“Ohalik-Oqboʻyro-Mironqul” turistik-rekreatsion zonasi faoliyatini tashkil etish chora-tadbirlari toʻgʻrisida (PQ-60-son)

06.02.2024

Oʻzbekiston Respublikasi Prezidentining

Qarori

Samarqand viloyatining turizm salohiyatidan samarali foydalangan holda viloyatda turizmning eko hamda ekstremal kabi turlarini rivojlantirish uchun zarur shart-sharoitlar yaratish, zamonaviy talablar asosida ekologik tez quriladigan joylashtirish vositalari, savdo-koʻngilochar va boshqa turizm infratuzilmasi obyektlarini barpo etish, shuningdek, togʻli hududda yangi ish oʻrinlarini yaratish maqsadida:

1. Ekologiya, atrof-muhitni muhofaza qilish va iqlim oʻzgarishi vazirligi hamda Samarqand viloyati hokimligining:

Samarqand tumanida umumiy maydoni 1 697 gektar boʻlgan “Ohalik”, umumiy maydoni 414 gektar boʻlgan “Oqboʻyro” hamda umumiy maydoni 2 545 gektar boʻlgan “Mironqul” togʻ turizmi loyihalaridan iborat boʻlgan “Ohalik — Oqboʻyro — Mironqul” turistik-rekreatsion zonasini (keyingi oʻrinlarda — Turistik zona) tashkil etish;

Turistik zonani rivojlantirish va boshqarish maqsadida Samarqand tumani hokimligi huzurida davlat muassasasi shaklida “Ohalik — Oqboʻyro — Mironqul” turistik-rekreatsion zonasi direksiyasi”ni (keyingi oʻrinlarda — Direksiya) tashkil etish toʻgʻrisidagi takliflari maʼqullansin.

2. Quyidagilar:

“Ohalik” togʻ turizmi loyihasi chegaralarining tavsifi 1-ilovaga muvofiq;

“Oqboʻyro” togʻ turizmi loyihasi chegaralarining tavsifi 2-ilovaga muvofiq;

“Mironqul” togʻ turizmi loyihasi chegaralarining tavsifi 3-ilovaga muvofiq;

“Ohalik — Oqboʻyro — Mironqul” turistik-rekreatsion zonasi hududida turizm sohasini kompleks rivojlantirish chora-tadbirlari dasturi 4-ilovaga muvofiq;

“Ohalik — Oqboʻyro — Mironqul” turistik-rekreatsion zonasi va unga olib boruvchi yoʻl-transport, muhandislik-kommunikatsiya va ishlab chiqarish infratuzilmasini rivojlantirish dasturi 5-ilovaga muvofiq tasdiqlansin.

3. Belgilansinki:

Turistik zona faoliyat koʻrsatish muddati keyinchalik uzaytirish imkoniyati bilan 30 yilga tashkil qilinadi;

Turistik zonaning master rejasi va batafsil rejalashtirish loyihalarini ishlab chiqish uchun loyihalashtirish va konsalting kompaniyalari, mahalliy va xorijiy ekspertlar hamda boshqaruvchi kompaniyalar xizmatlari uchun haq toʻlash Turizmni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan amalga oshiriladi;

Jamgʻarma hisobidan amalga oshiriladigan xarajatlarni qoplash Turizm qoʻmitasi va Samarqand viloyati hokimligi tomonidan tasdiqlanadigan grafik asosida Turistik zona hududidagi yer uchastkalarini elektron onlayn auksion orqali realizatsiya qilishdan tushgan tushumlar hisobidan qoplanadi;

Turistik zona infratuzilmasining qurilishini moliyalashtirish xarajatlari belgilangan tartibda tasdiqlangan loyihani texnik-iqtisodiy asoslash asosida amalga oshiriladi.

4. Samarqand viloyati hokimligi Turizm qoʻmitasi bilan birgalikda 2026-yil 1-avgustga qadar Turistik zonaning master rejasi va batafsil rejalashtirish loyihalarini quyidagilarni nazarda tutgan holda ishlab chiqib, ularni Qurilish va uy-joy kommunal xoʻjaligi vazirligi bilan kelishsin hamda tasdiqlanishini taʼminlasin:

“Ohalik”, “Oqboʻyro” hamda “Mironqul” togʻ turizmi loyihalari (keyingi oʻrinlarda — togʻ turizmi loyihalari) hududlarini zamonaviy ekologik talablar asosida tez quriladigan modulli va kapsulali joylashtirish vositalari, oʻtov va avtokemping lagerlarini barpo qilishga ixtisoslashtirish orqali taqdim etiladigan xizmatlar turini kengaytirish;

togʻ turizmi loyihalari hududini oʻzaro bogʻlovchi kemping lagerlari va piknik zonalar mavjud boʻlishi imkoniyatini inobatga olgan holda turistik soʻqmoqlarning joylashuvini belgilash;

togʻ turizmi loyihalari hududlarini “ziplayn”, “banji-jamping” va “zorbing” attraksionlari, kanatli park, dor yoʻllari, deltaplan va paraplan yoki havo sharida uchish kabi ekstremal turizm yoʻnalishi faoliyatini tashkil qilishga ixtisoslashtirish;

togʻ turizmi loyihalari hududidagi elektr tarmoqlarini yer ostidan oʻtkazish hamda ularning hududida maxsus piyodalar va velosiped yoʻlaklarini barpo etish;

togʻ turizmi loyihalari hududida oʻrnatiladigan yoʻl koʻrsatkichlari va namunaviy sanitariya-gigiyena shoxobchalarini joylashtirish hamda chiqindilarni tashlash nuqtalarini belgilash;

suvenirlar va oziq-ovqat mahsulotlari savdosi obyektlarini joylashtirish.

5. Direksiya Turistik zona hududida yoʻl va turizm infratuzilmasi, muhandislik-kommunikatsiya tarmoqlarini modernizatsiya qilish va qurish loyihalarini amalga oshirishda buyurtmachi etib belgilansin.

