Qoraqalpogʻiston Respublikasi Joʻqorgʻi Kengesi tomonidan saylanadilar yoki tayinlanadilar.
Viloyat sudlari, Toshkent shahar sudi, tuman(shahar) sudlari sudyalari — Oʻzbekiston Respublikasi Oliy sudi Raisining xulosasiga asoslangan Oʻzbekiston Respublikasi Adliya vazirining taqdimnomasiga binoan, xoʻjalik sudlari sudyalari esa — Oliy xoʻjalik sudi Raisining taqdimnomasiga binoan, Oʻzbekiston Respublikasi Prezidenti tomonidan tayinlanadilar.
Qurolli Kuchlar harbiy sudi va garnizon harbiy sudlarining sudyalari Oʻzbekiston Respublikasi Oliy sudi Raisining taqdimnomasiga binoan Oʻzbekiston Respublikasi Prezidenti tomonidan tayinlanadilar.
Oʻzbekiston Respublikasi Oliy sudi, Oliy xoʻjalik sudi sudyalarining soni Oʻzbekiston Respublikasi Prezidentining taqdimnomasiga binoan Oliy Majlis tomonidan belgilanadi.
Viloyat sudlari, Toshkent shahar sudi, tuman(shahar), harbiy, xoʻjalik sudlari sudyalarining soni tegishlicha Oʻzbekiston Respublikasi Adliya vaziri, Oliy sudi Raisi, Oliy xoʻjalik sudi Raisi taqdimnomasiga binoan Oʻzbekiston Respublikasi Prezidenti tomonidan belgilanadi.