Tadbirkorlik sohasidagi majburiy talablarni qisqartirish hamda litsenziyalash va ruxsat berish tartib-taomillarini soddalashtirish chora-tadbirlari toʻgʻrisida (PF-8-son)

09.01.2024

Oʻzbekiston Respublikasi Prezidentining

Farmoni

2023-yil 18-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash, shuningdek, tartibga solish taʼsirini baholash orqali majburiy talablarni qisqartirish hamda litsenziyalash va ruxsat berish tartib-taomillarini soddalashtirish maqsadida:

1. Adliya vazirligi, Iqtisodiyot va moliya vazirligi, Tadbirkorlik subyektlarining huquqlari va qonuniy manfaatlarini himoya qilish boʻyicha vakil va Savdo-sanoat palatasining 2024-yil 1-martdan boshlab litsenziyalanadigan faoliyat va ruxsat etish xususiyatiga ega hujjatlarning ayrim turlarini 1-ilovaga muvofiq bekor qilish toʻgʻrisidagi taklifiga rozilik berilsin.

2. Belgilansinki, 2024-yil 1-martdan boshlab:

litsenziyalash, ruxsat berish va xabardor qilish tartib-taomillari sohasidagi huquqbuzarliklarni sodir etganlik uchun yuridik shaxslarga qoʻllanilgan jarima summasi miqdorining 50 foizi oʻn besh kun ichida, 70 foizi oʻttiz kun ichida ixtiyoriy ravishda toʻlanganda, huquqbuzar jarimaning qolgan qismini toʻlashdan ozod etiladi;

litsenziya yoki ruxsat etish xususiyatiga ega hujjatni berish jarayonida video aloqa vositalari yordamida talabgorlarning litsenziya va ruxsat etish xususiyatiga ega hujjatlar talab va shartlariga muvofiqligini masofadan turib baholash tartibi joriy etiladi;

tadbirkorlik subyektini davlat roʻyxatidan oʻtkazish yoki qayta roʻyxatdan oʻtkazishda uning pochta manzili sifatida muassisning turar joyini koʻrsatishga ruxsat beriladi.

3. Quyidagi tartib va talablar bekor qilinsin:

turoperatorlar uchun favqulodda holatlar yuzaga kelganda xavfni majburiy sugʻurta qilish tartibini joriy qilish orqali “chiqish turizmi” yoʻnalishi boʻyicha turizm faoliyatini amalga oshirish uchun 15 ming AQSh dollari ekvivalenti miqdoridagi mablagʻlarni Xavfsiz turizm jamgʻarmasiga zaxira qilib qoʻyish;

turistik xizmatlarni sertifikatlashtirishda joylashtirish vositalari, togʻ changʻisi trassalari va plyaj xizmatlarini sertifikatlashtirish uchun arizaga koʻchmas mulkka doir huquqni belgilaydigan hujjatlarni ilova qilish;

yuridik shaxslarning transport vositalarini texnik koʻrikdan oʻtkazish joylarini Davlat yoʻl harakati xavfsizligi xizmatining hududiy boʻlinmalari tomonidan belgilash;

kadrlar malakasini oshirish va ularni qayta tayyorlash faoliyati faqat sayyor shaklda amalga oshirilganda mulkiy yoki boshqa ashyoviy huquqlar asosida binolarning mavjud boʻlishi.

4. 2024-yil 1-martdan boshlab 2025-yil 1-yanvarga qadar huquqiy eksperiment tariqasida rentgen uskunasidan foydalanish va veterinariya laboratoriya-diagnostika ishlarini amalga oshirish faoliyatlarini boshlash uchun uch oygacha oʻtish va moslashish davrini belgilaydigan “Biznesga litsenziyasiz kirish” maxsus rejimi (keyingi oʻrinlarda — Maxsus rejim) joriy etilsin.

