Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida (PQ-402-son)

21.12.2023

Oʻzbekiston Respublikasi Prezidentining

qarori

Oʻzbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida”gi PF-209-son Farmonining ijrosini taʼminlash maqsadida:

1. Oliy Majlis, Vazirlar Mahkamasi, Iqtisodiyot va moliya vazirligi, Kambagʻallikni qisqartirish va bandlik vazirligining:

Oʻzbekiston mahallalari uyushmasining (keyingi oʻrinlarda — Uyushma) tashkiliy tuzilmasini 1-ilovaga muvofiq;

Respublika mahallani qoʻllab-quvvatlash kengashi tarkibi, Qoraqalpogʻiston Respublikasi, viloyatlar, Toshkent shahri va tuman (shahar) mahallani qoʻllab-quvvatlash kengashlarining namunaviy tarkibini 2-ilovaga muvofiq tasdiqlash haqidagi takliflari maʼqullansin.

2. Maʼlumot uchun qabul qilinsinki:

Respublika mahallani qoʻllab-quvvatlash kengashi (keyingi oʻrinlarda — Respublika kengashi) mahallalarni rivojlantirishning asosiy yoʻnalishlarini belgilovchi, daromad va xarajatlar hamda dasturlarni tasdiqlovchi oliy organ hisoblanadi;

Respublika kengashi, Qoraqalpogʻiston Respublikasi, viloyatlar, Toshkent shahri va tuman (shahar) mahallani qoʻllab-quvvatlash kengashlari jamoatchilik asosida faoliyat yuritadi, ishchi organi tegishlicha Uyushma va uning hududiy boʻlimlari hisoblanadi;

Respublika kengashi har olti oyda, Qoraqalpogʻiston Respublikasi, viloyatlar, Toshkent shahar mahallani qoʻllab-quvvatlash kengashlari har uch oyda, tuman (shahar) mahallani qoʻllab-quvvatlash kengashlari har oyda kamida bir marotaba Uyushma va boshqa davlat tashkilotlari, ularning tegishli hududiy boʻlinmalari faoliyatini baholash va muammolarni kompleks hal qilish yuzasidan yigʻiladi;

Oʻzbekiston mahallalari uyushmasi Konferensiyasi Uyushmaning yuqori organi boʻlib, kamida uch yilda bir marta chaqiriladi;

Uyushmaning raisi Respublika kengashining taqdimnomasiga asosan Qoraqalpogʻiston Respublikasi, viloyatlar va Toshkent shahridan kamida oʻn nafardan shakllanadigan delegatlardan (fuqarolar yigʻinlari raislari) iborat Konferensiya orqali lavozimga tayinlanadi va lavozimidan ozod etiladi;

Uyushma raisining oʻrinbosarlari Respublika kengashining taqdimnomasiga asosan Uyushma raisi tomonidan lavozimga tayinlanadi va Respublika kengashi bilan kelishilgan holda lavozimidan ozod etiladi;

Uyushmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari va ularning oʻrinbosarlari Uyushma raisi tomonidan, tuman (shahar) boʻlimlari boshliqlari Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan lavozimga tayinlanadi va lavozimidan ozod etiladi;

Uyushma hamda uning Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlari yuridik shaxs hisoblanadi.

3. Belgilansinki:

Kambagʻallikni qisqartirish va bandlik vazirligining 667 ta shtat birliklari qisqartirilib, Uyushma, uning hududiy boʻlinmalari va Vazirlar Mahkamasining “Mahalla yettiligi” faoliyatini qoʻllab-quvvatlash boʻlimi tashkil etiladi;

Uyushmaning markaziy apparati, Qoraqalpogʻiston Respublikasi, viloyatlar va Toshkent shahar boshqarmalarining hamda tuman (shahar) boʻlimlarining tuzilmalari 982 shtat birliklari doirasida Uyushma raisi tomonidan mustaqil tasdiqlanadi.

“Mahalla” xayriya jamoat fondi Qoraqalpogʻiston Respublikasi, viloyatlar, Toshkent shahar va tuman (shahar) boʻlinmalarining 320 ta shtat birliklari qisqartirilib, Uyushma va uning hududiy boʻlinmalariga oʻtkazilayotganligi maʼlumot uchun qabul qilinsin.

4. Uyushma va mahallalar faoliyatini moliyalashtirishning quyidagi tartibi oʻrnatilsin:

mahallalar faoliyatini joriy taʼminlash (mahalla raisining ish haqi, kommunal toʻlovlar, kanselyariya mollari va boshqalar) va moddiy-texnik bazasini mustahkamlash respublika budjeti hisobidan amalga oshiriladi;

Uyushma har yili 15-iyulga qadar Oliy Majlis huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondiga (keyingi oʻrinlarda — Jamoat fondi) oʻzining markaziy apparati va hududiy boʻlinmalarini hamda tizim tashkilotlarini saqlash, mahallalarni qoʻllab-quvvatlash, ular faoliyatini joriy taʼminlash va moddiy-texnik bazasini mustahkamlash uchun zarur boʻlgan mablagʻlar hajmi boʻyicha Respublika kengashi tomonidan tasdiqlangan buyurtmani taqdim etadi;

Jamoat fondi tomonidan buyurtmaga muvofiq subsidiya ajratiladi;

Uyushmaning rahbariyati va xodimlari uchun mehnatga haq toʻlash shartlari Uyushma taklifiga binoan Respublika kengashi tomonidan tasdiqlanadi;

Uyushmaning Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlari rahbarlariga shaxsiy biriktirilgan xizmat avtotransport vositalarini saqlash uchun limitlar ajratiladi;

Uyushma va uning Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlari uchun gʻaznachilikda boshqa budjetdan tashqari davlat jamgʻarmalari sifatida shaxsiy gʻazna hisobvaragʻi ochiladi.

5. Belgilab qoʻyilsinki:

Uyushma va uning Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlari hisob va hisobotlari yuritilishiga budjet tashkilotlari uchun belgilangan tartiblar tatbiq etiladi;

Uyushma tomonidan uning markaziy apparati, Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlarining moliyaviy hisobotlari Jamoat fondiga topshiriladi. Bunda, Jamoat fondi tomonidan moliyaviy hisobotlar belgilangan tartibda Iqtisodiyot va moliya vazirligiga taqdim etiladi.

6. Mahallaning ijtimoiy-iqtisodiy muammolarini hal etish jamgʻarmasi mablagʻlaridan foydalanish tartibi toʻgʻrisidagi nizom 3-ilovaga muvofiq tasdiqlansin.

Belgilansinki, Uyushmaning tuman (shahar) boʻlimlari:

Jamgʻarma va Jamoat fondi tomonidan ajratiladigan subsidiya mablagʻlarining hisobi va hisobotlarini yuritadi;

“Mahalla budjeti” tizimi doirasida amalga oshirilgan xarajatlar toʻgʻrisidagi maʼlumotlarni har oy yakuni bilan kelgusi oyning 5-sanasiga qadar “Ochiq budjet” axborot portaliga joylashtirib boradi.

