Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida (PQ-410-son)

27.12.2023

Oʻzbekiston Respublikasi Prezidentining

Qarori

Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmatlarni koʻrsatish tizimini takomillashtirish, ularni qoʻllab-quvvatlash, jamiyatga integratsiya qilish va mustaqil hayot kechirishlari uchun zarur sharoitlar yaratish, ijtimoiy xizmatlar koʻrsatish jarayonini raqamlashtirish, koʻrsatilayotgan ijtimoiy xizmatlar sifatini oshirish maqsadida:

1. Quyidagilar oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmatlar va yordam koʻrsatishning ustuvor yoʻnalishlari etib belgilansin:

oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni (keyingi oʻrinlarda — yolgʻiz keksalar va nogironligi boʻlgan shaxslar) aniqlash tartib-taomillarini optimallashtirish va raqamlashtirish;

ijtimoiy xizmatlarni mahalla darajasida tashkil etish orqali mazkur xizmatlardan foydalanish qamrovini kengaytirish;

oʻzgalar parvarishiga muhtoj boʻlgan shaxslarning salomatligi va turmush sifatini yaxshilash orqali ularning ijtimoiylashuvini taʼminlash;

ijtimoiy himoya tizimida parvarishlash iqtisodiyotini shakllantirish orqali xususiy sektor ishtirokini kengaytirish;

yolgʻiz keksalar va nogironligi boʻlgan shaxslarning ijtimoiy ahvolidan kelib chiqib tabaqalashtirilgan ijtimoiy xizmatlar va yordam koʻrsatish tizimini joriy etish.

2. Belgilansinki:

a) yolgʻiz keksalar va nogironligi boʻlgan shaxslarni aniqlash, ularga ijtimoiy xizmatlar koʻrsatish yoʻnalishida:

“Inson” ijtimoiy xizmatlar markazi tomonidan “Yagona milliy ijtimoiy himoya” axborot tizimida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning reyestri (keyingi oʻrinlarda — reyestr) yuritiladi;

yolgʻiz keksalar va nogironligi boʻlgan shaxslarni aniqlash va ularning murojaatlarini qabul qilish mahalla darajasida amalga oshiriladi;

“Inson” ijtimoiy xizmatlar markazi tomonidan oʻzgalarning parvarishiga muhtojlik darajasini baholash natijalari hamda individual tartibdagi ijtimoiy xizmatlar va yordam koʻrsatish rejasi (keyingi oʻrinlarda — Individual ijtimoiy xizmatlar rejasi) tasdiqlanadi;

yolgʻiz keksalar va nogironligi boʻlgan shaxslarning yoʻqotilgan biometrik pasportlari (identifikatsiya ID-kartalari) ular reyestrga kiritilguniga qadar “Inson” ijtimoiy xizmatlar markazi buyurtmasi asosida davlat boji undirilmagan holda almashtirib beriladi;

reyestrga kiritilgan yolgʻiz keksalar va nogironligi boʻlgan shaxslar toʻgʻrisidagi maʼlumotlar “Elektron hukumat” tizimining Idoralararo integratsiyalashuv platformasi orqali tegishli ijtimoiy xizmatlar va yordamni koʻrsatish uchun boshqa davlat organlariga taqdim etiladi;

reyestrga kiritilgan yolgʻiz keksalar va nogironligi boʻlgan shaxslarning yashash sharoiti individual ijtimoiy xizmatlar rejasiga muvofiq moslashtirib beriladi;

b) 2024-yil 1-fevraldan boshlab reyestrga kiritilgan yolgʻiz keksalar va nogironligi boʻlgan shaxslarga davlat tomonidan kafolatlangan ijtimoiy xizmatlar va yordam ijtimoiy xizmat koʻrsatish shartnomasi asosida koʻrsatiladi;

v) vasiylikdagi shaxsning mol-mulkini taqsimlash va uning taqdirini hal etishga qaratilgan boshqa bitimlar notarial tasdiqlashdan avval “Inson” ijtimoiy xizmatlar markazlari bilan kelishiladi.

