Suv havzalarida noruda materiallarni qazib olishni tartibga solish chora-tadbirlari toʻgʻrisida (PF-14-son)

17.01.2024

Oʻzbekiston Respublikasi Prezidentining

Farmoni

Soʻnggi yillarda mamlakatimizda qurilish koʻlamining kengayishi va noruda materiallarga boʻlgan ehtiyojning keskin oshishi natijasida daryo oʻzanlari, sohil boʻyi mintaqalari va suvni muhofaza qilish zonalarida noruda materiallarni qazib olish bilan shugʻullanib kelayotgan tadbirkorlik subyektlari soni ortib bormoqda.

Shu bilan birga, 2023-yilda daryo oʻzanlarida noqonuniy qum-shagʻal qazib olish bilan bogʻliq 303 ta holatda 268 nafar shaxsga nisbatan 68 milliard soʻm miqdorida jarima qoʻllanilgan boʻlib, shundan 42 ta holat boʻyicha 45 milliard soʻm miqdorida tabiatga zarar yetkazilganligi uchun jinoyat ishlari qoʻzgʻatilgan.

Buning oqibatida suv resurslari zaxiralarining kamayib ketishi, daryo qirgʻoqlarining yemirilishi, suvni muhofaza qilish zonalarining turli chiqindilar bilan ifloslantirilishi holatlari yuz berib, sugʻorish tizimlari, elektr energiya, transport va gidrotexnika infratuzilma obyektlariga zarar yetkazilmoqda.

Ayniqsa, Chirchiq, Sirdaryo, Sangzor, Zarafshon, Norin, Qashqadaryo va Surxondaryo kabi daryolar oʻzanlaridagi ekologik vaziyat ularni qayta tiklash va nazoratni kuchaytirish yuzasidan qoʻshimcha choralar koʻrishni taqozo etmoqda.

Daryo oʻzanlarini toʻplanib qolgan noruda materiallardan tozalash va qirgʻoqlarini mustahkamlash loyihalarini amalga oshirishda ekologik xavfsizlikni taʼminlash orqali yuzaga kelgan vaziyatni yaxshilash maqsadida:

1. Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) hamda Togʻ-kon sanoati va geologiya vazirligining (keyingi oʻrinlarda — Geologiya vazirligi) 2024-yil 1-maydan boshlab:

Chirchiq, Sirdaryo, Sangzor, Zarafshon, Norin, Qashqadaryo va Surxondaryo daryolari oʻzanlaridagi noruda materiallarni qazib olishga muddatsiz moratoriy joriy qilish;

Vazirlar Mahkamasi tomonidan moratoriy tatbiq etiladigan hududlar chegaralarini belgilash;

daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallari qazib olish huquqini faqat “E-auksion” elektron savdo platformasi orqali realizatsiya qilish;

daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallari qazib olishni taqiqlash va togʻli yoki togʻoldi hududlarda (quruqlikda) joylashgan muqobil kon uchastkalarida qazish ishlarini tashkil etish toʻgʻrisidagi takliflariga rozilik berilsin.

2. Belgilab qoʻyilsinki:

moratoriy davrida daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallarini noqonuniy qazib olish natijasida tabiatga yetkazilgan zarar uchun undirish summalari 10 baravarga oshirilgan holda qoʻllaniladi;

ushbu band bilan belgilangan tabiatga yetkazilgan zarar uchun undirish summalari Ekologiya jamgʻarmasiga yoʻnaltiriladi.

Ekologiya vazirligi manfaatdor vazirlik va idoralar bilan birgalikda uch oy muddatda daryolarning oʻzanlarini tozalashga va qirgʻoqlarini mustahkamlashga doir ishlarni amalga oshirish tartibini buzganlik uchun jarima miqdorini oshirish va huquqbuzarlikning bevosita ashyosini musodara qilish jazosini kengaytirish boʻyicha normativ-huquqiy hujjat loyihasini belgilangan tartibda kiritsin.

3. Ekologiya vazirligiga quyidagi qoʻshimcha vazifalar yuklatilsin:

daryo oʻzanlaridan qum-shagʻal materiallarini qazib olishni suv xoʻjaligi tashkilotlari, “Suv xoʻjaligida bozor mexanizmlarini joriy qilish” davlat muassasasi, Davlat ekologik nazorat inspeksiyasi hamda Togʻ-kon, geologiya va sanoat xavfsizligini nazorat qilish inspeksiyasining oʻzaro hamkorligini taʼminlagan holda monitoring qilish va bu borada doimiy reydlar oʻtkazish, tartibni buzgan shaxslarga nisbatan choralar koʻrib borish;

daryo oʻzanlari, sohil boʻyi mintaqalari va suvni muhofaza qilish zonalarida noruda materiallarni qazib olish faoliyati bilan shugʻullanib kelayotgan barcha subyektlar tomonidan tegishli majburiyatlarning bajarilishini qatʼiy nazoratga olish;

shartnoma asosida realizatsiya qilingan uchastkalarda daryo oʻzanlarini tozalash ishlari yakunlanganidan soʻng, loyiha majburiyatlarining bajarilishini joyida oʻrgangan holda uchastkalarni qabul qilish;

daryo oʻzanlari, sohil boʻyi mintaqalari va suvni muhofaza qilish zonalaridagi buzilgan yerlarni bosqichma-bosqich rekultivatsiya qilish, tabiiy landshaftni qayta tiklash, obodonlashtirish hamda koʻkalamzorlashtirish ishlarini muvofiqlashtirish.

4. Geologiya vazirligi Iqtisodiyot va moliya vazirligi hamda manfaatdor vazirlik va idoralar bilan birgalikda 2024-yil 1-aprelga qadar togʻ va togʻoldi hududlarida muqobil noruda foydali qazilma konlari va kichik sanoat zonalarini tashkil qilish boʻyicha 2030-yilgacha moʻljallangan chora-tadbirlar dasturini ishlab chiqsin va Vazirlar Mahkamasiga kiritsin. Bunda:

daryo oʻzanlari, sohil boʻyi mintaqalari va suvni muhofaza qilish zonalarida joylashgan noruda materiallarni qayta ishlash korxonalarini togʻ va togʻoldi hududlariga yoki ushbu hududlarning yaqinida joylashgan kichik sanoat zonalariga koʻchirish;

tadbirkorlik subyektlariga shart-sharoit yaratish maqsadida qoʻshimcha kichik sanoat zonalarini tashkil qilish va ularda muhandislik-infratuzilma obyektlarini barpo etishni nazarda tutsin.

