Davlat foydasiga voz kechish bojxona rejimi toʻgʻrisida (695-son)

08.04.1999

“TASDIQLANGAN” Oʻzbekiston Respublikasi Davlat bojxona qoʻmitasi tomonidan 1999-yil 17-mart, 02/12-48-son

nizom

[Oʻzbekiston Respublikasi Adliya vazirligi tomonidan 1999-yil 8-aprelda 695-son bilan davlat roʻyxatidan oʻtkazilgan]

I. UMUMIY QOIDALAR

1.1. Mazkur Nizom Oʻzbekiston Respublikasi bojxona kodeksining 38-moddasiga muvofiq ishlab chiqilgan.

Davlat foydasiga voz kechish shunday rejimki, bunda shaxs tovarlarga nisbatan boj, soliqlar va iqtisodiy siyosat choralari qoʻllanilmagan holda ulardan davlat foydasiga voz kechadi.

1.2. Tovarlarni davlat foydasiga voz kechish bojxona rejimiga joylashtirishga bojxona organining ruxsati bilan yoʻl qoʻyiladi.

1.3. Tovarlardan davlat foydasiga voz kechish ushbu Nizomga muvofiq davlatning xarajatlar qilishiga sabab boʻlmaydi.

1.4. Davlat foydasiga voz kechish bojxona rejimini tanlagan shaxs, agar qonunlarda boshqa holatlar nazarda tutilmagan boʻlsa, Oʻzbekiston Respublikasi bojxona organlarining tovarlarni davlat foydasiga voz kechish rejimi ostida joylashtirilishiga oid ruxsatnomasi olinganidan keyin mazkur rejimni boshqasiga oʻzgartirish huquqiga ega emas.

1.5. Tovarlardan davlat foydasiga voz kechgan shaxs ularni bojxona organi tomonidan belgilanadigan joyga yetkazib berilishi boʻyicha barcha xarajatlarni oʻzi qoplaydi.

II. DAVLAT FOYDASIGA VOZ KEChISh BOJXONA REJIMI OSTIDA TOVARLARNI JOYLAShTIRISh

2.1. Davlat foydasiga voz kechish bojxona rejimiga quyidagilar joylashtirilishi mumkin:

Oʻzbekiston Respublikasi bojxona chegarasidan haqiqatda kesib oʻtgan olib kirilayotgan tovarlar;

Oʻzbekiston Respublikasi bojxona hududiga olib kirilgan va oʻzga bojxona rejimiga joylashtirilgan tovarlar;

bojxona deklaratsiyasi topshirilgan yoki shaxsning maqsadini tatbiq etish bilan bevosita ularni olib chiqib ketishga bogʻliq oʻzga xil harakatlar amalga oshirilgan olib chiqib ketilayotgan tovarlarga nisbatan;

2.2. Quyidagilarga davlat foydasiga voz kechish bojxona rejimida joylashtirilishiga yoʻl qoʻyilmaydi:

Oʻzbekiston Respublikasiga olib kirilishi, Oʻzbekiston Respublikasidan olib chiqib ketilishi taqiqlangan tovarlarga;

Oʻzbekiston Respublikasi hududida erkin muomalada boʻlishi uchun yoki reimport bojxona rejimiga muvofiq chiqarilgan tovarlarga.

2.3. Bojxona organi quyidagi hollarda davlat foydasiga voz kechish bojxona rejimida tovarlarni joylashtirishga oid ruxsatnomani taqdim etishdan bosh tortishi mumkin:

agar tovarlarning davlat foydasiga voz kechish bojxona rejimida joylashtirilishi davlat uchun qandaydir bir xarajatlarni keltirib chiqarishi mumkin boʻlsa;

agar tovarlar bahosi ularni sotish bilan bogʻliq bojxona organining xarajatlarini qoplay olmasa;

agar tovarlarning bojxona organlari tomonidan sotilishi cheklangan boʻlsa;

bojxona organida davlat foydasiga voz kechish davlat manfaatlariga ziyon yetkazishi mumkin boʻlishiga yetarlicha asoslari boʻlgan boshqa hollarda.

2.4. Tovarlarni olib oʻtayotgan shaxs yoki boʻlmasa bojxona brokerining arizasiga koʻra tovarlar davlat foydasiga voz kechish bojxona rejimida joylashtirilishi mumkin.

Har qanday uchinchi shaxslar oldida davlat foydasiga voz kechish bojxona rejimiga oid arizaning haqqoniyligi uchun javobgarlik deklarant zimmasiga yuklatiladi.

Bojxona organlari deklarant davlat foydasiga voz kechgan tovarlarga nisbatan uchinchi shaxslarning hech qanday mulkiy talablarini qondirmaydilar.

2.5. Tovarlarni davlat foydasiga voz kechish bojxona rejimida joylashtirishga ruxsat berish toʻgʻrisidagi qarorni Qoraqalpogʻiston Respublikasi, viloyatlar, Toshkent shahri boʻyicha DBQ boshqarmasi ixtisoslashtirilgan bojxona majmuining boshligʻi yoki uning oʻrnini bosuvchi shaxs qabul qiladi.