g) 2024-yil 1-apreldan boshlab:

“Inson” ijtimoiy xizmatlar markazlari hamda Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tizimidagi tibbiy-ijtimoiy muassasalarda shartnoma asosida pullik xizmat koʻrsatish tartibi joriy etiladi. Bunda, “Inson” ijtimoiy xizmatlar markazlari hamda tibbiy-ijtimoiy muassasalarda shartnoma asosida koʻrsatiladigan pullik xizmatlar roʻyxati Agentlik tomonidan Iqtisodiyot va moliya vazirligi bilan kelishilgan holda tasdiqlanadi;

reyestrga kiritilgan yolgʻiz keksalar va nogironligi boʻlgan shaxslarga va ularga bevosita hamrohlik qiluvchi bir nafar shaxsga bir yilda bir marta temir yoʻl yoki shaharlararo avtobus uchun bepul chiptalar (borish va qaytish uchun) ajratiladi.

3. Shunday tartib oʻrnatilsinki, unga muvofiq 2024-yil 1-martdan boshlab:

b) har olti oyda bir marotaba ijtimoiy xizmatlar sifati hamda individual ijtimoiy xizmatlar rejasi natijalari “Inson” markazi xodimi, oilaviy shifokor hamda fuqarolar yigʻini raisi tomonidan monitoringdan oʻtkaziladi. Bunda:

yolgʻiz keksalar va nogironligi boʻlgan shaxslarning oddiy va murakkab harakatlarni amalga oshirish imkoniyati baholab boriladi;

individual ijtimoiy xizmatlar rejasida belgilangan xizmatlarning masʼul xodim tomonidan koʻrsatilgan muddati, natijasi, sifati, samaradorligi, bexatarligi baholanadi va monitoring maʼlumotlari “Yagona milliy ijtimoiy himoya” axborot tizimiga kiritib boriladi;

ijtimoiy xizmatdan foydalanuvchi tomonidan xizmatdan qoniqish hosil qilganligi darajasi baholanadi;

v) notariuslar tomonidan “Inson” ijtimoiy xizmatlar markazlariga umrbod renta shartnomasi toʻgʻrisidagi maʼlumotlar yuboriladi.

Bunda, “Inson” ijtimoiy xizmatlar markazlarining ijtimoiy xodimlari tomonidan renta toʻlovchi tomonidan umrbod renta shartnomasi shartlariga rioya etilishi monitoring qilib boriladi;

g) ijtimoiy xizmatlar va ijtimoiy yordamlar koʻrsatish dasturlari boʻyicha axborot targʻiboti yoʻnalishida:

Agentlik buyurtmasiga asosan Raqamli texnologiyalar vazirligi tomonidan ijtimoiy xizmatlar va ijtimoiy yordamlar koʻrsatish dasturlari boʻyicha maʼlumotlar mobil aloqa operatorlari va kontent-provayderlar orqali aholining mobil aloqa vositalariga SMS-xabar koʻrinishida yuboriladi;

Agentlik buyurtmasi boʻyicha mobil aloqa operatorlari va kontent-provayderlarning SMS-xabarni foydalanuvchiga uzatish bilan bogʻliq xarajatlari yuridik shaxslarning soliq bazasiga kiritilmaydi.

Bunda, ijtimoiy xizmatlar va yordamlar toʻgʻrisidagi maʼlumotlar mobil aloqa operatorlari va kontent-provayderlar tomonidan uzatilishi uchun SMS-xabar limiti ajratiladi.

4. Agentlikning “Saxovat” keksalar va nogironligi boʻlgan shaxslar uchun internat uylari hamda Urush va mehnat faxriylari uchun respublika pansionatini Ijtimoiy qoʻllab-quvvatlash markazi sifatida qayta nomlash haqidagi taklifiga rozilik berilsin.