5. Raqamli texnologiyalar vazirligi Suv xoʻjaligi vazirligi, Ekologiya vazirligi, Soliq qoʻmitasi hamda Kosmik tadqiqotlar va texnologiyalar agentligi bilan birgalikda 2024-yil 1-oktabrga qadar davlat kosmik monitoringi doirasida daryo oʻzanlari, sohil boʻyi mintaqalari va suvni muhofaza qilish zonalarida noruda materiallarni qazish hamda daryo oʻzanlarini tozalash ishlari olib borilayotgan uchastkalarda loyihadan chetga chiqish, noqonuniy qazib olish holatlarini aniqlash va tegishli maʼlumotlarni vakolatli organlarga taqdim etish tizimini yaratsin. Bunda:

Kosmik tadqiqotlar va texnologiyalar agentligi tomonidan Ekologiya vazirligiga — noqonuniy qazib olishda tabiiy obyektlarga yetkazilgan zararni hisoblash uchun ajratilgan maydon doirasidan tashqarida hamda noqonuniy qazib olingan foydali qazilmalar hajmlari toʻgʻrisida maʼlumotlar;

Ekologiya vazirligi tomonidan Suv xoʻjaligi vazirligi va Soliq qoʻmitasiga — noqonuniy qazib olingan foydali qazilmalar hajmi toʻgʻrisida maʼlumotlar taqdim etiladi.

6. Ekologiya vazirligi Suv xoʻjaligi vazirligi bilan birgalikda xalqaro va mahalliy olimlarni jalb qilgan holda 2024-yil 1-iyunga qadar Chirchiq daryosi oʻzanini ekologik reabilitatsiya qilish boʻyicha kompleks loyihani ishlab chiqsin va uni tasdiqlash boʻyicha tegishli normativ-huquqiy hujjat loyihasini kiritsin.

7. Daryo oʻzanlarini toʻplanib qolgan noruda materiallardan tozalash tizimini tartibga solish va takomillashtirish boʻyicha “yoʻl xaritasi” 1-ilovaga muvofiq tasdiqlansin.

8. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

9. Mazkur Farmonning ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov belgilansin.

Farmon ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 17-yanvar,

PF-14-son

Oʻzbekiston Respublikasi Prezidentining 2024-yil 17-yanvardagi PF-14-son Farmoniga1-ILOVA

Daryo oʻzanlarini toʻplanib qolgan noruda materiallardan tozalash tizimini tartibga solish va takomillashtirish boʻyicha

“YOʻL XARITASI”

