Hayvonlarni identifikatsiya qilish, roʻyxatga olish va kuzatish tizimining tartib-taomillari takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (701-son)

29.12.2023

Oʻzbekiston Respublikasi Vazirlar Mahkamasining

qarori

Mamlakatimizda chorva mollari va parrandalar bosh sonini yanada koʻpaytirish, veterinariya nazoratini kuchaytirish va veterinariya xizmatlari sifatini oshirish, hayvonlarning sogʻligʻini himoya qilishni samarali tashkil etish, epizootik osoyishtalik va oziq-ovqat mahsulotlari xavfsizligini taʼminlash borasida keng koʻlamli ishlar amalga oshirildi.

Shu bilan birga, chorva mollarining naslini yaxshilash, ozuqa bazasini mustahkamlash, naslchilik yoʻnalishidagi chorvachilik xoʻjaliklari faoliyatini hamda chorvachilik mahsulotlarini yetishtirishda yirik tadbirkorlik subyektlarini davlat tomonidan qoʻllab-quvvatlash boʻyicha kompleks chora-tadbirlarni amalga oshirishda qonunchilik hujjatlarini oʻzaro muvofiqlashtirish talab etilmoqda.

Chorvachilik sohasidagi qonunchilik hujjatlarini oʻzaro muvofiqlashtirish, shuningdek, Oʻzbekiston Respublikasi Prezidentining “Chorvachilikda identifikatsiya qilish tizimi va naslchilik sohasini takomillashtirishga oid qoʻshimcha chora-tadbirlar toʻgʻrisida” 2023-yil 24-avgustdagi PQ-285-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

hayvonlarning yashash davri davomida ularning kelib chiqishi, koʻpayishi (koʻpaytirilishi) va harakati, shuningdek, hayvonlarda uchraydigan kasalliklarga qarshi profilaktika, tashxis qoʻyish va davolash ishlarida hayvonlarni kuzatish;

ixtisoslashtirilgan soʻyish korxonalarida soʻyishga boʻlgan ortiqcha talablarni bekor qilish.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev va Oʻzbekiston Respublikasi qishloq xoʻjaligi vaziri I.Y. Abduraxmonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 29-dekabr,

701-son

Vazirlar Mahkamasining 2023-yil 29-dekabrdagi 701-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Hayvonlarni identifikatsiya qilish, ularni hisobga olish, hisobdan chiqarish va saqlash tartibini takomillashtirish toʻgʻrisida” 2017-yil 22-sentabrdagi 748-son qarorida:

a) 3-band quyidagi tahrirda bayon etilsin:

“3. Hayvonlarni identifikatsiya qilish, roʻyxatga olish va kuzatish tartibi toʻgʻrisidagi nizom ilovaga muvofiq tasdiqlansin.”;

b) 6-banddagi “Veterinariya va chorvachilikni rivojlantirish davlat qoʻmitasi” soʻzlari “Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi” soʻzlari bilan almashtirilsin;

v) 9-band quyidagi tahrirda bayon etilsin:

“9. Mazkur qarorning bajarilishini nazorat qilish Oʻzbekiston Respublikasi qishloq xoʻjaligi vaziri I.Y. Abduraxmonov va Veterinariya va chorvachilikni rivojlantirish qoʻmitasi raisi B.T. Norqobilov zimmasiga yuklansin.”;

g) ilovada:

nomida va 1-banddagi “ularni hisobga olish, hisobdan chiqarish va saqlash” soʻzlari “roʻyxatga olish va kuzatish” soʻzlari bilan almashtirilsin;

2-bandda:

ikkinchi xatboshi quyidagi tahrirda bayon etilsin:

