Charm-poyabzal va moʻynachilik sohalarida islohotlarni yanada jadallashtirish va sohaning eksport salohiyatini oshirish chora-tadbirlari toʻgʻrisida (PQ-331-son)

11.10.2023

Oʻzbekiston Respublikasi Prezidentining

Qarori

Charm-poyabzal va moʻynachilik sohalarini yanada rivojlantirish, import oʻrnini bosuvchi va eksportga moʻljallangan yuqori qoʻshilgan qiymatli mahsulotlar ishlab chiqarishni ragʻbatlantirish, shuningdek, joriy yilning 18-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash maqsadida:

1. Shunday tartib oʻrnatilsinki, unga muvofiq hududlarda xom ashyoni toʻliq yigʻib olish va qayta ishlashga yoʻnaltirish maqsadida terini qayta ishlovchi korxonalar bilan:

chorvachilik klasterlari va chorva mollarini soʻyish kushxonalari;

aholidan terini yigʻuvchi tadbirkorlik subyektlari va oʻzini oʻzi band qilgan jismoniy shaxslar oʻrtasida kooperatsiya tizimi joriy qilinadi.

Qoraqalpogʻiston Respublikasi Vazirlar Kengashi va viloyatlar hokimliklari, Veterinariya va chorvachilikni rivojlantirish qoʻmitasi hamda “Oʻzcharmsanoat” uyushmasi ushbu kooperatsiya tizimining birinchi navbatda 1-ilovaga muvofiq tumanlarda joriy qilinishini taʼminlasin.

“Oʻzcharmsanoat” uyushmasi Adliya vazirligi bilan birgalikda bir hafta muddatda terini qayta ishlovchi va uni yetkazib beruvchi tashkilotlar oʻrtasida tuziladigan namunaviy shartnomani ishlab chiqib, oʻzining rasmiy veb-saytida joylashtirsin.

2. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J.A. Xodjayev) bir oy muddatda “Oʻzcharmsanoat” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda Investitsiyalar, sanoat va savdo vazirligining masʼullarini biriktirgan holda, 2023 — 2025-yillarda teri xom ashyosini chuqur qayta ishlash negizida eksportga yoʻnaltirilgan yuqori qoʻshilgan qiymatli tayyor mahsulotlar ishlab chiqarish boʻyicha investitsiya loyihalari dasturini tasdiqlasin.

Belgilansinki, ushbu investitsiya loyihalari quyidagi manbalar hisobidan moliyalashtiriladi:

Veterinariya va chorvachilikni rivojlantirish qoʻmitasi tomonidan Fransiya taraqqiyot agentligi ishtirokidagi “Chorvachilik sohasini barqaror rivojlantirishni moliyalashtirish” va Jahon banki ishtirokidagi “Chorvachilik sohasini rivojlantirish (2-bosqich)” loyihalari doirasida xalqaro moliya tashkilotlaridan jalb qilingan mablagʻlar hisobidan 100 million AQSH dollari;

Investitsiyalar, sanoat va savdo vazirligi hamda “Oʻzcharmsanoat” uyushmasi tomonidan Yevropa tiklanish va taraqqiyot banki va boshqa xalqaro moliya institutlari hamda xorijiy banklarning uzoq muddatli imtiyozli kredit liniyalarining tijorat banklari orqali jalb qilinadigan 200 million AQSH dollari;

Oʻzbekiston Respublikasi Prezidentining 2022-yil 26-fevraldagi “Charm-poyabzal va moʻynachilik sohalarida tayyor mahsulot ishlab chiqarishni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-143-son qarorining toʻrtinchi bandi bilan tijorat banklarida ochilgan kredit liniyalarining foydalanilmagan qismidan moliyalashtirish tartibi va shartlarini saqlab qolgan holda 40 million AQSH dollari.