7. Shunday tartib oʻrnatilsinki, unga muvofiq:

a) yoshlarga tadbirkorlik faoliyatini yuritish va oʻzini oʻzi band qilish uchun noturar joy ijara xarajatlari uchun subsidiya ajratish boʻyicha hujjatlar yoshlar yetakchisi tomonidan shakllantiriladi;

b) “Yoshlar daftari” jamgʻarmalari mablagʻlari hisobidan qoʻshimcha quyidagi xarajatlar qoplab beriladi:

chekka qishloq va ovullarda ilm-fan, sport, sanʼat va madaniyat, kitobxonlik yoʻnalishlaridagi toʻgaraklarni tashkil etish uchun zarur jihozlar xarid qilish;

nogironligi boʻlgan yoki bemor yoshlarga zarur birlamchi tibbiy anjomlar va dori vositalarini ijtimoiy xodim bilan birgalikda xarid qilish.

8. Uyushma manfaatdor vazirlik va idoralar bilan birgalikda mahalla tizimida amalga oshirilayotgan islohotlardan kelib chiqib, 2024-yil 1-martga qadar quyidagilarni nazarda tutuvchi:

a) “Fuqarolarning oʻzini oʻzi boshqarish organlari toʻgʻrisida”gi Qonunning yangi tahriri loyihasini ishlab chiqsin:

hududlarning tarixiy xususiyatlari va aholi punktlarining geografik joylashuvini hisobga olgan holda mahallalarni tashkil qilishning aniq mezonlarini belgilash;

“mahalla yettiligi”ning oʻzaro hamkorlikda ishlash mexanizmlari hamda ularning kollegial masʼuliyati va javobgarligi doirasini aniq belgilash, mahalla raisining ularning saʼy-harakatlarini birlashtirish va yoʻnaltirish, ragʻbatlantirish va intizomiy jazolash boʻyicha vakolatlarini mustahkamlash;

mahalla tomonidan jismoniy shaxslardan olinadigan mol-mulk soligʻi va yer soligʻi boʻyicha oshirilgan koeffitsiyentlar qoʻllash yuzasidan tegishli xalq deputatlari Kengashlariga taklif kiritish;

“mahalla yettiligi” tarkibidagi lavozimlarga tayinlashda ushbu mahallada yashovchi nomzodlarga ustuvorlik berish;

mahalla raisining soʻroviga javob bermaslik yoki taqdimnomasida qoʻyilgan masalani koʻrib chiqmaslik uchun javobgarlik belgilash;

xalq deputatlari tuman (shahar) Kengashlariga mahalla raislari oʻz faoliyatida jiddiy xato va kamchiliklarga yoʻl qoʻyganda, ularga nisbatan ishonchsizlik bildirish va ushbu masalani koʻrib chiqish vakolatlarini berish va boshqalar;

b) “Fuqarolar yigʻini raisi saylovi toʻgʻrisida”gi Qonunning yangi tahriri loyihasini ishlab chiqish:

mahalla raisi saylovini aholi tomonidan umumiy, teng, toʻgʻridan-toʻgʻri saylov huquqi asosida yashirin ovoz berish orqali oʻtkazish;

mahalla raisining maʼlumoti (oliy) va malakasi boʻyicha qoʻyiladigan talablar;

mahalla raisining vakolat muddatini 3 yildan 5 yil muddatga uzaytirish va boshqalar.

10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Uyushmaning Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) boʻlimlarini zarur bino va inshootlar hamda zarur texnikalar, shuningdek, avtotransport vositalari bilan taʼminlash choralarini koʻrsin.

Bunda, ajratilgan bino va inshootlarni kapital taʼmirlash va jihozlash boʻyicha loyihalar 2024 — 2026-yillar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlariga kiritiladi.

11. Uyushma:

uch oy muddatda Qurilish va uy-joy kommunal xoʻjaligi vazirligi hamda Iqtisodiyot va moliya vazirligi bilan birgalikda mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim, soliq inspektori uchun qulay va ixcham binolarni oʻzida mujassam qiluvchi mahalla idoralarining namunaviy binosi loyihasini ishlab chiqsin;

Iqtisodiyot va moliya vazirligi, Qoraqalpogʻiston Respublikasi budjetining, viloyatlar va Toshkent shahar, tuman va shaharlar mahalliy budjetlarining qoʻshimcha manbalari, davlat-xususiy sheriklik hamda boshqa manbalar hisobidan oʻz binosiga ega boʻlmagan mahallalarda uch yil muddatda namunaviy mahalla binolarini bosqichma-bosqich moliyalashtirish orqali, qurib topshirilishini taʼminlasin;

Adliya vazirligi va Raqamli texnologiyalar vazirligi bilan birgalikda 2024-2025-yillarda mahallalarda 4-ilovada koʻrsatilgan davlat xizmatlarining agentlar tomonidan koʻrsatilishini yoʻlga qoʻysin;

mahalliy hokimliklar bilan birgalikda 2024-yil 1-martga qadar mavjud mahallalar faoliyati tashkiliy va moliyaviy jihatdan toʻgʻri yoʻlga qoʻyilganligi, boshqaruv jihatidan oʻzini oqlashi yuzasidan oʻrganish olib borsin hamda ushbu talablarga javob bermaydigan mahallalarni birlashtirish va ixchamlashtirish choralarini koʻrsin.

12. Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirish boʻyicha “yoʻl xaritasi” 5-ilovaga muvofiq tasdiqlansin.

13. Uyushma Toshkent shahri, Yashnobod tumani, Istiqlol koʻchasi, 51-uy manzili boʻyicha operativ boshqaruv huquqi asosida joylashtirilsin.

Bunda, Birlashgan Millatlar Tashkiloti Bolalar jamgʻarmasining Oʻzbekistondagi vakolatxonasi mazkur binoning 2 632 kvadrat metr qismida (kadastr raqami 10:04:03:01:01:0072) bepul foydalanish huquqi asosida joylashtiriladi.

14. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 21-dekabr,

PQ-402-son

Oʻzbekiston Respublikasi Prezidentining 2023-yil 21-dekabrdagi PQ-402-son qaroriga 1-ILOVA

Oʻzbekiston mahallalari uyushmasining

TASHKILIY TUZILMASI

Oʻzbekiston mahallalari uyushmasiOʻzbekiston mahallalari uyushmasining Qoraqalpogʻiston Respublikasi, viloyatlar va Toshkent shahri boshqarmalari“Mahalla” gazetasi, “Mahalla koʻzgusi” jurnaliOʻzbekiston mahallalari uyushmasining tuman (shahar) boʻlimlari“Mahalla media” masʼuliyati cheklangan jamiyatiMahallalar“Navbahor sihatgohi majmuasi” masʼuliyati cheklangan jamiyati“Mahalla binolarini qurish va kapital taʼmirlash direksiyasi” masʼuliyati cheklangan jamiyati

Oʻzbekiston Respublikasi Prezidentining 2023-yil 21-dekabrdagi PQ-402-son qaroriga 2-ILOVA

