Turkiy investitsiya jamgʻarmasini taʼsis etish toʻgʻrisidagi Bitimni (Anqara, 2023-yil 16-mart) ratifikatsiya qilish haqida (O‘RQ-875-son)

01.11.2023

Oʻzbekiston Respublikasining Qonuni

Qonunchilik palatasi tomonidan 2023-yil 10-oktabrda qabul qilingan Senat tomonidan 2023-yil 28-oktabrda maʼqullangan

1-modda. Turkiy investitsiya jamgʻarmasini taʼsis etish toʻgʻrisidagi Bitim (Anqara, 2023-yil 16-mart) ratifikatsiya qilinsin.

2-modda. Oʻzbekiston Respublikasi Tiklanish va taraqqiyot jamgʻarmasining mablagʻlari Oʻzbekiston Respublikasining Turkiy investitsiya jamgʻarmasidagi ulushini Turkiy investitsiya jamgʻarmasini taʼsis etish toʻgʻrisidagi Bitimda (Anqara, 2023-yil 16-mart) nazarda tutilgan muddatlarda shakllantirish, shu jumladan uning boshlangʻich kapitalidagi 2 000 ta aksiyaga obuna boʻlish bilan bogʻliq xarajatlarni moliyalashtirish manbai ekanligi belgilansin.

3-modda. Oʻzbekiston Respublikasi Investitsiyalar, sanoat va savdo vazirligi Turkiy investitsiya jamgʻarmasini taʼsis etish toʻgʻrisidagi Bitimning (Anqara, 2023-yil 16-mart) bajarilishi uchun masʼul boʻlgan vakolatli organ etib belgilansin hamda Oʻzbekiston Respublikasi Tiklanish va taraqqiyot jamgʻarmasiga tegishli mablagʻlarni oʻtkazish boʻyicha buyurtmanomalar taqdim etib borsin.

4-modda. Oʻzbekiston Respublikasi Markaziy banki Turkiy investitsiya jamgʻarmasini taʼsis etish toʻgʻrisidagi Bitim (Anqara, 2023-yil 16-mart) boʻyicha depozitariy funksiyasini bajarishi belgilansin.

Oʻzbekiston Respublikasining Prezidenti Sh. MIRZIYOYEV

Toshkent sh.,

2023-yil 1-noyabr,

OʻRQ-875-son