5. Belgilansinki:

a) Ijtimoiy qoʻllab-quvvatlash markazida:

yolgʻiz keksalar va nogironligi boʻlgan shaxslarning ijtimoiylashuvini taʼminlash maqsadida ijtimoiy-mehnat reabilitatsiya xonalari tashkil etiladi;

istiqomat qiluvchi har 100 kishiga Agentlik tizimidagi muassasalarning amaldagi shtat birliklari doirasida bir nafardan ijtimoiy xodim, reabilitolog va mehnat yoʻriqchisi shtat birliklari joriy etiladi;

istiqomat qiluvchilarning oʻz xohishiga koʻra mehnat faoliyati bilan shugʻullanishiga ruxsat beriladi;

b) 2024-yil 1-apreldan boshlab Samarqand va Fargʻona viloyatlari hamda Toshkent shahrida joylashgan ijtimoiy qoʻllab-quvvatlash markazlarida eksperiment tariqasida:

ularda joylashtirilgan shaxslarga ularning ehtiyoji hamda xohishiga koʻra qisqa va uzoq muddat qolish hamda internat uyidan butunlay chiqish imkoniyati yaratiladi;

ijtimoiy qoʻllab-quvvatlash markazlari joylashgan hududdagi oʻzgalar parvarishiga muhtoj keksalar va nogironligi boʻlgan shaxslar, shu jumladan “Ijtimoiy himoya yagona reyestri” ATga kiritilgan oilalarning oʻzgalar parvarishiga muhtoj keksalari va nogironligi boʻlgan shaxslariga shartnoma asosida mobil, kunduzgi qatnov shaklidagi, qisqa va uzoq muddatli ijtimoiy va reabilitatsiya xizmatlari koʻrsatiladi;

Bunda mazkur kichik bandning uchinchi xatboshisida nazarda tutilgan xizmatlar 2025-yil 1-iyuldan boshlab respublikaning barcha hududlaridagi Ijtimoiy qoʻllab-quvvatlash markazlarida yoʻlga qoʻyiladi.

6. 2024-yil 1-maydan boshlab reyestrga kiritilgan yolgʻiz keksalar va nogironligi boʻlgan shaxslarga (yolgʻiz yashovchi keksalar va yolgʻiz yashovchi nogironligi boʻlgan shaxslar bundan mustasno) har oylik uy-joy kommunal xizmatlar haqini toʻlash boʻyicha kompensatsiya hamda oziq-ovqat mahsulotlari va shaxsiy gigiyena tovarlari uchun har oyda qoʻshimcha pul toʻlovlari oʻrniga yolgʻiz keksalar va nogironligi boʻlgan shaxslar uchun har oyda minimal isteʼmol xarajatlari miqdorida moddiy yordam joriy etilsin.

7. Oʻzbekiston Respublikasi Prezidentining maslahatchisi — Agentlik direktori M.P. Olloyorov Bosh vazir oʻrinbosari J.A. Qoʻchqorov bilan birgalikda 2026-yil 1-yanvarga qadar Agentlik tizimidagi keksalar, nogironligi boʻlgan shaxslar, urush va mehnat faxriylari uchun sanatoriylar faoliyatini takomillashtirish hamda imtiyozli toifadagi shaxslarni sanatoriya muassasalarida davolash tizimini yanada rivojlantirish boʻyicha Oʻzbekiston Respublikasi Prezidenti Administratsiyasiga taklif kiritsin.

8. Ijtimoiy himoyaga muhtoj keksa va nogironligi boʻlgan shaxslarni qoʻllab-quvvatlash tizimini yanada takomillashtirish boʻyicha “Yoʻl xaritasi” ilovaga muvofiq tasdiqlansin.

9. Agentlik ikki oy muddatda yolgʻiz keksalar va nogironligi boʻlgan shaxslarga davlat tomonidan kafolatlangan ijtimoiy xizmatlarni koʻrsatish shartnomasining namunasini hamda yolgʻiz va yolgʻiz yashovchi keksalar va nogironligi boʻlgan shaxslarni aniqlash, ularga ijtimoiy xizmatlar va yordam koʻrsatish reglamentini tasdiqlasin.