Respublika mahallani qoʻllab-quvvatlash kengashi

TARKIBI

1.A.N. Aripov—Oʻzbekiston Respublikasining Bosh vaziri, Respublika kengashi raisi2.Gʻ.Gʻ. Mirzayev—Oʻzbekiston Respublikasi Prezidentining kadrlar boʻyicha maslahatchisi, Respublika kengashi raisining birinchi oʻrinbosari3.K.K. Kuranbayev—Oʻzbekiston mahallalari uyushmasi raisi, Respublika kengashi raisi oʻrinbosari4.M.P. Olloyorov—Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori5.Z.B. Maxkamova—Bosh vazir oʻrinbosari — Oila va xotin-qizlar qoʻmitasi raisi6.A.A. Tashpulatov—ichki ishlar vaziri7.B.E. Zaxidov—kambagʻallikni qisqartirish va bandlik vaziri8.A.Z. Saʼdullayev—Yoshlar ishlari agentligi direktori9.F.J. Pulatov—Soliq qoʻmitasi raisi10.O.A. Mirzayev—Oʻzbekiston davlat muassasalari va jamoat xizmati xodimlari kasaba uyushmasi respublika kengashi raisining birinchi oʻrinbosari11.D.X. Allayev—Oʻzbekiston mahallalari uyushmasi raisi oʻrinbosari, Respublika kengashi masʼul kotibi

Izoh: Respublika kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoxud zimmasiga tegishli funksiyalarni bajarish yuklangan shaxslar kiritiladi.

Oʻzbekiston Respublikasi Prezidentining 2023-yil 21-dekabrdagi PQ-402-son qaroriga 3-ILOVA

Mahallaning ijtimoiy-iqtisodiy muammolarini hal etish jamgʻarmasi mablagʻlaridan foydalanish tartibi toʻgʻrisida

NIZOM

1-bob. Umumiy qoidalar

1. Mazkur nizom Mahallaning ijtimoiy-iqtisodiy muammolarini hal etish jamgʻarmasi (keyingi oʻrinlarda — Jamgʻarma) mablagʻlarini shakllantirish, ulardan foydalanish, hisob va hisobotini yuritish tartibini belgilaydi.

2. Jamgʻarma yuridik shaxs hisoblanmaydi va har bir fuqarolarning oʻzini oʻzi boshqarish organi (keyingi oʻrinlarda — MFY) huzurida tashkil etiladi.

3. Jamgʻarma mablagʻlari Oʻzbekiston mahallalari uyushmasining tuman (shahar) boʻlimida (keyingi oʻrinlarda — mahalla uyushmasi) budjet tashkilotlarining budjetdan tashqari jamgʻarmalari shaklida ochilgan gʻazna hisobvaraqlarida yigʻiladi hamda MFYlar uchun ochilgan tegishli gʻazna hisobvaraqlariga belgilangan tartibda taqsimlanadi.

4. Jamgʻarmaning joriy yilda foydalanilmagan mablagʻlari budjetga olib qoʻyilmaydi va ulardan keyingi yilda foydalaniladi.

2-bob. Shaxsiy gʻazna hisobvaraqlarini ochish, yuritish va yopish

5. Xarajatlar boʻyicha shaxsiy gʻazna hisobvaraqlari mahalla uyushmasi tomonidan har bir MFY boʻyicha alohida ochiladi.

6. Jamgʻarma mablagʻlari hisobidan xarajatlar xarajatlar smetasida koʻzda tutilgan mablagʻlar doirasida amalga oshiriladi.

7. Mahallalar birlashganda, boʻlinganda yoki qayta tashkil etilganda gʻazna hisobvaraqlari belgilangan tartibda ochiladi yoki yopiladi.

MFY faoliyatining toʻxtatilganligi, qayta tashkil etilganligi haqidagi hujjatlar mahalla uyushmasi tomonidan moliya organiga taqdim etiladi.

3-bob. Jamgʻarma mablagʻlarini shakllantirish

8. Jamgʻarma mablagʻlari quyidagi manbalar hisobidan shakllantiriladi:

jismoniy shaxslardan olinadigan mol-mulk va yer soligʻi boʻyicha undirilgan mablagʻlarning (noturar joylar boʻyicha undiriladigan mol-mulk va yer soligʻi bundan mustasno) 10 foizi;

mahalla idoralari orqali koʻrsatilgan davlat xizmatlari uchun undirilgan yigʻimning 10 foizi;

mahalla hududida sanitariya qoidalarini buzganlik va noqonuniy qurilish uchun undirilgan jarimalarning 10 foizi;

Bunda, ushbu mablagʻlar avtomatik tarzda mahalliy budjet va tegishli tuman (shahar) Jamgʻarmasiga taqsimlanadi.

mahalladagi hududi 5 000 kvadrat metrgacha boʻlgan davlat koʻchmas mulk obyektlarini hokimi yordamchisining onlayn-buyurtmanomasiga asosan toʻgʻridan-toʻgʻri elektron onlayn-auksion savdolari orqali sotishdan tushadigan mablagʻlar, baholash va sotish xarajatlari chegirilgan holda;

mahalladagi hududi 5 000 kvadrat metr va undan yuqori boʻlgan davlat koʻchmas mulk obyektlarini hokim yordamchisining onlayn buyurtmanomasiga asosan sotishdan tushgan mablagʻlarning obyekt boshlangʻich narxidan oshgan qismining 5 foizi;

mahallaning mol-mulkini belgilangan tartibda ijaraga berishdan olinadigan mablagʻlar;

Qoraqalpogʻiston Respublikasi respublika budjeti, viloyatlar va Toshkent shahar, shuningdek, tumanlar (shaharlar) mahalliy budjeti prognozining ortiqcha bajarilgan qismi hisobidan;

xorijiy va xalqaro moliya institutlari hamda boshqa xorijiy donorlarning texnik koʻmak mablagʻlari va grantlari;

jismoniy va yuridik shaxslarning homiylik xayriyalari;

qonunchilik hujjatlarida taqiqlanmagan boshqa manbalar.

4-bob. Jamgʻarma mablagʻlaridan foydalanish

9. Har oy yakunlari boʻyicha tuman (shahar) soliq inspeksiyasi tomonidan mahallalar kesimida undirilgan toʻlovlar toʻgʻrisida Gʻaznachilikka roʻyxat taqdim etiladi.

Ushbu roʻyxat asosida Gʻaznachilik boʻlinmasi har bir mahalla uchun ochilgan hisobraqamlarga mablagʻlarning tegishli qismini oʻtkazadi.

10. Jamgʻarma mablagʻlaridan mahalla fuqarolar yigʻini kengashi qarori asosida va ushbu Nizomga ilovadagi sxemaga muvofiq foydalaniladi.