T/r Chora-tadbirlar nomi Amalga oshirish mexanizmi va bosqichlari Ijro muddati Masʼul ijrochilar 1. Daryo oʻzanlari, sohilboʻyi mintaqalari va suvni muhofaza qilish zonalarida joylashgan yer qaʼri uchastkalaridan foydalanish uchun berilgan ruxsatnomalar (litsenziyalar) talablarining bajarilish holatini tanqidiy koʻrib chiqish. 1. Daryo oʻzanlari, sohilboʻyi mintaqalari va suvni muhofaza qilish zonalarida joylashgan yer qaʼri uchastkalaridan foydalanish uchun berilgan ruxsatnoma (litsenziyalar) talablarining bajarilish holatini tanqidiy oʻrganish. 2024-yil mart Ekologiya, atrof-muhitni muhofaza qilish va iqlim oʻzgarishi vazirligi, Togʻ-kon sanoati va geologiya vazirligi, Favqulodda vaziyatlar vazirligi, Suv xoʻjaligi vazirligi, Sanitariya-epidemiologik osoyishtalik va jamoat salomatligi qoʻmitasi, “Oʻzsuvtaʼminot” AJ, Transport vazirligi, Tadbirkorlik subyektlarining huquqlari va qonuniy manfaatlarini himoya qilish boʻyicha vakil 2. Daryo oʻzanlari, sohilboʻyi mintaqalari va suvni muhofaza qilish zonalarida joylashgan qum-shagʻal konlarini joyiga chiqqan holda, litsenziya shartlari va ekologik ekspertiza xulosalari talablariga rioya etilishini tanqidiy oʻrganish va ularning buzilish holatlari aniqlanganida, qonuniy choralar koʻrish. 2024-yil aprel 3. Xoʻjalik-ichimlik suv taʼminoti tizimining I va II sanitariya-muhofaza mintaqalarida, shuningdek, daryolardagi koʻpriklardan 2,5 kilometrgacha masofada joylashgan qum-shagʻal konlari uchun rasmiylashtirilgan ruxsatnoma (litsenziya) talablarining bajarilish holatini tanqidiy oʻrganish va ularning buzilishi holatlari aniqlanganida, qonuniy choralar koʻrish. 2024-yil may — avgust 2. Togʻ va togʻoldi hududlarda joylashgan muqobil noruda materiallar konlarini aniqlash va onlayn-elektron auksion savdolari orqali tadbirkorlik subyektlariga realizatsiya qilish. 1. Togʻ va togʻoldi hududlarda joylashgan noruda foydali qazilmalar zaxiralari mavjud boʻlgan muqobil konlarni aniqlash. 2024-yil yanvar Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi, “Elektron onlayn-auksionlarni tashkil etish markazi” AJ 2. Mazkur muqobil noruda foydali qazilma konlarini onlayn-elektron auksion savdolariga chiqarish va tadbirkorlik subyektlariga realizatsiya qilish. 2024-yil mart 3. Auksion natijalari boʻyicha tadbirkorlik subyektlariga ruxsatnomalar rasmiylashtirish va uchastkalarni topshirish. 2024-yil aprel 3. Tadbirkorlik subyektlariga xoʻjalik faoliyatini qayta yoʻlga qoʻyish maqsadida muqobil noruda foydali qazilma konlari yaqinida kichik sanoat zonalarini tashkil qilish. 1. Tadbirkorlik subyektlariga xoʻjalik faoliyatini yoʻlga qoʻyish maqsadida muqobil noruda foydali qazilma konlari yaqinida kichik sanoat zonalarini tashkil qilish boʻyicha takliflar ishlab chiqish. 2024-yil may Qoraqalpogʻiston Respublikasi Vazirlar kengashi, viloyatlar va Toshkent shahar hokimliklari, Qurilish va uy-joy kommunal xoʻjaligi vazirligi, Energetika vazirligi, “Oʻzbekiston temir yoʻllari” AJ, “Oʻzavtoyoʻl” AJ, Ekologiya, atrof-muhitni muhofaza qilish va iqlim oʻzgarishi vazirligi 2. Muhandislik-infratuzilma (avtoyoʻl, temir yoʻl, elektr energiyasi, gaz, suv taʼminoti) obyektlarini qurish boʻyicha shart-sharoitlar yaratib berish. 2024-yil sentabr 3. Daryo oʻzanlari, sohilboʻyi mintaqalari va suvni muhofaza qilish zonalaridagi buzilgan yerlarni rekultivatsiya qilish (qayta tiklash) hamda ushbu hududlarni chiqindilardan tozalash, obodonlashtirish va koʻkalamzorlashtirish ishlarini tashkil qilish. 2024-2025-yillar 4. Chirchiq daryosining tabiiy holatini qayta tiklash, daryo oʻzanini kompleks reabilitatsiya qilish loyihasini amalga oshirish. 1. Xavfsiz daryo boshqarmasi boshchiligida mutasaddi vazirlik va idoralar, loyiha tashkilotlari mutaxassislaridan iborat ishchi guruh tuzish. 2024-yil fevral Ekologiya, atrof-muhitni muhofaza qilish va iqlim oʻzgarishi vazirligi, Favqulodda vaziyatlar vazirligi, Togʻ-kon sanoati va geologiya vazirligi, Suv xoʻjaligi vazirligi, tegishli viloyatlar hokimliklari 2. Chirchiq daryosi butun uzunligi boʻylab ekologik, gidrologik, gidrogeologik, toshqin suvlarini xavfsiz oʻtkazish, yoʻl-muhandislik obyektlarini muhofaza qilish jihatdan oʻrganishlar asosida muammoli (buzilgan, qayta tiklanadigan, chiqindi toʻkilgan, choʻllangan) uchastkalarni aniqlash, qayta tiklash va obodonlashtirish boʻyicha loyiha ishlab chiqish. 2024-yil avgust 3. Ishlab chiqilgan loyiha asosida tegishli vazirlik va idoralar tomonidan daryo oʻzanini tozalash, toʻgʻrilash, qirgʻoqlarini mustahkamlash, qurilish va boshqa chiqindilardan tozalash, buzilgan yerlarni rekultivatsiya qilish tadbirlarini oʻz ichiga olgan chora-tadbirlarni amalga oshirish mexanizmini ishlab chiqish hamda belgilangan tartibda Vazirlar Mahkamasiga kiritish. 2024-yil oktabr 5. Daryo oʻzanlarini tozalash ishlarini nazorat qilishda davlat kosmik monitoring tizimidan samarali foydalanish. 1. Daryo oʻzanlarini toʻplanib qolgan noruda materiallardan tozalash va qirgʻoqlarni mustahkamlash ishlari amalga oshirilayotgan uchastkalarda loyihadan chetga chiqish, noqonuniy qazib olish holatlarini aniqlashda davlat kosmik monitoring tizimidan foydalanish. 2024-yildan boshlab doimiy Kosmik tadqiqotlar va texnologiyalar agentligi, Ekologiya, atrof-muhitni muhofaza qilish va iqlim oʻzgarishi vazirligi 2. Aniqlangan qonun buzilishi holatlari toʻgʻrisidagi maʼlumotlarni tegishli chora koʻrish uchun vakolatli organlarga taqdim etish. Doimiy 3. Davlat kosmik monitoring tizimi orqali aniqlangan qonun buzilishi holatlari yuzasidan tezkor choralar koʻrib borish. Doimiy 6. Daryo va soylar oʻzanlarini tozalash va qirgʻoqlarni mustahkamlash ishlari yakuni boʻyicha belgilangan tartibda qabul qilib olish tizimini joriy qilish. 1. Daryo oʻzanlarida qum-shagʻal qazib oluvchi tadbirkorlik subyektlari tomonidan bajarilgan ishlarni qabul qilib olish tartibini belgilovchi qoʻshma qaror loyihasini ishlab chiqish. 2024-yil fevral Ekologiya, atrof-muhitni muhofaza qilish va iqlim oʻzgarishi vazirligi, Suv xoʻjaligi vazirligi, Favqulodda vaziyatlar vazirligi, Togʻ-kon sanoati va geologiya vazirligi 2. Idoralararo guruhlar tomonidan loyiha hujjatlari asosida pudrat tashkilotlari va tadbirkorlik subyektlari tomonidan majburiyatlar bajarilishi ustidan nazorat oʻrnatish hamda dalolatnomalar bilan tasdiqlash tizimini joriy etish. 2024-yildan boshlab 7. Noruda materiallarni noqonuniy qazib olish oqibatida tabiiy obyektlarga zarar yetkazganlik holatlari yuzasidan zarur choralar koʻrib borish. 