“Oʻzbekiston Respublikasining Davlat Madhiyasi toʻgʻrisida”gi Oʻzbekiston Respublikasi Qonunini amalga kiritish haqida (769-XII-son)

10.12.1992

OʻZBEKISTON RESPUBLIKASI OLIY KENGAShINING

Qarori

Oʻzbekiston Respublikasi Oliy Kengashi qaror qiladi:

1. Belgilab qoʻyilsinki, ushbu Qonun bilan tasdiqlangan Oʻzbekiston Respublikasining Davlat madhiyasi 1992-yil 10-dekabrdan hamma joyda ijro etiladi.

2. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Oliy Soveti Rayosatining “Oʻzbekiston Respublikasining Davlat gimni toʻgʻrisida”gi 1978-yil 18-mart Farmoni (Oʻzbekiston Respublikasi Oliy Sovetining Vedomostlari, 1978-yil, № 9, 134-modda; № 12);

Oʻzbekiston Respublikasi Oliy Soveti Rayosatining “Oʻzbekiston Respublikasining Davlat gimni toʻgʻrisidagi Nizomni tasdiqlash haqida”gi 1985-yil 29-aprel Farmoni (Oʻzbekiston Respublikasi Oliy Sovetining Vedomostlari, 1985-yil, № 13. 141-modda).

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1992-yil 10-dekabr,

769-XII-son