Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga oʻzgartirishlar kiritish haqida (2472-2-son)
30.11.2023
Oʻzbekiston Respublikasi Sogʻliqni saqlash vazirligi Oʻzbekiston Respublikasi Ichki ishlar vazirligining
Qarori
[Oʻzbekiston Respublikasi Adliya vazirligi tomonidan 2023-yil 30-noyabrda roʻyxatdan oʻtkazildi, roʻyxat raqami 2472-2]
Oʻzbekiston Respublikasining 2022-yil 14-martdagi OʻRQ-759-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi hamda 2022-yil 17-maydagi OʻRQ-770-son “Oʻzbekiston Respublikasida tibbiy-ijtimoiy xizmatlar tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida”gi qonunlari va Oʻzbekiston Respublikasi Prezidentining 2022-yil 8-apreldagi PF-101-son “Tadbirkorlik muhitini yaxshilash va xususiy sektorni rivojlantirish orqali barqaror iqtisodiy oʻsish uchun shart-sharoitlar yaratish borasidagi navbatdagi islohotlar toʻgʻrisida”gi Farmoniga muvofiq Oʻzbekiston Respublikasi Sogʻliqni saqlash vazirligi va Ichki ishlar vazirligi qaror qiladi:
1. Oʻzbekiston Respublikasi Sogʻliqni saqlash vazirligi va Ichki ishlar vazirligining 2013-yil 11-iyundagi 16 va 14-son qarori (roʻyxat raqami 2472, 2013-yil 27-iyun) (Oʻzbekiston Respublikasi qonun hujjatlari toʻplami, 2013-y., 26-son, 343-modda) bilan tasdiqlangan Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror Oʻzbekiston Respublikasi Prezidenti huzuridagi Ijtimoiy himoya milliy agentligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Savdo-sanoat palatasi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Sogʻliqni saqlash vaziri A. INOYATOV
Toshkent sh.,
2023-yil 30-oktabr,
43-son
Ichki ishlar vaziri P. BOBOJONOV
Toshkent sh.,
2023-yil 27-oktabr,
57-son
Kelishildi:
Oʻzbekiston Savdo-sanoat palatasi raisi D. VAXABOV
2023-yil 4-oktabr
Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
2023-yil 9-oktabr
Oʻzbekiston Respublikasi Prezidenti huzuridagi ijtimoiy himoya milliy agentligi direktori M. OLLOYOROV
2023-yil 17-oktabr
Oʻzbekiston Respublikasi Sogʻliqni saqlash vazirligining 2023-yil 30-oktabrdagi 43-son va Ichki ishlar vazirligining 2023-yil 27-oktabrdagi 57-son qaroriga ILOVA
Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga kiritilayotgan oʻzgartirishlar
1. Muqaddima quyidagi tahrirda bayon etilsin:
“Ushbu Nizom haydovchi va haydovchilikka nomzodlarni avtomototransport vositalarini va shahar elektr transporti vositalarini boshqarishga yaroqliligini tekshirish uchun tibbiy koʻrikdan oʻtkazish tartibini belgilaydi.”.
2. 5-bandda:
birinchi xatboshi quyidagi tahrirda bayon etilsin:
“5. Haydovchilar va haydovchilikka nomzodlarni tibbiy koʻrikdan oʻtkazish davlat sogʻliqni saqlash tizimidagi davolash-profilaktika muassasalari hamda belgilangan tartibda litsenziyaga ega boʻlgan xususiy tibbiyot tashkilotlari (bundan buyon matnda tibbiyot tashkiloti deb yuritiladi) qoshida tashkil etiladigan tibbiy haydovchilik komissiyalari (bundan buyon matnda tibbiy komissiya deb yuritiladi) tomonidan pullik asosda amalga oshiriladi.”;
ikkinchi xatboshidagi “davlat davolash-profilaktika muassasalari” degan soʻzlar “davlat sogʻliqni saqlash tizimidagi davolash-profilaktika muassasalari” degan soʻzlar bilan almashtirilsin;
uchinchi xatboshidagi “tibbiy mehnat ekspert komissiyalari (bundan buyon matnda TMEK deb yuritiladi)” degan soʻzlar “tibbiy ijtimoiy ekspert komissiyalari (bundan buyon matnda TIEK deb yuritiladi)” degan soʻzlar bilan almashtirilsin.
3. 6-bandning birinchi xatboshisi quyidagi tahrirda bayon etilsin:
“6. Tibbiy komissiya quyidagi tarkibda tibbiyot tashkiloti rahbariyatining buyrugʻiga asosan tashkil etiladi:”.