1. Noruda materiallarni noqonuniy qazib olish oqibatida aniqlangan tabiiy obyektlarga zarar yetkazganlik holatlari yuzasidan oʻzaro tezkor xabarlar almashish tizimini joriy etish. 2024-yildan boshlab Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi, Suv xoʻjaligi vazirligi, Favqulodda vaziyatlar vazirligi 2. Suv havzalaridan noruda materiallarni noqonuniy qazib olish oqibatida tabiiy obyektlarga yetkazilgan zararni aniqlash va belgilangan tartibda undirilishini taʼminlash. Doimiy 8. Daryo oʻzanlarini tozalash va qirgʻoqlarni mustahkamlash ishlari ustidan jamoatchilik ekologik nazoratini oʻrnatish. 1. Daryo oʻzanlarini tozalash va qirgʻoqlarni mustahkamlash ishlarining atrof-muhitga taʼsirini baholash loyihalarining jamoatchilik eshituvidan oʻtkazilishini taʼminlash. 2. Daryo oʻzanlarini tozalash va qirgʻoqlarni mustahkamlash loyihalarining amalga oshirilishi ustidan jamoatchilik ekologik nazoratini oʻrnatish. Doimiy Ekologiya, atrof-muhitni muhofaza qilish va iqlim oʻzgarishi vazirligi, Suv xoʻjaligi vazirligi 9. Daryolar oʻzanidagi buzilgan yer maydonlarini tekislash va davlat zaxirasiga qaytarish boʻyicha majburiyatlarni bajarmagan hamda qum-shagʻal aralashmasini noqonuniy qazib olayotgan tadbirkorlik subyektlariga nisbatan taʼsir choralarini koʻrish. 1. Daryolar oʻzanlarining toʻlib qolishi va qirgʻoqlar yemirilishini doimiy monitoring qilib borish. Har chorakda Suv xoʻjaligi vazirligi, Favqulodda vaziyatlar vazirligi, Ekologiya, atrof-muhitni muhofaza qilish va iqlim oʻzgarishi vazirligi, Togʻ-kon sanoati va geologiya vazirligi 2. Daryo oʻzanlarini tozalash va qirgʻoqlarni mustahkamlash ishlarining tasdiqlangan loyiha talablari asosida amalga oshirilishi ustidan nazoratni yanada kuchaytirish. 3. Buzilgan yer maydonlarini mexanik va biologik jihatdan rekultivatsiya qilish ishlari bajarilishi ustidan nazoratni amalga oshirish. Doimiy 10. Daryo va soylarning oʻzanlarida mavjud xavfli uchastkalarda sel xavfining oldini olish choralarini koʻrish. 1. Idoralararo ishchi guruhlar tomonidan sel va toshqinlar mavsumidan oldin xavfli uchastkalarni aniqlash maqsadida daryo va soylarning oʻzanlari, qirgʻoqlar, gidrotexnik inshootlar, elektr energiyasi, transport infratuzilmasi obyektlari holatini oʻrganish. 2024-yil fevral Favqulodda vaziyatlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar 2. Suv toshqini mavjud boʻlgan hududlarda qirgʻoqlarni mustahkamlash, noruda materiallarni qazib olishni cheklash choralarini koʻrish. 2024-yil mart 3. Daryo oʻzanlari, sohilboʻyi mintaqalari va suvni muhofaza qilish zonalarida ruxsatnoma (litsenziya) asosida qum-shagʻal materiallarini qazib olish uchun yer uchastkalarini ajratish boʻyicha avval qabul qilingan qarorlarni sud tartibida bekor qilish. 2024-2025-yillarda 11. Tabiiy suv havzalari boʻyicha foydalanishdagi suv fondi yer uchastkalarining kadastr pasportlarini yuritish. 1. Respublikadagi daryolar oʻzanlarini tozalash va qirgʻoqlarni mustahkamlash, qum-shagʻal materiallarini qazish ishlari amalga oshirilayotgan tabiiy suv havzalarida foydalanishdagi suv fondi yer uchastkalarini xatlovdan oʻtkazish. 2024-yil may Ekologiya, atrof-muhitni muhofaza qilish va iqlim oʻzgarishi vazirligi, “Oʻzdaverloyiha” davlat ilmiy-loyihalash instituti, Kadastr agentligi 2. Suvni muhofaza qilish zonalari belgilanmagan va ulardan sohilboʻyi mintaqalari ajratilmagan tabiiy suv havzalari boʻyicha tegishli loyiha hujjatlarini ishlab chiqish. 2025-2026-yillarda 12. Daryo oʻzanlarini tozalash va qirgʻoqlarni mustahkamlash boʻyicha majburiyatlarni bajarmagan tadbirkorlik subyektlari tomonidan oqibatlarni bartaraf etish boʻyicha oʻz majburiyatlari bajarilishini taʼminlash uchun sugʻurtalash tizimini joriy qilish. 1. Daryo oʻzanlarini tozalash va qirgʻoqlarni mustahkamlash boʻyicha shartnoma majburiyatlarini bajarmagan yoki lozim darajada bajarmagan tadbirkorlik subyektlari tomonidan oʻz fuqarolik javobgarligi sugʻurta qilinishini yoʻlga qoʻyish. 2. “Xavfsiz daryo boshqarmasi” davlat muassasasi bilan tadbirkorlik subyektlari oʻrtasidagi shartnoma munosabatlarini qayta koʻrib chiqish va sugʻurtalash mexanizmini amaliyotga joriy etish. 2024-yildan boshlab Ekologiya, atrof-muhitni muhofaza qilish va iqlim oʻzgarishi vazirligi, Favqulodda vaziyatlar vazirligi, Suv xoʻjaligi vazirligi, tadbirkorlik subyektlari 13. Amudaryoning Surxondaryo va Xorazm viloyatlari hamda Qoraqalpogʻiston Respublikasi hududidan oqib oʻtgan qismida faoliyat yuritayotgan “Suv yoʻllari texnik uchastkasi” davlat muassasalari tomonidan qazib olinadigan noruda materiallar hajmini aniqlash va davlat muassasalarini qurilish tashkilotlariga biriktirish ishlarini tashkil etish. 1. Surxondaryo viloyati hokimligi huzuridagi “Termiz suv yoʻllari texnik uchastkasi” davlat muassasasi, Xorazm viloyati hokimligi huzuridagi “Cholish suv yoʻllari texnika boʻlimi” davlat muassasasi, Qoraqalpogʻiston Respublikasi Vazirlar Kengashi huzuridagi “Amudaryo suv yoʻllari Xoʻjayli texnik uchastkasi” davlat muassasasini noruda materiallarni ishlab chiquvchi subyektlar roʻyxatiga kiritish, ularning taʼsis hujjatlarini qayta rasmiylashtirish. 2. Ular tomonidan qazib olinadigan qum-shagʻal materiallari hajmiga aniqlik kiritish. 3. Davlat muassasalarini qurilish tashkilotlariga biriktirish. 2024-yil fevral Surxondaryo viloyati hokimligi, Xorazm viloyati hokimligi, Qoraqalpogʻiston Respublikasi Vazirlar Kengashi, Suv xoʻjaligi vazirligi 14. Sirdaryo daryosining yuvilgan qirgʻoqlarini mustahkamlash, sohil boʻyi mintaqasidagi buzilgan yerlarni qayta tiklash va reabilitatsiya qilish chora-tadbirlarini amalga oshirish. 1. Sirdaryo viloyat hokimligi boshchiligida Sirdaryo daryosining yuvilgan qirgʻoqlarini mustahkamlash, sohil boʻyi mintaqasidagi buzilgan yerlarni qayta tiklash va reabilitatsiya qilish boʻyicha ishchi guruh tashkil qilish. 2. Sirdaryo daryosi butun uzunligi boʻylab ekologik, gidrologik, gidrogeologik, toshqin suvlarini xavfsiz oʻtkazish, gidrotexnik, yoʻl-muhandislik obyektlarini muhofaza qilish jihatdan oʻrganishlar asosida muammoli (qirgʻoqlar yuvilgan, noqonuniy qazilgan, buzilgan, chiqindi toʻkilgan, choʻllangan) uchastkalarni aniqlash va ularni qayta tiklash va obodonlashtirish boʻyicha chora-tadbirlarni amalga oshirish. 2024-2025-yillar Sirdaryo viloyati hokimligi, Ekologiya, atrof-muhitni muhofaza qilish va iqlim oʻzgarishi vazirligi, Favqulodda vaziyatlar vazirligi, Suv xoʻjaligi vazirligi, Togʻ-kon sanoati va geologiya vazirligi