11. Jamgʻarma mablagʻlari quyidagi yoʻnalishlarga sarflanadi:

mahalla hududidagi ichki yoʻllar, yoritish tizimi, elektr energiyasi hamda tabiiy gaz tarmoqlari, ichimlik va oqava suv tizimini taʼmirlash va tiklash;

mahalla hududidagi ichki yoʻllarni shagʻallashtirish, taʼmirlash va tiklash bilan bogʻliq xarajatlar (yoqilgʻi-moylash materiallari);

piyodalar yoʻlakchalarini barpo etish va taʼmirlash;

tungi yoritish chiroqlarini oʻrnatish;

mahalla fuqarolar yigʻini binosini qurish, rekonstruksiya qilish, mukammal va joriy taʼmirlash hamda jihozlash;

mahalla hududida sport maydoni, nuroniylar choyxonasi, yoshlar markazi, bolalar maydonchasi, kutubxona, madaniyat markazini qurish, mukammal va joriy taʼmirlash hamda ularni tegishlicha inventar, mebel, kompyuter texnikasi va boshqa uskunalar bilan jihozlash;

mahallalar tomonidan milliy qadriyatlarni targʻib qilish, shuningdek, har bir mahallada sogʻlom ijtimoiy-maʼnaviy muhitni barqarorlashtirishga qaratilgan targʻibot tadbirlarini oʻtkazish;

ijtimoiy himoyaga muhtoj va Ijtimoiy reyestrga kiritilgan oilalarga moddiy koʻmaklashish hamda ularning turar joylarini taʼmirlash va jihozlash;

mahalla hududida mahalla bogʻlarini tashkil qilish, “Yashil makon” umummilliy loyihasi doirasida meva va manzarali daraxt koʻchatlari, butalar va gul koʻchatlari xarid qilish, ekish va parvarishlash;

mahalla hududini obodonlashtirish, koʻkalamzorlashtirish hamda ommaviy hasharlar oʻtkazish uchun zarur boʻlgan tovar (ish, xizmat)lar xarid qilish;

zarur hollarda mahallalar faoliyatini joriy taʼminlash (kommunal toʻlovlar, kanselyariya mollari, raqamlashtirish xarajatlari va boshqalar);

Respublika mahallani qoʻllab-quvvatlash kengashining qaroriga asosan Jamgʻarma mablagʻlarining 10 foizini Oʻzbekiston mahallalari uyushmasining Mahallalar faoliyatini ragʻbatlantirish jamgʻarmasiga oʻtkazish.

12. Mahalla uyushmasi tuman (shahar) iqtisodiyot va moliya boʻlimi hamda Majburiy ijro byurosi tuman (shahar) boʻlimi bilan birgalikda har yili dekabr oyida kelgusi yil uchun Jamgʻarma daromadlari prognozini hisoblaydi. Daromadlar prognozidan kelib chiqqan holda xarajatlar smetasi tuziladi.

13. Mahalla uyushmasi tomonidan Jamgʻarmaning yil yakunidagi qoldiq mablagʻlari va kelgusi yil daromadlari prognozidan kelib chiqqan holda har bir MFY uchun xarajatlar smeta tuziladi va MFY raisi bilan birgalikda tasdiqlangan holda moliya organiga taqdim etiladi.

Jamgʻarmaning haqiqatda daromadlari tushumidan kelib chiqqan holda mahalla uyushmasi tegishli MFYlar bilan kelishgan holda xarajatlar smetasiga oʻzgartirish kiritishi mumkin.

14. MFYlar tasdiqlangan smetaga asosan mahalla uyushmasiga mahalla fuqarolar yigʻini kengashi qarori asosida talabnoma taqdim etadi.

Mahalla uyushmasi talabnomaning xarajatlar smetasiga mosligini tekshiradi va mavjud mablagʻlar doirasidagi talabnomani qabul qilib oladi.

Mahalla uyushmasi belgilangan tartibga muvofiq mablagʻlarni moliyalashtiradi.

15. MFYlar har oyda kamida bir marotaba smeta xarajatlarining bajarilishi holati boʻyicha (qoldiq mablagʻlar, moliyalashtirilgan va toʻlangan mablagʻlar boʻyicha) maʼlumot olish huquqiga ega boʻladilar.

5-bob. Jamgʻarma mablagʻlaridan foydalanish boʻyicha hisob va hisobot

16. Jamgʻarmasi mablagʻlaridan foydalanish boʻyicha hisob va hisobotlar mahalla uyushmasi tomonidan yuritiladi.

17. Jamgʻarmasi daromadlari va xarajatlari toʻgʻrisidagi hisobotlarni taqdim etish Oʻzbekiston Respublikasi Budjet kodeksining 163-moddasiga muvofiq amalga oshiriladi.

18. Tuman (shahar) iqtisodiyot va moliya boʻlimlari tomonidan budjet ijrosi hisobotini shakllantirish davrida Jamgʻarma hisoboti ham qabul qilinadi.

19. Mahalla uyushmasi har chorakda Jamgʻarma daromadlari va xarajatlari ijrosi toʻgʻrisida xalq deputatlari tuman (shahar) Kengashiga hisobot beradi.

6-bob. Yakunlovchi qoidalar

20. Oʻzbekiston Respublikasi Iqtisodiyot va moliya vazirligi huzuridagi Davlat moliyaviy nazorati inspeksiyasining hududiy boʻlinmalari mazkur Nizom doirasida MFYlarda amalga oshiriladigan ishlar uchun ajratilgan mablagʻlar samarali va maqsadli ishlatilishi ustidan nazorat oʻrnatadi.

21. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javob beradilar.

Mahallaning ijtimoiy-iqtisodiy muammolarini hal etish jamgʻarmasi mablagʻlaridan foydalanish tartibi toʻgʻrisidagi nizomga ILOVA

Mahallaning ijtimoiy-iqtisodiy muammolarini hal etish jamgʻarmasi mablagʻlarini shakllantirish va xarajatlarini amalga oshirish

SXEMASI

Bosqich Masʼul organ Chora-tadbir Ijro muddati I. Jamgʻarma mablagʻlarini shakllantirish jarayoni 1-bosqich Mahalla uyushmasi, tuman (shahar) iqtisodiyot va moliya boʻlimi, MFYlar 1. Jamgʻarma daromadlari prognozi (oylar kesimida) hisoblanadi. 2. Daromadlar smetasi tuziladi. Dekabr 2-bosqich Mahalla uyushmasi, MFYlar 1. Xarajatlar smetasi tuziladi va moliya organiga taqdim etiladi. Yanvar 2. Jamgʻarma qoldiq mablagʻlari va daromadlar tushumidan kelib chiqqan holda oʻzgartirish kiritiladi. Doimiy 3-bosqich Tuman (shahar) iqtisodiyot va moliya boʻlimi Xarajatlar smetasi axborot tizimiga kiritiladi. Yanvar II. Jamgʻarma xarajatlarini amalga oshirish jarayoni 4-bosqich MFYlar Tasdiqlangan smetaga asosan mahalla uyushmasiga tegishli asoslovchi hujjatlarni (fuqarolar yigʻini kengashi qarori va boshqa hujjatlar) ilova qilgan holda talabnoma taqdim etadi. Doimiy 5-bosqich Mahalla uyushmasi 1. Taqdim etilgan talabnoma har bir MFYning smetasiga mosligi, asoslovchi hujjatlarning toʻgʻriligi va toʻliqligi tekshiriladi. 2. Xato-kamchiliklar aniqlanganda hujjatlar tegishliligi boʻyicha qaytariladi. 3. Gʻaznachilik talablari boʻyicha xaridlar va mablagʻlarni moliyalashtirish amalga oshiriladi. Doimiy III. Jamgʻarma mablagʻlari harakati hisobini yuritish tartibi 6-bosqich Mahalla uyushmasi 1. Jamgʻarmaning daromadlari, xarajatlari va qoldiq mablagʻlari hisobi yuritiladi. Doimiy 2. Jamgʻarmaning mablagʻlari harakati boʻyicha hisobot Qoraqalpogʻiston Respublikasi, viloyatlar va Toshkent shahar mahallani qoʻllab-quvvatlash kengashlariga shuningdek, tuman (shahar) hokimligiga taqdim etib boriladi. Keyingi oyning 5-sanasiga qadar