4. 8-banddagi “davlat davolash-profilaktika muassasasi” degan soʻzlar “tibbiyot tashkiloti” degan soʻzlar bilan almashtirilsin.
5. 10-band quyidagi tahrirda bayon etilsin:
“10. Oʻzbekiston Respublikasi Vazirlar Mahkamasining 2018-yil 31-maydagi 408-son qarori bilan tasdiqlangan Davlat taʼlim muassasalari hamda avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish boʻyicha nodavlat taʼlim xizmatlari koʻrsatish faoliyatini amalga oshiruvchi boshqa yuridik shaxslarning oʻquv guruhlarini roʻyxatga olish, shuningdek, imtihonlarni oʻtkazish va milliy haydovchilik guvohnomasini berish tartibi toʻgʻrisidagi nizom (bundan buyon matnda Milliy haydovchilik guvohnomasini berish tartibi toʻgʻrisidagi nizom deb yuritiladi) talablari asosida milliy haydovchilik guvohnomalarini olish uchun haydovchilikka nomzodlar va davriy tibbiy koʻrikdan oʻtadigan haydovchilar tomonidan 083/h shakldagi tibbiy maʼlumotnoma taqdim qilinadi.”.
6. 11-band quyidagi tahrirda bayon etilsin:
“11. Tibbiy koʻrikdan oʻtish uchun haydovchilar va haydovchilikka nomzodlar tibbiy komissiyaga pasport yoki identifikatsiyalovchi ID-karta yoxud shaxsni tasdiqlovchi boshqa hujjatni koʻrsatadi.”.
7. 15-band quyidagi tahrirda bayon etilsin:
“15. Milliy haydovchilik guvohnomasini berish tartibi toʻgʻrisidagi nizomning 35-bandiga muvofiq agar Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati (bundan buyon matnda DYHXX deb yuritiladi) hududiy organlari yoki avtotransport tashkilotlaridagi mansabdor shaxslarda haydovchining sogʻligʻiga nisbatan shubha tugʻilgan boʻlsa, unga belgilangan muddatdan oldin kasbiga layoqati boʻyicha tibbiy koʻrikdan qayta oʻtish uchun yoʻllanma berilishi mumkin.”.
8. 16-band quyidagi tahrirda bayon etilsin:
“16. Milliy haydovchilik guvohnomasini berish tartibi toʻgʻrisidagi nizomning 36-bandiga muvofiq agar haydovchi kasbiga layoqati boʻyicha tibbiy koʻrikdan qayta oʻtishdan boʻyin tovlasa yoki u tibbiy komissiya tomonidan avtomototransport vositalarini boshqarishga noloyiq deb topilsa unga doir hujjatlar hududiy DYHXX xodimi tomonidan, belgilangan tartibda avtomototransport vositasini boshqarish huquqidan mahrum etish masalasini koʻrib chiqish uchun sud idoralariga yuboriladi.
Haydovchini tibbiy koʻrikdan qayta oʻtkazish haqidagi qaror hududiy yoʻl harakati xavfsizligi boshqarmasi boʻlinmalarining boshligʻi yoki guruhlarining katta inspektori, ular boʻlmaganda esa ichki ishlar boʻlimi boshligʻi yoki uning oʻrinbosari tomonidan qabul qilinadi.”.
9. 17-band quyidagi tahrirda bayon etilsin:
“17. Milliy haydovchilik guvohnomasini berish tartibi toʻgʻrisidagi nizomning 37-bandiga muvofiq avtomototransport vositalarini mast holda boshqarganligi uchun boshqarish huquqidan mahrum qilingan shaxslar, milliy haydovchilik guvohnomasini qaytarib olish uchun, mahrum qilish muddatidan qatʼi nazar, maʼmuriy jazo muddati nihoyasiga yetgach, majburiy tibbiy koʻrikdan oʻtishlari shart.”.
10. 18-band quyidagi tahrirda bayon etilsin:
“18. Milliy haydovchilik guvohnomasini berish tartibi toʻgʻrisidagi nizomning 53-bandiga muvofiq tibbiy komissiya tomonidan qayta tekshiruvdan oʻtish muddati belgilangan shaxslarga milliy haydovchilik guvohnomasini berishda “Alohida belgilar uchun” joyida “Tibbiy maʼlumotnoma majburiy” degan yozuv kiritiladi.”.
