Seleksiya yutugʻiga patent berish uchun talabnomalarni tuzish, topshirish va koʻrib chiqish qoidalarini tasdiqlash toʻgʻrisida (3486-son)

25.12.2023

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2023-yil 25 dekabrda roʻyxatdan oʻtkazildi, roʻyxat raqami 3486]

Oʻzbekiston Respublikasining “Seleksiya yutuqlari toʻgʻrisida”gi Qonuniga muvofiq buyuraman:

1. Seleksiya yutugʻiga patent berish uchun talabnomalarni tuzish, topshirish va koʻrib chiqish qoidalari 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur buyruq Oʻzbekiston Respublikasi Qishloq xoʻjaligi vazirligi bilan kelishilgan.

4. Ushbu buyruq rasmiy eʼlon qilingan kundan eʼtiboran kuchga kiradi.

Vazir A. TASHKULOV

Toshkent sh.,

2023-yil 25-dekabr,

24-mh-son

Kelishildi:

Oʻzbekiston Respublikasi Qishloq xoʻjaligi vaziri I. ABDURAXMONOV

2023-yil 20-dekabr

Oʻzbekiston Respublikasi adliya vazirining 2023-yil 25-dekabrdagi 24-mh-son buyrugʻiga 1-ILOVA

Seleksiya yutugʻiga patent berish uchun talabnomalarni tuzish, topshirish va koʻrib chiqish

QOIDALARI

Mazkur Qoidalar seleksiya yutugʻiga patent (bundan buyon matnda patent deb yuritiladi) berish uchun talabnomalarni tuzish, topshirish va koʻrib chiqish tartibini belgilaydi.

1-bob. Umumiy qoidalar

1. Mazkur Qoidalarda quyidagi tushunchalar qoʻllaniladi:

Qonun — Oʻzbekiston Respublikasining “Seleksiya yutuqlari toʻgʻrisida”gi Qonuni;

Vazirlik — Oʻzbekiston Respublikasi Adliya vazirligi;

Davlat muassasasi — Oʻzbekiston Respublikasi Adliya vazirligi huzuridagi “Intellektual mulk markazi” davlat muassasasi;

seleksiya yutugʻi — yangi oʻsimliklar navi, yangi hayvonlar zoti;

ixtisoslashtirilgan tashkilot — Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi hamda Qishloq xoʻjaligi ekinlari navlarini sinash markazi;

talabnoma — seleksiya yutugʻiga patent berish uchun talabnoma;

BIMT — Butunjahon intellektual mulk tashkiloti.

2-bob. Seleksiya yutugʻiga patent olish uchun talabnoma tuzish va topshirish

1-§. Seleksiya yutugʻiga patent olish uchun talabnoma

2. Qonunning 8-moddasiga muvofiq, agar seleksiya yutugʻi yangilik, farqlanish, turdoshlik va barqarorlik mezonlariga javob bersa, u huquqiy muhofaza qilinadi. Qonunning 13-moddasi talablariga muvofiq seleksiya yutugʻining nomi boʻlishi lozim.

3. Qonunning 9-moddasiga muvofiq, agar urugʻlik, navning koʻchat materiali yoki zotning nasl materiali patent berish haqidagi talabnoma topshirilgan sanadan eʼtiboran:

Oʻzbekiston Respublikasi hududida — kamida bir yil oldin;

boshqa davlat hududida — kamida toʻrt yil yoki, agar tok, yogʻochbop, manzarali, mevali daraxtlar va oʻrmon daraxtlarining navlariga taalluqli boʻlsa, kamida olti yil oldin muallif, uning merosxoʻri tomonidan yoxud ularning roziligi bilan sotilmagan va foydalanish uchun boshqa shaxslarga berilmagan boʻlsa, yangilik hisoblanadi.

4. Qonunning 10-moddasiga muvofiq, seleksiya yutugʻi patent berish haqidagi talabnoma topshirilgan sanada boshqa har qanday barchaga maʼlum seleksiya yutugʻidan aniq-ravshan farqlanishi lozim.

Bunda, barchaga maʼlumlik:

keyinchalik koʻpaytirish, saqlash maqsadlarida yetishtirish, takror yetishtirish, nav yoki nasllik konditsiyasiga yetkazish va yuqorida sanab oʻtilgan maqsadlarda asrash natijasida barchaga maʼlum bilim darajasining bir qismiga aylangan seleksiya yutugʻiga nisbatan;

sotishga taklif etilgan, sotilgan, mamlakatga olib kirilgan yoki mamlakatdan olib chiqib ketilgan seleksiya yutugʻiga nisbatan aniqlanadi.

5. Qonuning 11-moddasiga muvofiq, agar koʻpaytirishning oʻziga xos xususiyatlarini hisobga olganda muayyan navli oʻsimliklar yoki muayyan zotli hayvonlar seleksiyalashtirish belgilariga koʻra bir xillikka ega boʻlsa, seleksiya yutugʻi turdosh hisoblanadi.

6. Qonunning 12-moddasiga muvofiq, agar seleksiya yutugʻi bir necha marta koʻpaytirilganidan keyin yoki alohida sikl boʻyicha koʻpaytirilgan taqdirda koʻpaytirishning har bir sikli oxirida uning asosiy belgilari oʻzgarishsiz qolsa, u barqaror hisoblanadi.

2-§. Talabnoma materiallarining mazmuni

7. Talabnoma quyidagilarni oʻz ichiga olishi kerak:

a) muallif (hammualliflar) va kimning nomiga patent soʻralayotgan boʻlsa, ana shu shaxs (shaxslar), shuningdek ularning turar joyi yoki manziliga doir maʼlumotlar koʻrsatilgan patent berish haqidagi ariza;

b) seleksiya yutugʻining nomi toʻgʻrisidagi taklif;

v) seleksiya yutugʻining tavsifi (texnikaviy anketasi);

g) seleksiya yutugʻi namunalarining fotosuratlari;

d) talabnoma beruvchi tomonidan oʻtkazilgan seleksiya yutugʻi sinovlariga doir hujjatlar;

e) talabnoma beruvchining seleksiya yutugʻidan foydalanilmaganligi, u sotilmaganligi, oʻzga shaxsga berilmaganligi hamda uning yangilik talablariga mosligini tasdiqlaydigan deklaratsiyasi;

j) seleksiya yutugʻining ustuvorligini tasdiqlovchi hujjat (zarurat boʻlganda);

z) talabnoma beruvchining seleksiya yutugʻini sinovdan oʻtkazish uchun materialni belgilangan muddatda ixtisoslashtirilgan tashkilotga taqdim etish majburiyati;

i) talabnoma patent vakili yoki ishonchli shaxs orqali topshirilganida ularga berilgan ishonchnoma;

k) patent boji toʻlashdan ozod qilish, shuningdek uning miqdorini kamaytirish asoslarini tasdiqlovchi hujjat.

8. Talabnoma berganlik uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda davlat boji toʻlanadi yoki talabnomaga davlat bojini toʻlashdan ozod qilish, uning miqdorini kamaytirish uchun asoslarni tasdiqlovchi hujjat ilova qilinadi.

Bunda, Oʻzbekiston Respublikasi jismoniy va yuridik shaxslari tomonidan davlat boji toʻlanganligini qoʻshimcha hujjat talab qilmasdan Vazirlik tomonidan axborot tizimlari orqali mustaqil ravishda tekshiriladi.

Chet el yuridik va jismoniy shaxslari tomonidan talabnomaga Oʻzbekiston Respublikasining “Davlat boji toʻgʻrisida”gi Qonunida belgilangan miqdorda davlat boji toʻlanganligi toʻgʻrisidagi toʻlov hujjati ilova qilinadi.

9. Patent vakili yoki ishonchli shaxs orqali taqdim etilayotgan talabnomaga talabnoma beruvchi tomonidan tasdiqlangan ishonchnoma ilova qilinadi.

10. Qonunning 17-moddasiga muvofiq, talabnoma bitta seleksiya yutugʻiga taalluqli boʻlishi lozim.

11. Agar talabnoma beruvchi Vazirlikka talabnoma topshirishdan oldin Oʻzbekiston Respublikasi seleksiya yutuqlarini huquqiy muhofaza qilish toʻgʻrisida shartnoma tuzgan boshqa davlatga talabnoma topshirgan boʻlsa, talabnoma beruvchi talabnoma tushgan sanadan eʼtiboran oʻn ikki oy davomida birinchi talabnoma boʻyicha ustuvorlik huquqiga ega boʻladi.

Bunda, talabnoma beruvchi Vazirlikka yuborayotgan talabnomasida birinchi talabnomaning ustuvorlik sanasini koʻrsatishi, talabnoma Vazirlikka topshirilgan sanadan eʼtiboran uch oy ichida birinchi talabnomaning (talabnomalarning) nusxasi (nusxalari) va davlat tilidagi tarjimasini (tarjimalarini) Vazirlikka taqdim etishi shart. Ushbu shartlar bajarilgan taqdirda, talabnoma beruvchi birinchi talabnoma topshirilgan sanadan eʼtiboran uch yil mobaynida Vazirlikka qoʻshimcha hujjatlar va sinov uchun zarur material taqdim etmaslikka haqli.

Birinchi talabnoma nusxasining davlat tilidagi tarjimasi notarial tartibda tasdiqlanadi.

12. Talabnoma materiallari Vazirlikka davlat tilida taqdim etiladi.

Bunda, agar talabnoma materiallari xorijiy tilda taqdim etilgan boʻlsa, talabnoma Vazirlikka topshirilgan sanadan eʼtiboran ikki oy ichida ushbu hujjatlarning davlat tilidagi tarjimalari yetkazib beriladi.

13. Patent berish toʻgʻrisidagi ariza Vazirlikka ushbu Qoidalarga 1-ilovada keltirilgan shaklda davlat tilida topshiriladi. Agar arizada maʼlumotlarni tegishli grafalarda toʻliq joylashtirishning imkoni boʻlmasa, u holda maʼlumotlar arizaning tegishli grafasida “davomini qoʻshimcha varaqda qarang” deb koʻrsatilgan holda xuddi oʻsha shaklda qoʻshimcha varaqda keltiriladi.

Xorijiy ism-familiyalar va korxonalarning nomlari davlat tilidagi transliteratsiyada koʻrsatiladi.

Talabnoma beruvchining nomi (agar bunga imkon boʻlsa) hamda seleksiya yutugʻining nomi arizada davlat tilida keltiriladi.

14. “Ariza” soʻzining tepasida joylashgan grafalar talabnoma beruvchi tomonidan toʻldirilmaydi, ular ariza Vazirlikka kelib tushgandan keyin rekvizitlarni kiritish uchun moʻljallangan boʻladi.