10. Mazkur qarorning ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi — Agentlik direktori M.P. Olloyorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 27-dekabr,

PQ-410-son

Oʻzbekiston Respublikasi Prezidentining 2023-yil 27-dekabrdagi PQ-410-son qaroriga ILOVA

Ijtimoiy himoyaga muhtoj keksa va nogironligi boʻlgan shaxslarni qoʻllab-quvvatlash tizimini yanada takomillashtirish boʻyicha

“YOʻL XARITASI”

T/rChora-tadbirlar nomiAmalga oshirish mexanizmiIjro muddatiMoliyalashtirish manbalariMasʼul ijrochilar1.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga ijtimoiy xizmatlar koʻrsatish tartibini belgilash.1. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni aniqlash, reyestrga kiritish, ijtimoiy xizmatlar koʻrsatish, monitoring qilish va reyestrdan chiqarish tartibini belgilovchi normativ-huquqiy hujjat loyihasini ishlab chiqish va manfaatdor vazirlik va idoralar bilan kelishish.2. Tasdiqlash uchun Vazirlar Mahkamasiga kiritish.2024-yil yanvar-Ijtimoiy himoya milliy agentligi,Adliya vazirligi,Sogʻliqni saqlash vazirligi,Iqtisodiyot va moliya vazirligi,Kambagʻallikni qisqartirish va bandlik vazirligi2.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar qarindoshlarini koʻrib kelishlari uchun ularga va ularni kuzatuvchi shaxsga bir yilda bir marotaba temir yoʻl yoki shaharlararo avtobus uchun bepul chiptalar (borish va qaytish uchun) ajratish tartibini belgilash.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar qarindoshlarini koʻrib kelishlari uchun ularga va ularni kuzatuvchi shaxslarga bepul chiptalar ajratish tartibini nazarda tutuvchi Vazirlar Mahkamasining qarori loyihasini ishlab chiqish.2024-yil mart-Transport vazirligi,Ijtimoiy himoya milliy agentligi,Adliya vazirligi3.Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni shahar yoʻlovchilar transportida (yoʻnalishli va yoʻnalishsiz taksidan tashqari) bepul yurish huquqini beruvchi imtiyozli transport kartalari beriladigan shaxslar toifasiga kiritish.Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga imtiyozli transport kartalarini berish tartibini nazarda tutuvchi Vazirlar Mahkamasining qarori loyihasini ishlab chiqish2024-yil mart-Transport vazirligi,Ijtimoiy himoya milliy agentligi,Adliya vazirligi4.Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning yashash sharoitini moslashtirib berish.“Inson” ijtimoiy xizmatlar markazi buyurtmasi asosida Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga Yakka tartibdagi dastur talablariga muvofiq yashash sharoitini moslashtirish (pandus, tutqichlar, hojatxona, oshxona, yotoqxona va vannalarni moslashtirish).Doimiy ravishda“Saxovat va koʻmak” jamgʻarmasi mablagʻlari,Oʻzbekiston Kasaba uyushmalari federatsiyasi mablagʻlari,qonunchilikda taqiqlanmagan boshqa manbalarQoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,Oʻzbekiston Kasaba uyushmalari federatsiyasi,Ijtimoiy himoya milliy agentligi5.Uyda ijtimoiy-maishiy xizmatlarni koʻrsatishga nodavlat notijorat tashkilotlari va volontyorlarni jalb etish.Quyidagi tadbirlarni amalga oshirish:“Inson” ijtimoiy xizmatlar markazlarida oʻzgalar parvarishiga muhtoj boʻlgan yolgʻiz yashovchi hamda yolgʻiz keksa va nogironligi boʻlgan shaxslarga tyutorlik (zamonaviy texnologiya va onlayn xizmatlardan foydalanishga oʻrgatish) hamda ijtimoiy kuzatuv (tibbiyot va sport muassasasiga olib borish va koʻrikdan oʻtkazish) xizmatlarini koʻrsatishga nodavlat notijorat tashkilotlari va volontyorlar jalb etish;bosqichma-bosqich volontyorlar jalb etiladigan ijtimoiy xizmatlar turlarini kengaytirib borish.Doimiy ravishda-Ijtimoiy himoya milliy agentligi,Oʻzbekiston volonterlar assotsiatsiyasi,Oʻzbekiston nodavlat notijorat tashkilotlari milliy assotsiatsiyasi6.