6. Belgilab qoʻyilsinki:

Turistik zonadagi turistik infratuzilmani yaratish imkoniyati boʻlgan yer uchastkalari, bino va inshootlari keyinchalik samarali foydalanish va (yoki) investorlarga realizatsiya qilish uchun doimiy foydalanish huquqi bilan Direksiyaga oʻtkaziladi;

Direksiyaga oʻtkazilgan yer uchastkalari, bino va inshootlarini realizatsiya qilish Direksiyaning qaroriga asosan elektron onlayn auksion orqali belgilangan tartibda amalga oshiriladi;

Turistik zona hududidagi yer uchastkalari, bino va inshootlarini realizatsiya qilishdan tushgan mablagʻlar (savdoga chiqarish va sotish bilan bogʻliq xarajatlardan tashqari) toʻliqligicha Direksiyaga yoʻnaltiriladi;

Turistik zona hududidagi yer uchastkalari, bino va inshootlarini realizatsiya qilishdan tushgan mablagʻlar Direksiya faoliyatini moliyalashtirish hamda togʻ turizmi loyihalarini amalga oshirish, jumladan, muhandislik-kommunikatsiya tarmoqlarini qurish va taʼmirlash chora-tadbirlarini moliyalashtirishga yoʻnaltiriladi;

Turistik zona hududidagi avtomobil yoʻllari, ichimlik va oqova suv tarmoqlarini qurish va taʼmirlash ishlari 2024 — 2026-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida turizm obyektlari infratuzilmasini yaxshilash uchun nazarda tutilgan mablagʻlar hisobidan amalga oshiriladi.

7. Samarqand viloyati hokimligi bir oy muddatda Direksiya faoliyatini tashkil qilish, shu jumladan uning moddiy-texnika bazasini mustahkamlash, joylashtirish, asosiy vositalar, anjomlar va transport vositalari bilan taʼminlash uchun qonunchilikda taqiqlanmagan manbalar hisobidan zarur mablagʻlarni ajratsin.

8. Turizm qoʻmitasi Samarqand viloyati hokimligi bilan birgalikda ikki oy muddatda Turistik zona hududida koʻrsatiladigan xizmatlarni diversifikatsiya va monetizatsiya qilishga doir targʻibot dasturini ishlab chiqsin va Vazirlar Mahkamasiga kiritsin.

9. Investitsiyalar, sanoat va savdo vazirligi Samarqand viloyati hokimligi bilan birgalikda Turistik zonaning oʻziga xosligini inobatga olgan holda xizmat koʻrsatish obyektlarini qurish uchun nufuzli tashkilotlarni, shu jumladan salohiyatli xorijiy va mahalliy investorlarni jalb qilish choralarini koʻrsin.

10. Ichki ishlar vazirligi manfaatdor vazirlik va idoralar bilan birgalikda uch oy muddatda Turistik zona hududida Samarqand viloyati Ichki ishlar boshqarmasi Xavfsiz turizmni taʼminlash boshqarmasining mavjud shtat birliklari hamda ish haqi jamgʻarmasi doirasida xavfsizlikni taʼminlash boʻlimini tashkil etish dasturini tasdiqlasin.

11. Samarqand viloyati hokimligi Turizm qoʻmitasi bilan birgalikda ikki oy muddatda Turistik zonaning oʻziga xosligidan kelib chiqib, “Dizayn-kod” loyihasini ishlab chiqib, Vazirlar Mahkamasiga kiritsin.

12. Direksiya Samarqand viloyati, Samarqand tumani, Gulobod qoʻrgʻoni, 1-uy manziliga tekin foydalanish huquqi asosida joylashtirilsin.

13. Mazkur qarorning ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov hamda Samarqand viloyati hokimi E.O. Turdimov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 6-fevral,

PQ-60-son

Oʻzbekiston Respublikasi Prezidentining 2024-yil 6-fevraldagi PQ-60-son qaroriga 1-ILOVA

“Ohalik” togʻ turizmi loyihasi chegaralarining

TAVSIFI

Samarqand viloyatining Samarqand tumanida joylashgan Oʻrta Ohalik mahalla fuqarolar yigʻinidagi Oʻrta Ohalik MFY va Yangijoy mahalla tizimidagi Oqboʻyro aholi punkti chegarasidagi Oqboʻyro koʻchasining oʻng tomonida shimoliy-sharqiy burchagidagi nuqta boshlangʻich 1-nuqta (WGS-84 koordinatalar tizimida, shimoliy kenglik koordinatalari 39°31'58.83'', sharqiy uzoqlik koordinatalari 66°54'31.15'') deb qabul qilindi.

1-nuqtadan chegara chizigʻi toʻgʻri chiziq bilan Oʻrta Ohalik MFY va Yangijoy MFY chegara chizigʻi boʻylab janubiy-sharqiy yoʻnalishda 702 metr masofada togʻ qirrasidagi 2-nuqtaga (shimoliy kenglik 39°31'36.14'', sharqiy uzoqlik 66°54'28.90'') tutashadi.

2-nuqtadan chegara chizigʻi togʻ qirralarining shimol tomonidan janubiy yoʻnalishda 3 421 metr masofada togʻ qirrasidagi 3-nuqtaga (shimoliy kenglik 39°29'59.95'', sharqiy uzoqlik 66°53'16.62'') tutashadi.

3-nuqtadan chegara chizigʻi togʻ qirralari boʻylab janubiy-gʻarbiy yoʻnalishda 2 041 metr masofada togʻ qirrasidagi 4-nuqtaga (shimoliy kenglik 39°29'59.94'', sharqiy uzoqlik 66°51'52.09'') tutashadi.

4-nuqtadan chegara chizigʻi togʻ qirralari boʻylab janubiy yoʻnalishda 1 459 metr masofada togʻ qirrasidagi 5-nuqtaga (shimoliy kenglik 39°29'13.04'', sharqiy uzoqlik 66°51'44.63'') tutashadi.

5-nuqtadan chegara chizigʻi togʻ qirralaridagi oʻrmon xoʻjalik yerlari chegarasi boʻylab gʻarbiy yoʻnalishda 3 013 metr masofada togʻ qirrasidagi 6-nuqtaga (shimoliy kenglik 39°30'0.10'', sharqiy uzoqlik 66°49'54.27'') tutashadi.

6-nuqtadan chegara chizigʻi togʻ qirralaridagi Oʻrta Ohalik MFY va Mironqul MFY chegara chizigʻi boʻylab shimoliy-sharqiy yoʻnalishda 3 563 metr masofada togʻ qirrasidagi 7-nuqtaga (shimoliy kenglik 39°31'13.30'', sharqiy uzoqlik 66°51'49.52'') tutashadi.

