Oʻzbekiston Respublikasida ekologik turizmni jadal rivojlantirish chora-tadbirlari toʻgʻrisida (PQ-21-son)

12.01.2024

Oʻzbekiston Respublikasi Prezidentining

Qarori

Turizm xizmatlarini diversifikatsiya qilish va investitsiya loyihalarini amalga oshirishni jadallashtirish, mamlakatimizning mavjud resurslaridan oqilona foydalanish hisobiga ekologik turizmni rivojlantirish uchun yanada qulay sharoitlar yaratish va unga toʻgʻridan-toʻgʻri xorijiy investitsiyalarni jalb qilish hamda tadbirkorlik subyektlari uchun qoʻshimcha imkoniyatlar yaratish orqali togʻli va chekka hududlar hamda choʻl mintaqalaridagi aholini ish bilan taʼminlash, ularning daromad manbaini kengaytirish maqsadida:

1. Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida (keyingi oʻrinlarda — ekohududlar) joylashgan yer uchastkalarini kompleks turizm xizmatlarini yoʻlga qoʻygan holda turistik klasterlar tashkil etish uchun tadbirkorlik subyektlariga ajratish toʻgʻrisidagi takliflari maʼqullansin.

2. Shunday tartib oʻrnatilsinki, unga koʻra:

ekohududlarda joylashgan yer uchastkalari ularning toifasi oʻzgartirilmagan holda turistik klasterlar tashkil etish uchun tadbirkorlik subyektlariga “E-auksion” elektron savdo platformasi orqali faoliyat koʻrsatish muddatini keyinchalik uzaytirish imkoniyati bilan 10 yil muddatga ijaraga beriladi;

Ekologiya vazirligiga ekohududlarda tashkil etiladigan turistik klasterlarning batafsil rejalashtirish loyihalari va master rejalarini ishlab chiqish uchun xorijiy loyiha institutlarini, shuningdek, maslahatchilarni jalb qilish huquqi beriladi;

ekohududlarda tashkil etiladigan turistik klasterlarning batafsil rejalashtirish loyihalari va master rejalarini ishlab chiqish uchun loyihalashtirish va konsalting kompaniyalari, mahalliy va xorijiy ekspertlar hamda boshqaruvchi kompaniyalar xizmatlariga haq toʻlash Ekologiya jamgʻarmasi mablagʻlari hamda qonunchilik hujjatlarida taqiqlanmagan boshqa manbalar hisobidan amalga oshiriladi;

turistik klasterlar hududidagi turistik obyektlar Ekologiya vazirligi hamda Qurilish va uy-joy kommunal xoʻjaligi vazirligi tomonidan belgilanadigan yengil va tez quriladigan konstruksiya hamda ekologik toza qurilish materiallaridan barpo etiladi;

ekohududlarda tashkil etiladigan turistik klasterlarda turizm xizmatlari inson faoliyatining atrof-muhitga salbiy taʼsirining oldini olishni nazarda tutuvchi ekohududlarni rivojlantirish dasturlariga muvofiq koʻrsatiladi. Bunda, ekohududlarni rivojlantirish dasturlari Ekologiya vazirligi tomonidan ishlab chiqiladi va tasdiqlanadi.

3. Quyidagilar:

“Tabiatga sayohat” ekoturizmni rivojlantirish milliy dasturini 1-ilovaga muvofiq;

Davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida tashkil qilinishi mumkin boʻlgan faoliyat (xizmat) turlari roʻyxati 2-ilovaga muvofiq;

Davlat qoʻriqxonalari, pitomniklar, milliy tabiat bogʻlari va oʻrmon xoʻjaliklarida ekoturizm xizmatlari yoʻlga qoʻyiladigan hududlarning roʻyxati 3-ilovaga muvofiq;

Plyaj va suvda dam olish turizm xizmatlari tashkil etiladigan respublikadagi yirik suv havzalari roʻyxati 4-ilovaga muvofiq;

Zamonaviy talablar asosida dor yoʻllari qurilishi rejalashtirilgan tuman va shaharlar roʻyxati 5-ilovaga muvofiq;

Ekologik turizm yoʻnalishida faoliyati yoʻlga qoʻyiladigan istiqbolli turistik klaster loyihalarining manzilli roʻyxati 6-ilovaga muvofiq tasdiqlansin.

4. Vazirlar Mahkamasi (A. Ramatov) ikki oy muddatda ekologik turizm yoʻnalishida faoliyati yoʻlga qoʻyiladigan istiqbolli turistik klaster loyihalarini amalga oshirish dasturini tasdiqlasin.

5. Ekologiya vazirligi Qurilish va uy-joy kommunal xoʻjaligi vazirligi bilan birgalikda ushbu qarorga 3-ilovada koʻrsatilgan davlat qoʻriqxonalari bufer zonalari, pitomniklar, milliy tabiat bogʻlari va oʻrmon xoʻjaliklarining batafsil rejalashtirish loyihalari va master rejalarini quyidagilarni nazarda tutgan holda belgilangan muddatlarda ishlab chiqilishini taʼminlasin:

hududning mavjud tabiiy resurslaridan kelib chiqqan holda turistik soʻqmoqlar, selfi zona va piknik zonalar, manzarali tomosha qilish maydonchalari va hayvonlarni masofadan kuzatish imkonini beruvchi fototurlarni tashkil qilish hududlarini belgilash;

chiqindilarni tashlash va ekohududda oʻrnatiladigan yoʻl koʻrsatkichlari nuqtalarini belgilash hamda ekologik talablarga javob beradigan sanitariya-gigiyena shoxobchalarini joylashtirish;

kemping, glemping, oʻtov, ekouylar va boshqa turdagi joylashtirish vositalari joylashuvini belgilash;

ekohududlarga kirish qismida elektromobillar uchun quvvatlantirish stansiyalari, koʻchma restoranlari mavjud boʻlgan avtoturargohlar joylashuvini belgilash;

ekohududlarda mavjud turizm xizmatlari va turistik salohiyat toʻgʻrisida maʼlumot olish, ekohududning elektron turistik xaritasi, suvenir mahsulotlari savdosi va boshqa xizmatlar koʻrsatadigan tashrif markazlari (visitor center) joylashuvini belgilash.