5. Belgilansinki, Maxsus rejim doirasida:

a) uch oygacha muddat davomida mazkur Farmonning 4-bandida belgilangan faoliyatni litsenziya va ruxsat etish xususiyatiga ega hujjatni olmasdan vakolatli organni “Litsenziya” axborot tizimi orqali bepul xabardor qilgan holda amalga oshirishga ruxsat etiladi;

b) xabarnoma belgilangan tartibda yuborilganidan boshlab uch oygacha muddat davomida tadbirkorlik subyektlari va ularning mansabdor shaxslari faoliyatni litsenziyasiz va ruxsat etish xususiyatiga ega hujjatsiz amalga oshirganlik uchun javobgarlikka tortilmaydi;

v) mazkur Farmonning 4-bandida belgilangan faoliyatni vakolatli organni xabardor qilgan holda boshlagan tadbirkorlik subyekti uch oygacha muddat davomida:

oʻz faoliyatini litsenziya yoki ruxsat berish tartib-taomillari talablari va shartlariga muvofiqlashtirish choralarini koʻradi;

tegishli litsenziya yoki ruxsat etish xususiyatiga ega hujjatni belgilangan tartibda oladi yoki mazkur faoliyatni amalga oshirishni toʻxtatadi.

Adliya vazirligi vakolatli organlar bilan birgalikda 2024-yil 1-noyabrga qadar huquqiy eksperiment natijalarini tahlil qilish asosida Maxsus rejimni toʻliq joriy qilish va uni boshqa faoliyat turlariga ham tatbiq etish boʻyicha Vazirlar Mahkamasiga takliflar kiritsin.

6. Quyidagilar:

2024-yilda normativ-huquqiy hujjatlarning tartibga solish taʼsirini baholashdan oʻtkazish rejasi 2-ilovaga muvofiq;

Majburiy talablarni qisqartirish hamda litsenziya va ruxsat etish xususiyatiga ega hujjatlarni olish tartib-taomillarini soddalashtirish boʻyicha “yoʻl xaritasi” 3-ilovaga muvofiq;

Ayrim litsenziyalash, ruxsat berish va xabardor qilish tartib-taomillarining pasportlarini ishlab chiqish reja-grafigi 4-ilovaga muvofiq tasdiqlansin.

7. Masʼul davlat organlari va tashkilotlarining rahbarlariga:

ushbu Farmonga 2-ilovada belgilangan muddatlarda normativ-huquqiy hujjatlarning tartibga solish taʼsiri baholashdan oʻtkazilishi va natijalari boʻyicha ishlab chiqilgan baholash hisobotlari hamda asoslantirilgan takliflarning Adliya vazirligiga kiritilishi;

mazkur Farmonga 3 va 4-ilovalarda belgilangan chora-tadbirlar oʻz vaqtida va sifatli bajarilishi uchun shaxsiy javobgarlik yuklansin.

8. Adliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur Farmonning ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 9-yanvar,

PF-8-son

Oʻzbekiston Respublikasi Prezidentining 2024-yil 9-yanvardagi PF-8-son Farmoniga 1-ILOVA

2024-yil 1-martdan boshlab bekor qilinadigan litsenziyalanadigan faoliyat va ruxsat etish xususiyatiga ega hujjatlarning ayrim turlari

ROʻYXATI

Izohlar:

* Birlashtirilgan litsenziya va ruxsat etish xususiyatiga ega hujjatlar ularning amal qilish muddati davomida kuchda boʻladi. Bunda birlashtirilgan litsenziyalanadigan faoliyat va ruxsat etish xususiyatiga ega hujjatlarni olish talab etiladigan faoliyat turi bilan shugʻullanish uchun litsenziya yoki ruxsat etish xususiyatiga ega hujjat vakolatli organ tomonidan mustaqil ravishda tegishli hujjatlarni talab qilmasdan hamda davlat boji va yigʻimlarni undirmasdan qayta rasmiylashtiriladi;

birlashtirilgan litsenziyalanadigan faoliyat va ruxsat etish xususiyatiga ega hujjatlarni olish talab etiladigan faoliyat uchun undiriladigan davlat boji miqdori birlashtirish yoʻli bilan bekor qilinayotgan faoliyat turi uchun belgilangan davlat bojining eng kam miqdorida belgilanadi.