Oʻzbekiston Respublikasi Prezidentining 2023-yil 21-dekabrdagi PQ-402-son qaroriga 4-ILOVA

2024-2025-yillarda mahallalarda agentlar tomonidan koʻrsatiladigan davlat xizmatlari

ROʻYXATI

T/r Davlat xizmatining turi 1. Pensiya miqdori haqida maʼlumotnoma 2. Ish stajini tasdiqlash haqida arxiv maʼlumotnomasini berish 3. Keksalar va nogironligi boʻlgan shaxslarga sanatoriylarda davolanish uchun yoʻllanmalar berish 4. Manzil-maʼlumot axborotlarini taqdim etish 5. Fuqaro pensiya oluvchilar roʻyxatida mavjudligi haqida maʼlumotnoma 6. Elektr energiyasini hisobga olish tizimini plombalash va elektr taʼminoti shartnomasini tuzish 7. Elektr taʼminoti loyihasini kelishish 8. Gaz tizimini plombalash va gaz taʼminoti shartnomasini tuzish 9. Gaz taʼminoti loyihasini kelishish 10. Ichimlik va oqova suv hisoblagichini plombalash va shartnoma tuzish 11. Ichimlik va oqova suv tizimi loyihasini kelishish 12. Mehnatni muhofaza qilish boʻyicha mutaxassislarning malaka imtihonini oʻtkazish va malaka sertifikatini berish 13. Ish haqini tasdiqlash haqida arxiv maʼlumotnomasini berish 14. Mavzuli soʻrovlar toʻgʻrisida maʼlumotnoma berish 15. Oliy va oʻrta maxsus taʼlim muassasasida oʻqiganlikni tasdiqlash haqidagi arxiv maʼlumotnomasini berish

* ushbu roʻyxat adliya vazirining buyrugʻi bilan toʻldirilishi mumkin.

Oʻzbekiston Respublikasi Prezidentining 2023-yil 21-dekabrdagi PQ-402-son qaroriga 5-ILOVA

Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirish boʻyicha

“YOʻL XARITASI”

