Odamning immunitet tanqisligi virusiga tibbiy tekshiruvdan oʻtkazish qoidalariga qoʻshimchalar kiritish toʻgʻrisida (2584-2-son)

05.02.2024

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2024-yil 5-fevralda roʻyxatdan oʻtkazildi, roʻyxat raqami 2584-2]

Oʻzbekiston Respublikasining 2022-yil 14-martdagi OʻRQ-759-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuniga muvofiq buyuraman:

1. Oʻzbekiston Respublikasi sogʻliqni saqlash vazirining 2014-yil 15-apreldagi 5-son buyrugʻi (roʻyxat raqami 2584, 2014-yil 15-may) (Oʻzbekiston Respublikasi qonun hujjatlari toʻplami, 2014-y., 20-son, 237-modda) bilan tasdiqlangan Odamning immunitet tanqisligi virusiga tibbiy tekshiruvdan oʻtkazish qoidalariga ilovaga muvofiq qoʻshimchalar kiritilsin.

2. Mazkur buyruq Oʻzbekiston Respublikasi Ichki ishlar vazirligi va Savdo-sanoat palatasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. XUDAYAROV

Toshkent sh.,

2024-yil 10-yanvar,

2-son

Kelishildi:

Oʻzbekiston Respublikasi Ichki ishlar vaziri P. BOBOJONOV

2023-yil 18-dekabr

Oʻzbekiston Savdo-sanoat palatasi Raisi D. VAXABOV

2023-yil 15-dekabr

Oʻzbekiston Respublikasi sogʻliqni saqlash vazirining 2024-yil 10-yanvardagi 2-son buyrugʻiga ILOVA

Odamning immunitet tanqisligi virusiga tibbiy tekshiruvdan oʻtkazish qoidalariga kiritilayotgan qoʻshimchalar

1. 5-band “pasport” degan soʻzdan keyin “identifikatsiya ID-kartasi, tugʻilganlik haqida guvohnoma (bolalar uchun)” degan soʻzlar bilan toʻldirilsin.

2. 1-ilova matni “F.I.O., pasport” degan soʻzlardan keyin “identifikatsiya ID-kartasi, tugʻilganlik haqida guvohnoma (bolalar uchun)” degan soʻzlar bilan toʻldirilsin.