6. Investitsiyalar, sanoat va savdo vazirligi Ekologiya vazirligi bilan birgalikda ekohududlarda turistik klasterlarni tashkil qilish uchun salohiyatli xorijiy va mahalliy investorlar hamda xorijiy va xalqaro tashkilotlarni, shu jumladan ularning grant mablagʻlarini jalb qilish choralarini koʻrsin. Bunda:

ekohududlarda yoʻl-transport, kommunal va turizm infratuzilmalarini qurish xarajatlarini xorijiy investorlar mablagʻlari hisobidan qoplash boʻyicha muzokaralar oʻtkazilishini taʼminlasin;

salohiyatli xorijiy investorlarga loyiha takliflari (obyektlari) toʻgʻrisida “Road-show” taqdimotlar oʻtkazsin;

har chorakda xorijiy investorlar bilan oʻtkazilgan muzokaralar yakuni boʻyicha tashabbuskorlar, amalga oshirish muddatlari va moliyalashtirish manbalarini aniq belgilagan holda turizm infratuzilmasini tezkor rivojlantirishga qaratilgan investitsiya loyihalari roʻyxatini shakllantirib borsin.

7. Ekohududlarda tashkil etiladigan turistik klasterlarda faoliyat koʻrsatuvchi tadbirkorlik subyektlariga yer uchastkasini ijaraga berishda quyidagilar nazarda tutilsin:

ekohududlarni rivojlantirish dasturida belgilangan vazifalarni oʻz vaqtida va sifatli amalga oshirish;

ekohududning ekologik holati va turizmni rivojlantirishning barqarorligini taʼminlash;

ekohududda noyob tabiiy obyektlar va majmualarni, oʻsimliklar va hayvonlarning genetik fondini saqlash boʻyicha chora-tadbirlarni amalga oshirish;

ekologik talablar asosida turizm xizmatlarini diversifikatsiya qilish va xizmatlar sifatini jahon standartlari darajasiga yetkazish;

energiyaning muqobil va qayta tiklanuvchi manbalaridan foydalangan holda yangi zamonaviy energiya tejovchi tizimlar va texnologiyalarni joriy qilish asosida oʻziga xos ekologik tizimni yaratish boʻyicha loyihalarni amalga oshirish;

ekohududga mahalliy va xorijiy investitsiyalarni jalb qilish;

yangi ish oʻrinlarini yaratish orqali aholi daromadlarini oshirish;

innovatsion va zamonaviy turizm infratuzilmasini yaratish;

turizm xizmatlarini koʻrsatuvchilar va isteʼmolchilar oʻrtasida avtomatlashtirilgan maxsus elektron dastur yordamida axborot almashinuvini tizimli yoʻlga qoʻyish orqali tashrif buyuruvchilar oqimini koʻpaytirish;

ekohududdagi turistik soʻqmoqlar va yoʻl koʻrsatkichlarining belgilangan talablarga muvofiqligini taʼminlab borish;

yangi turizm xizmatlarini (shu jumladan, Planting Tour, Plogging Tour va boshqalar) va ekoaksiyalarni tashkil qilib borish;

ekohududning ishlab chiqilgan brendi asosida targʻibot dasturlarini amalga oshirish;

ekohududning rekreatsion salohiyatini oshirish;

turistik klasterlarning tashrif markazlarida turistlar hisobini yuritib borishni taʼminlash.

8. Belgilansinki:

a) davlat qoʻriqxonalari bufer zonalari, milliy tabiat bogʻlari, pitomniklar yer uchastkalarini va davlat mulki obyektlarini ijaraga berishdan tushgan mablagʻlar quyidagicha taqsimlanadi:

50 foizi — davlat qoʻriqxonalari bufer zonalari, milliy tabiat bogʻlari, pitomniklar yerlaridan doimiy foydalanuvchilarga;

10 foizi — Davlat aktivlarini boshqarish agentligi huzuridagi Davlat mulki obyektlaridan samarali foydalanish markaziga;

40 foizi — Ekologiya jamgʻarmasiga;

b) davlat qoʻriqxonalari bufer zonalari, milliy tabiat bogʻlari, pitomniklar, oʻrmon va oʻrmon-ov xoʻjaliklari hududiga kirish uchun toʻlovlardan tushgan mablagʻlar quyidagicha taqsimlanadi:

30 foizi — Ekologiya jamgʻarmasiga;

30 foizi — mahalliy budjetga;

40 foizi — davlat qoʻriqxonalari bufer zonalari, milliy tabiat bogʻlari, pitomniklar, oʻrmon va oʻrmon-ov xoʻjaliklari yerlaridan doimiy foydalanuvchilarga;

v) 2028-yil 1-yanvargacha turistik klasterlarda yoʻriqchi-yoʻl boshlovchilar tayyorlash va ularning malakasini oshirish xarajatlari Turizmni qoʻllab-quvvatlash jamgʻarmasi mablagʻlari hisobidan qoplab beriladi;

g) davlat buyurtmachilariga xarid jarayoni ochiqligini taʼminlagan holda oʻz xodimlari uchun sayohatlarni ekohududlarga tashkil qilish maqsadida turoperatorlar oʻrtasida eng yaxshi takliflarni tanlash natijalariga koʻra turistik mahsulotlarni xarid qilishga ruxsat beriladi.