Oʻzbekiston Respublikasi Prezidentining 2024-yil 17-yanvardagi PF-14-son Farmoniga2-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar

1. Oʻzbekiston Respublikasi Prezidentining 2018-yil 27-iyuldagi PF-5490-son Farmoni bilan tasdiqlangan Tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida oʻtkaziladigan tekshiruvlar roʻyxatining “Nazorat qiluvchi organ” ustunida:

a) 3-pozitsiya quyidagi tahrirda bayon etilsin:

b) 16-pozitsiya quyidagi tahrirda bayon etilsin:

v) 21-pozitsiya quyidagi tahrirda bayon etilsin:

2. Oʻzbekiston Respublikasi Prezidentining 2018-yil 22-noyabrdagi “Qattiq maishiy chiqindilarni toʻplash va olib chiqish uchun toʻlovlarni toʻlash tizimini tubdan takomillashtirish chora-tadbirlari toʻgʻrisida”gi PF-5580-son Farmonida:

4-bandning “a” kichik bandidagi “Davlat ekologiya qoʻmitasi” soʻzlari “Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;

6-bandning “v” kichik bandi birinchi xatboshisidagi “Davlat ekologiya qoʻmitasi” soʻzlari “Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin.

3. Oʻzbekiston Respublikasi Prezidentining 2019-yil 17-yanvardagi PF-5635-son Farmoni bilan tasdiqlangan Oʻzbekiston Respublikasining xalqaro reytinglardagi va alohida tarkibiy indikatorlardagi oʻrnini yaxshilash uchun masʼul davlat organlari va tashkilotlari roʻyxatida:

a) 1.10-pozitsiyaning “Normativ cheklovlar” indikatorida “Masʼul davlat organlari” ustuni quyidagi tahrirda bayon etilsin:

b) 2.1, 4.6.1, 4.6.4 va 14.3-pozitsiyalarning “Masʼul davlat organlari” ustunidagi “Ekologiya va atrof-muhitini muhofaza qilish davlat qoʻmitasi (N. Oblomuradov)” soʻzlari “Ekologiya, atrof-muhitni muhofaza qilish va iqlim oʻzgarishi vazirligi (A. Abduxakimov)” soʻzlari bilan almashtirilsin.

4. Oʻzbekiston Respublikasi Prezidentining 2019-yil 13-avgustdagi “Oʻzbekiston Respublikasida turizm sohasini yanada rivojlantirish chora-tadbirlari toʻgʻrisida”gi PF-5781-son Farmonida:

a) 2-bandda:

“a” kichik bandning ikkinchi xatboshisidagi “Turizm va sport vazirligi huzuridagi budjetdan tashqari Turizm va sportni qoʻllab-quvvatlash jamgʻarmasi” soʻzlari “Turizmni qoʻllab-quvvatlash jamgʻarmasi” soʻzlari bilan almashtirilsin;

“b” kichik bandning birinchi xatboshisidagi “Oʻzbekiston Respublikasi Turizmni rivojlantirish davlat qoʻmitasi” soʻzlari “Turizm qoʻmitasi” soʻzlari bilan almashtirilsin;

b) 3-bandning birinchi xatboshisidagi “Oʻzbekiston Respublikasi Turizmni rivojlantirish davlat qoʻmitasiga” soʻzlari “Turizm qoʻmitasiga” soʻzlari bilan almashtirilsin.