11. 19-band quyidagi tahrirda bayon etilsin:
“19. Tibbiy koʻrik oʻtkazilayotgan tibbiyot tashkilotida tibbiy koʻrikning ayrim turlarini oʻtkazish imkoni boʻlmagan taqdirda, haydovchi tibbiy komissiyaning qaroriga koʻra boshqa tibbiyot tashkilotiga qoʻshimcha tibbiy koʻrikdan pullik asosda oʻtish uchun yuborilishi mumkin. Bunda, haydovchiga qaysi tibbiyot tashkilotiga borishi, uning joylashgan manzili aniq koʻrsatilishi lozim.”.
12. 24-band quyidagi tahrirda bayon etilsin:
“24. 083/h shakldagi tibbiy maʼlumotnoma transport vositasini boshqarishga yaroqlilik toʻgʻrisidagi asosiy tibbiy hujjat boʻlib, tibbiy komissiya raisi va kotibi tomonidan toʻldiriladi va imzolanadi.
Haydovchi va haydovchilikka nomzodlar tomonidan taqdim qilingan hujjatlar hamda 083/h shakldagi tibbiy maʼlumotnomalar nusxasi tibbiyot tashkilotida 3 yil saqlanadi.”.
13. 25-bandning ikkinchi xatboshisidagi “davolash-profilaktika muassasasi” degan soʻzlar “tibbiyot tashkiloti” degan soʻzlar bilan almashtirilsin.
14. 271-banddagi “TMEKga” degan soʻz “TIEKga” degan soʻz bilan almashtirilsin.
15. 272-banddagi “TMEKda” va “TMEK” degan soʻzlar tegishli ravishda “TIEKda” va “TIEK” degan soʻzlar bilan almashtirilsin.
16. 273-banddagi “TMEK” degan soʻz “TIEK” degan soʻz bilan almashtirilsin.
17. 274-bandning birinchi xatboshisi quyidagi tahrirda bayon etilsin:
“274. Nogironligi boʻlgan shaxslar tibbiy koʻrikdan oʻtish uchun pasport yoki identifikatsiyalovchi ID-karta yoxud shaxsni tasdiqlovchi boshqa hujjatni koʻrsatgan holda umumiy asoslarda tibbiy komissiyaga murojaat qiladilar.”.
18. 33-banddagi “davolash-profilaktika muassasasining” degan soʻzlar “tibbiyot tashkilotining” degan soʻzlar bilan almashtirilsin.
19. 2-ilovaning “Haydovchilik toifalari” ustunidagi “nogironlar” degan soʻz “nogironligi boʻlgan shaxslar” degan soʻzlar bilan almashtirilsin.
20. 3-ilova mazkur oʻzgartirishlarning ilovasiga muvofiq tahrirda bayon etilsin.
Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga kiritilayotgan oʻzgartirishlarga ILOVA
“Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga 3-ILOVA
format A-5 083/h shakldagi tibbiy maʼlumotnoma Oʻzbekiston Respublikasi Sogʻliqni saqlash vazirligi _________________________________________ (tibbiyot tashkilotining nomi) Haydovchining (haydovchilikka nomzodning) tibbiy koʻrikdan oʻtkazish natijalari boʻyicha MAʼLUMOTNOMA Familiyasi ____________________________________________________ Ismi __________________________________________________________ Otasining ismi ________________________________________________ Pasport yoki identifikatsiyalovchi ID-karta seriyasi va raqami _______________________________________ Jismoniy shaxsning shaxsiy identifikatsiya raqami (JShShIR) _________________________________ Tugʻilgan sanasi va yoshi __________________________________________ Yashash joyi _____________________________________________________ Ish joyi _______________________________________________________ Tibbiy koʻrikdan oʻtkazish sanasi 20____ yil “____” __________________ Tibbiy koʻrik natijalari boʻyicha XULOSA 1. “A” toifadagi transport vositasini boshqarishga __________________________. 2. “V” toifadagi transport vositasini boshqarishga __________________________. 3. “S” toifadagi transport vositasini boshqarishga __________________________. 4. “D” toifadagi transport vositasini boshqarishga __________________________. 5. “E” toifadagi transport vositasini boshqarishga __________________________. 6. Tramvay boshqarishga ___________________________________________________. 7. Trolleybus boshqarishga ________________________________________________. 8. Yollanib ishlashga ______________________________________________________. 9. Alohida belgilar ______________________________________________________ ________________________________________________________________________ ________________________________________________________________________ Ushbu maʼlumotnomaning amal qilish muddati 20 __ yil “___” ______gacha. Komissiya raisi (F.I.O.) ________________ (imzo) Kotib (F.I.O.) ________________ (imzo)
Xulosaning 1 — 8-bandlari toʻgʻrisiga yaroqli yoki yaroqsiz degan belgi qoʻyiladi.”.