9. Ekologiya vazirligi:

a) “Oʻzbekistonda barqaror oʻrmon landshaftlarini tiklash” loyihasi doirasida davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalaridagi turistik klasterlarda tashrif markazlarini barpo qilish va tadbirkorlik subyektlarini jalb qilgan holda ushbu hududlarda turistik soʻqmoqlarni qurish loyihalarini amalga oshirsin;

b) 2024-yil 1-sentabrga qadar quyidagilarni nazarda tutuvchi “Tabiatga sayohat” elektron platformasi va uning mobil ilovasini ishga tushirsin:

ekohududlardagi turistik klasterlar elektron xaritasi;

turistik klasterlarning tashrif markazlarida taqdim etiladigan xizmatlar toʻgʻrisidagi maʼlumotlar;

ushbu hududlarga sayohatni rejalashtirish va joylashtirish vositalarini oldindan band qilish;

mavjud togʻ va gʻorlar, turistik soʻqmoqlar hamda ularning imkoniyatlari toʻgʻrisidagi maʼlumotlar.

Bunda, eng yaxshi taklifni bildirgan tadbirkorlik subyektlari ularni tanlash asosida Ekologiya jamgʻarmasi mablagʻlari hisobidan jalb qilinishi mumkin.

10. Ekologiya, atrof-muhitni muhofaza qilish va iqlim oʻzgarishi vaziriga:

ekohududlarda turizm salohiyati yuqori boʻlgan turistik soʻqmoqlarni aniqlash, ular boʻylab yaratiladigan infratuzilmaning (yoʻl koʻrsatkichlari, kemping, dam olish joylari va boshqa) joylashuvini belgilash, shuningdek, ularning elektron xaritasini ishlab chiqish uchun maʼlumotlar shakllantirishga mutaxassis va mahalliy aholini jalb qilish;

ushbu qarorga 5-ilovada belgilangan tuman va shaharlarda avtokemping lagerlari tashkil qilinadigan hududlarni belgilash vakolati berilsin.

11. Belgilansinki, turizm infratuzilmasini rivojlantirish maqsadida 2027-yil 1-yanvarga qadar:

choʻl hududlarida rekreatsion turistik xizmatlarni koʻrsatuvchi kurort zonalarini (toifali mehmonxonalar, SPA-mehmonxonalar, sanatoriy va pansionatlar) tashkil qilgan tadbirkorlik subyektlari uch yil davomida foyda soligʻini va yuridik shaxslardan olinadigan yer soligʻini ushbu soliqlar boʻyicha belgilangan soliq stavkalariga nisbatan 50 foizga kamaytirilgan soliq stavkalari boʻyicha toʻlaydi;

choʻl hududlarida tematik xiyobonlarni tashkil qilgan yuridik shaxslar tematik xiyobonlar foydalanishga topshirilgan kundan eʼtiboran uch yil davomida yuridik shaxslarning mol-mulkiga solinadigan soliqni va yuridik shaxslardan olinadigan yer soligʻini ushbu soliqlar boʻyicha belgilangan soliq stavkalariga nisbatan 50 foizga kamaytirilgan soliq stavkalari boʻyicha toʻlaydi.

12. Oʻzbekiston Respublikasi Prezidentining 2023-yil 27-iyuldagi “Turizm yoʻnalishidagi islohotlarni yanada jadallashtirish va sohada davlat boshqaruvi tizimini samarali tashkil qilish chora-tadbirlari toʻgʻrisida”gi PQ-238-son qarorining 5-bandi “yer soligʻi” soʻzlaridan keyin “hamda foyda soligʻi” soʻzlari bilan toʻldirilsin.

13. Ekologiya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalarni nazarda tutuvchi tegishli normativ-huquqiy hujjatlar loyihalarini Vazirlar Mahkamasiga kiritsin.

14. Mazkur qarorning ijrosini samarali tashkil qilishga masʼul va shaxsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 12-yanvar,

PQ-21-son

Oʻzbekiston Respublikasi Prezidentining 2024-yil 12-yanvardagi PQ-21-son qaroriga 1-ILOVA