T/r Chora-tadbirlar va tashabbuslar Mazmuni Amalga oshirish shakli Ijro muddati Masʼul ijrochilar I. “Temir daftar”, “Ayollar daftari” va “Yoshlar daftari” hamda ehtiyojmand oilalar bilan ishlash boʻyicha 1. Aholiga ijtimoiy yordam koʻrsatish tizimini takomillashtirish 1. Aholiga “Temir daftar”, “Ayollar daftari”, “Yoshlar daftari” orqali ijtimoiy yordam (moddiy yordam, subsidiya uchun tavsiyanoma, kafillik va boshqalar) koʻrsatishni “mahalla yettiligi”ga berish. Bunda, yordam koʻrsatish toʻgʻrisidagi qarorni “mahalla yettiligi” tomonidan kollegial qabul qilish tartibini joriy etish. 2. “Yoshlar daftari”, “Ayollar daftari”ga kiritish va chiqarish boʻyicha tartiblarni qayta koʻrib chiqish. 3. Qonunchilik hujjatlariga joriy qilinayotgan tizimdan kelib chiqadigan oʻzgartirish va qoʻshimchalar toʻgʻrisida takliflar kiritish. Normativ-huquqiy hujjatlar loyihalari 2024-yil fevral Vazirlar Mahkamasi, Kambagʻallikni qisqartirish va bandlik vazirligi, Oila va xotin-qizlar qoʻmitasi, Yoshlar siyosati va sport vazirligi 2. Xotin-qizlarni ijtimoiy qoʻllab-quvvatlash tizimini takomillashtirish 1. Yengil konstruksiyali issiqxonalar oʻrnatish, urugʻliklar, koʻchatlar va sugʻorish vositalari xarid qilish uchun subsidiya ajratishda subsidiya oluvchi tomorqa yer egasi boʻlishi lozimligi haqidagi talabni bekor qilish. Vazirlar Mahkamasi qarori loyihasi 2024-yil fevral Kambagʻallikni qisqartirish va bandlik vazirligi, Oila va xotin-qizlar qoʻmitasi 3. Mahalla raisi maqomini oshirish Mahalladagi hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektorining faoliyatiga baho berishda mahalla raisining ishtirokini taʼminlash. Normativ-huquqiy hujjat loyihasi 2024-yil mart Uyushma, Kambagʻallikni qisqartirish va bandlik vazirligi, Iqtisodiyot va moliya vazirligi 4. “Fuqarolarning oʻzini oʻzi boshqarish organlari toʻgʻrisida”gi Qonunni yangi tahrirda qabul qilish Mahallalar funksiyalarining yagona roʻyxatini tasdiqlash va ular javobgarligining aniq chegarasini belgilash. Amaldagi Qonunni bugungi kun talablaridan kelib chiqib, tahlil qilish va uning normalarini yangilash boʻyicha takliflar tayyorlash. Qonun loyihasi 2024-yil aprel Vazirlar Mahkamasi, Uyushma, Kambagʻallikni qisqartirish va bandlik vazirligi, Iqtisodiyot va moliya vazirligi 5. Fuqarolar yigʻini raisi lavozimiga nomzodlar oliy maʼlumotga ega boʻlishi shartligini belgilash “Fuqarolar yigʻini raisi saylovi toʻgʻrisida”gi Qonunning 17-moddasiga fuqarolar yigʻini raisi lavozimiga nomzodlar oliy maʼlumotga ega boʻlishi shartligiga oid talabni kiritish. Shuningdek, nomzodlarni asosan tadbirkorlik sohasida katta yutuqlarga erishgan va tashkilotchilik qobiliyatlari yuqori boʻlgan fuqarolar orasidan tanlash amaliyotini joriy qilish. Qonun loyihasi 2024-yil aprel Vazirlar Mahkamasi, Uyushma, Kambagʻallikni qisqartirish va bandlik vazirligi, Iqtisodiyot va moliya vazirligi 6. “Mahalla yettiligi” faoliyatini takomillashtirish 1. “Mahalla yettiligi” nizomini ishlab chiqish va fuqarolar oʻzini oʻzi boshqarish organlarining namunaviy tuzilmasiga kiritish. Vazirlar Mahkamasi qarori loyihasi 2024-yil yanvar Uyushma, Kambagʻallikni qisqartirish va bandlik vazirligi, Iqtisodiyot va moliya vazirligi 2. “Mahalla yettiligi” tarkibidagi lavozimlarga tayinlashda ushbu mahallada yashovchi nomzodlarga ustuvorlik berish. Amaliy chora-tadbirlar Doimiy 7. “Mahalla yettiligi” faoliyatining asosiy samaradorlik koʻrsatkichlarini takomillashtirish “Mahalla yettiligi” faoliyatining asosiy samaradorlik koʻrsatkichlari (KPI) boʻyicha alohida baholash. Bunda: koʻrsatkichlarni mazkur xodimlarning ish beruvchilari tomonidan Oʻzbekiston mahallalari uyushmasi bilan kelishilgan holda tasdiqlash; mahalladagi tazyiq va zoʻravonlikka uchragan ayollarga berilgan himoya orderi soni boʻyicha xotin-qizlar faolining KRIini qayta koʻrib chiqish; olis hududlarda faoliyat yuritayotgan hokim yordamchilarining “yangi tashkil qilingan subyektlar” koʻrsatkichini qayta koʻrib chiqish. Vazirlar Mahkamasi qarori loyihasi 2024-yil fevral Vazirlar Mahkamasi, Uyushma, Kambagʻallikni qisqartirish va bandlik vazirligi, Ichki ishlar vazirligi, Oila va xotin-qizlar qoʻmitasi, Iqtisodiyot va moliya vazirligi 8. Mahalla fuqarolar yigʻini uchun alohida binoda “mahalla yettiligi”ni bir maskanda joylashtirishni taʼminlash 1. Mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim hamda soliq inspektori uchun qulay va ixcham binolarni oʻzida mujassam qiluvchi mahalla idoralarining namunaviy binosi loyihasini ishlab chiqish. Vazirlar Mahkamasi qarori loyihasi 2024-yil fevral Qurilish va uy-joy kommunal xoʻjaligi vazirligi, Iqtisodiyot va moliya vazirligi 2. Namunaviy loyiha boʻyicha tumanlar kesimida mahalla idoralarini davlat-xususiy sheriklik asosida va mahalliy budjetning qoʻshimcha manbalari hisobidan qurish, rekonstruksiya qilish boʻyicha takliflarni Vazirlar Mahkamasiga kiritish. 2024-yil aprel 9. Mahalla raislarining vakolatlarini kengaytirish Hokim yordamchisi, xotin-qizlar faoli, yoshlar yetakchisi, profilaktika inspektori, ijtimoiy xodim va soliq inspektorining ishga kelib ketishi toʻgʻrisidagi davomatni (tabelni) mahalla raisi tomonidan yuritish tartibini joriy etish. Vazirlar Mahkamasi qarori loyihasi 2024-yil yanvar Uyushma, Kambagʻallikni qisqartirish va bandlik vazirligi, Iqtisodiyot va moliya vazirligi 10. Mahalla faoliyatini raqamlashtirish Hokim yordamchisi, xotin-qizlar faoli va yoshlar yetakchisi tomonidan alohida yuritilayotgan tarqoq platformalar oʻrniga Mahallaning yagona platformasini joriy qilish. Bunda: platformaga mahalla aholisi salomatligi koʻrsatkichlarini, oilaviy shifokor va hamshiralar tomonidan joylarda koʻrsatilayotgan patronaj xizmatlari maʼlumotlarini kiritish; “Temir daftar”, “Yoshlar daftari” va “Ayollar daftari” platformalarini oʻzaro integratsiya qilish; platformani Personallashtirish agentligi, Ijtimoiy himoya milliy agentligi, Kadastr agentligi, Soliq qoʻmitasi, Ichki ishlar vazirligi, taʼlim vazirliklari bazalari bilan integratsiya qilish. Amaliy chora-tadbirlar 2024-yil aprel Raqamli texnologiyalar vazirligi, Uyushma, Iqtisodiyot va moliya vazirligi, Kambagʻallikni qisqartirish va bandlik vazirligi II. Mahalla tizimi vakillari faoliyatini raqamlashtirish 11. Qogʻoz shaklidagi hujjatlarni rasmiylashtirishni bekor qilish Hokim yordamchisi, xotin-qizlar faoli va yoshlar yetakchisi tomonidan yigʻilishlar, tadbirlar, soʻrovnomalar oʻtkazish bilan bogʻliq hujjatlarni qogʻoz shaklida yuritish talabini bekor qilgan holda toʻplanayotgan, biroq davlat organida mavjud maʼlumotlarni (pasport, tugʻilganlik toʻgʻrisida guvohnoma, nikoh guvohnomasi kabi) xatlovdan oʻtkazish, shuningdek, mazkur maʼlumotlarni