Yangi Oʻzbekiston maʼmuriy islohotlarini amalga oshirish doirasida respublika davlat boshqaruvi organlari qayta tashkil etilganligi munosabati bilan Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi faoliyatini tashkil etish toʻgʻrisida” 2021-yil 30-martdagi 170-son qaroriga oʻzgartirishlar kiritish haqida (532-son)
09.10.2023
Oʻzbekiston Respublikasi Vazirlar Mahkamasining
qarori
“Navoiy kon-metallurgiya kombinati jamgʻarmasi” davlat muassasasi Vasiylik kengashi faoliyatini samarali tashkil etish orqali “Navoiyuran” davlat korxonasi va “Navoiy kon-metallurgiya kombinati” aksiyadorlik jamiyati ishchi-xodimlari va ularning oila aʼzolari uchun madaniy-koʻngilochar va maʼnaviy-maʼrifiy tadbirlarni oʻtkazish, ularning jismoniy tarbiya va sport bilan shugʻullanishiga qoʻshimcha shart-sharoitlar yaratish maqsadida Vazirlar Mahkamasi qaror qiladi:
1. Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi faoliyatini tashkil etish toʻgʻrisida” 2021-yil 30-martdagi 170-son qaroriga ilovaga muvofiq quyidagilarni nazarda tutuvchi oʻzgartirishlar kiritilsin:
Oʻzbekiston Respublikasi Prezidentining 2023-yil 25-yanvardagi PF-14-son Farmoniga muvofiq vazirliklar, qoʻmitalar, agentliklar va inspeksiyalarning yagona roʻyxati tasdiqlanganligi munosabati bilan qonunchilik hujjatlarini muvofiqlashtirish;
“Navoiy kon-metallurgiya kombinati jamgʻarmasi” davlat muassasasi Vasiylik kengashi tarkibini tasdiqlash.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 9-oktabr,
532-son
Vazirlar Mahkamasining 2023-yil 9-oktabrdagi 532-son qaroriga ILOVA
Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi faoliyatini tashkil etish toʻgʻrisida” 2021-yil 30-martdagi 170-son qaroriga kiritilayotgan oʻzgartirishlar
1. 19-banddagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin.
2. 1-ilovaning 295 — 300 pozitsiyalari “Qabul qilib oluvchi tashkilot” ustunidagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin.
3. 3-ilovaning matni quyidagi tahrirda bayon etilsin:
“Vazirlar Mahkamasining 2021-yil 30-martdagi 170-son qaroriga 3-ILOVA
“Navoiy kon-metallurgiya kombinati jamgʻarmasi” davlat muassasasi Vasiylik kengashining
ROʻYXATI
I.I. Norqulov — iqtisodiyot va moliya vazirining birinchi oʻrinbosari, Vasiylik kengashi raisi A.A. Haydarov — iqtisodiyot va moliya vaziri oʻrinbosari, Vasiylik kengashi raisi oʻrinbosari J.S. Fayzullayev — togʻ-kon sanoati va geologiya vaziri oʻrinbosari — “Navoiyuran” DK bosh direktori X.X. Meliyev — adliya vaziri oʻrinbosari A.E. Miraliyev — Davlat aktivlarini boshqarish agentligi direktori oʻrinbosari Q.S. Sanaqulov — “Navoiy KMK” AJ bosh direktori
Izoh. Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi”.