Respublikada oziq-ovqat xavfsizligini taʼminlashning qoʻshimcha chora-tadbirlari toʻgʻrisida (PF-36-son)

16.02.2024

Oʻzbekiston Respublikasi Prezidentining

Farmoni

Soʻnggi yillarda respublikada oziq-ovqat sanoatini rivojlantirish, sohaga investitsiya mablagʻlarini jalb qilish va eksport faoliyatini qoʻllab-quvvatlash boʻyicha amalga oshirilgan chora-tadbirlar natijasida oziq-ovqat mahsulotlarini ishlab chiqarish hajmi 6,1 milliard AQSH dollaridan va ularning yillik eksporti hajmi 510 million AQSH dollaridan oshdi.

Shuningdek, oxirgi uch yilda import oʻrnini bosuvchi 75 turdagi 289,9 million AQSH dollari miqdoridagi oziq-ovqat sanoati mahsulotlari ishlab chiqarilishi taʼminlanib, import hajmi 7,4 foizga kamaydi. Respublika sanoatida oziq-ovqat sanoati ulushi 14 foizdan 16,6 foizga oshdi.

Keyingi besh yilda sanoat mahsulotlari ishlab chiqarish faoliyatini qoʻllab-quvvatlashning samarali mexanizmlarini joriy etish, mavjud quvvatlarni modernizatsiya qilish, texnik va texnologik qayta jihozlash, yangi loyihalarga investitsiyalarni jalb qilish, bozorda raqobatbardosh mahsulotlar turini yanada kengaytirish, import oʻrnini bosuvchi mahsulotlar ishlab chiqarishni diversifikatsiya qilish hisobiga yuqori qoʻshilgan qiymatli mahsulotlar ishlab chiqarish hajmini 1,5 baravarga va eksport koʻrsatkichlarini 2 baravarga oshirish maqsadida:

1. Oziq-ovqat sanoati va qishloq xoʻjaligi mahsulotlarini qayta ishlash sohasini rivojlantirish boʻyicha investitsiya loyihalarini moliyalashtirish uchun:

a) “Oʻzbekiston Respublikasi qishloq xoʻjaligini modernizatsiya qilish” loyihasi doirasida jalb qilingan mablagʻlar hisobidan 80 million AQSH dollari va “Chorvachilik sohasini rivojlantirish (2-bosqich)” hamda “Chorvachilik sohasini barqaror rivojlantirishni moliyalashtirish” loyihalari doirasida jalb qilingan mablagʻlar hisobidan 40 million AQSH dollarini yoʻnaltirish boʻyicha Jahon banki va Fransiya taraqqiyot agentligi bilan kelishuvga erishilganligi maʼlumot uchun qabul qilinsin;

b) Qishloq xoʻjaligi vazirligi Iqtisodiyot va moliya vazirligi, Investitsiyalar, sanoat va savdo vazirligi, tijorat banklari bilan birgalikda:

2024-yil 1-iyulga qadar “Meva-sabzavotchilik tarmogʻida qoʻshilgan qiymat zanjiri yaratishni rivojlantirish (2-bosqich)” loyihasi doirasida jalb qilingan 100 million AQSH dollarini oziq-ovqat yoʻnalishidagi loyihalarni moliyalashtirishga yoʻnaltirish masalasini Yaponiya xalqaro hamkorlik agentligi (JICA) bilan kelishsin;

qayd etib oʻtilgan xalqaro moliya institutlaridan jalb qilingan mablagʻlar hisobidan 45 million AQSH dollarini belgilangan tartibda oziq-ovqat mahsulotlari ishlab chiqaruvchi hamda eksport qiluvchi korxonalarni aylanma mablagʻlar bilan taʼminlashga yoʻnaltirsin.

2. Shunday tartib oʻrnatilsinki, unga koʻra:

a) xalqaro moliya institutlari mablagʻlari hisobidan 220 million AQSH dollari miqdoridagi mablagʻlar 2024-yil 1-martga qadar tijorat banklariga yoʻnaltiriladi. Bunda tijorat banklari tomonidan yillik Markaziy bank asosiy stavkasidan 4 foizlik punkt yuqori stavkada (shundan bank marjasi 4 foiz) milliy valyutada:

oziq-ovqat yoʻnalishidagi, sohada mahsulot yetishtirishdan tortib uni isteʼmolchiga yetkazib berishgacha boʻlgan qoʻshilgan qiymat zanjirini yaratishga qaratilgan loyihalarni moliyalashtirish uchun — 10 yil muddatga 3 yillik imtiyozli davr bilan;

aylanma mablagʻlar uchun — 18 oy muddatga 6 oylik imtiyozli davr bilan imtiyozli kreditlar ajratiladi;

b) eksport qiluvchi korxonalarni yanada qoʻllab-quvvatlash maqsadida 2024-yil 1-martdan boshlab Eksportni qoʻllab-quvvatlash jamgʻarmasi resurslari hisobidan oziq-ovqat mahsulotini eksport qiluvchi korxonalarga eksportoldi va eksport bilan bogʻliq savdo operatsiyalarini moliyalashtirish uchun 2 yil muddatgacha ular tomonidan oxirgi 12 oy davomida eksport hajmi:

100 ming AQSH dollaridan 1 million AQSH dollarigacha boʻlganda — 100 ming AQSH dollarigacha;

1 million AQSH dollaridan 2 million AQSH dollarigacha boʻlganda — 1 million AQSH dollarigacha;

2 million AQSH dollaridan 4 million AQSH dollarigacha boʻlganda — 2 million AQSH dollarigacha;

4 million AQSH dollaridan ortiq boʻlganda — 3 million AQSH dollarigacha moliyaviy resurslar ajratiladi.

Bunda:

moliyaviy resurslar yillik 4 foiz stavkadan (shundan 2 foizi bank marjasi) oshmagan miqdorda taqdim etiladi;

eksport qiluvchilar tomonidan aylanma mablagʻlar olingandan soʻng kelgusi yilda eksport hajmi kamida 20 foizga oshmagan taqdirda, imtiyozli kredit tijorat krediti sifatida qayta rasmiylashtiriladi;

v) oziq-ovqat mahsulotlarini qayta ishlovchi sanoat korxonalari va eksport qiluvchilar tomonidan xorijiy davlatlarda savdo uyi va doʻkonlarini tashkil etish uchun alohida qarorlarsiz yiliga 50 ming AQSH dollarigacha mablagʻni xorijiy hisob raqamlarga oʻtkazishga ruxsat beriladi.

3. Samarqand, Sirdaryo, Surxondaryo, Toshkent, Xorazm va Fargʻona viloyatlari hokimliklari Qishloq xoʻjaligi vazirligi, Investitsiyalar, sanoat va savdo vazirligi, Iqtisodiyot va moliya vazirligi bilan birgalikda uch oy muddatda kichik sanoat zonalari tarkibida oziq-ovqat sanoati texnoparklarini tashkil etish yuzasidan asoslangan takliflarni ishlab chiqib, tegishli qarorlarni koʻrib chiqish uchun tegishincha xalq deputatlari viloyat Kengashlariga kiritsin. Bunda:

moliyalashtirish manbai sifatida xorijiy moliya institutlari mablagʻlari, toʻgʻridan-toʻgʻri xorijiy investitsiyalar, tijorat banklarining kredit resurslari hamda tadbirkorlarning oʻz mablagʻlarini belgilash;

oziq-ovqat sanoati texnoparklarida amalga oshiriladigan asosiy faoliyat dasturlarini ishlab chiqish;

tadbirkorlik subyektlari uchun oziq-ovqat sanoati texnoparklarida bevosita va raqamli xizmatlar koʻrsatish tizimini joriy etish;

xalqaro va mahalliy mutaxassislarni jalb etgan holda, yoshlarni kasbga hamda oziq-ovqat mahsulotlarini mustaqil tayyorlashga oʻrgatish maydonchasi tashkil etishni nazarda tutsin.

4. Belgilansinki:

a) kichik sanoat zonalari uchun tatbiq etilgan imtiyozlar ular tarkibida tashkil etilgan oziq-ovqat sanoati texnoparklariga ham joriy qilinadi;

b) kichik sanoat zonalari tarkibidagi oziq-ovqat sanoati texnoparklarida amalga oshiriladigan investitsiya loyihalari uchun ajratiladigan yer uchastkalari boʻyicha mablagʻlar elektron onlayn auksion savdolari gʻoliblari tomonidan uch yil davomida teng ulushlarda toʻlab beriladi;

v) 2024-yil 1-yanvardan:

Xalqaro akkrediatsiya forumi (IAF) tomonidan koʻp tomonlama tan olish bitimiga kiritilgan oziq-ovqat mahsulotlarini ishlab chiqarish va yetkazib berish zanjirida xalqaro sifatni boshqarish tizimini joriy qilish hamda zarur boʻlgan uskuna va laboratoriya jihozlarini xarid qilish bilan bogʻliq xarajatlarning 50 foizi, lekin 500 million soʻmdan oshmagan miqdorda subsidiyalar ajratiladi;

yillik tushumida tayyor oziq-ovqat mahsulotlari eksportidan tushum ulushi kamida 30 foizni tashkil qiladigan hamda har yili 1 million dollardan ortiq hajmdagi eksportni amalga oshiruvchi mahalliy korxonalar tomonidan injener-texnolog, marketolog, dizayner va xalqaro standartlar boʻyicha xorijiy mutaxassislar jalb qilinganda, ularga hisoblangan ish haqining 30 foizi, biroq mehnatga haq toʻlashning eng kam miqdorining 10 barobaridan koʻp boʻlmagan qismi qoplab beriladi.

Bunda, mazkur kichik banddagi tadbirlarni moliyalashtirish manbai etib Agrosanoatni rivojlantirish va qoʻllab-quvvatlash davlat maqsadli jamgʻarmasi mablagʻlari belgilanadi.

Qishloq xoʻjaligi vazirligi manfaatdor vazirlik va idoralar bilan birgalikda 2024-yil 1-martga qadar, xalqaro sifatni boshqarish tizimini joriy qilish, oziq-ovqat sanoati uchun zarur boʻlgan laboratoriya uskunalarini xarid qilish bilan bogʻliq xarajatlarni hamda injener-texnolog, marketolog, dizayner va xalqaro standartlar boʻyicha xorijiy mutaxassislarni jalb qilish xarajatlarining bir qismini qoplab berish tartibini ishlab chiqib, Vazirlar Mahkamasiga kiritsin.

5. Bosh vazir oʻrinbosari J.A. Xodjayev, Investitsiyalar, sanoat va savdo vazirligi Qishloq xoʻjaligi vazirligi va tijorat banklari bilan birgalikda bir oy muddatda oziq-ovqat sanoati va qishloq xoʻjaligi mahsulotlarini qayta ishlash sohasini rivojlantirish boʻyicha 2024-yilda amalga oshiriladigan investitsiya loyihalarining manzilli roʻyxatini tasdiqlasin.

6. Quyidagilar:

Oʻzbekiston Respublikasining oziq-ovqat xavfsizligi va sogʻlom ovqatlanishni taʼminlashning 2030-yilgacha moʻljallangan strategiyasi (keyingi oʻrinlarda — Strategiya) 1-ilovaga muvofiq;

Oʻzbekiston Respublikasining oziq-ovqat xavfsizligi va sogʻlom ovqatlanishni taʼminlashning 2030-yilgacha moʻljallangan strategiyasida belgilangan vazifalarni amalga oshirish boʻyicha “yoʻl xaritasi” (keyingi oʻrinlarda — “yoʻl xaritasi”) 2-ilovaga muvofiq;

Oʻzbekiston Respublikasida oziq-ovqat xavfsizligi va sogʻlom ovqatlanishni taʼminlashning 2030-yilgacha moʻljallangan strategiyasining maqsadli indikatorlari 3-ilovaga muvofiq;

Oʻzbekiston Respublikasida 2024 — 2028-yillarda oziq-ovqat sanoatini yanada rivojlantirish boʻyicha chora-tadbirlar dasturi 4-ilovaga muvofiq tasdiqlansin.

7. Strategiyaning ustuvor yoʻnalishlari etib quyidagilar belgilansin:

oziq-ovqat xavfsizligi va sogʻlom ovqatlanishni taʼminlash hamda aholining barcha qatlamlari sogʻlom va faol hayot kechirishi uchun tabiiy, moliyaviy va moddiy resurslardan foydalanishning samarali iqtisodiy va ekologik boshqaruv tizimlarini joriy qilish;

erkin bozor iqtisodiyoti tamoyillariga asoslangan mexanizmlar orqali strategik ahamiyatga ega qishloq xoʻjaligi va oziq-ovqat mahsulotlari hamda ularning xomashyo zaxiralarini yaratish;

oziq-ovqat xavfsizligi va sogʻlom ovqatlanishni taʼminlash jarayonida tabiiy va texnogen ofatlar, global siyosiy va iqtisodiy inqirozlar, pandemiya, harbiy amaliyot va boshqa hodisalarning salbiy taʼsiri oqibatida yuzaga kelishi mumkin boʻlgan xavf-xatarlarni aniqlash, baholash va boshqarish, shuningdek, xabardor qilish va monitoring platformasini yaratish;

ijtimoiy himoyaga muhtoj aholini oziq-ovqat mahsulotlari bilan taʼminlash uchun ijtimoiy himoya milliy tizimlarini takomillashtirish va ularning barqarorligini taʼminlash;

jamoatchilikni keng jalb qilgan holda oziq-ovqat mahsulotlarining xavfsizlik koʻrsatkichlarini nazorat qilish, sogʻlom ovqatlanish tamoyillari va ularga rioya qilish amaliyotlarini keng targʻib etish.

8. Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini amalga oshirish boʻyicha muvofiqlashtiruvchi kengash (A. Aripov):

Strategiyada belgilangan ustuvor vazifalarning oʻz vaqtida, toʻliq va sifatli bajarilishi va bu boradagi koʻrsatkichlarga erishish ustidan doimiy monitoring yuritish va natijalarning xalqaro reytinglarda aks ettirilishi boʻyicha zarur chora-tadbirlarni belgilasin;

ikki oy muddatda Strategiyaning har bir asosiy yoʻnalishi boʻyicha yetakchi mahalliy va xorijiy mutaxassislardan iborat tarkibda doimiy ishlovchi ishchi guruhlarni xalqaro moliya tashkilotlari, xorijiy hukumat tashkilotlari va boshqa donorlar grantlari, shuningdek, qonunchilik hujjatlari bilan taqiqlanmagan boshqa manbalar hisobidan ish haqi va boshqa toʻlovlarni belgilagan holda shakllantirish choralarini koʻrsin;

Strategiya va “yoʻl xaritasi”ni amalga oshirishga qaratilgan normativ-huquqiy hujjatlar loyihalari oʻz muddatida va sifatli ishlab chiqilishi hamda belgilangan tartibda kiritilishi ustidan taʼsirchan nazoratni taʼminlasin;

har chorakda Strategiya va “yoʻl xaritasi” boʻyicha bajarilgan ishlar yuzasidan Oʻzbekiston Respublikasi Prezidenti Administratsiyasiga axborot taqdim etib borsin.

Belgilansinki, Qishloq xoʻjaligi vazirligi Strategiyani va “yoʻl xaritasi”ni amalga oshirish doirasida Muvofiqlashtiruvchi kengashning ishchi organi hisoblanadi hamda uning faoliyatini tahliliy va tashkiliy jihatdan taʼminlaydi.

9. Qishloq xoʻjaligi vazirligi, Raqamli texnologiyalar vazirligi, Milliy statistika qoʻmitasi:

2025-yil 1-martga qadar qishloq xoʻjaligi va oziq-ovqat mahsulotlari hamda ularning bozordagi narx-navolari toʻgʻrisidagi doimiy, ishonchli va aniq maʼlumotlar bilan taʼminlaydigan “Elektron agrosanoat bozori” axborot tizimini ishga tushirib, Milliy axborot platformasi bilan integratsiyasini taʼminlasin.

10. Qishloq xoʻjaligi vazirligi, Iqtisodiyot va moliya vazirligi:

aholining oziq-ovqat xavfsizligini va ichki bozorlarda narxlar barqarorligini taʼminlash uchun Vazirlar Mahkamasi huzuridagi Makroiqtisodiy va hududiy tadqiqotlar instituti hamda Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi bilan birgalikda asosiy import qiluvchi mamlakatlarda ichki bozorlardagi narxlar dinamikasi, mahsulot yetishtirish prognozlari, ularning oʻzgarishlari boʻyicha tahliliy maʼlumotlar bazasini shakllantirsin hamda har chorak yakuni bilan Vazirlar Mahkamasi va Oʻzbekiston Respublikasi Prezidenti Administratsiyasiga kiritib borsin;

2024-yil 1-martga qadar oziq-ovqat mahsulotlarini saqlash, tashish infratuzilmasini zamon talablari asosida rivojlantirish va mavjudlarini modernizatsiya qilish dasturini Vazirlar Mahkamasiga kiritsin. Bunda, dehqon bozorlarida mahsulotlarni bevosita yetishtiruvchilar tomonidan isteʼmolchilarga sotish boʻyicha alohida rastalarni tashkil etish hamda oziq-ovqat mahsulotlarining saqlash imkoniyatlarini yaratish inobatga olinsin.

11. Qishloq xoʻjaligi vazirligi Kambagʻallikni qisqartirish va bandlik vazirligi, Iqtisodiyot va moliya vazirligi bilan birgalikda oziq-ovqat sanoatini xomashyo bilan kafolatli taʼminlash maqsadida ijtimoiy daftarlarga kirgan fuqarolarga va dehqon xoʻjaliklariga ajratilgan yerlardan samarali foydalanish, oziq-ovqat mahsulotlari yetishtirishga qiziqishini oshirish va mahsulotlarni xarid qilish imkoniyatlarini kengaytirish boʻyicha maxsus dastur ishlab chiqib, 2024-yil 1-aprelga qadar Vazirlar Mahkamasiga kiritsin.

12. Qishloq xoʻjaligi vazirligi Oliy taʼlim, fan va innovatsiyalar vazirligi, Fanlar akademiyasi hamda Suv xoʻjaligi vazirligi bilan birgalikda 2024-yil 1-sentabrga qadar:

oziq-ovqat xavfsizligini taʼminlashda muhim ahamiyatga ega boʻlgan asosiy sabzavot ekinlarining serhosil, kasalliklarga va qurgʻoqchilikka chidamli mahalliy navlarini yaratish, ularning urugʻchiligini tashkil etish hamda ichki bozorni mahalliy urugʻliklar bilan taʼminlash dasturini;

global iqlim oʻzgarishiga moslashish hamda mavjud resurslardan unumli foydalanish maqsadida suv taʼminoti yomon boʻlgan va lalmi yerlarda moyli ekinlar va boshqa oziq-ovqat ekinlari hamda chorva ozuqa ekinlarini tuproqqa “nol” ishlov berish (No-Till) texnologiyasi asosida yetishtirish dasturini;

qishloq xoʻjaligi rivojlangan mamlakatlar tajribasidan kelib chiqib tuproqning shoʻrlanish darajasini pasaytirishda shoʻr yuvish tadbirini biologik usullarga almashtirish yuzasidan takliflarni Vazirlar Mahkamasiga kiritsin.

13. Kambagʻallikni qisqartirish va bandlik vazirligi Iqtisodiyot va moliya vazirligi hamda Yoshlar ishlari agentligi bilan birgalikda 2024-yil 1-martga qadar ijtimoiy daftarlarga kirgan fuqarolarga oziq-ovqat mahsulotlarini bozor narxlarida xarid qilish imkoniyatlarini kengaytirish hamda yoshlarni oziq-ovqat mahsulotlari yetishtirishga qiziqishini oshirish boʻyicha maxsus dastur ishlab chiqib, Vazirlar Mahkamasiga kiritsin.

14. Soliq qoʻmitasi Iqtisodiyot va moliya vazirligi, Qishloq xoʻjaligi vazirligi bilan birgalikda qadoqlangan oʻsimlik yogʻini raqamli markirovkalash boʻyicha tajriba loyihasini amalga oshirishni nazarda tutuvchi qaror loyihasini 2024-yil 1-dekabrga qadar Vazirlar Mahkamasiga kiritilishini taʼminlasin.

15. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartirish va qoʻshimchalar kiritilsin.

16. Qishloq xoʻjaligi vazirligi Investitsiyalar, sanoat va savdo vazirligi hamda boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev, qishloq xoʻjaligi vaziri I.Yu. Abduraxmonov hamda investitsiyalar, sanoat va savdo vaziri L.Sh. Qudratov belgilansin.

Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 16-fevral,

PF-36-son

Oʻzbekiston Respublikasi Prezidentining 2024-yil 16-fevraldagi PF-36-son Farmoniga 1-ILOVA

Oʻzbekiston Respublikasining oziq-ovqat xavfsizligi va sogʻlom oziqlanishni taʼminlashning 2030-yilgacha moʻljallangan

STRATEGIYASI

Umumiy qoidalar

Keyingi yillarda qishloq xoʻjaligini diversifikatsiya qilish, mavjud yer, suv va boshqa resurslardan yanada oqilona foydalanish, zamonaviy va intensiv texnologiyalarni qoʻllash orqali qishloq xoʻjaligi va oziq-ovqat mahsulotlari yetishtirish borasida olib borilayotgan tizimli ishlar asta-sekin oʻz samarasini bermoqda.

Xususan, ekin maydonlaridan yil davomida samarali foydalanish hisobiga asosiy, oraliq va takroriy ekin sifatida qishloq xoʻjaligi va oziq-ovqat ekinlari ekilib, ulardan yuqori hosil yetishtirilib, nafaqat ichki bozorda, balki tashqi bozorlarda ham savdo hajmini oshirishga imkoniyat yaratildi.

