Oʻzbekiston Respublikasi banklarida statistik hisobdorlikni tashkil etish qoidalariga oʻzgartirish kiritish toʻgʻrisida (680-1-son)

05.10.2002

Oʻzbekiston Respublikasi Markaziy banki Boshqaruvining

qarori

[Oʻzbekiston Respublikasi Adliya vazirligi tomonidan 2002-yil 5-oktabrda 680-1-son bilan davlat roʻyxatidan oʻtkazilgan]

Respublikadagi banklar tomonidan tuziladigan va Markaziy bankka taqdim etiladigan hisobotlarni tartibga solish maqsadida, Markaziy bank Boshqaruvi qaror qiladi:

1. Markaziy bank Boshqaruvi tomonidan 1998-yil 20-fevralda tasdiqlanib, Adliya vazirligida 1999-yil 22-martda 680-raqam bilan davlat roʻyxatiga olingan “Oʻzbekiston Respublikasi banklarida statistik hisobotni tashkil etish qoidalari”ga oʻzgartirishlar ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilganidan oʻn kundan keyin amalga kiritilsin.

Markaziy bank raisi F. MULLAJONOV

Toshkent sh.,

2002-yil 21-sentabr,

386-1-son

“TASDIQLANGAN” Oʻzbekiston Respublikasi Markaziy banki Boshqaruvining 2002-yil 21-sentabrdagi 386-1-son qarori 22/5-sonli bayonnoma

Adliya vazirligida 1999-yil 22-martda 680-raqam bilan davlat roʻyxatiga olingan “Oʻzbekiston Respublikasi banklarida statistik hisobotni tashkil etish Qoidalari”ga kiritiladigan

oʻzgartirishlar

1. 6-banddagi “Iqtisodiy tadqiqotlar va statistika markazi” soʻzlari “Markaziy bank huzuridagi Pul-kredit siyosati markazi” soʻzlari bilan almashtirilsin.

2. “Oʻzbekiston Respublikasi banklarida statistik hisobotni tashkil etish Qoidalari”ga ilova qilingan “Bank statistik hisoboti shakllari roʻyxati”ning 1-qismidan 18 va 21-raqamli qatorlar hamda 2-qismidan 43, 44 va 47-raqamli qatorlar chiqarib tashlansin hamda qatorlarning tartib raqamlari mos ravishda uzluksiz ketma-ketlik tartibida qayta raqamlansin.