15. “Ariza” grafasida “X” belgisini qoʻyish orqali patent soʻralayotgan obyekt turi belgilanadi.

16. (71)-kod ostidagi “Talabnoma beruvchi” grafasida talabnoma beruvchi (talabnoma beruvchilar) toʻgʻrisidagi maʼlumotlar keltiriladi, xususan jismoniy shaxsning familiyasi, ismi (otasining ismi), bunda familiya ismdan avval koʻrsatiladi yoki yuridik shaxsning rasmiy nomi (taʼsis hujjati boʻyicha), shuningdek tegishlicha ularning turar joylari yoki manzillari, shu jumladan mamlakatning rasmiy nomi, pochta manzili va BIMTning ST.3 standarti boʻyicha mamlakat kodi (agar u oʻrnatilgan boʻlsa) toʻgʻrisidagi maʼlumotlar keltiriladi.

Agar talabnoma beruvchilar bir nechta boʻlsa, koʻrsatilgan maʼlumotlar ularning har biri uchun keltiriladi.

Seleksiya yutugʻining mualliflari boʻlgan talabnoma beruvchilarning turar joylari toʻgʻrisidagi maʼlumotlar faqat arizaning (72)-kod ostidagi “Muallif(lar)” grafasida bayon etiladi. Shu grafaning oʻzida talabnoma beruvchi seleksiya yutugʻining muallifi, muallifning ish beruvchisi yoki muallifning yoxud muallif ish beruvchisining huquqiy vorisi ekanligi tegishli katakchada “X” belgisini qoʻyish bilan belgilanadi. Oʻzbekiston Respublikasi tashkilotlari uchun Korxona va tashkilotning umumdavlat tasnifi kodi (KTUT kodi) koʻrsatiladi.

Oʻzbekiston Respublikasi hududidan tashqarida doimiy yashovchi jismoniy shaxslar yoki chet ellik yuridik shaxslar uchun BIMTning ST.3 standarti boʻyicha mamlakat kodi (agar u oʻrnatilgan boʻlsa) koʻrsatiladi.

17. Talabnoma Vazirlikka kelib tushgan sanadan avvalgi ustuvorlik soʻralgan hollarda, ustuvorlikni belgilash toʻgʻrisidagi iltimosni oʻz ichiga olgan grafa birinchi talabnomadagi nav, zot nomi koʻrsatilgan holda toʻldiriladi.

(31)-kod ostidagi grafada uning asosida yoki unga qoʻshimcha materiallar asosida ustuvorlik soʻralayotgan birinchi talabnomaning raqami va soʻralayotgan ustuvorlik sanasi koʻrsatiladi (32-kod ostida avval berilgan talabnoma yoki u boʻyicha qoʻshimcha materiallar kelib tushgan sana koʻrsatiladi).

(33)-kod ostidagi grafada BIMT ST.3 standarti boʻyicha mamlakat kodi (agar u oʻrnatilgan boʻlsa) koʻrsatiladi.

18. (54) (a)-kod ostidagi “Zot/turning nomi” grafasida botanik yoki zoologik zot, turning nomi davlat tilida keltiriladi, shuningdek seleksiya yutugʻi taksonomik birligining (zot, tur, kenja tur) lotincha nomi koʻrsatiladi.

Navni, zotni taksonomik mansubligi boʻyicha ham, ishlab chiqarishda qoʻllanishi boʻyicha ham aniq identifikatsiyalash uchun, zot/tur nomi toʻliq keltirilishi kerak. Masalan, bugʻdoy — yumshoq, kuzgi, makkajoʻxori — gibrid F1, tovuq — tuxum qoʻyadigan.

(54) (b)-kod ostidagi “Taklif qilinayotgan nom” grafasida talabnoma berilgan seleksiya yutugʻining Qonunning 13-moddasi va ushbu Qoidalarning 25 — 27-bandlari talablariga javob beradigan nomi keltiriladi.

19. (98)-kod ostidagi “Yozishmalar uchun manzil” grafasida yozishmalar uchun manzil, xususan xat oluvchining familiyasi, ismi (otasining ismi) yoki nomi va telefon, faks raqamlari hamda elektron pochta manzili (agar mavjud boʻlsa) keltiriladi.

Yozishmalar uchun manzil sifatida, jumladan Oʻzbekiston Respublikasida yashovchi talabnoma beruvchi (talabnoma beruvchilardan biri) — jismoniy shaxsning turar joy manzili yoki Oʻzbekiston Respublikasidagi talabnoma beruvchi — yuridik shaxsning joylashgan joyi manzili yoxud Vazirlikda roʻyxatdan oʻtkazilgan patent vakilining yoki boshqa ishonchli shaxsning manzili koʻrsatilishi mumkin.

Arizada yozishmalar uchun manzil koʻrsatilmagan taqdirda, patent vakili yoki boshqa ishonchli shaxsning (agar ular tayinlangan boʻlsa) joylashgan manzili yozishmalar uchun manzil hisoblanadi yoxud arizaning talabnoma beruvchi toʻgʻrisidagi maʼlumotlarga taalluqli grafalarida Oʻzbekiston Respublikasi hududidagi manzil koʻrsatilgan boʻlsa, u talabnoma beruvchining (talabnoma beruvchilar bir qancha boʻlsa ulardan birinchisining) yozishmalar uchun manzili hisoblanadi.

20. (74)-kod ostidagi “Patent vakili” grafasi talabnoma beruvchi tomonidan patent vakili tayinlangan hollardagina toʻldiriladi va uning toʻgʻrisida patent vakilining familiyasi, ismi (otasining ismi), Vazirlikda roʻyxatga olingan raqami, turar joyi, telefon raqami, elektron pochta manzili (agar mavjud boʻlsa) keltiriladi.

21. “Ilova qilinadigan hujjatlar roʻyxati” grafasi ilova qilinayotgan hujjatlar nusxalari va har bir nusxadagi varaqlar soni koʻrsatilgan holda tegishli katakchalarda “X” belgisini qoʻyib chiqish orqali toʻldiriladi.

Turi ariza shaklida koʻzda tutilmagan ilova qilinadigan hujjatlar (“boshqa hujjat”) uchun ularning maqsadi aniq koʻrsatiladi.

22. (72)-kod ostidagi “Mualliflar” va “Toʻliq uy manzili” grafalarida seleksiya yutugʻining muallifi (mualliflari) toʻgʻrisida maʼlumotlar (familiyasi, ismi (otasining ismi), lavozimi, ilmiy darajasi va ish joyi, mamlakati nomi va uning BIMT ST.3 standarti boʻyicha kodini oʻz ichiga olgan turar joyining pochta manzili) keltiriladi.

23. “Mualliflar” va “Toʻliq uy manzili” grafalari ostida joylashgan grafa, agar muallif (mualliflar) patent berish toʻgʻrisidagi maʼlumotlarni eʼlon qilishda uni (ularni) koʻrsatib oʻtmaslikni soʻrasa toʻldiriladi.

24. Arizaning oxirgi “Imzo” grafasini imzo qoʻyish kuni sanasini koʻrsatgan holda toʻldirish barcha hollarda majburiy hisoblanadi.

Ariza talabnoma beruvchi tomonidan imzolanadi. Yuridik shaxs nomidan ariza korxona yoki tashkilot rahbari yoxud rahbar tomonidan vakil qilingan shaxs tomonidan lavozimi koʻrsatilgan holda imzolanadi. Talabnoma patent vakili yoki ishonchli shaxs orqali berilganda ariza talabnoma beruvchi yoki patent vakili yoxud ishonchli shaxs tomonidan imzolanadi. Imzolar imzo qoʻyuvchi shaxsning familiyasi, ismi va otasining ismi koʻrsatilgan holda rasmiylashtiriladi. Qoʻshimcha varaqda imzo qoʻyishni talab etadigan maʼlumotlar keltirilgan hollarda, qoʻshimcha varaq ham shunday tartibda imzolanadi.

Talabnoma beruvchi yoki patent vakilining yoxud ishonchli shaxsning imzosi har bir qoʻshimcha varaqda qoʻyilishi majburiy hisoblanadi.

25. Seleksiya yutugʻining nomi seleksiya yutugʻiga mos, qisqa boʻlishi, shu yoki shunga yaqin botanik yoki zoologik turdagi mavjud seleksiya yutuqlarining nomidan farqlanib turishi kerak. Seleksiya yutugʻining nomi faqatgina raqamlardan iborat boʻlib qolmasligi, seleksiya yutugʻining xususiyatlari, kelib chiqishi va ahamiyati, shuningdek muallifning (hammualliflarning) shaxsi haqida yanglishishlarga sabab boʻlmasligi lozim.

26. Seleksiya yutugʻining nomida quyidagilardan foydalanilmaydi:

urugʻlik, ekiladigan, zotdor material uchun qoʻllanadigan terminlar va belgilardan;

botanik yoki zoologik zot, tur yoki boshqa taksonomik birliklarning lotincha yoxud umum qabul qilingan nomlaridan, shuningdek bu nomlarning qismlaridan;

faqat geografik belgilardan tarkib topgan nomlardan (bundan navning kelib chiqishi yoki oʻstirilishiga nisbatan ochiq-oydin shubha tugʻdirmaydigan joylar yoki hududlarga taalluqli geografik belgilar mustasno);

seleksiya yutugʻining belgilari yoki xususiyatlari haqida yanglish tasavvur keltirib chiqarishi mumkin boʻlgan nomdan.

27. Basharti talabnoma Oʻzbekiston Respublikasi va boshqa davlatlarda topshirilsa, seleksiya yutugʻining nomi ushbu talabnomalarda bir xil boʻlishi lozim.

28. Nav, zot tavsifi Vazirlikka texnik anketa koʻrinishida mazkur Qoidalarning 2 va 3-ilovalarida keltirilgan shaklga muvofiq taqdim etiladi.

29. Anketaning yuqoridan oʻng tomonda joylashgan “Talabnoma raqami” grafasi talabnoma beruvchi tomonidan toʻldirilmaydi.

30. “Talabnoma beruvchi” deb nomlangan 1-bandda talabnoma beruvchining nomi koʻrsatiladi.

31. “Zot/tur nomi” deb nomlangan 2 (a)-bandda nav, zot mansub boʻlgan botanik yoki zoologik zot/turning davlat tilidagi nomi keltiriladi, shuningdek seleksiya yutugʻi taksonomik birligining lotincha nomi koʻrsatiladi. 2 (b)-bandda zot uchun “X” belgisini qoʻyish orqali qoʻshimcha ravishda zot kategoriyasi belgilanadi. 2 (v)-bandda mahsuldorlik yoʻnalishi koʻrsatiladi.

32. “Taklif qilinayotgan nom” deb nomlangan 3-bandda seleksiya yutugʻining taklif qilinayotgan nomi koʻrsatiladi.