2.6. Bojxona organi muvofiqlik sertifikati mavjudligi sharoitida zarur hollarda, boshqa davlat organlarida sertifikatlash yoki nazorat qilinishi lozim boʻlgan transport vositalari tovarlariga nisbatan veterinariya, fitosanitariya, ekologiya va davlat nazoratining boshqa turlaridan oʻtkazilishi chogʻida davlat foydasiga voz kechish bojxona rejimida tovarlarni joylashtirishga ruxsatnoma beradi.

2.7. Bojxona organlari tovarlar tashuvchisi, omborxona sohibiga yoki boshqa shaxslarga ushbu tovarlar davlat foydasiga voz kechish bojxona rejimida joylashtirilguniga qadar tovarlarni tashish, saqlash, yuklarga oid va boshqa operatsiyalarni oʻtkazish bilan bogʻliq har qanday xarajatlarni toʻlaydilar.

III. DAVLAT FOYDASIGA VOZ KEChISh BOJXONA REJIMIDA JOYLAShTIRILADIGAN TOVARLARNI BOJXONADA RASMIYLAShTIRISh

3.1. Davlat foydasiga voz kechish bojxona rejimida joylashtiriladigan tovarlarni bojxonada rasmiylashtirishi, tovarlar faoliyat koʻrsatadigan mintaqasida boʻlgan bojxona organida amalga oshiriladi.

3.2. Tovarlarni davlat foydasiga voz kechish bojxona rejimida joylashtirilishi chogʻida bojxona organiga deklarant tomonidan quyidagi hujjatlar taqdim etiladi:

1-ilovaga muvofiq toʻldirilgan bojxona yuk deklaratsiyasi;

shaxsning 2-ilovaga muvofiq yozilgan arizasi;

3-ilovaga muvofiq tuzilgan davlat foydasiga voz kechish bojxona rejimida joylashtirilgan tovarlarni topshirish dalolatnomasi;

majburan sertifikatlanadigan tovarlarga nisbatan - sertifikat;

boshqa davlat organlarining, agar tovarlar ushbu organlar nazoratiga olingan boʻlsa, ruxsatnomasi;

tovarlarga boʻlgan yuk va tovarlarga oid hujjatlar (yukxatlar, konosamentlar, spetsifikatsiyalar, hisobvaraq-fakturalar va sh.k.);

bojxona rasmiylashtirishi va bojxona nazoratining oʻtkazilishi uchun zarur boʻlgan boshqa hujjatlar.

3.3. Bojxona organiga shaxsning tovarlarni davlat foydasiga voz kechish bojxona rejimida joylashtirish toʻgʻrisidagi arizasini taqdim etish, agar garovga beruvchi garov toʻgʻrisidagi shartnomada garov sifatida berilgan tovarlarning davlat foydasiga voz kechish bojxona rejimida joylashtirish toʻgʻrisida aytib oʻtgan boʻlsa, garov vositasi boʻlib hisoblanadigan tovarlarga nisbatan talab qilinmaydi. Garovga beruvchining shartnomada shunday taʼkidlangan arizasi ariza shakli boʻlib hisoblanadi, koʻrsatilgan shartnoma xulosasi esa bojxona organi tomonidan tovarlarni davlat foydasiga voz kechish bojxona rejimida joylashtirishga oid ushbu organning ruxsatnomasi sifatida koʻrib chiqiladi.

IV. YAKUNIY QOIDALAR

4.1. Bojxona organlariga tovarlarni davlat foydasiga voz kechish bojxona rejimida joylashtirishga ruxsatnomani taqdim etilishi chogʻida ushbu tovarlarga nisbatan bojxona toʻlovlarini toʻlanishi uchun berilgan bank kafolati oʻz kuchini yoʻqotadi.

Agar bu garov shartnomasida koʻzda tutilgan boʻlsa, bojxona toʻlovlarini toʻlanishini taʼminlovchi garov shartnomasi boʻyicha garovga oid huquqiy munosabatlar toʻxtatiladi.

4.2. Tovarlarni davlat foydasiga voz kechish bojxona rejimida joylashtirish chogʻida toʻlovchiga quyidagilar qaytariladi.

bojxona organining depozitiga bojxona toʻlovlarining toʻlanishini taʼminlovchi sifatida kiritilgan summalar;

tovarlarni bojxona hududida qayta ishlash bojxona rejimida joylashtirish chogʻida toʻlangan import bojlari va soliqlarning summalari;

tovarlarni bojxona hududidan tashqarida qayta ishlash bojxona rejimida joylashtirish chogʻida toʻlangan eksport bojlari summalari;

tovarlarni, eksport bojxona rejimida joylashtirish chogʻida va Oʻzbekiston Respublikasi bojxona hududidan vaqtincha olib chiqib ketish chogʻida agar tovarlar Oʻzbekiston Respublikasi bojxona hududidan haqiqatda olib chiqib ketilmagan boʻlsa, toʻlangan eksport bojlarining summalari.

Davlat foydasiga voz kechish bojxona rejimida vaqtinchalik olib kirilgan tovarlarni joylashtirish chogʻida toʻlangan import bojlari va soliqlar summalari qaytarilmaydi.