7-nuqtadan chegara chizigʻi togʻ qirrasi boʻylab shimoliy yoʻnalishda 1 517 metr masofada chegaraning yakuniy togʻ qirrasidagi 8-nuqtaga (shimoliy kenglik 39°32'1.05'', sharqiy uzoqlik 66°52'4.94'') tutashadi.

8-nuqtadan chegara chizigʻi togʻ qirra boʻylab shimoliy-sharqiy yoʻnalishda 2 396 metr masofada Oʻrta Ohalik MFY va Ohalik MFY oʻrtasidagi Bogʻiravon koʻchasining chap tomonidagi 9-nuqtaga (shimoliy kenglik 39°32'15.67'', sharqiy uzoqlik 66°53'43.45'') tutashadi.

9-nuqtadan chegara chizigʻi Bogʻiravon koʻchasining chap tomoni boʻylab sharqiy yoʻnalishda 205 metr masofada mahalliy kanalning chap tomon burilish burchagidagi 10-nuqtaga (shimoliy kenglik 39°32'12.92'', sharqiy uzoqlik 66°53'51.28'') tutashadi.

10-nuqtadan chegara chizigʻi mahalliy kanalning chap tomoni boʻylab shimoliy yoʻnalishda 206 metr masofada Oqboʻyro koʻchasining boshlanadigan joyidagi 11-nuqtaga (shimoliy kenglik 39°32'19.01'', sharqiy uzoqlik 66°53'54.85'') tutashadi.

11-nuqtadan chegara chizigʻi Oqboʻyro koʻchasining boshlanadigan joyi boʻylab janubiy-sharqiy yoʻnalishda 1 069 metr masofada Oʻrta Ohalik MFY va Yangijoy mahalla tizimidagi Oqboʻyro aholi punkti chegarasidagi Oqboʻyro koʻchasining oʻng tomonidagi 1-nuqtaga (shimoliy kenglik 39°31'58.83'', sharqiy uzoqlik 66°54'31.15'') tutashadi.

Oʻzbekiston Respublikasi Prezidentining 2024-yil 6-fevraldagi PQ-60-son qaroriga 2-ILOVA

“Oqboʻyro” togʻ turizmi loyihasi chegaralarining

TAVSIFI

Samarqand viloyatining Samarqand tumanida joylashgan Yangijoy mahalla tizimidagi Oqboʻyro aholi punktidan oʻtuvchi Oqboʻyro koʻchasining 2 121 metr masofadagi chap tomonida shimoliy-sharqiy burchagidagi nuqta boshlangʻich 1-nuqta (WGS-84 koordinatalar tizimida, shimoliy kenglik koordinatalari 39°31'41.90'', sharqiy uzoqlik koordinatalari 66°55'7.07'') deb qabul qilindi.

1-nuqtadan chegara chizigʻi toʻgʻri chiziq bilan togʻ qirralari boʻylab janubiy yoʻnalishda 3 341 metr masofada togʻ qirrasidagi 2-nuqtaga (shimoliy kenglik 39°29'59.89'', sharqiy uzoqlik 66°54'19.92'') tutashadi.

2-nuqtadan chegara chizigʻi togʻ qirralarining janub tomonidan gʻarbiy yoʻnalishda 1 492 metr masofada togʻ qirrasida Oʻrta Ohalik MFY chegarasi bilan tutash joyidagi 3-nuqtaga (shimoliy kenglik 39°29'59.95'', sharqiy uzoqlik 66°53'16.62'') tutashadi.

3-nuqtadan chegara chizigʻi togʻ qirralaridagi Yangijoy MFY va Oʻrta Ohalik MFY chegara chizigʻi boʻylab shimoliy-sharqiy yoʻnalishda 3 241 metr masofada togʻ qirrasidagi 4-nuqtaga (shimoliy kenglik 39°31'36.14'', sharqiy uzoqlik 66°54'28.90'') tutashadi.

4-nuqtadan chegara chizigʻi togʻ qirralari boʻylab shimoliy yoʻnalishda 702 metr masofada Oʻrta Ohalik MFY va Yangijoy mahalla tizimidagi Oqboʻyro aholi punkti chegarasida Oqboʻyro koʻchasining 1 083 metr masofada oʻng tomonidagi 5-nuqtaga (shimoliy kenglik 39°31'58.83'', sharqiy uzoqlik 66°54'31.15'') tutashadi.

5-nuqtadan chegara chizigʻi Oqboʻyro koʻchasining 1 083 metr masofada oʻng tomoni boʻylab sharqiy yoʻnalishda 96 metr masofada Oqboʻyro koʻchasining 1 179 metr masofada chap tomonidagi 6-nuqtaga (shimoliy kenglik 39°31'57.14'', sharqiy uzoqlik 66°54'34.60'') tutashadi.

6-nuqtadan chegara chizigʻi Oqboʻyro koʻchasining 1 179 metr masofada chap tomoni boʻylab sharqiy yoʻnalishda 345 metr masofada Oqboʻyro koʻchasining 1 524 metr masofada chap tomonidagi 7-nuqtaga (shimoliy kenglik 39°31'54.69'', sharqiy uzoqlik 66°54'48.70'') tutashadi.

7-nuqtadan chegara chizigʻi Oqboʻyro koʻchasining 1 524 metr masofada chap tomoni boʻylab janubiy-sharqiy yoʻnalishda 283 metr masofada Oqboʻyro koʻchasining 1 807 metr masofada chap tomonidagi 8-nuqtaga (shimoliy kenglik 39°31'49.87'', sharqiy uzoqlik 66°54'58.75'') tutashadi.

8-nuqtadan chegara chizigʻi Oqboʻyro koʻchasining 1 807 metr masofada chap tomoni boʻylab janubiy-sharqiy yoʻnalishda 314 metr masofada Oqboʻyro aholi punktidan oʻtuvchi Oqboʻyro koʻchasining 2 121 metr masofadagi chap tomonidagi nuqta boshlangʻich 1-nuqtaga (shimoliy kenglik 39°31'41.90'', sharqiy uzoqlik 66°55'7.07'') tutashadi.