Agrar va oziq-ovqat sohalarining har bir tarmogʻini yangi va integratsiyalashgan yondashuv asosida boshqarishga oʻtilishi, ushbu tarmoqlarning jadal va barqaror rivojlanishini taʼminlash bilan bir qatorda, Oʻzbekiston qishloq xoʻjaligi va oziq-ovqat mahsulotlari ishlab chiqarish hajmlarini koʻpaytirish va qoʻshimcha qiymatni va mahsulotlarning raqobatbardoshligini oshirishda muhim omil boʻlib xizmat qilmoqda.

Shu oʻrinda, Oʻzbekiston Respublikasi fuqarolarining oziq-ovqat xavfsizligini va sogʻlom ovqatlanishini taʼminlash zarurati davlat siyosatini yangicha va xalqaro tan olingan ilgʻor amaliyotga yondashgan holda yuritishni talab etmoqda.

Sababi, bugungi kunda atrof-muhit va tabiiy resurslarga insonlar va hayvonot olamining taʼsiri kuchayib borishi, barqaror boʻlmagan qishloq xoʻjaligi amaliyotlari, isrofgarchilik, ilgʻor va rivojlanayotgan davlatlar oʻrtasidagi oziq-ovqat balansi boʻyicha farqning oʻsayotganligi, iqlim isishi, suv tanqisligi, biologik xilma-xillikning kamayib borishi, tuproq unumdorligining pasayib, degradatsiyaga uchrashi bir qator salbiy oqibatlarni keltirib chiqarmoqda.

Bundan tashqari, 2025-yilga borib Oʻzbekiston oʻrtacha darajadan yuqori daromad oladigan mamlakatlar qatoriga kirishi maqsad qilingan. Bu isteʼmolchilarning turmush tarzi, xulq-atvor andozalari, ovqatlanish ratsioni tegishli tarzda oʻzgarishiga olib keladi.

Shularni eʼtiborga olgan holda, ovqatlanish meʼyorlarini joriy qilish (shu jumladan, zarur nutriyentlar mavjud boʻlishi, zararli moddalar, turli qoʻshimchalar, veterinariya preparatlari, boʻyoqlar, taʼm beruvchilar, emulgatorlardan foydalanishni hamda mahsulotlarni tayyorlash, ishlov berish, tashish va saqlash texnologiyalariga rioya etilishini nazorat qilish), shuningdek, qishloq xoʻjaligi va oziq-ovqat qiymat zanjiridagi barcha jarayonlarni takomillashtirish uchun yanada samarali qoʻllab-quvvatlash, nazorat va tartibga solish mexanizmlarini ishlab chiqish zarur.

Oʻzbekiston Respublikasining oziq-ovqat xavfsizligi va sogʻlom ovqatlanishni taʼminlashning 2030-yilgacha moʻljallangan strategiyasi (keyingi oʻrinlarda — Strategiya) Oʻzbekiston aholisi uchun oziq-ovqat xavfsizligi va sogʻlom ovqatlanishning xalqaro miqyosda tan olingan taʼriflariga muvofiq — oziq-ovqat mahsulotlari mavjudligi, foydalana olish imkoniyati, isteʼmol, barqarorlik va doimiyligini taʼminlashga qaratilgan vazifalarni amalga oshirishga xizmat qiladi.

Oziq-ovqat xavfsizligi va sogʻlom ovqatlanishni taʼminlashning strategik maqsadi — mamlakat aholisini yetarli hajmda xavfsiz, sifatli va arzon qishloq xoʻjaligi mahsulotlari hamda hozirgi va istiqboldagi isteʼmol ehtiyojlari va ratsion meʼyorlari darajasida oziq-ovqat mahsulotlari bilan taʼminlash, shuningdek, aholi oʻrtasida sogʻlom ovqatlanishni targʻib qilishdan iborat.

Shu bilan birga, Strategiyada Oʻzbekistonning turli xalqaro tashkilotlar va savdo kelishuvlariga aʼzo boʻlishida mamlakat aholisining oziq-ovqat xavfsizligi va sogʻlom ovqatlanishini taʼminlash hamda eksport salohiyatini oshirish zarurati hisobga olingan.

Oziq-ovqat xavfsizligi va sogʻlom ovqatlanishni taʼminlash masalasi Oʻzbekiston barqaror rivojlanishining ajralmas qismi boʻlib, unga toʻrtta maqsadni amalga oshirish orqali erishish kerak:

1-maqsad. Oʻzbekistonning barqaror qishloq xoʻjaligi va oziq-ovqat tizimini barcha uchun yetarli darajada oziq-ovqat mavjud boʻlishini taʼminlash maqsadida mustahkamlash. Quyidagilar ushbu maqsadga erishish uchun eng muhim vazifalar hisoblanadi:

qishloq xoʻjaligi mahsulotlari ishlab chiqarish barqarorligini taʼminlash;

oziq-ovqat taʼminoti zanjirida mahsulotlar yoʻqotilishi va isrofgarchiligini kamaytirish;

tabiiy resurslar, yer, suv va oziq-ovqat zaxiralarini barqaror boshqarish;

transchegaraviy hayvonlar kasalliklari va oʻsimliklar zararkunandalariga qarshi kurashish;

qishloq xoʻjaligi ekinlari hosildorligi, chorva hayvonlari mahsuldorligini barqaror oshirish uchun qishloq joylarda maslahat-axborot tizimlarini va bilimlarni oshirish xizmatlarini takomillashtirish.

2-maqsad. Har bir insonda oziq-ovqatdan foydalanish imkoniyati boʻlishi uchun inklyuziv, samarali va bogʻlangan bozorlarni yaratish. Quyidagilar ushbu maqsadga erishish uchun eng muhim vazifalar hisoblanadi:

kichik xoʻjaliklarning qishloq xoʻjaligining oziq-ovqat qiymat zanjirlariga kirish imkoniyatini yaxshilash;

qishloq aholisining turmush darajasini yaxshilash va kambagʻallikni qisqartirish uchun bozor raqobatini va bogʻliqligini kuchaytirish;

ichki bozorlarning xalqaro savdo tizimi bilan bogʻliqligini mustahkamlash.

3-maqsad. Sogʻlom oziq-ovqat muhitida toʻyimli va xavfsiz oziq-ovqat mahsulotlarini isteʼmol qilish va tananing oʻzlashtira olishini ragʻbatlantirish. Quyidagilar ushbu maqsadga erishish uchun eng muhim vazifalar hisoblanadi:

sogʻlom va muvozanatli ovqatlanishni (diyetani) targʻib qilish;

oziq-ovqat mahsulotlari xavfsizligini taʼminlash va mustahkamlash;

oziq-ovqatlardan samarali foydalanish uchun ularni ishlab chiqarish muhitini yaxshilash.

4-maqsad. Oziq-ovqat xavfsizligi va sogʻlom ovqatlanishni taʼminlashdagi barcha jarayonlarda barqarorlikka erishish. Quyidagilar ushbu maqsadga erishish uchun eng muhim vazifalar hisoblanadi:

qishloq xoʻjaligi va oziq-ovqat mahsulotlari ishlab chiqarish jarayonlari hamda ular bozorlarining tabiiy-texnogen ofatlar va iqlim oʻzgarishi xavflariga chidamliligini kuchaytirish;

ishlab chiqarish quvvatlari va bozor aloqalarini aniq dastur va “yoʻl xaritalari” asosida tizimli tashkil etish;

favqulodda vaziyatlarda oziq-ovqat xavfsizligi va sogʻlom ovqatlanishni taʼminlash imkoniyatlarini oshirish.

Mazkur Strategiya ikkita asosiy boʻlimdan iborat:

I boʻlim — Oziq-ovqat xavfsizligini taʼminlash boʻlimi uchta ustuvor yoʻnalishni qamrab oladi:

1. Oziq-ovqat xavfsizligini taʼminlashda aholining barcha qatlamlari sogʻlom va faol hayot kechirishi uchun tabiiy va moddiy resurslardan foydalanishning samarali iqtisodiy va ekologik boshqaruv tizimlarini joriy qilish.

2. Favqulodda vaziyatlarda foydalanish uchun samarali bozor iqtisodiyoti tamoyillariga asoslangan strategik qishloq xoʻjaligi va oziq-ovqat mahsulotlarining davlat nazorati ostidagi zaxirasini yaratish.

3. Tabiiy va texnogen ofatlar, global siyosiy va iqtisodiy inqiroz, pandemiya, harbiy amaliyot va boshqa hodisalarning salbiy taʼsirida yuzaga keladigan xavf-xatarlarni monitoring qilish platformasini yaratish.

II boʻlim — Sogʻlom ovqatlanishni taʼminlash boʻlimi ikkita ustuvor yoʻnalishni qamrab oladi:

1. Aholining barcha qatlamini yetarli miqdorda oziq-ovqat mahsulotlari bilan taʼminlash uchun ijtimoiy himoyaning milliy tizimlarini takomillashtirish va ularning barqarorligini taʼminlash;

2. Oziq-ovqat va sogʻlom oziqlanish xavfsizligi darajasini oshirish uchun jamoatchilikni keng jalb qilgan holda sogʻlom ovqatlanish va oziqlanish tamoyillari, oziq-ovqat mahsulotlarining xavfsizlik koʻrsatkichlari va ularga rioya etish amaliyotlarini targʻib qilish.

I boʻlim. Oziq-ovqat xavfsizligini taʼminlash

Oziq-ovqat xavfsizligi — aholining barcha qatlamlarini sogʻlom va faol hayot kechirishlari uchun jismoniy, ijtimoiy, iqtisodiy imkoniyatlarini hisobga olgan holda, ularning isteʼmol ehtiyojlarini toʻliq qoplash, xavfsizlik koʻrsatkich meʼyorlariga muvofiqligini taʼminlash, yuqori ozuqaviy qiymatga ega oziq-ovqat mahsulotlarini ishlab chiqarish sharoitlarini kafolatlovchi davlatning iqtisodiy holati.

1.1. Oziq-ovqat xavfsizligini taʼminlashda aholining barcha qatlamlari sogʻlom va faol hayot kechirishi uchun tabiiy va moddiy resurslardan foydalanishning samarali iqtisodiy va ekologik boshqaruv tizimlarini joriy qilish.

Mamlakatimizda yil sayin koʻpayib borayotgan aholini yetarli miqdorda oziq-ovqat mahsulotlariga ega boʻlish imkoniyati bilan taʼminlashda mahsulot ishlab chiqarish salohiyatidan samarali foydalanish maqsadida 2016 — 2022-yillarda jami 329 ming gektar paxta va gʻalla yer maydonlari maqbullashtirilib, oʻrniga yuqori rentabelli oziq-ovqat va ozuqa ekinlari joylashtirildi.

Shu bilan birga, 2023-yilda yana qoʻshimcha 93 ming gektar paxta va gʻalla maydonlari qisqartirilib, aholiga dehqon xoʻjaliklarini yuritish uchun oziq-ovqat mahsulotlari yetishtirishga yer ajratildi.

Soʻnggi yillarda qishloq xoʻjaligida erishilgan ijobiy natijalar bilan birga tabiiy resurslardan maqbul va barqaror foydalanishda xavf-xatar soluvchi bir qator muammo va kamchiliklar yuzaga kelgan.

Bugungi kunda respublikamizdagi jami 21,2 million gektar yaylov yerlarning 16,9 million gektari (79,5 %) foydalanishda boʻlib, qolgan 4,3 million gektari oʻrmon yer fondi va davlat zaxirasiga olingan.

2023-yilgacha 10,3 million gektar yaylov yerlarda oʻtkazilgan geobotanik tadqiqotlarga koʻra 703 ming gektar (7,7 %) yaylov yerlar degradatsiyaga uchrab, qishloq xoʻjaligi uchun yaroqsiz holga kelib qolgan.

Bugungi kunda 2,0 mln gektardan (65 %) ortiq sugʻoriladigan yerlarning gumus miqdori 1 foizdan past darajaga tushib qolganligi, 44 foizi turli darajada, jumladan 14 foizi oʻrta va kuchli darajada shoʻrlanganligi ekinlardan koʻzlangan hosilni olishga va ushbu qishloq xoʻjaligi yerlaridan barqaror foydalanishga salbiy taʼsir koʻrsatmoqda.

Ushbu masalalarni milliy darajada hal etish uchun quyidagilar amalga oshiriladi:

1.1.1. Yer resurslaridan samarali foydalanish:

qishloq xoʻjaligi yerlarini asrash, qayta tiklash va ularning unumdorligini oshirish;

qishloq xoʻjaligi yerlari unumdorligini oshirish va oqilona foydalanishda zamonaviy texnologiyalarni tatbiq qilish;

suv resurslarining hozirgi va kelajakdagi shakllanish manbalari hamda zaxirasini inobatga olgan holda foydalanilmayotgan yerlarni qishloq xoʻjaligida foydalanishga kiritishni davom ettirish.

1.1.2. Suv resurslaridan samarali foydalanish:

sugʻorish uchun suv resurslari manbalarining yetishmovchiligini baholash;

suv tejovchi texnologiyalarni joriy etish koʻlamini kengaytirish, ragʻbatlantirish mexanizmlarini takomillashtirish;

global isish va iqlim oʻzgarishi natijasida yuzaga keladigan suv tanqisligi va qurgʻoqchilikka qarshi hamda yoʻqotiladigan mahsulotlar oʻrnini alternativ mahsulotlar bilan toʻldirish choralarini koʻrish.

1.1.3. Investitsiyalarni jalb etish:

oziq-ovqat xavfsizligi uchun muhim boʻlgan infratuzilmalarga investitsiyalar yoʻnaltirishni kuchaytirish;

aholiga kafolatlangan oziq-ovqat mahsulotlarini yetkazish maqsadida chekka hududlarda transport-logistika infratuzilmasini rivojlantirish;

ishlab chiqaruvchilardan yetishtirilgan mahsulotlarni xarid qilish, qayta ishlash, saqlash va sotish uchun agrologistika markazlari faoliyati va xizmatlarini raqamlashtirish;

oziq-ovqat xavfsizligiga davlat yordamini kuchaytirish maqsadida (barqaror qishloq xoʻjaligi mahsulotlari yetishtirish, suv va energiya taʼminotidan barqaror foydalanish, iqlimdan oqilona foydalanish, qayta ishlash va saqlash uchun maqbul ishlab chiqarish amaliyotlari hamda hosildan keyingi yoʻqotishlarni kamaytirishga qaratilgan) subsidiyalar ajratish boʻyicha yagona siyosat olib borilishini va platforma ishlab chiqilishini taʼminlash;

dehqon bozorlari infratuzilmalarini zamon talablari asosida modernizatsiya qilish va xususiy sarmoyalarni jalb qilish dasturini qabul qilish.

1.1.4. Xalqaro tajribalarni qoʻllash:

oziq-ovqat xavfsizligi boʻyicha amaldagi qonunchilikni xalqaro standartlar talablariga va ilgʻor tajribalarga muvofiqlashtirish maqsadida “Oʻzbekiston Respublikasining oziq-ovqat xavfsizligi toʻgʻrisida” qonunini qabul qilish;

oziq-ovqat xavfsizligi sohasida xalqaro kelishuvlar hamda mintaqalararo integratsiyani rivojlantirish;

Jahon sogʻliqni saqlash tashkiloti (JSST) tomonidan tavsiya etilgan va boshqa xalqaro hamda milliy normalar va standartlarga muvofiq aholi sonining oʻsishiga nisbatan oziq-ovqat mahsulotlarining mavjudligi, foydalana olish imkoniyati, isteʼmol, barqarorligi va doimiyligini tahlil qilish hamda taʼminlash choralarini koʻrish.

1.1.5. Atrof-muhit muhofazasini taʼminlash:

iqlim oʻzgarishi, tabiiy yoki texnogen ofatlarning (toshqinlar, qurgʻoqchilik, harorat oʻzgarishi va boshqa omillar) atrof-muhit va ekologiyaga taʼsirini muntazam baholab borish hamda ularni tahlil qilish natijalariga koʻra zarur moslashish va salbiy taʼsirlarni yumshatish choralarini koʻrish;

oziq-ovqat mahsulotlarini qadoqlash va oʻrashda inson salomatligi uchun xavfli boʻlgan moddalarni chiqarmaydigan, mahsulot xususiyatlarining yaxshi saqlanishi va xavfsizligini taʼminlaydigan, qayta ishlanadigan yoki atrof-muhitga zarar yetkazmasdan foydalanish yoki yoʻq qilish mumkin boʻlgan materiallarni ishlatish orqali ekologik tizimga salbiy taʼsirni kamaytirish;

oʻsimliklarni himoya qilishning ekologik xavfsiz (biologik va tabiiy) usullarini keng qoʻllash hamda ekinlar hosildorligini ekologik va ilmiy asosda oshirish;

iqlim oʻzgarishiga salbiy taʼsir etuvchi CO2, metan va boshqa chiqindilarni kamaytirish boʻyicha chora-tadbirlarni amalga oshirish hamda qishloq xoʻjaligi va noqishloq xoʻjaligi korxonalarida ishlab chiqarish jarayonida yuzaga keluvchi CO2, metan va boshqa chiqindilarni monitoring qilish va bosqichma-bosqich kamaytirish choralarini koʻrish.

1.2. Favqulodda vaziyatlarda foydalanish uchun samarali bozor iqtisodiyoti tamoyillariga asoslangan strategik qishloq xoʻjaligi va oziq-ovqat mahsulotlarining davlat nazorati ostidagi zaxirasini yaratish.

Oʻzbekistonda boshoqli don ekinlari maydonining kengayishi (paxta maydonining mos ravishda qisqarishi hisobiga) va hosildorlikning sezilarli darajada oshishi natijasida bugʻdoy ishlab chiqarish 2016-yilda 6,4 million tonnani, 2023-yilda esa 7,1 million tonnani tashkil qildi.

Bugʻdoy yetishtirish boʻyicha koʻrsatkichlar sezilarli darajada oshganligiga qaramasdan, aholi sonining oʻsishi hisobiga isteʼmol uchun moʻljallangan bugʻdoyning 28 foiz qismi xorijiy davlatlardan import qilinadi.

Bugungi kunda Oʻzbekistonda aholi jon boshiga bugʻdoy isteʼmoli yiliga oʻrtacha 244 kilogrammni tashkil etib, bu koʻrsatkich aksariyat mamlakatlarga nisbatan sezilarli darajada yuqori hisoblanadi.

Soʻnggi yillarda bugʻdoy uni importi kamayib (2011-2012-yillarga nisbatan 2019-2020-yillarda 70 foizga kamaygan), mahalliy qayta ishlash korxonalari sonining oshishi hisobiga don sotib olish hajmi koʻpaydi. Bugʻdoy importi yiliga oʻrtacha 3 million tonnani tashkil etmoqda.

Bu yuqori sifatli bugʻdoy uniga boʻlgan ichki ehtiyojni qondirish bilan birga ehtiyojdan ortiq qismini qoʻshni mamlakatlarga eksport qilish imkoniyatini yaratdi (asosan Afgʻoniston davlatiga 970 ming tonna).

Shu bilan birga jami oziq-ovqat mahsulotlari eksportiga nisbatan importi ham oshib bormoqda (2022-yilda 20 foiz).

Mahsulotni saqlash tizimlaridan foydalangan holda, muhim oziq-ovqat mahsulotlari zaxiralarining barqarorligini taʼminlay oladigan oziq-ovqat mahsulotlarining strategik zaxirasini yaratish, shuningdek, tabiiy va texnogen ofatlar zararlarining oldini olish orqali oziq-ovqat xavfsizligini taʼminlash, taʼminot zanjirida uzilishlarga yoʻl qoʻymaslik hamda aholiga, ayniqsa jamiyatning zaif qatlamlariga alohida eʼtibor qaratgan holda, oʻz vaqtida zarur mahsulotlarga ega boʻlish va bu mahsulotlarning mavjudligini taʼminlashning samarali mexanizmlarini joriy qilish talab etiladi.

Oziq-ovqat mahsulotlari va xomashyosi zaxirasini yaratishning samarali bozor mexanizmlarini joriy etishda quyidagilar amalga oshiriladi:

1.2.1. Urugʻchilik va naslchilikni rivojlantirish:

Qishloq xoʻjaligi vazirligi huzuridagi Urugʻchilikni rivojlantirish markaziga oʻtkazilgan urugʻlik don tayyorlash korxonalarini toʻliq modernizatsiya qilish hamda faoliyatini xususiy sektor bilan hamkorlikda tashkil etish;

yuqori sifatli gʻalla urugʻlari yetishtirishni yangi, bozorga asoslangan ragʻbatlantirish tizimlari orqali qoʻllab-quvvatlash;

biofortifikatsiya texnologiyalarini ragʻbatlantirish maqsadida don, dukkakli, meva, sabzavot, shakarqamish va boshqa tegishli ekinlarda mikroelementlarga boy mavjud mahalliy navlarga yoʻnaltirilgan urugʻchilikni rivojlantirish boʻyicha maqsadli ilmiy-tadqiqot loyihalarini amalga oshirishni davlat tomonidan qoʻllab-quvvatlash;

chorvachilik tarmoqlarini barqaror rivojlantirish uchun naslchilik ishlarini jadallashtirish.