33. “Seleksiya yutugʻining kelib chiqishi toʻgʻrisidagi maʼlumotlar” deb nomlangan 4-bandda seleksiya yutugʻining tarixi, yetishtirish, yaratish, aniqlash metodi, chatishtirilgan yili, dastlabki (ota-ona) shakllari, shuningdek qoʻllab-quvvatlash va koʻpaytirish xususiyatlari toʻgʻrisidagi maʼlumotlar keltiriladi.

34. “Talabnoma berilgan seleksiya yutugʻining belgilari” deb nomlangan 5-bandda belgilar roʻyxati keltiriladi. Bunda, talabnoma berilgan nav, zot belgilarining nomi, ularning ifodalanganlik darajasi va indeksi keltiriladi. Ushbu belgining ifodalanganlik darajasiga mos boʻlgan indeks “X” belgisini qoʻyish bilan koʻrsatiladi.

35. “_________ Seleksiya yutugʻining nomi va belgilari” deb nomlangan 6 (a)-bandda oʻxshash seleksiya yutugʻining nomi va uni talabnoma berilgan seleksiya yutugʻidan farqlaydigan belgilar keltiriladi.

6 (b)-bandda oʻxshash seleksiya yutugʻi toʻgʻrisidagi maʼlumotlarni oʻz ichiga olgan axborot manbaining bibliografik maʼlumotlari keltiriladi.

36. “Qoʻshimcha axborot” deb nomlangan 7-bandda oʻsimlik navining zararkunandalar va kasalliklarga turgʻunligi, hayvon zotini oziqlantirish darajasi va uni boqish texnologiyasi toʻgʻrisida, shuningdek seleksiya yutugʻi sinovini oʻtkazishning alohida shart-sharoitlari toʻgʻrisida qoʻshimcha axborot keltiriladi.

7.1-bandda:

nav uchun — talabnoma berilgan nav turgʻunlik namoyon etgan zararkunandalar va kasalliklar nomlari, zotlar/shtammlar koʻrsatiladi;

zot uchun — talabnoma berilgan zotni oziqlantirish darajasi, uni boqish va ishlatish boʻyicha alohida talablar toʻgʻrisidagi maʼlumotlar keltiriladi.

7.2-bandda sinov oʻtkazishning alohida shart-sharoitlari (agar mavjud boʻlsa) (masalan nav uchun — sugʻorish, oʻgʻit solish) koʻrsatiladi.

“Boshqa axborot” deb nomlangan 7.3-bandda talabnoma berilgan nav yoki zotni xoʻjalik belgilarining asosiy koʻrsatkichlari boʻyicha tavsiflaydigan qoʻshimcha maʼlumotlar, mahsulot sifati, navning tezpisharligi, sovuqqa bardoshliligi, qurgʻoqchilikka bardoshliligi, zotning chorvachilik mahsulotlari texnologik xususiyatlari toʻgʻrisidagi maʼlumotlar yoki urgʻochilarning mahsuldorligi (oʻsish intensivligi, tirik massaning ortishi), unumdorligi (naslning chiqishi) toʻgʻrisidagi maʼlumotlar keltirilishi mumkin.

37. Tavsif talabnoma beruvchi (talabnoma beruvchilar) tomonidan uning familiyasi, ismi va otasi ismining bosh harfi koʻrsatilgan holda imzolanadi.

38. Agar talabnoma koʻp turdagi nav, zot yoki populyatsiyaga (oʻzini oʻzi changlaydigan va vegetativ koʻpayadigan oʻsimliklarga) berilayotgan boʻlsa, bu holda ushbu navning, zotning hamma turlari tavsifi berilishi kerak.

39. Namunalarning fotosuratlari (umumiy koʻrinishi, olddan, orqadan, chapdan, oʻngdan, tepadan, pastdan koʻrinishlari) oʻsimlik yoki hayvon zotining belgilari toʻgʻrisida toʻliq, batafsil tasavvurga ega boʻlish imkonini berishi lozim.

40. Namunalarning fotosuratlaridagi tasvirlar aniq va yorqin boʻlishi kerak. Oʻsimlik yoki hayvon zotining alohida detallari fotosuratlarda, nafaqat yorugʻlik tushgan tomondan, balki soya tomondan ham yaxshi koʻrinib turishi lozim. Fotosuratlar bir tekisda tushgan yorugʻlikda, neytral fonda, begona predmetlarsiz olingan boʻlishi kerak.

41. Namunalarning fotosuratlari (umumiy koʻrinishi, olddan, orqadan, chapdan, oʻngdan, tepadan, pastdan koʻrinishlari) raqamlanishi kerak. Bunda, bir xil koʻrinishdagi tasvirlar bitta raqam ostida keltiriladi.

42. Namunalar fotosuratlarining orqa tomonida fotosurat raqami (masalan, 1-foto), seleksiya yutugʻining nomi, shuningdek “umumiy koʻrinish”, “yondan koʻrinish”, “oldidan koʻrinish”, “orqadan koʻrinish” kabi izohlar ketma-ket koʻrsatiladi.

43. Oʻsimlik naviga topshirilgan talabnoma tarkibiga xoʻjalikda foydalanish fazasidagi normal rivojlangan oʻsimlikning va gullarning (gʻuncha, gul — tepadan, yondan, pastdan koʻrinishi), toʻpgulning, oʻsimlikning reproduktiv qismlarining (boshoq, soʻta, popuk, don, meva, reza meva, tugunak, ildizmeva) 90 x 120 yoki 130 x 180 mm oʻlchamdagi oq-qora yoxud rangli fotosuratlari kiradi. Bundan tashqari, quyidagi oʻsimliklar boʻyicha qoʻshimcha fotosuratlar ilova qilinadi:

gʻoʻza boʻyicha — oʻsimlikning rangli fondagi fotosurati;

simpodial turda shoxlaydigan navlar boʻyicha — ikkita namunali shoxning fotosurati;

nol turda shoxlaydigan navlar boʻyicha — poyaning tugunli, bargli, gulli, koʻsakli qismi, ikki-uchta taralgan toʻzgʻoq va ikki-uchta tola shtapelkalarining fotosuratlari;

tamaki va maxorka boʻyicha — normal rivojlangan oʻsimlikning toʻpguli va oʻrta yarusdagi bargi bilan fotosurati;

koʻp yillik mevali oʻsimliklar boʻyicha — butun daraxt yoki tup va uning alohida qismlarining (bir yillik koʻchat, meva beradigan organlar, novda, barg, shingillar, mevalar) fotosurati.

44. Hayvon zotlariga berilgan talabnomalar tarkibiga hayvonning tashqi koʻrinishi va shu zot uchun tipik boʻlgan xususiyatlarni taʼriflaydigan oq-qora yoki rangli 90 x 120 mm oʻlchamdagi fotosuratlar kiradi (nasldor hayvon, urgʻochi, jinsiy yetilgan yoshdagi chorva, qorakoʻlchilikda — qorakoʻl terilari, tut ipak qurtining gibridlari (zotlari) boʻyicha — pilla).

3-§. Yoʻl qoʻyib boʻlmaydigan elementlar

45. Talabnomada odob-axloq qoidalariga zid iboralar, chizmalar, rasmlar, fotosuratlar, boshqa shaxslarning mahsulotlari, shuningdek talabnomalari va patentlariga nisbatan asossiz va nooʻrin fikrlar, seleksiya yutugʻiga taalluqli boʻlmagan yoxud talabnoma materiallarini ushbu Qoidalarning talablariga muvofiq deb eʼtirof etish uchun zarur boʻlmagan maʼlumotlar va fikrlar boʻlmasligi lozim. “Oʻxshash nav, zotning nomi va belgilari” boʻlimida maʼlum seleksiya yutugʻining kamchiligini koʻrsatish yoʻl qoʻyib boʻlmaydigan element deb hisoblanmaydi.

4-§. Atamalar va belgilar

46. Seleksiya yutugʻining tavsifida (texnik anketasida) umumeʼtirof etilgan atamalar va qisqartmalar, ular mavjud boʻlmagan hollarda esa ilmiy va texnikaviy adabiyotlarda umumqabul qilgan atamalar va qisqartmalar qoʻllaniladi.

Ilmiy va texnikaviy adabiyotlarda keng qoʻllanilmaydigan atamalar va qisqartmalar ishlatilganda, ularning maʼnosiga matnda birinchi marta qoʻllangan oʻrinda tushuncha beriladi. Ilmiy va texnikaviy adabiyotlarda noilmiy deb eʼtirof etilgan tushunchalarni taʼriflovchi atamalarning qoʻllanishiga yoʻl qoʻyilmaydi.

Hamma shartli belgilar ochib beriladi. Fizikaviy kattaliklar odatda amaldagi Xalqaro birliklar sistemasi birliklarida ifoda etiladi.

5-§. Talabnoma materiallarini rasmiylashtirish

47. Hujjatlar ularni bevosita reproduksiya qilib, cheklanmagan miqdorda nusxa koʻchirish imkonini beradigan tarzda rasmiylashtiriladi.

Varaqlarning faqat bir tomonidan foydalaniladi hamda qatorlar varaqning kichik tomoni boʻylab parallel joylashtiriladi.

48. Talabnomaning hujjatlari pishiq, oq, tekis, yarqiramaydigan qogʻozda rasmiylashtiriladi.

49. Talabnomadagi har bir hujjat alohida varaqdan boshlanishi hamda varaqlar 210 x 297 mm formatga ega boʻlishi kerak. Tavsifni oʻz ichiga olgan varaqlar hoshiyalarining oʻlchamlari quyidagicha boʻladi, mm:

yuqoridan — 20;

oʻngdan — 20;

pastdan — 20;

chapdan — 25.

50. Talabnomadagi har bir hujjatning varaqlari birdan boshlab alohida raqamlanadi va ikkinchi varaqdan boshlab arab raqamlari bilan qayd etiladi.

51. Talabnomadagi hujjatlar qora rangli shrift bilan chop qilinishi, tavsif matni 1,5 interval bilan bosh harflarining balandligi 2,1 mm dan kam boʻlmasligi kerak.

52. Grafik shakllar, lotincha nomlar, lotincha harflar qora rangli siyoh, pasta yoki tush bilan yozib qoʻyilishi mumkin.

53. Axborot manbalarining bibliografik maʼlumotlari ular boʻyicha axborot manbaini topish imkonini beradigan holda koʻrsatilishi lozim.

6-§. Talabnomani topshirish

54. Seleksiya yutugʻining muallifi, ish beruvchi yoki ularning huquqiy vorisi talabnoma topshirish va patent olish huquqiga ega.