Oʻzbekiston Respublikasi Prezidentining 2024-yil 6-fevraldagi PQ-60-son qaroriga 3-ILOVA

“Mironqul” togʻ turizmi loyihasi chegaralarining

TAVSIFI

Samarqand viloyatining Samarqand tumanida joylashgan Mironqul mahalla fuqarolar yigʻinidagi “Ganiyev Daler” MCHJ yer maydonining shimoliy-sharqiy burchagidagi nuqta boshlangʻich 1-nuqta (WGS-84 koordinatalar tizimida, shimoliy kenglik koordinatalari 39°32'35.56'', sharqiy uzoqlik koordinatalari 66°51'53.95'') deb qabul qilindi.

1-nuqtadan chegara chizigʻi toʻgʻri chiziq bilan “Ganiyev Daler” MCHJ yer maydonining shimoliy-sharqiy burchagi boʻylab janubiy yoʻnalishda 169 metr masofada ochiq maydondagi 2-nuqtaga (shimoliy kenglik 39°32'30.27'', sharqiy uzoqlik 66°51'52.12'') tutashadi.

2-nuqtadan chegara chizigʻi “Samarqand Meva Sabzavotlari” MCHJ yer maydonining shimoliy-sharqiy burchagi boʻylab sharq yoʻnalishda 543 metr masofada ochiq maydondagi 3-nuqtaga (shimoliy kenglik 39°32'29.08'', sharqiy uzoqlik 66°52'14.69'') tutashadi.

3-nuqtadan chegara chizigʻi “Samarqand Meva Sabzavotlari” MCHJ yer maydonining shimoliy-sharqiy burchagi boʻylab janubiy yoʻnalishda 898 metr masofada togʻ qirrasidagi 4-nuqtaga (shimoliy kenglik 39°32'1.05'', sharqiy uzoqlik 66°52'4.94'') tutashadi.

4-nuqtadan chegara chizigʻi togʻ qirralarining shimol tomonidan janubiy yoʻnalishda 1 517 metr masofada togʻ qirrasidagi 5-nuqtaga (shimoliy kenglik 39°49'21.21'', sharqiy uzoqlik 64°43'19.79'') tutashadi.

5-nuqtadan chegara chizigʻi togʻ qirralari boʻylab janubiy yoʻnalishda 3 563 metr masofada togʻ qirrasidagi 6-nuqtaga (shimoliy kenglik 39°30'0.10'', sharqiy uzoqlik 66°49'54.27'') tutashadi.

6-nuqtadan chegara chizigʻi togʻ qirralari boʻylab janubiy yoʻnalishda 1 413 metr masofada togʻ qirrasidagi 7-nuqtaga (shimoliy kenglik 39°29'18.16'', sharqiy uzoqlik 66°49'30.73'') tutashadi.

7-nuqtadan chegara chizigʻi togʻ qirralari boʻylab janubiy yoʻnalishda 737 metr masofada togʻ qirrasidagi 8-nuqtaga (shimoliy kenglik 39°29'6.41'', sharqiy uzoqlik 66°49'3.64'') tutashadi.

8-nuqtadan chegara chizigʻi togʻ qirralari boʻylab janubiy yoʻnalishda 1 700 metr masofada togʻ qirrasidagi 9-nuqtaga (shimoliy kenglik 39°28'31.31'', sharqiy uzoqlik 66°48'8.88'') tutashadi.

9-nuqtadan chegara chizigʻi togʻ qirrasining oʻrmon xoʻjaligi yerlari boʻylab shimoliy-gʻarbiy yoʻnalishda 1 654 metr masofada Nurobod tuman chegarasining togʻ qirrasidagi 10-nuqtaga (shimoliy kenglik 39°29'0.12'', sharqiy uzoqlik 66°47'10.36'') tutashadi.

10-nuqtadan chegara chizigʻi togʻ qirrasining Nurobod tuman chegarasi boʻylab shimoliy yoʻnalishda 1 638 metr masofada Nurobod tuman chegarasining togʻ qirrasidagi 11-nuqtaga (shimoliy kenglik 39°29'49.88'', sharqiy uzoqlik 66°47'33.04'') tutashadi.

11-nuqtadan chegara chizigʻi togʻ qirrasining Nurobod tuman chegarasi boʻylab shimol yoʻnalishda 2 810 metr masofada Nurobod tuman chegarasining togʻ qirrasidagi 12-nuqtaga (shimoliy kenglik 39°31'3.40'', sharqiy uzoqlik 66°48'44.59'') tutashadi.

12-nuqtadan chegara chizigʻi togʻ qirrasining Nurobod tuman chegarasi boʻylab shimoliy yoʻnalishda 562 metr masofada Nurobod tuman chegarasining togʻ qirrasidagi 13-nuqtaga (shimoliy kenglik 39°31'10.87'', sharqiy uzoqlik 66°49'5.14'') tutashadi.

13-nuqtadan chegara chizigʻi togʻ qirrasining Nurobod tuman chegarasi boʻylab shimoliy yoʻnalishda 2 668 metr masofada Nurobod tuman chegarasining togʻ qirrasidagi 14-nuqtaga (shimoliy kenglik 39°32'35.36'', sharqiy uzoqlik 66°49'28.40'') tutashadi.

14-nuqtadan chegara chizigʻi togʻ qirrasining Nurobod tuman chegarasi tomonidan sharqiy yoʻnalishda 325 metr masofada “Samarqand Meva Sabzavotlari” MCHJ yer maydonidagi 15-nuqtaga (shimoliy kenglik 39°32'27.97'', sharqiy uzoqlik 66°49'38.13'') tutashadi.

15-nuqtadan chegara chizigʻi “Samarqand Meva Sabzavotlari” MCHJ yer maydoni boʻylab sharqiy yoʻnalishda 264 metr masofada “Samarqand Meva Sabzavotlari” MCHJ yer maydonidagi 16-nuqtaga (shimoliy kenglik 39°32'29.97'', sharqiy uzoqlik 66°49'49.03'') tutashadi.