“veterinariya pasporti — hayvonga berilgan va identifikatsiya raqamiga muvofiq rasmiylashtirilgan, hayvon egasini belgilovchi, hayvonlar kasalliklari profilaktikasi va ularni davolash ishlari toʻgʻrisidagi maʼlumotlar qayd etib boriladigan hujjat;”

uchinchi xatboshidagi “boʻlimlarining uchastka veterinariya vrachi” soʻzlari “boʻlimi veterinariya uchastkasi xodimlari” soʻzlari bilan almashtirilsin;

toʻrtinchi va oltinchi xatboshilardagi “,jeton berish (jetonlash)” soʻzlari chiqarib tashlansin;

beshinchi xatboshidagi “jeton,” soʻzi chiqarib tashlansin;

oʻn uchinchi xatboshi quyidagi tahrirda bayon etilsin:

“kuzatish — hayvonlarning yashash davri davomida ularning kelib chiqishi, koʻpayishi (koʻpaytirilishi) va harakati, shuningdek, hayvonlarda uchraydigan kasalliklarga qarshi profilaktika, tashxis qoʻyish va davolash ishlari boʻyicha monitoring oʻrnatish;”

oʻn toʻrtinchi xatboshidagi “hayvonlarni hisobga qoʻyish” soʻzlari “roʻyxatga olish” soʻzlari bilan almashtirilsin;

4-banddagi “boʻlimlari” soʻzi “veterinariya uchastkalari xodimlari” soʻzlari bilan almashtirilsin;

6-bandda:

“v” kichik band oʻz kuchini yoʻqotgan deb hisoblansin;

“g” kichik banddagi “hayvonlarning barcha turlariga” soʻzlari “ot, it va mushuklarga” soʻzlari bilan almashtirilsin;

8-band quyidagi tahrirda bayon etilsin:

“8. Hayvonlarni birkalash uchun ushbu Nizomga 3-ilovada keltirilgan identifikatsiya raqamini saqlovchi quloq birkalaridan foydalaniladi.”;

10-band oʻz kuchini yoʻqotgan deb hisoblansin;

15-banddagi “(jeton)” soʻzi chiqarib tashlansin;

16-band quyidagi tahrirda bayon etilsin:

“16. Hayvonlarning egalaridan identifikatsiya qilish xizmatlari uchun toʻlov undiriladi (Oʻzbekiston Respublikasi Prezidentining 2023-yil 24-avgustdagi PQ-285-son qaroriga 1 ilovada keltirilgan tumanlar bundan mustasno). Toʻlov miqdori va shartlari Oʻzbekiston Respublikasi Iqtisodiyot va moliya vazirligi bilan kelishilgan holda, Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi tomonidan belgilanadi.”;

4-bob nomi quyidagi tahrirda bayon etilsin:

“4-bob Hayvonlarni roʻyxatga olish va roʻyxatdan chiqarish”;

25, 26, 27, 28, 34, 35 va 36-bandlardagi “hisobga” va “hisobdan” soʻzlari tegishliligi boʻyicha “roʻyxatga” va “roʻyxatdan” soʻzlari bilan almashtirilsin;

quyidagi mazmundagi 41-bob bilan toʻldirilsin:

“41-bob. Hayvonlarni kuzatish

371. Hududlardagi chorva va uy hayvonlarini identifikatsiya qilish, roʻyxatga olish, roʻyxatdan chiqarish va saqlashning toʻliq qamrab olinganligi holati oʻrganiladi.

372. Kushxonalar, mol bozorlari, ichki postlar, shuningdek, chorva hayvonlarining bir hududdan boshqa hududga oʻtish harakatlari (migratsiyasi) tahlil qilinadi.

