46-modda. Oliy xoʻjalik sudi Plenumining vakolatlari

Oliy xoʻjalik sudi Plenumi, Plenum aʼzolarining kamida uchdan ikki qismi ishtirok etgan taqdirda vakolatli hisoblanadi.

Oliy xoʻjalik sudi Plenumi:

ishlarni nazorat tartibida koʻradi;

sud amaliyotini umumlashtirish natijalarini koʻrib chiqadi va qonun hujjatlarini qoʻllash masalalari yuzasidan koʻrsatmalar beradi;

Oliy xoʻjalik sudi Raisining tavsiyasiga binoan Oliy xoʻjalik sudi Rayosatini, sudlov hayʼatlarining raislarini, shuningdek Plenum kotibini tasdiqlaydi;

Oliy xoʻjalik sudi Raisining tavsiyasiga binoan Oliy xoʻjalik sudi huzuridagi ilmiy-maslahat kengashi tarkibini tasdiqlaydi;

Rayosat ishi toʻgʻrisidagi axborotni va Oliy xoʻjalik sudi sudlov hayʼatlari raislarining hayʼatlar faoliyati haqidagi maʼruzalarini tinglaydi;

qonun hujjatlarini qoʻllash amaliyoti, shuningdek, Oliy xoʻjalik sudi Plenumi dasturiy koʻrsatmalarining bajarilishi toʻgʻrisida Qoraqalpogʻiston Respublikasi Xoʻjalik sudi, viloyatlar va Toshkent shahar xoʻjalik sudlari raislarining maʼruzalarini tinglaydi;

sudyalar malaka hayʼatini saylaydi va uning faoliyati toʻgʻrisidagi axborotni tinglaydi;

Oliy xoʻjalik sudi matbuot organining tahrir hayʼati tarkibini tasdiqlaydi;

qonun hujjatlarida oʻziga berilgan boshqa vakolatlarni amalga oshiradi.