1.2.2. Oziq-ovqat mahsulotlari ishlab chiqarish hajmlarini koʻpaytirish:

oziq-ovqat mahsulotlari yetishtiruvchilarning kooperativlarini ixtiyoriy ravishda tashkil etish va rivojlantirishni ragʻbatlantirish boʻyicha maqsadli dasturni qabul qilish, oziq-ovqat mahsulotlari qoʻshilgan qiymatini koʻpaytirish va yoʻqotishlarni kamaytirish maqsadida qayta ishlash korxonalari “kooperatsiya-klaster” usulidagi aloqalarni rivojlantirish;

intensiv usulda yetishtiriladigan qishloq xoʻjaligi va oziq-ovqat mahsulotlari turi, navi, koʻlami va ularning ekin maydonlarini kengaytirish;

qishloq xoʻjaligi boʻyicha maqsadli ilmiy loyihalar orqali meva-sabzavot, qand lavlagi, kartoshka, moyli va dukkakli ekinlarning mahalliy mahsuldor navlarini koʻpaytirish va ularni fermerlar tomonidan oʻzlashtirish va yetishtirishni targʻib qilish;

bugʻdoy unini tibbiy meʼyor doirasida tabiiy mikroelement va vitaminlar bilan boyitilgan holda ishlab chiqarish;

moyli ekinlar maydoni va hosildorligini oshirish orqali oʻsimlik yogʻi ishlab chiqarish hajmini koʻpaytirish hamda muhim vitaminlar va minerallarga boy sogʻlom va muvozanatli ovqatlanishning bir qismini tashkil etadigan toʻyimli oʻsimlik yogʻlarini ishlab chiqarishni ragʻbatlantirish;

bozor mexanizmlariga mos ragʻbatlantirish tizimini joriy etish hisobiga chorva va parrandalar sonini, goʻsht, sut, tuxum, baliq va asal ishlab chiqarish hajmlarini aholi sonining oʻsishiga mutanosib ravishda oshirib borish;

baliq mahsulotlari ishlab chiqarishda samaradorligi yuqori boʻlgan zamonaviy intensiv texnologiyalardan foydalanishni kengaytirish, baliqchilikning ilmiy salohiyatini rivojlantirish, yuqori malakali kadrlarni jalb etishga va ularni qoʻllab-quvvatlashga qaratilgan tadbirlarni amalga oshirish;

oziq-ovqat mahsulotlarining oʻrim-yigʻimdan keyingi jarayonlari, jumladan, toʻgʻri saqlash, tashish, ishlov berish hamda mahsulotlarning savdosi boʻyicha mahsulot yetishtiruvchilar va aholining bilim va koʻnikmalarini oshirish maqsadida oʻquv seminarlari va treninglar tashkil etish.

1.2.3. Oziq-ovqat mahsulotlari milliy zaxiralarini va narxlari barqarorligini taʼminlash:

oziq-ovqat xavfsizligini taʼminlash va ichki isteʼmol bozorida strategik va ijtimoiy ahamiyatga ega asosiy turdagi qishloq xoʻjaligi va oziq-ovqat (kartoshka, piyoz, sabzi, guruch, goʻsht, sut, shakar, oʻsimlik yogʻi) mahsulotlari narxlari keskin oshishiga yoʻl qoʻymaslik maqsadida “balans-zaxira-intervensiya” tizimining erkin bozorga asoslangan samarali mexanizmlarini joriy etish. Bunda, uy xoʻjaliklarining oziq-ovqat zaxirasi va isteʼmoli boʻyicha maʼlumotlarini har yili monografik tadqiqotlar olib borish orqali shakllantirish;

milliy inqiroz yoki favqulodda vaziyatlarda (tabiiy va texnogen ofatlar, iqtisodiy, sogʻliqni saqlash, tashqi siyosat barqarorligi buzilishi) yetarli miqdorda oziq-ovqat zaxiralarining mavjudligini taʼminlash maqsadida milliy strategik gʻalla va oziq-ovqat mahsulotlari zaxiralarini samarali boshqarishni yoʻlga qoʻyish;

barcha asosiy eksport bozorlarida hamda respublikamiz ichki bozorlarida oziq-ovqat mahsulotlari narxlar dinamikasi, yetishtirish prognozlari, ularning oʻzgarishlari toʻgʻrisida maʼlumotlar bazasi (banki)ni shakllantirish.

1.2.4. Xorijiy hamkorlikni rivojlantirish:

aholi sonining oʻsishi, yer va suv resurslari cheklanganligini inobatga olib, gʻalla, moyli ekinlar va boshqa oziq-ovqat mahsulotlarini hamkor qoʻshni davlatlarda yetishtirib, xomashyo va hosilni Oʻzbekistonga olib kelish, saqlash va qayta ishlash choralarini koʻrish;

zarur hollarda savdo tahlillari asosida ozuqaviy qiymati yuqori boʻlgan noanʼanaviy mahsulotlarga ehtiyojni import hisobidan qoplash;

xalqaro hamkorlar va ekspertlar bilan oziq-ovqat xavfsizligi va sogʻlom ovqatlanishni taʼminlash masalalarida qoʻshma ilmiy-tadqiqot ishlarini rivojlantirish.

1.3. Tabiiy va texnogen ofatlar, global siyosiy va iqtisodiy inqiroz, pandemiya, harbiy amaliyot va boshqa hodisalarning salbiy taʼsirida yuzaga keladigan xavf-xatarlarni monitoring qilish platformasini yaratish.

Oziq-ovqat xavfsizligida yuzaga kelishi mumkin boʻlgan xavf-xatarlarni oldindan aniqlash, baholash va boshqarish, ogohlantirish hamda monitoring qilish boʻyicha yagona tizim yaratilmagan.

Oziq-ovqat xavfsizligini taʼminlash boʻyicha choralarni ishlab chiqish va dasturlarni monitoring qilish, maʼlumotlarni oʻz vaqtida, ishonchli va sifatli taqdim etish, qabul qilish, tahlil qilish va tarqatish uchun sohaning mavjud axborot tizimlarini takomillashtirish maqsadida quyidagilar amalga oshiriladi:

1.3.1. Raqamli texnologiyalarni joriy etish:

oziq-ovqat xavfsizligi va sogʻlom ovqatlanishni taʼminlash boʻyicha barcha manfaatdor tomonlar, shu jumladan uy xoʻjaliklarida soʻrovlar oʻtkazish orqali (asosiy va monitoring koʻrsatkichlariga muvofiq) oziq-ovqat xavfsizligi boʻyicha tegishli maʼlumotlarni toʻplash, saqlash, tahlil qilish va muvofiqlashtirish;

oziq-ovqat xavfsizligini baholash uchun idoralararo integratsiyalashgan raqamli tizimni yaratish orqali oziq-ovqat xavfsizligi va sogʻlom ovqatlanish boʻyicha Milliy axborot platformasini ishga tushirish hamda ushbu platforma doirasida xalqaro standartlar va usullar asosida monitoring oʻtkazish;

Strategiyani amalga oshirishda ishtirok etuvchi barcha manfaatdor vazirlik va idoralar uchun tarmoq boshqaruvida axborot tizimlari muvofiqligini takomillashtirish;

minimal isteʼmol xarajatlari qiymatini hisoblash tartibini Milliy axborot platformasi bilan integratsiya qilish.

1.3.2. Xalqaro kuzatuv maʼlumotlarini tahlil qilish:

Xalqaro darajada ishlab chiqilgan hisoblash va tahliliy dasturlar (Global Food Systems Dashboard, FAOSTAT, UN COMTRADE, World Development Indicators, Global Food Security Indicators va boshqa) maʼlumotlarini toʻplash, tahlil qilish, xulosa va takliflar tayyorlash hamda indikatorlarni Milliy axborot platformasida joriy etish.

II boʻlim. Sogʻlom ovqatlanishni taʼminlash

Sogʻlom ovqatlanish (nutrition) — bu yoshi, jinsi, sogʻligʻi va kasbidan qatʼi nazar, har bir insonni maqbul yashashi intellektual rivojlanishi, turli kasalliklarning oldini olishi uchun zarur boʻlgan makro va mikroelementlar ozuqaviy qiymatining optimal nisbatini oʻz ichiga olgan, xilma-xil oziq-ovqat mahsulotlari bilan yetarli miqdorda taʼminlanish.

2.1. Aholining barcha qatlamini yetarli miqdorda oziq-ovqat mahsulotlari bilan taʼminlash uchun ijtimoiy himoyaning milliy tizimlarini takomillashtirish va ularning barqarorligini taʼminlash.

Soʻnggi yillarda aholining ijtimoiy himoyaga muhtoj qatlamni ish oʻrni, daromad va oziq-ovqatlar bilan barqaror taʼminlash maqsadida alohida reyestr yuritish (“temir daftar”, “ayollar daftari”, “yoshlar daftari”) tizimi yoʻlga qoʻyildi.

Ijtimoiy reyestrlarga kirgan aholiga qishloq hududlarda oziq-ovqat mahsulotlari yetishtirish uchun qariyb 200 ming gektar yer maydonlari ajratildi.

Ijtimoiy himoyaga muhtoj guruhlarning sharoitlaridagi oʻzgarishlarni kuzatish uchun yagona ijtimoiy himoya maʼlumotlar tizimini yaratish maqsadida turli vazirlik va idoralarning axborot tizimlari integratsiyasi taʼminlanmagan.

Shu bilan birga aholiga yer maydonlari ajratish orqali oʻz-oʻzini sifatli va turli xil oziq-ovqatlar bilan taʼminlash imkoniyatlarini yanada kengaytirish talab etiladi.

Xorijiy tajribalar asosida oziq-ovqat mahsulotlarining tamgʻasida belgilangan yaroqlilik muddati tugashiga qisqa davrlar qolganda, mahsulotni xayriya tarzida aholining ehtiyojmand qatlamiga tarqatish faoliyatini amalga oshiruvchi “Food Banking” tizimi faoliyati yoʻlga qoʻyilmagan.

Oziq-ovqat mahsulotlarining guruhlar boʻyicha aholi jon boshiga isteʼmol qilish darajasi tahlillariga koʻra, Oʻzbekistonda un va non mahsulotlari, toʻyingan yogʻ, osh tuzi, shakar va goʻsht isteʼmol qilish koʻrsatkichlari Osiyo va dunyo mamlakatlarining oʻrtacha koʻrsatkichidan yuqoriligi, aksincha dukkakli va don mahsulotlari, meva va rezavorlar, yongʻoqlar isteʼmol koʻrsatkichi talab darajasidan pastligi aniqlangan.

Jahon sogʻliqni saqlash tashkiloti tomonidan shakar, oddiy uglevodlar, toʻyingan va trans yogʻlar isteʼmolini cheklash, buning oʻrniga meva va sabzavotlarni isteʼmol qilish tavsiya etilmoqda.

Nosogʻlom ovqatlanish va toʻyib ovqatlanmaslik oqibatlarining global iqtisodiyotga salbiy taʼsiri yiliga 3,5 trln AQSH dollarini yoki aholi jon boshiga 500 AQSH dollarini tashkil etadi.

Jahon sogʻliqni saqlash tashkiloti va Birlashgan Millatlar Tashkilotining Taraqqiyot Dasturi tahlillariga koʻra, Oʻzbekistonda meʼyorida ovqatlanmaslik oqibatida yoʻqotilgan samaradorlik sababli yuzaga kelgan yashirin qoʻshimcha xarajatlar 3,5 baravar koʻp boʻlib, 7,3 trln soʻmni tashkil etmoqda.

Ushbu masalalarni tizimli hal etish hamda fuqarolarning sogʻlom ovqatlanishi uchun muhim ahamiyatga ega asosiy xizmatlardan foydalanish imkoniyatlarini kengaytirishda quyidagilar amalga oshiriladi:

2.1.1. Ijtimoiy himoya:

ijtimoiy reyestrlarda roʻyxatga olingan fuqarolarning oʻzini oʻzi oziq-ovqatlar bilan taʼminlashini tizimli ravishda tashkil etish uchun ularga yer maydonlari ajratish boʻyicha ishlarni kuchaytirish;

aholiga dehqon xoʻjaliklarini yuritish uchun ajratishgan yerlarda hamda tomorqa yerlarida oʻz ehtiyojlari uchun oziq-ovqat mahsulotlari yetishtirish imkoniyatini kengaytirish, ularni yuqori va sifatli hosil beruvchi oziq-ovqat ekinlari urugʻliklari bilan taʼminlash;

bozor narxida oziq-ovqat mahsulotlarini xarid qilish imkoniga ega boʻlmagan ijtimoiy himoyaga muhtoj va daromad manbai cheklangan fuqarolarning eng muhim oziq-ovqat mahsulotlari bilan taʼminlanish darajasini oshirib borish, jumladan, xalqaro tashkilotlar bilan hamkorlikda oziq-ovqat mahsulotlari banklari (Food Banking) pilot dasturini sinovdan oʻtkazish boʻyicha maxsus maqsadli milliy dasturlarni qabul qilish.

2.1.2. Aholi salomatligini monitoring qilish:

oziq-ovqat mahsulotlari sifati va xavfsizligi hamda sogʻlom oziqlanish boʻyicha respublika vazirlik va idoralari maʼlumotlarini Milliy axborot platformasiga integratsiya qilish;

Jahon ovqatlanish hisoboti (Global Nutrition Report), jumladan goʻsht, toʻyingan yogʻ, tarkibida natriy va shakar boʻlgan ichimliklarni, ayniqsa, sogʻlom ovqatlanish uchun zarur boʻlgan meva-sabzavot, dukkakli va don mahsulotlarini isteʼmol qilish darajalari boʻyicha maʼlumotlar tahlillarini amalga oshirish va takliflar ishlab chiqish;

oziq-ovqat mahsulotlari xavfsizligini nazorat va monitoring qilish boʻyicha mutaxassis kadrlar sonini, malakasini, bilim va koʻnikmalarini oshirish.

2.2. Oziq-ovqat xavfsizligi uchun jamoatchilikni keng jalb qilgan holda sogʻlom ovqatlanish tamoyillari, oziq-ovqat mahsulotlarining xavfsizlik koʻrsatkichlari va ularga rioya etish amaliyotlarini targʻib qilish.

Mamlakatimiz bugungi kunda oziq-ovqat isteʼmoli bilan bogʻliq yuqumli boʻlmagan kasalliklar, jumladan, qandli diabet, saraton va yurak-qon tomir, ortiqcha vazn, makro va mikroelementlar yetishmovchiligi kabi kasalliklar tarqalishi boʻyicha dunyo mamlakatlari orasida yuqori qatorlardan oʻrin olgan.

Maʼlumotlarga koʻra, Oʻzbekistonda oxirgi 15 yilda toʻrtta asosiy yuqumli boʻlmagan kasalliklarni davolash uchun 1,4 trln soʻm sarflangan.

Oziq-ovqat mahsulotlarini ishlab chiqarish, saqlash, tashish, sotish jarayonlarida xavfsizlikni boshqarishni nazorat qilish tizimi rivojlanmaganligi va xavfli boʻlgan oziq-ovqatlarni sotish uchun javobgarlik kuchaytirilmaganligi sababli oziq-ovqat mahsulotlaridan zaharlanish xavfi ortib bormoqda.

Hozirgi kunda Oʻzbekistondagi oziq-ovqat mahsulotlarining xavfsizligini nazorat qilish tizimi bir necha davlat organlari Sanitariya-epidemiologik osoyishtalik va jamoat salomatligi qoʻmitasi, Veterinariya va chorvachilikni rivojlantirish qoʻmitasi, Oʻsimliklar karantini va himoyasi agentligi, Texnik jihatdan tartibga solish agentligi tomonidan tayyor mahsulotlarga nisbatan xulosa berish orqali amalga oshirilmoqda.

Shuningdek, qishloq xoʻjaligida foydalaniladigan oʻgʻitlar, oʻsimliklarni himoya qilish vositalari, hayvonot dunyosini davolash preparatlari ustidan nazorat qilishda, tarkibida faol moddalar boʻlgan pestitsidlarni roʻyxatdan oʻtkazish, sotish va ulardan foydalanish kabi muhim sohalarni tartibga solishda katta boʻshliqlar mavjud.

Oziq-ovqat mahsulotlarining xavfsizligini nazorat qilish boʻyicha bilim va tajribaga ega boʻlgan mutaxassis kadrlar yetishmaydi. Laboratoriya xodimlari yetarli emas va ular xalqaro akkreditatsiyadan oʻtish uchun zarur boʻlgan muntazam malakani tasdiqlash sinovlaridan oʻtmaydilar.

Oziq-ovqat xavfsizligi va sogʻlom ovqatlanishni targʻib qilishni kuchaytirish boʻyicha tashviqot rejasini ishlab chiqish va uni amalga oshirish lozim.

Sogʻlom ovqatlanish tamoyillari, oziq-ovqat mahsulotlarining xavfsizlik koʻrsatkichlariga rioya etishdagi muammolarni hal qilish boʻyicha quyidagilar amalga oshiriladi:

2.2.1. Oziq-ovqat mahsulotlari xavfsizligini taʼminlash:

oziq-ovqat mahsulotlari xavfsizligi ustidan davlat nazoratini yagona tizim orqali boshqarish, bunda turli idoralardagi funksiyalarni yagona tizimga keltirib, oziq-ovqat mahsulotlari xavfsizligi inspeksiyasini tashkil etish;

“daladan-isteʼmolgacha” zanjirida qishloq xoʻjaligi va oziq-ovqat mahsulotlari xavfsizligini nazorat qilish tizimini kuchaytirish, xalqaro talablardan kelib chiqib, oziq-ovqat mahsulotlari xavfsizligi darajasini tekshirish va tahlil qilish boʻyicha laboratoriyalar tizimini rivojlantirish;

oziq-ovqat mahsulotlari toʻgʻrisidagi maʼlumotlarni isteʼmolchilarga toʻliq yetkazish;

Jahon sogʻliqni saqlash tashkilotining tavsiyalari asosida oziq-ovqat mahsulotlari tarkibida tuz, qand va yogʻ miqdorini inson hayoti va sogʻligʻi uchun xavfsiz hamda zararsiz boʻlgan meʼyor koʻrsatkichlarini belgilash;

biologik faol qoʻshimchalar ishlab chiqarish va ularni roʻyxatdan oʻtkazish tizimini takomillashtirish;

import va mahalliy oziq-ovqat mahsulotlari tarkibida genetik modifikatsiyalangan organizmlar (GMO) va sanoat transyogʻlari boʻlishi xavfini baholash.

2.2.2. Sogʻlom ovqatlanishni targʻib va tashviqot qilish ishlarini tashkil etish:

Sogʻlom ovqatlanish va sogʻlom turmush tarzini targʻib qilish dasturini ishlab chiqish va amalga oshirish, bunda toʻyingan yogʻli mahsulotlar, osh tuzi, shakar va yogʻli mahsulotlarning oʻrnini bosuvchi kerakli mikro-makroelementlar va oqsilga boy mahsulotlarning (meva-sabzavot, dukkakli, rezavor, baliq, sutli mahsulotlar, asal va boshqalar) isteʼmolini oshirishni targʻib qilish;

sogʻlom ovqatlanish amaliyotlarini koʻrib chiqish va aholining tushuncha va bilimlaridagi boʻshliqlarni aniqlash borasidagi birlamchi tadqiqotlar va izlanishlarning ustuvor yoʻnalishlarini belgilash;

yosh bolalar va goʻdaklarning sogʻlom ovqatlanishini taʼminlash;

maktabgacha va maktab taʼlimi, sogʻliqni saqlash, qishloq xoʻjaligi va oziq-ovqat sohalarida sogʻlom ovqatlanish tamoyillarini targʻib qilish;

maktabgacha va maktab taʼlimi hamda oliy va oʻrta maxsus taʼlim muassasalari hududida kuchli gazlanib shirinlashtirilgan va energetik ichimliklar hamda oʻta tuzlangan oziq-ovqat mahsulotlarini isteʼmol va realizatsiya qilish boʻyicha cheklovlarni joriy etish;

davlat va xoʻjalik boshqaruvi hamda mahalliy davlat hokimiyati organlari, shuningdek, barcha darajadagi davlat muassasalari va idoralarida sogʻlom ovqatlanish boʻyicha bilim va koʻnikmalarni oshirishga qaratilgan tadbirlar tashkil qilish;

sogʻlom ovqatlanish boʻyicha ommaviy axborot vositalarida maxsus eshittirish va koʻrsatuvlar tayyorlash.

Strategiyani amalga oshirishdan kutilayotgan natijalar

Ushbu Strategiyada nazarda tutilgan tadbirlarning hayotga joriy qilinishi natijasida Birlashgan Millatlar Tashkilotining barqaror rivojlanish maqsadlariga erishish jadallashadi.

Xususan, “Toʻyib ovqatlanmaslikka barham berish”, “Sogʻliq va farovonlik”, “Toza suv va sanitariya” va boshqa shu kabi maqsadlar boʻyicha qabul qilingan milliy maqsadlarga erishiladi, aholi farovonligi taʼminlanadi.

Oziq-ovqat xavfsizligini taʼminlash uchun, birinchi navbatda, ichki isteʼmol talabidan kelib chiqqan holda oziq-ovqat mahsulotlarini ishlab chiqarish doirasida:

asosiy turdagi oziq-ovqat mahsulotlarining kafolatlangan zaxiralari yaratiladi;

aholining sogʻlom ovqatlanishi uchun zarur boʻlgan oqsil va mikroelementlar, vitaminlarga boy mahsulotlar, jumladan meva-sabzavot, meva-rezavor, poliz, dukkakli, goʻsht va goʻsht mahsulotlari, sut va sut mahsulotlari, baliq va baliq mahsulotlarini ishlab chiqarish koʻpayadi;

asosiy qishloq xoʻjaligi ekinlari urugʻlari ichki seleksiyasi rivojlantiriladi;

tabiiy resurslardan oqilona foydalanish hisobiga chorvachilikning tabiiy oziqa zaxiralarini himoya qilish, saqlash va keyingi avlodga yetkazish imkoniyati oshadi;

xalqaro indekslarda, jumladan, oziq-ovqat xavfsizligi indeksidagi (The Global Food Security Index) va global ochlik indeksidagi (Global Hunger Index) koʻrsatkichlar yaxshilanadi;

asosiy turdagi oziq-ovqat ekinlari hosildorligi 1 gektar maydonda bugʻdoy — 100 sentner, sholi — 56,5 sentner, kartoshka — 222 sentner, sabzavotlar — 295 sentner, poliz ekinlari — 200 sentner, meva va rezavor — 150 sentner, uzum — 180 sentner, moyli ekinlar — 22 sentnerga yetkaziladi;

2030-yilga qadar jami intensiv bogʻlar maydoni 110 ming gektarga, intensiv usulda sabzavotlar yetishtiriladigan maydonlar 55,4 ming gektarga, shuningdek, ozuqa ekinlari maydonlari ulushi 15 foizga, moyli ekinlar maydoni ulushi 5,7 foizga yetkaziladi;

aholi oʻrtasida toʻyib ovqatlanmaydigan fuqarolar ulushi jami aholi soniga nisbatan 2,5 foizdan 1,5 foizga tushiriladi.