16-nuqtadan chegara chizigʻi “Samarqand Meva Sabzavotlari” MCHJ yer maydoni boʻylab sharqiy yoʻnalishda 655 metr masofada Zarchashma koʻchasining oʻng tomonidagi 17-nuqtaga (shimoliy kenglik 39°32'26.60'', sharqiy uzoqlik 66°50'16.16'') tutashadi.

17-nuqtadan chegara chizigʻi Zarchashma koʻchasining oʻng tomoni boʻylab sharqiy yoʻnalishda 204 metr masofada ochiq yer maydonidagi 18-nuqtaga (shimoliy kenglik 39°32'30.43'', sharqiy uzoqlik 66°50'22.96'') tutashadi.

18-nuqtadan chegara chizigʻi ochiq yer maydoni boʻylab sharqiy yoʻnalishda 2 178 metr masofada “Ganiyev Daler” MCHJ yer maydonining shimoliy-sharqiy burchagidagi 1-nuqtaga (shimoliy kenglik 39°32'35.56'', sharqiy uzoqlik 66°51'53.95'') tutashadi.

Oʻzbekiston Respublikasi Prezidentining 2024-yil 6-fevraldagi PQ-60-son qaroriga 4-ILOVA

“Ohalik — Oqboʻyro — Mironqul” turistik-rekreatsion zonasi hududida turizm sohasini kompleks rivojlantirish chora-tadbirlari

