Oʻzbekiston Respublikasi Qurolli kuchlari uchun texnik mutaxassislar tayyorlash toʻgʻrisida (430-son)

23.08.1994

Oʻzbekiston Respublikasi Vazirlar Mahkamasining

qarori

“Umumiy harbiy majburiyat va harbiy xizmat toʻgʻrisida” Oʻzbekiston Respublikasi Qonuniga muvofiq va Qurolli Kuchlarni texnik ixtisosliklarni egallagan harbiy xizmatga majbur shaxslar bilan taʼminlash zaruriyatiga koʻra Vazirlar Mahkamasi qaror qiladi:

1. Oʻzbekiston Respublikasi Mudofaa vazirligining 1994-1995 oʻquv yilida Oʻzbekiston Respublikasi mudofaasiga koʻmaklashuvchi “Vatanparvar” tashkiloti maktablarida va Oʻzbekiston Respublikasi Xalq taʼlimi vazirligining hunar-texnika oʻquv yurtlarida Qurolli Kuchlar uchun umumiy soni 10110 kishi boʻlgan mutaxassislar tayyorlash toʻgʻrisidagi taklifi qabul qilinsin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mutaxassislarni sifatli tayyorlash uchun tegishli shart-sharoitlar yaratishda zarur yordam koʻrsatsinlar hamda Oʻzbekiston Respublikasi mudofaasiga koʻmaklashuvchi “Vatanparvar” tashkiloti va Xalq taʼlimi vazirligining oʻquv yurtlari moddiy bazasini zarur darajada rivojlantirishni taʼminlasinlar.

3. Oʻzbekiston Respublikasi Moliya vazirligi Oʻzbekiston Respublikasi Qurolli Kuchlari uchun texnik mutaxassislar tayyorlash rejasi oshirilganligi munosabati bilan 1994-yil oktyabr oyidan boshlab zarur mablagʻlarni topsin.

4. “Oʻzulgurjibirjasavdo” uyushmasi, “Oʻzdavneftmahsulot” birlashmasi va respublikaning boshqa taʼminot-sotish tashkilotlari Qurolli Kuchlar uchun mutaxassislar tayyorlash rejasiga muvofiq Oʻzbekiston Respublikasi mudofaasiga koʻmaklashuvchi “Vatanparvar” tashkiloti va Xalq taʼlimi vazirligining moddiy-texnika resurslari boʻyicha buyurtmalari belgilangan tartibda bajarilishini nazarda tutsinlar.

Vazirlar Mahkamasining Raisi I. KARIMOV

Toshkent sh.,

1994-yil 23-avgust,

430-son