373. Chorva hayvonlari saqlanadigan obyektlarning joylashuv manzili shakllantiriladi.

374. Hayvonlarning kasalliklariga qarshi oʻtkazilayotgan profilaktika davolash, tashxis qoʻyish ishlari doimiy ravishda kuzatiladi.”;

1-ilova quyidagi tahrirda bayon etilsin:

“Hayvonlarni identifikatsiya qilish, roʻyxatga olish va kuzatish tartibi toʻgʻrisidagi nizomga 1-ILOVA

Hayvonlarni identifikatsiya qilish, roʻyxatga olish va roʻyxatdan chiqarish

SXEMASI

2, 4, 5, 7 va 8 ilovalardagi “Hayvonlarni identifikatsiya qilish, ularni hisobga olish, hisobdan chiqarish va saqlash tartibi toʻgʻrisidagi nizomga” soʻzlari “Hayvonlarni identifikatsiya qilish, roʻyxatga olish va kuzatish tartibi toʻgʻrisidagi nizomga” soʻzlari bilan almashtirilsin;

3-ilova quyidagi tahrirda bayon etilsin:

“Hayvonlarni identifikatsiya qilish, roʻyxatga olish va kuzatish tartibi toʻgʻrisidagi nizomga 3-ILOVA

Identifikatsiya raqamini saqlovchi quloq birkalar turlari va meʼyorlari

Hayvonlar uchun issiq va sovuqqa chidamli elastik polimer materiallardan tayyorlangan quloq birkasi tavsiya etiladi.

Hayvon turiga qarab quloq birkasi turli xil koʻrinish, rang va shakllarda boʻlishi mumkin.

Qoramollar uchun quloq birkasining plastmassa turi quyidagi hajmda: eni — 57 mm, balandligi — 77 mm (1-rasm).

Qoʻy, echki va tuyalar uchun: eni — 40 mm, balandligi — 45 mm (2-rasm), eni — 37 mm, uzunligi — 41 mm (3-rasm).

Choʻchqalar uchun tugma koʻrinishidagi birkalardan foydalanish maqsadga muvofiq boʻlib, diametri 25 mm (4-rasm).

Quloq birkalari hayvonlarning qulogʻiga birkalarni oʻrnatish texnikasiga muvofiq oʻrnatiladi.”;

6-ilova oʻz kuchini yoʻqotgan deb hisoblansin.

2. Vazirlar Mahkamasining 2019-yil 27-iyundagi 532-son qarori bilan tasdiqlangan Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalarning 23-bandi “a” kichik bandidagi “10” raqami chiqarib tashlansin.

3. Vazirlar Mahkamasining “Chorvachilik, parrandachilik va baliqchilik xoʻjaliklariga ular tomonidan yetishtirilgan va sotilgan mahsulotlar uchun subsidiya ajratish tartibi toʻgʻrisidagi nizomni tasdiqlash haqida” 2021-yil 12-iyuldagi 434-son qarorida:

a) 1-ilovada:

2-bandda:

uchinchi xatboshi chiqarib tashlansin;

beshinchi xatboshidagi “, shuningdek, kontragentlarni tanlashda lozim darajada ehtiyotkor boʻlgan” soʻzlari chiqarib tashlansin.

5-band quyidagi tahrirda bayon etilsin:

“5. Subsidiya qoʻshilgan qiymat soligʻidan qarzdorligi mavjud boʻlmagan subsidiya oluvchilarga ajratiladi.”

6-bandning ikkinchi xatboshidagi “12” raqami chiqarib tashlansin;

12-band oʻz kuchini yoʻqotgan deb hisoblansin;

13-band quyidagi tahrirda bayon etilsin:

“13. Subsidiya oluvchilar oʻz xoʻjaligida yetishtirilgan mahsulotlarni chorak davomida Veterinariya va chorvachilikni rivojlantirish qoʻmitasining (keyingi oʻrinlarda — Qoʻmita) “my.vetgov.uz” sayti orqali tuman (shahar) veterinariya va chorvachilikni rivojlantirish boʻlimlariga (keyingi oʻrinlarda — Boʻlim) ariza bilan murojaat qiladi.