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga kasaba uyushmasi tashkilotlari tomonidan ijtimoiy yordam berishda kasaba uyushmalari ishtirokini kengaytirish.1. Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari hamda Kasaba uyushmalari hududiy birlashmalari bilan birgalikda chora-tadbirlar rejasini ishlab chiqish.2. Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga “Inson” ijtimoiy xizmatlar markazlarining ijtimoiy buyurtmalari asosida kasaba uyushmasi tashkilotlari tomonidan ijtimoiy yordam berishni (oziq-ovqat mahsulotlari, dori-darmonlar, uy-joyni taʼmirlash, kommunal xizmatlarga haq toʻlash va shu kabilar) yoʻlga qoʻyish.2024-yil apreldan boshlab har chorakda bir martaOʻzbekiston Kasaba uyushmalari federatsiyasi mablagʻlari,“Saxovat va koʻmak” jamgʻarmasiOʻzbekiston Kasaba uyushmalari federatsiyasi,Ijtimoiy himoya milliy agentligi7.“Yagona milliy ijtimoiy himoya” axborot tizimida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga ijtimoiy xizmat va yordam koʻrsatishda ijtimoiy sheriklik, xayriya va nodavlat notijorat tashkilotlari bilan hamkorlikning boshqa shakllarini amalga oshirish platformasini yaratish.“Yagona milliy ijtimoiy himoya” axborot tizimida quyidagilarni nazarda tutuvchi platformani ishga tushirish:nodavlat notijorat tashkilotlari tomonidan ijtimoiy sheriklik loyihasini amalga oshirish uchun tashabbus kiritish;nodavlat notijorat tashkilotlarini va volontyorlarni tanlab olishga tanlov mezonlarini belgilash;muvaffaqiyatli ijtimoiy sheriklik loyihalari haqidagi maʼlumotlarni targʻib qilish;homiylar, volontyorlar va Ijtimoiy himoya milliy agentligi bilan ijtimoiy sheriklik loyihalarini amalga oshirayotgan subyektlar reyestri;tijorat subyektlari, volontyorlik harakatlari va boshqa shaxslarni ijtimoiy loyihalarni amalga oshirishga jalb qilish va boshqalar.2024-yil noyabrHisob-kitoblarga muvofiqIjtimoiy himoya davlat jamgʻarmasi va budjet mablagʻlari hisobidanIjtimoiy himoya milliy agentligi,Raqamli texnologiyalar vazirligi,Iqtisodiyot va moliya vazirligi,Yoshlar siyosati va sport vazirligi,Oʻzbekiston nodavlat notijorat tashkilotlari milliy assotsiatsiyasi8.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning parvarishi bilan band boʻlgan shaxslarni qoʻllab-quvvatlash tizimini tashkil etish.Ilgʻor xorijiy tajribani oʻrgangan holda oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning parvarishi bilan band boʻlgan shaxslarni qoʻllab-quvvatlash boʻyicha takliflar ishlab chiqish va Oʻzbekiston Respublikasi Prezidenti Administratsiyasiga kiritish.2024-yil avgust-Ijtimoiy himoya milliy agentligi,Iqtisodiyot va moliya vazirligi9.Imtiyozga ega boʻlmagan shaxslar uchun Ijtimoiy himoya milliy agentligi tizimida koʻrsatiladigan xizmatlarni shartnoma asosida pullik xizmat koʻrsatish imkoniyatini yaratish.Tuman (shahar) “Inson” markazlari hamda tibbiy-ijtimoiy muassasalarda shartnoma asosida pullik asosda koʻrsatiladigan xizmatlar roʻyxatini tasdiqlash.2024-yil aprel-Ijtimoiy himoya milliy agentligi,Iqtisodiyot va moliya vazirligi,Raqobatni rivojlantirish va isteʼmolchilar huquqlarini himoya qilish qoʻmitasi10.Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni dori vositalari bilan imtiyozli taʼminlash tizimini takomillashtirish.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni “Inson” ijtimoiy xizmatlari markazlari tomonidan “Ijtimoiy karta” orqali imtiyozli dori vositalari bilan taʼminlash boʻyicha takliflarni kiritish.2024-yil sentabr-Sogʻliqni saqlash vazirligi,Ijtimoiy himoya milliy agentligi,Markaziy bank,Adliya vazirligi11.Oʻzgalar parvarishiga muhtoj boʻlgan yolgʻiz yashovchi hamda keksalar va nogironligi boʻlgan shaxslarni parvarish qilish boʻyicha ularning oila aʼzolarini oʻqitish.1. Oʻzgalar parvarishiga muhtoj boʻlgan yolgʻiz yashovchi hamda keksalar va nogironligi boʻlgan shaxslarni parvarish qilish boʻyicha ularning oila aʼzolarini oʻqitish tizimini yoʻlga qoʻyish.2. Oʻzgalar parvarishiga muhtoj boʻlgan yolgʻiz yashovchi hamda keksalar va nogironligi boʻlgan shaxslarni parvarish qilish boʻyicha video-rolik, qoʻllanmalar yaratish va mazkur shaxslarning oila aʼzolariga tarqatish va elektron platformaga joylashtirib borish.2024-yil apreldan boshlab doimiy ravishdaIjtimoiy himoya davlat jamgʻarmasi mablagʻlariIjtimoiy himoya milliy agentligi,Nodavlat notijorat tashkilotlari12.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar uchun joylarda ijtimoiy xizmatlarni kengaytirish.1. Nuroniylar maskanlari va mahalla guzarlarida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar uchun haftaning bir kunini “Inson” ijtimoiy xizmatlar markazi tomonidan tasdiqlangan grafik asosida tuman (shaharda)gi:2024-yil aprel“Nuroniy” jamgʻarmasi mablagʻlari,masʼul vazirlik va idoralarning mablagʻlari,homiylik xayriyalariIjtimoiy himoya milliy agentligi,Yoshlar siyosati va sport vazirligi,Madaniyat vazirligi,“Nuroniy” jamgʻarmasi,“Hunarmand” uyushmasisport maktablarini jalb qilgan holda sport tadbirlarini (shaxmat, shashka, fitnes va boshqalar);musiqa maktablarini jalb qilgan holda musiqa toʻgaraklarini;hunarmandchilik yoʻnalishida toʻgaraklarni;nodavlat notijorat tashkilotlari va koʻngillilar bilan hamkorlikda zarur xizmatlardan (elektron davlat xizmatlaridan foydalanish, tovar (ish, xizmat) buyurtma qilish va boshqalar) foydalanish koʻnikmalarini shakllantiruvchi tyutorlik xizmatlarini yoʻlga qoʻyish.2. Reja-grafik tasdiqlagan holda har bir toʻgarak uchun haftaning bir kunida toʻgarak soatlarini belgilash.Doimiy ravishda13.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestriga kiritilgan shaxslarga qilingan homiylik faoliyatini ragʻbatlantirish.Oʻzbekiston Respublikasi Soliq kodeksiga Reyestrga kiritilgan shaxslarga qilingan homiylik xayriyalarini foyda soligʻi bazasini aniqlashda chegirib tashlanadigan xarajatlarga kiritish boʻyicha qonun loyihasini Oʻzbekiston Respublikasi Prezidenti Administratsiyasiga kiritish.2024-yil may-Ijtimoiy himoya milliy agentligi,Iqtisodiyot va moliya vazirligi,Adliya vazirligi14.Harakat faolligi toʻliq cheklangan ruhiy kasallik bilan nogironligi