5. Oʻzbekiston Respublikasi Prezidentining 2019-yil 30-oktabrdagi “2030-yilgacha boʻlgan davrda Oʻzbekiston Respublikasining atrof-muhitni muhofaza qilish konsepsiyasini tasdiqlash toʻgʻrisida”gi PF-5863-son Farmonida:

a) 6-banddagi “Oʻzbekiston Respublikasi Mahalla va oilani qoʻllab-quvvatlash vazirligi Davlat ekologiya qoʻmitasi” soʻzlari “Oʻzbekiston Respublikasi Kambagʻallikni qisqartirish va bandlik vazirligi Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;

b) 8-bandda:

ikkinchi xatboshidagi “Qoraqalpogʻiston Respublikasi Ekologiya va atrof-muhitni muhofaza qilish qoʻmitasining raisi, viloyatlar hamda Toshkent shahar ekologiya va atrof-muhitni muhofaza qilish boshqarmalarining boshliqlari” soʻzlari “Qoraqalpogʻiston Respublikasi ekologiya, atrof-muhitni muhofaza qilish va iqlim oʻzgarishi vaziri, viloyatlar hamda Toshkent shahar ekologiya, atrof-muhitni muhofaza qilish va iqlim oʻzgarishi boshqarmalarining boshliqlari” soʻzlari bilan almashtirilsin;

uchinchi xatboshidagi “ekologiya va atrof-muhitni muhofaza qilish sohasida nazorat boʻyicha tuman (shahar) inspeksiyalarining” soʻzlari “tuman (shahar) ekologiya, atrof-muhitni muhofaza qilish va iqlim oʻzgarishi boʻlimlarining” soʻzlari bilan almashtirilsin;

v) 9-bandning birinchi xatboshisidagi “Davlat ekologiya qoʻmitasining davlat inspektorlari” soʻzlari “Ekologiya, atrof-muhitni muhofaza qilish va iqlim oʻzgarishi vazirligining Davlat ekologik nazorat inspeksiyasi davlat inspektorlari” soʻzlari bilan almashtirilsin;

g) 2030-yilgacha boʻlgan davrda Oʻzbekiston Respublikasining Atrof muhitni muhofaza qilish konsepsiyasiga ilovaning “Masʼul ijrochilar” ustunida:

1-pozitsiyada:

“Oʻrmon xoʻjaligi davlat qoʻmitasi” soʻzlari “Oʻrmon xoʻjaligi agentligi” soʻzlari bilan almashtirilsin;

“Davlat ekologiya qoʻmitasi” soʻzlari chiqarib tashlansin;

2-pozitsiyadagi “Oʻrmon xoʻjaligi davlat qoʻmitasi” soʻzlari “Oʻrmon xoʻjaligi agentligi” soʻzlari bilan almashtirilsin;

5-pozitsiyadagi “Davlat ekologiya qoʻmitasi, Davergeodezkadastr” soʻzlari “Ekologiya vazirligi, Qishloq xoʻjaligi vazirligi” soʻzlari bilan almashtirilsin;

15-pozitsiyadagi “Davlat ekologiya qoʻmitasi” soʻzlari “Ekologiya vazirligi” soʻzlari bilan almashtirilsin;

17 va 18-pozitsiyalardagi “Davlat ekologiya qoʻmitasi, Oʻrmon xoʻjaligi davlat qoʻmitasi” soʻzlari “Ekologiya vazirligi” soʻzlari bilan almashtirilsin;

19 va 20-pozitsiyalardagi “Davlat ekologiya qoʻmitasi” soʻzlari “Ekologiya vazirligi” soʻzlari bilan almashtirilsin;

21-pozitsiyadagi “Oʻrmon xoʻjaligi davlat qoʻmitasi” soʻzlari “Oʻrmon xoʻjaligi agentligi” soʻzlari bilan almashtirilsin;

22 — 24-pozitsiyalardagi “Davlat ekologiya qoʻmitasi” soʻzlari “Ekologiya vazirligi” soʻzlari bilan almashtirilsin.

6. Oʻzbekiston Respublikasi Prezidentining 2019-yil 26-noyabrdagi “Aholining ichimlik suvi bilan taʼminlanganlik darajasini oshirish va uning sifatini yaxshilash uchun Oʻzbekiston Respublikasining suv resurslarini boshqarishni takomillashtirish chora-tadbirlari toʻgʻrisida”gi PF-5883-son Farmoni 6-bandining uchinchi xatboshisi quyidagi tahrirda bayon etilsin:

“Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi huzuridagi Kadastr agentligi va “Oʻzsuvtaʼminot” AJ Yagona davlat suv fondining barcha suvlar turlariga nisbatan miqdoriy va sifat koʻrsatkichlari toʻgʻrisidagi hisob maʼlumotlarini tizimli ravishda Suv xoʻjaligi vazirligiga taqdim etib boradi”.

7. Oʻzbekiston Respublikasi Prezidentining 2020-yil 3-dekabrdagi “Resurs soliqlari va mol-mulk soligʻini yanada takomillashtirish toʻgʻrisida”gi PF-6121-son Farmoni 5-bandining birinchi xatboshisidagi “Xavfsiz daryo” DUKga” soʻzlari “Xavfsiz daryo boshqarmasi” davlat muassasasiga” soʻzlari bilan almashtirilsin.

8. Oʻzbekiston Respublikasi Prezidentining 2021-yil 16-iyundagi PF-6247-son Farmoni bilan tasdiqlangan Ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxatining 19-pozitsiyasi quyidagi tahrirda bayon etilsin:

9. Oʻzbekiston Respublikasi Prezidentining 2017-yil 25-sentabrdagi “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida”gi PQ-3286-son qarorida:

a) 1-bandda:

uchinchi xatboshidagi “Ekologiya va atrof-muhitni muhofaza qilish davlat qoʻmitasining” soʻzlari “Ekologiya, atrof-muhitni muhofaza qilish va iqlim oʻzgarishi vazirligining” soʻzlari bilan almashtirilsin;

toʻrtinchi xatboshidagi “Ekologiya va atrof muhitni muhofaza qilish davlat qoʻmitasi” soʻzlari “Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;

yettinchi xatboshidagi “Sanoat xavfsizligi davlat qoʻmitasi, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi” soʻzlari “Oʻzbekiston Respublikasi Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;

sakkizinchi xatboshidagi “Favqulodda vaziyatlar vazirligi huzuridagi “Xavfsiz daryo” davlat unitar korxonasi” soʻzlari “Ekologiya, atrof-muhitni muhofaza qilish va iqlim oʻzgarishi vazirligi huzuridagi “Xavfsiz daryo boshqarmasi” davlat muassasasi” soʻzlari bilan almashtirilsin;

b) 2-bandning uchinchi xatboshisidagi “Qishloq va suv xoʻjaligi vazirligi hamda Ekologiya va atrof-muhitni muhofaza qilish davlat qoʻmitasining” soʻzlari “Suv xoʻjaligi vazirligi hamda Ekologiya, atrof-muhitni muhofaza qilish va iqlim oʻzgarishi vazirligining” soʻzlari bilan almashtirilsin;

v) ilovaning 2-bandi quyidagi tahrirda bayon etilsin:

