Futbol-taʼlim muassasalari tarmogʻini kengaytirish hamda xalqaro standartlarga mos keladigan futbol infratuzilmasini rivojlantirish chora-tadbirlari toʻgʻrisida (PQ-355-son)

03.11.2023

Oʻzbekiston Respublikasi Prezidentining

Qarori

Mamlakatimizda professional futbolchilarni shakllantirish tizimini sifat jihatidan yangi bosqichga olib chiqish, buning uchun futbol-taʼlim muassasalari sonini koʻpaytirish, xalqaro standartlarga mos keladigan futbol infratuzilmasini yanada rivojlantirish, futbol rivojlangan davlatlar bilan raqobat qila oladigan trener, hakam va boshqa mutaxassislarni tayyorlash maqsadida:

1. Oʻzbekiston Respublikasi Prezidentining 2023-yil 7-apreldagi “Ommaviy va professional futbolni har tomonlama rivojlantirishning qoʻshimcha chora-tadbirlari toʻgʻrisida”gi PQ-115-son qarori ijrosini taʼminlash maqsadida Argentina, Vengriya, Marokash va Fransiyaning professional futbolni rivojlantirish boʻyicha tajribasi joyiga chiqib oʻrganilganligi hamda mazkur qarorni tayyorlashda ularning ilgʻor va maqbul amaliyotidan foydalanilganligi maʼlumot uchun qabul qilinsin.

2. Oʻzbekiston futbol assotsiatsiyasi tizimida:

Milliy futbol markazi;

Futbol boʻyicha respublika oliy sport mahorati maktabi negizida Futbol terma jamoalari tayyorgarlik markazi;

Sport tibbiyoti va reabilitatsiya markazi tashkil etilsin.

Futbol boʻyicha respublika oliy sport mahorati maktabi balansidagi bino va inshootlar tegishli hududi bilan birga Toshkent shahri futbol maktabi balansiga bepul foydalanish huquqi asosida berilsin.

3. Oʻzbekiston futbol assotsiatsiyasi huzuridagi Futbol boʻyicha mutaxassislarni tayyorlash markazi Futbol mutaxassislarini tayyorlash va ilmiy-tadqiqot markazi etib, Respublika bolalar va oʻsmirlar futbol akademiyasi — Respublika futbol akademiyasi etib qayta nomlansin.

Milliy futbol markazi tuzilmasiga:

Futbol mutaxassislarini tayyorlash va ilmiy-tadqiqot markazi;

Futbol terma jamoalari tayyorgarlik markazi;

Respublika futbol akademiyasi;

Sport tibbiyoti va reabilitatsiya markazi kiritilsin.

4. Quyidagilar Milliy futbol markazining asosiy vazifalari etib belgilansin:

ilgʻor xorij tajribasini oʻzlashtirish hamda tajribali xalqaro mutaxassislarni jalb qilgan holda trener va futbolchilarni zamonaviy, innovatsion metodikalar, ilmiy-tahliliy yondashuv asosida tayyorlash;

barcha darajadagi futbol-taʼlim muassasalarida yagona yondashuv asosida futbolchilarni tayyorlashni tashkil etish hamda ularni ilmiy va metodik taʼminlash;

futbolchilarni tayyorlashning barcha bosqichlarini raqamlashtirish orqali shaffof saralash (seleksiya) ishlarini tashkil etishda inson omilini aralashuvini keskin qisqartirish;

joylardagi futbol akademiyalari va maktablaridan saralab olingan eng iqtidorli va yuqori mahoratga ega futbolchilarni — terma jamoalarga nomzodlarni zamonaviy futbolga mos usul va falsafa asosida professional tayyorlash;

futbolchilarga zamonaviy taʼlim berish, jumladan chet tili va Oʻzbekiston tarixi fanlarini chuqurlashtirilgan holda oʻrgatish, futbol sohasiga yoʻnaltirilgan kasblarga oʻqitish tizimini joriy etish;

futbol boʻyicha ilmiy-tadqiqot ishlarini tashkil etish, ilgʻor xorijiy sport texnologiyalarini jalb etgan holda sohani rivojlantirishga erishish;

futbolchilarning jismoniy holati va rivojlanishini doimiy nazorat qilib borish hamda ularga zamonaviy tibbiy xizmat koʻrsatish, shu jumladan futbol-taʼlim muassasalariga sport tibbiyoti yoʻnalishida ilmiy-metodik yordam koʻrsatish va futbolchilarda oʻtkir, surunkali kasalliklarni barvaqt aniqlash va davolashni tashkil etish.

5. Futbol terma jamoalari tayyorgarlik markazining asosiy faoliyati yoʻnalishi etib barcha yosh toifalari boʻyicha terma jamoalarning asosiy oʻquv-mashgʻulot yigʻinlarini tashkil etish, xalqaro musobaqalarga tayyorlash va ushbu musobaqalarda ishtirokini taʼminlash hisoblansin.

6. Milliy futbol markazi faoliyatini moliyalashtirish manbalari etib quyidagilar belgilansin:

Davlat budjeti mablagʻlari;

Oʻzbekiston futbolini qoʻllab-quvvatlash jamgʻarmasi mablagʻlari;

faoliyat ixtisosligi boʻyicha xizmatlarni realizatsiya qilishdan va Milliy futbol markazi ustavidagi vazifalarga muvofiq boʻlgan boshqa faoliyat turlaridan olingan daromadlar;

asosiy mashgʻulotlar oʻtkazilmaydigan vaqtda boʻsh turgan mol-mulkni ijaraga berishdan tushgan daromadlar;

jismoniy va yuridik shaxslarning homiylik xayriyalari;

xalqaro moliya institutlari, xorijiy hukumat moliya tashkilotlari va boshqa xalqaro tashkilotlar grantlari;

qonunchilik hujjatlari bilan taqiqlanmagan boshqa manbalar.

7. Quyidagilar:

Milliy futbol markazining tashkiliy tuzilmasi 1-ilovaga muvofiq;

Milliy futbol markazi faoliyatini tashkil etish boʻyicha chora-tadbirlar dasturi 2-ilovaga muvofiq tasdiqlansin.