Buning natijasida qishloq xoʻjaligi ekinlari, chorvachilik, parrandachilik, baliqchilik, asalarichilik uchun milliy urugʻchilik va ekish materiallari, shuningdek, naslchilikni rivojlantirish orqali oziq-ovqat xavfsizligini taʼminlashga erishiladi.

Oziq-ovqat xavfsizligining taʼminlanishi va sogʻlom ovqatlanish tizimining toʻliq joriy qilinishi, aholi oʻrtasida toʻyib ovqatlanmaslikka barham berilishi — ovqatlanish bilan bilvosita yoki bevosita bogʻliq kasalliklarning keskin kamayishiga asos boʻladi hamda aholining oʻrtacha umr koʻrishini hozirgi 72 yoshdan 78 yoshga uzaytirish imkoni yaratiladi.

Mamlakatimizda oziq-ovqat mahsulotlari taʼminotining rivojlanishi va sifatining oshishi hisobiga xalqaro insonparvarlik yordamlarida oziq-ovqat mahsulotlari bilan ishtirok etish imkoni yanada ortadi.

Aholining doimiy faol va sogʻlom hayot kechirishi uchun xavfsiz va toʻyimli boʻlgan oziq-ovqat mahsulotlari mavjudligiga va undan toʻgʻri foydalanishga, taʼminot barqarorligiga hamda jismoniy, iqtisodiy va xarid qilish imkoniyati oshishiga erishiladi.

Oʻzbekiston Respublikasi Prezidentining 2024-yil 16-fevraldagi PF-36-son Farmoniga 2-ILOVA

Oʻzbekiston Respublikasining oziq-ovqat xavfsizligi va sogʻlom ovqatlanishni taʼminlashning 2030-yilgacha moʻljallangan strategiyasida belgilangan vazifalarni amalga oshirish boʻyicha

“YOʻL XARITASI”