“Tabiatga sayohat” ekoturizmni rivojlantirish

MILLIY DASTURI

T/r Chora-tadbirlar nomi Ijro muddati Moliyalashtirish manbai Ijro uchun masʼullar 1. Quyidagilarni nazarda tutuvchi Vazirlar Mahkamasining qarori loyihasini ishlab chiqish: davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida (keyingi oʻrinlarda — ekohududlar) joylashgan yer uchastkalari uchastkalarini ularning toifasini oʻzgartirilmagan holda turistik klasterlar tashkil etish uchun tadbirkorlik subyektlariga “E-auksion” elektron savdo platformasi orqali faoliyat koʻrsatish muddatini keyinchalik uzaytirish imkoniyati bilan 10 yil muddatga ijaraga berish; ekohududlarda joylashgan turistik klasterlar tashkil etish uchun ijaraga beriladigan yer uchastkalariga yillik ijara miqdorini belgilash tartibini ishlab chiqish; ekohududlarda joylashgan yer uchastkalarini turistik klasterlar tashkil etish uchun ijaraga berish boʻyicha tadbirkorlik subyektlari bilan tuziladigan namunaviy shartnomani ishlab chiqish; Mazkur qarorning 3-ilovasida belgilangan davlat qoʻriqxonalari bufer zonalari, pitomniklar, milliy tabiat bogʻlari, oʻrmon xoʻjaliklarida turistik klasterlar faoliyati yoʻlga qoʻyiladigan hududlar chegaralarini belgilash. Amalga oshirish shakli: normativ-huquqiy hujjat loyihasi. 2024-yil mart - Ekologiya, atrof-muhitni muhofaza qilish va iqlim oʻzgarishi vazirligi, Davlat aktivlarini boshqarish agentligi, Qoraqalpogʻiston Respublikasi Vazirlar Kengashi va viloyatlar hokimliklari 2. Mazkur qarorga 3-ilovada koʻrsatilgan davlat qoʻriqxonalari, pitomniklar, milliy tabiat bogʻlari va oʻrmon xoʻjaliklarining batafsil rejalashtirish loyihalari va master-rejalarini ishlab chiqish ishlarini tashkil qilish. Amalga oshirish shakli: amaliy chora-tadbirlar. 2024-2025-yillar davomida Ekologiya jamgʻarmasi mablagʻlari va qonunchilikda taqiqlanmagan boshqa manbalar Ekologiya, atrof-muhitni muhofaza qilish va iqlim oʻzgarishi vazirligi, Qurilish va uy-joy kommunal xoʻjaligi vazirligi, Qoraqalpogʻiston Respublikasi Vazirlar kengashi va viloyatlar hokimliklari 3. Ekohududlarda tashkil etiladigan turistik klasterlar hududida turistik obyektlarni qurish uchun yengil va tez quriladigan konstruksiya hamda ekologik toza qurilish materiallarga qoʻyiladigan norma va talablarni belgilash. Amalga oshirish shakli: qoʻshma idoraviy hujjat. 2024-yil mart - Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi 4. Ekohududlarda yaqin besh yillik davrda inson faoliyati natijasida ekologiya va atrof-muhitga yetkazilishi mumkin boʻlgan har qanday zararning oldini olishni nazarda tutgan holda rivojlantirish dasturini ishlab chiqish. Amalga oshirish shakli: har bir ekohududni rivojlantirish dasturini ishlab chiqish boʻyicha reja-grafik. 2024-yil aprel - Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar kengashi va viloyatlar hokimliklari 5. Davlat qoʻriqxonalari bufer zonalari, milliy tabiat bogʻlari, pitomniklar, oʻrmon xoʻjaliklari hududiga kirish uchun toʻlov undirish miqdori, tartibini ishlab chiqish. Bunda, toʻlovlarni elektron kuzatish imkoniyatini yaratish nazarda tutiladi. Amalga oshirish shakli: normativ-huquqiy hujjat loyihasi. 2024-yil aprel - Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi 6. Ekohududlarning oʻziga xos xususiyatlaridan kelib chiqqan holda ularning brendini ishlab chiqish. Amalga oshirish shakli: har bir ekohududning brendini ishlab chiqish boʻyicha reja-grafik. 2024-yil may - Ekologiya, atrof-muhitni muhofaza qilish va iqlim oʻzgarishi vazirligi, manfaatdor vazirlik va idoralar 7. Davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida yoʻl koʻrsatkichlarni markirovkalash tartibini belgilash. Amalga oshirish shakli: normativ-huquqiy hujjat loyihasi. 2024-yil aprel - Turizm qoʻmitasi, Investitsiyalar, sanoat va savdo vazirligi 8. Davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida quyidagilarni nazarda tutuvchi turistik soʻqmoqlar tashkil qilish tartibini belgilash: turistik soʻqmoqlarga talablar va ularni tashkil qilish; turistik soʻqmoqlar reyestrini yuritish; turistik soʻqmoqlarni belgilangan talablar darajasida saqlash majburiyatini belgilash; turistik soʻqmoqlarning elektron xaritalarini ishlab chiqish; turistik soʻqmoqlarning marshrut yoʻnalishlarini internet xaritalarda belgilash. Amalga oshirish shakli: normativ-huquqiy hujjat va standart loyihasi. 2024-yil aprel - Ekologiya, atrof-muhitni muhofaza qilish va iqlim oʻzgarishi vazirligi, Investitsiyalar, sanoat va savdo vazirligi, Favqulodda vaziyatlar vazirligi 9. Quyidagilarni nazarda tutuvchi davlat tilida va kamida ikki xorijiy tillarda yuritiladigan “Tabiatga sayohat” elektron platformasi va uning mobil ilovasini ishlab chiqish: turistik klasterlari hududlarining elektron xaritasi; tashrif markazlarida taqdim etiladigan xizmatlar toʻgʻrisida maʼlumotlar; ushbu hududlarga sayohatlarni rejalashtirish va joylashtirish vositalarini oldindan band qilish; respublika hududida mavjud turistik soʻqmoqlar va ular imkoniyatlari toʻgʻrisida maʼlumotlar. Amalga oshirish shakli: platformani ishlab chiqish va ishga tushirish. 