8. Belgilansinki:

a) Osiyo futbol konfederatsiyasi (AFC) talablari asosida futbol, futzal va sohil futboli trenerlariga tegishli litsenziyalar berish yagona tizim asosida Futbol mutaxassislarini tayyorlash va ilmiy-tadqiqot markazi orqali amalga oshiriladi;

b) Futbol mutaxassislarini tayyorlash va ilmiy-tadqiqot markazi faoliyati bilan bogʻliq ishlarni joylarda samarali amalga oshirish uchun hududiy futbol assotsiatsiyalarida ularning mablagʻlari hisobidan alohida mutaxassis lavozimi kiritiladi;

v) 2025-yil 1-yanvardan boshlab hududiy futbol akademiyalari, maktablari va boshqa davlat futbol-taʼlim muassasalari trenerlarining Futbol mutaxassislarini tayyorlash va ilmiy-tadqiqot markazidan majburiy ravishda tegishli litsenziyalarni olgandan soʻng faoliyat koʻrsatish amaliyoti joriy qilinadi;

g) Respublika futbol akademiyasi:

yuridik shaxs maqomiga ega boʻlgan ixtisoslashtirilgan davlat sport-taʼlim muassasasi sifatida barcha yosh toifalari boʻyicha terma jamoalarga professional futbolchilarni yetkazib berish boʻyicha bosh futbol-taʼlim muassasasi hisoblanadi;

oʻquvchilarining umumiy kontingenti 154 nafarni tashkil etib, ular 13 — 19 yosh toifalaridan iborat boʻladi;

oʻquvchilari “OLYMPIC” va boshqa professional futbol klublarida faoliyat olib boradi hamda respublika va xalqaro miqyosdagi musobaqalarda ishtirok etishi taʼminlanadi.

Bunda, Respublika futbol akademiyasiga hududiy futbol akademiyalari, futbol maktablari, nodavlat futbol klublari va boshqa futbol-taʼlim muassasalarining iqtidorli va salohiyatli yosh futbolchilari professional oʻsishni monitoring qilishga moʻljallangan elektron dastur (platforma) orqali reyting tizimi asosida qabul qilinadi;

d) hududiy futbol akademiyalari:

yuridik shaxs maqomiga ega boʻlgan ixtisoslashtirilgan davlat sport-taʼlim muassasasi hisoblanadi va ularning faoliyati futbol boʻyicha eng iqtidorli yoshlarni avvalo futbol maktablari, nodavlat futbol klublari va boshqa futbol-taʼlim muassasalaridan tanlab olish hamda ularni professional tayyorlash orqali Respublika futbol akademiyasi va terma jamoalarga asosiy nomzodlarni yetkazib berishga yoʻnaltiriladi;

2024/2025 oʻquv yilidan boshlab oʻquvchilarining umumiy kontingenti 154 nafarni tashkil etib, ular 12 — 18 yosh toifalaridan iborat boʻladi;

huzurida sport klubi tashkil etiladi hamda respublika va xalqaro miqyosdagi musobaqalarda ishtirok etishi taʼminlanadi.

9. Belgilab qoʻyilsinki, Milliy futbol markazi Toshkent viloyati, Yuqorichirchiq tumani, “G.T. Xvan” MFY hududida barpo etilayotgan Futbol terma jamoalari tayyorgarlik markazi va unga tutash hududda tashkil etiladi.

Toshkent viloyati hokimligi (Z. Mirzayev) ikki oy muddatda:

Futbol terma jamoalari tayyorgarlik markaziga tutash hududdan qoʻshimcha 9,9 gektar yer maydonini belgilangan tartibda zaxiraga qaytarish;

zaxiraga qaytarilgan yer uchastkasini Oʻzbekiston futbol assotsiatsiyasiga doimiy foydalanish huquqi asosida ajratish choralarini koʻrsin.

Bunda, ajratiladigan yer maydonida Milliy futbol markazi va uning tarkibiy boʻlinmalari uchun zarur bino-inshootlar, futbol maydonlari, futzal va futbol yopiq inshootlari, mehmonxona, Sport tibbiyoti va reabilitatsiya markazi, suzish havzasi, oshxona kabi obyektlar barpo etilishi nazarda tutilsin.

10. Qurilish va uy-joy kommunal xoʻjaligi vazirligi (B. Zakirov):

Yoshlar siyosati va sport vazirligi, Oʻzbekiston futbol assotsiatsiyasi bilan birgalikda bir oy muddatda ilgʻor xorijiy tajribadan kelib chiqib, yuqori malakali mutaxassislarni jalb etgan holda, Milliy futbol markazining individual loyihasini ishlab chiqsin;

Milliy futbol markazining bino va inshootlarini barpo etish uchun tajribali xorijiy qurilish kompaniyalarini belgilangan tartibda jalb qilish choralarini koʻrsin;

mazkur qaror asosida qurilishi va taʼmirlanishi koʻzda tutilgan inshootlar uchun eng maqbul meʼmoriy va texnik yechimlar qoʻllanilishini, ularni innovatsion texnologiyalarga asoslangan, energiya tejamkor va tez barpo etiladigan yengil konstruksiya va materiallardan qurilishini, shinamlik va ekologik xavfsizlik talablariga muvofiqlik yuzasidan loyiha-smeta hujjatlarining kompleks ekspertizadan oʻtkazilishini taʼminlasin va qurilish-montaj ishlarining sifatli bajarilishi ustidan doimiy davlat arxitektura-qurilish nazoratini oʻrnatsin.

11. Tiklanish va taraqqiyot jamgʻarmasi (Sh. Vafayev) Milliy futbol markazini tashkil etish bilan bogʻliq xarajatlarni moliyalashtirish maqsadida 2024-2025-yillarda Iqtisodiyot va moliya vazirligiga kelgusida Oʻzbekiston futbol assotsiatsiyasiga ajratish uchun 50 million AQSH dollari miqdorida 10 yil muddatda 3 yillik imtiyozli davr bilan foizsiz kredit ajratsin.

Iqtisodiyot va moliya vazirligi 2027-yildan boshlab har yili alkogol va tamaki mahsulotlariga oʻrnatilgan aksiz soligʻidan tushadigan tushumlarning 2 foizi hamda boshqa manbalar hisobidan kreditni qaytarish grafigidagi summasiga (7,1 mln AQSH dollari ekv.) yetarli miqdorda mablagʻlarni yoʻnaltirsin.

