Davolash-profilaktika muassasalarini loyihalashtirish, qurish va ekspluatatsiya qilishning sanitariya qoidalari, normalari va gigiyena normativlariga (0020-22-son SanQvaN) oʻzgartirishlar kiritish toʻgʻrisida (7-son)

15.02.2024

Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining

qarori

[Oʻzbekiston Respublikasi Adliya vazirligi tomonidan 2024-yil 26-fevralda hisobga olindi, hisob raqami 234]

Oʻzbekiston Respublikasining “Aholining sanitariya-epidemiologik osoyishtaligi toʻgʻrisida”gi Qonuni hamda Oʻzbekiston Respublikasi Prezidentining 2020-yil 27-iyuldagi PQ-4790-son “Oʻzbekiston Respublikasi Sanitariya-epidemiologik osoyishtalik va jamoat salomatligi xizmati faoliyatini tashkil qilish chora-tadbirlari toʻgʻrisida”gi hamda 2022-yil 16-iyundagi PQ-283-son “Aholiga tez tibbiy yordam koʻrsatish tizimini takomillashtirish toʻgʻrisida”gi qarorlariga muvofiq Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi qaror qiladi:

1. Davolash-profilaktika muassasalarini loyihalashtirish, qurish va ekspluatatsiya qilishning sanitariya qoidalari, normalari va gigiyena normativlariga (0020-22-son SanQvaN) ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Qurilish va uy-joy kommunal xoʻjaligi vazirligi, Togʻ-kon sanoati va geologiya vazirligi hamda Savdo-sanoat palatasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Rais B. YuSUPALIYEV

Toshkent sh.,

2024-yil 15-fevral,

7-son

Kelishildi:

Savdo-sanoat palatasi raisi D. VAXABOV

2024-yil 09-fevral

Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV

2024-yil 12-fevral

Qurilish va uy-joy kommunal xoʻjaligi vaziri B. ZAKIROV

2024-yil 14-fevral

Togʻ-kon sanoati va geologiya vaziri B. ISLAMOV

2024-yil 13-fevral

Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining 2024-yil 15-fevraldagi 7-son qaroriga ILOVA

Davolash-profilaktika muassasalarini loyihalashtirish, qurish va ekspluatatsiya qilishning sanitariya qoidalari, normalari va gigiyena normativlariga (0020-22-son SanQvaN) kiritilayotgan oʻzgartirishlar

1. 42-banddan “rentgen xonalari,” degan soʻzlar chiqarib tashlansin.

2. 21-jadval quyidagi tahrirda bayon etilsin:

“21-jadval

Tez tibbiy yordam filiallari (stansiyalari) xonalarining tarkibi va maydoni

Izoh. Qishloq va ovullarda joylashgan oilaviy poliklinikalarda tez tibbiy yordam xizmati tashkil etilganda yoʻlak oxirida 2 ta xona ajratiladi. Bunda, birinchi xonada navbatchi xodimlar xonasi 12 m2, ikkinchi xonada esa dori vositalari va tibbiy jamlamalarni saqlash xonasi — 12 m2 ni tashkil etadi.”.