3. Charm-poyabzal va moʻynachilik sohasida investitsiya loyihalari uchun yer maydonlarini ajratish tizimini soddalashtirish va kichik sanoat zonalari faoliyatini takomillashtirish maqsadida:

a) charm-poyabzal, moʻynachilik va ixtisoslashgan soʻyish korxonalari tashkil etish uchun yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari, istisno tariqasida, korxonalar tomonidan bir yil ichida har oy teng ulushlarda amalga oshiriladi;

b) tashkil etilgan 16 ta ixtisoslashgan charm-poyabzal kichik sanoat zonalarida joylashtiriladigan investitsiya loyihalari uchun:

elektron onlayn auksion savdolariga chiqariladigan yer uchastkalarining boshlangʻich narxi 25 yil muddatdan kelib chiqib, hisob-kitob qilinadi;

yer uchastkalari elektron onlayn auksion savdolariga aniqlangan boshlangʻich narxining 10 foizi miqdorida chiqariladi;

elektron onlayn auksion savdolari gʻoliblari tomonidan yer uchastkalari uchun mablagʻlar 3 yil davomida teng ulushlarda toʻlab beriladi;

v) Toshkent viloyatining Ohangaron tumanida tashkil etilgan charm-poyabzal kichik sanoat zonasida markazlashgan oqova suv tozalash inshootini qurish uchun Oʻzbekiston Respublikasi Prezidentining 2023-yil 4-sentabrdagi “Oʻzbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari toʻgʻrisida”gi PQ-292-son qaroriga asosan respublika budjetidan 10 yil muddatga 50 milliard soʻmgacha ssuda ajratiladi.

Bunda, terini qayta ishlash korxonalari tomonidan markazlashgan oqova suv tozalash inshootini qurish va boshqarish uchun teng ulushlarda yagona korxona taʼsis etiladi hamda ushbu ssuda ikkinchi yildan boshlab yagona korxona tomonidan har yili teng ulushlarda respublika budjetiga qaytarib beriladi.

Iqtisodiyot va moliya vazirligi mazkur maqsad uchun zarur boʻlgan mablagʻlarning yagona korxonaga ajratilishini 2024-yil budjet parametrlarida koʻzda tutsin.

Toshkent viloyati hokimligi va “Oʻzcharmsanoat” uyushmasi 2024-yil yakuni bilan markazlashgan oqova suv tozalash inshootining foydalanishga topshirilishini taʼminlasin.

4. Charm-poyabzal va moʻynachilik sohasida eksport qiluvchi korxonalarni yanada qoʻllab-quvvatlash maqsadida:

b) Eksportni qoʻllab-quvvatlash jamgʻarmasining mavjud resurslari doirasida:

eksportoldi va eksport bilan bogʻliq savdo operatsiyalarini moliyalashtirish uchun oxirgi 12 oy mobaynida ular tomonidan amalga oshirilgan eksport hajmidan kelib chiqqan holda 2 yil muddatgacha:

eksport hajmi 1 million AQSH dollaridan 2 million AQSH dollarigacha boʻlganda — 1 million AQSH dollarigacha;

eksport hajmi 2 million AQSH dollaridan 4 million AQSH dollarigacha boʻlganda — 2 million AQSH dollarigacha;

eksport hajmi 4 million AQSH dollaridan ortiq boʻlganda — 3 million AQSH dollarigacha miqdorlarda moliyaviy resurslar ajratiladi. Bunda, moliyaviy resurslar yillik 4 foiz stavkadan (shundan 2 foizi bank marjasi) oshmagan holda taqdim etiladi;

v) charm-poyabzal va moʻynachilik sohasi korxonalari tomonidan xorijda savdo uyi va doʻkonini tashkil etish uchun alohida qarorlarsiz yiliga 50 ming AQSH dollarigacha mablagʻni chet elga oʻtkazishga ruxsat beriladi.

5. Charm-poyabzal va moʻynachilik sohalarida kadrlar tayyorlash mexanizmlarini yanada takomillashtirish maqsadida shunday tartib oʻrnatilsinki, unga muvofiq:

yuqori malakali tikuvchi, bichuvchi va kosiblarni tayyorlashda “usta-shogird” anʼanasi asosida korxonaning tajribali xodimlariga biriktirilgan shogirdlar uchun dastlabki uch oy mobaynida Aholini tadbirkorlikka jalb qilish jamgʻarmasi mablagʻlari hisobidan bazaviy hisoblash miqdorining 4 baravari miqdorida subsidiyalar ajratiladi;

mazkur subsidiyaning 50 foiz qismi ustaning ish haqiga ustama sifatida beriladi va qolgan qismi zarur xom ashyolar sotib olish uchun maqsadli sarflanadi;

ilmiy-amaliy va innovatsion tadqiqotlar olib borish uchun oliy taʼlim muassasalari “taʼlim-fan-ishlab chiqarish” tamoyili asosida hududlarga 2-ilovaga muvofiq biriktiriladi;

mazkur oliy taʼlim muassasalari tomonidan biriktirilgan hududlarda kollej va texnikumlarga sohaga kadrlar tayyorlash va qayta tayyorlash boʻyicha oʻquv-metodik yordam koʻrsatiladi;