Bunda, kredit mablagʻlari Milliy futbol markazini ilgʻor va xalqaro standartlarga muvofiq barpo etish, zamonaviy jihoz va inventarlar bilan taʼminlash, xorijiy futbol mutaxassislarini jalb etish va professional futbolni rivojlantirish boʻyicha alohida dasturlarni amalga oshirishga yoʻnaltiriladi.

Milliy futbol markazi va Respublika futbol akademiyasida bir nafardan professional futbolni rivojlantirish boʻyicha asosiy yoʻnalishlarga yuqori malaka va koʻnikmaga ega boʻlgan ilgʻor xorijiy tajribani oʻzlashtirgan “texnik direktor” rahbarlik qiladi.

12. Vazirlar Mahkamasi uch oy muddatda Milliy futbol markazi faoliyatini tashkil etish boʻyicha Hukumat qarorini qabul qilsin.

13. Oʻzbekiston futbol assotsiatsiyasining hududiy futbol akademiyalari faoliyatini 2023 — 2025-yillarda yanada rivojlantirish boʻyicha chora-tadbirlar dasturi 3-ilovaga muvofiq tasdiqlansin.

14. Quyidagilar hududiy futbol akademiyalari faoliyatini rivojlantirishning qoʻshimcha yoʻnalishlari etib belgilansin:

har bir futbol akademiyasi uchun zarur sport infratuzilmasini yaratish (3 ta tabiiy, 1 ta sunʼiy qoplamali futbol maydoni, mini-futbol, trenajyor va gimnastika zallarini oʻz ichiga olgan 24x60 oʻlchamli yopiq manej, 100 oʻrinli faollar zali, 6x15 oʻlchamli ixcham suzish havzasi, 154 oʻrinli yotoqxona, 8 ta oʻquv xonasi, sport tibbiyoti va reabilitatsiya xonasi, 2 ta maʼmuriy xona va 100 oʻrinli oshxona);

futbol-taʼlim tizimining barcha bosqichlarini toʻliq raqamlashtirish orqali inson aralashuvini cheklash, futbolchi-oʻquvchilarni zamonaviy texnologiyalar asosida saralashni (seleksiya) yoʻlga qoʻyish;

yagona yondashuv asosida futbolchilarni tayyorlashning ilgʻor xorijiy tajribaga asoslangan ilmiy va metodik asoslarini tatbiq etish va uzluksiz yangilab borish;

faoliyatiga reyting baholash tizimini joriy qilish, belgilangan minimal talablarni oshirish.

15. Belgilab qoʻyilsinki, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hamda tuman va shahar hokimlari:

a) futbolni rivojlantirish boʻyicha olib borilayotgan keng koʻlamli islohotlarni joylarda toʻlaqonli amalga oshirish uchun masʼul hisoblanadi;

b) 2024-yil sentabr oyida Oʻzbekistonda futzal boʻyicha Jahon chempionati oʻtkazilishi munosabati bilan:

hududlarda futzal jamoalarini tashkil etadi, shu jumladan professional futbol klublari huzuridagi futzal boʻyicha asosiy, yoshlar va ayollar jamoalari faoliyatini yoʻlga qoʻyadi;

ushbu jamoalar uchun zamonaviy moddiy-texnika bazasini yaratadi, ularni Oʻzbekiston futbol assotsiatsiyasi tomonidan belgilangan talablar asosida moliyalashtiradi;

futzal jamoalarining respublika miqyosdagi musobaqalarda muntazam ishtirok etishi choralarini koʻradi;

v) 2025-yil yakuniga qadar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida hamda mahalliy budjetning orttirib bajarilgan qismi va homiylik mablagʻlari hisobidan hududiy futbol akademiyalari faoliyati uchun zarur boʻlgan sport infratuzilmasini yaratadi hamda ularni zamonaviy asbob-uskuna va jihozlar bilan taʼminlaydi;

g) tuman va shaharlarda futbolni rivojlantirish, uning infratuzilmasini yaxshilash uchun mahalliy budjetning qoʻshimcha mablagʻlari, jismoniy va yuridik shaxslarning homiylik xayriyalari hamda qonunchilik hujjatlarida taqiqlanmagan boshqa manbalar hisobidan mablagʻ ajratilishini taʼminlaydi;

d) 2023-yil 31-dekabrga qadar hududlardagi barcha stadion va futbol maydonlarini xatlovdan oʻtkazib, taʼlim va sport tashkilotlari hamda egasi nomaʼlum stadion va futbol maydonlari sport faoliyati bilan bogʻliq boʻlmagan boshqa maqsadlarda foydalanilishini taqiqlashni taʼminlaydi hamda ularni taʼmirlash va maqsadli foydalanilishini tashkil etadi.

16. Oʻzbekiston futbol assotsiatsiyasi (A. Azizov), Sport vazirligi (A. Ikramov):

Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi bilan birgalikda 2024/2025 oʻquv yilidan boshlab mini-futbol infratuzilmalari mavjud taʼlim tashkilotlarida sport seksiyalari faoliyatini, ular oʻrtasida tizimli musobaqalar oʻtkazilishini yoʻlga qoʻysin;

2024-2025-yillar davomida Futbol mutaxassislarini tayyorlash va ilmiy-tadqiqot markazi tomonidan taʼlim tashkilotlarining jismoniy tarbiya oʻqituvchilari uchun mini-futbol boʻyicha qisqa muddatli kurslar tashkil etsin;

Iqtisodiyot va moliya vazirligi (J. Koʻchqorov), Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2025-yildan boshlab Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida taʼlim tashkilotlarini yangidan qurish, rekonstruksiya qilishda mini-futbol maydonlari tashkil qilinishini inobatga olsin hamda zarur mablagʻlar ajratilishini nazarda tutsin.

17. Shunday tartib oʻrnatilsinki, unga muvofiq 2024-yil 1-yanvardan boshlab:

professional futboldagi faoliyatini yakunlagan futbolchi va mutaxassislarga Oʻzbekiston futbol assotsiatsiyasining ijobiy xulosasi asosida ularning xususiy sektorda amalga oshiradigan futbolni rivojlantirish loyihalari uchun, istisno tariqasida, Markaziy bank asosiy stavkasida “Tashqi iqtisodiy faoliyat milliy banki” AJ, “Asakabank” AJ va “Oʻzsanoatqurilishbank” ATB tomonidan milliy valyutada 1,5 milliard soʻmgacha 5 yildan kam boʻlmagan muddatga imtiyozli kredit ajratiladi;

hududiy futbol akademiyalari bino-inshootlari hamda ularning hududidagi boʻsh turgan yer maydonlarida davlat-xususiy sheriklik shartlari asosida qonunchilikda belgilangan tartibda maqsadli futbol loyihalarini amalga oshirishga ruxsat beriladi.