**Avtotransport vositasini xavfli yuklarni tashishga qoʻyish toʻgʻrisidagi guvohnomani berish jarayonida xavfli yuklarni tashish uchun sigʻimlarning yaroqliligi vakolatli organ tomonidan Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi bilan mustaqil ravishda kelishiladi.

***Xabardor qilish tartibi joriy etilgan faoliyat (harakat) uchun rasmiylashtirilgan litsenziya yoki ruxsat etish xususiyatiga ega hujjatlarning amal qilishi oʻz kuchida qoladi va ushbu faoliyatni (harakatni) amalga oshirish uchun vakolatli organni xabardor qilish talab etilmaydi.

Oʻzbekiston Respublikasi Prezidentining 2024-yil 9-yanvardagi PF-8-son Farmoniga 2-ILOVA

2024-yilda normativ-huquqiy hujjatlarning tartibga solish taʼsirini baholashdan oʻtkazish

REJASI

T/r Normativ-huquqiy hujjat nomi Muddat Masʼul ijrochilar 1. Yer kodeksining 9-moddasi (yerlarni toifalarga boʻlish va bir toifadan boshqasiga oʻtkazish). 2024-yil aprel Qishloq xoʻjaligi vazirligi (Abduraxmonov), Iqtisodiyot va moliya vazirligi (Norqulov), Ekologiya, atrof-muhitni muhofaza qilish va iqlim oʻzgarishi vazirligi (Abduxakimov) 2. “Davlat xaridlari toʻgʻrisida”gi Qonunning 9-bobi (Toʻgʻridan-toʻgʻri shartnomalar boʻyicha amalga oshiriladigan davlat xaridlari). 2024-yil may Iqtisodiyot va moliya vazirligi (Norqulov) 3. Erkin iqtisodiy zonalarini tashkil etish va faoliyatini tartibga solish bilan bogʻliq quyidagi normativ-huquqiy hujjatlar: “Maxsus iqtisodiy zonalar toʻgʻrisida”gi Qonun; Oʻzbekiston Respublikasi Prezidentining 2017-yil 12-yanvardagi “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarini tashkil etish toʻgʻrisida”gi PF-4931-son Farmoni; Vazirlar Mahkamasining 2017-yil 10-apreldagi 196-son qarori bilan tasdiqlangan Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizom. 2024-yil iyun Investitsiyalar, sanoat va savdo vazirligi (Kudratov) 4. Koʻchmas mulkni va unga boʻlgan huquqni, shu jumladan, ipoteka shartnomasi asosida vujudga keladigan huquqni davlat roʻyxatidan oʻtkazish bilan bogʻliq quyidagi normativ-huquqiy hujjatlar: “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonun; “Ipoteka toʻgʻrisida”gi Qonun; “Garov toʻgʻrisida”gi Qonun; “Garov reyestri toʻgʻrisida”gi Qonun; Oʻzbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qoʻshimcha chora-tadbirlar toʻgʻrisida”gi PF-5886-son Farmoni; Vazirlar Mahkamasining 2014-yil 10-iyuldagi “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida”gi 186-son qarori; Vazirlar Mahkamasining 2020-yil 2-sentabrdagi “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida”gi 535-son qarori. 2024-yil oktabr Iqtisodiyot va moliya vazirligi (Norqulov) Kadastr agentligi (Poʻlatov), Adliya vazirligi Tashkulov), Markaziy bank (Nurmuratov) 5. Xorijiy tillarni oʻrganishni ommalashtirishga qaratilgan quyidagi normativ-huquqiy hujjatlar: Oʻzbekiston Respublikasi Prezidentining 2021-yil 19-maydagi “Oʻzbekiston Respublikasida xorijiy tillarni oʻrganishni ommalashtirish faoliyatini sifat jihatidan yangi bosqichga olib chiqish chora-tadbirlari toʻgʻrisida”gi PQ-5117-son qarori; Vazirlar Mahkamasining 2021-yil 19-maydagi “Xorijiy tillarni oʻrganishni ommalashtirishni samarali tashkil etish chora-tadbirlari toʻgʻrisida”gi 312-son qarori. 