“Oʻzcharmsanoat” uyushmasi biriktirilgan hududlarda taʼlim muassasalari bilan soha korxonalarining oʻzaro uzviy hamkorligini taʼminlash, shu jumladan talabalarga ishlab chiqarishning texnologik jarayonlarini oʻrgatish hamda yuqori kurs talabalarini ish haqi toʻlanadigan tizim orqali band qilish choralari koʻriladi.

6. Investitsiyalar, sanoat va savdo vazirligi, Tashqi ishlar vazirligi, “Oʻzcharmsanoat” uyushmasi va hududlarga biriktirilgan oliy taʼlim muassasalari 2024/2025 oʻquv yilidan Italiya, Turkiya, Germaniya va boshqa davlatlarning oliy taʼlim muassasalari bilan hamkorlikda charm-poyabzal va moʻynachilik sohasida talab yuqori boʻlgan mutaxassislarni (muhandis, texnolog, dizayner, marketolog) tayyorlash boʻyicha qoʻshma taʼlim dasturlari joriy etilishini taʼminlasin.

7. “Oʻzcharmsanoat” uyushmasining Italiyaning poyabzal va charm uskunalari ishlab chiqaruvchi milliy uyushmasining (ASSOMAC) grant mablagʻlarini jalb qilgan holda Toshkent shahridagi Turin politexnika universitetida 2024/2025 oʻquv yilidan boshlab xalqaro tajriba asosida charm-poyabzal va moʻynachilik mahsulotlarining sinov laboratoriyalarini tashkil etish boʻyicha taklifi maʼqullansin.

8. 2024 — 2026-yillarda charm-poyabzal sanoatini yanada rivojlantirish va xorijiy brendlar bilan hamkorlik oʻrnatish dasturi 3-ilovaga muvofiq tasdiqlansin.

9. Oʻzbekiston Respublikasi Prezidentining ayrim qarorlariga 4-ilovaga muvofiq qoʻshimchalar va oʻzgartirish kiritilsin.

10. Investitsiyalar, sanoat va savdo vazirligi Iqtisodiyot va moliya vazirligi hamda manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

11. Mazkur qarorning ijrosini samarali tashkil qilish, qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 11-oktabr,

PQ-331-son

Oʻzbekiston Respublikasi Prezidentining 2023-yil 11-oktabrdagi PQ-331-son qaroriga 1-ILOVA

Aholidan terini yigʻib olish va tayyorlash punktlari tashkil etiladigan

TUMANLAR ROʻYXATI

T/r Hududlar nomi Tumanlar nomi Xom ashyo hosil boʻlishi (ming dona) 1. Qoraqalpogʻiston Respublikasi Taxtakoʻpir tumani 65,1 Qoʻngʻirot tumani 52,5 2. Andijon viloyati Qoʻrgʻontepa tumani 80,0 Ulugʻnor tumani 32,9 3. Buxoro viloyati Romitan tumani 150,3 Buxoro tumani 131,6 4. Jizzax viloyati Zarbdor tumani 65,4 Sharof Rashidov tumani 115,4 5. Qashqadaryo viloyati Nishon tumani 147,8 Koson tumani 241,3 6. Navoiy viloyati Qiziltepa tumani 171,8 Navbahor tumani 152,6 7. Namangan viloyati Kosonsoy tumani 53,6 Pop tumani 83,6 8. Samarqand viloyati Kattaqoʻrgʻon tumani 128,0 Bulungʻur tumani 101,6 9. Surxondaryo viloyati Jarqoʻrgʻon tumani 152,6 Muzrabot tumani 55,9 10. Sirdaryo viloyati Sardoba tumani 31,3 11. Toshkent viloyati Ohangaron tumani 164,9 Quyi Chirchiq tumani 32,4 12. Fargʻona viloyati Oʻzbekiston tumani 55,8 Furqat tumani 43,0 13. Xorazm viloyati Urganch tumani 67,7 Shovot tumani 52,2