55. Talabnoma Vazirlikka topshiriladi.

56. Talabnoma muallif (hammualliflar), ish beruvchi yoki ularning huquqiy vorisi tomonidan beriladi.

57. Qonunning 16-moddasiga muvofiq, boshqa davlatlarning Oʻzbekiston Respublikasida doimiy turar joyiga ega boʻlmagan fuqarolari va boshqa davlatlarning Oʻzbekiston Respublikasida doimiy manzili boʻlmagan yuridik shaxslari, ularning patent vakillari yoki ishonchli shaxslari patent olish va uni oʻz kuchida saqlash borasidagi ishlarni Oʻzbekiston Respublikasining patent vakillari orqali olib boradilar.

3-bob. Vazirlik va Davlat muassasasi bilan patent olish boʻyicha ishlarni olib borish

1-§. Ishonchli shaxsni tayinlash

58. Talabnoma boʻyicha ishlarni olib borish va talabnomani koʻrib chiqishda oʻz manfaatlarini himoya qilish uchun talabnoma beruvchi patent vakilini yoki ishonchnoma berish orqali ishonchli shaxsni tayinlashi mumkin.

Vazirlik va Davlat muassasasi oldida vakillik qilish uchun Oʻzbekiston Respublikasida rasmiylashtiriladigan ishonchnoma oddiy yozma shaklda tuziladi.

Agar ishonchnoma davlat tilidan boshqa xorijiy tilda berilgan boʻlsa, uning davlat tilidagi tarjimasi ilova qilinadi. Ishonchnoma talabnoma bilan bir vaqtda taqdim etiladi.

Agar ishonchnoma Vazirlikda roʻyxatdan oʻtkazilgan bir nechta patent vakili nomiga yoki bir nechta ishonchli shaxs nomiga berilgan boʻlsa, u holda talabnoma boʻyicha patent olish ishlari ularning istalgani tomonidan olib borilishi mumkin.

2-§. Vazirlik, Davlat muassasasi va ixtisoslashtirilgan tashkilotlar bilan yozishmalar olib borish

59. Vazirlik, Davlat muassasasi va ixtisoslashtirilgan tashkilotlar bilan yozishmalar talabnoma beruvchi yoki uning patent vakili yoxud vakolat berilgan ishonchli shaxs tomonidan har bir talabnoma boʻyicha alohida olib boriladi.

60. Talabnoma topshirilgandan keyin taqdim etiladigan materiallarda talabnoma raqami, talabnoma beruvchi yoki uning patent vakili yoxud ishonchli shaxsning imzosi boʻlishi kerak.

61. Vazirlik, Davlat muassasasi yoki ixtisoslashtirilgan tashkilotga talablar buzilgan holda taqdim etilgan materiallar boʻyicha talabnoma beruvchiga bildirishnoma yuboriladi va unda bildirishnoma yuborilgan sanadan eʼtiboran uch oylik muddatda tuzatilgan va/yoki yetishmayotgan materiallarni taqdim etish taklif qilinadi.

3-§. Talabnoma materiallariga qoʻshimchalar, aniqliklar yoki tuzatishlar kiritish

62. Qonunning 20-moddasi ikkinchi qismiga muvofiq, talabnoma beruvchi talabnoma topshirilgan sanadan eʼtiboran ikki oy mobaynida oʻz tashabbusi bilan talabnoma materiallariga qoʻshimchalar, aniqliklar yoki tuzatishlar kiritishga haqlidir.

63. Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlangan taqdirda talabnoma boʻyicha tuzatishlar, aniqliklar yoki qoʻshimchalar ariza berish yoʻli bilan koʻrsatilgan muddat oʻtgandan keyin ham, lekin patent berish haqidagi qaror chiqarilgunga qadar kiritilishi mumkin.

Patent boji toʻlanmagan taqdirda yuridik ahamiyatga molik harakatlar amalga oshirilmaydi va bu haqda talabnoma beruvchi oʻn kun muddatda xabardor qilinadi. Toʻlangan patent bojining summasi Oʻzbekiston Respublikasining “Davlat boji toʻgʻrisida”gi Qonunida belgilangan miqdordan kam boʻlgan taqdirda, talabnoma beruvchi Davlat muassasasi tomonidan yetishmayotgan patent bojini toʻlash haqidagi bildirishnoma yuborilgan sanadan eʼtiboran uch oy mobaynida kerakli summani toʻlash huquqiga ega.

64. Talabnoma materiallariga qoʻshimchalar, aniqliklar yoki tuzatishlar kiritish talabnoma beruvchi tomonidan mazkur Qoidalarning 4, 5 va 6-ilovalarida keltirilgan shakllarga muvofiq tegishli ariza va materiallarni talabnoma materiallarining har bir nusxasi uchun topshirish yoʻli bilan amalga oshiriladi. Materiallar tegishli talabnoma materiallarining har bir nusxasi uchun davlat tilida taqdim etiladi.

Talabnoma beruvchi Davlat muassasasi tomonidan arizani koʻrib chiqish natijalari haqida oʻn kun muddatda xabardor qilinadi.

65. Yuridik shaxs boʻlgan talabnoma beruvchining nomi yoki jismoniy shaxs boʻlgan talabnoma beruvchining familiyasi, ismi, otasining ismi oʻzgartirilganda, Vazirlikka mazkur Qoidalarning 4-ilovasida keltirilgan shaklga muvofiq ariza beriladi.

66. Talabnomaga boʻlgan huquq boshqa shaxsga oʻtkazilganda talabnoma beruvchi tomonidan Vazirlikka ushbu Qoidalarning 5-ilovasida keltirilgan shaklga muvofiq ariza beriladi.

Patent olishga boʻlgan huquqning boshqa shaxsga oʻtkazilishida yoki talabnoma beruvchining nomi oʻzgarishi natijasida talabnoma beruvchi haqidagi maʼlumotni oʻzgartirish seleksiya yutugʻini Oʻsimliklar navlarining davlat reyestri yoki Hayvonlar zotlarining davlat reyestrida roʻyxatdan oʻtkazish sanasigacha amalga oshirilishi mumkin.

Arizada talabnomaga boʻlgan huquq boshqa shaxsga (huquqiy vorisiga) oʻtkazilishi haqida qayd va ushbu shaxs haqidagi maʼlumotlar boʻlishi kerak. Ariza talabnoma beruvchi va uning huquqiy vorisi tomonidan ushbu Qoidalarning 24-bandiga muvofiq imzolanadi.

Ariza faqat talabnoma beruvchi tomonidan imzolangan taqdirda, unga talabnoma beruvchi va huquqiy voris tomonidan imzolangan huquq oʻtkazilganligini tasdiqlaydigan hujjat ilova qilinadi.

67. Talabnoma materiallariga talabnoma beruvchi oʻzgartirilganligi toʻgʻrisidagi yozuv kiritilganligi haqida talabnoma beruvchi va uning huquqiy vorisiga Davlat muassasasi tomonidan yozuv kiritilgan kundan boshlab oʻn kun muddatda bildirishnoma yuboriladi. Keyingi barcha yozishmalar yangi talabnoma beruvchi bilan olib boriladi.

Talabnoma beruvchi va uning huquqiy vorisiga talabnoma beruvchi oʻzgartirilganligi toʻgʻrisidagi yozuv kiritilganligi haqidagi bildirishnoma yuborilgan sana talabnomaga boʻlgan huquq oʻtkazilgan sana deb hisoblanadi. Ushbu Qoidalarda belgilangan talablar bajarilmagan taqdirda talabnoma beruvchi va uning huquqiy vorisi taqdim etilgan hujjatlarga aniqliklar va/yoki tuzatishlar kiritilishi kerakligi haqida yoki talabnoma materiallariga talabnoma beruvchi oʻzgartirilganligi toʻgʻrisidagi yozuv kiritish mumkin emasligi haqida oʻn kun muddat ichida tegishli sabablar koʻrsatilgan holda xabardor qilinadi.

68. Mazkur Qoidalarning 6-ilovasida keltirilgan shaklga muvofiq talabnoma materiallariga tuzatishlar kiritish haqidagi ariza talabnoma beruvchi yoki uning patent vakili yoxud ishonchli shaxs tomonidan imzolangan holda Vazirlikka taqdim etiladi.

Talabnoma materiallaridagi yaqqol ayon boʻlib turgan va texnik tusdagi xatolarni tuzatish ham seleksiya yutugʻi tegishli davlat reyestrida roʻyxatdan oʻtkazilgan sanaga qadar amalga oshirilishi mumkin. Agar mutaxassis uchun taklif etilgan tuzatishdan boshqasining amalga oshirilishi mumkin emasligi umumeʼtirof etilgan bilimlardan ayon boʻlsa, tuzatish yaqqol ayon deb hisoblanadi.

Agar tuzatishlar matnni yoritishdagi xatolik va boshqa shu kabi xatoliklarga oid boʻlsa, tuzatish kiritish zarurligi talabnoma beruvchining xatida bayon qilinishi va avvalgisining oʻrnini bosadigan materiallar taqdim etilmasligi mumkin.

4-§. Oʻtkazib yuborilgan muddatni tiklash

69. Qonunning 20-moddasiga muvofiq, talabnoma materiallariga qoʻshimchalar, aniqliklar yoki tuzatishlar kiritish boʻyicha oʻtkazib yuborilgan muddatlar tiklanishi mumkin.

70. Talabnoma beruvchi tomonidan oʻtkazib yuborilgan muddatni tiklash toʻgʻrisidagi iltimosnoma taqdim etish muddati oʻtkazib yuborilgan hujjat bilan birga oʻtkazib yuborilgan muddat tugagan kundan eʼtiboran olti oydan kechiktirmay, uzrli sabablar koʻrsatilgan holda Vazirlikka beriladi.

71. Oʻtkazib yuborilgan muddatni tiklash uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanadi. Patent boji toʻliq toʻlanmagan taqdirda yuridik ahamiyatga molik harakatlar amalga oshirilmaydi va bu haqda talabnoma beruvchiga Davlat muassasasi tomonidan oʻn kun muddat ichida xabar beriladi.

72. Oʻtkazib yuborilgan muddat tiklangan taqdirda, bu haqda talabnoma beruvchiga Davlat muassasasi tomonidan muddat tiklangan kundan boshlab oʻn kun muddat ichida xabar beriladi.

Ushbu Qoidalarda belgilangan talablarga rioya qilinmagan hollarda oʻtkazib yuborilgan muddatni tiklash toʻgʻrisidagi iltimosnoma qanoatlantirilmaydi va bu haqda talabnoma beruvchiga Davlat muassasasi tomonidan oʻn kun muddat ichida xabar beriladi.

5-§. Talabnomani talabnoma beruvchining ishtirokida koʻrib chiqish

73. Talabnoma bilan bogʻliq masalalar talabnoma beruvchining (uning patent vakili yoki ishonchli shaxsining) ishtirokida Davlat muassasasining taklifi boʻyicha yoki talabnoma beruvchining iltimosiga koʻra koʻrib chiqiladi.

