“Don va dukkakli don ekinlari ilmiy tadqiqot instituti va uning filiallariga, urugʻchilik hamda boshqa xoʻjaliklardan davlat resursiga xarid qilinadigan urugʻlik don uchun nav ustamalaridan 3 foizgacha ajratish tartibi toʻgʻrisidagi nizomni tasdiqlash haqida”gi qarorni oʻz kuchini yoʻqotgan deb topish toʻgʻrisida (2382-1-son)

03.01.2024

Oʻzbekiston Respublikasi Qishloq xoʻjaligi vazirligI Oʻzbekiston Respublikasi Iqtisodiyot va moliya vazirligining

Qarori

[Oʻzbekiston Respublikasi Adliya vazirligi tomonidan 2024-yil 3-yanvarda roʻyxatdan oʻtkazildi, roʻyxat raqami 2382-1]

Oʻzbekiston Respublikasi Vazirlar Mahkamasining 2021-yil 12-oktabrdagi 641-son “Qishloq xoʻjaligi ekinlari urugʻchiligiga oid ayrim normativ-huquqiy hujjatlarni tasdiqlash toʻgʻrisida”gi qaroriga muvofiq Oʻzbekiston Respublikasi Qishloq xoʻjaligi vazirligi, Oʻzbekiston Respublikasi Iqtisodiyot va moliya vazirligi qaror qiladi:

1. Oʻzbekiston Respublikasi Qishloq va suv xoʻjaligi vazirligi, Moliya vazirligi, Iqtisodiyot vazirligining 2012-yil 30-maydagi 3/1, 45, 7-son “Don va dukkakli don ekinlari ilmiy tadqiqot instituti va uning filiallariga, urugʻchilik hamda boshqa xoʻjaliklardan davlat resursiga xarid qilinadigan urugʻlik don uchun nav ustamalaridan 3 foizgacha ajratish tartibi toʻgʻrisidagi nizomni tasdiqlash haqida”gi qarori (roʻyxat raqami 2382, 2012-yil 25-iyul) (Oʻzbekiston Respublikasi qonun hujjatlari toʻplami, 2012-y., 30-son, 354-modda) oʻz kuchini yoʻqotgan deb topilsin.

2. Mazkur qaror Oʻzbekiston fermer, dehqon xoʻjaliklari va tomorqa yer egalari kengashi, Oʻzbekiston Savdo-sanoat palatasi hamda “Oʻzdonmahsulot” aksiyadorlik kompaniyasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Qishloq xoʻjaligi vaziri I. ABDURAHMONOV

Toshkent sh.,

2023-yil 15-dekabr,

1-son

Iqtisodiyot va moliya vaziri D. KUChKAROV

Toshkent sh.,

2023-yil 4-dekabr,

91-son

Kelishildi:

Oʻzbekiston Savdo-sanoat palatasi raisi D. VAXABOV

2023-yil 12-dekabr

Oʻzbekiston fermer, dehqon xoʻjaliklari va tomorqa yer egalari kengashi raisi A. XAITOV

2023-yil 14-dekabr

“Oʻzdonmahsulot” aksiyadorlik kompaniyasi boshqaruv raisi S. UZAKOV

2023-yil 6-dekabr