Oʻzbekiston Respublikasi Prezidentining 2023-yil 11-oktabrdagi PQ-331-son qaroriga 2-ILOVA

Charm-poyabzal va moʻynachilik sohalarida “taʼlim-fan-ishlab chiqarish” tamoyili asosida hududlarga biriktiriladigan oliy taʼlim muassasalar

ROʻYXATI

T/r Oliy taʼlim muassasasi Tayyorlanadigan mutaxassislar soni Hududlar kunduzgi sirtqi 1. Toshkent toʻqimachilik va yengil sanoat instituti 200 150 Toshkent shahri, Toshkent viloyati, Sirdaryo viloyati 2. Fargʻona politexnika instituti 50 50 Fargʻona viloyati, Andijon viloyati 3. Namangan toʻqimachilik sanoati instituti 75 25 Namangan viloyati 4. Jizzax politexnika instituti 50 25 Jizzax viloyati, Samarqand viloyati, Qashqadaryo viloyati, Surxondaryo viloyati 5. Buxoro muhandislik-texnologiya instituti 125 50 Buxoro viloyati, Navoiy viloyati, Xorazm viloyati, Qoraqalpogʻiston Respublikasi

Oʻzbekiston Respublikasi Prezidentining 2023-yil 11-oktabrdagi PQ-331-son qaroriga 3-ILOVA

2024 — 2026-yillarda charm-poyabzal sanoatini yanada rivojlantirish va xorijiy brendlar bilan hamkorlik oʻrnatish