18. Oʻzbekiston futbol assotsiatsiyasi (A. Azizov):

Sport vazirligi (A. Ikramov) bilan birgalikda Xalqaro futbol assotsiatsiyalari federatsiyasi (FIFA) va Osiyo futbol konfederatsiyasi (AFC) bilan hamkorlikni yanada kuchaytirish orqali nufuzli xalqaro futbol musobaqalari va tadbirlarini Oʻzbekistonda oʻtkazish boʻyicha qoʻshimcha chora-tadbirlarni amalga oshirsin;

Milliy futbol markaziga ikki nafar yuqori darajadagi “texnik direktor”ni jalb qilish choralarini koʻrsin;

chuqur bilim va tajribaga ega boʻlgan mahalliy va xorijiy mutaxassislarni jalb qilgan holda Futbol mutaxassislarini tayyorlash va ilmiy-tadqiqot markazida “futbol treneri”, “futbol hakami”, “futbol tahlilchisi”, “futbol seleksioneri” (skaut), “sport psixologi”, “futbol menejeri”, “futbol marketologi” kabi mutaxassisliklarga oʻqitishni yoʻlga qoʻysin;

Sport vazirligi (A. Ikramov) bilan birgalikda faoliyatini tugatgan futbolchilar hamda futbol boʻyicha yetarli nazariy bilim va koʻnikmaga ega boʻlgan kadrlarni Jismoniy tarbiya va sport boʻyicha mutaxassislarni qayta tayyorlash va malakasini oshirish institutida “futbol treneri”, “futbol hakami”, “futbol tahlilchisi”, “futbol seleksioneri” (skaut), “futbol menejeri”, “futbol marketologi” kabi mutaxassisliklarga qayta tayyorlashni tashkil etsin.

Sogʻliqni saqlash vazirligi (A. Inoyatov) hamda Oliy taʼlim, fan va innovatsiyalar vazirligi 2024/2025 oʻquv yilidan boshlab Toshkent tibbiyot akademiyasining Chirchiq filialida “sport shifokori”, “sport diyetologi”, “sport farmakologi” bilan birga “sport psixologi” mutaxassisligi boʻyicha kadrlarni tayyorlash tizimini yoʻlga qoʻysin.

19. Oʻzbekiston futbol assotsiatsiyasi (A. Azizov), Yoshlar siyosati va sport vazirligi (A. Ikramov):

2024-yil 1-martga qadar respublikadagi barcha stadion va futbol maydonlarining yagona elektron reyestrini ishlab chiqsin hamda uning yuritilishini taʼminlasin;

Raqamli texnologiyalar vazirligi (Sh. Shermatov) bilan birgalikda 2024-yil yakuniga qadar futbol sohasini va futbolchilarni tayyorlashning barcha bosqichlarini raqamlashtirish choralarini koʻrsin.

Bunda:

yagona reyestr bazasini yaratish, ishga tushirish va texnik qoʻllab-quvvatlash hamda futbol sohasini raqamlashtirish bilan bogʻliq xarajatlar Axborot-kommunikatsiya texnologiyalarini rivojlantirish jamgʻarmasi hisobidan amalga oshiriladi;

davlat organlari va tashkilotlarining axborot tizimlari va resurslarida mavjud maʼlumotlar Oʻzbekiston futbol assotsiatsiyasi uchun axborot xavfsizligi talablariga rioya etilgan holda, raqamli maʼlumotlar platformasi orqali bepul asosda taqdim etiladi.

20. Belgilab qoʻyilsinki:

a) 2024/2025 oʻquv yilidan boshlab:

Oʻzbekiston futbol assotsiatsiyasi Sport vazirligi tizimidagi sport maktablari va ixtisoslashtirilgan sport maktablaridagi mavjud futbol seksiyalari trenerlariga umumiy uslubiy rahbarlikni amalga oshiradi;

har bir hududda ommaviy va professional futbolni rivojlantirish, shuningdek, mavjud futbol infratuzilmasidan samarali foydalanishni tashkil etishga masʼul boʻlgan sport maktabi direktorining futbolni rivojlantirish boʻyicha alohida oʻrinbosari lavozimi joriy etiladi;

b) 2024-yil 1-yanvardan boshlab ilgʻor xorijiy tajribadan kelib chiqib, Xalqaro futbol assotsiatsiyalari federatsiyasi (FIFA) talablariga muvofiq “birinchi trener” tamoyili asosida futbol trenerlarini ragʻbatlantirish tizimi yoʻlga qoʻyiladi. Bunda, yuqori mahoratli futbolchini bosqichma-bosqich tayyorlagan trenerlar futbolchi bilan professional faoliyati davomida tuziladigan shartnomalarning summalari hisobidan munosib ragʻbatlantirib boriladi.

21. Oʻzbekiston Milliy teleradiokompaniyasi (A. Xadjayev) Oʻzbekiston futbol assotsiatsiyasi (A. Azizov), Yoshlar siyosati va sport vazirligi (A. Ikramov) bilan birgalikda:

2024-yil 1-iyunga qadar futbol uchrashuvlarini namoyish qilish, futbolni aholi oʻrtasida keng targʻib qilish maqsadida futbol boʻyicha maxsus telekanalni tashkil qilsin;

2025-yil 1-oktabrga qadar Xalqaro futbol assotsiatsiyalari federatsiyasi (FIFA) va Osiyo futbol konfederatsiyasi (AFC) talablariga muvofiq oʻtkaziladigan hamda Oʻzbekiston ichki musobaqalarini yoritish uchun 2 ta koʻchma televizion stansiyalarni xarid qilish choralarini koʻrsin.

22. Iqdisodiyot va moliya vazirligi (J. Qoʻchqorov) Oʻzbekiston Milliy teleradiokompaniyasi talabnomasiga binoan 2 ta koʻchma televizion stansiyalar hamda zarur moddiy-texnik taʼminotlarni xarid qilish bilan bogʻliq xarajatlarni 2025-2026-yillar Davlat budjeti parametrlarida nazarda tutsin.