onlayn-platformaga integratsiya qilish orqali avtomatik shakllantirish. Amaliy chora-tadbirlar 2024-yil may Kambagʻallikni qisqartirish va bandlik vazirligi, Yoshlar siyosati va sport vazirligi, manfaatdor vazirlik va idoralar 12. Mahallalarga biriktirilgan soliq inspektorlarining faoliyatini samarali tashkil etish va baholash (KPI) uchun axborot tizimi ishlab chiqish Mahallalarga biriktirilgan soliq inspektorlari ish olib borishlari uchun real vaqt rejimida foydalanish maqsadida “Mahallalarda soliq organlari faoliyati” axborot tizimini joriy etish. Budjetga qoʻshimcha daromad manbalarini aniqlash, mahalliy budjet tushumlarini koʻpaytirish va boshqa natijalardan kelib chiqib, mahalla soliq inspektorlarining faoliyati samaradorligini baholash (KPI), ularni erishilgan koʻrsatkichlar asosida ragʻbatlantirish tizimini joriy etish. Bunda, tadbirkorlik subyektlari tomonidan soliq inspektorlarining faoliyatini baholash imkonini yaratish, ular tomonidan berilgan baho soliq inspektorlari faoliyatining muhim samaradorlik koʻrsatkichlaridan biri etib belgilash. Mazkur tadbirlarni amalga oshirish hamda dasturiy mahsullarni ishlab chiqish bilan bogʻliq xarajatlar Soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi mablagʻlari hisobidan amalga oshiriladi. Amaliy chora-tadbirlar 2024-yil yanvar Soliq qoʻmitasi, Raqamlashtirish vazirligi 13. Kredit va subsidiya ajratish jarayonlarini raqamli shaklga oʻtkazish Kredit va subsidiya ajratish uchun hokim yordamchisi, xotin-qizlar faoli va yoshlar yetakchisi tomonidan qogʻoz shaklida rasmiylashtirilayotgan hujjatlar va xizmatlarni toʻliq raqamli shaklda Yagona interaktiv davlat xizmatlari portali orqali koʻrsatishni yoʻlga qoʻyish. Bunda: hokim yordamchisi, xotin-qizlar faoli va yoshlar yetakchisi tomonidan fuqarolarning arizasini koʻrib chiqish natijasida rasmiylashtiriladigan dalolatnoma va tavsiyanomalarni planshet orqali elektron shakllantirish; xizmat koʻrsatish jarayonida fuqarolarni hokim yordamchisi, xotin-qizlar faoli va yoshlar yetakchisining plansheti orqali biometrik maʼlumotlarni solishtirish (barmoq izi, Face-ID yoki boshqa) tizimi vositasida identifikatsiya qilish. Amaliy chora-tadbirlar 2024-yil aprel Raqamlashtirish vazirligi, Kambagʻallikni qisqartirish va bandlik vazirligi, Yoshlar siyosati va sport vazirligi III. Mahallalarning moliyaviy imkoniyatlarini kengaytirish 14. “Mahalla budjeti” tizimini amaliyotga joriy etilishida mavjud muammolarni bartaraf etish 1. “Mahalla budjeti” tizimi joriy etilgan tumanlarda jismoniy shaxslarning mol-mulk va yer soligʻidan undirilgan mablagʻlardan tegishli qismini tegishli mahallaning ijtimoiy-iqtisodiy muammolarini hal etish jamgʻarmalariga oʻtkazish. Amaliy chora-tadbirlar 2023-yil dekabr Vazirlar Mahkamasi, Iqtisodiyot va moliya vazirligi, Kambagʻallikni qisqartirish va bandlik vazirligi, Uyushma 2. 2024-yil 1-yanvardan boshlab, jismoniy shaxslarning mol-mulk va yer soligʻidan undirilgan mablagʻlarni davlat moliyasi axborot tizimi orqali avtomatlashgan holda mahallaning ijtimoiy-iqtisodiy muammolarini hal etish jamgʻarmalariga oʻtkazish tartibini joriy etish. Amaliy chora-tadbirlar 2023-yil dekabr 3. “Mahalla budjeti” tizimi joriy etilgan tumanlardagi mahallarda yigʻilgan mablagʻlarning maqsadli ishlatilishini nazorat qilish. Amaliy chora-tadbirlar Doimiy 15. Mahallalarning daromad manbalarini kengaytirish 1. Mahallalar tomonidan tadbirkorlik subyektlariga konsultativ xizmatlar koʻrsatish, ularga mahsulotini realizatsiya qilishga koʻmaklashish. Amaliy chora-tadbirlar Doimiy Kambagʻallikni qisqartirish va bandlik vazirligi, Uyushma, Biznes-ombudsman, Savdo-sanoat palatasi 2. Ehtiyojmand oilalar uchun xayriya mablagʻlarini jalb qilish va taqsimlash. Amaliy chora-tadbirlar Doimiy 3. Mahalla aholisi uchun maishiy xizmat koʻrsatish obyektlarini tashkil qilish. Amaliy chora-tadbirlar Doimiy 16. Mahallarda sodir etiladigan jinoyatlarning oldini olish 1. Kuzatuv kameralari oʻrnatiladigan mahallalar roʻyxatini shakllantirish. Amaliy chora-tadbirlar 2024-yil yanvar Ichki ishlar vazirligi, Uyushma, Kambagʻallikni qisqartirish va bandlik vazirligi 2. Mahalla hududlarida, ayniqsa, uning kirish va chiqish joylariga kuzatuv kameralarini oʻrnatish. Amaliy chora-tadbirlar 2024-yil mart IV. Mahallalar faoliyatini yanada takomillashtirish boʻyicha 17. Oʻzbekiston mahallalari uyushmasi faoliyatini yoʻlga qoʻyish 1. Oʻzbekiston mahallalari uyushmasini belgilangan tartibda roʻyxatdan oʻtkazish. Amaliy chora-tadbirlar 2023-yil dekabr Kambagʻallikni qisqartirish va bandlik vazirligi, Adliya vazirligi 2. Oʻzbekiston mahallalari uyushmasi Konferensiyasini chaqirish. Amaliy chora-tadbirlar 2024-yil yanvar 18. Mahalla faollarining masʼuliyatini oshirish Har chorak yakuni bilan “mahalla yettiligi” aʼzolarining amalga oshirgan ishlari boʻyicha mahalla fuqarolar yigʻini oldida hisobot berish amaliyotini joriy qilish. Vazirlar Mahkamasi qarori loyihasi 2024-yil mart Uyushma, Adliya vazirligi, Kambagʻallikni qisqartirish va bandlik vazirligi 19. Soliq organlari tomonidan mahalla darajasida ishlash tizimini joriy qilish Barcha mahallalarga soliq inspektorlari biriktirilib, “tadbirkorbay” ishlash va ularning kunlik masalalarini joyida hal qilish boʻyicha yangi tizim joriy qilish. Bunda, Qoʻmitaning markaziy apparati va hududiy boʻlinmalari tuzilmasiga boshqaruv xodimlarining umumiy cheklangan soni doirasida tegishli oʻzgartirishlar kiritish. Amaliy chora-tadbirlar 2024-yil yanvar Soliq qoʻmitasi 20. Mahallalarda fuqarolar xonadonlarini ijaraga berish tartibini soddalashtirish Amaldagi soliq idorasiga borib raqamli imzo olish hamda ijara shartnomasini rasmiylashtirish tartibidan voz kechib, ijaraga berish tizimini toʻliq elektronlashtirish. Amaliy chora-tadbirlar 2024-yil yanvar Soliq qoʻmitasi, Ichki ishlar vazirligi 21. Aholini vaqtincha yashash joyi boʻyicha roʻyxatga olish tizimini takomillashtirish 1. Aholini vaqtincha yashash joyi boʻyicha roʻyxatga olish tizimini toʻliq elektron tizimga oʻtkazish. Amaliy chora-tadbirlar 2024-yil fevral Ichki ishlar vazirligi, Iqtisodiyot va moliya vazirligi 2. Aholini vaqtincha yashash joyi boʻyicha roʻyxatga olishda profilaktika inspektorining taʼsir choralarini kengaytirish. Vazirlar Mahkamasi qarori loyihasi 2024-yil mart 22. “Eng namunali mahalla raisi” tanlovini oʻtkazish Mahalla raislari faoliyatini ragʻbatlantirish, vazifalarini amalga oshirishda qoʻshimcha sharoitlar yaratish maqsadida mahalla raislari orasida “Eng namunali mahalla raisi” tanlovi oʻtkazilib, natijalariga koʻra har yili 22-mart — Mahalla tizimi xodimlari kuni arafasida: Respublika mahallani qoʻllab-quvvatlash kengashi tomonidan 14 nafargacha mahalla