2024-yil avgust Ekologiya jamgʻarmasi mablagʻlari va qonunchilikda taqiqlanmagan boshqa manbalar Ekologiya, atrof-muhitni muhofaza qilish va iqlim oʻzgarishi vazirligi, Raqamli texnologiyalar vazirligi 10. Davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida tashkil etiladigan tashrif markazlarini (visitor center) qoʻyiladigan talablarni belgilash. Amalga oshirish shakli: standart loyihasi. 2024-yil may - Turizm qoʻmitasi, Investitsiyalar, sanoat va savdo vazirligi 11. Davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalari hududi va ular atrofidagi chiqindilarni toʻplash va olib chiqib ketish tartibini ishlab chiqish. Amalga oshirish shakli: normativ-huquqiy hujjat loyihasi. 2024-yil may - Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar Kengashi va viloyatlar hokimliklari 12. Turistik klasterlar tashkil qilish uchun salohiyati yuqori boʻlgan togʻli va choʻl hududlari hamda suv obyektlarining suvni muhofaza qilish zonalarini rejalashtirish va loyihalashtirish ishlarini tashkil qilish. Amalga oshirish shakli: rejalashtirish loyihalarini ishlab chiqishni nazarda tutuvchi reja-grafik. 2024-yil may - Ekologiya, atrof-muhitni muhofaza qilish va iqlim oʻzgarishi vazirligi, Qurilish va uy-joy kommunal xoʻjaligi vazirligi, Suv xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari 13. Oʻzbekistonning ekoturizm xaritasini ishlab chiqish va chop etish. Amalga oshirish shakli: ekoturizm xaritasini ishlab chiqish. 2024-yil yanvardan boshlab, doimiy Ekologiya jamgʻarmasi mablagʻlari Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar Kengashi va viloyatlar hokimliklari 14. Quyidagi joylashtirish vositalariga toifa (yulduz) berish tartibini belgilash: Glempinglar va oʻtovlar; modulli mehmonxonalar. Amalga oshirish shakli: standart loyihasi. 2024-yil iyun - Turizm qoʻmitasi, Investitsiyalar, sanoat va savdo vazirligi 15. Ekohududlarda oʻljalardan va tabiat inʼom etgan mahsulotlardan suvenirlarni tayyorlashni yoʻlga qoʻyish. Amalga oshirish shakli: amaliy chora-tadbirlar. 2024-yil apreldan boshlab, doimiy - Savdo-sanoat palatasi, Hunarmand uyushmasi, Qoraqalpogʻiston Respublikasi Vazirlar Kengashi va viloyatlar hokimliklari 17. Ekohududlarda turistlarga birinchi tibbiy yordam koʻrsatish tartibini ishlab chiqish. Amalga oshirish shakli: normativ-huquqiy hujjat loyihasi. 2024-yil aprel - Sogʻliqni saqlash vazirligi, Ichki ishlar vazirligi, Favqulodda vaziyatlar vazirligi, Ekologiya, atrof-muhitni muhofaza qilish va iqlim oʻzgarishi vazirligi 18. Ekohududlarda ommaviy-madaniy tadbirlarni tashkil qilish va ularni oʻtkazish, shuningdek, mazkur hududlarda tashkil etiladigan tadbirlarning yagona kalendar rejasini shakllantirish tartibini ishlab chiqish. Amalga oshirish shakli: normativ-huquqiy hujjat loyihasi. 2024-yil iyun - Ekologiya, atrof-muhitni muhofaza qilish va iqlim oʻzgarishi vazirligi, Yoshlar ishlari va sport vazirligi, manfaatdor vazirlik va idoralar 19. Choʻl hududlarida tadbirkorlik subyektlarining turistlarga koʻchat va butalar ekish hamda daraxtlardan labirint xizmatlari tashkil qilish loyihalari uchun koʻchat va butalarni xarid qilish tartibini ishlab chiqish. Amalga oshirish shakli: normativ-huquqiy hujjat loyihasi. 2024-yil iyul - Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi 20. Ekohududlarda joylashtirish vositalarini qayta tiklanuvchi energiya manbalari qurilmalari, ularni mustaqil va koʻchma oqova suv tizimi bilan taʼminlash xarajatlarini qoplab berish tartibini ishlab chiqish. Amalga oshirish shakli: normativ-huquqiy hujjat loyihasi. 2024-yil iyun - Ekologiya, atrof-muhitni muhofaza qilish va iqlim oʻzgarishi vazirligi, Energetika vazirligi, Qurilish va uy-joy kommunal vazirligi, Iqtisodiyot va moliya vazirligi 21. Ekohududlarda turoperatorlar tomonidan turizm xizmatlarini tashkil qilish davomida sayyohlar xavfsizligini taʼminlash tizimini takomillashtirishni nazarda tutuvchi tartibni belgilash. Amalga oshirish shakli: normativ-huquqiy hujjat loyihasi. 2024-yil aprel - Turizm qoʻmitasi, Favqulodda vaziyatlar vazirligi, Ichki ishlar vazirligi 22. Ekohududlarda ziplayn xizmatlari va kanatli park (taypark) ekstremal turizm majmuasini tashkil qilgan tadbirkorlik subyektlari xarajatlarining qoplab berish tartibini belgilash. Amalga oshirish shakli: normativ-huquqiy hujjat loyihasi. 