DASTURI

T/rVazifaAmaliy chora-tadbirIjro muddatiMasʼul ijrochilar1.“Xom ashyodan tayyor mahsulotgacha” tamoyili asosida Xom ashyoni chuqur qayta ishlash boʻyicha klaster loyihalarini amalga oshirish.1. Klaster loyihalarini amalga oshirish boʻyicha mahalliy va xorijiy investorlar bilan muzokaralar oʻtkazish.2024-yil yanvarInvestitsiyalar, sanoat va savdo vazirligi,Veterinariya va chorvachilikni rivojlantirish qoʻmitasi,“Oʻzcharmsanoat” uyushmasi,Qoraqalpogʻiston Respublikasi Vazirlar Kengashi va viloyatlar hokimliklari2. Mahalliy hokimliklar bilan klaster loyihalarini amalga oshirish hududlarini aniqlash.2024-yil mart3. Loyihani amalga oshirish jarayonlarini doimiy monitoring qilib borish va ularni belgilangan muddatlarda ishga tushirishni taʼminlash.2023 — 2025 yillar2.Charm mahsulotidan poyabzal va charm-attorlik tayyor mahsulotlari, shuningdek, import oʻrnini bosuvchi mahsulotlar ishlab chiqarishdagi mavjud boʻshliqlarni toʻldirish.1. Hududlarning Xom ashyo bazasini va ishlab chiqarishdagi mavjud boʻshliqlarini tahlil qilish.2024-yil yanvarInvestitsiyalar, sanoat va savdo vazirligi, “Oʻzcharmsanoat” uyushmasi,Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Tahlil asosida ishlab chiqarishdagi mavjud boʻshliqlarni toʻldirishga qaratilgan tarmoq investitsiya dasturini shakllantirish.2024-yil fevral3. Tarmoq investitsiya dasturini amalga oshirish choralarini koʻrish.2024 — 2026-yillar3.Ishlab chiqarish korxonalar quvvatlaridan foydalanish darajasini oshirish.1. Ishlab chiqarish korxonalarining quvvatlaridan foydalanish darajasini toʻliq tahlildan oʻtkazish.2023-yil dekabrInvestitsiyalar, sanoat va savdo vazirligi, “Oʻzcharmsanoat” uyushmasi,Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Korxonalarni energiya tejamkor va innovatsion texnologiyalar asosida modernizatsiya qilish dasturini ishlab chiqish.2024-yil mart3. Dasturni amalga oshirishning moliyalashtirish manbalarini aniqlash va uni amalga oshirish choralarini koʻrish.2024-yil aprel4.Taniqli xorijiy brendlar bilan ishlab chiqarish va yetkazib berish zanjirlariga qoʻshilishga qaratilgan chora-tadbirlarni amalga oshirish orqali 30 dan ortiq nufuzli xorijiy brendlarni jalb qilish hisobiga qoʻshilgan qiymatni 5 barobarga oshirish.1. Uyushma va soha korxonalari vakillarini Xitoyga safarini tashkil qilish va “Li-Ning”, “Anta Sports Products”, “Peak Sport Products” va “Xtep” kompaniyalari bilan brend mahsulotlarni “autsorsing” va “franchayzing” asosida ishlab chiqarish masalasini muhokama qilish.2024-yil martInvestitsiyalar, sanoat va savdo vazirligi, Tashqi ishlar vazirligi, Xorijiy investitsiyalarni jalb etish agentligi, “Oʻzcharmsanoat” uyushmasi,Oʻzbekistonning xorijiy davlatlardagi elchixonalari2. Italiya, Portugaliya va Ispaniya davlatlariga Uyushmaning biznes-missiyasini tashkil etish hamda bu tashrifda “APIC”, “APICCAPS”, “COTANCE”, “Inpelsa” va “ACEXPIEL” kabi yirik tashkilot va kompaniyalar bilan muzokaralar oʻtkazib Oʻzbekistondan charm mahsulotlari eksportini amalga oshirish choralarini koʻrish.2024-yil iyun3. “Adidas” (Germaniya), “Berkemann” (Germaniya), “Kari” (Rossiya), “Geox” (Italiya) va boshqa yirik poyabzal brendlari bilan muzokaralar oʻtkazish va soha korxonalariga buyurtmalar qabul qilish masalalarini muhokama qilish.2024-yil iyun5.Korxonalarda xalqaro tajriba asosida sifat nazorati va sifat menejmenti tizimining xalqaro standartini (ISO: 9001, ISO: 14001, ISO: 45001) joriy qilish.1. Xorijiy konsultantlar bilan hamkorlikda korxonalarda xalqaro tajriba asosida sifat nazorati tizimlarini joriy qilish choralarini koʻrish.2024-yil fevralInvestitsiyalar, sanoat va savdo vazirligi, Oʻzbekiston texnik jihatdan tartibga solish agentligi,“Oʻzcharmsanoat” uyushmasi2. Eksportchi korxonalarda sifat menejmenti tizimining xalqaro standartini joriy qilish darajasini 80 foizga yetkazish choralarini koʻrish.2025-yil yanvar6.Sport, mebel, mashinasozlik va boshqa sohalarda ishlatiladigan sifatli tabiiy va sunʼiy charm mahsulotlari ishlab chiqarishni kengaytirish.1. Tabiiy va sunʼiy charm mahsulotlari ishlab chiqarishni tashkil qilish uchun loyihalarni amalga oshirish boʻyicha mahalliy va xorijiy investorlar bilan muzokaralar oʻtkazish.2024-yil martInvestitsiyalar, sanoat va savdo vazirligi, “Oʻzcharmsanoat” uyushmasi,Qoraqalpogʻiston Respublikasi Vazirlar Kengashi va viloyatlar hokimliklari2. Loyihalarni moliyalashtirish manbalarini aniqlash va uni amalga oshirish choralarini koʻrish.2024-yil aprel7.Charm mahsulotlari ishlab chiqaruvchi korxonalarda kimyoviy va biologik