boʻlgan shaxslarning oila aʼzolariga mazkur shaxslarni parvarishlash boʻyicha koʻmaklashish.Harakat faolligi toʻliq cheklangan ruhiy kasallik bilan nogironligi boʻlgan shaxslarning oilalarga haftada bir marta patronaj hamshira parvarish xizmatini tashkil etishni nazarda tutuvchi sogʻliqni saqlash vaziri buyrugʻini ishlab chiqish.Bunda, oilaviy shifokor va psixiatrning bemor holatini baholash natijasiga muvofiq zarur hamshiralik parvarish (yotoq yaralar profilaktikasi, davolovchi mashqlar, buyurilgan dori vositalarni qabul qilinishi ustidan nazorat) tartibini nazarda tutish.2024-yil mart-Sogʻliqni saqlash vazirligi,Ijtimoiy himoya milliy agentligi,Iqtisodiyot va moliya vazirligi15.Keksalar va nogironligi boʻlgan shaxslarni zoʻravonlikdan himoya qilishni targʻib qilish.Keksalar va nogironligi boʻlgan shaxslarni qiynoqqa solish, zoʻravonlik, boshqa shafqatsiz, gʻayriinsoniy yoki inson qadr-qimmatini kamsituvchi muomalaga yoxud jazoga duchor etish holatlarining oldini olish masalasida ommaviy axborot vositalarida tushuntirish-targʻibot ishlarini tashkil etish.Qiynoq holatlarini aniqlash va ularning oldini olish boʻyicha jamoatchilik guruhlari faoliyatini jadallashtirishga oid davra suhbatlarini tashkil etish. media-reja asosida-Ijtimoiy himoya milliy agentligi,Ichki ishlar vazirligi,Kambagʻallikni qisqartirish va bandlik vazirligi,Sogʻliqni saqlash vazirligi,Oʻzbekiston Milliy teleradiokompaniyasi,Oʻzbekiston Milliy axborot agentligi,manfaatdor vazirlik va idoralar16.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni qoʻllab-quvvatlash yoʻnalishida ilmiy tadqiqotlar olib borish.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni qoʻllab-quvvatlashning dolzarb muammolarini tadqiq qilish boʻyicha fundamental, amaliy va innovatsion ilmiy tadqiqotlarni amalga oshirish boʻyicha grant eʼlon qilish.2024-yil sentabrIlmiy-tadqiqot loyihalarini amalga oshirish uchun Oliy taʼlim, fan va innovatsiyalar vazirligi tomonidan oʻtkaziladigan tanlovlar natijalariga koʻra ajratiladigan grantlarIjtimoiy himoyani rivojlantirish instituti,Oliy taʼlim, fanva innovatsiyalar vazirligiIjtimoiy himoyaga muhtoj yolgʻiz yashovchi hamda keksalar va nogironligi boʻlgan shaxslarga koʻrsatilayotgan xizmatlar samaradorligini tahlil qilish, soʻrovnomalar oʻtkazish va ilmiy asoslangan tavsiyalar ishlab chiqish 2024-yil oktabrOliy Majlis huzuridagi jamoat fondi mablagʻlariIjtimoiy himoyani rivojlantirish instituti,Oliy Majlis huzuridagi jamoat fondi18.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksa va nogironligi boʻlgan shaxslarning yoʻqotilgan biometrik pasportlari (identifikatsiya ID-kartalarini) ular Reyestrga kiritilguniga qadar “Inson” ijtimoiy xizmatlar markazi buyurtmasi asosida almashtirib berishda davlat bojidan ozod qilish.1. Oʻzbekiston Respublikasining “Davlat boji toʻgʻrisida”gi Qonuniga oʻzgalar parvarishiga muhtoj boʻlgan yolgʻiz yashovchi hamda yolgʻiz keksa va nogironligi boʻlgan shaxslarning yoʻqotilgan biometrik pasportlari (identifikatsiya ID-kartalarini) ular Reyestrga kiritilguniga qadar “Inson” ijtimoiy xizmatlar markazi buyurtmasi asosida almashtirib berishda davlat bojidan ozod qilish boʻyicha oʻzgartirish kiritish boʻyicha qonun loyihasini ishlab chiqish va kelishish.2. Qonun loyihasini