DASTURI

T/r Chora-tadbirlar nomi Amalga oshirish shakli Bajarish muddati Moliyalashtirish manbai Bajarish uchun masʼullar 1. “Ohalik — Oqboʻyro — Mironqul” turistik-rekreatsion zonasi (keyingi oʻrinlarda — Turistik zona) hududida tashkil etiladigan turizm va xizmat koʻrsatish sohasi obyektlarini qurish uchun mahalliy va xorijiy investorlarni jalb etish. Tashkiliy chora-tadbirlar 2024-2025-yillar - Samarqand viloyati hokimligi, Turizm qoʻmitasi, Investitsiyalar, sanoat va savdo vazirligi 2. Direksiya faoliyatini tashkil qilish. Bunda: Direksiya ustav kapitali shakllantirilishini hamda ularning taʼsis hujjatlari va tashkiliy tuzilmalarini tasdiqlash; Direksiyaning boshqaruv organlarini tashkil qilish; Direksiyada rahbarlik lavozimlariga zarur tajriba va amaliy koʻnikmalarga ega boʻlgan yuqori malakali mutaxassislar, shu jumladan xorijiy mutaxassislar jalb etilishini taʼminlash choralarini koʻrish. Tashkiliy chora-tadbirlar 2024-yil aprel - Samarqand viloyati hokimligi 3. Turistik zonaning bosh reja va batafsil rejalashtirish loyihalariga muvofiq qurilish ishlari amalga oshiriladigan va infratuzilma obyektlari joylashadigan, belgilangan tartibda zaxiraga qaytarilgan yer uchastkalarini sugʻorilmaydigan qishloq xoʻjaligiga moʻljallangan yerlar toifasidan boshqa maqsadlarga moʻljallangan yerlar toifasiga oʻtkazish uchun takliflar ishlab chiqib, Hukumat komissiyasiga kiritish. Takliflar ishlab chiqish 2024-yil may - Samarqand viloyati hokimligi, Turizm qoʻmitasi, Qishloq xoʻjaligi vazirligi 4. Turistik zona hududida togʻ, eko, agro shuningdek, ekstremal (paraplan, ziplayn va deltaplanlar) turizm bilan bogʻliq xizmatlar koʻrsatish uchun yetarli turizm infratuzilmasi obyektlarini yaratish. Tashkiliy chora-tadbirlar 2024-2025-yillar Tashabbuskorlar mablagʻlari, bank krediti Samarqand viloyati hokimligi, Turizm qoʻmitasi, Turistik zona direksiyasi 5. Turistik zona hududida zamonaviy savdo, xizmat koʻrsatish obyektlari (restoranlar, koʻngilochar markazlar va boshqalar) faoliyatini tashkil qilish va madaniyat va sanʼat muassasalari faoliyatini qoʻllab-quvvatlash. Tashkiliy chora-tadbirlar 2024-2025-yillar Tashabbuskorlar mablagʻlari Samarqand viloyati hokimligi, Madaniyat vazirligi, Turizm qoʻmitasi, Turistik zona direksiyasi 6. Turistik zona hududidagi turistlar koʻp tashrif buyuruvchi joylarda “Wi-Fi” zonalarini kengaytirish va barqaror faoliyat koʻrsatuvchi uyali aloqa hamda internet faoliyatini taʼminlash. Tashkiliy chora-tadbirlar 2024-2025-yillar Ijrochilar va tashabbuskorlar mablagʻlari Turistik zona direksiyasi, Samarqand viloyati hokimligi, Raqamli texnologiyalar vazirligi, Turizm qoʻmitasi 7. Turizm obyektlari, zamonaviy muhandislik infratuzilmalari, shuningdek, ijtimoiy soha obyektlarini qurish. Tashkiliy chora-tadbirlar 2024-2025-yillar Tashabbuskorlar mablagʻlari Samarqand viloyati hokimligi, Turistik zona direksiyasi 8. Turistik zona va unga olib boruvchi respublika va mahalliy darajadagi yoʻllarni qurish va taʼmirlash. Loyiha hujjatlarini ishlab chiqish 2024-2025-yillar Ijrochilar mablagʻlari Avtomobil yoʻllari qoʻmitasi, Samarqand viloyati hokimligi, Turistik zona direksiyasi 9. Turistik zona hududidan kelib chiqqan holda maxsus avtoturargohlarni tashkil etish. Tashkiliy chora-tadbirlar 2024-yil davomida Tashabbuskorlar mablagʻlari Samarqand viloyati hokimligi, Transport vazirligi, Turistik zona direksiyasi 10. Jamoat transportining ichki tarmogʻini rivojlantirish va Turistik zona hududiga olib boruvchi muntazam avtotransport qatnovlarini tashkil etish choralarini koʻrish. Tashkiliy chora-tadbirlar 2024-2025-yillar Tashabbuskorlar mablagʻlari Transport vazirligi, Samarqand viloyati hokimligi, Turistik zona direksiyasi 11. Turistik zona boʻylab alohida trotuarlar (soʻqmoq koʻrinishida), shuningdek, jamoat va turizm infratuzilmasi obyektlari uchun velosiped yoʻlaklari va veloturargohlar qurish, shuningdek, velosiped ijarasi tarmogʻini yaratish. Chora-tadbirlar dasturi 2024-2025-yillar - Samarqand viloyati hokimligi, Avtomobil yoʻllari qoʻmitasi, Turistik zona direksiyasi 12. Koʻrsatiladigan turizm xizmatlari sifati va xavfsizligini hamda turistlarning huquqlari, qonuniy manfaatlariga rioya etilishini taʼminlash maqsadida tegishli standartlar ishlab chiqish. Standart ishlab chiqish va tasdiqlash 2024-yil avgust Ijrochilar mablagʻlari Turizm qoʻmitasi, Ichki ishlar vazirligi, Sogʻliqni saqlash vazirligi, Samarqand viloyati hokimligi 13. Yakka va guruhdagi turistlar ommaviy jamlanadigan va murakkab tabiiy toʻsiqlarga ega joylarda profilaktik chora-tadbirlarni tashkil etish, ogʻir ahvolda qolgan shaxslarga zarur yordam koʻrsatishga va turistlarning xavfsizligini taʼminlashga qaratilgan turistik nazorat va qutqaruv xizmatlari tizimini yaratish. Normativ-huquqiy hujjat loyihasi 2024-yil sentabr Ijrochilar mablagʻlari Favqulodda vaziyatlar vazirligi, Ichki ishlar vazirligi, Sogʻliqni saqlash vazirligi, Turizm qoʻmitasi, Samarqand viloyati hokimligi 14. Turistlar uchun favqulodda holatlarda shoshilinch tibbiy yordam va “tezkor aloqa liniyasi” telefon raqamlari haqida batafsil maʼlumot beruvchi axborot-kommunikatsiya texnologiyalari imkoniyatlaridan samarali foydalanish, Turistik zona “Call center” xizmatini ishga tushirish. Tashkiliy chora-tadbirlar 2024-yil davomida Ijrochilar mablagʻlari Samarqand viloyati hokimligi, Raqamli texnologiyalar vazirligi, Turistik zona direksiyasi, Turizm qoʻmitasi 15. Turistik zona hududidagi turizm infratuzilmasi obyektlarida doimiy videokuzatuv tizimini joriy etish. Chora-tadbirlar dasturi 2024-yil aprel - Samarqand viloyati hokimligi, Ichki ishlar vazirligi 16. Turistik zona hududida tungi