2024-yil may Oliy taʼlim, fan va innovatsiyalar vazirligi (Karimov), Maktabgacha va maktab taʼlimi vazirligi (Umarova), Kambagʻallikni qisqartirish va bandlik vazirligi (Musayev) 6. Mahalliy ishlab chiqaruvchilarni qoʻllab-quvvatlashga oid quyidagi normativ-huquqiy hujjatlar: Oʻzbekiston Respublikasi Prezidentining 2020-yil 21-avgustdagi “Mahalliy ishlab chiqaruvchilarni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-4812-son qarori; Vazirlar Mahkamasining 2021-yil 29-yanvardagi 41-son qarori bilan tasdiqlangan Davlat xaridlarida mahalliy ishlab chiqarilgan tovarlarga (ishlar, xizmatlarga) preferensiya berish tartibi toʻgʻrisidagi nizom. 2024-yil iyul Investitsiyalar, sanoat va savdo vazirligi (Kudratov), Iqtisodiyot va moliya vazirligi (Norqulov) 7. Oʻzbekiston Respublikasi Prezidentining 2017-yil 14-martdagi “Iqtisodiyotning bazaviy tarmoqlarida loyiha ishlari samaradorligini oshirish chora-tadbirlari toʻgʻrisida”gi PQ-2831-son qarori. 2024-yil aprel Iqtisodiyot va moliya vazirligi (Norqulov), Raqobatni rivojlantirish va isteʼmolchilar huquqlarini himoya qilish qoʻmitasi (Qayumov) 8. Oʻzbekiston Respublikasi Prezidentining 2020-yil 27-maydagi “Koʻp kvartirali uylarni ulush kiritish asosida qurish jarayonini tartibga solish chora-tadbirlari haqida”gi PQ-4732-son qarori. 2024-yil may Qurilish va uy-joy kommunal xoʻjaligi vazirligi (Xidoyatov) 9. Oʻzbekiston Respublikasi Prezidentining 2017-yil 1-iyundagi “Yongʻoq ishlab chiqaruvchilar va eksport qiluvchilar uyushmasini tuzish va uning faoliyatini tashkil etish toʻgʻrisida”gi PQ-3025-son qarori. 2024-yil iyun Qishloq xoʻjaligi vazirligi (Abduraxmonov), Raqobatni rivojlantirish va isteʼmolchilar huquqlarini himoya qilish qoʻmitasi (Qayumov) 10. Oʻzbekiston Respublikasi Prezidentining 2021-yil 11-yanvardagi “Olis hududlardagi budjet tashkilotlariga malakali mutaxassislarni jalb qilish chora-tadbirlari toʻgʻrisida”gi PQ-4940-son qarori. 2024-yil avgust Iqtisodiyot va moliya vazirligi (Norqulov), Kambagʻallikni qisqartirish va bandlik vazirligi (Musayev), Oliy taʼlim, fan va innovatsiyalar vazirligi (Karimov), Maktabgacha va maktab taʼlimi vazirligi (Umarova), Sogʻliqni saqlash vazirligi (Xudayarov) 11. Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qarori. 2024-yil sentabr Investitsiyalar, sanoat va savdo vazirligi (Kudratov), Bojxona qoʻmitasi (Mavlonov) 12. Oilaviy tadbirkorlikni rivojlantirishga qaratilgan quyidagi normativ-huquqiy hujjatlar: Oʻzbekiston Respublikasi Prezidentining 2018-yil 7-iyundagi “Har bir oila-tadbirkor” dasturini amalga oshirish toʻgʻrisida”gi PQ-3777-son qarori; Oʻzbekiston Respublikasi Prezidentining 2021-yil 20-dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi PQ-55-son qarori; Oʻzbekiston Respublikasi Prezidentining 