raisiga “Eng namunali mahalla raisi” faxriy yorligʻi va 10 million soʻm pul berilishini; Qoraqalpogʻiston Respublikasi, viloyatlar va Toshkent shahar mahallani qoʻllab-quvvatlash kengashlari tomonidan 5 nafargacha mahalla raisiga “Eng namunali mahalla raisi” faxriy yorligʻi va 5 million soʻm pul berilishini; tuman (shahar) mahallani qoʻllab-quvvatlash kengashlari tomonidan 3 nafargacha mahalla raisiga “Eng namunali mahalla raisi” faxriy yorligʻi va 3 million soʻm pul berilishini; har bir tumandan 7 nafargacha boʻlgan eng faol mahalla raislari uchun mamlakatimiz boʻylab ziyorat yoki ekoturizm tashkil etilishini yoʻlga qoʻyish. Amaliy chora-tadbirlar Har yili Uyushma 23. “Mahalla balansi”ni shakllantirish Quyidagi imkoniyatlarga ega “Mahalla balansi” yagona elektron platformasini ishga tushirish: uyma-uy yurish orqali aholining muammolarini oʻrganayotgan xotin-qizlar faollari, yoshlar yetakchilari, hokim yordamchilari tomonidan yigʻilgan mahalla aholisi balansini shakllantirish; mahalla aholisiga “mahalla yettiligi” tomonidan koʻrsatilayotgan yordam koʻlami va manzilliligini oʻrganish hamda ular faoliyatiga baho berish imkonini yaratish; mahalla aholisiga koʻrsatilishi mumkin boʻlgan ijtimoiy yordam va ushbu yordamdan foydalangan shaxslar, yordam turlari kesimida maʼlumotlar bilan tanishish; mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori faoliyatining asosiy samaradorlik koʻrsatkichlarini yagona baholash; kasbga oʻqitilgan hamda tadbirkorlikni yoʻlga qoʻyish maqsadida subsidiya, grant va kredit mablagʻlari olgan shaxslar hamda ularning keyingi faoliyatining monitoringi natijalarini kuzatish; Yagona milliy mehnat tizimi elektron bazasi asosida ish beruvchi va ish izlovchilarni bir-biri bilan bogʻlash; mahalla hududida joylashgan uy-joy boʻyicha amalga oshirilgan notarial harakatlar toʻgʻrisida notarial idoralar tomonidan maʼlumotlarni kiritish; mahallada yashovchilar tomonidan nikoh tuzish boʻyicha ariza berilganligi, tuzilganligi va bekor qilinganligi toʻgʻrisida FXDYO organlari tomonidan maʼlumotlarni kiritish; migratsiyaga ketish istagidagi yoshlarning oʻzi yashayotgan mahalladagi yoshlar yetakchisiga xabarnoma berish tizimini joriy etish; “Xorijdagi yoshlar balansi”ni shakllantirish va xorijiy davlatlarda tahsil olayotgan fuqarolarni “Yoshlar daftari”ga kiritish imkonini yaratish; uyma-uy yurib yigʻilgan ish izlovchi shaxslar toʻgʻrisidagi maʼlumotlarni xususiy bandlik agentliklariga muntazam va bepul taqdim etib borish. Amaliy chora-tadbirlar 2024-yil aprel Uyushma, Kambagʻallikni qisqartirish va bandlik vazirligi, Yoshlar siyosati va sport vazirligi, Oila va xotin-qizlar qoʻmitasi, Ichki ishlar vazirligi, Ijtimoiy himoya milliy agentligi, Soliq qoʻmitasi 24. Koʻchaboshi va uyboshilar faoliyatini tartibga solish va ularning nufuzini oshirish Mahallalar faoliyatida faol ishtirok etib kelayotgan koʻchaboshi va uyboshilarning faoliyatini tartibga solish va ularning nufuzini oshirish boʻyicha normativ-huquqiy hujjat loyihasini kiritish. Vazirlar Mahkamasi qarori loyihasi 2024-yil mart Uyushma, Kambagʻallikni qisqartirish va bandlik vazirligi 25. Ijtimoiy shartnoma amaliyotini joriy qilish “Temir daftar”, “Yoshlar daftari” va “Ayollar daftari” orqali yordam berilgan shaxslar bilan ijtimoiy shartnoma tuzish amaliyotini joriy qilish masalasi yuzasidan takliflar ishlab chiqish va kiritish. Maʼlumotnoma 2024-yil yanvar Kambagʻallikni qisqartirish va bandlik vazirligi, Yoshlar siyosati va sport vazirligi, Oila va xotin-qizlar qoʻmitasi, Uyushma 26. Oʻzbekiston yoshlari umumjahon assotsiatsiyasining vakolatxonalarini ochish Yoshlar soni nisbatan koʻp boʻlgan xorijiy davlatlarda Oʻzbekiston yoshlari umumjahon assotsiatsiyasining vakolatxonalarini ochish masalasini oʻrganib chiqish va taklif kiritish. Maʼlumotnoma 2024-yil yanvar Yoshlar siyosati va sport vazirligi 27. Investitsiya dasturlarini shakllantirishda “mahalla yettiligi” ishtirokini taʼminlash Investitsiya dasturlarini shakllantirishda “mahalla yettiligi” tomonidan bildirilgan takliflarni inobatga olish amaliyotini yoʻlga qoʻyish. Normativ-huquqiy hujjat 2024-yil mart Uyushma, Kambagʻallikni qisqartirish va bandlik vazirligi, Yoshlar siyosati va sport vazirligi, Oila va xotin-qizlar qoʻmitasi 28. “Temir daftar”ni yuritish va “Saxovat va koʻmak” jamgʻarmasi faoliyatini qayta koʻrib chiqish Quyidagilarni: “Temir daftar”ni yuritish hamda unga ijtimoiy himoyaga muhtoj fuqarolarni ehtiyojlari va mavjud imkoniyatlarini baholagan holda kiritish va chiqarish tartibini; “Saxovat va koʻmak” jamgʻarmasi mablagʻlarini shakllantirish va ulardan foydalanish tartibini takomillashtirish yuzasidan takliflar kiritish. Normativ-huquqiy hujjat 2024-yil fevral Ijtimoiy himoya milliy agentligi, Iqtisodiyot va moliya vazirligi, Kambagʻallikni qisqartirish va bandlik vazirligi, Yoshlar siyosati va sport vazirligi, Oila va xotin-qizlar qoʻmitasi 29. Mahallalarni tuzish, birlashtirish, boʻlish va tugatish, shuningdek ularning chegaralarini belgilash va oʻzgartirishning barqaror mezonlarini belgilash Mahallalarni tuzish, birlashtirish, boʻlish va tugatish, shuningdek ularning chegaralarini belgilash va oʻzgartirishning barqaror mezonlarini belgilash. Bunda: Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida idoralararo doimiy komissiyalar tuzish; mahallalarni tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish vakolatini Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga oʻtkazish. Normativ-huquqiy hujjat 2024-yil fevral Uyushma, Kambagʻallikni qisqartirish va bandlik vazirligi 30. Mahallada davlat organlari va jamoat tuzilmalarining hamkorligini taʼminlash Mahallada davlat organlari va jamoat tuzilmalarining hamkorligini taʼminlashga oid Oʻzbekiston Respublikasi Prezidenti qarori loyihasini ishlab chiqish. Bunda: mahalla raisi tomonidan hokim yordamchisi, yoshlar yetakchisi va xotin-qizlar faoli, profilaktika inspektori faoliyatini muvofiqlashtirish, baholash, ularni hududdagi birinchi navbatda hal etilishi lozim boʻlgan muammolarni bartaraf etishga yoʻnaltirish hamda bu borada jamoatchilik nazoratini oʻrnatish tizimini joriy etish; mahalla raisi tomonidan hokim yordamchisi, yoshlar yetakchisi va xotin-qizlar faoli, profilaktika inspektori faoliyati natijalari boʻyicha tegishli xalq deputatlari Kengashlariga axborot kiritib borish; hokim yordamchisi, yoshlar yetakchisi va xotin-qizlar faoli, profilaktika inspektorining mahalla raisi bilan kelishgan holda faoliyat yuritishini taʼminlash nazarda tutiladi. Normativ-huquqiy hujjat 2024-yil fevral Uyushma, Kambagʻallikni qisqartirish va bandlik vazirligi, Yoshlar siyosati va sport vazirligi, Oila va xotin-qizlar qoʻmitasi