vaqtlarda yoritish tizimlarini takomillashtirish, shuningdek, boshqa zamonaviy usul va texnologiyalarni keng joriy etish choralarini koʻrish. Tashkiliy chora-tadbirlar 2023-2024-yillar Xalqaro moliya institutlari va mahalliy budjet mablagʻlari Turistik zona direksiyasi, Samarqand viloyati hokimligi 17. Koʻchalar va piyoda yoʻllari orasida yashil maydonlarni tashkil etish, maishiy chiqindilarning hosil boʻlishini minimallashtirish, zamonaviy texnologiyalarni joriy etish orqali qattiq maishiy chiqindilarni alohida yigʻish va qayta ishlash tizimini yaratish. Chora-tadbirlar dasturi 2024-yil iyun - Ekologiya, atrof-muhitni muhofaza qilish va iqlim oʻzgarishi vazirligi, Samarqand viloyati hokimligi 18. Turistik zona haqidagi maʼlumotlarni “Vikipediya” internet-ensiklopediyasida muntazam joylashtirib borish, turistik portallar (“Uzbekistan.travel” va boshqa sohaviy saytlar) hamda ijtimoiy tarmoqlarda Turistik zonaga oid sahifalar yaratish. Tashkiliy chora-tadbirlar 2024-yil apreldan boshlab, doimiy Ijrochilar mablagʻlari Samarqand viloyati hokimligi, Turistik zona direksiyasi, Turizm qoʻmitasi, Raqamli texnologiyalar vazirligi 19. Turistik zonaning toʻliq geografik joylashuvini, uning turizm obyektlari haqidagi maʼlumotlari bilan birga “Google Maps”ga joylashtirish. Tashkiliy chora-tadbirlar 2024-yil aprel — may Ijrochilar mablagʻlari Samarqand viloyati hokimligi, Turistik zona direksiyasi, Turizm qoʻmitasi, Raqamli texnologiyalar vazirligi 20. Turistik zonada mahalliy va xalqaro miqyosdagi madaniy-koʻngilochar va boshqa tadbirlarni oʻtkazish imkoniyatlarini targʻib qilish hamda muntazam tashkil etilishini taʼminlash maqsadida alohida targʻibot mexanizmini joriy etish. Mexanizm ishlab chiqish va joriy etish 2024-yil aprel Ijrochilar mablagʻlari Samarqand viloyati hokimligi, Turistik zona direksiyasi, Turizm qoʻmitasi 21. Turistik zona hududida faoliyat koʻrsatuvchi xodimlarning “Ipak yoʻli” turizm va madaniy meros xalqaro universitetida tashkil etiladigan oʻquv kurslarida malakasi doimiy oshirib borilishini tashkil etish. Tashkiliy chora-tadbirlar 2024-yil apreldan boshlab, doimiy Ijrochilar va tashabbuskorlar mablagʻlari Turizm qoʻmitasi, Turistik zona direksiyasi 22. Turistik zona hududida turistik xizmat koʻrsatish obyektlarini (ziplayn, tomosha terassasi (Viewpoint), zorbing markazi) tashkil qilish choralarini koʻrish. Tashkiliy chora-tadbirlar 2024-2025-yillar Tashabbuskorlar mablagʻlari Samarqand viloyati hokimligi, Turistik zona direksiyasi, Turizm qoʻmitasi 23. Turistik zona hududi va uning togʻ yon-bagʻridagi mavjud ekologik holatni inson salomatligiga taʼsiri boʻyicha ilmiy xulosa tayyorlash. Ilmiy xulosa tayyorlash 2024-yil aprel - Ekologiya, atrof-muhitni muhofaza qilish va iqlim oʻzgarishi vazirligi, Sogʻliqni saqlash vazirligi 24. Turistik zona hududida gastronomik koʻchani tashkil qilish. Tashkiliy chora-tadbirlar 2024-2025-yillar Mahalliy budjet mablagʻlari Samarqand viloyati hokimligi, Turizm qoʻmitasi 25. Turistik zona hududida agro va ekoturizmni rivojlantirish boʻyicha taklif ishlab chiqish. Takliflarni tayyorlash 2024-yil may Tadbirkorlik subyektlari mablagʻlari Turizm qoʻmitasi, Samarqand viloyati hokimligi 26. Turistik zona hududida togʻ turizmini rivojlantirish maqsadida turistik yoʻnalishlar (marshrutlar)ni ishlab chiqish. Tashkiliy chora-tadbirlar 2024-yil yanvar Ijrochilar mablagʻlari Turizm qoʻmitasi, Samarqand viloyati hokimligi 27. Tashrif buyuruvchilar vaqtini samarali oʻtkazish va mahalliy aholi daromadini oshirish uchun turli xizmatlarni tashkil qilish. Jumladan, mahalliy aholini tadbirkorlikka jalb qilgan holda, ovqatlanish, koʻngilochar, suvenir mahsulotlarini ishlab chiqarishga jalb qilish hamda veloprokat, otda sayr qilish kabi xizmatlarni yoʻlga qoʻyish. Tashkiliy chora-tadbirlar 2024-yil apreldan boshlab, doimiy Tadbirkorlik subyektlari mablagʻlari Samarqand viloyati hokimligi, Turizm qoʻmitasi, tadbirkorlik subyektlari 28. Turizm obyektlariga tashrif buyuruvchilar uchun oʻzbek, rus va ingliz tillarida turistik yoʻnalishlar (marshrutlar) toʻgʻrisida maʼlumot (tarqatma materiallar) ishlab chiqish. Tashkiliy chora-tadbirlar 2024-yil may Ijrochilar mablagʻlari Turizm qoʻmitasi, Samarqand viloyati hokimligi, tadbirkorlik subyektlari 29. Samarqand tumanining turistik salohiyatini keng ommaga namoyish qilish maqsadida “Samarqand blogerlar nigohida” nomli ikki kunlik press-tur tashkil qilish. Tashkiliy chora-tadbirlar Alohida reja asosida Ijrochilar mablagʻlari Turizm qoʻmitasi, Samarqand viloyati hokimligi 30. Samarqand tumanining asosiy avtomobil yoʻllarida har 3 km masofada turistik yoʻl koʻrsatkichlarini oʻrnatish. Tashkiliy chora-tadbirlar 2024-yil avgust Ijrochilar mablagʻlari Samarqand viloyati hokimligi, Turizm qoʻmitasi 31. Hududda yongʻin xavfsizligini taʼminlash va unga qarshi kurashga doir chora-tadbirlar tizimini ishlab chiqish hamda amalga oshirish, tegishli moddiy-texnik bazani shakllantirish va infratuzilmani yaratish. Chora-tadbirlar dasturi 2024-yil mart - Samarqand viloyati hokimligi, Favqulodda vaziyatlar vazirligi, Ekologiya, atrof-muhitni muhofaza qilish va iqlim oʻzgarishi vazirligi 32. Turistik zona hududida atrof-muhitni muhofaza qilish va ekologik tadbirlarni amalga oshirish mexanizmlarini ishlab chiqish, jumladan tashkil etilishi koʻzda tutilgan turistik obyektlarni qurish davrida oʻsimlik va hayvonot dunyosiga zarar keltirmaslik, tabiiy majmualarga turistik faoliyatning salbiy taʼsirini kamaytirish boʻyicha vazifalarni belgilash. Chora-tadbirlar dasturi 2024-yil may - Ekologiya, atrof-muhitni muhofaza qilish va iqlim oʻzgarishi vazirligi, Samarqand viloyati hokimligi