T/rTadbirlarAmalga oshirish mexanizmiAmalga oshirish muddatiMablagʻ talabi va moliyalashtirish manbalariMasʼul ijrochilarI. Oziq-ovqat xavfsizligini taʼminlashda aholining barcha qatlamlari sogʻlom va faol hayot kechirishi uchun tabiiy va moddiy resurslardan foydalanishning samarali iqtisodiy va ekologik boshqaruv tizimlarini joriy qilish1.Qishloq xoʻjaligi yerlarini asrash, qayta tiklash va ularning unumdorligini oshirish, yerdan foydalanishda zamonaviy resurstejamkor intensiv texnologiyalarni keng tatbiq qilish.1. Har yili kamida 600 ming gektar ekin yeri boʻyicha tuproq tahlilini amalga oshirish chora-tadbirlar rejasini tasdiqlash va ijro etish.Har yili I chorakHisob-kitoblarga koʻraQishloq xoʻjaligi vazirligi,Suv xoʻjaligi vazirligi,Agrosanoat majmui ustidan nazorat qilish inspeksiyasi,Ekologiya, atrof-muhitni muhofaza qilish va iqlim oʻzgarishi vazirligi,Oʻsimliklar karantini va himoyasi agentligi,Qishloq xoʻjaligida bilim va innovatsiyalar milliy markazi,Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari2. Tuproqdagi gumus miqdori 1 foizdan kam boʻlgan 2 million gektar yerda siderat ekinlar ekishni tashkil etish.2024 — 2027-yillar3. Har yili 200 ming gektar ekin yer maydonlariga suv tejovchi texnologiyalarni joriy etish boʻyicha chora-tadbirlar rejasini tasdiqlash.2024 — 2027-yillar4. Pestitsid, mineral va kimyoviy oʻgʻitlarni ilmiy asosda (IPM, GAP) qoʻllashni tashkil etish boʻyicha chora-tadbirlar dasturini qabul qilish.Bunda, normativ-huquqiy hujjatlarga oʻzgartirish va qoʻshimchalar kiritish hamda yangilarini qabul qilishni nazarda tutish.2024-yil II chorak5. Qishloq xoʻjaligi va oziq-ovqat mahsulotlari yetishtirishda organik va biologik oʻgʻitlarni hamda “aqlli” innovatsion, resurstejamkor, intensiv texnologiyalarni qoʻllash va ushbu jarayonlarni ragʻbatlantirish mexanizmlarini kengaytirish.2024-yil III chorak2.Qishloq xoʻjaligi va oziq-ovqat mahsulotlari yetishtirish uchun suv resurslari manbalarining yetishmovchiligini baholash, suv resurslarini inobatga olgan holda yerlarni qishloq xoʻjaligida foydalanishga kiritishni davom ettirish.1. Suv resurslari manbalarining uzoq muddatga yetishmovchiligini hisob-kitoblar va prognozlarga asosan baholash hamda baholash hisobotini har yili Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini amalga oshirish boʻyicha muvofiqlashtiruvchi kengash (keyingi oʻrinlarda — Muvofiqlashtiruvchi kengash)ga taqdim etish.2024 — 2030-yillar har yili noyabrHisob-kitoblarga koʻra Davlat budjeti, XMIlar mablagʻlariSuv xoʻjaligi vazirligi,Qishloq xoʻjaligi vazirligi,Ekologiya, atrof-muhitni muhofaza qilish va iqlim oʻzgarishi vazirligi,Togʻ-kon sanoati va geologiya vazirligi,Agrosanoat majmui ustidan nazorat qilish inspeksiyasi2. Qishloq xoʻjaligi mahsulotlarini yetishtirishda suv resurslariga boʻlgan talabni aniqlash, bunda:Amudaryo va Sirdaryo havzalarida suv miqdori, yer osti suv zaxiralari miqdorining kamayib borishini hisobga olib, har yili 20 — 25 foiz ekin maydonlariga suv va resurs tejovchi texnologiyalarni joriy etish hamda “aqlli” innovatsion texnologiyalar qoʻllagan holda, suvni iqtisod qilish tadbirlarini amalga oshirish;suv omborlarini qurish va ularning suv sigʻimini oshirish orqali kuz-qish mavsumlarida qoʻshimcha suv zaxiralarini yaratish choralarini koʻrish.Har yili yanvar3. Yer osti suvlari mavjudligi va isteʼmolga yaroqliligi boʻyicha aniq boʻlgan gidrogeologik xaritalarni yangilash.2024-yil 1-avgust4. Suvni iqtisod qilish boʻyicha startap loyihalarni moliyalashtirish.Har yili yanvar5. Foydalanilmayotgan yerlarni suv resurslarini inobatga olgan holda qishloq xoʻjaligida foydalanishga kiritish boʻyicha chora-tadbirlar dasturini qabul qilish.2024-yil 1-avgust6. Dasturga muvofiq yangi yerlarni foydalanishga kiritish.2024 — 2030-yillarda3.Iqlim oʻzgarishi, tabiiy yoki texnogen ofatlarning (toshqinlar, qurgʻoqchilik, harorat oʻzgarishi va boshqa omillar) atrof-muhit va ekologiyaga taʼsirini muntazam baholab borish hamda ularni tahlil qilish natijalariga koʻra zarur choralar koʻrish 1. Iqlim oʻzgarishi, tabiiy yoki texnogen favqulodda vaziyatlar (toshqinlar, qurgʻoqchilik, harorat oʻzgarishi va boshqa omillar)ning atrof-muhit va ekologiyaga taʼsiri boʻyicha tahlillar oʻtkazish va keltirilayotgan zararlarni baholash.Har yili yakuni boʻyicha kelgusi yilning I choragiMablagʻ talab qilinmaydiEkologiya, atrof-muhitni muhofaza qilish va iqlim oʻzgarishi vazirligi,Suv xoʻjaligi vazirligi,Favqulodda vaziyatlar vazirligi,Qishloq xoʻjaligi vazirligi,Gidrometeorologiya xizmati agentligi2. Tahlil natijalariga koʻra, yillik maʼlumotlarni tayyorlash va har yili Vazirlar Mahkamasiga taqdim qilish.Har yili 1-aprel4.Oziq-ovqat xavfsizligi va sogʻlom ovqatlanish boʻyicha bilim va koʻnikmalarni oshirish va xalqaro tajribalarni oʻrganish.1. Qishloq xoʻjaligi va oziq-ovqat sohasidagi bilimlardan foydalanish imkoniyatlarini yaxshilash, maslahat berish va axborot xizmatlarini tashkil etish chorasini koʻrish.2024-2025-yillarHisob-kitoblarga koʻraQishloq xoʻjaligi vazirligi,“Agrobank” ATB,Oliy taʼlim, fan va innovatsiyalar vazirligi,Iqtisodiyot va moliya vazirligi,Fermer, dehqon xoʻjaliklari va tomorqa yer egalari kengashi,Qishloq xoʻjaligida bilim va innovatsiyalar milliy markazi,Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi2. Fermer va dehqon xoʻjaliklari uchun sifatli va xavfsiz oziq-ovqat mahsulotlari yetishtirish boʻyicha maxsus oʻquv kurslari tashkil etish.Har yili dekabr va yanvar oylarida3. Oziq-ovqat xavfsizligini taʼminlash boʻyicha ilgʻor tajribaga ega rivojlangan davlatlar (AQSH, Kanada, Yaponiya, Turkiya, Ozarbayjon) tajribalarini oʻrganish va ularning ijobiy jihatlarini respublikamizda qoʻllash boʻyicha chora-tadbirlarni belgilash.2024-yil II chorak5.Hududlarda oziq-ovqat mahsulotlari xarid qilish, saqlash, qayta ishlash va sotish boʻyicha agrologistika markazlarini tizimli rivojlantirish.1. Agrologistika markazlarining hududlardagi joylashuv xaritasini yaratish.2024-yil IV chorakHisob-kitoblarga koʻraQoraqalpogʻiston Respublikasi Vazirlar Kengashi va viloyat hokimliklari,Qishloq xoʻjaligi vazirligi,Iqtisodiyot va moliya vazirligi,Investitsiyalar, sanoat va savdo vazirligi2. Bozor tamoyillariga asoslangan ragʻbatlantirish tizimlariga tayangan holda mahsulotlarni sotib olish, qayta ishlash, saqlash, sotishda agrologistika tizimini takomillashtirish va ulardan foydalanishning shaffof monitoring tizimini shakllantirish.2025-yil I chorak3. Respublika hududlarida yangi agrologistika markazlarini tashkil etish boʻyicha manzilli dasturlar tasdiqlab, ijrosini tashkil etish.Har yili6.Aholiga kafolatlangan oziq-ovqat mahsulotlarini yetkazishni taʼminlashda chekka hududlarda transport-logistika infratuzilmasini rivojlantirish.Tuman va shahar markazidan uzoq chekka hududlarda transport-logistika infratuzilmasini yaxshilash boʻyicha dastur ishlab chiqish hamda infratuzilma obyektlarini mahalliy budjet hisobidan tashkil etish choralarini koʻrish.2024 — 2028-yillarMahalliy budjet mablagʻlariTransport vazirligi,Qoraqalpogʻiston Respublikasi Vazirlar Kengashi va viloyat hokimliklari7.Oziq-ovqat xavfsizligi va sogʻlom ovqatlanish sohasida xalqaro integratsiyani rivojlantirish.1. Mamlakat manfaatlariga zid boʻlmagan holda mintaqalararo integratsiya jarayonlari masalasida hamkor davlatlar takliflarini doimiy oʻrganib borish.DoimiyMablagʻ talab qilinmaydiInvestitsiyalar, sanoat va savdo vazirligi,Iqtisodiyot va moliya vazirligi,Qishloq xoʻjaligi vazirligi,Bojxona qoʻmitasi2. Tarif va notarif tartibga solish kengashining tavsiyalari asosida hamda Jahon savdo tashkilotiga aʼzo boʻlishni inobatga olgan holda oziq-ovqat mahsulotlari importi boʻyicha bojxona boji stavkalarini oʻzgartirish yuzasidan takliflar ishlab chiqish.2024-yil III chorak8.Jahon sogʻliqni saqlash tashkiloti (JSST) tomonidan tavsiya etilgan va milliy normalarga muvofiq oziq-ovqat mahsulotlarining aholi sonining oʻsishiga nisbatan yetarliligini tahlil qilish hamda taʼminlash choralarini koʻrish.1. Jahon sogʻliqni saqlash tashkiloti (JSST) tomonidan eʼlon qilingan maʼlumotlarni tahlil qilish.2024-yil II chorakMablagʻ talab qilinmaydiSogʻliqni saqlash vazirligi,tegishli vazirlik va idoralar2. Tahliliy maʼlumotlar natijalariga koʻra milliy normalarga oʻzgartirish va qoʻshimchalar kiritish boʻyicha takliflar ishlab chiqish.2024-yil III chorak3. Ishlab chiqilgan takliflarni Vazirlar Mahkamasiga kiritish.2024-yil IV chorak9.Oʻsimliklarni himoya qilishning ekologik xavfsiz (biologik) usullarini keng qoʻllash hamda ekinlar hosildorligini ilmiy asosda oshirish.Oʻsimliklarni himoya qilishning ekologik xavfsiz (biologik) usullarini keng qoʻllash hamda ekinlar hosildorligini ekologik va ilmiy asosda oshirishning amaliy chora-tadbirlarini amalga oshirish;oʻsimliklarni himoya qilish vositalarini roʻyxatga olish va roʻyxatdan oʻtkazish boʻyicha yangi qoidalarni ishlab chiqish;biopestitsidlarni roʻyxatga olish toʻplami boʻyicha trening tashkil qilish;biopestitsidlarni baholash va roʻyxatga olish boʻyicha qoidalarni ishlab chiqish va boshqalar.2024 — 2030-yillarHisob-kitoblarga koʻraQishloq xoʻjaligi vazirligi,Ekologiya, atrof-muhitni muhofaza qilish va iqlim oʻzgarishi vazirligi,Sogʻliqni saqlash vazirligi,Oʻsimliklar karantin va himoyasi agentligi10.Korxonalarda ishlab chiqarish jarayonida yuzaga keluvchi CO2 va boshqa iqlim oʻzgarishiga salbiy taʼsir etuvchi chiqindilar hisobi monitoringini tegishli tashkilotlararo integratsiyalash va ularni kamaytirish boʻyicha choralar koʻrish.Ishlab chiqarish jarayonida iqlim oʻzgarishiga salbiy taʼsir etuvchi chiqindilar hisobini tahlil qilish va natijasi boʻyicha chora-tadbirlar dasturini ishlab chiqish va amalga oshirish.2024-yil III chorakMablagʻ talab qilinmaydiEkologiya, atrof-muhitni muhofaza qilish va iqlim oʻzgarishi vazirligi,Gidrometeorologiya xizmati agentligi,tegishli vazirlik va idoralarII. Favqulodda vaziyatlarda foydalanish uchun samarali bozor iqtisodiyoti tamoyillariga asoslangan strategik qishloq xoʻjaligi va oziq-ovqat mahsulotlarining davlat nazorati ostidagi zaxirasini yaratish11.Qishloq xoʻjaligi vazirligi huzuridagi Urugʻchilikni rivojlantirish markaziga oʻtkazilgan urugʻlik don tayyorlash korxonalarini toʻliq modernizatsiya qilish.1. Urugʻchilikni rivojlantirish markazining urugʻlik don tayyorlash korxonalarini modernizatsiyalash boʻyicha investitsiya loyihalarining manzilli roʻyxatini shakllantirish.2. Moliyalashtirish manbalarini aniqlash.3. Investitsiya loyihalarini amalga oshirish.2024-2025-yillarHisob-kitoblarga koʻraQishloq xoʻjaligi vazirligi,Iqtisodiyot va moliya vazirligi12.Biofortifikatsiya texnologiyasi asosida don, dukkakli, meva-sabzavot, poliz, meva-rezavor ekinlarning tarkibida mikroelementlarga boy boʻlgan mahalliy navlar seleksiyasi ishlarini rivojlantirish. 1. Don va dukkakli, poliz, meva-sabzavot, meva-rezavor ekinlar tarkibida mikroelementlarga boy boʻlgan mahalliy navlarni yaratish uchun biofortifikatsiya texnologiyasi asosida seleksiya va ilmiy tadqiqot ishlarini jadallashtirish.2. Ularning birlamchi urugʻchiligini yoʻlga qoʻyish va ishlab chiqarishga joriy etish.3. Muvaffaqiyatli va taʼsir kuchi salmoqli boʻlgan loyihalarni maqsadli moliyalashtirish.2024-2025-yillarHisob-kitoblarga koʻraQishloq xoʻjaligi vazirligi,Fanlar akademiyasi,Oliy taʼlim, fan va innovatsiyalar vazirligi13.Ishlab chiqaruvchilar va qayta ishlovchilar oʻrtasida mustahkam aloqalarni ragʻbatlantiruvchi kooperatsiya usulida ishlash tizimini rivojlantirish.1. Qishloq xoʻjaligi va oziq-ovqat mahsulotlari yetishtirishda qoʻshilgan qiymatni barqaror koʻpaytirish uchun ishlab chiqaruvchilar va qayta ishlovchilar oʻrtasida ixtiyoriy kooperativlar tashkil etishga koʻmaklashish boʻyicha dastur ishlab chiqish va ijrosini tashkil etish.2. Tashkil etilgan kooperativlar tomonidan yangi loyihalarni amalga oshirishni qoʻllab-quvvatlash uchun subsidiyalash mexanizmlarini joriy etish 2025-yil I chorakHisob-kitoblarga koʻraFermer, dehqon xoʻjaliklari va tomorqa yer egalari kengashi,Qishloq xoʻjaligi vazirligi,Qoraqalpogʻiston Respublikasi Vazirlar Kengashi va viloyat hokimliklari14.Chorvachilik sohasini barqaror rivojlantirish uchun naslchilik va ozuqa tadqiqotlari ishlarini jadallashtirish.Chorvachilik sohasining barqarorligini taʼminlash, bunda naslchilikni barqaror rivojlantirish va chorva ozuqalari boʻyicha olib borilayotgan amaliy tadqiqot ishlari yuzasidan har chorakda Muvofiqlashtiruvchi kengashga axborot kiritib borish.2024 — 2030-yillarHisob-kitoblarga koʻraVeterinariya va chorvachilikni rivojlantirish qoʻmitasi,tegishli vazirlik va idoralar15.Chorva va parrandalar sonini, goʻsht-sut, tuxum, baliq va asal ishlab chiqarish hajmini aholi sonining oʻsishiga mutanosib tarzda oshirib borish.Oq goʻsht (baliq, quyon, parranda va hokazo), sut, tuxum, baliq va asal ishlab chiqarish hajmini va qoʻshilgan qiymatini oshirish maqsadida parrandalar va boshqa mahsulotlar sonini oshirish boʻyicha hududlar kesimida har yilgi prognoz parametrlarni ishlab chiqish va chora-tadbirlari dasturlarini qabul qilish.Har yili dekabrMablagʻ talab qilinmaydiVeterinariya va chorvachilikni rivojlantirish qoʻmitasi,“Oʻzbekbaliqsanoat” uyushmasi,“Parrandasanoat” uyushmasi,Oʻzbekiston asalarichilari uyushmasi16.Sogʻlom ovqatlanishni ragʻbatlantirish uchun yangi parhez qoidalarini qoʻllash va qabul qilishni ragʻbatlantirish, sogʻlom ovqatlanishga mos kelmaydigan elementlarni isteʼmol qilishni asta-sekin kamaytirish (masalan, yogʻ, tuz, shakarni kamaytirish va kletchatkani koʻpaytirish).1. Yillik oziq-ovqat isteʼmoli boʻyicha soʻrov maʼlumotlari va FAO sogʻlom ovqatlanish yoʻriqnomalariga asoslangan holda, isteʼmol qilish normalarini qayta koʻrib chiqish.2024-yil II chorakMablagʻ talab qilinmaydiSogʻliqni saqlash vazirligi,Qishloq xoʻjaligi vazirligi,Iqtisodiyot va moliya vazirligi2. Sogʻlom ovqatlanishni taʼminlash doirasida muayyan mahsulotlarni meʼyoridan ortiq isteʼmol qilish inson salomatligiga salbiy taʼsir koʻrsatishi boʻyicha diyetologlar va nutritsiologlar tomonidan tushuntirishlar, koʻrsatuvlar va ommaviy axborot vositalari orqali axborotlar berib borilishini taʼminlash.2024-2025-yillar17.Bugʻdoy unini tibbiy meʼyor doirasida tabiiy mikroelement va vitaminlar bilan boyitilgan holda ishlab chiqarish.1. Bugʻdoy unini xalqaro standart talablari bilan uygʻunlashtirilgan holda tabiiy makro, mikroelementlar va vitamin bilan boyitish boʻyicha tegishli meʼyorlarni qoʻllash va ularning nazoratini amalga oshirish.2024-2025-yillarHisob-kitoblarga koʻraOʻzbekiston texnik jihatdan tartibga solish agentligi,Qishloq xoʻjaligi vazirligi,Sanitariya-epidemiologik osoyishtalik va jamoat salomatligi qoʻmitasi2. Un ishlab chiqaruvchilar va tayyor unni import qiluvchilarning reyestrini shakllantirish va mahsulotlar sifatini laboratoriya tahlillaridan oʻtkazish.Har chorakda, tanlov asosida18.Oziq-ovqat xavfsizligi va sogʻlom ovqatlanishni taʼminlash maqsadida asosiy turdagi (kartoshka, piyoz, sabzi, guruch, goʻsht, sut, shakar, oʻsimlik yogʻi) mahsulotlar zaxirasini isteʼmolchilar ehtiyojlari asosida yaratish.1. Aholi ijtimoiy himoyaga muhtoj qatlamining oziq-ovqat xavfsizligini taʼminlashda davlat tomonidan doimiy qoʻllab-quvvatlash choralarini koʻrish.Har yiliHisob-kitoblarga koʻraIqtisodiyot va moliya vazirligi,Qishloq xoʻjaligi vazirligi,boshqa manfaatdor vazirlik va idoralar,Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari2. 2030-yilgacha qishloq xoʻjaligida oziq-ovqat mahsulotlari yetishtirishning oʻrtacha samaradorligini hamda qishloq xoʻjaligida oziq-ovqat yetishtiruvchilarning daromadini oshirish.Har yili19.Milliy strategik oziq-ovqat zaxirasini va oziq-ovqat zaxiralarini samarali boshqarishni yoʻlga qoʻyish.1. Hisob-kitob natijalari va tavsiyalardan kelib chiqqan holda, zaxiralarni samarali boshqarish boʻyicha takliflar ishlab chiqish.2024-yil III chorakMablagʻ talab qilinmaydiIqtisodiyot va moliya vazirligi huzuridagi Davlat zaxiralarini boshqarish qoʻmitasi,Qishloq xoʻjaligi vazirligi2. Oziq-ovqat zaxiralarini strategik boshqarish bilan bogʻliq siyosiy choralarni takomillashtirib borish, mamlakatning turli hududlaridagi va global miqyosdagi bozor dinamikasi, shuningdek, oziq-ovqat xavfsizligi boʻyicha amaliy maʼlumotlar hamda bilimlar oʻrtasida mustahkam aloqani taʼminlash.Doimiy20.Ichki isteʼmol bozorida strategik oziq-ovqat mahsulotlari narxlari keskin oʻzgarishlarining oldini olish maqsadida isteʼmolchilarning oʻzgaruvchan xohish va istaklari va ehtiyojlari asosida ijtimoiy ahamiyatga ega asosiy turdagi oziq-ovqat mahsulotlari boʻyicha “balans-zaxira-intervensiya”ning samarali tizimini joriy etish.1. Oziq-ovqat mahsulotlari zaxiralarining mavjud mexanizmlarini, moliyaviy-iqtisodiy foyda va xarajatlarining texnik-iqtisodiy asoslarini baholash.Har yili III chorakMablagʻ talab qilinmaydiIqtisodiyot va moliya vazirligi,Davlat zaxiralarini boshqarish qoʻmitasi,Qishloq xoʻjaligi vazirligi,Milliy statistika qoʻmitasi,Raqobatni rivojlantirish va isteʼmolchilar huquqlarini himoya qilish qoʻmitasi2. Texnik-iqtisodiy baholash xulosasiga asosan tahliliy maʼlumot tayyorlash.Har yili IV chorak3. Asosiy turdagi oziq-ovqat mahsulotlari import-eksport koʻrsatkichlarini tahlil qilish.Har yili IV chorak4. Ijtimoiy ahamiyatga ega asosiy turdagi oziq-ovqat mahsulotlari balansini shakllantirish.Har yili I chorak5. Tahliliy maʼlumotlar asosida normativ hujjat loyihasini ishlab chiqish va Vazirlar Mahkamasiga kiritish.Har yili I chorak22.Dehqon bozorlari infratuzilmasini zamon talablari asosida modernizatsiya qilish boʻyicha chora-tadbirlar dasturini qabul qilish.Dehqon bozorlari infratuzilmasini zamon talablari asosida modernizatsiya qilish boʻyicha chora-tadbirlar dasturini va ragʻbatlantirish sxemalarini (dasturlari) qabul qilish.Bunda, dehqon bozorlarida mahsulotlarni bevosita yetishtiruvchilar tomonidan isteʼmolchilarga sotish boʻyicha alohida rastalarni hamda oziq-ovqat mahsulotlarini saqlash imkoniyatlarini tashkil etishni inobatga olish.2024-yil II chorakHisob-kitoblarga asosanIqtisodiyot va moliya vazirligi,Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari23.Aholi sonining oʻsishi, yer va suv resurslari cheklanganligini inobatga olgan holda, oziq-ovqat mahsulotlarini hamkor qoʻshni davlatlarda yetishtirib, xomashyosini Oʻzbekistonga olib kelish, saqlash va qayta ishlash choralarini koʻrish.1. Hisob-kitoblarga asosan yetishmaydigan gʻalla, moyli ekinlar va boshqa oziq-ovqat mahsulotlarini qoʻshni va hamkor davlatlarda yetishtirish boʻyicha muzokaralar oʻtkazish. 2. Muzokaralarning ijobiy natijalariga koʻra tadbirkorlik subyektlarini jalb etgan holda, investitsiya loyihalarini shakllantirish. 3. Mahsulotlarni yetishtirish, sotib olish rejasini zaruratga qarab ishlab chiqish va mahsulot zaxirasini tashkil etish.2024 — 2030-yillarHisob-kitoblarga koʻra,(tashabbuskorlarning oʻz mablagʻlari, tijorat banklari krediti, xorijiy investitsiyalar)Qishloq xoʻjaligi vazirligi,Investitsiyalar, sanoat va savdo vazirligi,Tashqi ishlar vazirligi,Iqtisodiyot va moliya vazirligi huzuridagiDavlat zaxiralarini boshqarish qoʻmitasi24.Ozuqaviy qiymati yuqori boʻlgan mahsulotlar uchun tarif va notarif toʻsiqlarni kamaytirish.1. Ozuqaviy qiymati yuqori boʻlgan qishloq xoʻjaligi mahsulotlari savdosidagi tarif va notarif toʻsiqlarni koʻrib chiqish.2. Zaruratdan kelib chiqqan holda, notarif toʻsiqlarni kamaytirish choralarini koʻrish. Har yiliHisob-kitoblarga koʻraInvestitsiyalar, sanoat va savdo vazirligi,Iqtisodiyot va moliya vazirligi,Qishloq xoʻjaligi vazirligi,Sogʻliqni saqlash vazirligi,Savdo-sanoat palatasi25.Oziq-ovqat xavfsizligi va sogʻlom ovqatlanish boʻyicha ilmiy-tadqiqot loyihalari va dasturlarini rivojlantirish.Xorijiy tashkilot grantlari, texnik koʻmak va boshqa tashqi begʻaraz koʻmak mablagʻlari, shuningdek, davlat granti mablagʻlari hisobidan oziq-ovqat xavfsizligi va sogʻlom ovqatlanish boʻyicha maqsadli ilmiy-tadqiqot ishlarini amalga oshirish.2024-2025-yillarHisob-kitoblarga koʻraOliy taʼlim, fan va innovatsiyalar vazirligi,Qishloq xoʻjaligi vazirligi,Qishloq xoʻjaligida bilim va innovatsiyalar milliy markazi,Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi26.Maktabgacha, umumiy oʻrta, oʻrta maxsus, professional va oliy taʼlim muassasalari hududida kuchli gazlangan, rangli, shirin va energetik ichimliklar va yuqori darajada tuzlangan qayta ishlangan oziq-ovqat mahsulotlarini isteʼmol va realizatsiya qilish boʻyicha cheklovlar joriy etish.Maktabgacha, umumiy oʻrta, oʻrta maxsus, professional va oliy taʼlim muassasalari hududida kuchli gazlangan, rangli, shirin va energetik ichimliklar va yuqori darajada tuzlangan qayta ishlangan oziq-ovqat mahsulotlarini isteʼmol va realizatsiya qilish boʻyicha cheklovlar joriy etish toʻgʻrisida Hukumat qarori loyihasini Vazirlar Mahkamasiga kiritish.2024-yil IV chorakMablagʻ talab qilinmaydiSogʻliqni saqlash vazirligi,Maktabgacha va maktab taʼlimi vazirligi,Oliy taʼlim, fan va innovatsiyalar vazirligi,Oʻzbekiston savdo-sanoat palatasi,Qishloq xoʻjaligi vazirligiIII. Tabiiy va texnogen ofatlar, global siyosiy va iqtisodiy inqiroz, pandemiya, harbiy amaliyot va boshqa hodisalarning salbiy taʼsirida yuzaga keladigan xavf-xatarlarni monitoring qilish platformasini yaratish27.Favqulodda vaziyatlar yoki uzoq vaqt davom etadigan hodisalar yuz berganda, oziq-ovqat xavfsizligini taʼminlash salohiyatiga ega boʻlish.1. Favqulodda holatlar (tabiiy va texnogen ofatlar, iqtisodiy, sogʻliqni saqlash, tashqi siyosiy beqarorlik) uchun zarur boʻlgan oziq-ovqat mahsulotlari zaxirasi hisob-kitobini qilish.Har yili yanvar oyidaHisob-kitoblarga koʻraQoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,Iqtisodiyot va moliya vazirligi,Qishloq xoʻjaligi vazirligi2. Hisob-kitob natijalariga koʻra zaxira tadbirlarini moliyalashtirish manbaini aniqlash.Har yili fevral oyida3. Aholi sonidan kelib chiqib, har bir hududda favqulodda holatlar uchun oziq-ovqat zaxiralarini har yili yaratib borish.Har mavsum davomida4. Favqulodda vaziyatlarda aholining kambagʻal, ijtimoiy zaif va imkoniyati cheklangan qatlamining oziq-ovqat xavfsizligini taʼminlash nuqtai nazaridan ularni qoʻllab-quvvatlash mexanizmlarini takomillashtirish.2025-yil IV chorak28.Oziq-ovqat xavfsizligi va sogʻlom ovqatlanish boʻyicha barcha tegishli maʼlumotlarni aniqlash toʻplash, saqlash va tahlil qilish, maʼlumotlarni barcha manfaatdor tashkilotlar, jumladan uy xoʻjaliklari va boshqa soʻrovlar bilan muvofiqlashtirish.1. Oziq-ovqat xavfsizligi va sogʻlom ovqatlanish maʼlumotlari va manbalarini aniqlash uchun rivojlanish boʻyicha hamkorlar ekspertlarini oʻz ichiga olgan ishchi guruh tuzish.2. Hozirda mavjud boʻlmagan maʼlumotlarni toʻplash salohiyatini rivojlantirish uchun rivojlanish boʻyicha hamkorlar bilan ishlash.3. Eng yaxshi global amaliyotga muvofiq va rivojlanish boʻyicha hamkorlar tomonidan qoʻllab-quvvatlanadigan uy xoʻjaliklari soʻrovlarini oʻtkazish.2024-yil II chorakHisob-kitoblarga koʻra,XMIlar investitsiya va grantlariQishloq xoʻjaligi vazirligi,Sogʻliqni saqlash vazirligi,Qishloq xoʻjaligida bilim va innovatsiyalar milliy markazi,Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi29.Oziq-ovqat xavfsizligi va sogʻlom ovqatlanishni baholash boʻyicha yaxlit idoralararo raqamli tizimni yaratish orqali Milliy axborot platformasini ishga tushirish.1. Milliy axborot platformasini yaratishda xorijiy ekspertlarni jalb qilib, texnik vazifani ishlab chiqish.2. Texnik vazifada quyidagilarni inobatga olish:qishloq xoʻjaligi mahsulotlari yetishtirishni prognoz qilish (qishloq xoʻjaligi mahsulotlariga boʻlgan ehtiyojlarni oldindan koʻra olish imkoniyatini yaratish);qishloq xoʻjaligi va asosiy turdagi oziq-ovqat mahsulotlari zaxirasi toʻgʻrisidagi maʼlumotlar bazasini yaratish;eksport va import qilingan qishloq xoʻjaligi va oziq-ovqat mahsulotlari toʻgʻrisidagi maʼlumotlarni integratsiyalash;qishloq xoʻjaligi va oziq-ovqat mahsulotlarining xavfsizlikni boshqarish tizimi boʻyicha sertifikatga ega boʻlganligi toʻgʻrisidagi maʼlumotlarni integratsiya qilish.2024-yil IV chorakHisob-kitoblarga koʻraQishloq xoʻjaligi vazirligi,Sogʻliqni saqlash vazirligi,Statistika agentligi,Raqamli texnologiyalar vazirligi,Iqtisodiyot va moliya vazirligi,tegishli vazirlik va idoralar30.Oziq-ovqat xavfsizligi boʻyicha axborot va monitoring platformasi doirasida monitoring dasturini xalqaro standartlar va uslublar asosida yuritish.1. Oziq-ovqat xavfsizligi boʻyicha axborot va monitoring platformasi doirasida monitoring dasturini xalqaro standartlar va uslublar asosida yuritish yuzasidan chora-tadbirlar rejasini ishlab chiqib, tasdiqlash.2024-yil II chorakMablagʻ talab qilinmaydiQishloq xoʻjaligi vazirligi,Statistika agentligi,Raqamli texnologiyalar vazirligi,Sogʻliqni saqlash vazirligi,Iqtisodiyot va moliya vazirligi,tegishli vazirlik va idoralarOziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi2. Maʼlumotlarni tahlil qilish imkonini beruvchi elektron veb sahifa (BI deshbord) ishlab chiqish.2024-yil III chorak3. Oziq-ovqat xavfsizligi monitoring tizimi indikatorlarini (ingliz va oʻzbek tilida) elektron veb sahifada aks ettirish.2025-yil I chorak31.Minimal isteʼmol xarajatlari qiymatini hisoblash tartibini Milliy axborot platformasi bilan integratsiya qilish.1. Uy xoʻjaliklarining yillik oziq-ovqat isteʼmoli toʻgʻrisida soʻrovnoma oʻtkazish. 2. Soʻrovnomaga asosan minimal isteʼmol xarajatlari qiymatlarini qayta hisoblash hamda tegishli chora-tadbirlar dasturini ishlab chiqish.Har besh yildaMablagʻ talab qilinmaydiIqtisodiyot va moliya vazirligi,Milliy statistika qoʻmitasi,Kambagʻallikni qisqartirish va bandlik vazirligi,Qishloq xoʻjaligi vazirligiIV. Aholining barcha qatlamini yetarli miqdorda oziq-ovqat mahsulotlari bilan taʼminlash uchun milliy ijtimoiy himoya tizimlarini takomillashtirish va ularning barqarorligini taʼminlash33.Umumiy ovqatlanish shoxobchalarida toʻgʻri ovqatlanishni tashkil etish.1. Umumiy ovqatlanish shoxobchalari taomnomalari uchun sabzavotli va mevali mahsulotlardan tayyorlanadigan oziq-ovqat mahsulotlari turlarini tavsiya etish va joriy qilish.2024-yil II chorakHisob-kitoblarga koʻraSanitariya-epidemiologik osoyishtalik va jamoat salomatligi qoʻmitasi,Salomatlik va strategik rivojlanish instituti2. Umumiy ovqatlanish shoxobchalari oshpazlari uchun foydali oziq-ovqat mahsulotlarining turlari va ularning ijobiy taʼsirlari boʻyicha oʻquv kurslarini tashkil etish.2024-yil IV chorak34.Jahon ovqatlanish hisoboti (Global Nutrition Report), jumladan goʻsht, toʻyingan yogʻ, tarkibida natriy va shakar boʻlgan ichimliklarni, ayniqsa, sogʻlom ovqatlanish uchun zarur boʻlgan meva-sabzavot, dukkakli va don mahsulotlarini isteʼmol qilish darajalari boʻyicha maʼlumotlar tahlillarini amalga oshirib borish.1. Taʼsir qilish xavfi sezilarli darajada yuqori boʻlgan mahsulotlar, sogʻlom ovqatlanish uchun zarur boʻlgan meva-sabzavot, dukkakli va don mahsulotlarining isteʼmol darajalari boʻyicha doimiy tahlilni amalga oshirib borish.2. Tahlil natijalari boʻyicha takliflar ishlab chiqish va Muvofiqlashtiruvchi kengashga kiritish.2024-2025-yillarMablagʻ talab qilinmaydiSogʻliqni saqlash vazirligi,Iqtisodiyot va moliya vazirligi,Qishloq xoʻjaligi vazirligi35.Oziq-ovqat mahsulotlari xavfsizligini nazorat qilish boʻyicha mutaxassis kadrlarni koʻpaytirish.1. Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari doirasida ajratiladigan kvotalarda oziq-ovqat mahsulotlarining xavfsizligini nazorat qilish boʻyicha mutaxassis kadrlarni tayyorlash sonini oshirish.2024-2025 oʻquv yilidanMablagʻ talab qilinmaydiOliy taʼlim, fan va innovatsiyalar vazirligi,Qishloq xoʻjaligi vazirligi,Iqtisodiyot va moliya vazirligi,Sogʻliqni saqlash vazirligi2. Oziq-ovqat mahsulotlari xavfsizligini nazorat qilish boʻyicha mutaxassis kadrlarning bilim va koʻnikmalarini oshirishga qaratilgan oʻquv-seminarlarini tashkil etish.2024-yildan boshlab, har yiliV. Oziq-ovqat xavfsizligi uchun jamoatchilikni keng jalb qilgan holda sogʻlom ovqatlanish tamoyillari, oziq-ovqat mahsulotlarining xavfsizlik koʻrsatkichlari va ularga rioya etish amaliyotlarini targʻib qilish36.Xalqaro tajribalar asosida oziq-ovqat mahsulotlari xavfsizligini keng qamrovli, integratsiyalangan nazorat qilish tizimini yaratish. Normativ-huquqiy hujjat loyihasini ishlab chiqib, hukumatga kiritish. Bunda: 1. Qishloq xoʻjaligi va oziq-ovqat mahsulotlari xavfsizligini yetishtirishdan-isteʼmolgacha boʻlgan zanjirda nazorat qilish tizimini takomillashtirish. 2. Respublika ijro etuvchi hokimiyat organlarining oziq-ovqat mahsulotlari xavfsizligini nazorat qilish bilan bogʻliq funksiya va shtatlarini tahlil qilish.3. Oziq-ovqat mahsulotlari xavfsizligini nazorat qilishni yagona tizimga birlashtiruvchi Oziq-ovqat xavfsizligi inspeksiyasi va uning qoshida oziq-ovqat mahsulotlari xavfsizligi boʻyicha alohida ilmiy-tadqiqot muassasasi faoliyatini tashkil etishni inobatga olish.2025-yil IV chorakMablagʻ talab qilinmaydiOʻzbekiston Respublikasining Hisob palatasi,Strategik islohotlar agentligi,Adliya vazirligi,Iqtisodiyot va moliya vazirligi,Qishloq xoʻjaligi vazirligi,Sogʻliqni saqlash vazirligi37.Isteʼmolchilar manfaati va sogʻligʻini himoya qilish maqsadida oziq-ovqat mahsulotlari toʻgʻrisidagi maʼlumotni isteʼmolchilarga toʻliq yetkazish.1. Oziq-ovqat mahsulotlarini yorliqlash boʻyicha Sanitariya qoidalari, meʼyorlari va gigiyenik normativlarini (SanQvaM) va Texnik reglamentni Alimentarius kodeksining yorliqlash boʻyicha standarti bilan muvofiqlashtirish.2. Chakana savdodagi “...gacha maqbul boʻlgan isteʼmol muddati” deb yorliqlangan oziq-ovqat mahsulotlarini xayriya tarzida aholining ehtiyojmand qatlamiga tarqatish.3. Milliy mahsulot yorliqlarida “maqbul boʻlgan isteʼmol muddati” (best before) qoʻllanishini kiritish.4. Isteʼmolchilarga oziq-ovqat mahsulotlari haqida maʼlumotni yetkazish boʻyicha qonunni takomillashtirish.2024-yil III chorakHisob-kitoblarga koʻraOʻzbekiston texnik jihatdan tartibga solish agentligi,Raqobatni rivojlantirish va isteʼmolchilar huquqlarini himoya qilish qoʻmitasi,Sogʻliqni saqlash vazirligi,Qishloq xoʻjaligi vazirligi38.Biologik faol qoʻshimchalar ishlab chiqarish va ularni roʻyxatdan oʻtkazish tizimini takomillashtirish.Biologik faol qoʻshimchalar ishlab chiqarish, tashish, saqlash va aholiga realizatsiya qilish hamda roʻyxatga olish tartibini belgilash boʻyicha normativ-huquqiy hujjat loyihasini ishlab chiqish.2024-yil II chorakMablagʻ talab qilinmaydiSogʻliqni saqlash vazirligi,Qishloq xoʻjaligi vazirligi39.Import va mahalliy oziq-ovqat mahsulotlari tarkibida genetik modifikatsiyalangan organizmlar (GMO) va sanoat transyogʻlari boʻlishi xavfini baholash va taqiqlash choralarini koʻrish.1. Ishlab chiqarilayotgan oziq-ovqat mahsulotlari tarkibida genetik modifikatsiyalangan organizmlar (GMO) va xomashyolar, transyogʻlar, shu jumladan, texnik palma yogʻi mavjudligini oʻrganish boʻyicha profilaktik tadbirlar oʻtkazish.2024-yil IV chorakMablagʻ talab qilinmaydiSogʻliqni saqlash vazirligi,Investitsiyalar, sanoat va savdo vazirligi,Sanitariya-epidemiologik osoyishtalik va jamoat salomatligi qoʻmitasi,Qishloq xoʻjalik vazirligi,Raqobatni rivojlantirish va isteʼmolchilar huquqlarini himoya qilish qoʻmitasi2. Oziq-ovqat mahsulotlarini ishlab chiqarishda genetik modifikatsiyalangan organizmlar (GMO) va xomashyolar, transyogʻlar, shu jumladan, texnik palma yogʻidan foydalanishni taqiqlash boʻyicha normativ-huquqiy hujjat loyihasini ishlab chiqish.2025-yil II chorak40.Sogʻlom ovqatlanish va sogʻlom turmush tarzini targʻibot qilish, aholining bu borada tushuncha va bilimlarini oshirish.1. Sogʻlom ovqatlanishni taʼminlash, suv taʼminoti, sanitariya va gigiyena, gender tenglik va boshqa omillar bilan bogʻliq amaliyotlar boʻyicha aholining tushuncha va bilimlarini oʻrganish, ulardagi boʻshliqlarni aniqlash yuzasidan tadqiqotlar va izlanishlar olib borish.2024-yil II chorakMablagʻ talab qilinmaydiSogʻliqni saqlash vazirligi,Oʻzbekiston texnik jihatdan tartibga solish agentligi,ommaviy axborot vositalari2. Aholining ovqatlanish ratsioniga hayvon oqsiliga boy boʻlgan mahsulotlar oʻrniga oʻsimlik oqsillari isteʼmolini, jumladan, yuqumli boʻlmagan kasalliklarning oldini olish boʻyicha ovqatlanish ratsionlariga oʻzgartirishlar kiritishni nazarda tutgan “Toʻgʻri ovqatlanish va sogʻlom turmush tarzi” boʻyicha chora-tadbirlar dasturini ishlab chiqish.2024-yil II chorak3. Tibbiyot mutaxassislarining diyetologiya va nutritsiologiya yoʻnalishlari boʻyicha malakasini oshirish va qayta tayyorlash kurslarini tashkil etish hamda oʻquv darsliklari va materiallarini tayyorlash.2024-yil III chorak4. Mutaxassislar tomonidan toifalangan aholi orasida muntazam targʻibot va profilaktika ishlari olib borishni tashkil qilish.2024-yil IV chorak41.Sogʻlom ovqatlanish boʻyicha targʻibot ishlarini kuchaytirish, ommaviy axborot vositalarida maxsus eshittirish va koʻrsatuvlar tayyorlash.1. Sogʻlom ovqatlanish boʻyicha targʻibot ishlarini sifatli olib borish maqsadida media-reja ishlab chiqish va tasdiqlash.2024-yil II chorakHisob-kitoblarga koʻraSogʻliqni saqlash vazirligi,Oʻzbekiston Milliy teleradiokompaniyasi,Oʻzbekiston Milliy media assotsiatsiyasi,Oʻzbekiston Milliy axborot agentligi,Madaniyat vazirligi2. Oʻzbekiston Milliy teleradiokompaniyasining barcha telekanallarida oziq-ovqat xavfsizligi va sogʻlom ovqatlanishning inson sogʻligiga ijobiy taʼsiri boʻyicha koʻrsatuvlar tashkil etish.2024 — 2030-yillar3. Oziq-ovqat mahsulotlarning ozuqaviy qiymatini yoritish uchun mamlakatimizning sanʼat, madaniyat, sport va boshqa sohalardagi taniqli insonlarni jalb etish.2024 — 2030-yillar42.Yosh bolalar va goʻdaklarning sogʻlom ovqatlanishini taʼminlash.1. Amaliy chora-tadbirlar rejasini ishlab chiqish, bunda:chaqaloqlarni toʻyimli funksional oziq-ovqat mahsulotlari bilan taʼminlash imkoniyatlarini yaratish.2025-yil I chorakMablagʻ talab qilinmaydiSogʻliqni saqlash vazirligi,Oʻzbekiston texnik jihatdan tartibga solish agentligi,tegishli vazirlik va idoralar2. Amaliy chora-tadbirlar rejasini amalga oshirish hamda har choraklik maʼlumotlarni Muvofiqlashtiruvchi kengash hamda Milliy axborot platformasiga taqdim etish.2025 — 2030-yillar43.Taʼlim, sogʻliqni saqlash, qishloq xoʻjaligi va oziq-ovqat sohalarida sogʻlom ovqatlanish tamoyillarini targʻib qilish.1. Sogʻlom ovqatlanish boʻyicha qoʻllanma va darsliklar ishlab chiqish.2024-yil IV chorakHisob-kitoblarga koʻraSogʻliqni saqlash vazirligi,Oliy taʼlim, fan va innovatsiyalar vazirligi,Maktabgacha va maktab taʼlimi vazirligi,vazirlik va idoralar2. Sogʻlom ovqatlanishni oʻrgatish va targʻibot qilish uchun mutaxassis kadrlarni tayyorlash dasturini qabul qilish.2025-yil I chorak3. Sogʻlom ovqatlanish boʻyicha xalq taʼlimi, maktabgacha taʼlim muassasalari va sogʻliqni saqlash tashkilotlarida seminar, trening, oʻquv darslarini oʻtish hamda kadrlarni sertifikatlash.2025-2026-yillar4. Maktabgacha taʼlim, maktab taʼlimi, sogʻliqni saqlash, qishloq xoʻjaligi va oziq-ovqat sohalarida faoliyat olib boruvchi tashkilotlarda oʻquv rejalarini ishlab chiqish va aholi oʻrtasida targʻibot ishlarini yoʻlga qoʻyish.2025-2026-yillar44.Toʻyingan yogʻli mahsulotlar, osh tuzi, shakar va yogʻli mahsulotlarning oʻrnini bosuvchi kerakli mikro-makroelementlar va oqsilga boy mahsulotlarning (meva-sabzavot, dukkakli, rezavor, baliq, sutli mahsulotlar, asal va boshqalar) isteʼmolini oshirishni targʻib qilish.1. Oʻzbekiston Respublikasi sanitariya qoidalari, meʼyorlari, va gigiyenik normativlarini (SanQvaM) Alimentarius kodeksi (Jahon sogʻliqni saqlash tashkiloti va FAO) talablari asosida qayta koʻrib chiqish va yangilash.2024-yil III chorakMablagʻ talab qilinmaydiSanitariya-epidemiologik osoyishtalik va jamoat salomatligi qoʻmitasi,Sogʻliqni saqlash vazirligi,Qishloq xoʻjaligi vazirligi,Veterinariya va chorvachilikni rivojlantirish qoʻmitasi,Oʻzbekiston Milliy axborot agentligi,Oʻzbekiston Milliy teleradiokompaniyasi,Axborot va ommaviy kommunikatsiyalar agentligi2. Ommaviy axborot vositalari, ijtimoiy tarmoqlar orqali sogʻlom ovqatlanish madaniyatini targʻib qilish.Doimiy3. Sogʻliqni saqlash tizimi va oliy taʼlim muassasalarida mutaxassis kadrlarni tayyorlash (nutritsiolog) hamda ularni “Sogʻlom ovqatlanish” dasturiga jalb etish.2024-2025-yillar4. Mavjud oziq-ovqat mahsulotlari zaxirasiga asoslangan holda milliy ovqatlanish boʻyicha koʻrsatmalarni ishlab chiqish.2024-yil II chorak

