“57-modda. Yuridik shaxsning toʻlovga qobiliyatsizligi

Tijoratchi tashkilot boʻlgan yuridik shaxs, shuningdek matlubot kooperativi yoki ijtimoiy fond shaklida ish olib borayotgan yuridik shaxs pul majburiyatlari boʻyicha kreditorlarning talablarini toʻla hajmida qanoatlantirishga va (yoki) soliqlar hamda yigʻimlar boʻyicha oʻz majburiyatlarini bajarishga qodir boʻlmasa, sud tomonidan toʻlovga qobiliyatsiz deb topilishi mumkin.

Yuridik shaxsni toʻlovga qobiliyatsiz deb topishning asoslari, tartibi va oqibatlari qonunda belgilanadi”;

5) 63-moddaning birinchi qismidagi “nochor (bankrot)” degan soʻzlar “toʻlovga qobiliyatsiz” degan soʻzlar bilan almashtirilsin;

6) 67-moddaning beshinchi qismidagi “nochor (bankrot)” degan soʻzlar “toʻlovga qobiliyatsiz” degan soʻzlar bilan almashtirilsin;

7) 113-moddaning birinchi qismidagi “Kodeksda” degan soʻz “Kodeksda va boshqa qonunlarda” degan soʻzlar bilan almashtirilsin;

8) 507-moddaning toʻrtinchi qismi quyidagi tahrirda bayon etilsin:

“Manfaatdor shaxsning talabiga binoan sud yakka tartibdagi tadbirkorning yoki yuridik va jismoniy shaxsning toʻlovga qobiliyatsizlik toʻgʻrisidagi qonunchilik qoidalarini buzib, toʻlovga qobiliyatsizlik haqida ish qoʻzgʻatilishidan oldingi bir yil ichida oʻzining tadbirkorlik faoliyati bilan bogʻliq mablagʻlar hisobidan qilgan hadyasini bekor qilishi mumkin”;

9) 838-moddaning uchinchi qismidagi “nochor (bankrot)” degan soʻzlar “toʻlovga qobiliyatsiz” degan soʻzlar bilan almashtirilsin;

10) 855-moddaning ikkinchi qismi quyidagi tahrirda bayon etilsin:

“Boshqaruv muassisining qarzlari boʻyicha undiruvni u ishonchli boshqaruvga topshirgan mol-mulkka qaratishga yoʻl qoʻyilmaydi, bundan ushbu shaxs bankrot deb topilgan hollar mustasno. Boshqaruv muassisi bankrot deb topilganda ushbu mol-mulkni ishonchli boshqarish bekor qilinadi va u tugatish massasiga qoʻshib yuboriladi”;

11) 861-modda birinchi qismining:

toʻrtinchi xatboshisidagi “nochor (bankrot)” degan soʻzlar “toʻlovga qobiliyatsiz” degan soʻzlar bilan almashtirilsin;