Oʻzbekiston Respublikasi Prezidenti huzuridagi Davlat boshqaruvi akademiyasida malaka oshiradigan boshqaruv kadrlarining lavozimlari tarkibini tasdiqlash toʻgʻrisida (537-son)

13.10.2023

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Prezidenti huzuridagi Davlat boshqaruvi akademiyasining hududiy filiallarini tashkil etish toʻgʻrisida” 2018-yil 6-avgustdagi PQ-3901-son qarori hamda Hukumatning “Oʻzbekiston Respublikasi Prezidenti huzuridagi Davlat boshqaruvi akademiyasining hududiy filiallari faoliyatini tashkil etish chora-tadbirlari toʻgʻrisida” 2018-yil 28-sentabrdagi 772-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Prezidenti huzuridagi Davlat boshqaruvi akademiyasi (keyingi oʻrinlarda — Akademiya) tomonidan Oʻzbekiston Respublikasi Prezidenti huzuridagi Davlat xizmatini rivojlantirish agentligi (keyingi oʻrinlarda — Agentlik) bilan hamkorlikda ishlab chiqilgan Oʻzbekiston Respublikasi Prezidenti huzuridagi Davlat boshqaruvi akademiyasi va uning hududiy filiallarida 2023/2024 oʻquv yilida davlat granti asosida malaka oshirish kurslariga yuboriladigan boshqaruv kadrlarining lavozimlari tarkibi ilovaga muvofiq tasdiqlansin.

2. Tegishli vazirliklar Agentlik, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Akademiya va uning hududiy filiallarida mazkur qarorga ilovaga muvofiq tasdiqlangan tarkibda boshqaruv kadrlarining malaka oshirish kurslarida ishtirokini taʼminlasinlar.

3. Akademiya Agentlik va tegishli vazirliklar bilan birgalikda 2023-yil oktyabr — 2024-yil iyun oylarida mazkur qarorga ilovaga muvofiq boshqaruv kadrlari uchun malaka oshirish kurslarini tashkil etsin.

4. Belgilab qoʻyilsinki:

a) 2023/2024 oʻquv yili davomida Akademiyaga jami 46 ta professor-oʻqituvchi shtat birliklari ajratiladi;

b) Akademiya professor-oʻqituvchilarining 2023-yil sentyabr — dekabr oylarida ish haqi va unga tenglashtirilgan toʻlovlar Akademiyaning 2023-yil uchun tasdiqlangan xarajatlar smetasi doirasida budjet mablagʻlari hisobidan;

2024/2025 oʻquv yiliga qadar esa 2024-yilda Oʻzbekiston Respublikasi Davlat budjeti parametrlarida Akademiya uchun nazarda tutilgan mablagʻlar hisobidan toʻliq moliyalashtiriladi.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 13-oktabr,

537-son

Vazirlar Mahkamasining 2023-yil 13-oktabrdagi 537-son qaroriga ILOVA

Oʻzbekiston Respublikasi Prezidenti huzuridagi Davlat boshqaruvi akademiyasi va uning hududiy filiallarida 2023/2024 oʻquv yilida davlat granti asosida malaka oshirish kurslariga yuboriladigan boshqaruv kadrlarining lavozimlari