tozalash inshootlarini tashkil qilish.1. Charm ishlab chiqarishda ekologik normalar va ishlab chiqarishning tabiatga taʼsiri masalalarida korxonalarda xalqaro standartlarni joriy qilish boʻyicha Leather Working Group (LWG), Sustainable Leather Foundation (SLF) xalqaro tashkilotlari bilan muzokaralar oʻtkazish.2024-yil martInvestitsiyalar, sanoat va savdo vazirligi, “Oʻzcharmsanoat” uyushmasi,Charm mahsulotlari ishlab chiqaruvchi korxonalar2. Charm mahsulotlari ishlab chiqaruvchi korxonalarda xalqaro talablar asosida kimyoviy va biologik tozalash inshootlarini tashkil qilish choralarini koʻrish.2025-yil yanvar8.Tayyor charm-poyabzal mahsulotlari ishlab chiqaruvchi mahalliy korxonalarning charm-poyabzalni yirik import qiluvchi davlatlardagi koʻrgazma va yarmarkalarda ishtirok etishini tashkil qilish.Xorijiy davlatlarda (AQSH, Germaniya, Yaponiya, Fransiya, Buyuk Britaniya, Italiya, Niderlandiya, Ispaniya, Belgiya va Rossiya Federatsiyasi kabi) oʻtkaziladigan koʻrgazma hamda yarmarkalarda mahalliy ishlab chiqaruvchi korxonalarning tayyor charm-poyabzal mahsulotlari bilan ishtirok etishini tashkil qilish.Har yili koʻrgazma va yarmarkaning oʻtkazilishi sanasidan kelib chiqibInvestitsiyalar, sanoat va savdo vazirligi, Tashqi ishlar vazirligi, “Oʻzcharmsanoat” uyushmasi9.“UzCharmExpo” xalqaro charm, poyabzal va moʻyna koʻrgazma-yarmarkasi koʻlamini yanada kengaytirish.“UzCharmExpo” xalqaro charm, poyabzal va moʻyna koʻrgazma-yarmarkasi koʻlamini kengaytirish va xorijiy ishtirokchilarni yanada keng jalb qilish maqsadida koʻrgazmani charm-poyabzal yoʻnalishida tajribali xorijiy tashkilotchilar bilan birga tashkil etib borish choralarini koʻrish.Har yili bir marotabaInvestitsiyalar, sanoat va savdo vazirligi,Tashqi ishlar vazirligi, Yengil sanoatni rivojlantirish agentligi,“Oʻzcharmsanoat” uyushmasi10.Toshkent viloyatining Ohangaron tumanida tashkil etilgan charm-poyabzal kichik sanoat zonasida terini qayta ishlash korxonalari uchun markazlashgan oqova suv tozalash inshootini qurish.1. Markazlashgan oqova suv tozalash inshootini boshqaradigan yagona korxonani teng ulushlarda taʼsis etish.2024-yil yanvarToshkent viloyati hokimligi,“Oʻzcharmsanoat” uyushmasi,Sanoat zonasida joylashadigan terini qayta ishlash korxonalari2. Markazlashgan oqova suv tozalash inshootini qurish uchun zarur mablagʻlar boʻyicha loyiha-smeta hujjatlarini ishlab chiqish va ekspertizadan oʻtkazish.2024-yil aprel3. Loyiha-smeta hujjatlariga muvofiq va ushbu yagona korxona taʼsischilarining kafilligi asosida respublika budjetidan 10 yil muddatga 50 milliard soʻmgacha ssuda ajratish.Loyiha-smeta hujjatlarida koʻrsatilgan muddatlardaIqtisodiyot va moliya vazirligi4. Mablagʻlar ajratilganidan soʻng kichik sanoat zonasida markazlashgan oqova suv tozalash inshootini qurish ishlarini tashkil qilish.Loyiha-smeta hujjatlarida koʻrsatilgan muddatlardaLoyiha tashabbuskorlari tomonidan tashkil etilgan xoʻjalik yurituvchi subyekt11.Respublika hududlaridagi 16 ta charm-poyabzal kichik sanoat zonalari faoliyati toʻliq yoʻlga qoʻyilishini taʼminlash.1. Zarur hollarda yer maydonlarining toifasini oʻzgartirish boʻyicha Vazirlar Mahkamasining 2023-yil 30-maydagi 222-son qarori talablariga muvofiq tegishli hujjatlarni tayyorlab, Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga kiritish.2023-yil dekabrQoraqalpogʻiston Respublikasi Vazirlar Kengashi, Andijon, Buxoro, Jizzax, Qashqadaryo, Namangan, Samarqand, Surxondaryo, Fargʻona, Xorazm va Toshkent viloyatlari hokimliklari, Kadastr agentligi2. Xalq deputatlari mahalliy kengashlarining qarorini qabul qilish choralarini koʻrish (zarur hollarda yer toifasini oʻzgartirish boʻyicha tegishli qaror qabul qilinganidan soʻng).10 kun muddatda3. Xalq deputatlari mahalliy kengashlarining qarori qabul qilinganidan soʻng sanoat zonasida yerlar belgilangan tartibda auksion savdolariga chiqarilishini taʼminlash.15 kun muddatda12.Toshkent viloyatida charm mahsulotlarini ishlab chiqarishga ixtisoslashgan kichik sanoat zonasini kengaytirish.Toshkent viloyatining Ohangaron tumanida tashkil etilgan charm-poyabzal kichik sanoat zonasini kengaytirish boʻyicha tegishli taklif ishlab chiqish va belgilangan tartibda Vazirlar Mahkamasiga kiritish.2024-yil fevralToshkent viloyati hokimligi, Investitsiyalar, sanoat va savdo vazirligi13.Soha korxonalarining davlat va korporativ xaridlardagi ishtirokini kengaytirish orqali qoʻllab-quvvatlash.Davlat buyurtmachilariga yetkazib berilayotgan goʻsht avtomatlashtirilgan majmualar bilan jihozlangan soʻyish korxonalarida