Vazirlar Mahkamasiga kiritish.2024-yil may-Ichki ishlar vazirligi,Ijtimoiy himoya milliy agentligi,Adliya vazirligi,Iqtisodiyot va moliya vazirligi19.Nuroniylar maskanlari, madaniyat markazlari va mahalla guzarlarida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar uchun sport, musiqa, hunarmandchilik yoʻnalishida toʻgaraklarni yoʻlga qoʻyish.Quyidagilarni nazarda tutuvchi amaliyotni yoʻlga qoʻyish:“Inson” ijtimoiy xizmatlar markazi tomonidan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar uchun mahallalar kesimida ijtimoiy buyurtmani shakllantirish;ijtimoiy buyurtmadan kelib chiqib Yoshlar siyosati va sport vazirligi, Madaniyat vazirligi, “Nuroniy” jamgʻarmasi va “Hunarmand” uyushmasining hududiy boʻlinmalari va “Inson” ijtimoiy xizmatlar markazi, Nuroniylar maskanlari, madaniyat markazlari va mahalla guzarlarida toʻgaraklarni reja-grafik asosida tashkil etish.2024-yil 1-maydan boshlab doimiy ravishdaMasʼul tashkilotlarning mablagʻlari,qonunchilikda taqiqlanmagan boshqa manbalarIjtimoiy himoya milliy agentligi,Yoshlar siyosati va sport vazirligi,Madaniyat vazirligi,Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi,“Hunarmand” uyushmasi20.Ota-onasini qarovsiz qoldirgan voyaga yetgan mehnatga layoqatli shaxslarning ota-onalariga gʻamxoʻrlik qilish boʻyicha masʼuliyatini oshirish.1. Ota-onasini qarovsiz qoldirgan voyaga yetgan mehnatga layoqatli shaxslardan qarovsiz qoldirilgan ota-onasiga ijtimoiy xodimlar tomonidan koʻrsatilgan uyda parvarish xizmatlari uchun kompensatsiya undirish boʻyicha milliy qonunchilik va ilgʻor xorijiy tajribani tahlil qilish.2. Oʻrganish natijalari boʻyicha tahliliy maʼlumotnomani Oʻzbekiston Respublikasi Prezidenti Administratsiyasiga kiritish.2024-yil iyul-Ijtimoiy himoya milliy agentligi,Adliya vazirligi,Oliy sud,Bosh prokuratura21.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga ijtimoiy xizmatlarni koʻrsatish jarayoniga nodavlat sektorni jalb etish yuzasidan taklif tayyorlash.Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga Toshkent shahrida eksperiment tariqasida nodavlat tashkilotlar orqali ijtimoiy xizmatlarni (kunduzgi qatnov, transport xizmati, uyda koʻrsatiladigan ijtimoiy xizmatlar, boshpana (shelter) va boshqalar) koʻrsatish yuzasidan takliflar kiritish.2024-yil iyun-Ijtimoiy himoya milliy agentligi22.Ijtimoiy himoya milliy agentligi tizimidagi Keksalar, nogironligi boʻlgan shaxslar, urush va mehnat faxriylari uchun sanatoriylar faoliyatini takomillashtirish.Ijtimoiy himoya milliy agentligi tizimidagi Keksalar, nogironligi boʻlgan shaxslar, urush va mehnat faxriylari uchun sanatoriylar faoliyatini takomillashtirish hamda imtiyozli toifadagi shaxslarni sanatoriya muassasalarida davolash tizimini yanada rivojlantirish boʻyicha takliflarni Oʻzbekiston Respublikasi Prezidenti Administratsiyasiga kiritish.2024-yil dekabr-Ijtimoiy himoya milliy agentligi,Iqtisodiyot va moliya vazirligi,Oʻzbekiston Kasaba uyushmalari federatsiyasi23.“Yagona milliy ijtimoiy himoya” axborot tizimiga oila tarkibi boʻyicha maʼlumotlarni kiritib borish.Oila tarkibi boʻyicha maʼlumotlarni “Yagona milliy ijtimoiy himoya” axborot tizimiga integratsiya qilish va doimiy ravishda kiritib borish.2024-yil yanvardan boshlab doimiy ravishda-Adliya vazirligi