2023-yil 31-yanvardagi “Oilaviy tadbirkorlikni rivojlantirish dasturlari doirasida aholining biznes tashabbuslarini qoʻllab-quvvatlashni yangi bosqichga olib chiqishga doir qoʻshimcha chora-tadbirlar toʻgʻrisida”gi PQ–39-son qarori; Vazirlar Mahkamasining 2022-yil 8-iyuldagi “Oilaviy tadbirkorlikni rivojlantirish dasturlarining yagona elektron platformasi orqali kreditlar ajratish tartibi toʻgʻrisidagi nizomni tasdiqlash haqida”gi 373-son qarori. 2024-yil oktabr Markaziy bank (Nurmuratov), Iqtisodiyot va moliya vazirligi (Norqulov), Kambagʻallikni qisqartirish va bandlik vazirligi (Musayev) 13. Vazirlar Mahkamasining 2018-yil 22-martdagi “Xalqaro sifat standartlari va foydalanish xavfsizligiga javob beradigan temir yoʻl mahsulotini ishlab chiqarishni taʼminlash chora-tadbirlari toʻgʻrisida”gi 211-son qarori. 2024-yil mart Transport vazirligi (Maxkamov), Raqobatni rivojlantirish va isteʼmolchilar huquqlarini himoya qilish qoʻmitasi (Qayumov) 14. Vazirlar Mahkamasining 2017-yil 5-oktabrdagi 799-son qarori bilan tasdiqlangan Haq toʻlanadigan jamoat ishlarini tashkil qilish tartibi toʻgʻrisidagi nizom. 2024-yil aprel Kambagʻallikni qisqartirish va bandlik vazirligi (Musayev) 15. Vazirlar Mahkamasining 2006-yil 16-oktabrdagi “Ustav fondida davlat ulushi boʻlgan korxonalarning samarali boshqarilishini va davlat mulkining zarur darajada hisobga olinishini taʼminlash chora-tadbirlari toʻgʻrisida”gi 215-son qarori. 2024-yil may Davlat aktivlarini boshqarish agentligi (Ortikov) 16. Vazirlar Mahkamasining 2020-yil 31-dekabrdagi 826-son qarori bilan tasdiqlangan Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi tomonidan eksport qiluvchi tashkilotlarga moliyaviy yordam koʻrsatish tartibi toʻgʻrisidagi nizom. 2024-yil may Investitsiyalar, sanoat va savdo vazirligi (Qudratov) 17. Vazirlar Mahkamasining 2018-yil 23-martdagi “Dori vositalari, tibbiy buyumlar va tibbiy texnikani davlat roʻyxatidan oʻtkazish hamda roʻyxatdan oʻtkazilganlik guvohnomasi berish tartibi toʻgʻrisidagi nizomni tasdiqlash haqida”gi 213-son qarori. 2024-yil may Sogʻliqni saqlash vazirligi (Xudayarov) 18. Vazirlar Mahkamasining 2021-yil 22-sentabrdagi “Soliq toʻlovchilarni hisobga olishni yanada takomillashtirish va qoʻshilgan qiymat soligʻining oʻrnini qoplash tartibini soddalashtirish chora-tadbirlari toʻgʻrisida”gi 595-son qarori. 2024-yil may Soliq qoʻmitasi (Kudbiyev) 19. Vazirlar Mahkamasining 2017-yil 20-iyundagi 393-son qarori bilan tasdiqlangan Oliy taʼlim muassasalarining bakalavriatiga talabalarni oʻqishga qabul qilish tartibi toʻgʻrisidagi nizom. 2024-yil iyun Oliy taʼlim, fan va innovatsiyalar vazirligi (Karimov) 20. Vazirlar Mahkamasining 2020-yil 4-iyundagi “Qishloq joylarda koʻp kvartirali uy-joylarni qurishda tadbirkorlik subyektlarini keng jalb etish chora-tadbirlari toʻgʻrisida”gi 355-son qarori. 