tarkibi

T/r Boshqaruv kadrlarining lavozimlari 1. Oʻzbekiston Respublikasi Iqtisodiyot va moliya vazirligining boshqarma va boʻlim boshliqlari, Qoraqalpogʻiston Respublikasi Iqtisodiyot va moliya vazirligining boshqarma va boʻlim boshliqlari, viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 2. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining boshqarma va boʻlim boshliqlari, Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligining boshqarma va boʻlim boshliqlari, viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 3. Oʻzbekiston Respublikasi Transport vazirligining boshqarma va boʻlim boshliqlari, Qoraqalpogʻiston Respublikasi Transport vazirligining boshqarma va boʻlim boshliqlari hamda hududiy transport boshqarmalari boshliqlari 4. Oʻzbekiston Respublikasi Kambagʻallikni qisqartirish va bandlik vazirligining boshqarma va boʻlim boshliqlari, Qoraqalpogʻiston Respublikasi Kambagʻallikni qisqartirish va bandlik vazirligining boshqarma va boʻlim boshliqlari, viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 5. Oʻzbekiston Respublikasi Oliy taʼlim, fan va innovatsiyalar vazirligining boshqarma va boʻlim boshliqlari, Qoraqalpogʻiston Respublikasi Oliy taʼlim, fan va innovatsiyalar vazirligining boshqarmalari va boʻlim boshliqlari, viloyatlar va Toshkent shahar oliy taʼlim, fan va innovatsiyalar boshqarmalari va boʻlim boshliqlari 6. Oʻzbekiston Respublikasi Maktabgacha va maktab taʼlimi vazirligining boshqarma va boʻlim boshliqlari, Qoraqalpogʻiston Respublikasi Maktabgacha va maktab taʼlimi vazirligining boshqarma va boʻlim boshliqlari, viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 7. Oʻzbekiston Respublikasi Sogʻliqni saqlash vazirligining boshqarma va boʻlim boshliqlari, Qoraqalpogʻiston Respublikasi Sogʻliqni saqlash vazirligining boshqarma va boʻlim boshliqlari, viloyatlar va Toshkent shahar sogʻliqni saqlash boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 8. Oʻzbekiston Respublikasi Qurilish va uy-joy kommunal xoʻjaligi vazirligining boshqarma va boʻlim boshliqlari, Qoraqalpogʻiston Respublikasi Qurilish va uy-joy kommunal xoʻjaligi vazirligining boshqarma va boʻlim boshliqlari, viloyatlar qurilish va uy-joy kommunal xoʻjaligi bosh boshqarmalari boshliqlari, Toshkent shahar qurilish bosh boshqarmasi boshligʻi, Toshkent shahar uy-joy kommunal xoʻjaligi bosh boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 9. Oʻzbekiston Respublikasi Tashqi ishlar vazirligining boshqarma va boʻlim boshliqlari 10. Oʻzbekiston Respublikasi Investitsiyalar, sanoat va savdo vazirligining boshqarma va boʻlim boshliqlari, Qoraqalpogʻiston Respublikasi Investitsiyalar, sanoat va savdo vazirligining boshqarma va boʻlim boshliqlari, viloyatlar va Toshkent shahar boshqarma va boʻlim boshliqlari, tuman (shahar) investitsiyalar, sanoat va savdo boʻlimlari boshliqlari 11. Oʻzbekiston Respublikasi Raqamli texnologiyalar vazirligining boshqarma va boʻlim boshliqlari 12. Oʻzbekiston Respublikasi Adliya vazirligining boshqarma va boʻlim boshliqlari, Qoraqalpogʻiston Respublikasi Adliya vazirligining boshqarma va boʻlim boshliqlari, viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 13. Oʻzbekiston Respublikasi Madaniyat vazirligining boshqarma va boʻlim boshliqlari, Qoraqalpogʻiston Respublikasi Madaniyat vazirligining boshqarma va boʻlim boshliqlari, viloyatlar va Toshkent shahar madaniyat boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 14. Oʻzbekiston Respublikasi Togʻ-kon sanoati va geologiya vazirligining boshqarma va boʻlim boshliqlari 15. Oʻzbekiston Respublikasi Yoshlar siyosati va sport vazirligining boshqarma va boʻlim boshliqlari, Qoraqalpogʻiston Respublikasi Yoshlar siyosati va sport vazirligining boshqarma va boʻlim boshliqlari, viloyatlar va Toshkent shahar yoshlar siyosati va sport boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 16. Oʻzbekiston Respublikasi Qishloq xoʻjaligi vazirligining boshqarma va boʻlim boshliqlari, Qoraqalpogʻiston Respublikasi Qishloq xoʻjaligi vazirligining boshqarma va boʻlim boshliqlari,viloyatlar va Toshkent shahar boshqarmasi boshligʻi, �rinbosari va boʻlim boshliqlari, tuman (shahar) boʻlimlari boshliqlari 17. Oʻzbekiston Respublikasi Suv xoʻjaligi vazirligining boshqarma va boʻlim boshliqlari, Qoraqalpogʻiston Respublikasi Suv xoʻjaligi vazirligining boshqarma va boʻlim boshliqlari, viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari 18. Oʻzbekiston Respublikasi Energetika vazirligining boshqarma va boʻlim boshliqlari, Qoraqalpogʻiston Respublikasi Energetika vazirligining boshqarma va boʻlim boshliqlari,viloyatlar va Toshkent shahar boshqarmasi boshligʻi, oʻrinbosari va boʻlim boshliqlari, tuman (shahar) boʻlimlari boshliqlari