10. Oʻzbekiston Respublikasi Prezidentining 2018-yil 6-fevraldagi “Kirish turizmini rivojlantirish chora-tadbirlari toʻgʻrisida”gi PQ-3509-son qarorida:

a) 5-band quyidagi tahrirda bayon etilsin:

“5. Turizm qoʻmitasi va “Uzbekistan airways” AJ Oʻzbekiston Respublikasining xorijdagi diplomatik vakolatxonalarini Oʻzbekistonning turizm imkoniyatlarini namoyish etadigan zarur axborot materiallari bilan taʼminlasin, shuningdek, zarurat boʻlganda, Oʻzbekiston Respublikasining xorijdagi diplomatik vakolatxonalariga joylashgan mamlakatida “Oʻzbekiston” turizm brendini targʻib qilishga bagʻishlangan tadbirlarni oʻtkazish uchun Turizmni qoʻllab-quvvatlash jamgʻarmasidan mablagʻlar ajratsin”;

b) 8-bandning toʻrtinchi xatboshisi quyidagi tahrirda bayon etilsin:

“Belgilansinki, Turizm qoʻmitasining Sall-markazi faoliyat yuritishi bilan bogʻliq xarajatlar Turizmni qoʻllab-quvvatlash jamgʻarmasi mablagʻlari hisobidan moliyalashtiriladi”;

v) 10-band quyidagi tahrirda bayon etilsin:

“10. Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi va Madaniyat vazirligi har chorakda va yil yakunlariga koʻra respublikaning turizm imkoniyatlari va salohiyati, uning tarixiy shaxslari, tarixi, madaniyati, anʼanalari, sporti toʻgʻrisidagi eng yaxshi video, foto va audiomateriallarni aniqlash boʻyicha tanlovni tashkil qilish va oʻtkazish orqali mahalliy va chet ellik gʻoliblarni aniqlagan holda tegishlicha Ekologiya jamgʻarmasi, Turizmni qoʻllab-quvvatlash jamgʻarmasi hamda Madaniyat va sanʼatni rivojlantirish jamgʻarmasi mablagʻlari hisobiga taqdirlashni taʼminlasin”;

g) 15-bandning birinchi xatboshisidagi “Oʻzbekiston Respublikasi Turizmni rivojlantirish davlat qoʻmitasi” soʻzlari “Turizm qoʻmitasi Oʻzbekiston Respublikasi” soʻzlari bilan almashtirilsin.

11. Oʻzbekiston Respublikasi Prezidentining 2018-yil 7-fevraldagi “Ichki turizmni jadal rivojlantirishni taʼminlash chora-tadbirlari toʻgʻrisida”gi PQ-3514-son qarorining 3 va 7-bandlaridagi “Oʻzbekiston Respublikasi Turizmni rivojlantirish davlat qoʻmitasi” soʻzlari “Turizm qoʻmitasi” soʻzlari bilan almashtirilsin.

13. Oʻzbekiston Respublikasi Prezidentining 2018-yil 28-iyundagi “Ipak yoʻli” turizm xalqaro universitetini tashkil etish toʻgʻrisida”gi PQ-3815-son qarorida:

a) 3-bandda:

uchinchi xatboshidagi “Oʻzbekiston Respublikasi Turizm va sport vazirligi” soʻzlari “Turizm qoʻmitasi” soʻzlari bilan almashtirilsin;

toʻrtinchi xatboshidagi “Oʻzbekiston Respublikasi Turizm va sport vazirligining” soʻzlari “Turizm qoʻmitasining” soʻzlari bilan almashtirilsin;

oltinchi xatboshidagi “Oʻzbekiston Respublikasi Turizm va sport vazirligi” soʻzlari “Turizm qoʻmitasi” soʻzlari bilan almashtirilsin;

b) 10-bandning birinchi xatboshisidagi “Oʻzbekiston Respublikasi Turizm va sport vazirligi,” soʻzlari “Turizm qoʻmitasi, Oʻzbekiston Respublikasi” soʻzlari bilan almashtirilsin;

v) 15-bandning uchinchi xatboshisidagi “Oʻzbekiston Respublikasi Turizm va sport vazirligi huzuridagi Turizm va sportni qoʻllab-quvvatlash jamgʻarmasi” soʻzlari “Turizmni qoʻllab-quvvatlash jamgʻarmasi” soʻzlari bilan almashtirilsin;

g) 20-bandning birinchi xatboshisidagi “Oʻzbekiston Respublikasi Turizm va sport vazirligi, Oliy va oʻrta maxsus taʼlim vazirligi” soʻzlari “Turizm qoʻmitasi, Oʻzbekiston Respublikasi Oliy taʼlim, fan va innovatsiyalar vazirligi” soʻzlari bilan almashtirilsin.

14. Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasi Prezidenti huzuridagi Orolboʻyi xalqaro innovatsiya markazini tashkil etish toʻgʻrisida”gi PQ-3975-son qarorida:

a) 3-bandning uchinchi xatboshisi quyidagi tahrirda bayon etilsin:

“Xalqaro innovatsiya markazi direktori Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri tomonidan lavozimga tayinlanadi va lavozimidan ozod etiladi”;

b) 7-bandning ikkinchi va uchinchi xatboshilaridagi “Oʻzbekiston Respublikasi Prezidenti Administratsiyasi” soʻzlari “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin.

