Diplomatik kadrlar tayyorlash toʻgʻrisida

02.11.2023

Oʻzbekiston Respublikasi Tashqi ishlar vazirligi bilan Fransiya Respublikasi Yevropa va tashqi ishlar vazirligi oʻrtasida

Ahdlashuv Deklaratsiyasi

[Oʻzbekiston Respublikasi Tashqi ishlar vazirligi tomonidan davlat reyestrida 2023-yil 14-noyabrda 4532-FR-2023-H tartib raqami bilan roʻyxatga olindi.]

Oʻzbekiston Respublikasi Tashqi ishlar vazirligi va Fransiya Respublikasi Yevropa va tashqi ishlar vazirligi, keyingi oʻrinlarda “Imzolovchilar” deb ataluvchilar,

1993-yil 27-oktabrda Parij shahrida imzolangan Oʻzbekiston Respublikasi Hukumati va Fransiya Respublikasi Hukumati oʻrtasida doʻstlik va hamkorlik toʻgʻrisidagi Shartnomaga amal qilib;

Ikki tomonlama siyosiy munosabatlarni rivojlantirishga boʻlgan umumiy istaklaridan kelib chiqqan holda;

Hamkorlikda diplomatik kadrlarni tayyorlash va kasbiy almashinuvlar siyosiy almashinuvlarning sifati va ikki tomonlama hamkorlikning samaradorligi uchun mezon ekanligiga ishonch hosil qilgan holda;

Quyidagi istaklarini bildiradilar:

1. davlat xizmati va diplomatik korpus islohotlari, markaziy maʼmuriyatni va diplomatik tarmoqni tashkil etish, diplomatiya kasblarida qoʻllaniladigan ilgʻor tajriba va texnologik innovatsiyalar, diplomatik kadrlar tayyorlashni tashkil etish yuzasidan maʼlumot almashinuvlarini rivojlantirish;

2. Imzolovchilarning diplomatlari va maʼruzachilarini ikki tomonlama yoki mintaqaviy formatda tematik yoki lingvistik seminarlarda qabul qilish va ishtirok etishni ragʻbatlantirish;

3. mazkur yoʻnalishda zarur hollarda malaka oshirish yoki tashqi ilmiy tadqiqot muassasalar bilan oʻrnatilgan hamkorlik aloqalaridan foydalangan holda faoliyatni amalga oshirish.

Samarqand shahrida 2023-yil 2-noyabr kuni, ikki asl nusxada, har biri oʻzbek va fransuz tillarida imzolandi.

(imzolar)