Xalqaro va xorijiy tashkilotlar va jamgʻarmalar hamda ilmiy texnikaviy hamkorlik boʻyicha xalqaro bitimlar doirasida xorijdan keltirilayotgan pul mablagʻlari va asbob-uskunalarning ajratilgan grantlar maqsad va vazifalariga muvofiqligi toʻgʻrisida xulosalar berish tartibiga oʻzgartirishlar kiritish haqida (438-3-son)

21.11.2003

oʻzbekiston respublikasi Vazirlar mahkamasi huzuridagi Fan va texnika taraqqiyoti boʻyicha muvofiqlashtirish kengashi huzuridagi Fan va texnologiya bOʻyicha markazi, Oʻzbekiston Respublikasi Moliya vazirligi, Oʻzbekiston Respublikasi Davlat soliq qoʻmitasi, Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2003-yil 21-noyabrda 438-3-son bilan davlat roʻyxatidan oʻtkazilgan]

“Davlat soliq xizmati toʻgʻrisidagi” Qonunning 7 bandi, Oʻzbekiston Respublikasi Soliq kodeksi va Oʻzbekiston Respublikasi Vazirlar Mahkamasining 1998-yil 19-yanvardagi 31-sonli “Xalqaro va xorijiy tashkilotlar va fondlar (jamgʻarmalar) grantlari boʻyicha xalqaro ilmiy-texnika aloqalar, ilmiy dasturlar va loyihalarni rivojlantirishni davlat tomonidan qoʻllab-quvvatlash toʻgʻrisidagi” qaroriga muvofiq Oʻzbekiston Respublikasi Vazirlar Mahkamasi huzuridagi Ilmiy texnika taraqqiyotini Muvofiqlashtirish Kengashi huzuridagi Fan va texnologiyalar markazi, Oʻzbekiston Respublikasi Moliya vazirligi, Oʻzbekiston Respublikasi Davlat soliq qoʻmitasi, Oʻzbekiston Respublikasi Davlat bojxona qoʻmitasi QAROR QILADI:

1. “Xalqaro va xorijiy tashkilotlar va jamgʻarmalarning grantlari hamda ilmiy-texnikaviy hamkorlik boʻyicha xalqaro bitimlar doirasida xorijdan keltirilayotgan pul mablagʻlari va asbob-uskunalar yuzasidan xulosalar berish Tartibiga (1998-yil 18-may qayd soni 438) ilova boʻyicha oʻzgartirishlar kiritilsin.

2. Ushbu qaror Oʻzbekiston Respublikasi adliya vazirligida davlat roʻyxatidan oʻtkazilganidan 10 kun oʻtgandan soʻng kuchga kiradi.

Vazirlar Mahkamasi huzuridagi fan va texnika taraqqiyoti boʻyicha muvofiqlashtirish kengashi huzuridagi fan va texnologiya boʻyicha markazning direktori P. XABIBULLAYEV

Toshkent sh.,

2003-yil 5-noyabr,

10-son

Oʻzbekiston Respublikasi Moliya vaziri M. NURMURODOV

Toshkent sh.,

2003-yil 5-noyabr,

115-son

Oʻzbekiston Respublikasi Davlat soliq qoʻmitasining raisi J. B. SAYFIDDINOV

Toshkent sh.,

2003-yil 5-noyabr,

2003-75-son

Oʻzbekiston Respublikasi Davlat bojxona qoʻmitasining raisi B. PARPIYEV

Toshkent sh.,

2003-yil 5-noyabr,

01-02/8-45-son

Oʻzbekiston Respublikasi Vazirlar Mahkamasi huzuridagi Ilmiy texnika taraqqiyotini Muvofiqlashtirish Kengashi huzuridagi Fan va texnologiyalar markazi, Oʻzbekiston Respublikasi Moliya vazirligi, Oʻzbekiston Respublikasi Davlat soliq qoʻmitasi, Oʻzbekiston Respublikasi Davlat bojxona qoʻmitasining 2003-yil 5-noyabrdagi 10, 115, 2003-75, 01-02/8-45 sonli qaroriga ILOVA

Xalqaro va xorijiy tashkilotlar va jamgʻarmalarning grantlari hamda ilmiy-texnikaviy hamkorlik boʻyicha xalqaro bitimlar doirasida xorijdan keltirilayotgan pul mablagʻlari va asbob-uskunalar yuzasidan xulosalar berish Tartibiga kiritilgan oʻzgartirishlar

1. 1.2 band quyidagi tahrirda oʻzgartirilsin:

1.2. “Xulosalar berish obyekti boʻlib xalqaro va xorijiy tashkilotlar va fondlar grantlari boʻyicha, shuningdek ilmiy-texnika hamkorligi sohasida xalqaro bitimlar doirasida begʻaraz, gumanitar va texnik yordam tariqasida yuridik va jismoniy shaxslarga berilgan ilmiy-tadqiqot, ilmiy-texnik va innovatsiya dastur va loyihalarini bajarishga qaratilgan pul mablagʻlari va moddiy-texnika vositalari hisoblanadi”.

2. 1.3 band quyidati tahrirda oʻzgartirilsin:

1.3. “Markaz xulosasi Xalqaro va xorijiy tashkilotlar va fondlar grantlari boʻyicha shuningdek ilmiy-texnika hamkorligi boʻyicha xalqaro bitimlar doirasida begʻaraz, gumanitar va texnik yordam tariqasida berilgan, ilmiy-tadqiqot, ilmiy-texnik va innovatsiya dastur va loyihalarini bajarishga qaratilgan pul mablagʻlari va moddiy-texnika vositalarini oluvchi Oʻzbekiston Respublikasining yuridik va jismoniy shaxslariga beriladi”.

3. 3.1 band quyidagi taxrirda oʻzgartirilsin:

3.1. “Jismoniy shaxslarning umumiy yillik daromadiga soliq olish maqsadlari uchun Markaz xulosalari asosida xalqaro va xorijiy tashkilotlar va fondlar grantlari boʻyicha, shuningdek ilmiy-texnika hamkorligi sohasida xalqaro bitimlar doirasida olingan pul mablagʻlari kiritilmaydi.

Ushbu imtiyoz loyihalarni bajarish doirasida grant olgan yuridik shaxs bilan tuzilgan shartnoma asosida yuridik shaxsga berilgan grantdan pul mablagʻlari olgan grant ijrochilariga — jismoniy shaxslarga ham tarqatiladi”.