Oʻzbekiston Respublikasi Prezidentining 2024-yil 16-fevraldagi PF-36-son Farmoniga 3-ILOVA

Oʻzbekiston Respublikasida oziq-ovqat xavfsizligi va sogʻlom ovqatlanishni taʼminlashning 2030-yilgacha moʻljallangan strategiyasining

MAQSADLI INDIKATORLARI

T/rIndikatorlarOʻlchov birligi2023-y.2024-y.2025-y.2026-y.2028-y.2030-y.Masʼul vazirlik va idoralarI. Oziq-ovqat mahsulotlari mavjudligi1.1. Asosiy turdagi oziq-ovqat ekinlari hosildorligi1.Bugʻdoy (sugʻoriladigan maydonda)s/ga67,073,075,080,090,0100,0Qishloq xoʻjaligi vazirligi2.Sholis/ga46,247,248,549,552,555,03.Kartoshkas/ga207,8210,5212,2213,9217,4222,04.Sabzavotlars/ga212,1231,0241,5252,0274,5295,05.Poliz mahsulotlaris/ga152,1159,7163,6167,7180,6190,06.Meva va rezavorlars/ga94,2104,2109,4116,4130,5150,07.Uzums/ga117,5125,2131,8137,8160,0180,08.Moyli ekinlars/ga15,816,217,018,520,022,01.2. Oziq-ovqat ekinlari maydoni (aholi tomorqa xoʻjaliklaridan tashqari)9.Intensiv bogʻlar maydoniming gektar72,280,985,489,999,5110Qishloq xoʻjaligi vazirligi9.1.Bogʻlarning jami ekin maydonidagi ulushifoiz40,645,048,053,557,060,010.Intensiv usulda sabzavotlar yetishtiriladigan maydonming gektar23,430,833,637,547,455,410.1.Sabzavot ekinlarining jami ekin maydonidagi ulushifoiz15,019,021,024,031,035,011.Moyli ekinlarning jami ekin maydonidagi ulushifoiz3,63,84,04,55,15,712.Ozuqa ekinlarning jami ekin maydonidagi ulushifoiz12,313,514,014,514,515,01.3. Ichki ishlab chiqarish hisobiga asosiy turdagi oziq-ovqat mahsulotlari bilan taʼminlanish va oziq-ovqat mahsulotlari tashqi savdosi13.Un bilan taʼminlash darajasifoiz889092939495Qishloq xoʻjaligi vazirligi,Iqtisodiyot va moliya vazirligi14.Oʻsimlik yogʻi bilan taʼminlash darajasifoiz50556065707515.Kartoshka bilan taʼminlash darajasifoiz87889092949516.Goʻsht bilan taʼminlash darajasifoiz9393,59494,59595,517.Guruch bilan taʼminlash darajasifoiz78808182848518.Oziq-ovqat mahsulotlari importi qiymatining jami tovarlar eksportiga nisbatifoiz19,92120,5181715Investitsiyalar, sanoat va savdo vazirligi,Iqtisodiyot va moliya vazirligi,Qishloq xoʻjaligi vazirligi19.Don importiga qaramlilik koeffitsiyenti (Afgʻonistonga un eksporti hisobi bilan)foiz31,632333435362. Oziq-ovqat mahsulotlariga nisbatan aholining iqtisodiy imkoniyati20.Oziq-ovqat mahsulotlari narxlari indeksifoiz115,1112110109108,5107Iqtisodiyot va moliya vazirligi,Qishloq xoʻjaligi vazirligi21.Toʻyib ovqatlanmaydigan aholining umumiy aholiga nisbatan ulushifoiz2,52,32,12,01,81,5Qishloq xoʻjaligi vazirligi22.Ijtimoiy himoyaga muhtoj aholi jami daromadiga nisbatan oziq-ovqat mahsulotlariga sarf-xarajatlarining ulushifoiz52,252,051,751,451,050,0Iqtisodiyot va moliya vazirligi,Kambagʻallikni qisqartirish va bandlik vazirligi23.Kichik oziq-ovqat mahsulotlari ishlab chiqaruvchilar oʻrtacha daromadining oʻsish nisbatifoiz108,0112,0113,0115,0122,6123,0Qishloq xoʻjaligi vazirligi3. Oziq-ovqat mahsulotlari isteʼmoli (sogʻlom ovqatlanish)24.Aholi jon boshiga oʻsimlik yogʻi isteʼmolikg18,817,016,515,114,012,0Sogʻliqni saqlash vazirligi,Iqtisodiyot va moliya vazirligi,Qishloq xoʻjaligi vazirligi25.Aholi jon boshiga non va non mahsulotlari isteʼmolikg155,215014013011510026.Vazn ogʻirligi yetishmasligi mavjud 5 yoshgacha boʻlgan bolalar ulushifoiz2,42,22.01,91,71,5Sogʻliqni saqlash vazirligi27.5 yoshgacha boʻlgan bolalarda boʻy oʻsishida ortda qolish (foiz)foiz8,7(2017)8,07,06,56,05,828.Ortiqcha vazni mavjud 5 yoshgacha boʻlgan bolalar ulushifoiz4,44,24,03,83,43,029.Semizligi (BVI≥30 kg/m²) mavjud aholi ulushifoiz23,523,423,3523,323,223,030.Ortiqcha vaznga ega (BVI≥25 kg/m²) katta yoshdagi aholi ulushifoiz56,455,254,653,851,951,031.Tugʻish yoshidagi ayollar orasida kamqonlik bilan kasallanishni kamaytirishfoiz19,018,017,016,014,012,032.Yod yetishmasligi bilan bogʻliq kasallanishni kamaytirish100 ming aholiga nisbatan541,2537,7532,3526,9496,4479,24. Tabiiy resurslaridan oqilona foydalanish va barqarorlik33.Qishloq xoʻjaligi ekin maydonlari tuproq tahlilini amalga oshirishming ga535776525911923525Qishloq xoʻjaligi vazirligi34.Tuproqdagi gumus miqdori 1 foizdan kam boʻlgan ekin yerlarining jami maydonga nisbatan ulushifoiz65,062,060,058,054,050,035.Suv tejovchi texnologiyalar joriy etiladigan ekin maydonlari ulushifoiz27,035,040,048,055,060,0Suv xoʻjaligi vazirligi36.Sugʻorish uchun jihozlangan (irrigatsiya tarmoqlari mavjud) ekin maydonlari ulushifoiz80,7828385889037.Aholining ichimlik suvi bilan taʼminlanganlik darajasini oshirishfoiz77,28184878992“Oʻzsuvtaʼminot” AJ5. Saqlash va qayta ishlash hajmlarini oʻsishi38.Sovitkichli sigʻimlar quvvatlarini oshirishming tn414344647590Qishloq xoʻjaligi vazirligi39.Donni qayta ishlashfoiz48,751,153,556,058,460,840.Meva-sabzavotni qayta ishlashfoiz14,715,015,315,615,816,241.Uzumni qayta ishlashfoiz10,310,811,311,812,312,842.Goʻshtni qayta ishlashfoiz15,115,315,616,116,416,643.Sutni qayta ishlashfoiz19,420,621,722,924,125,2

Oʻzbekiston Respublikasi Prezidentining 2024-yil 16-fevraldagi PF-36-son Farmoniga 4-ILOVA

Oʻzbekiston Respublikasida 2024 — 2028-yillarda oziq-ovqat sanoatini yanada rivojlantirish boʻyicha

CHORA-TADBIRLAR DASTURI

Oʻzbekiston Respublikasi Prezidentining 2024-yil 16-fevraldagi PF-36-son Farmoniga 5-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

2. Oʻzbekiston Respublikasi Prezidentining 2018-yil 28-avgustdagi PF-5527-son Farmoni bilan tasdiqlangan Oʻzbekiston Respublikasi Prezidenti hujjatlari va Oʻzbekiston Respublikasi Hukumati qarorlari bilan tuzilgan va tugatilayotgan idoralararo kollegial organlar roʻyxatining 16-pozitsiyasi “Tugatilayotgan organning funksiyalarini bajaruvchi (vakolatlariga aloqador qismida) subyektlar” ustunidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi ustidan nazorat boʻyicha inspeksiya” soʻzlari “Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

3. Oʻzbekiston Respublikasi Prezidentining 2019-yil 17-iyundagi “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida”gi PF-5742-son Farmonida:

a) 5-bandda:

toʻrtinchi xatboshidagi “Qoraqalpogʻiston Respublikasi, viloyatlar va Toshkent shahar yer resurslari va davlat kadastri boshqarmalarining maxsus hisob raqamlariga” soʻzlari “Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligini rivojlantirish va oziq-ovqat taʼminoti jamgʻarmasiga” soʻzlari bilan almashtirilsin;

beshinchi xatboshidagi “Oʻzbekiston Respublikasi Vazirlar Mahkamasi huzuridagi” soʻzlari “Oʻzbekiston Respublikasi Qishloq xoʻjaligi vazirligi huzuridagi” soʻzlari bilan almashtirilsin;

b) 2-ilovaning 74-pozitsiyasi “Masʼul ijrochilar” ustunidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

v) 5-ilovada:

10-banddagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

quyidagi mazmundagi izoh bilan toʻldirilsin:

“Izoh: Ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalar yuklangan shaxslar kiritiladi”.

4. Oʻzbekiston Respublikasi Prezidentining 2019-yil 23-oktabrdagi “Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini tasdiqlash toʻgʻrisida”gi PF-5853-son Farmonida:

a) 4-bandning beshinchi xatboshisi quyidagi tahrirda bayon etilsin:

“har yili 1-dekabrga qadar joriy yil uchun belgilangan vazifalarning bajarilishini chuqur tahlil etgan holda Strategiyani amalga oshirish yuzasidan kelgusi yilga moʻljallangan chora-tadbirlar dasturi ishlab chiqilishi va tasdiqlash uchun Vazirlar Mahkamasiga kiritilishini tashkil etsin”;

b) 2-ilovaning 21 va 59-pozitsiyalari “Ijro uchun masʼullar” ustunidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

v) 3-ilovada:

11-banddagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

15-banddagi “Vazirlar Mahkamasi huzuridagi” soʻzlari “Qishloq xoʻjaligi vazirligi huzuridagi” soʻzlari bilan almashtirilsin;

quyidagi mazmundagi izoh bilan toʻldirilsin:

“Izoh: Muvofiqlashtiruvchi kengash aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalar yuklangan shaxslar kiritiladi”.

5. Oʻzbekiston Respublikasi Prezidentining 2021-yil 3-fevraldagi “Qishloq xoʻjaligida bilim va innovatsiyalar tizimi hamda zamonaviy xizmatlar koʻrsatishni yanada rivojlantirish toʻgʻrisida”gi PF-6159-son Farmonida:

a) 10-bandning ikkinchi xatboshisidagi “agroxizmatlar markazlari” soʻzlari “Respublika agroxizmatlar markazi, hududiy va tuman agroxizmatlar markazlari” soʻzlari bilan almashtirilsin;

b) 2-ilovada:

3-banddagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

11-banddagi “Pillachilik va qorakoʻlchilikni rivojlantirish qoʻmitasi” soʻzlari “Ipakchilik va jun sanoatini rivojlantirish qoʻmitasi” soʻzlari bilan almashtirilsin;

12-banddan “qishloq xoʻjaligi vazirining oʻrinbosari — ” soʻzlari chiqarib tashlansin;

13-band oʻz kuchini yoʻqotgan deb hisoblansin;

14-banddagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

16-banddagi “Vazirlar Mahkamasi huzuridagi” soʻzlari chiqarib tashlansin;

v) 3-ilovada:

1-pozitsiyaning “Biriktirilayotgan vazirlik, idora va xoʻjalik birlashmalari” ustunidan “, Alkogol va tamaki bozorini tartibga solish hamda vinochilikni rivojlantirish agentligi” soʻzlari chiqarib tashlansin;

4-pozitsiyaning “Biriktirilayotgan vazirlik, idora va xoʻjalik birlashmalari” ustuni quyidagi tahrirda bayon etilsin:

“Qishloq xoʻjaligida xizmatlar koʻrsatish agentligi”;

6 va 7-pozitsiyalar “Biriktirilayotgan vazirlik, idora va xoʻjalik birlashmalari” ustunidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

8-pozitsiya “Biriktirilayotgan vazirlik, idora va xoʻjalik birlashmalari” ustunidagi “Pillachilik va qorakoʻlchilikni rivojlantirish qoʻmitasi” soʻzlari “Ipakchilik va jun sanoatini rivojlantirish qoʻmitasi” soʻzlari bilan almashtirilsin.

6. Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmonida:

a) 1-ilovada:

oʻn sakkizinchi xatboshidagi “Pillachilik va qorakoʻlchilikni rivojlantirish qoʻmitasi” soʻzlari “Ipakchilik va jun sanoatini rivojlantirish qoʻmitasi” soʻzlari bilan almashtirilsin;

oʻn toʻqqizinchi xatboshidan “Vazirlar Mahkamasi huzuridagi” soʻzlari chiqarib tashlansin;

yigirma birinchi xatboshidan “qishloq xoʻjaligi vazirining oʻrinbosari — ” soʻzlari chiqarib tashlansin;

yigirma uchinchi xatboshidagi “Tuproqshunoslik va agrokimyo ilmiy-tadqiqot instituti” soʻzlari “Tuproqshunoslik va agrokimyoviy tadqiqotlar instituti” soʻzlari bilan almashtirilsin;

quyidagi mazmundagi izoh bilan toʻldirilsin:

“Izoh: Respublika kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalar yuklangan shaxslar kiritiladi”;

b) 2-ilovaning oʻninchi xatboshisidagi “Pillachilik va qorakoʻlchilikni rivojlantirish boshqarmasi” soʻzlari “Ipakchilik va jun sanoatini rivojlantirish boshqarmasi” soʻzlari bilan almashtirilsin.

7. Oʻzbekiston Respublikasi Prezidentining 2022-yil 31-maydagi PF-145-son Farmoni bilan tasdiqlangan Raqobatni rivojlantirish va isteʼmolchilar huquqlarini himoya qilish qoʻmitasiga maʼlumotlar bazasidan real vaqt rejimida foydalanish ruxsat etiladigan davlat organlari va tashkilotlari roʻyxatida:

10-banddagi “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari “Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi” soʻzlari bilan almashtirilsin;

15-banddagi “Oʻzbekiston Respublikasi Oʻsimliklar karantini va himoyasi agentligi” soʻzlari “Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi” soʻzlari bilan almashtirilsin.

8. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovaning “4. Qishloq xoʻjaligi vazirligi” boʻlimi quyidagi tahrirda bayon etilsin:

9. Oʻzbekiston Respublikasi Prezidentining 2023-yil 1-iyundagi “Pillachilik sohasida kasanachilikni qoʻllab-quvvatlash hamda pilla yetishtirish uchun ozuqa bazasini yanada kengaytirishning qoʻshimcha chora-tadbirlari toʻgʻrisida”gi PF-85-son Farmonida:

a) muqaddimadan “lalmi yerlar va yaylovlarni oʻzlashtirish hisobidan” soʻzlari chiqarib tashlansin;

b) 2, 3 va 4-bandlar quyidagi tahrirda bayon etilsin:

“2. Pillachilik klasterlari, pillachilik va tutchilik yoʻnalishidagi fermer xoʻjaliklari tomonidan yangi tutzorlar barpo qilish uchun Qoraqalpogʻiston Respublikasi Vazirlar Kengashi va viloyatlar hokimliklari Qishloq xoʻjaligi vazirligi bilan birgalikda ikki oy muddatda 1-ilovaga muvofiq yer maydonlarini ularning konturlarini aniq belgilagan holda “E-auksion” elektron savdo platformasiga ijaraga berish uchun joylashtirsin, hududiy “Agropilla” MCHJlar va pillani qayta ishlash korxonalariga qarashli rekonstruksiya qilinadigan tutzorlar bundan mustasno.

3. Belgilansinki, yangi tutzorlar barpo qilish uchun yer uchastkalari 10 gektardan kam boʻlmagan oʻlchamda pillachilik klasterlari, pillachilik va tutchilik yoʻnalishidagi fermer xoʻjaliklariga elektron onlayn auksion savdolari orqali ijara huquqi asosida ajratiladi.

4. 2024 — 2027-yillarda 105 ming gektar yer maydonida yangi tutzorlar barpo qilishning prognoz koʻrsatkichlari 2-ilovaga muvofiq tasdiqlansin”;

v) 8-bandning birinchi xatboshisi quyidagi tahrirda bayon etilsin:

“8. Qishloq xoʻjaligi vazirligi Qoʻmita bilan birgalikda 2024-yil yakuniga qadar mazkur Farmonga muvofiq ajratib berilgan yer maydonlaridan foydalanish holatini Qishloq xoʻjaligi vazirligining Geoaxborot tizimi orqali muntazam monitoring qilib borish tizimini joriy etsin”;

g) 1-ilovada:

ilovaning nomi quyidagi tahrirda bayon etilsin:

“Pillachilik klasterlari, pillachilik va tutchilik yoʻnalishidagi fermer xoʻjaliklari tomonidan yangi tutzorlar barpo qilish uchun “E-auksion” elektron savdo platformasiga ijaraga berish uchun joylashtiriladigan, shuningdek, mavjud yer maydonlarining koʻrsatkichlari”;

“Ipakchilik qoʻmitasiga doimiy foydalanish huquqi asosida yangidan ajratiladigan yer maydonlari” ustunining nomi quyidagi tahrirda bayon etilsin:

“E-auksion” elektron savdo platformasiga ijaraga berish uchun joylashtiriladigan yer maydonlari”;

“Ipakchilik qoʻmitasining doimiy foydalanishidagi mavjud yaylovlar maydonlari” ustunining nomi quyidagi tahrirda bayon etilsin:

“E-auksion” elektron savdo platformasiga ijaraga berish uchun joylashtiriladigan Ipakchilik qoʻmitasining doimiy foydalanishidagi mavjud yaylovlar maydonlari”;

d) 2-ilovaning matni quyidagi tahrirda bayon etilsin:

“2024 — 2027-yillarda 105 ming gektar yer maydonida yangi tutzorlar barpo qilishning

PROGNOZ KOʻRSATKICHLARI

T/r Tumanlar nomi Barpo qilinadigan yangi tutzorlar maydoni (gektar) Shundan (gektar) 2024-yil 2025-yil 2026-yil 2027-yil Respublika boʻyicha jami: 105 000 27 140 21 202 24 760 31 898 Qoraqalpogʻiston Respublikasi 1. Toʻrtkoʻl tumani 200 60 40 50 50 2. Beruniy tumani 200 60 40 50 50 3. Ellikqalʼa tumani 200 60 40 50 50 4. Amudaryo tumani 200 60 40 50 50 5. Xoʻjayli tumani 500 160 120 110 110 6. Taxiatosh tumani 50 30 20 7. Shumanay tumani 500 160 120 110 110 8. Qonlikoʻl tumani 500 160 120 110 110 9. Qoʻngʻirot tumani 500 160 120 110 110 10. Nukus tumani 120 30 30 30 30 11. Kegeyli tumani 350 110 80 80 80 12. Boʻzatov tumani 100 30 20 20 30 13. Chimboy tumani 500 160 120 110 110 14. Qoraoʻzak tumani 500 160 110 120 110 15. Taxtakoʻpir tumani 500 160 120 110 110 16. Moʻynoq tumani 80 40 20 20 Jami 5 000 1600 1160 1130 1110 Andijon viloyati 1. Andijon tumani 1 409 480 280 320 329 2. Izboskan tumani 32 20 12 3. Marhamat tumani 720 250 150 160 160 4. Paxtaobod tumani 57 20 10 10 17 5. Baliqchi tumani 40 20 10 10 6. Boʻston tumani 30 10 10 10 7. Ulugʻnor tumani 145 40 30 30 45 8. Asaka tumani 590 220 120 120 130 9. Oltinkoʻl tumani 23 10 13 10. Xoʻjaobod tumani 739 270 150 160 159 11. Shahrixon tumani 27 10 17 12. Jalaquduq tumani 1 035 370 200 220 245 13. Qoʻrgʻontepa tumani 153 50 30 30 43 Jami 5 000 1770 1 032 1 070 1 128 Buxoro viloyati 1. Jondor tumani 1 200 350 240 260 350 2. Romitan tumani 1 200 350 240 260 350 3. Kogon tumani 1 000 290 200 220 290 4. Buxoro tumani 1 000 290 200 220 290 5. Peshku tumani 1 200 350 240 260 350 6. Shofirkon tumani 1 200 360 240 250 350 7. Gʻijduvon tumani 1 200 360 240 250 350 8. Olot tumani 1 000 290 200 220 290 9. Qorakoʻl tumani 1 000 290 200 220 290 Jami 10 000 2930 2 000 2 160 2 910 Jizzax viloyati 1. Forish tumani 1 400 350 350 350 350 2. Baxmal tumani 1 300 350 300 300 350 3. Zomin tumani 1 400 350 350 350 350 4. Yangiobod tumani 1 400 350 350 350 350 5. Arnasoy tumani 1 000 500 200 150 150 6. Mirzachoʻl tumani 1 000 400 200 200 200 7. Gʻallaorol tumani 1 300 430 290 290 290 8. Sh. Rashidov tumani 1 200 340 300 300 260 Jami 10 000 3070 2 340 2 290 2 300 Qashqadaryo viloyati 1. Qarshi tumani 1 000 120 200 250 430 2. Koson tumani 1 000 160 200 250 390 3. Qamashi tumani 1 000 230 200 250 320 4. Kitob tumani 1 650 300 330 410 610 5. Muborak tumani 1 000 90 200 250 460 6. Chiroqchi tumani 1 000 240 200 250 310 7. Koʻkdala tumani 700 90 140 180 290 8. Shahrisabz tumani 1 650 370 330 420 530 9. Yakkabogʻ tumani 1 000 280 200 250 270 Jami 10 000 1880 2 000 2 510 3 610 Navoiy viloyati 1. Qiziltepa tumani 1 100 350 250 250 250 2. Konimex tumani 100 30 20 20 30 3. Navbahor tumani 1 100 350 250 250 250 4. Nurota tumani 800 240 180 190 190 5. Karmana tumani 700 220 160 160 160 6. Xatirchi tumani 1 200 370 270 280 280 Jami 5 000 1560 1 130 1 150 1 160 Namangan viloyati 1. Mingbuloq tumani 500 150 100 100 150 2. Kosonsoy tumani 600 160 100 150 190 3. Chust tumani 650 170 100 150 230 4. Uychi tumani 250 60 50 60 80 5. Yangiqoʻrgʻon tumani 650 170 100 150 230 6. Norin tumani 250 40 60 70 80 7. Uchqoʻrgʻon tumani 250 60 50 60 80 8. Namangan tumani 250 60 50 60 80 9. Toʻraqoʻrgʻon tumani 300 100 60 70 70 10. Chortoq tumani 650 170 100 150 230 11. Pop tumani 650 150 100 150 250 Jami 5 000 1290 870 1 170 1 670 Samarqand viloyati 1. Pastdargʻom tumani 1 000 200 200 250 350 2. Nurobod tumani 1 000 200 200 250 350 3. Ishtixon tumani 1 500 320 320 350 510 4. Jomboy tumani 500 140 100 130 130 5. Qoʻshrabot tumani 1 000 200 200 250 350 6. Kattaqoʻrgʻon tumani 1 000 200 200 250 350 7. Narpay tumani 500 140 100 130 130 8. Paxtachi tumani 500 130 110 130 130 9. Bulungʻur tumani 2 000 480 420 480 620 10. Payariq tumani 1 000 200 200 250 350 Jami 10 000 2210 2 050 2 470 3 270 Surxondaryo viloyati 1. Angor tumani 1 000 200 200 300 300 2. Bandixon tumani 500 100 100 150 150 3. Boysun tumani 200 40 40 60 60 4. Qiziriq tumani 1 000 200 200 300 300 5. Muzrabot tumani 1 000 200 200 300 300 6. Sherobod tumani 1 000 200 200 300 300 7. Jarqoʻrgʻon tumani 1 000 200 200 300 300 8. Termiz tumani 800 160 160 240 240 9. Oltinsoy tumani 500 100 100 150 150 10. Shoʻrchi tumani 1 000 200 200 300 300 11. Qumqoʻrgʻon tumani 1 000 200 200 300 300 12. Denov tumani 1 000 200 200 300 300 Jami 10 000 2000 2 000 3 000 3 000 Sirdaryo viloyati 1. Boyovut tumani 877 220 180 170 307 2. Guliston tumani 642 150 140 150 202 3. Mirzaobod tumani 1255 130 200 320 605 4. Oqoltin tumani 331 80 60 80 111 5. Sardoba tumani 871 190 190 210 281 6. Sayxunobod tumani 135 20 20 40 55 7. Sirdaryo tumani 148 20 20 40 68 8. Xovos tumani 741 170 130 140 301 Jami 5 000 980 940 1 150 1 930 Toshkent viloyati 1. Oqqoʻrgʻon tumani 732 250 140 160 182 2. Ohangaron tumani 5 288 1500 1 050 1 100 1 638 3. Bekobod tumani 1 183 260 240 260 423 4. Boʻka tumani 1 142 330 220 220 372 5. Quyi Chirchiq tumani 1 242 340 250 260 392 6. Yuqori Chirchiq tumani 350 120 70 70 90 7. Qibray tumani 371 140 70 70 91 8. Parkent tumani 2 500 820 470 550 660 9. Piskent tumani 861 310 170 180 201 10. Oʻrta Chirchiq tumani 761 200 150 150 261 11. Chinoz tumani 230 60 50 50 70 12. Yangiyoʻl tumani 340 110 70 80 80 Jami 15 000 4440 2 950 3 150 4 460 Fargʻona viloyati 1. Quvasoy tumani 350 110 70 80 90 2. Beshariq tumani 450 90 50 100 210 3. Bagʻdod tumani 72 20 10 20 22 4. Buvayda tumani 90 30 20 20 20 5. Dangʻara tumani 464 130 80 120 134 6. Yozyovon tumani 110 30 20 20 40 7. Quva tumani 600 150 90 110 250 8. Oltiariq tumani 260 70 40 50 100 9. Qoʻshtepa tumani 87 20 10 20 37 10. Rishton tumani 150 30 20 40 60 11. Soʻx tumani 150 30 20 40 60 12. Toshloq tumani 52 20 10 10 12 13. Oʻzbekiston tumani 103 20 20 20 43 14. Uchkoʻprik tumani 50 20 10 10 10 15. Fargʻona tumani 2 013 360 290 290 1 073 Jami 5 000 1130 760 950 2 160 Xorazm viloyati 1. Bogʻot tumani 650 190 110 160 190 2. Gurlan tumani 500 190 100 120 90 3. Qoʻshkoʻpir tumani 2 000 330 400 500 770 4. Urganch tumani 600 180 100 120 200 5. Hazorasp tumani 1 000 190 220 280 310 6. Xonqa tumani 300 60 40 100 100 7. Xiva tumani 700 190 150 180 180 8. Shovot tumani 1 000 250 200 250 300 9. Yangiariq tumani 1 500 240 300 380 580 10. Yangibozor tumani 800 220 160 210 210 11. Tuproqqalʼa tumani 950 240 190 260 260 Jami 10 000 2280 1 970 2 560 3 190 ”.

10. Oʻzbekiston Respublikasi Prezidentining 2023-yil 10-iyundagi “Maʼmuriy islohotlar doirasida qishloq xoʻjaligi va oziq-ovqat sohasida davlat boshqaruvini samarali tashkil qilish chora-tadbirlari toʻgʻrisida”gi PF-90-son Farmoniga 8-ilovaning 1-pozitsiyasi “Chora-tadbirlar nomi” ustunidagi “Prezidentining qarori loyihasini” soʻzlari “Vazirlar Mahkamasining chora-tadbirlar dasturini” soʻzlari bilan almashtirilsin.

11. Oʻzbekiston Respublikasi Prezidentining 2017-yil 27-fevraldagi PQ-2800-son qarori bilan tasdiqlangan Formali kiyim kiyilishi nazarda tutilayotgan vazirliklar, idoralar va tashkilotlar roʻyxatining “Idoraviy formali kiyim” boʻlimida:

a) 7-pozitsiyadagi “Oʻzbekiston Respublikasi Oʻsimliklar karantini va himoyasi agentligi” soʻzlari “Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi” soʻzlari bilan almashtirilsin;

b) quyidagi mazmundagi 10-pozitsiya bilan toʻldirilsin:

“Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi”.

12. Oʻzbekiston Respublikasi Prezidentining 2017-yil 1-maydagi “Baliqchilik tarmogʻini boshqarish tizimini takomillashtirish chora-tadbirlari toʻgʻrisida”gi PQ-2939-son qarori 4-bandining ikkinchi xatboshisidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

13. Oʻzbekiston Respublikasi Prezidentining 2017-yil 16-oktabrdagi “Respublikamizda asalarichilik tarmogʻini yanada rivojlantirish chora-tadbirlari toʻgʻrisida”gi PQ-3327-son qarori 6-bandining ikkinchi xatboshisidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

14. Oʻzbekiston Respublikasi Prezidentining 2017-yil 6-noyabrdagi “Meva-sabzavot mahsulotlari, uzum, poliz, dukkakli ekinlar, shuningdek, quritilgan sabzavot va mevalarni mahalliy eksport qiluvchilarni qoʻllab-quvvatlash boʻyicha qoʻshimcha chora-tadbirlar toʻgʻrisida”gi PQ-3377-son qarorining 7-bandi “Oʻzbekiston Respublikasi” soʻzlaridan keyin “Qishloq xoʻjaligi vazirligi huzuridagi” soʻzlari bilan toʻldirilsin.

15. Oʻzbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi PQ-3479-son qarorining 2-bandi “a” kichik bandi uchinchi xatboshisidagi “Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari “Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

16. Oʻzbekiston Respublikasi Prezidentining 2018-yil 20-martdagi “Respublikada kavrak plantatsiyalarini tashkil etish va ularning xom ashyosini qayta ishlash hajmlarini koʻpaytirish xamda eksport qilish chora-tadbirlari toʻgʻrisida”gi PQ-3617-son qarorida:

10-banddagi “Oʻzbekiston Respublikasi Ipakchilik va jun sanoatini rivojlantirish qoʻmitasi Qishloq xoʻjaligi vazirligi,” soʻzlari “Oʻzbekiston Respublikasi Qishloq xoʻjaligi vazirligi huzuridagi Ipakchilik va jun sanoatini rivojlantirish qoʻmitasi” soʻzlari bilan almashtirilsin;

12-banddagi “Oʻzbekiston Respublikasi Ipakchilik va jun sanoatini rivojlantirish qoʻmitasi” soʻzlari “Oʻzbekiston Respublikasi Qishloq xoʻjaligi vazirligi huzuridagi Ipakchilik va jun sanoatini rivojlantirish qoʻmitasi,” soʻzlari bilan almashtirilsin.

17. Oʻzbekiston Respublikasi Prezidentining 2018-yil 20-noyabrdagi “Issiqxona komplekslarini rivojlantirish uchun qoʻshimcha shart-sharoitlar yaratish chora-tadbirlari toʻgʻrisida”gi PQ-4020-son qarorida:

a) 17-bandning birinchi xatboshisi “Oʻzbekiston Respublikasi” soʻzlaridan keyin “Qishloq xoʻjaligi vazirligi huzuridagi” soʻzlari bilan toʻldirilsin;

b) 3-ilovaning 4-bandidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

18. Oʻzbekiston Respublikasi Prezidentining 2019-yil 28-yanvardagi “Oʻzbekiston Respublikasi Investitsiyalar va tashqi savdo vazirligi faoliyatini tashkil etish toʻgʻrisida”gi PQ-4135-son qaroriga 1-ilovaning oʻn birinchi xatboshisidagi “Veterinariya davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

19. Oʻzbekiston Respublikasi Prezidentining 2019-yil 15-martdagi “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi faoliyatini tashkil etish chora-tadbirlari toʻgʻrisida”gi PQ-4241-son qarorida:

a) nomlanishidagi va muqaddimadagi “Vazirlar Mahkamasi huzuridagi” soʻzlari “Qishloq xoʻjaligi vazirligi huzuridagi” soʻzlari bilan almashtirilsin;

b) 1-band oʻz kuchini yoʻqotgan deb hisoblansin;

v) 2-band quyidagi tahrirda bayon etilsin:

“2. Quyidagilar:

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi negizida Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi;

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi huzuridagi “Qishloq xoʻjaligi mahsulotlari sifatini baholash markazi” davlat muassasasi negizida Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi huzuridagi “Qishloq xoʻjaligi mahsulotlari sifatini baholash markazi” davlat muassasasi tashkil etilsin”;

g) 3-band quyidagi tahrirda bayon etilsin:

“3. Inspeksiya boshligʻiga, zarur hollarda, Inspeksiyaning hududiy boʻlinmalari tashkiliy-shtat tuzilmalariga belgilangan umumiy shtat birliklari doirasida oʻzgartirishlar kiritish, shuningdek, Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi mablagʻlari hisobidan Inspeksiya va uning hududiy boʻlinmalari ishlab chiqarish xodimlarining qoʻshimcha shtat birliklarini kiritish huquqi berilsin”;

d) 4-band quyidagi tahrirda bayon etilsin:

“4. Quyidagilar Inspeksiyaning asosiy vazifalari etib belgilansin:

a) quyidagilar ustidan davlat nazoratini amalga oshirish:

qishloq xoʻjaligi sohasidagi qonunchilik hujjatlari talablariga rioya etilishi holati;

paxta, boshoqli don va boshqa qishloq xoʻjaligi ekinlari urugʻlarini tayyorlash va qayta ishlash hamda saqlash boʻyicha talablarga rioya qilinishi;

qishloq xoʻjaligi va oziq-ovqat mahsulotlari zaxiralarini shakllantirish boʻyicha talablar bajarilishi;

paxta, boshoqli don va boshqa qishloq xoʻjaligi ekinlari hosili hamda ularning urugʻlari, shuningdek, ulardan qayta ishlangan mahsulotlarning sifati, ulardan oqilona hamda maqsadli foydalanilishi, ularning sifatli saqlanishi hamda nobudgarchiligi kamaytirilishi;

korxonalar tomonidan paxta texnik chigitining toʻliq texnologik siklda maqsadli qayta ishlaganligi hamda ularning mahsuloti sifatini tasdiqlovchi gigiyenik xulosa va muvofiqlik sertifikatlariga egaligi;

don saqlanayotgan korxonalarda uning sifati va miqdori boʻyicha toʻgʻri saqlanishi;

qishloq xoʻjaligiga moʻljallangan yerlardan maqsadli foydalanish, qishloq xoʻjaligi ekinlarini joylashtirish, ekish va parvarishlash, ekinlar navlarini sinash boʻyicha amalga oshirilgan ishlar yuzasidan barcha nazorat va monitoring amalga oshirilishi;

idoraviy boʻysunuvi va tashkiliy-huquqiy shaklidan qatʼi nazar barcha korxonalar, muassasalar hamda tashkilotlarda qishloq xoʻjaligi, melioratsiya va yoʻl-qurilish texnikalarining texnik holati, ularning ekspluatatsiya qilinishi samaradorligi, shuningdek, servis va taʼmirlash xizmatlarining sifati, qishloq xoʻjaligi texnikasi va texnologiyalarini majburiy va davriy sinovdan oʻtkazish ustidan nazorat amalga oshirilishi;

qishloq xoʻjaligiga moʻljallangan yerlarni muhofaza qilish va ulardan maqsadli foydalanilishi;

b) eksport-import va respublika ichidagi tashishlarda paxta, boshoqli don va boshqa qishloq xoʻjaligi ekinlari hosili, ularning urugʻlari hamda ulardan qayta ishlangan mahsulotlar sifatini majburiy davlat tekshiruvini oʻtkazish;

v) huquqbuzarliklarni aniqlash, ularning kelib chiqish sabablari va shart-sharoitlarini bartaraf etish choralarini koʻrish borasida kompleks chora-tadbirlarni amalga oshirish;

g) qonunchilik hujjatlarida belgilangan tartibda maʼmuriy huquqbuzarliklar toʻgʻrisidagi ishlarni yuritish, vakolatlar doirasida toʻgʻridan-toʻgʻri maʼmuriy huquqbuzarliklar toʻgʻrisida bayonnomalar rasmiylashtirish va aybdor shaxslarni jarimaga tortish”;

e) quyidagi mazmundagi 41-band bilan toʻldirilsin:

“41. Belgilansinki, gʻoʻzaning birlamchi va elita urugʻchiligi laboratoriyalaridagi sinov namunalarining tola sifati qonunchilik hujjatlarida belgilangan tartibda Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi qoshidagi “Qishloq xoʻjaligi mahsulotlari sifatini baholash markazi” davlat muassasasida bepul tahlil qilib beriladi”;

j) 5-bandning uchinchi xatboshisidagi “Vazirlar Mahkamasiga” soʻzlari “Qishloq xoʻjaligi vazirligiga” soʻzlari bilan almashtirilsin;

z) 6-bandning oltinchi xatboshisi quyidagi tahrirda bayon etilsin:

“Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi qoshidagi “Qishloq xoʻjaligi mahsulotlari sifatini baholash markazi” davlat muassasasi tomonidan Inspeksiyaning nazorat funksiyalarini amalga oshirish uchun koʻrsatiladigan xizmatlarning soliq solinadigan bazaga kiritilmaydigan amaldagi tartibi saqlanib qolinsin”;

i) 1, 2 va 3-ilovalar oʻz kuchini yoʻqotgan deb hisoblansin.