15. Oʻzbekiston Respublikasi Prezidentining 2019-yil 6-martdagi “Transport va turizm obyektlarida jamoat xavfsizligini taʼminlashning samarali tizimini joriy etishga oid qoʻshimcha chora-tadbirlar toʻgʻrisida”gi PQ-4229-son qarori 5-bandining ikkinchi xatboshisidagi “Oʻzbekiston Respublikasi Turizm va sport vazirligi huzuridagi budjetdan tashqari Turizm va sportni qoʻllab-quvvatlash jamgʻarmasiga” soʻzlari “Turizmni qoʻllab-quvvatlash jamgʻarmasiga” soʻzlari bilan almashtirilsin.

16. Oʻzbekiston Respublikasi Prezidentining 2019-yil 10-apreldagi PQ-4276-son qarori bilan tasdiqlangan Oʻzbekiston Respublikasi Favqulodda vaziyatlar vazirligi toʻgʻrisidagi nizomda:

4-bandning birinchi xatboshisidagi “Xavfsiz daryo” DUK,” soʻzlari chiqarib tashlansin;

9-bandning ikkinchi xatboshisidagi “Xavfsiz daryo” DUK” hamda” soʻzlari chiqarib tashlansin.

17. Oʻzbekiston Respublikasi Prezidentining 2020-yil 19-iyundagi “Turizm sohasini sanitariya-epidemiologik xavfsizlikning kuchaytirilgan rejimi talablariga qatʼiy rioya qilgan holda rivojlantirishga doir qoʻshimcha chora-tadbirlar toʻgʻrisida”gi PQ-4755-son qarorida:

a) 1-band “v” kichik bandining oltinchi xatboshisidagi “Oʻzbekiston Respublikasi Turizmni rivojlantirish davlat qoʻmitasi” soʻzlari “Turizm qoʻmitasi” soʻzlari bilan almashtirilsin;

b) 5-bandda:

“a” kichik bandning birinchi xatboshisidagi va “d” kichik banddagi “Oʻzbekiston Respublikasi Turizmni rivojlantirish davlat qoʻmitasi” soʻzlari “Turizm qoʻmitasi” soʻzlari bilan almashtirilsin;

“v” kichik bandidagi “Oʻzbekiston Respublikasi Turizmni rivojlantirish davlat qoʻmitasi huzuridagi budjetdan tashqari Turizm sohasini qoʻllab-quvvatlash jamgʻarmasi” soʻzlari “Turizmni qoʻllab-quvvatlash jamgʻarmasi” soʻzlari bilan almashtirilsin;

v) 8-bandning birinchi xatboshisidagi “Oʻzbekiston Respublikasi Turizmni rivojlantirish davlat qoʻmitasiga” soʻzlari “Turizm qoʻmitasiga” soʻzlari bilan almashtirilsin.

18. Oʻzbekiston Respublikasi Prezidentining 2021-yil 30-oktabrdagi “Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari toʻgʻrisida”gi PQ-5270-son qarori 6-bandining “b” kichik bandi beshinchi xatboshisidagi “Turizm va sport vazirligi huzuridagi budjetdan tashqari Turizm va sportni qoʻllab-quvvatlash jamgʻarmasi” soʻzlari “Turizmni qoʻllab-quvvatlash jamgʻarmasi” soʻzlari bilan almashtirilsin.

19. Oʻzbekiston Respublikasi Prezidentining 2022-yil 29-iyuldagi “Turkiy davlatlar bilan turizm sohasidagi hamkorlikni jadal rivojlantirish chora-tadbirlari toʻgʻrisida”gi PQ-338-son qarorida:

a) 4-bandning ikkinchi va uchinchi xatboshilaridagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

b) 8-bandning toʻrtinchi xatboshisidagi “Turizm va madaniy meros vazirligi huzuridagi budjetdan tashqari Turizmni qoʻllab-quvvatlash jamgʻarmasi” soʻzlari “Turizmni qoʻllab-quvvatlash jamgʻarmasi” soʻzlari bilan almashtirilsin;

v) 12-bandda:

“a” kichik bandning birinchi xatboshisi quyidagi tahrirda bayon etilsin:

“a) Fargʻona viloyati hokimligi, Oʻrmon xoʻjaligi agentligi, Raqamli texnologiyalar vazirligi hamda Turizm qoʻmitasi tomonidan “Turkiy dunyo bogʻi”, “Askiyachilar bogʻi” va “Shaxmat bogʻi” tematik bogʻlarida:”;

“b” kichik bandning ikkinchi xatboshisidagi “Turizm va madaniy meros vazirligi huzuridagi” soʻzlari “Turizm qoʻmitasi huzuridagi” soʻzlari bilan almashtirilsin.

20. Vazirlar Mahkamasining 2022-yil 23-noyabrdagi “Noruda materiallarni noqonuniy qazib olishda tabiiy obyektlarga yetkazilgan zararni hisoblash tartibini takomillashtirish toʻgʻrisida”gi 666-son qarorining 3-bandida:

a) “b” kichik band quyidagi tahrirda bayon etilsin:

“b) zararni qoplashdan tushgan pul mablagʻlari quyidagi tartibda taqsimlanadi:

13 foizi — Qoraqalpogʻiston Respublikasi budjeti, viloyatlar va Toshkent shahar mahalliy budjetlariga;

87 foizi — Ekologiya jamgʻarmasiga oʻtkaziladi”;

b) quyidagi mazmundagi “v” kichik bandi bilan toʻldirilsin:

“v) moratoriy joriy qilingan daryo oʻzanlarida noruda materiallarini noqonuniy qazib olish natijasida tabiatga yetkazilgan zarar uchun undirish summalari 10 baravarga oshirilgan holda qoʻllaniladi”;

v) quyidagi mazmundagi “g” kichik bandi bilan toʻldirilsin:

“g) moratoriy davrida daryo oʻzanlarida noruda materiallarini noqonuniy qazib olish natijasida tabiatga yetkazilgan zarar uchun undirish summalari 10 baravarga oshirilgan holda qoʻllanishidan tushgan mablagʻlar toʻliq Ekologiya jamgʻarmasiga yoʻnaltiriladi”.