54-modda. Oliy xoʻjalik sudi Raisi

Oʻzbekiston Respublikasi Oliy xoʻjalik sudi Raisi:

Oliy xoʻjalik sudi faoliyatiga tashkiliy rahbarlik qiladi;

Oʻzbekiston Respublikasi xoʻjalik sudlarining hal qiluv qarorlari, ajrimlari va qarorlari ustidan protestlar kiritadi;

ishlarni nazorat tartibida tekshirish uchun talab qilib oladi;

qonunda belgilangan tartibda Oʻzbekiston Respublikasi xoʻjalik sudlarining hal qiluv qarorlari, ajrimlari, qarorlarining ijrosini toʻxtatib turadi;

sud amaliyotini umumlashtirish, shuningdek Oliy xoʻjalik sudi Plenumi dasturiy koʻrsatmalarining bajarilishi yuzasidan nazoratni amalga oshirish ishlarini tashkil qiladi;

ishlarni respublikaning bir xoʻjalik sudidan ikkinchi xoʻjalik sudiga olib berish masalasini hal qiladi;

Oliy xoʻjalik sudi Plenumi va Rayosatini chaqiradi, ularning majlisida raislik qiladi;

zarur hollarda bir hayʼat tarkibiga kiruvchi sudyalarni boshqa hayʼat tarkibida ish koʻrishga jalb etadi;

Oliy xoʻjalik sudi Plenumining dasturiy koʻrsatmalari Oʻzbekiston Respublikasining amaldagi qonunlariga muvofiq emasligi haqida Oliy xoʻjalik sudi Plenumiga taqdimnoma kiritadi;

Oʻzbekiston Respublikasi qonun hujjatlarini sharhlab berish va normativ hujjatlarning Oʻzbekiston Respublikasi Konstitutsiyasiga mos kelmasligi haqida Oʻzbekiston Respublikasi Konstitutsiyaviy sudiga taqdimnoma kiritadi;

Oliy xoʻjalik sudi Plenumiga sudlov hayʼatlarining tarkibi, ularning raislari haqida, Oliy xoʻjalik sudi Rayosati hamda Sudyalarning malaka hayʼati tarkibi toʻgʻrisida taqdimnoma kiritadi;

xoʻjalik sudlari sudyaligiga nomzodlar haqida Oʻzbekiston Respublikasi Prezidentiga taqdimnomalar kiritadi;

Oʻzbekiston Respublikasi xoʻjalik sudlari sudyalarini intizomiy javobgarlikka tortish haqida ish qoʻzgʻatadi;

Rais oʻrinbosarlari oʻrtasida vazifalarni taqsimlaydi;

Oliy xoʻjalik sudi xodimlarini ishga qabul qiladi va ishdan boʻshatadi;

fuqarolarni va korxona, muassasa, tashkilotlarning vakillarini shaxsan qabul qiladi;

qonun hujjatlarida oʻziga berilgan boshqa vakolatlarni amalga oshiradi.