“Temir yoʻllarda pochtani tashish va pochta vagonlarini ekspluatatsiya qilish qoidalarini tasdiqlash toʻgʻrisida”gi qaror, shuningdek unga oʻzgartirishlarni oʻz kuchini yoʻqotgan deb topish toʻgʻrisida (1613-2-son)
22.11.2023
Oʻzbekiston Respublikasi Transport vazirligi Oʻzbekiston Respublikasi Raqamli texnologiyalar vazirligining
Qarori
[Oʻzbekiston Respublikasi Adliya vazirligi tomonidan 2023-yil 22-noyabrda roʻyxatdan oʻtkazildi, roʻyxat raqami 1613-2]
Oʻzbekiston Respublikasining “Davlat tili haqida”gi Qonuni hamda Oʻzbekiston Respublikasi Prezidentining 2018-yil 8-avgustdagi PF-5505-son “Norma ijodkorligi faoliyatini takomillashtirish konsepsiyasini tasdiqlash toʻgʻrisida”gi Farmoniga muvofiq Oʻzbekiston Respublikasi Transport vazirligi va Raqamli texnologiyalar vazirligi qaror qiladi:
1. Ayrim idoraviy normativ-huquqiy hujjatlar ilovaga muvofiq oʻz kuchini yoʻqotgan deb topilsin.
2. Mazkur qaror Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Transport vaziri I. MAXKAMOV
Toshkent sh.,
2023-yil 30-oktabr,
28-son
Raqamli texnologiyalar vaziri Sh. ShERMATOV
Toshkent sh.,
2023-yil 26-oktabr,
258-mh-son
Kelishildi:
Raqobatni rivojlantirish va isteʼmolchilar huquqlarini himoya qilish qoʻmitasi raisi Sh. ShARAXMETOV
2023-yil 17-oktabr
Oʻzbekiston Respublikasi Transport vazirligining 2023-yil 30-oktabrdagi 28-son va Raqamli texnologiyalar vazirligining 2023-yil 26-oktabrdagi 258-mh-son qaroriga ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
ROʻYXATI
1. Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi “Oʻzdavtemiryoʻlnazorat” hamda Oʻzbekiston Aloqa va axborotlashtirish agentligining 2006-yil 17-iyuldagi GI 1/6-7-16-son va 01-8/2319-son “Temir yoʻllarda pochtani tashish va pochta vagonlarini ekspluatatsiya qilish qoidalarini tasdiqlash toʻgʻrisida”gi qarori (roʻyxat raqami 1613, 2006-yil 16-avgust) (Oʻzbekiston Respublikasi qonun hujjatlari toʻplami, 2006-y., 33-son, 336-modda).
2. Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi hamda Oʻzbekiston Respublikasi Aloqa va axborotlashtirish va telekommunikatsiya texnologiyalari davlat qoʻmitasining 2013-yil 12-apreldagi 37-son va 16/1-mx-son “Temir yoʻllarda pochtani tashish va pochta vagonlarini ekspluatatsiya qilish qoidalarini tasdiqlash toʻgʻrisida”gi qaroriga oʻzgartishlar kiritish haqida”gi qarori (roʻyxat raqami 1613-1, 2013-yil 10-may) (Oʻzbekiston Respublikasi qonun hujjatlari toʻplami, 2013-y., 19-son, 249-modda).