soʻyilganligi va “Veterinariya-sanitariya jihatidan xavfsizligi kafolatlangan soʻyilgan hayvon goʻshtlarining yagona elektron maʼlumotlar bazasi axborot tizimi”da roʻyxatdan oʻtkazilganligini tasdiqlovchi maʼlumotlar va hujjatlar (QR-kod) asosida isteʼmolga qabul qilish tartibini joriy qilish.2024-yil yanvarIqtisodiyot va moliya vazirligi,Veterinariya va chorvachilikni rivojlantirish qoʻmitasi,“Oʻzcharmsanoat” uyushmasi14.Ishlab chiqarishga yangi innovatsion texnologiyalarni joriy qilishni kengaytirish va ishlab chiqarish samaradorligini oshirish.1. Ishlab chiqarishda avtomatlashgan va robotlashgan texnologiyalarni qoʻllashni kengaytirish choralarini koʻrish.2. Poyabzal detallari, stelkalari va tag qismlarini ishlab chiqarishda 3D-chop etish texnologiyalarini qoʻllash boʻyicha yetakchi kompaniyalar tajribasini oʻrganish va amaliyotga joriy qilish choralarini koʻrish.2025-yil yanvar“Oʻzcharmsanoat” uyushmasi, Investitsiyalar, sanoat va savdo vazirligi, soha korxonalari15.Xalqaro tajriba asosida mutaxassislar tayyorlash va qayta tayyorlash.Toshkent toʻqimachilik va yengil sanoat instituti, Buxoro muhandislik-texnologiya instituti, Jizzax politexnika instituti, Namangan toʻqimachilik sanoati instituti, Fargʻona politexnika instituti talabalarini xorijiy davlatlar, shu jumladan Fransiya (ITECH), Ispaniya (UdL), Turkiya (EGE) oliy taʼlim muassasalari tajribasi asosida moda, dizayn, texnologiya, standartlashtirish, innovatsiyalar, marketing va menejment yoʻnalishlarida oʻqitish hamda soha korxonalari mutaxassislarining malakasini oshirish kurslarini tashkil etish.2025-yil yanvarInvestitsiyalar, sanoat va savdo vazirligi,Oliy taʼlim, fan va innovatsiyalar vazirligi,Oʻzbekistonning xorijiy davlatlardagi elchixonalari,“Oʻzcharmsanoat” uyushmasi16.2023 — 2025-yillarda charm-poyabzal va moʻynachilik sohalarida yuqori qoʻshilgan qiymatli, import oʻrnini bosuvchi tayyor mahsulotlar ishlab chiqarish boʻyicha umumiy qiymati 1,0 mlrd AQSH dollariga teng 769 ta investitsiya loyihalarini amalga oshirish.1. 2023 — 2025-yillarda charm-poyabzal va moʻynachilik sohalarida amalga oshiriladigan investitsiya loyihalarining manzilli roʻyxatini tasdiqlasin.2023-yil noyabrInvestitsiyalar, sanoat va savdo vazirligi, Qoraqalpogʻiston Respublikasi Vazirlar Kengashi, viloyatlarva Toshkent shahar hokimliklari“Oʻzcharmsanoat” uyushmasi2. Investitsiya loyihalarining oʻz vaqtida amalga oshirilishini va tizimli monitoring olib borilishini taʼminlash.2023 — 2025 yy.3. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev) “Oʻzcharmsanoat” uyushmasi taklifiga asosan mazkur dasturdagi loyihalar roʻyxatiga oʻzgartirishlar va qoʻshimchalar kiritilishi mumkin.2023 — 2025 yy.17.Charm-poyabzal mahsulotlarini onlayn-savdo platformalari orqali eksport qilishni kengaytirish.Yirik onlayn-savdo platformalari hamda multi-brend onlayn doʻkonlar vakillari bilan muzokaralar oʻtkazish va ular ishtirokida soha korxonalari uchun onlayn-plaftormalardan foydalanish, mahsulotlarni onlayn reklama qilish koʻnikmalarini oshirish boʻyicha tadbirlar oʻtkazish.Doimiy ravishdaInvestitsiyalar, sanoat va savdo vazirligi,Tashqi ishlar vazirligi,“Oʻzcharmsanoat” uyushmasi18.“Oʻzcharmsanoat” uyushmasi veb-saytini takomillashtirish va mahalliy ishlab chiqaruvchi korxonalarning mahsulotlaridan iborat sifatli onlayn koʻrgazma yaratish.1. Sifatli onlayn koʻrgazma yaratish va mahalliy ishlab chiqaruvchilar hamda sohadagi xorijiy birlashma va korxonalar orasida keng targʻib qilish.2024-yil yanvar“Oʻzcharmsanoat” uyushmasi2. Mahalliy ishlab chiqaruvchi korxonalarning mahsulotlarini onlayn koʻrgazmaga yuklab borish.Doimiy ravishda3. “Oʻzcharmsanoat” uyushmasi veb-saytiga sohada faoliyat koʻrsatayotgan korxonalar toʻgʻrisida maʼlumotlarni joylashtirib va yangilab borish.Doimiy ravishda19.Korxonalar bilan onlayn muloqotni yoʻlga qoʻyish orqali muammoli masalalarni hal qilish va yangi tashabbuslarni shakllantirish.1. Internet tarmogʻida soha korxonalari uchun (telegram, veb-sayt va boshqa) onlayn muloqot platformalarini tashkil qilish.2023-yil noyabr“Oʻzcharmsanoat” uyushmasi2. Onlayn platformalarda muntazam ravishda turli (ishlab chiqarishni modernizatsiya qilish va ishlab chiqarish quvvatlarini oshirish, investitsiya loyihalarini amalga oshirish, eksport hajmlarini oshirish, kadrlar tayyorlash, tartibga solishdagi va maʼmuriy toʻsiqlarni aniqlash va boshqa dolzarb mavzularda) soʻrovlar oʻtkazib borish.Doimiy ravishda3. Soʻrov natijalarini chuqur tahlil qilish va yangi tashabbuslarni shakllantirish.Doimiy ravishda