23. Oʻzbekiston Milliy axborot agentligi hamda Oʻzbekiston Milliy teleradiokompaniyasi mazkur qarorning mazmun-mohiyati va amaliy ahamiyatini yoritishga oid maqolalar, brifinglar, tematik telekoʻrsatuvlar tashkil etsin.

24. Yoshlar siyosati va sport vazirligi (A. Ikramov) manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

25. Mazkur qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov hamda Oʻzbekiston futbol assotsiatsiyasi raisi A.A. Azizov belgilansin.

Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 3-noyabr,

PQ-355-son

Oʻzbekiston Respublikasi Prezidentining 2023-yil 3-noyabrdagi PQ-355-son qaroriga 1-ILOVA

Milliy futbol markazining tashkiliy tuzilmasi

Direktor Yordamchi Texnik direktor Moliya-iqtisod boʻlimi 2 Yuridik masalalar va kadrlar bilan ishlash boʻlimi 2 Xoʻjalik ishlari boʻyicha direktor oʻrinbosari Futbol mutaxassislarini tayyorlash va ilmiy-tadqiqot markazi 28 Futbol terma jamoalari tayyorgarlik markazi* 75 Xoʻjalik boʻlimi 3 Mehmonxona menejeri 1 Respublika futbol akademiyasi 57,5 Sport tibbiyoti va reabilitatsiya markazi** 22 Texnik va xizmat koʻrsatuvchi xodimlar***

Boshqaruv xodimlarining umumiy cheklangan soni — 194,5 nafar.

* Shifokor va massajchilar oʻquv-yigʻin mashgʻulotlari davomida shartnoma asosida jalb qilinadi.

** Tibbiy jihozlardan kelib chiqib, qoʻshimcha shtat birliklari Iqtisodiyot va moliya vazirligi, Oʻzbekiston futbol assotsiatsiyasi bilan kelishilgan holda ajratiladi.

*** Xizmat koʻrsatuvchi xodimlar soni oʻrnatilgan normativlar boʻyicha belgilanadi.

Izoh: Respublika futbol akademiyasi hamda Sport tibbiyoti va reabilitatsiya markazi alohida tuzilmaga ega yuridik shaxs hisoblanadi.

Oʻzbekiston Respublikasi Prezidentining 2023-yil 3-noyabrdagi PQ-355-son qaroriga 2-ILOVA