74. Davlat muassasasining tuzatilgan va/yoki yetishmayotgan materiallarni taqdim etish haqidagi bildirishnomadagi eʼtirozlar uchrashish maqsadga muvofiqligi maʼlum qilingan xabarnomada, talabnoma beruvchining eʼtirozlari esa uchrashuv oʻtkazish haqidagi iltimosnomada bayon qilinishi lozim.

75. Bildirishnomaga talabnoma beruvchining javobi, uning talabnomani koʻrib chiqishda ishtirok etish istagi bor-yoʻqligidan qatʼi nazar, bildirishnomada koʻrsatilgan muddatda taqdim etiladi. Talabnomani talabnoma beruvchi ishtirokida koʻrib chiqish sanasi va vaqti Davlat muassasasining xabarnomasi orqali oldindan kelishib olinadi. Vaziyat oʻzgargan taqdirda belgilangan vaqtda talabnomani koʻrib chiqishda ishtirok etish imkoniyati boʻlmagan tomon darhol bu haqda ikkinchi tomonni yozma ravishda xabardor qiladi hamda keyingi koʻrib chiqish sanasi va vaqti haqida Davlat muassasasining xabarnomasi orqali kelishib olinadi.

76. Talabnoma bir nechta talabnoma beruvchi tomonidan topshirilganda, ular nomidan bitta talabnoma beruvchi ishonchnoma orqali talabnomani koʻrib chiqishda ishtirok etishi mumkin.

77. Agar bildirishnomadagi kamchiliklarni bevosita ekspert va talabnoma beruvchi tomonidan hal qilish imkoni boʻlsa, muzokaralar olib boriladi, agar bildirishnomadagi kamchiliklarni hal qilish imkoni boʻlmasa, ekspertlar ishtirokida oʻtkaziladi.

Muzokaralar va ekspertlar ishtiroki natijalari boʻyicha ikki nusxada, ishtirokchilar haqidagi maʼlumotlarni, tomonlar tarafidan keltirilgan dalillar va takliflar hamda keyingi ish yuritish haqidagi xulosalarni oʻz ichiga olgan bayonnoma tuziladi.

Bayonnomada ekspertizaning yozma izohlarni talab qiladigan savollari keltirilishi, talabnoma beruvchi (uning patent vakili yoki ishonchli shaxsi) tomonidan taklif qilingan nav, zot alomatlarining ifodalanganlik darajasi va indeksi aniqlashtirilishi, talabnomani chaqirib olish toʻgʻrisidagi ariza keltirilishi mumkin.

Bayonnoma koʻrib chiqishda qatnashgan barcha ishtirokchilar tomonidan imzolanadi. Bir nusxasi talabnoma materiallariga qoʻshib qoʻyiladi, ikkinchisi esa talabnoma beruvchiga (uning patent vakili yoki ishonchli shaxsiga) beriladi.

Muhokama qilingan savollar boʻyicha kelishuvga erishilmagan hollarda, bayonnomada koʻrib chiqishda qatnashganlarning alohida fikri qayd etilishi mumkin. Talabnoma beruvchiga (uning patent vakili yoki ishonchli shaxsiga) topshiriladigan va xulosalarni oʻz ichiga olgan bayonnoma nusxasi ekspertiza savollari keltiriladigan bildirishnomaning oʻrnini bosishi mumkin, bu haqda bayonnomada tegishli yozuv qayd etib qoʻyiladi.

78. Bayonnoma talabnoma beruvchining ekspertiza bildirishnomasiga javobi oʻrnida (agar bunda javob berish uchun belgilangan muddatlar buzilmayotgan boʻlsa) qabul qilinadi. Bu holda bayonnomada tegishli yozuv qayd etib qoʻyiladi.

6-§. Talabnoma beruvchi tomonidan talabnomani chaqirib olish

79. Qonunning 24-moddasiga muvofiq, patent berish haqidagi talabnoma patent berish toʻgʻrisida yoki patent berishni rad etish haqida qaror qabul qilingunga qadar talabnoma beruvchining yozma iltimosnomasiga binoan chaqirib olinishi mumkin.

Chaqirib olish toʻgʻrisidagi iltimosnoma Davlat muassasasiga kelib tushgan kundan eʼtiboran besh kun muddatda uning qabul qilinganligi haqidagi bildirishnoma talabnoma beruvchiga joʻnatiladi va joʻnatilgan sanadan eʼtiboran talabnoma chaqirib olingan deb hisoblanadi.

Talabnoma beruvchiga talabnoma chaqirib olinganligi toʻgʻrisida bildirishnoma yuborilganidan soʻng ushbu talabnoma boʻyicha ish yuritish toʻxtatiladi.

80. Chaqirib olingan talabnoma huquqiy oqibatlarga olib kelmaydi hamda u boʻyicha yuridik ahamiyatga molik harakatlar olib borilmaydi (bunday talabnoma boʻyicha ekspertiza oʻtkazilmaydi, unga asosan patent berilmaydi) va kelgusida talabnoma beruvchining huquqlari ushbu talabnomaga asoslanmaydi (xususan, navbatdagi talabnomani topshirishda chaqirib olingan talabnomaning kelib tushgan sanasi boʻyicha yoki unga qoʻshimcha materiallar kelib tushgan sana boʻyicha ustuvorlik soʻralmaydi).

Chaqirib olingan talabnoma seleksiya yutugʻi boʻyicha kelib tushgan boshqa talabnomalarning ekspertizasini oʻtkazish jarayonida hisobga olinmaydi.

81. Talabnoma beruvchining talabnomani chaqirib olish toʻgʻrisidagi iltimosnomasini haqiqiy emas deb hisoblash toʻgʻrisidagi iltimosi, agar u talabnomaning chaqirib olingani toʻgʻrisidagi bildirishnoma talabnoma beruvchiga yuborilganidan keyin kelib tushgan boʻlsa, qanoatlantirilmaydi.

4-bob. Talabnomani koʻrib chiqish

1-§. Kelib tushgan talabnomani roʻyxatga olish

82. Vazirlikka kelib tushgan talabnoma materiallari kelib tushish sanasi koʻrsatilgan holda seleksiya yutugʻiga talabnoma sifatida roʻyxatga olinadi, buning uchun ushbu materiallar tarkibida kamida patent berish toʻgʻrisida davlat tilidagi ariza, seleksiya yutugʻining tavsifi (texnik anketasi) va patent bojini toʻlashdan ozod etish yoxud uning miqdorini kamaytirish uchun asoslarni tasdiqlaydigan hujjat boʻlishi kerak.

83. Talabnomaga roʻyxat raqami beriladi.

Talabnoma beruvchi talabnoma materiallari kelib tushganlik fakti haqida, u kelib tushgan kundan boshlab uch kun ichida roʻyxat raqami va kelib tushgan sanasi maʼlum qilingan holda Vazirlik tomonidan yozma ravishda xabardor qilinadi.

84. Roʻyxatdan oʻtkazilgan talabnoma materiallari qaytarilmaydi.

85. Talabnoma haqidagi maʼlumotlar talabnoma Vazirlikka kelib tushgan sanadan eʼtiboran, u haqidagi maʼlumotlar rasman eʼlon qilingunga qadar maxfiy hisoblanadi va talabnoma beruvchining roziligisiz oshkor qilinmaydi.

86. Qonunning 19-moddasiga muvofiq, talabnomada koʻrsatilgan seleksiya yutugʻining Davlat muassasasining oʻzida oʻtkaziladigan rasmiy ekspertizani va mazkur seleksiya yutugʻi yangilik ekanligini ekspertiza qilishdan hamda farqlanish, turdoshlik va barqarorlikni aniqlash maqsadida sinovdan oʻtkazishdan iborat patentga layoqatlilik ekspertizasini oʻz ichiga oladi hamda ushbu ekspertiza ixtisoslashtirilgan tashkilotlar tomonidan amalga oshiriladi.

2-§. Rasmiy ekspertiza

87. Qonunning 20-moddasiga muvofiq, talabnomaning rasmiy ekspertizasi talabnoma topshirilgan sanadan eʼtiboran ikki oy oʻtgach oʻtkaziladi. Talabnoma beruvchining iltimosnomasiga binoan rasmiy ekspertiza koʻrsatilgan muddat tugashidan oldin boshlanishi mumkin.

88. Rasmiy ekspertiza oʻtkazish davomida quyidagilar tekshiriladi:

a) seleksiya yutugʻining Oʻzbekiston Respublikasida muhofaza qilinayotgan zoologik zot va turlarga mansubligi;

b) talabnoma tarkibida boʻlishi yoki unga ilova qilinishi lozim boʻlgan hujjatlarning mavjudligi;

v) taqdim etilgan hujjatlarga nisbatan qoʻyilgan talablarga rioya qilinganlik;

g) Qonunning 16-moddasi ikkinchi qismida koʻzda tutilgan hollarda talabnoma topshirish tartibiga, shu jumladan patent vakilining vakolatlarini tasdiqlaydigan ishonchnomaning mavjudligi;

d) talabnomada uning Vazirlikka kelib tushgan sanasidan ilgariroq muddatga ustuvorlik soʻralayotganining asoslanganligi.

89. Talabnomani topshirishda Oʻzbekiston Respublikasining “Davlat boji toʻgʻrisida”gi Qonunida belgilangan miqdordagi boj toʻlanmagan yoki koʻrsatilgan patent bojini toʻlashdan ozod qilish yoxud uning miqdorini kamaytirish uchun asoslar mavjudligini tasdiqlaydigan hujjat mavjud boʻlmagan taqdirda, talabnoma boʻyicha yuridik ahamiyatga molik harakatlar amalga oshirilmaydi.

90. Agar patent boji Oʻzbekiston Respublikasining “Davlat boji toʻgʻrisida”gi Qonunida belgilangan miqdordan kam toʻlangan boʻlsa, talabnoma beruvchi bildirishnoma orqali ushbu bildirishnoma joʻnatilgan sanadan eʼtiboran uch oy mobaynida talabnoma topshirish uchun yetmagan patent bojini toʻlash zarurligi toʻgʻrisida xabardor qilinadi. Talabnoma beruvchi talabnoma boʻyicha mazkur Qonunda belgilangan miqdordagi patent boji koʻrsatilgan muddatda toʻlanmagan taqdirda, yuridik ahamiyatga molik harakatlar amalga oshirilmasligi haqida ham xabardor qilinadi.

Patent bojini toʻlash boʻyicha bildirishnoma talabnoma beruvchiga talabnoma materiallari roʻyxatdan oʻtganligi toʻgʻrisidagi bildirishnoma bilan bir vaqtda yuborilishi mumkin.