Boʻlim subsidiya ajratish bilan bogʻliq ariza va unga ilova qilingan hujjatlarni koʻrib chiqish uchun komissiyaga taqdim etadi.”;

16-banddagi “Oʻzbekchorvanasl” agentligiga (keyingi oʻrinlarda — Agentlik)” soʻzlari “Qoʻmitaga” soʻzi bilan almashtirilsin;

17-band quyidagi tahrirda bayon etilsin:

“17. Xulosa kelib tushgan sanada Qoʻmita va Soliq qoʻmitasi oʻrtasida integratsiya qilingan maʼlumotlar bazasidan elektron tartibda foydalanadi.”;

18-band quyidagi tahrirda bayon etilsin:

“18. Subsidiya oluvchi oʻz xoʻjaligida yetishtirgan chorvachilik mahsulotlarini sotganidan soʻng komissiya xulosasi va soliq organlarining maʼlumotlarini “my.vetgov.uz” sayti orqali doimiy kuzatib boradi.”;

19-band quyidagi tahrirda bayon etilsin:

“19. Qoʻmita kalendar yil mobaynida chorvachilik subyektlariga ajratiladigan subsidiyalar toʻgʻrisidagi maʼlumotlarni Nizomga 5, 5a va 5b-ilovalardagi shakllarda Iqtisodiyot va moliya vazirligi bilan kelishilgan holda uch ish kunida tasdiqlaydi.”;

20-band quyidagi tahrirda bayon etilsin:

“20. Komissiya xulosasi va soliq organlarining maʼlumotlari ijobiy boʻlgan taqdirda, elektron shakldagi maʼlumotlar Veterinariya va chorvachilikni rivojlantirish qoʻmitasining “my.vetgov.uz” sayti orqali Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasiga yuboriladi.”;

21-band quyidagi tahrirda bayon etilsin:

“21. Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi Veterinariya va chorvachilikni rivojlantirish qoʻmitasining xulosasi “my.vetgov.uz” sayti orqali kelib tushgandan soʻng bir ish kunida budjetdan shu maqsadga ajratilgan mablagʻlar doirasida tegishli subsidiya summasini subsidiya oluvchining bank hisobvaragʻiga oʻtkazadi.”;

23 va 25-bandlardagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

2-ilova quyidagi tahrirda bayon etilsin:

“Chorvachilik, parrandachilik va baliqchilik xoʻjaliklariga ular tomonidan yetishtirilgan va sotilgan mahsulotlar uchun subsidiya ajratish tartibi toʻgʻrisidagi nizomga 2-ILOVA

Qoʻshilgan qiymat soligʻi toʻlovchisining subsidiya olish toʻgʻrisidagi arizasini koʻrib chiqish va subsidiya ajratish tartibi

SXEMASI

4-ilova quyidagi tahrirda bayon qilinsin:

“Chorvachilik, parrandachilik va baliqchilik xoʻjaliklariga ular tomonidan yetishtirilgan va sotilgan mahsulotlar uchun subsidiya ajratish tartibi toʻgʻrisidagi nizomga 4-ILOVA

4a-ilova quyidagi tahrirda bayon qilinsin:

“Chorvachilik, parrandachilik va baliqchilik xoʻjaliklariga ular tomonidan yetishtirilgan va sotilgan mahsulotlar uchun subsidiya ajratish tartibi toʻgʻrisidagi nizomga 4a-ILOVA

4b-ilova quyidagi tahrirda bayon qilinsin:

“Chorvachilik, parrandachilik va baliqchilik xoʻjaliklariga ular tomonidan yetishtirilgan va sotilgan mahsulotlar uchun subsidiya ajratish tartibi toʻgʻrisidagi nizomga 4b-ILOVA

b) 2-ilova quyidagi tahrirda bayon etilsin:

“Vazirlar Mahkamasining 2021-yil 12-iyuldagi 434-son qaroriga 2-ILOVA

Chorvachilik mahsulotlari uchun subsidiya ajratilishini samarali tashkil etishni taʼminlash boʻyicha tuman (shahar) komissiyalarining

NAMUNAVIY TARKIBI