Milliy futbol markazi faoliyatini tashkil etish boʻyicha chora-tadbirlar dasturi

T/rChora-tadbirlar nomiAmalga oshirish mexanizmlariMoliyalashtirish manbalariIjro muddatlariIjro uchun masʼullar1.Milliy futbol markazi (keyingi oʻrinlarda — Markaz) faoliyatini tashkil etish yuzasidan Hukumat qarori loyihasini ishlab chiqish.1. Manfaatdor idoralar va tashkilotlardan iborat ishchi guruhni tuzish.2. Milliy futbol markazi va uning tuzilmasidagi markazlar faoliyatini tashkil etishni oʻz ichiga olgan qaror loyihasini ishlab chiqish.3. Qaror loyihasini manfaatdor vazirlik va idoralar bilan kelishish. 4. Qaror loyihasini Vazirlar Mahkamasiga kiritish.-2024-yil fevralYoshlar siyosati va sport vazirligi,Iqtisodiyot va moliya vazirligi,Kambagʻallikni qisqartirish va bandlik vazirligi,Oʻzbekiston futbol assotsiatsiyasi2.Markaz faoliyatini yoʻlga qoʻyish. Bunda:Futbol mutaxassislarini tayyorlash va ilmiy-tadqiqot markazi;Futbol terma jamoalari tayyorgarlik markazi;Respublika futbol akademiyasi;Sport tibbiyoti va reabilitatsiya markazining faoliyat koʻrsatish tartiblarini ishlab chiqish.1. Markaz faoliyatini tartibga solish maqsadida uning ustavini ishlab chiqish.2. Ustavni belgilangan tartibda davlat roʻyxatidan oʻtkazish.Davlat budjeti mablagʻlari2024-yil avgustOʻzbekiston futbol assotsiatsiyasi,Yoshlar siyosati va sport vazirligi,Iqtisodiyot va moliya vazirligi3. Markazning shtat birligini tasdiqlash va kadrlar bilan toʻldirish.4. Markazni joylashtirish va aloqa vositalari bilan taʼminlash.5. Markazni zarur mebel, kompyuter texnikasi va sport inventarlari bilan jihozlash.6. Markaz tuzilmasidagi markazlar faoliyatini tartibga soluvchi nizomlarni ishlab chiqish va tasdiqlash.2025-yil avgust3.Markazni joylashtirish va uning oʻz faoliyatini amalga oshirishi hamda yangi bino va inshootlarni qurishi uchun belgilangan tartibda doimiy foydalanish huquqi bilan yer maydoni ajratish.1. Markazni joylashtirish uchun Toshkent viloyatida joylashgan Futbol terma jamoalari tayyorgarlik markaziga tutash hududdan qoʻshimcha 9,9 gektar yer maydoni ajratish yuzasidan Toshkent viloyati hokimining qarorini qabul qilish.-2024-yil yanvarToshkent viloyati hokimligi,Oʻzbekiston futbol assotsiatsiyasi2. Markaz bino-inshootlarining kadastr hujjatlarini tayyorlash va rasmiylashtirish.2025-yil sentabrIqtisodiyot va moliya vazirligi huzuridagi Kadastr agentligi4.Markaz uchun tanlangan hududda Markaz faoliyati uchun moslashtirilgan bino va inshootlar qurilish obyektlarining zamonaviy master-rejasini ishlab chiqish.1. Professional futbolni rivojlantirish boʻyicha Argentina, Marokash va Fransiya davlatlarining tajribalari asosida bino va inshootlarni qurish boʻyicha individual loyihani ishlab chiqish.Bunda, Markaz va uning tarkibiy tuzilmalari uchun zarur bino-inshootlar, mehmonxona, Sport tibbiyoti va reabilitatsiya markazi, suzish havzasi, oshxona kabi binolar barpo etishni nazarda tutish.2. Oʻrganilgan xalqaro tajribalar asosida zamonaviy master-reja ishlab chiqish.Davlat budjeti mablagʻlari2023-2024-yillar davomidaQurilish va uy-joy kommunal xoʻjaligi vazirligi,Yoshlar siyosati va sport vazirligi,Oʻzbekiston futbol assotsiatsiyasi5.Markaz faoliyati uchun moslashtirilgan bino va inshootlarni qurish.1. Xorijiy qurilish kompaniyalarini belgilangan tartibda jalb qilish choralarini koʻrish va qurilish ishlarini tashkil etish boʻyicha kelishuvlarga erishish.2. Qurilish ishlarini bosqichma-bosqich amalga oshirish grafiklarini ishlab chiqish, tasdiqlash va monitoring qilish.3. Markaz va uning tuzilmasidagi markazlarni zarur texnika va inventarlar bilan jihozlash.4. Qurilish ishlarini yakunlash, topshirish va qabul qilish.Davlat budjeti mablagʻlari2024 — 2026-yillar davomidaQurilish va uy-joy kommunal xoʻjaligi vazirligi,Yoshlar siyosati va sport vazirligi,Oʻzbekiston futbol assotsiatsiyasi6.Terma jamoalar, futbol akademiyalari faoliyatini yoʻlga qoʻyish, futbolchilarni roʻyxatga olish va kuzatish tizimini toʻgʻri tashkil etish maqsadida ushbu yoʻnalishda ijobiy natijalarga erishgan yuqori darajadagi xorijiy “texnik direktor”ni jalb etish.1. Futbol sohasi tizimli yoʻlga qoʻyilgan va terma jamoalari yuqori natijaga erishayotgan rivojlangan xorijiy davlatlarning tajribalarini ishchi guruh tuzgan holda oʻrganish.2. Xorijiy davlatlarning malakali mutaxassislarini Oʻzbekistonga jalb qilish boʻyicha muzokaralar olib borish va ularni “texnik direktor” sifatida jalb etish.Davlat budjeti mablagʻlari2024-yil martYoshlar siyosati va sport vazirligi,Oʻzbekiston futbol assotsiatsiyasi7.Terma jamoalarni oʻquv-mashgʻulot yigʻinlarini tizimli tashkil etish.1. Barcha yoshdagi terma jamoalar uchun yillik ish rejalar tuzish, samaradorlik strategiyasini ishlab chiqish.2. Terma jamoalar murabbiylari faoliyatini monitoring qilib borish.3. Milliy terma jamoaning oʻyin uslubidan kelib chiqib barcha yoshdagi terma jamoalar uchun tayyorgarlik bosqichi rejalarini ishlab chiqish.4. Barcha yosh toifalari boʻyicha futbol terma jamoalarning asosiy oʻquv-mashgʻulot yigʻinlarini tashkil etish, xalqaro musobaqalarga tayyorlash va ushbu musobaqalarda ishtirokini taʼminlash.Oʻzbekiston futbol assotsiatsiyasi mablagʻlari2024-yildan boshlab doimiyOʻzbekiston futbol assotsiatsiyasi,Yoshlar siyosati va sport vazirligi8.Barcha yosh toifalari boʻyicha terma jamoalarga professional futbolchilarni yetkazib berish boʻyicha Respublika futbol akademiyasi faoliyatini yoʻlga qoʻyish.1. Respublika futbol akademiyasiga futbolchilar Qoraqalpogʻiston Respublikasi, viloyatlar va Toshkent shahridagi futbol akademiyalari iqtidorli futbolchilarini saralash tizimini ishlab chiqish va joriy etish.2. Futbolchilarni tayyorlashning ilgʻor xorij tajribasiga asoslangan ilmiy va metodik asoslarini tatbiq etish.