Oʻzbekiston Respublikasi Prezidentining 2024-yil 6-fevraldagi PQ-60-son qaroriga 5-ILOVA

“Ohalik — Oqboʻyro — Mironqul” turistik-rekreatsion zonasi va unga olib boruvchi yoʻl-transport, muhandislik-kommunikatsiya va ishlab chiqarish infratuzilmasini rivojlantirish

DASTURI

T/r Amalga oshirilishi belgilangan chora-tadbirlar nomi Oʻlchov birligi Quvvati Talab etiladigan mablagʻ (mln soʻm) Yillar kesimida Moliyalashtirish manbai Masʼul vazirlik va idoralar 2025-yil 2026-yil JAMI: 40 015,9 18 140,1 21 875,8 Respublika budjeti: 31 018,5 12 218,5 18 800,0 Mahalliy budjet: 8 900,0 5 900,0 3 000,0 Tarmoq korxonalari mablagʻlari: 97,4 21,6 75,8 Tashabbuskorlar mablagʻlari: - - - I. Yoʻl infratuzilmasini qayta qurish, joriy va mukammal taʼmirlash Jami: - 28 14 700,0 9 400,0 5 300,0 Mironqul mahallasi boʻyicha 1. 4K-535 A-378 a/yoʻlida — Mironqul qishlogʻiga kirish avtomobil yoʻli 5 km km 5 1 800,0 1 000,0 800,0 Samarqand viloyatidagi avtomobil yoʻllarini qurish-taʼmirlash ishlariga respublika budjetidan ajratilgan mablagʻlar Avtomobil yoʻllari qoʻmitasi, Samarqand viloyati hokimligi 2. Mironqul turizm qishlogʻiga borish ichki xoʻjalik yoʻli 5 km qismini joriy taʼmirlash km 5 3 600,0 2 600,0 1 000,0 Samarqand viloyati mahalliy budjeti mablagʻlari Avtomobil yoʻllari qoʻmitasi, Samarqand viloyati hokimligi Ohalik mahallasi boʻyicha 3. 4K-534 “Samarqand sh. — Yoshlik — Sayyohlik bazasi” avtomobil yoʻli 10 km qismini joriy kapital taʼmirlash km 10 4 000,0 2 500,0 1 500,0 Samarqand viloyatidagi avtomobil yoʻllarini qurish-taʼmirlash ishlariga respublika budjetidan ajratilgan mablagʻlar Avtomobil yoʻllari qoʻmitasi, Samarqand viloyati hokimligi Oqboʻyro mahallasi boʻyicha 4. Oqbuyro turizm qishlogʻiga borish ichki xoʻjalik yoʻli 8 km qismini joriy taʼmirlash km 8 5 300,0 3 300,0 2 000,0 Samarqand viloyati mahalliy budjeti mablagʻlari Avtomobil yoʻllari qoʻmitasi, Samarqand viloyati hokimligi II. Elektr energiyasi tarmoqlarini qurish va taʼmirlash Jami: - - 8 718,5 8 718,5 0,0 Ohalik mahallasi boʻyicha 1. 10 kVlik havo liniyasi uchun yacheyka oʻrnatish. dona 2 500,0 500,0 Respublika budjeti mablagʻlari “Hududiy elektr tarmoqlari” AJ, “Samarqand hududiy elektr tarmoqlari korxonasi” AJ 2. 0,4 — 10 kVlik elektr tarmogʻini qurish va rekonstruksiya qilish. km 4 522,0 522,0 3. TP-10/0,4 kVlar qurish va rekonstruksiya qilish. dona/kVA 7 dona 10/100 760,7 760,7 4. 0,4 kVlik kabel tarmoqlarini qurish. km 4 520,4 520,4 5. Shahar tipidagi transformator podstansiyasi komplektini yangidan oʻrnatish. dona/kVA 1 dona 10/250 450,0 450,0 6. “Samarqand HETK” AJning moddiy-texnik bazasini yaxshilash va maxsus avtotexnikalar xarid qilish. dona 1 950,0 950,0 Oqboʻyro mahallasi boʻyicha 1. 10 kVlik havo liniyasi uchun yacheyka oʻrnatish. dona 1 150,0 150,0 Respublika budjeti mablagʻlari “Hududiy elektr tarmoqlari” AJ, “Samarqand hududiy elektr tarmoqlari korxonasi” AJ 2. 0,4 — 10 kVlik elektr tarmogʻini qurish va rekonstruksiya qilish. km 4 322,0 322,0 3. TP-10/0,4 kVlar qurish va rekonstruksiya qilish. dona/kVA 6 dona 10/100 480,1 480,1 4. 0,4 kVlik kabel tarmoqlarini qurish. km 4 320,4 320,4 5. Shahar tipidagi transformator podstansiyasi komplektini yangidan oʻrnatish. dona/kVA 1 dona 10/250 250,0 250,0 6. “Samarqand HETK” AJning moddiy-texnik bazasini yaxshilash va maxsus avtotexnikalar xarid qilish. dona 1 950,0 950,0 Mironqul mahallasi boʻyicha 1. 10 kVlik havo liniyasi uchun yacheyka oʻrnatish. dona 2 300,0 300,0 Respublika budjeti mablagʻlari “Hududiy elektr tarmoqlari” AJ, “Samarqand hududiy elektr tarmoqlari korxonasi” AJ 2. 0,4 — 10 kVlik elektr tarmogʻini qurish va rekonstruksiya qilish. km 4 322,0 322,0 3. TP-10/0,4 kVlar qurish va rekonstruksiya qilish. dona/kVA 5 dona 10/100 400,5 400,5 4. 0,4 kVlik kabel tarmoqlarini qurish. km 4 320,4 320,4 5. Shahar tipidagi transformator podstansiyasi komplektini yangidan oʻrnatish. dona/kVA 1 dona 10/250 250,0 250,0 6. “Samarqand HETK” AJning moddiy-texnik bazasini yaxshilash va maxsus avtotexnikalar xarid qilish. dona 1 950,0 950,0 III. Ichimlik suv va oqova tarmoqlarini qurish, qayta qurish va modernizatsiya qilish xamda aholini uzluksiz sifatli ichimlik suv bilan taʼminlash Jami: - - 16 500,0 0,0 16 500,0 Ohalik mahallasi boʻyicha 1. Ohalik mahallasida quvvati 1 000 m3 boʻlgan suv rezervuari qurish dona 1000 m3 3 500,0 3 500,0 Respublika budjeti mablagʻlari “Oʻzsuvtaʼminot” AJ, Samarqand viloyati hokimligi 2. Ohalik mahallasida ichimlik suv tarmogʻi qurilishi km 9 1 500,0 1 500,0 3. 3 dona artezian qudugʻi qazish dona 3 450,0 450,0 4. Suv nasoslari oʻrnatish dona 3 50,0 50,0 Oqboʻyro mahallasi boʻyicha 1. Oqboʻyro mahallasida quvvati 1 000 m3 boʻlgan suv rezervuari qurish dona 1000 m3 3 500,0 3 500,0 Respublika budjeti mablagʻlari “Oʻzsuvtaʼminot” AJ, Samarqand viloyati hokimligi 2. Oqboʻyro mahallasida ichimlik suv tarmogʻi qurilishi km 6 1 200,0 1 200,0 3. 3 dona artezian qudugʻi qazish dona 3 450,0 450,0 4 Suv nasoslari oʻrnatish dona 3 50,0 50,0 Mironqul mahallasi boʻyicha 1. Mironqul mahallasida quvvati 1 000 m3 boʻlgan suv rezervuari qurish dona 1000 m3 3 500,0 3 500,0 Respublika budjeti mablagʻlari “Oʻzsuvtaʼminot” AJ, Samarqand viloyati hokimligi 2. Mironqul mahallasida ichimlik suv tarmogʻi qurilishi km 10 1 800,0 1 800,0 3. 3 dona artezian qudugʻi qazish dona 3 450,0 450,0 4. Suv nasoslari oʻrnatish dona 3 50,0 50,0 IV. Axborot kommunikatsiya-texnologiyalarini rivojlantirish Jami: - 9,1 97,4 21,6 75,8 1. Ohalik yoʻnalishi boʻylab optik tolali aloqa liniyalarini tortish. km 2,1 21,6 21,6 “Oʻzbektelekom” AK mablagʻlari “Oʻzbektelekom” AK 2. Oqboʻyro yoʻnalishi boʻylab optik tolali aloqa liniyalarini tortish. km 4,1 46,0 46,0 3. Mironqul yoʻnalishi boʻylab optik tolali aloqa liniyalarini tortish. km 2,9 29,8 29,8