2024-yil iyun - Ekologiya, atrof-muhitni muhofaza qilish va iqlim oʻzgarishi vazirligi, Qurilish va uy-joy kommunal vazirligi, Iqtisodiyot va moliya vazirligi 23. Yovvoyi hayvonlarni ovlashga ruxsat berish, rasmiylashtirish, hisobini yuritish, onlayn toʻlov hamda olingan ruxsatnomalardan foydalanishni nazorat qilish mexanizmini oʻz ichiga olgan yagona avtomatlashtirilgan elektron tizim va uning mobil ilovasini yaratish hamda uni Yagona interaktiv davlat xizmatlari portali bilan integratsiya qilinishini taʼminlash. Amalga oshirish shakli: amaliy chora-tadbirlar. 2024-yil davomida - Ekologiya, atrof-muhitni muhofaza qilish va iqlim oʻzgarishi vazirligi, Raqamli texnologiyalar vazirligi, Adliya vazirligi 24. Respublikaning tuman va shaharlarida tabiat muzeylarini tashkil qilishni nazarda tutuvchi dastur ishlab chiqish. Amalga oshirish shakli: normativ-huquqiy hujjat loyihasi. 2025-yil mart - Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Madaniy meros agentligi, Qoraqalpogʻiston Respublikasi Vazirlar Kengashi va viloyatlar hokimliklari 25. Ekohududlarda muhandislik-kommunikatsiya tarmoqlari, yoʻl infratuzilmasini yaxshilash, turizm va unga yondosh infratuzilmani qurish, rekonstruksiya qilish uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi hamda investitsiya dasturiga kiritib borish. Amalga oshirish shakli: amaliy chora-tadbirlar. 2024-yil davomida, doimiy - Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Investitsiyalar, sanoat va savdo vazirligi 26. Quyidagilarni nazarda tutuvchi qaror loyihasini ishlab chiqish: yoʻriqchi-yoʻl boshlovchilarni tayyorlash boʻyicha oʻquv dasturlari, ularga toifalarni belgilash hamda malaka sertifikatini berish tartibi; ekoturizm yoʻnalishida turoperatorlik faoliyatini amalga oshirishda turistlar hayoti va sogʻligiga javobgarlikni kuchaytirishni nazarda tutuvchi talablarni belgilash. Amalga oshirish shakli: normativ-huquqiy hujjat va standart loyihasi. 2024-yil aprel - Turizm qoʻmitasi, Oliy taʼlim, fan va innovatsiyalar vazirligi, Investitsiyalar, sanoat va savdo vazirligi 27. Qoʻshni respublikalar bilan chegaradosh hududlar orqali koʻchib yuruvchi yovvoyi hayvonlarning yillik sonini aniqlash tartibini belgilash. Amalga oshirish shakli: qoʻshma reglament loyihasi. 2024-yil avgust - Ekologiya, atrof-muhitni muhofaza qilish va iqlim oʻzgarishi vazirligi, Fanlar akademiyasi, Tashqi ishlar vazirligi 28. Qoʻshni respublikalar bilan chegaradosh hududlar orqali koʻchib yuruvchi yovvoyi hayvonlarning yillik sonini aniqlash boʻyicha idoralararo elektron axborot almashuvi tizimini joriy qilish hamda hisobga kiritilgan (olingan) yovvoyi hayvonlarga oid maʼlumotlarni ommaviy axborot vositalarida yoritib borish. Amalga oshirish shakli: amaliy chora-tadbirlar. 2024-yil sentabrdan boshlab, har chorakda Ekologiya jamgʻarmasi va qonunchilikda taqiqlanmagan mablagʻlar Ekologiya, atrof-muhitni muhofaza qilish va iqlim oʻzgarishi vazirligi 29. Surxon davlat qoʻriqxonasining Zarautsoy qoʻriqlanma hududida kamida 5 ta ekoturizm maskanlarini tashkil etish boʻyicha investorlarni jalb qilish choralarini koʻrish. Amalga oshirish shakli: amaliy chora-tadbirlar. 2024 — 2026-yillar davomida - Ekologiya, atrof-muhitni muhofaza qilish va iqlim oʻzgarishi vazirligi, Surxondaryo viloyati hokimligi 30. Respublikaning togʻli hududlarida dor yoʻli va tomosha maydonlarini va choʻl hududlarida 20 ta safari, ralli va boshqa ekstremal turizm obyektlarini tashkil qilish. Amalga oshirish shakli: amaliy chora-tadbirlar. 2024 — 2026-yillar davomida - Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 31. Qonunchilik hujjatlariga ushbu qarordan kelib chiqadigan oʻzgartirish va qoʻshimchalarni nazarda tutuvchi tegishli normativ-huquqiy hujjatlar loyihalarini Vazirlar Mahkamasiga kiritish. Bunda, Oʻzbekiston Respublikasining “Muhofaza etiladigan tabiiy hududlar toʻgʻrisida”gi va “Turizm toʻgʻrisida”gi qonunlariga oʻzgartirish va qoʻshimchalar kiritishni inobatga olish. Amalga oshirish shakli: Qonun loyihasi. 2024-yil aprel - Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Adliya vazirligi 32. “Yashil sayohat” (Green travel) milliy standart va sertifikatlash tizimini yaratish. Bunda, joylashtirish vositalari, shu jumladan, muhofaza etiladigan hududlarda barpo etiladigan mehmonxona (kemping, glemping, ekouylar, oʻtovlar va b.), hunarmandchilik mahsulotlari, ovqatlanish va chakana savdo, osma dor yoʻllari va boshqa turdagi turistik obyektlarni faqatgina ekologik toza hamda qayta ishlanadigan materiallardan barpo etishga qoʻyiladigan talablarni belgilash. Amalga oshirish shakli: milliy standart va sertifikatlash tartibi. 2024 — 2026-yillar davomida Ijrochilar mablagʻlari Ekologiya, atrof-muhitni muhofaza qilish va iqlim oʻzgarishi vazirligi, Investitsiyalar, sanoat va savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Oʻzbekiston Respublikasi Prezidentining 2024-yil 12-yanvardagi PQ-21-son qaroriga 2-ILOVA

Davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida tashkil qilinishi mumkin boʻlgan faoliyat (xizmat) turlari

ROʻYXATI

T/r Faoliyat (xizmat) turi 1. Tashrif markazlari (Visitor center) 2. Tabiat muzeyi 3. Modulli mehmonxonalar 4. Glempinglar majmuasi 5. Chodirli (kemping) lagerlar 6. Oʻtovli lagerlar 7. Avtokempinglar majmuasi 8. Ekouylar majmuasi 9. Konteyner shaharchalar 10. Hunarmandchilik va suvenir mahsulotlari savdosi 11. Piknik zona 12. Baliq ovlash va suv boʻyi turizmi maskanlari 13. Ekstremal turizm yoʻnalishida zarur boʻladigan anjomlar ijarasi markazi 14. Boshqariladigan (dirijabl, havo shari) va boshqarilmaydigan (erkin uchish) aerostatlar 15. Banji-jamping attraksionlari 16. Ziplayn attraksionlari 17. Zorbing markazi 18. Velosiped ijarasi 19. Kvadrotsikl va baggikarlar ijarasi (togʻli, choʻl va qumli hududlarda) 20. Jip turlar (choʻl va qumli hududlarda) 21. Kanatli (arqonli) park (Taypark) 22. Sunʼiy qoyalarga chiqish (skalodrom) 23. Ot va tuyada sayr qilish xizmati 24. Rafting xizmati 25. Kayaking xizmati 26. Kaytsyorfing xizmati 27. Deltaplan xizmati 28. Motoparaplan xizmati 29. Trekking va xayking uchun ekskursovod xizmati 30. Elektromotorli qayiqlar ijarasi 31. Qorda harakatlanishga moʻljallangan maxsus transport vositalari (togʻli hududlarda) 32. Zorbing xizmati 33. Qumli serfing va sendbording xizmati 34. Qushlarni kuzatish (byordvotching) uchun maxsus joy 35. Selfi zona 36. Ekstremal turizm uchun tematik park 37. Tungi vaqtda yulduzlarni kuzatish xizmati 38. Oʻsimlik, daraxt va butalardan labirint faoliyati (choʻl va qumli hududlarda)

Izoh: Oʻzbekiston Respublikasi Vazirlar Mahkamasi davlat qoʻriqxonalari bufer zonalari, milliy tabiat bogʻlari, pitomniklar (qoʻriqxonaga aylantirilgan zonalar bundan mustasno), oʻrmon va oʻrmon-ov xoʻjaliklari, togʻli va choʻl hududlari hamda suv obyektlarining suvni muhofaza qilish zonalarida tashkil qilinishi mumkin boʻlgan faoliyat (xizmat) turlari roʻyxatiga oʻzgartirish va qoʻshimchalar kiritish huquqiga ega.

Oʻzbekiston Respublikasi Prezidentining 2024-yil 12-yanvardagi PQ-21-son qaroriga 3-ILOVA

Davlat qoʻriqxonalari, pitomniklar, milliy tabiat bogʻlari va oʻrmon xoʻjaliklarida ekoturizm xizmatlari yoʻlga qoʻyiladigan hududlarning

ROʻYXATI

T/r Hudud nomi Batafsil rejalashtirish loyihasi ishlab chiqish muddati Davlat qoʻriqxonalari (bufer zonasi) 1. Surxon davlat qoʻriqxonasi 2024-yil noyabr 2. Hisor davlat qoʻriqxonasi 2024-yil dekabr 3. “Sudochye-Akpetki” davlat buyurtma qoʻriqxonasi 2025-yil oktabr 4. “Saygachiy” majmua (landshaft) buyurtma qoʻriqxonasi 2025-yil noyabr 5. Nurota qoʻriqxonasi 2025-yil dekabr 6. Zomin davlat qoʻriqxonasi 2024-yil oktabr 7. “Barsakelmes” davlat buyurtma qoʻriqxonasi 2025-yil dekabr Milliy tabiat bogʻlari va pitomnik 8. Markaziy Qizilqum milliy tabiat bogʻi 2025-yil noyabr 9. Janubiy Ustyurt milliy tabiat bogʻi 2024-yil noyabr 10. Zarafshon milliy tabiat bogʻi 2024-yil dekabr 11. Xorazm milliy tabiat bogʻi 2025-yil dekabr 12. Zomin milliy tabiat bogʻi 2024-yil noyabr 13. Yuqori Toʻpalang milliy tabiat bogʻi 2025-yil oktabr 14. Bobotogʻ milliy tabiat bogʻi 2024-yil dekabr 15. Quyi Amudaryo davlat biosfera rezervati 2025-yil sentabr 16. Buxoro ixtisoslashtirilgan “Jayron” pitomnigi 2025-yil iyun Oʻrmon xoʻjaliklari 17. Burchmulla davlat oʻrmon xoʻjaligi 2024-yil noyabr 18. Dargʻom davlat oʻrmon ishlab chiqarish korxonasi 2025-yil iyul 19. Qiziriq davlat oʻrmon xoʻjaligi 2025-yil Dekabr 20. Boysun davlat oʻrmon xoʻjaligi 2024-yil noyabr 21. Bobotogʻ davlat oʻrmon xoʻjaligi 2025-yil iyul 22. Hisor davlat oʻrmon xoʻjaligi 2024-yil oktabr 23. Uzun davlat oʻrmon xoʻjaligi 2025-yil noyabr 24. Surxondaryo davlat oʻrmon xoʻjaligi 2025-yil oktabr 25. Dehqonobod davlat oʻrmon xoʻjaligi 2025-yil dekabr 26. Ohangaron davlat oʻrmon xoʻjaligi 2024-yil noyabr

Izoh: Oʻzbekiston Respublikasi Vazirlar Mahkamasi davlat qoʻriqxonalari, pitomniklar, milliy tabiat bogʻlari va oʻrmon hoʻjaliklarida ekoturizm xizmatlari yoʻlga qoʻyiladigan hududlarning roʻyxatiga oʻzgartirish va qoʻshimchalar kiritish huquqiga ega.