-2025-yil avgustOʻzbekiston futbol assotsiatsiyasi,Yoshlar siyosati va sport vazirligi9.Respublika futbol akademiyasini zamonaviy jihozlar bilan taʼminlash.Respublika futbol akademiyasining murabbiylari va tahlilchilari uchun ilgʻor zamonaviy texnologiyalar, jihozlar xarid qilish.Davlat budjeti mablagʻlari2025-yil avgustOʻzbekiston futbol assotsiatsiyasi,Yoshlar siyosati va sport vazirligi10.Futbol mutaxassislarini tayyorlash va ilmiy-tadqiqot markaziga jalb etiladigan mutaxassislarni yoʻnalishlar boʻyicha tayyorlash.1. Yoʻnalishlar boʻyicha jalb etiladigan mutaxassislar roʻyxatini shakllantirish.2. Mutaxassislar tayyorlash maqsadida hududlarda bosqichma-bosqich masofaviy shaklda nazariy bilimlar berishni yoʻlga qoʻyish.3. Tajribali mutaxassislar tomonidan “futbol tahlilchisi”, “futbol seleksioneri” (skaut), “futbol menejeri”, “futbol marketologi”, “futbol shifokori”, “futbol psixologi”, “sport farmakologi”, “sport diyetologi” yoʻnalishlarida amaliy bilimlar berishni tashkil etish.4. Osiyo futbol konfederatsiyasi talablari asosida futbol, mini-futbol va sohil futboli trenerlariga hamda boshqa futbol mutaxassislariga tegishli toifalar, litsenziyalar berish.Davlat budjeti mablagʻlari2025-yildan boshlab doimiyOʻzbekiston futbol assotsiatsiyasi,Yoshlar siyosati va sport vazirligi,Iqtisodiyot va moliya vazirligi11.Futbol sohasidagi muammolarni kompleks oʻrganish boʻyicha Ilmiy-amaliy ekspert guruhini tashkil etish.1. Futbol mutaxassislarini tayyorlash va ilmiy-tadqiqot markazida davlat organlari, xoʻjalik birlashmalari va oliy taʼlim tashkilotlari mutaxassislari, mustaqil va xalqaro konsultantlarni jalb qilgan holda Ilmiy-amaliy ekspert guruhini shakllantirish.2. Ilmiy-amaliy ekspert guruhining har oyda amalga oshiradigan ishlar rejasini belgilash.3. Ilmiy-amaliy ekspert guruhini moddiy-texnika resurslari bilan taʼminlash, uning faoliyati uchun shartnoma asosida toʻlovlarni amalga oshirish.Davlat budjeti mablagʻlari2025-yildan boshlabOʻzbekiston futbol assotsiatsiyasi,Yoshlar siyosati va sport vazirligi,Sogʻliqni saqlash vazirligi,Oliy taʼlim, fan va innovatsiyalar vazirligi,manfaatdor vazirlik va idoralar12.Futbolchilarning jismoniy holati va rivojlanishini doimiy nazorat qilib borish hamda ularga zamonaviy tibbiy xizmat koʻrsatish.1. Sport tibbiyoti va reabilitatsiya markazi hamda uning ilmiy-amaliy laboratoriyalarini zamonaviy tibbiy asbob-uskunalar, shu jumladan texnika va tibbiy uskunalar bilan taʼminlash.Bunda, Sport tibbiyoti va reabilitatsiya markazi simulyatsion amaliy laboratoriyasi uchun moʻljallangan simulyatsion uskunalarning Markaz uchun xarid qilinadigan tibbiy uskunalarga muvofiqligini inobatga olish.2. Sport tibbiyoti va reabilitatsiya markazini “Raqamli rentgen”, “Osteodenistometriya”, “Tredmil EKG” va boshqa zamonaviy tibbiy asbob-uskunalar va “Tez tibbiy yordam avtomobili” bilan taʼminlash.Davlat budjeti mablagʻlari2025-yil avgustOʻzbekiston futbol assotsiatsiyasi,Yoshlar siyosati va sport vazirligi,Sogʻliqni saqlash vazirligi,Iqtisodiyot va moliya vazirligi3. Sport tibbiyoti va reabilitatsiya markazida futbol-taʼlim muassasalariga sport tibbiyoti yoʻnalishida ilmiy-metodik yordam koʻrsatish va futbolchilarda oʻtkir, surunkali kasalliklarni barvaqt aniqlash va davolashni tashkil etish.2025-yildan boshlab doimiy13.Markaz futbolchilarini ovqatlantirish meʼyorlarini ishlab chiqish.1. Manfaatdor idoralar va tashkilotlardan iborat sutkalik oziq-ovqat normasini ishlab chiqish boʻyicha ishchi guruh tuzish.Bunda, ishchi guruh rahbari sifatida tajribali diyetolog jalb etiladi.2. Markaz futbolchilarining xalqaro va milliy ovqatlanishning amaldagi meʼyorlariga muvofiq futbolchilarning sutkalik oziq-ovqat normasini ishlab chiqish va tasdiqlash.-2024-yil sentabrOʻzbekiston futbol assotsiatsiyasi,Yoshlar siyosati va sport vazirligi,Sogʻliqni saqlash vazirligi,Iqtisodiyot va moliya vazirligi14.Yetakchi xorijiy ilmiy va tibbiy markazlar bilan hamkorlikni yoʻlga qoʻyish va mustahkamlash.1. Argentina, Vengriya, Marokash, Fransiya va boshqa davlatlarining futbol boʻyicha ilmiy va tibbiyot markazlari bilan hamkorlik memorandumlarini tuzish.2. Doimiy asosda oʻzaro tajriba almashishni yoʻlga qoʻyish.-2024 — 2026-yillar davomidaOʻzbekiston futbol assotsiatsiyasi,Yoshlar siyosati va sport vazirligi