91. Agar talabnomaning rasmiy ekspertizasi jarayonida talabnoma ushbu Qoidalarda belgilangan talablarga rioya qilinmagan holda rasmiylashtirilganligi aniqlansa, talabnoma beruvchiga yetishmagan yoki tuzatilgan hujjatlarni bildirishnoma joʻnatilgan sanadan eʼtiboran uch oy ichida taqdim etish zarurligi koʻrsatilgan bildirishnoma yuboriladi.

Quyidagilar bildirishnoma yuborish uchun asos boʻladi:

a) talabnomada ushbu Qoidalarning 7-bandida koʻzda tutilgan hujjatlardan kamida bittasining mavjud boʻlmasligi;

b) talabnoma patent vakili yoxud ishonchli shaxs orqali topshirilgan boʻlsa, vakillik uchun ishonchnomaning mavjud emasligi;

v) talabnoma materiallari belgilangandan kam nusxada topshirilganligi;

g) Oʻzbekiston Respublikasidan tashqarida yashovchi jismoniy shaxslar yoki xorijiy yuridik shaxslar tomonidan talabnoma Vazirlikda roʻyxatdan oʻtkazilgan patent vakillari orqali topshirilmaganligi, agar Oʻzbekiston Respublikasi ishtirok etgan xalqaro bitimlarda talabnoma topshirishning boshqa tartibi koʻzda tutilmagan boʻlsa;

d) patent berish uchun arizada ushbu Qoidalarda koʻzda tutilgan rekvizitlar va imzolarning yoʻqligi;

e) Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanmagan yoki belgilangan miqdordan kam toʻlangan boʻlsa;

j) talabnoma materiallarining davlat tiliga tarjimasining yoʻqligi, agar ular xorijiy tilda topshirilgan boʻlsa;

z) hujjatlarni rasmiylashtirishda hujjatlardan bevosita nusxa koʻchirishga, ularni saqlashga toʻsqinlik qiladigan yoki patentga tavsifni eʼlon qilishga tayyorlash imkoniyatini bermaydigan kamchiliklar (varaqlar formati, hoshiyalar oʻlchamlariga qoʻyilgan talablarning buzilganligi, fotosuratlar sifati, talabnoma materiallarini oʻqishni qiyinlashtiradigan bosma matn sifati)ning aniqlanganligi;

i) talabnoma materiallarining bir-biriga mos emasligi (arizada keltirilgan seleksiya yutugʻining nomi tavsifda (texnik anketada) keltirilgan nomiga mos emasligi), shuningdek talabnoma beruvchining arizadagi nomi talabnoma beruvchining tavsifdagi (texnik anketadagi) nomiga mos emasligi);

k) seleksiya yutugʻining tavsifida (texnik anketasida) ushbu Qoidalarning 28 — 38-bandlarida hamda 2 va 3-ilovalarda koʻzda tutilgan maʼlumotlarning mavjud emasligi (agar tegishli boʻlimda bayon qilinishi lozim boʻlgan maʼlumotlar boshqa boʻlimda keltirilgan boʻlsa, bu holda soʻrovnoma yuborilmaydi);

l) seleksiya yutugʻining nomi ushbu Qoidalarning 25 — 27-bandlarida belgilangan talablarga mos emasligi;

m) talabnomada soʻralayotgan avvalroq ustuvorlikni belgilash bilan bogʻliq savollarni aniqlash zaruriyati.

92. Agar talabnoma beruvchi belgilangan muddatda ushbu Qoidalarning 7-bandida koʻzda tutilgan materiallarni taqdim etmasa yoki ularni topshirish muddatlarini uzaytirish haqidagi iltimosnoma bermasa, talabnoma chaqirib olingan deb hisoblanadi va bu haqda talabnoma beruvchi Davlat muassasasi tomonidan oʻn kun muddatda xabardor qilinadi. Talabnoma boʻyicha ish yuritish toʻxtatiladi.

93. Oʻtkazib yuborilgan muddat Davlat muassasasi tomonidan ushbu Qoidalarning 3-bobining 4-paragrafiga muvofiq tiklangan holda ish yuritish davom ettirilishi mumkin.

94. Agar talabnoma hujjatlari ushbu Qoidalarda belgilangan talablarga rioya qilingan holda taqdim etilgan boʻlsa, talabnoma beruvchiga talabnoma koʻrib chiqishga qabul qilinganligi va uning yangilik ekanligining ekspertizasini oʻtkazish uchun patent boji toʻlanishi lozimligi toʻgʻrisida Davlat muassasasi tomonidan qaror yuboriladi.

3-§. Seleksiya yutugʻining ustuvorligini belgilash

95. Seleksiya yutugʻining ustuvorligi patent berish uchun talabnoma Vazirlikka topshirilgan sana boʻyicha belgilanadi.

Agar talabnomada seleksiya yutugʻining ustuvorligi Qonunning 18-moddasi uchinchi va toʻrtinchi qismlari asosida soʻralmayotgan boʻlsa, u holda uning ustuvorligi talabnomaning Vazirlikka topshirilgan sanasi boʻyicha belgilanadi.

Talabnoma materiallari bir vaqtda topshirilmagan taqdirda, ustuvorlik oxirgi topshirilgan hujjat kelib tushgan sana boʻyicha belgilanadi.

96. Seleksiya yutugʻining ustuvorligi talabnoma beruvchi tomonidan Oʻzbekiston Respublikasi seleksiya yutuqlarining huquqiy muhofazasi toʻgʻrisida shartnoma tuzgan boshqa davlatda topshirilgan birinchi talabnomaning topshirilish sanasi boʻyicha belgilanadi, bunda buning uchun Qonunning 18-moddasi uchinchi qismida koʻzda tutilgan talablarga rioya qilingan va talabnoma beruvchi tomonidan soʻralayotgan ustuvorlikni tasdiqlaydigan hujjatlar taqdim etilgan boʻlishi kerak.

Vazirlikka taqdim etilayotgan talabnomada talabnoma beruvchi birinchi talabnoma sanasini koʻrsatishi va talabnoma Vazirlikka kelib tushgan sanadan eʼtiboran uch oylik muddatdan kechikmay birinchi talabnoma nusxasini va uning tarjimasini taqdim etishi lozim.

97. Birinchi talabnoma boʻyicha ustuvorlik soʻralganda quyidagilar tekshiriladi:

talabnoma beruvchi tomonidan boshqa davlatda topshirilgan birinchi talabnomaning tasdiqlangan nusxasi mavjudligi. Agar koʻrsatib oʻtilgan nusxa talabnoma Vazirlikka kelib tushgan sanadan keyin taqdim etilgan boʻlsa, bu holda talabnoma beruvchi talabnoma nusxasi taqdim etilishi lozim boʻlgan sanadan eʼtiboran uch oylik muddatga rioya qilganligi tekshiriladi (agar birinchi talabnomalar bir nechta boʻlsa, koʻrsatib oʻtilgan shartlar har bir talabnomaning nusxasiga nisbatan amal qiladi);

talabnoma beruvchining birinchi talabnoma topshirilgan sanadan boshlab 12 oylik muddatga rioya qilganligi, ushbu muddat mobaynida ustuvorlik soʻralgan talabnoma Vazirlikka kelib tushishi kerak;

seleksiya yutugʻi nomining va talabnoma berilayotgan seleksiya yutugʻi alomatlarining birinchi talabnomadagi seleksiya yutugʻining nomi va alomatlariga mosligi.

98. Agar ustuvorlikni belgilashda yuzaga keladigan savollar ekspertiza oʻtkazishga toʻsqinlik qilmasa, bu holda ularga talabnomani koʻrib chiqish bilan bogʻliq boshqa savollar bilan bir paytda aniqlik kiritiladi.

99. Talabnoma beruvchi tomonidan ushbu Qoidalarning 96-97-bandlarida koʻrsatilgan talablarga rioya qilingan boʻlsa, bu holda talabnoma berilgan seleksiya yutugʻiga nisbatan soʻralayotgan ustuvorlik belgilanadi.

100. Talabnoma beruvchi tomonidan ushbu Qoidalarning 96-97-bandlarida koʻrsatilgan talablardan aqalli bittasiga rioya qilinmagan boʻlsa, talab qilinayotgan ustuvorlik tan olinmaydi.

4-§. Patentga layoqatlilik ekspertizasi

101. Qonunning 4-moddasi uchinchi qismiga muvofiq talabnoma berilgan seleksiya yutugʻining patentga layoqatlilik ekspertizasi ixtisoslashtirilgan tashkilotlar tomonidan oʻtkaziladi.

Patentga layoqatlilik ekspertizasi seleksiya yutugʻining yangiligi ekanligining ekspertizasi, farqlanish, oʻxshashlik va barqarorlikka sinovlardan iborat boʻladi.

102. Seleksiya yutugʻining yangiligi ekanligining ekspertizasi Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanganda oʻtkaziladi. Agar seleksiya yutugʻining yangiligi ekanligining ekspertizasini oʻtkazish uchun patent boji belgilangan miqdordan kam toʻlangan boʻlsa, talabnoma beruvchiga Vazirlik va Davlat muassasasi tomonidan bildirishnoma orqali ushbu bildirishnoma yuborilgan sanadan eʼtiboran uch oy muddatda toʻlangan patent boji summasini belgilangan miqdorga toʻlash zarurligi xabar qilinadi.

Talabnoma beruvchiga, shuningdek patent boji belgilangan muddatda toʻlanmagan taqdirda, talabnoma chaqirib olingan deb hisoblanishi maʼlum qilinadi.

103. Qonunning 22-moddasi birinchi qismiga muvofiq seleksiya yutugʻi yangilik ekanligining ekspertizasini ixtisoslashtirilgan tashkilot mavjud hujjatlar va dalil-isbotlar, shu jumladan oʻz tashabbusi bilan olgan axborotlar asosida amalga oshiradi hamda talabnomada koʻrsatilgan seleksiya yutugʻining yangilik mezoniga muvofiqligi yoki nomuvofiqligi toʻgʻrisida Davlat muassasasiga xulosa taqdim etadi.

Davlat muassasasi talabnoma beruvchini seleksiya yutugʻining yangiligi ekanligining ekspertizasi natijalari toʻgʻrisida oʻn kun muddatda yozma xabardor qiladi.

104. Belgilangan miqdordagi patent boji toʻlanishi sharti bilan talabnoma berilgan seleksiya yutugʻining farqlilik, oʻxshashlik va barqarorlikka sinashdan iborat sinovlari oʻtkaziladi.

Agar farqlilik, oʻxshashlik va barqarorlikka oʻtkaziladigan ekspertiza uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdordan kam patent boji toʻlangan boʻlsa, bu holda talabnoma beruvchiga Davlat muassasasi tomonidan bildirishnoma orqali ushbu bildirishnoma yuborilgan sanadan eʼtiboran uch oy muddatda toʻlangan patent boji summasini belgilangan miqdorga yetkazish zarurligi xabar qilinadi.