4.3. Shaxs tomonidan bojxona organiga davlat foydasiga voz kechish bojxona rejimida joylashtirilgan tovarlarni berish chogʻida dalolatnoma ikki nusxada (3-ilova) tuziladi. Bunday dalolatnomalarning blankalari qatʼiy hisobot hujjatlari boʻlib hisoblanadi. Koʻrsatilgan dalolatnomaning bir nusxasi tovarlarni davlat foydasiga voz kechish rejimida, joylashtirishga ruxsatnomani bergan bojxona organida saqlanadi. Dalolatnomaning ikkinchi nusxasi tovarlardan davlat foydasiga voz kechgan shaxsga topshiriladi.

4.4. Shaxs davlat foydasiga voz kechgan tovarlarni tasarruf etish bojxona qonun hujjatlariga muvofiq amalga oshiriladi.

Davlat foydasiga voz kechish bojxona rejimi toʻgʻrisida Nizomga 1-Ilova

tovarlarni davlat foydasiga voz kechish bojxona rejimida joylashtirish chogʻida bojxona yuk deklaratsiyasini toʻldirish

TARTIBI

Tovarlarni davlat foydasiga voz kechish bojxona rejimida joylashtirish chogʻida deklarant tomonidan bojxona deklaratsiyasining quyidagi ustunlari toʻldiriladi:

1, 2, 3, 4, 5, 6, 8, 11, 12, 13, 14, 15, 15a, 16, 18, 19, 22, 23, 24, 25, 26, 31, 32, 33, 34, 35, 37, 38, 40, 41, 42, 44, 45, 46, 50, 54, D, S ustun 2-bandi.

2, 3, 4, 5, 6, 8, 11, 12, 13, 14, 15, 15a, 16, 18, 19, 22, 23, 24, 25, 26, 32, 33, 34, 35, 37, 38, 41, 42, 45, 46, 54, D ustunlar, S-ustunning 2-bandi erkin muomala uchun chiqarish bojxona rejimida joylashtiriladigan tovarlarga oid bojxona yuk deklaratsiyasini toʻldirish qoidalariga muvofiq toʻldiriladi.

1, 40, 44, 50-ustunlarning toʻldirilishi quyidagi muhim jihatlarga ega:

1-ustun “Deklaratsiya turi”.

Oʻzbekiston Respublikasi bojxona hududiga olib kiriladigan yoki ushbu hududga olib kirilgan va boshqa bojxona rejimida joylashtirilgan tovarlarni davlat foydasiga voz kechish bojxona rejimida joylashtirish chogʻida ustunning birinchi kichik qismida "IM", olib chiqib ketilayotgan tovarlar va transport vositalarida esa - “EK” koʻrsatiladi.

Ikkinchi kichik qismida esa asosiy bojxona rejimining kodi - 75 koʻrsatiladi.

Ustunning uchinchi kichik qismi toʻldirilmaydi.

40-“Umumiy deklaratsiya/avvalgi hujjat” ustuni.

Oldin oʻzga bojxona rejimida joylashtirilgan tovarlarning davlat foydasiga voz kechish bojxona rejimida joylashtirish chogʻida ustunda tovarlarning oʻzga bojxona rejimida joylashtirilishiga asos boʻlgan BYuD raqami koʻrsatiladi.

44-“Qoʻshimcha axborot/taqdim etiladigan hujjatlar” ustuni.

Ustunda (har bir rekvizitlarni yangi satrdan boshlagan holda va ularning har biriga tartib raqamini qoʻygan holda) quyidagilar koʻrsatiladi:

2 - transport hujjati (tovarlarga doir yuk va tovarga ilova qilinuvchi hujjatlar), yukxatlar, konosamentlar, spetsifikatsiyalar, hisobvaraq-fakturalar va sh.k.)ning raqami va sanasi;

3 - shaxsning tovarlarni davlat foydasiga voz kechish bojxona rejimiga joylashtirish toʻgʻrisidagi arizasining raqami va sanasi yoki boʻlmasa garov toʻgʻrisidagi shartnomaning raqami va sanasi;

4 - oʻzga davlat organlarining (ularning nomlari koʻrsatilgan holdagi), agar tovar ushbu organlar nazorati ostiga olingan boʻlsa, ruxsatnomalari raqami va sanasi;

5 - davlat foydasiga voz kechish bojxona rejimida joylashtirilgan tovarlarni topshirish dalolatnomasining raqami va sanasi;

50-ustun “Ishonch bildirilgan” shaxs.

Ustunda tovarni davlat foydasiga voz kechish bojxona rejimida rasmiylashtirishga rozilik bildirgan rahbarning yoki oʻzga vakolatli shaxsning lavozimi, ismi sharifi, uning imzosi koʻrsatiladi.

Davlat foydasiga voz kechish bojxona rejimi toʻgʻrisidagi nizomga 2-ilova

Davlat foydasiga voz kechish bojxona rejimi toʻgʻrisidagi nizomga 3-ilova

* korxona, muassasa va tashkilotlar uchun

** bojxona organi nomidyatx dalolatnomani moddiy javobgar shaxs imzolaydi.