Oʻzbekiston Respublikasi Prezidentining 2023-yil 3-noyabrdagi PQ-355-son qaroriga 3-ILOVA

Oʻzbekiston futbol assotsiatsiyasining hududiy futbol akademiyalari faoliyatini 2023 — 2025-yillarda yanada rivojlantirish boʻyicha chora-tadbirlar dasturi

T/r Tadbirlar nomi Amalga oshirish mexanizmi Moliyalashtirish manbalari Ijro muddati Ijro uchun masʼullar 1. Hududiy futbol akademiyalari moddiy-texnik bazasini mustahkamlash. 1. Futbol akademiyalarini xatlovdan oʻtkazish boʻyicha manfaatdor idoralar va tashkilotlardan iborat ishchi guruhni tuzish. 2. Xatlov natijalari boʻyicha futbol akademiyalari moddiy-texnik bazasini rivojlantirishni oʻz ichiga olgan takliflarni Vazirlar Mahkamasiga kiritish. - 2023-yil noyabr-dekabr Yoshlar siyosati va sport vazirligi, Iqtisodiyot va moliya vazirligi, Oʻzbekiston futbol assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Hududiy futbol akademiyalari infratuzilmasini mustahkamlash. 1. Futbol akademiyalari faoliyati uchun zarur boʻlgan sport infratuzilmasini yaratish hamda ularni zamonaviy asbob-uskuna va jihozlar bilan taʼminlash. Bunda, har bir futbol akademiyasi faoliyati uchun zarur boʻlgan sport infratuzilmasini yaratish (3 ta tabiiy, 1 ta sunʼiy qoplamali futbol maydoni, yopiq mini-futbol maneji, 6x15 oʻlchamli ixcham suzish havzasi, 154 oʻrinli yotoqxona, 8 ta oʻquv xonasi, 2 ta maʼmuriy xona, 100 oʻrinli oshxona, trenajyor va gimnastika zallari va 50 oʻrinli faollar zali). 2. Qurilish ishlarini bosqichma-bosqich amalga oshirish grafiklarini ishlab chiqish, tasdiqlash va monitoring qilish. 3. Qurilish ishlarini yakunlash, topshirish va qabul qilish. Davlat budjeti, mahalliy budjetning orttirib bajarilgan qismi va homiylik mablagʻlari 2024-2025-yillar davomida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Iqtisodiyot va moliya vazirligi, Oʻzbekiston futbol assotsiatsiyasi 3. Hududiy futbol akademiyalari faoliyatini takomillashtirish. 1. Futbol boʻyicha eng iqtidorli yoshlarni avvalo futbol maktablari, sport maktablari va klublaridan tanlab olish tizimini joriy etish. 2. Futbol taʼlimining barcha bosqichlarini toʻliq raqamlashtirish orqali inson aralashuvini keskin qisqartirish hamda zamonaviy texnologiyalar asosida futbolchi-oʻquvchilarni seleksiya qilishni yoʻlga qoʻyish. Davlat budjeti, mahalliy budjet, Axborot-kommunikatsiya texnologiyalarini rivojlantirish jamgʻarmasi mablagʻlari 2024-yildan boshlab doimiy Oʻzbekiston futbol assotsiatsiyasi, Yoshlar siyosati va sport vazirligi, Raqamli texnologiyalar vazirligi, Iqtisodiyot va moliya vazirligi 3. Futbol akademiyalari faoliyatini reyting baholash tizimini yoʻlga qoʻyish. 4. Oʻzbekiston futbol assotsiatsiyasida futbol akademiyalari faoliyatini masofadan onlayn kuzatish va nazorat qilish tizimini joriy qilish. 2024/2025 oʻquv yilidan boshlab 4. Hududiy futbol akademiyalarida futbolchilar taʼlimini zamonaviy yondashuv asosida tashkil etish. Futbolchilarni tayyorlashning ilgʻor xorij tajribasiga asoslangan ilmiy va metodik asoslarini tatbiq etish va uzluksiz yangilab borish. - 2024/2025 oʻquv yilidan boshlab doimiy Oʻzbekiston futbol assotsiatsiyasi, Yoshlar siyosati va sport vazirligi 5. Hududiy futbol akademiyalari faoliyati boʻyicha rivojlanish strategiyasini ishlab chiqish. 1. Futbol akademiyalari jamoalari uchun yillik ish rejalar tuzish, samaradorlik strategiyasini ishlab chiqish. Mahalliy budjet mablagʻlari 2024-yil avgust Oʻzbekiston futbol assotsiatsiyasi, Yoshlar siyosati va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Futbol akademiyalari trenerlari faoliyatini monitoring qilib borish. 3. Har bir futbol akademiyasining oʻyin uslubini va undan kelib chiqib akademiya jamoalari uchun tayyorgarlik bosqichi rejalarini ishlab chiqish. 4. Futbol akademiyalari jamoalarining asosiy oʻquv-mashgʻulot yigʻinlarini tashkil etish, respublika va xalqaro musobaqalarga tayyorlash va ushbu musobaqalarda ishtirokini taʼminlash. 2024/2025 oʻquv yilidan boshlab doimiy 6. Hududiy futbol akademiyalari tomonidan professional futbol klublari va turli yoshdagi terma jamoalarga futbolchilarni yetkazib berish mexanizmini yoʻlga qoʻyish. 1. Futbol akademiyalaridagi iqtidorli futbolchilarni saralash tizimini ishlab chiqish va joriy etish. 2. Futbolchilarni tayyorlashning ilgʻor xorij tajribasiga asoslangan ilmiy va metodik asoslarini tatbiq etish. - 2025-yil avgust Oʻzbekiston futbol assotsiatsiyasi, Yoshlar siyosati va sport vazirligi 7. Hududiy futbol akademiyalarida professional futbol va terma jamoalarga futbolchilar zaxirasini shakllantirish. Futbol akademiyalarida professional futbol va terma jamoalarga futbolchilar zaxirasini samarali taʼminlash maqsadida ilmiy-amaliy qoʻllanmalar ishlab chiqish, mashgʻulot jurnallarini raqamlashtirish. Oʻzbekiston futbolini qoʻllab-quvvatlash jamgʻarmasi mablagʻlari 2024-yil sentabr Oʻzbekiston futbol assotsiatsiyasi, Yoshlar siyosati va sport vazirligi 8. Hududiy futbol akademiyalari futbolchilarining jismoniy holati va rivojlanishini doimiy nazorat qilib borish hamda ularga zamonaviy tibbiy xizmat koʻrsatish. 1. Futbol akademiyalarining sport tibbiyoti va reabilitatsiya xonalarini zamonaviy tibbiy asbob-uskunalar, shu jumladan texnika va tibbiy uskunalar bilan taʼminlash. Bunda, xarid qilinadigan tibbiy uskunalarining sport tibbiyoti va reabilitatsiya xonalariga muvofiqligini inobatga olish. 2. Sport tibbiyoti va reabilitatsiya xonalarini “Raqamli Rentgen”, “Tredmil EKG” va boshqa zamonaviy tibbiy asbob-uskunalar bilan taʼminlash. Davlat budjeti, mahalliy budjet mablagʻlari 2025-yil avgust Oʻzbekiston futbol assotsiatsiyasi, Yoshlar siyosati va sport vazirligi, Sogʻliqni saqlash vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 3. Sport tibbiyoti va reabilitatsiya xonalarida futbolchilarda oʻtkir, surunkali kasalliklarni barvaqt aniqlash va davolashni tashkil etish. 2025-yildan boshlab doimiy 9. Hududiy futbol akademiyalari futbolchilarini ovqatlantirish meʼyorlarini qayta koʻrib chiqish. 1. Sutkalik oziq-ovqat normasi ishlab chiqish boʻyicha manfaatdor idoralar va tashkilotlardan iborat ishchi guruh tuzish. Bunda, ishchi guruh rahbari sifatida tajribali diyetologni jalb etish. 2. Futbol akademiyalari futbolchilari uchun xalqaro va milliy ovqatlanishning amaldagi meʼyorlariga muvofiq sutkalik oziq-ovqat normasini ishlab chiqish va tasdiqlash. - 2024-yil avgust Oʻzbekiston futbol assotsiatsiyasi, Yoshlar siyosati va sport vazirligi, Sogʻliqni saqlash vazirligi, Iqtisodiyot va moliya vazirligi 10. Yetakchi xorijiy futbol akademiyalari bilan hamkorlikni yoʻlga qoʻyish va mustahkamlash. 1. Argentina, Rossiya, Fransiya, Marokash, Vengriya, Qatar, Yaponiya, Angliya, Ispaniya, va boshqa davlatlarning futbol akademiyalari bilan hamkorlik memorandumlarini tuzish. 2. Doimiy asosda oʻzaro tajriba almashishni yoʻlga qoʻyish. - 2024-yildan boshlab doimiy Oʻzbekiston futbol assotsiatsiyasi, Yoshlar siyosati va sport vazirligi 11. Hududiy futbol akademiyalarida sport klublarini tashkil qilish. Futbol akademiyalarining bitiruv futbolchilarini sport klub aʼzosiga aylantirish, ulardan 1-liga jamoasini tashkil etish. Mahalliy budjet mablagʻlari 2024-yil aprel Oʻzbekiston futbol assotsiatsiyasi, Yoshlar siyosati va sport vazirligi