Talabnoma beruvchiga patent boji belgilangan muddatda toʻlanmagan taqdirda, talabnoma chaqirib olingan deb hisoblanishi maʼlum qilinadi.

105. Qonunning 23-moddasiga muvofiq, talabnomada koʻrsatilgan seleksiya yutugʻining sinovlari ixtisoslashtirilgan tashkilotlar belgilagan usul va muddatlarda, roʻyxati Oʻzbekiston Respublikasi Vazirlar Mahkamasi tomonidan tasdiqlanadigan davlat nav sinash stansiyalarida, davlat nav sinash uchastkalarida, boshqa tashkilotlarda oʻtkaziladi.

Talabnoma beruvchi sinov oʻtkazish uchun kerakli miqdordagi urugʻlik, koʻchat yoki nasl mahsulotlarini ixtisoslashtirilgan tashkilot tomonidan belgilangan manzilga koʻrsatilgan muddatda taqdim etishi kerak.

Ixtisoslashtirilgan tashkilotlar talabnoma beruvchi, Oʻzbekiston Respublikasining korxonalari, idoralari, tashkilotlari, shuningdek boshqa davlatlarning vakolatli organlari tomonidan taqdim etilgan sinov natijalaridan foydalanishga haqlidir.

106. Qonunning 23-moddasi beshinchi qismiga muvofiq ixtisoslashtirilgan tashkilot sinov natijalariga qarab seleksiya yutugʻining patentga layoqatlilik mezoniga mosligi toʻgʻrisida xulosa chiqaradi.

5-§. Seleksiya yutugʻiga patent berish yoki patent berishni rad etish toʻgʻrisidagi qaror

107. Seleksiya yutugʻining patentga layoqatlilik mezonlariga, nomining esa belgilangan talablarga muvofiqligi tasdiqlanganda, ixtisoslashtirilgan tashkilot patentga layoqatlilik mezonlariga mosligi toʻgʻrisida xulosasi va seleksiya yutugʻining rasmiy tavsifini oʻn kun muddatda Davlat muassasasiga yuboradi. Davlat muassasasi ixtisoslashtirilgan tashkilotning xulosasi asosida oʻsimliklar navi yoki hayvonlar zotiga patent berish toʻgʻrisida oʻn kun muddatda qaror qabul qiladi.

108. Oʻzbekiston Respublikasining “Davlat boji toʻgʻrisida”gi Qonunida belgilangan patent boji toʻlangan taqdirda yoki patent bojini toʻlashdan ozod qilish yoxud uning miqdorini kamaytirish uchun asoslarni tasdiqlaydigan hujjat taqdim etilganda Vazirlik seleksiya yutugʻini tegishli reyestrida roʻyxatdan oʻtkazadi va seleksiya yutugʻining roʻyxatdan oʻtkazilganligi toʻgʻrisida maʼlumotlarni Vazirlikning rasmiy axborotnomasida eʼlon qiladi.

109. Talabnoma berilgan seleksiya yutugʻining patentga layoqatlilik mezonlaridan aqalli bittasiga muvofiq emasligi aniqlansa, bu holda ixtisoslashtirilgan tashkilot tomonidan Davlat muassasasiga seleksiya yutugʻining farqlilik, oʻxshashlik, barqarorlik mezonlariga javob bermasligi toʻgʻrisida tegishli asoslar keltirilgan xulosasi yuboriladi.

Davlat muassasasi ixtisoslashtirilgan tashkilotning xulosasi asosida oʻsimliklar navi yoki hayvonlar zotiga patent berishni rad etish toʻgʻrisida qaror qabul qiladi va uni ixtisoslashtirilgan tashkilot tomonidan seleksiya yutugʻining farqlilik, oʻxshashlik, barqarorlik mezonlariga javob bermasligi toʻgʻrisidagi xulosasi ilova qilingan holda talabnoma beruvchiga oʻn kun muddatda yuboradi.

Seleksiya yutugʻiga patent berish uchun talabnoma tuzish, topshirish va koʻrib chiqish qoidalariga 1-ILOVA

Kelib tushgan sana Roʻyxatga olish raqami (Oʻzbekiston Respublikasi Adliya vazirligi tomonidan toʻldiriladi) 󠄀󠄀 oʻsimliklar navi 󠄀󠄀 hayvonlar zotiga patent olish uchun ARIZA Oʻzbekiston Respublikasi Adliya vazirligi (pochta aloqasi) Tel: ______ E-mail: __________ (71) Talabnoma beruvchi(lar): KTUT boʻyicha tashkilot kodi BIMT ST. 3 standarti boʻyicha mamlakat kodi (agar u belgilangan boʻlsa) Ushbu shaxs: 󠄀󠄀 muallif 󠄀󠄀 muallifning huquqiy vorisi 󠄀󠄀 ish beruvchi 󠄀󠄀 ish beruvchining huquqiy vorisi (ismi, familiyasi, otasining ismi yoki nomi va yashash joyi yoki joylashgan yeri, shu jumladan mamlakat nomi va toʻliq pochta manzili koʻrsatiladi. Talabnoma beruvchi mualliflarning yashash joyi toʻgʻrisidagi maʼlumotlar “Mualliflar” grafasida keltiriladi) _________________________________________________________ _____________________________________ nomi ostida topshirilgan seleksiya yutugʻining ustuvorligini birinchi talabnoma(lar)ning topshirish sanasi boʻyicha belgilashingizni soʻrayman (soʻraymiz) (31) Birinchi talabnoma raqami (32) Soʻralayotgan ustuvorlik sanasi (33) Mamlakat kodi (54) a) zot/tur nomi ______________________________ _____________________ _______________________________________________________________________________ (lotincha) b)Taklif qilinayotgan nom ______________________________________________________________________________________________ ______________________________________________________________________________________________ (74) Patent vakili (toʻliq ismi, roʻyxatga olish raqami) Telefon: Faks: E-mail: Patent vakilining manzili (toʻliq pochta manzili) (98) Yozishmalar uchun manzil (xat oluvchining toʻliq pochta manzili, familiyasi, ismi, otasining ismi yoki nomi) Telefon: Faks: E-mail: Ilova qilinayotgan hujjatlar roʻyxati: Bir nusxadagi varaqlar soni 󠄀󠄀 nav, zot tavsifi (texnik anketasi) 󠄀󠄀 namunalarning fotosuratlari 󠄀󠄀 talabnoma beruvchi tomonidan oʻtkazilgan sinovlar haqidagi hujjatlar 󠄀󠄀 seleksiya yutugʻi qoʻllanmagan, sotilmagan, berilmaganligini tasdiqlaydigan talabnoma beruvchining deklaratsiyasi 󠄀󠄀 ustuvorlikni tasdiqlaydigan hujjat (birinchi talabnoma(lar)ning nusxasi (nusxalari)) 󠄀󠄀 nav, turning sinovi uchun material taqdim etish haqida talabnoma beruvchining majburiyati 󠄀󠄀 patent vakili yoki ishonchli shaxsning vakolatlarini tasdiqlaydigan ishonchnoma 󠄀󠄀 patent bojini toʻlashdan ozod etilganlik uchun asos 󠄀󠄀 boj miqdorini kamaytirish uchun asos 󠄀󠄀 talabnomaning davlat tilidagi tarjimasi 󠄀󠄀 boshqa hujjat (koʻrsatilsin) 󠄀󠄀 talabnomaga uning mashinada oʻqiladigan tashuvchidagi nusxasi ilova qilinadi 󠄀󠄀 talabnoma materiallarining mashinada oʻqiladigan tashuvchidagi nusxasi bosma matnning aynan nusxasi boʻlishi kerak (72) Muallif(lar) (familiyasi, ismi, otasining ismi, lavozimi, ilmiy darajasi va ish joyi) Toʻliq uy manzili (viloyat, tuman, shahar, koʻcha, uy, chet elliklar uchun — BIMT ST. 3 standarti boʻyicha mamlakat kodi Muallif (lar) imzosi (imzolari, sana Men (Biz), __________________________________________________________________________________ (familiyasi, ismi, otasining ismi) ____________________________________________________________________________________ patent berish toʻgʻrisidagi maʼlumotlar eʼlon qilinayotganida mening ismimni (bizning ismimizni) muallif(lar) sifatida tilga olmasligingizni soʻrayman (soʻraymiz) Muallif(lar)ning imzosi (imzolari): Imzo(lar): Talabnoma beruvchi(lar), yoki patent vakili, yoki talabnoma beruvchining boshqa vakilining imzosi (imzolari), imzo(lar) qoʻyilgan sana

Seleksiya yutugʻiga patent berish uchun talabnoma tuzish, topshirish va koʻrib chiqish qoidalariga 2-ILOVA

Talabnoma raqami _________________________________________ (talabnoma beruvchi tomonidan toʻldirilmaydi) OʻSIMLIKLAR NAVINING TAVSIFI (TEXNIK ANKETASI) 1. Talabnoma beruvchi _____________________________________________________________________________ 2. a) Zot/turning nomi___________________ _____________________________________ (lotincha) 3. Taklif qilinayotgan nom _________________________________________________________________________ 4. Navning kelib chiqishi haqidagi maʼlumotlar, saqlash va koʻpaytirish xususiyatlari, seleksiya raqami ____________ 5. Talabnoma berilgan navning alomatlari T/r Alomat Ifodalanganlik darajasi Indeksi 6. a) Talabnomada koʻrsatilgan navga oʻxshash navning nomi va uning talabnomada koʻrsatilgan navdan farqlab turadigan alomatlari:____________________________________________________________________________ _____________________________________________________________________________________________ (navning nomi) Tegishli alomatning tartib raqami Alomat b) Axborot manbaining bibliografik maʼlumotlari____________________________________________________ _______________________________________________________________________________________________ 7. Qoʻshimcha axborot 7.1. Zararkunandalar va kasalliklarga turgʻunligi (agar imkon boʻlsa, zotlar/shtammlarni koʻrsating) ______________ _______________________________________________________________________________________________ 7.2. Navni farqlilik, oʻxshashlik va barqarorlikka sinash uchun alohida shart-sharoitlarni koʻrsating _____________ _______________________________________________________________________________________________ 7.3. Boshqa axborot ________________________________________________________________________________ _______________________________________________________________________________________________ Sana “____” ________________ 20_____ y. Talabnoma beruvchi _____________________________________ _______________________________________________ (imzo) (familiyasi, ismi, otasining ismi)

Seleksiya yutugʻiga patent berish uchun talabnoma tuzish, topshirish va koʻrib chiqish qoidalariga 3-ILOVA