Oʻzbekiston Respublikasi Prezidentining 2024-yil 12-yanvardagi PQ-21-son qaroriga 4-ILOVA

Plyaj va suvda dam olish turizm xizmatlari tashkil etiladigan respublikadagi yirik suv havzalari

ROʻYXATI

T/r Suv havza nomi Joylashgan joyi Qoraqalpogʻiston Respublikasi 1. Sudochye koʻli Moʻynoq tumani 2. Ashshikoʻl Nukus shahri 3. Qaratereng koʻli Taxtakoʻpir tumani 4. Aqchakoʻl Ellikqalʼa tumani Buxoro viloyati 5. Jilvon jilosi koʻli Shofirkon tuman Jizzax viloyati 6. Arnasoy suv ombori Arnasoy tumani 7. Tuzkon koʻli Forish tumani 8. Aydarkoʻl Forish tumani Qashqadaryo viloyati 9. Xoʻjaipok Dehqonobod tumani 10. Konsoykoʻl Dehqonobod tumani 11. “Delfin” istirohat plyaji Qarshi shahri Navoiy viloyati 12. Aydarkoʻl Nurota tumani 13. Toʻdakoʻl Qiziltepa tumani 14. “Yoshlar” sunʼiy koʻli Navoiy shahri Namangan viloyati 15. Chortoq suv ombori Chortoq tumani Samarqand viloyati 16. Qoratepa suv ombori Urgut tumani Surxondaryo viloyati 17. “Uchqizil” suv ombori Termiz tumani 18. “Degriz”suv ombori Oltinsoy tumani 19. “Toʻpalang” suv ombori Sariosiyo tumani 20. Janubiy Surxon suv ombori Qumqoʻrgʻon tumani 21. “Oqtepa” suv ombori Jarqoʻrgʻon tumani Toshkent viloyati 22. Chorvoq suv ombori Boʻstonliq tumani 23. Toshkent suv ombori Oʻrta chirchiq tumani Fargʻona viloyati 24. “Karkidon” suv ombori Quva tumani Xorazm viloyati 25. Qalʼajiq qalʼa Bogʻot tumani 26. Yoshlar koʻli Urganch shahri Toshkent shahri 27. Choʻmilish plyaji Chilonzor tumani

Izoh: Oʻzbekiston Respublikasi Vazirlar Mahkamasi plyaj va suvda dam olish turizm xizmatlari tashkil etiladigan respublikadagi yirik suv havzalari roʻyxatiga oʻzgartirish va qoʻshimchalar kiritish huquqiga ega.

Oʻzbekiston Respublikasi Prezidentining 2024-yil 12-yanvardagi PQ-21-son qaroriga 5-ILOVA

Zamonaviy talablar asosida dor yoʻllari qurilishi rejalashtirilgan tuman va shaharlar

ROʻYXATI

T/r Hudud nomi Tuman (shahar) nomi Quriladigan dor yoʻli soni 1. Andijon viloyati Xonobod shahri 1 2. Namangan viloyati Yangiqoʻrgʻon tumani 1 3. Pop tumani 1 4. Navoiy viloyati Xatirchi tumani 1 5. Jizzax viloyati Zomin tumani 1 6. Forish tumani 1 7. Baxmal tumani 1 8. Samarqand viloyati Nurobod tumani 1 9. Qashqadaryo viloyati Shahrisabz tumani 1 10. Kitob tumani 1 11. Qamashi tumani 2 12. Surxondaryo viloyati Boysun tumani 1 13. Sariosiyo tumani 1 14. Toshkent viloyati Boʻstonliq tumani 4 15. 2 16. 1 17. Parkent tumani 1 18. Angren shahri 1 19. Ohangaron tumani 1 Jami: 24

Izoh: Oʻzbekiston Respublikasi Vazirlar Mahkamasi zamonaviy talablar asosida dor yoʻllari qurilishi rejalashtirilgan tuman va shaharlar roʻyxatiga oʻzgartirish va qoʻshimchalar kiritish huquqiga ega.

Oʻzbekiston Respublikasi Prezidentining 2024-yil 12-yanvardagi PQ-21-son qaroriga 6-ILOVA

Ekologik turizm yoʻnalishida faoliyati yoʻlga qoʻyiladigan istiqbolli turistik klaster loyihalarining

MANZILLI ROʻYXATI

T/r Loyiha nomi Hudud nomi Amalga oshirish muddati Ajratiladigan yer maydoni (gektar) Loyihaning umumiy qiymati shundan, moliyalashtirish manbalari boʻyicha Oʻz mablagʻlari Toʻgʻridan-toʻgʻri xorijiy investitsiyalar Tijorat banklari kreditlari 1. Togʻ velosporti trassalarini (velosiped sportining togʻ velosporti va shosse turlari boʻyicha) jahon standartlari asosida barpo etish. Toshkent viloyati, Boʻstonliq tumani, “Chimboyliq” MFY 3 yil 400 18 mln AQSH dolari 2 mln AQSH dollari 13 mln AQSH dollari 3 mln AQSH dollari 2 km uzunlikdagi dor yoʻli, tomosha maydonchasi va restoran. Avtokempinglarni (karavan, kemperlar) ijaraga berish xizmati. Zarur infratuzilmaga ega kempinglar va piknik zonalarni yaratish. Turistik soʻqmoq va yoʻlaklarni (sayr va xayking) barpo etish. Dorivor oʻsimliklarni yetishtirish. Oʻrmonlarni saqlash, qoʻriqlash, oʻrash va yangi daraxtlarni ekish, ularni parvarishlash (bodom, doʻlana, yongʻoq va boshqalar) va qayta ishlash. 2. Ekologik turizmni rivojlantirish maqsadida zarur infratuzilmaga ega kempinglar va piknik zonalarni yaratish. Toshkent viloyati, Boʻstonliq tumani, Burchmilla davlat oʻrmon xoʻjaligining Sijjak boʻlimi 2 yil 5 20 mlrd soʻm - 20 mlrd soʻm -

Izoh:

* Osma-dor yoʻllarini tashkil etayotgan tadbirkorlik subyektlariga yer uchastkalari istisno tariqasida 30 yilgacha ijaraga berilishi mumkin.

Vazirlar Mahkamasi tomonidan ekologik turizm yoʻnalishida faoliyati yoʻlga qoʻyiladigan istiqbolli turistik klasterlar loyihalarini amalga oshirish uchun dasturlar tasdiqlanadi.