2024-yil iyul Qurilish va uy-joy kommunal xoʻjaligi vazirligi (Xidoyatov) 22. Vazirlar Mahkamasining 2021-yil 25-fevraldagi “Jismoniy shaxslarning chegara bojxona postlari orqali notijorat maqsadlarda olib kirilayotgan belgilangan meʼyorlardan ortiq boʻlgan tovarlariga nisbatan amalga oshiriladigan tartib-taomillar toʻgʻrisidagi nizomni tasdiqlash haqida”gi 102-son qarori. 2024-yil sentabr Bojxona qoʻmitasi (Mavlonov) 23. Vazirlar Mahkamasining 2018-yil 21-maydagi “Energiya resurslarini isteʼmol qilish, suv taʼminoti va suv chiqarish xizmatlari koʻrsatish, shuningdek, ijro ishini yuritish sohasida toʻlov intizomini mustahkamlashga doir qoʻshimcha chora-tadbirlar toʻgʻrisida”gi 379-son qarori. 2024-yil sentabr Bosh prokuratura (Yoʻldoshev), Majburiy ijro byurosi (Egamberdiyev) 24. Vazirlar Mahkamasining 2020-yil 14-maydagi “Oʻzbekiston Respublikasida tashqi savdo operatsiyalari monitoringini yanada takomillashtirish chora-tadbirlari toʻgʻrisida”gi 283-son qarori. 2024-yil oktabr Investitsiyalar, sanoat va savdo vazirligi (Kudratov), Iqtisodiyot va moliya vazirligi (Norqulov), Markaziy bank (Nurmuratov) 25. Vazirlar Mahkamasining 2021-yil 14-apreldagi “Energiya samarador va energiya tejovchi qurilmalarni xarid qilish hamda ushbu maqsadlar uchun olingan kreditlar boʻyicha foiz xarajatlarining bir qismini qoplash uchun Oʻzbekiston Respublikasi Davlat budjeti mablagʻlari hisobidan kompensatsiya ajratish tartibi toʻgʻrisidagi nizomni tasdiqlash haqida”gi 217-son qarori. 2024-yil oktabr Energetika vazirligi (Mirzamahmudov) 26. Vazirlar Mahkamasining 2019-yil 21-sentabrdagi “Yoʻlboʻyi va turistik infratuzilmani yanada rivojlantirish chora-tadbirlari toʻgʻrisida”gi 793-son qarori. 2024-yil noyabr Ekologiya, atrof-muhitni muhofaza qilish va iqlim oʻzgarishi vazirligi (Abduxakimov), Energetika vazirligi (Mirzamahmudov) 27. Yoʻl harakati qoidalarining buzilishiga doir maʼmuriy ishlarni koʻrib chiqish tartibi toʻgʻrisidagi yoʻriqnoma (roʻyxat raqami 2240, 2011-yil 5-iyul). 2024-yil iyul Ichki ishlar vazirligi (Bobojonov)

Oʻzbekiston Respublikasi Prezidentining 2024-yil 9-yanvardagi PF-8-son Farmoniga 3-ILOVA

Majburiy talablarni qisqartirish hamda litsenziya va ruxsat etish xususiyatiga ega hujjatlarni olish tartib-taomillarini soddalashtirish boʻyicha

“YOʻL XARITASI”

Oʻzbekiston Respublikasi Prezidentining 2024-yil 9-yanvardagi PF-8-son Farmoniga 4-ILOVA

Ayrim litsenziyalash, ruxsat berish va xabardor qilish tartib-taomillarining pasportlarini ishlab chiqish

REJA-GRAFIGI

Izoh: mazkur reja-grafikda belgilangan litsenziyalash, ruxsat berish va xabardor qilish tartib-taomillarini Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga muvofiqlashtirish Vazirlar Mahkamasining 2022-yil 21-fevraldagi “Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomni tasdiqlash haqida”gi 80-son, 2022-yil 22-fevraldagi “Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomni tasdiqlash haqida”gi 86-son va 2022-yil 25-fevraldagi “Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomni tasdiqlash haqida”gi 88-son qarorlariga tegishli pasportlarni kiritish orqali amalga oshiriladi.