Talabnoma raqami __________________________________________ (talabnoma beruvchi tomonidan toʻldirilmaydi) HAYVONLAR ZOTINING TAVSIFI (TEXNIK ANKETASI) 1. Talabnoma beruvchi _____________________________________________________________________________ 2. a) Nasl/turning nomi__________________ ____________________________________ _____________________________________ (lotincha) b) Nasl kategoriyasi: — nasl guruhi, — nasl ichidagi tur, — zavod turi, — zavod liniyasi, — oila, — partenoklonlar, — liniyalar, — gibridlar, — kross (parrandachilikda). v) Mahsuldorlik yoʻnalishi _________________________________________________________________________ 3. Taklif qilinayotgan nom _________________________________________________________________________ 4. Naslning kelib chiqishi, saqlash va koʻpaytirish xususiyatlari haqida maʼlumotlar, seleksiya raqami_____________ 5. Talabnoma berilgan naslning alomatlari Tartib raqami Alomat Ifodalanganlik darajasi Indeksi 6. a) Talabnomada koʻrsatilgan naslning nomi va uni oʻxshash nasldan farqlab turadigan alomatlari: _______________________________________________________________________________________________ (naslning nomi) Tegishli alomatning tartib raqami Alomat b) Axborot manbaining bibliografik maʼlumotlari____________________________________________________ _______________________________________________________________________________________________ 7. Qoʻshimcha axborot 7.1. Oziqlantirish darajasi, saqlash va ishlatish texnologiyasiga qoʻyiladigan talablar __________________________ _______________________________________________________________________________________________ 7.2. Naslni farqlilik, oʻxshashlik va barqarorlikka sinash uchun alohida shart-sharoitlar _______________________ _______________________________________________________________________________________________ 7.3. Boshqa axborot ______________________________________________________________________________ ______________________________________________________________________________________________ sana “____” ________________ 20_____ y. Talabnoma beruvchi _______________________________ _____________________________________ (imzo) (familiyasi, ismi, otasining ismi)

Seleksiya yutugʻiga patent berish uchun talabnoma tuzish, topshirish va koʻrib chiqish qoidalariga 4-ILOVA

Topshirish sanasi Kirish raqami (Oʻzbekiston Respublikasi Adliya vazirligi tomonidan toʻldiriladi) Oʻzgartirish(lar) kiritish toʻgʻrisida ARIZA Oʻzbekiston Respublikasi Adliya vazirligi (pochta aloqasi), Tel: ______ E-mail: __________ (21) Talabnoma raqami (22) Talabnoma topshirilgan sana (71) Talabnoma beruvchi (98) Yozishmalar uchun manzil (xat oluvchining toʻliq pochta manzili, ismi yoki nomi) Telefon: Faks: E-mail: (74) Patent vakili (toʻliq ismi, roʻyxatga olinganlik raqami) Patent vakilining manzili (toʻliq pochta manzili) Telefon: Faks: E-mail: Ushbu arizani topshirar ekanman, talabnoma materiallariga quyidagi oʻzgartirish(lar)ni kiritishingizni soʻrayman: 󠄀󠄀 talabnoma beruvchining ismi (nomi)ga 󠄀󠄀 talabnoma beruvchining manziliga 󠄀󠄀 yozishmalar uchun manzilga 󠄀󠄀 talabnoma materiallariga Oʻzgartirilishi lozim boʻlgan maʼlumotlar: Oʻzgartirilgan maʼlumotlar: davomini keyingi varaqdan qarang 󠄀 󠄀Arizaga ilova(lar): 󠄀󠄀󠄀󠄀davom ettirish uchun varaqlar 󠄀 󠄀boshqa hujjatlar (koʻrsatilsin) Nusxalar soni Varaqlar soni Imzo(lar) Talabnoma beruvchi(lar), yoki patent vakili, yoki talabnoma beruvchining boshqa vakilining imzosi, imzo(lar) qoʻyilgan sana

Seleksiya yutugʻiga patent berish uchun talabnoma tuzish, topshirish va koʻrib chiqish qoidalariga 5-ILOVA

Topshirish sanasi Kirish raqami (Oʻzbekiston Respublikasi Adliya vazirligi tomonidan toʻldiriladi) Talabnoma beruvchi(lar)ning oʻzgarganligi toʻgʻrisidagi yozuvni kiritish haqida ARIZA Oʻzbekiston Respublikasi Adliya vazirligi (pochta aloqasi), Tel: ______ E-mail: __________ (21) Talabnoma raqami (22) Talabnoma topshirilgan sana (71) Talabnoma beruvchi (98) Yozishmalar uchun manzil (xat oluvchining toʻliq pochta manzili, ismi yoki nomi) Telefon: Faks: E-mail: (74) Patent vakili (toʻliq ismi, roʻyxatga olinganlik raqami) Patent vakilining manzili (toʻliq pochta manzili) Telefon: Faks: E-mail: Ushbu arizani topshirar ekanman, talabnoma materiallariga talabnoma beruvchining oʻzgarganligi toʻgʻrisidagi yozuvni kiritishingizni soʻrayman Talabnoma beruvchini oʻzgartirish uchun asoslar: 󠄀󠄀 talabnoma beruvchi kontrakt, shartnoma imzolanganligi natijasida oʻzgartirilmoqda; quyidagi hujjatlardan biri ilova qilinadi: 󠄀󠄀 kontrakt, shartnomaning tasdiqlangan nusxasi 󠄀󠄀 kontrakt, shartnomadan tasdiqlangan koʻchirma 󠄀󠄀 huquq oʻtkazilganligi toʻgʻrisidagi hujjat. 󠄀󠄀 talabnoma beruvchi qayta tashkil etilishi natijasida oʻzgartirilmoqda; 󠄀󠄀 qayta tashkil etilishini tasdiqlaydigan, uning quyidagi hujjatlardan birining asliga muvofiq ekanini isbotlash uchun tasdiqlangan hujjat nusxasi ilova qilinadi: 󠄀󠄀 talabnoma beruvchining oʻzgartirilishi kontrakt, shartnomaning imzolanishi, qayta tashkil etish natijasi emas; 󠄀󠄀 bunday oʻzgarishni tasdiqlaydigan, uning hujjatning asliga muvofiq ekanini isbotlash uchun tasdiqlangan hujjat nusxasi ilova qilinadi Yangi talabnoma beruvchi Talabnoma beruvchining pochta manzili Telefon: Faks: E-mail: Yozishmalar uchun manzil (toʻliq pochta manzili, familiyasi, ismi, otasining ismi yoki nomi) Telefon: Faks: E-mail: Patent vakili (toʻliq ismi, roʻyxatga olingan raqami) Patent vakilining manzili (toʻliq pochta manzili) Telefon: Faks: E-mail: 󠄀󠄀 Arizaga ilova(lar): 󠄀󠄀 󠄀 󠄀davom ettirish uchun varaqlar 󠄀󠄀 boshqa hujjatlar (koʻrsatilsin) Nusxalar soni Varaqlar soni Imzo Avvalgi talabnoma beruvchi: Imzo va sana Yangi talabnoma beruvchi: Imzo va sana Patent vakili: Imzo va sana

Seleksiya yutugʻiga patent berish uchun talabnoma tuzish, topshirish va koʻrib chiqish qoidalariga 6-ILOVA

Topshirish sanasi Kirish raqami (Oʻzbekiston Respublikasi Adliya vazirligi tomonidan toʻldiriladi) Tuzatish(lar) kiritish toʻgʻrisida ARIZA Oʻzbekiston Respublikasi Adliya vazirligi (pochta aloqasi), Tel: ______ E-mail: __________ (21) Talabnoma raqami (22) Talabnoma topshirilgan sana (71) Talabnoma beruvchi (98) Yozishmalar uchun manzil (xat oluvchining toʻliq pochta manzili, familiyasi, ismi, otasining ismi yoki nomi) Telefon: Faks: E-mail: (74) Patent vakili (familiyasi, ismi, otasining ismi, roʻyxatga olinganlik raqami) Patent vakilining manzili (toʻliq pochta manzili) Telefon: Faks: E-mail: Ushbu arizani topshirar ekanman, talabnoma materiallariga quyidagi oʻzgartirish(lar)ni kiritishingizni soʻrayman: Toʻgʻrilanishi lozim boʻlgan maʼlumotlar: 󠄀󠄀 davomini keyingi varaqdan qarang Toʻgʻrilangan maʼlumotlar: 󠄀󠄀 davomini keyingi varaqdan qarang 󠄀󠄀 Arizaga ilova(lar): 󠄀󠄀 󠄀󠄀 davom ettirish uchun varaqlar 󠄀󠄀 boshqa hujjatlar (koʻrsatilsin) Nusxalar soni Varaqlar soni Imzo(lar) Talabnoma beruvchi(lar), yoki patent vakili, yoki talabnoma beruvchining boshqa vakilining imzosi, imzo(lar) qoʻyilgan sana

Oʻzbekiston Respublikasi adliya vazirining 2023-yil 25-dekabrdagi 24-mh-son buyrugʻiga 2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

ROʻYXATI

1. Oʻzbekiston Respublikasi Davlat patent idorasi direktorining 2004-yil 30-dekabrdagi 62-son “Seleksiya yutugʻiga Oʻzbekiston Respublikasi patentini berish uchun talabnomalarni tuzish, topshirish va koʻrib chiqish qoidalarini tasdiqlash toʻgʻrisida”gi buyrugʻi (roʻyxat raqami 1443, 2005-yil 14-yanvar) (Oʻzbekiston Respublikasi qonun hujjatlari toʻplami, 2005-y., 2-son, 16-modda).

2. Oʻzbekiston Respublikasi Intellektual mulk agentligi bosh direktorining 2011-yil 26-avgustdagi 34-son “Seleksiya yutugʻiga Oʻzbekiston Respublikasi patentini berish uchun talabnomalarni tuzish, topshirish va koʻrib chiqish qoidalariga oʻzgartirishlar kiritish haqida”gi buyrugʻi (roʻyxat raqami 1443-1, 2011-yil 30-sentabr) (Oʻzbekiston Respublikasi qonun hujjatlari toʻplami, 2011-y., 40-son, 425-modda).

3. Oʻzbekiston Respublikasi Intellektual mulk agentligi bosh direktorining 2017-yil 6-noyabrdagi 25-son “Seleksiya yutugʻiga Oʻzbekiston Respublikasi patentini berish uchun talabnomalarni tuzish, topshirish va koʻrib chiqish qoidalariga oʻzgartirish va qoʻshimchalar kiritish haqida”gi buyrugʻi (roʻyxat raqami 1443-2, 2017-yil 22-noyabr) (Qonunchilik maʼlumotlari milliy bazasi, 22.11.2017-y., 10/17/1443-2/0289-son).