20. Oʻzbekiston Respublikasi Prezidentining 2019-yil 19-avgustdagi “Toshkent davlat agrar universiteti faoliyatini yanada takomillashtirish chora-tadbirlari toʻgʻrisida”gi PQ-4421-son qaroriga 4-ilovada:

a) 7-banddagi “Oʻzbekiston Respublikasi Vazirlar Mahkamasining Agrar va oziq-ovqat sohalarini rivojlantirish masalalari kotibiyati” soʻzlari “Oʻzbekiston Respublikasi Vazirlar Mahkamasining Investitsiyalar, eksport, savdo, qishloq va suv xoʻjaligi masalalari kotibiyati” soʻzlari bilan almashtirilsin;

b) 10-banddagi “Oʻzbekiston Respublikasi veterinariya va chorvachilikni rivojlantirish qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish qoʻmitasi” soʻzlari bilan almashtirilsin;

v) 18-band oʻz kuchini yoʻqotgan deb hisoblansin;

g) 19-banddagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

d) 31-banddagi “Toshkent davlat agrar universiteti Nukus filiali direktori” soʻzlari “Qoraqalpogʻiston qishloq xoʻjaligi va agrotexnologiyalar instituti rektori” soʻzlari bilan almashtirilsin;

e) 33-banddagi “Toshkent davlat agrar universiteti Termiz filiali direktori” soʻzlari “Termiz agrotexnologiyalar va innovatsion rivojlanish instituti rektori” soʻzlari bilan almashtirilsin;

j) 34-banddagi “Toshkent davlat agrar universiteti Buyurtmalar portfelini shakllantirish, bitiruvchilarni ishga taqsimlash va monitoring boʻlimi” soʻzlari “Karyera markazi va talabalar amaliyotini tashkil etish boʻlimi” soʻzlari bilan almashtirilsin.

21. Oʻzbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida”gi PQ-4549-son qarorining 4-bandi va 8-bandining ikkinchi xatboshisidagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin.

22. Oʻzbekiston Respublikasi Prezidentining 2020-yil 6-martdagi “Gʻalla yetishtirish, xarid qilish va sotishga bozor tamoyillarini keng joriy etish chora-tadbirlari toʻgʻrisida”gi PQ-4634-son qarorining 9-bandidagi “Vazirlar Mahkamasi huzuridagi” soʻzlari “Qishloq xoʻjaligi vazirligi huzuridagi” soʻzlari bilan almashtirilsin.

23. Oʻzbekiston Respublikasi Prezidentining 2020-yil 10-apreldagi “Yaponiya xalqaro hamkorlik agentligi (JICA) ishtirokidagi “Meva-sabzavotchilik tarmogʻida qoʻshilgan qiymat zanjiri yaratishni rivojlantirish” loyihasini amalga oshirish chora-tadbirlari toʻgʻrisida”gi PQ-4669-son qarori 5-bandining birinchi xatboshisidagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin.

24. Oʻzbekiston Respublikasi Prezidentining 2020-yil 11-maydagi “Respublika hududlarini qishloq xoʻjaligi mahsulotlari yetishtirishga ixtisoslashtirish boʻyicha qoʻshimcha chora-tadbirlar toʻgʻrisida”gi PQ-4709-son qarori 4-ilovada:

a) beshinchi xatboshidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

b) oʻn toʻrtinchi xatboshidagi “veterinariya va chorvachilikni rivojlantirish davlat qoʻmitasi raisining oʻrinbosari, “Oʻzbekchorvanasl” agentligi direktori” soʻzlari “veterinariya va chorvachilikni rivojlantirish qoʻmitasi raisining oʻrinbosari” soʻzlari bilan almashtirilsin;

v) oʻn yettinchi xatboshidagi “Bogʻdorchilik va issiqxona xoʻjaligini rivojlantirish agentligi direktori” soʻzlari “Qishloq xoʻjaligida xizmatlar koʻrsatish agentligi direktori” soʻzlari bilan almashtirilsin;

g) oʻn sakkizinchi xatboshi chiqarib tashlansin;

d) oʻn toʻqqizinchi — yigirma uchinchi xatboshilar tegishincha oʻn sakkizinchi — yigirma ikkinchi xatboshilar deb hisoblansin.

25. Oʻzbekiston Respublikasi Prezidentining 2020-yil 22-iyundagi PQ-4756-son qarori bilan tasdiqlangan Oʻzbekiston Respublikasining xalqaro shartnomalar va xalqaro tashkilotlarga aʼzolik boʻyicha majburiyatlarni bajarishga masʼul davlat organlari va boshqa tashkilotlar roʻyxatining 22-pozitsiyasi “Toʻlovchilar nomi” ustunidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

26. Oʻzbekiston Respublikasi Prezidentining 2020-yil 27-iyundagi “Qishloq xoʻjaligi va melioratsiya texnikalarini sinash va sertifikatlash tizimini takomillashtirish chora-tadbirlari toʻgʻrisida”gi PQ-4760-son qarorining 10-bandidagi “Vazirlar Mahkamasi huzuridagi” soʻzlari “Qishloq xoʻjaligi vazirligi huzuridagi” soʻzlari bilan almashtirilsin.

27. Oʻzbekiston Respublikasi Prezidentining 2020-yil 12-noyabrdagi “Tibbiy profilaktika ishlari samaradorligini yanada oshirish orqali jamoat salomatligini taʼminlashga oid qoʻshimcha chora-tadbirlar toʻgʻrisida”gi PQ-4891-son qaroriga 1-ilovaning 14-bandidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

29. Oʻzbekiston Respublikasi Prezidentining 2021-yil 9-fevraldagi “Qorakoʻlchilik tarmogʻini yanada rivojlantirish boʻyicha qoʻshimcha chora-tadbirlar toʻgʻrisida”gi PQ-4984-son qarorining 5-bandidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

30. Oʻzbekiston Respublikasi Prezidentining 2021-yil 24-fevraldagi “Oʻzbekiston Respublikasida suv resurslarini boshqarish va irrigatsiya sektorini rivojlantirishning 2021 — 2023-yillarga moʻljallangan strategiyasini tasdiqlash toʻgʻrisida”gi PQ-5005-son qarorining 9-bandidagi “Vazirlar Mahkamasi huzuridagi Agrosanoat majmui ustidan nazorat qilish inspeksiyasi (A.D. Vaxabov)” soʻzlari “Suv xoʻjaligi obyektlari xavfsizligini va suvdan foydalanishni nazorat qilish inspeksiyasi” soʻzlari bilan almashtirilsin.

31. Oʻzbekiston Respublikasi Prezidentining 2021-yil 24-fevraldagi “Qishloq xoʻjaligiga moʻljallangan yerlardan foydalanish va muhofaza qilish tizimini takomillashtirishga doir qoʻshimcha chora-tadbirlar toʻgʻrisida”gi PQ-5006-son qarorida:

a) 2-bandda:

“a” kichik bandning toʻrtinchi xatboshisidagi “davlat muassasasi” soʻzlari “masʼuliyati cheklangan jamiyati” soʻzlari bilan almashtirilsin;

“b” kichik band oʻz kuchini yoʻqotgan deb hisoblansin;

b) 5-bandda:

birinchi xatboshidagi “Qishloq xoʻjaligi vazirligi huzuridagi Qishloq xoʻjaligini rivojlantirish va oziq-ovqat taʼminoti jamgʻarmasi” soʻzlari “Agrosanoat majmui ustidan nazorat qilish inspeksiyasini rivojlantirish jamgʻarmasi” soʻzlari bilan almashtirilsin;

ikkinchi xatboshidagi “Qishloq xoʻjaligi vazirligining” soʻzlari “Agrosanoat majmui ustidan nazorat qilish inspeksiyasining” soʻzlari bilan almashtirilsin.

32. Oʻzbekiston Respublikasi Prezidentining 2021-yil 14-iyundagi “Parrandachilikni rivojlantirish va tarmoq ozuqa bazasini mustahkamlashga qaratilgan qoʻshimcha chora-tadbirlar toʻgʻrisida”gi PQ-5146-son qarorining 1, 9, 11, 13, 15 va 19-bandlaridagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

33. Oʻzbekiston Respublikasi Prezidentining 2021-yil 15-iyuldagi “Oʻzbekiston Respublikasi Oʻsimliklar karantini va himoyasi agentligini tashkil etish toʻgʻrisida”gi PQ-5185-son qarorida:

a) 1-band quyidagi tahrirda bayon etilsin:

“1. 2021 — 2024-yillarda oʻsimliklar karantini va himoyasi sohasini rivojlantirish boʻyicha “yoʻl xaritasi” ilovaga muvofiq tasdiqlansin”;

b) qarorga 1-ilova qarorga ilova deb hisoblansin;

v) 2, 3, 4, 4a, 4b va 5-ilovalar oʻz kuchini yoʻqotgan deb hisoblansin.

35. Oʻzbekiston Respublikasi Prezidentining 2021-yil 18-noyabrdagi “Toshkent shahrida sugʻoriladigan yerlardan samarali foydalanishni tashkil etish, qishloq xoʻjaligi va oziq-ovqat mahsulotlarini yetishtirishda boshqaruv tizimini joriy etish chora-tadbirlari toʻgʻrisida”gi PQ-17-son qarorining 7-bandi ikkinchi xatboshi quyidagi tahrirda bayon etilsin:

“yerlardan foydalanishni tashkil etish Qishloq xoʻjaligi vazirligi tomonidan, qishloq xoʻjaligi yerlarini muhofaza qilish sohasida samarali davlat nazorati Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi tomonidan amalga oshiriladi”.

36. Oʻzbekiston Respublikasi Prezidentining 2021-yil 23-noyabrdagi “Meva-sabzavotchilik va uzumchilikda oilaviy tadbirkorlikni rivojlantirish, qishloq xoʻjaligi ishlab chiqarishida dehqon xoʻjaliklarining ulushini oshirish chora-tadbirlari toʻgʻrisida”gi PQ-20-son qarorida:

a) 13-bandning uchinchi xatboshisidagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

b) 2-ilovada:

10-banddagi “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari “Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi” soʻzlari bilan almashtirilsin;

15-banddagi “Oʻzbekiston Respublikasi Vazirlar Mahkamasi huzuridagi” soʻzlari “Oʻzbekiston Respublikasi Qishloq xoʻjaligi vazirligi huzuridagi” soʻzlari bilan almashtirilsin;

v) 3-ilovada:

uchinchi xatboshidan “qishloq xoʻjaligi vazirining oʻrinbosari — ” soʻzlari chiqarib tashlansin;

toʻrtinchi xatboshidagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

sakkizinchi xatboshi chiqarib tashlansin;

toʻqqizinchi xatboshi sakkizinchi xatboshi deb hisoblansin.

37. Oʻzbekiston Respublikasi Prezidentining 2021-yil 22-dekabrdagi “Oziq-ovqat va qishloq xoʻjaligi sohasida islohotlarni tadqiq qilish, strategik rejalashtirish hamda boshqarish tizimini yanada takomillashtirish chora-tadbirlari toʻgʻrisida”gi PQ-58-son qarori 3-bandining birinchi xatboshisidagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin.

38. Oʻzbekiston Respublikasi Prezidentining 2022-yil 1-martdagi “Qishloq xoʻjaligida suvni tejaydigan texnologiyalarni joriy etishni yanada takomillashtirish chora-tadbirlari toʻgʻrisida”gi PQ-144-son qarori 5-bandining beshinchi xatboshisidan “, Agrosanoat majmui ustidan nazorat qilish inspeksiyasi (A.D. Vaxabov)” soʻzlari chiqarib tashlansin.

39. Oʻzbekiston Respublikasi Prezidentining 2022-yil 1-martdagi “Quyi boʻgʻinda suv resurslarini boshqarishni takomillashtirish hamda suv isteʼmolchilari orasidagi munosabatlarni tartibga solish chora-tadbirlari toʻgʻrisida”gi PQ-145-son qarorining 6-bandidagi “Vazirlar Mahkamasi huzuridagi Agrosanoat majmui ustidan nazorat qilish inspeksiyasi (A.D. Vaxabov)” soʻzlari “Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi” soʻzlari bilan almashtirilsin.

40. Oʻzbekiston Respublikasi Prezidentining 2022-yil 31-martdagi “Veterinariya va chorvachilik sohasida kadrlar tayyorlash tizimini tubdan takomillashtirish toʻgʻrisida”gi PQ-187-son qarorida:

a) 1-banddagi, 4-bandning uchinchi xatboshisidagi, 6-bandning birinchi xatboshisidagi, 7-bandning toʻrtinchi xatboshisidagi, 8-bandning ikkinchi xatboshisidagi, 9-bandning oltinchi xatboshisidagi tegishli kelishikdagi “Veterinariya va chorvachilikni rivojlantirish davlat qoʻmitasi” soʻzlari tegishli kelishikdagi “Veterinariya va chorvachilikni rivojlantirish qoʻmitasi” soʻzlari bilan almashtirilsin;

b) 13-bandning yettinchi xatboshisi quyidagi tahrirda bayon etilsin:

“Jamgʻarma mablagʻlarini shakllantirish va foydalanish tartibi Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi tomonidan Iqtisodiyot va moliya vazirligi bilan kelishilgan holda tasdiqlanadi”;

v) 1-ilovaning 1, 3 va 5-bandlaridagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

g) 3-ilovada:

5, 6, 7, 10, 11, 12, 16, 18, 19, 24, 25, 26, 27, 29, 30, 31, 32, 34, 35, 37, 38, 41, 42, 44 va 45-pozitsiyalarning “Masʼullar” ustunidagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

13-pozitsiyaning “Masʼullar” ustunidagi “Veterinariya xizmati va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin.

41. Oʻzbekiston Respublikasi Prezidentining 2022-yil 28-maydagi “Gʻallani yetishtirish va sotishda bozor tamoyilini joriy etishning qoʻshimcha chora-tadbirlari toʻgʻrisida”gi PQ-262-son qarorining 2-bandi “v” kichik bandi toʻrtinchi xatboshisidagi “Vazirlar Mahkamasi huzuridagi” soʻzlari “Qishloq xoʻjaligi vazirligi huzuridagi” soʻzlari bilan almashtirilsin.

42. Oʻzbekiston Respublikasi Prezidentining 2022-yil 14-iyuldagi PQ-321-son qarori bilan tasdiqlangan Oʻzbekistonda Koreya Respublikasi Hukumatining grant mablagʻlari hisobiga amalga oshiriladigan loyihalar ijrosi boʻyicha “yoʻl xaritasi”ning 6-pozitsiyasi chiqarib tashlansin.

43. Oʻzbekiston Respublikasi Prezidentining 2022-yil 10-sentabrdagi “Dehqon xoʻjaliklari tashkil etishni qoʻllab-quvvatlash orqali aholi daromadlarini oshirish boʻyicha qoʻshimcha chora-tadbirlar toʻgʻrisida”gi PQ-373-son qarorining 5-bandi uchinchi va sakkizinchi xatboshilaridagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin.

45. Oʻzbekiston Respublikasi Prezidentining 2022-yil 20-oktabrdagi “Oʻzbekiston Respublikasi Iqtisodiyot va moliya vazirligi huzuridagi Kadastr agentligi faoliyatini yanada takomillashtirish chora-tadbirlari toʻgʻrisida”gi PQ-405-son qarorining 11-bandi uchinchi xatboshisi quyidagi tahrirda bayon etilsin:

“bino va inshootlarni qurish, rekonstruksiya qilish, mukammal taʼmirlash va jihozlash qismi boʻyicha — Kadastr agentligining budjetdan tashqari jamgʻarmasi mablagʻlari, tizim tashkilotlarining oʻz mablagʻlari hamda qonunchilik hujjatlarida taqiqlanmagan boshqa manbalar”.

46. Oʻzbekiston Respublikasi Prezidentining 2022-yil 2-noyabrdagi “Issiqxona xoʻjaliklari faoliyati samaradorligini oshirish yuzasidan qoʻshimcha chora-tadbirlar toʻgʻrisida”gi PQ-413-son qarorida:

a) 1-bandning birinchi xatboshisidagi hamda 2-bandning “b” kichik bandi ikkinchi xatboshisidagi tegishli kelishikdagi “Bogʻdorchilik va issiqxona xoʻjaligini rivojlantirish agentligi” soʻzlari tegishli kelishikdagi “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

b) 2-ilovada:

3-banddagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

quyidagi mazmundagi izoh bilan toʻldirilsin:

“Izoh: Ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalar yuklangan shaxslar kiritiladi”.

47. Oʻzbekiston Respublikasi Prezidentining 2022-yil 1-dekabrdagi “Toshkent viloyatida qishloq xoʻjaligini yanada rivojlantirishning qoʻshimcha chora-tadbirlari toʻgʻrisida”gi PQ-435-son qarorida:

a) 12-bandning “v” kichik bandidagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

b) 4-ilovada:

10-banddagi “Veterinariya va chorvachilikni rivojlantirish davlat qoʻmitasi” soʻzlari “Veterinariya va chorvachilikni rivojlantirish qoʻmitasi” soʻzlari bilan almashtirilsin;

14-band oʻz kuchini yoʻqotgan deb hisoblansin;

16-banddagi “Bogʻdorchilik va issiqxona xoʻjaligini rivojlantirish agentligi” soʻzlari “Qishloq xoʻjaligida xizmatlar koʻrsatish agentligi” soʻzlari bilan almashtirilsin;

quyidagi mazmundagi izoh bilan toʻldirilsin:

“Izoh. Ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalar yuklangan shaxslar kiritiladi”.

48. Oʻzbekiston Respublikasi Prezidentining 2023-yil 24-fevraldagi “Ipakchilik tarmogʻini yanada rivojlantirish boʻyicha chora-tadbirlar toʻgʻrisida”gi PQ-73-son qarorida:

a) 2-bandning toʻrtinchi va beshinchi xatboshilari quyidagi mazmundagi toʻrtinchi xatboshi bilan almashtirilsin:

“Andijon qishloq xoʻjaligi va agrotexnologiyalar institutining Ipakchilik va tutchilik fakultetini Andijon viloyati, Marhamat tumani, “Guliston” MFY, Mustaqillik koʻchasi, 1-A uy manzilida joylashtirish toʻgʻrisidagi takliflariga rozilik berilsin”;

b) 3, 4, 5 va 17-bandlar oʻz kuchini yoʻqotgan deb hisoblansin.

49. Oʻzbekiston Respublikasi Prezidentining 2023-yil 5-apreldagi “2023-yilda qishloq xoʻjaligi mahsulotlari ishlab chiqarish, qayta ishlashni kengaytirish va qoʻllab-quvvatlashning qoʻshimcha chora-tadbirlari toʻgʻrisida”gi PQ-113-son qaroriga 4-ilovaning 39-pozitsiyasi “Ijro uchun masʼullar” ustunidagi “Agrosanoatni raqamlashtirish markazi” DM” soʻzlari “Agrosanoatni raqamlashtirish markazi” MCHJ” soʻzlari bilan almashtirilsin.

50. Oʻzbekiston Respublikasi Prezidentining 2023-yil 7-iyuldagi “Agrar sohada ilm-fan, taʼlim va ishlab chiqarishni integratsiya qilish orqali sifat va samaradorlikni oshirishning qoʻshimcha chora-tadbirlari toʻgʻrisida”gi PQ-216-son qarorida:

a) 12-bandda:

uchinchi xatboshidagi “Dala ekinlari urugʻchiligi milliy tadqiqot majmuasi” soʻzlari “Qishloq xoʻjaligida bilim va innovatsiyalar milliy markazi huzuridagi Dala ekinlari urugʻchiligi milliy tadqiqot majmuasi” soʻzlari bilan almashtirilsin;

quyidagi mazmundagi beshinchi xatboshi bilan toʻldirilsin:

“Qishloq xoʻjaligida bilim va innovatsiyalar milliy markazi huzuridagi Dala ekinlari urugʻchiligi milliy tadqiqot majmuasi direksiyasi boshqaruv apparatining xodimlariga vazirlikning hududiy boʻlinmalari uchun belgilangan mehnatga haq toʻlash va moddiy ragʻbatlantirish shartlari mos ravishda qoʻllanilsin”;

b) 1-ilovaning 39-pozitsiyasi quyidagi tahrirda bayon etilsin:

51. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qaroriga 1-ilovada:

6-pozitsiyaning “Masʼul ijrochilar” ustunidagi “Suv xoʻjaligi vazirligi (Sh. Xamrayev), Soliq qoʻmitasi (Sh. Kudbiyev)” soʻzlari “Soliq qoʻmitasi (Sh. Kudbiyev), Suv xoʻjaligi vazirligi (Sh. Xamrayev)” soʻzlari bilan almashtirilsin;

7-pozitsiyaning “Masʼul ijrochilar” ustunidagi “Soliq qoʻmitasi (Sh. Kudbiyev)” soʻzlari “Suv xoʻjaligi vazirligi (Sh. Xamrayev)” soʻzlari bilan almashtirilsin.