Oʻzbekiston Respublikasi Prezidentining 2023-yil 11-oktabrdagi PQ-331-son qaroriga 4-ILOVA

Oʻzbekiston Respublikasi Prezidentining ayrim qarorlariga kiritilayotgan qoʻshimchalar va oʻzgartirish

1. Oʻzbekiston Respublikasi Prezidentining 2020-yil 8-iyundagi “Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida”gi PQ-4742-son qaroriga ilova quyidagi mazmundagi 81 va 82-bandlar bilan toʻldirilsin:

“81. Teri xom ashyosini yigʻish va tayyorlash.

82. Junni yigʻish va tayyorlash”.

2. Oʻzbekiston Respublikasi Prezidentining 2021-yil 20-dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi PQ-55-son qarori 1-bandining “b” kichik bandi quyidagi mazmundagi xatboshi bilan toʻldirilsin:

“charm-attorlik mahsulotlari, charmdan tayyor kiyimlar, oyoq kiyimlari, sport inventarlari, shuningdek furnitura, aksessuarlar va moʻynachilik mahsulotlari ishlab chiqarish ehtiyojlari uchun asbob-uskuna, ehtiyot qismlar va xom ashyo materiallarini xarid qilish uchun — 1 yilgacha imtiyozli davr bilan 5 yilgacha muddatga ajratiladi”.

3. Oʻzbekiston Respublikasi Prezidentining 2022-yil 26-fevraldagi “Charm-poyabzal va moʻynachilik sohalarida tayyor mahsulot ishlab chiqarishni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-143-son qarori 4-bandining uchinchi xatboshisidagi “2022-yil” soʻzlari “2022 — 2025-yillar” soʻzlari bilan almashtirilsin.