Oziq-ovqat mahsulotlarining yaroqlilik muddati, ularni saqlash va tashishga qoʻyiladigan gigiyenik talablarni (0054-23-son SanQvaN) tasdiqlash toʻgʻrisida (19-son)

09.08.2023

OʻZBEKISTON RESPUBLIKASI SOGʻLIQNI SAQLASH VAZIRLIGI HUZURIDAGI SANITARIYA-EPIDEMIOLOGIK OSOYISHTALIK VA JAMOAT SALOMATLIGI QOʻMITASINING

QARORI

[Oʻzbekiston Respublikasi Adliya vazirligi tomonidan 2023-yil 18-sentabrda hisobga olindi, hisob raqami 211]

Oʻzbekiston Respublikasining “Aholining sanitariya-epidemiologik osoyishtaligi toʻgʻrisida”gi Qonuni va Oʻzbekiston Respublikasi Prezidentining “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida” 2020-yil 25-iyuldagi PF-6035-son Farmoniga muvofiq, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi qaror qiladi:

1. Oziq-ovqat mahsulotlarining yaroqlilik muddati, ularni saqlash va tashishga qoʻyiladigan gigiyenik talablar (0054-23-son SanQvaN) ilovaga muvofiq tasdiqlansin.

2. Oziq-ovqat mahsulotlarining yaroqlilik muddati va saqlash shartlariga gigiyenik talablar (0265-09-son SanQvaN) oʻz kuchini yoʻqotgan deb topilsin.

3. Mazkur qaror Oʻzbekiston Respublikasi Savdo-sanoat palatasi va Oʻzbekiston Respublikasi Investitsiyalar, sanoat va savdo vazirligi huzuridagi Oʻzbekiston texnik jihatdan tartibga solish agentligi bilan kelishilgan.

4. Mazkur qaror rasmiy eʼlon qilingan kundan eʼtiboran kuchga kiradi.

Sanitariya-epidemiologik osoyishtalik va jamoat salomatligi qoʻmitasi raisi B. YUSUPALIYEV

Toshkent sh.,

2023-yil 9-avgust,

19-son

Kelishildi:

Oʻzbekiston Savdo-sanoat palatasi Raisi D. VAXABOV

2023-yil 17-iyul

Oʻzbekiston texnik jihatdan tartibga solish agentligi bosh direktori D. SATTAROV

2023-yil 2-avgust

Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining 2023-yil 9-avgustdagi 19-son qaroriga ILOVA

Oziq-ovqat mahsulotlarining yaroqlilik muddati, ularni saqlash va tashishga qoʻyiladigan gigiyenik talablar (0054-23-son SanQvaN)

Mazkur sanitariya qoidalari, normalari va gigiyena normativlari (bundan buyon matnda sanitariya qoidalari deb yuritiladi) oziq-ovqat mahsulotlarining yaroqlilik muddati, ularni saqlash va tashishga qoʻyiladigan gigiyenik talablarni belgilaydi.

Mazkur sanitariya qoidalari Jahon sogʻliqni saqlash tashkiloti va Birlashgan Millatlar Tashkiloti Oziq-ovqat va qishloq xoʻjaligi tashkilotining (FAO) Xalqaro komissiyasi tomonidan qabul qilingan Kodeks Alimentarius xalqaro oziq-ovqat standartlari toʻplami (bundan buyon matnda Kodeks Alimentarius deb yuritiladi) talablari asosida ishlab chiqilgan.

Ushbu sanitariya qoidalari idishlarda qadoqlangan ichimlik va mineral suvlar, bakterial achitqilar va biologik faol oziq-ovqat qoʻshimchalariga nisbatan tatbiq etilmaydi.

1-bob. Umumiy qoidalar

1. Mazkur sanitariya qoidalarida quyidagi tushunchalardan foydalaniladi:

oziq-ovqat mahsulotining yaroqlilik muddati (foydalanish muddati) — bu muddat davomida oziq-ovqat mahsulotini saqlash, tashish, realizatsiya qilish chogʻida xavfsizlik normalari va qoidalari talablariga rioya etilgan taqdirda u foydalanishga yaroqli boʻlib turadi, bu muddat tamom boʻlganidan keyin esa mahsulot odamlar hayoti va salomatligi uchun xavfli boʻlib qolishi mumkin;

oziq-ovqat mahsulotlarini saqlash shart-sharoitlari — oziq-ovqat mahsulotlariga xos boʻlgan organoleptik, fizik-kimyoviy xususiyatlar va xavfsizlik koʻrsatkichlarini taʼminlash uchun zarur boʻlgan optimal atrof-muhit parametrlari (harorat, atrof-muhit namligi, yorugʻlik sharoitlari va boshqalar) va ishlov berish (zararkunandalar, hasharotlar, kemiruvchilar tomonidan zararlanishning oldini olish choralari, qadoqning butunligini saqlash choralari va boshqalar) qoidalari;

tez buziladigan oziq-ovqat mahsulotlari — sifati va xavfsizligini taʼminlash uchun maxsus harorat va (yoki) boshqa tartib va qoidalar talab qiladigan, mazkur qoidalarga rioya etmaslik isteʼmolchilarning sogʻligʻiga jiddiy zarar yetkazadigan mahsulotlar boʻlib, ularga:

qayta ishlangan goʻsht, parranda goʻshti, tuxum, sut, baliq va baliq hisoblanmaydigan dengiz mahsulotlari;

tarkibidagi namlikning umumiy ulushi 13 foizdan ortiq boʻlgan qandolat mahsulotlari;

kremlar va yarim tayyor mahsulotlar, sabzavotlarni qayta ishlashdan olingan mahsulotlar;

yogʻli, shuningdek tarkibida yogʻ boʻlgan mahsulotlar (mayonez, margarin);

tayyor taomlar, ichimliklar va barcha turdagi konservalar;

termik fermentlangan va sterillangan sut mahsulotlari;

xavf — oziq-ovqat mahsulotida mavjud boʻlgan potensial xavf-xatarlarning (biologik, kimyoviy, fizikaviy va boshqa omillar) isteʼmolchilar hayoti va sogʻligʻiga salbiy taʼsir koʻrsatish ehtimoli.

2. Oziq-ovqat mahsulotlarining yaroqlilik muddati va saqlash shart-sharoitlari kompleks sanitariya-epidemiologiya va laboratoriya tadqiqotlari bilan asoslantirilishi kerak.

3. Ishlab chiqaruvchilar tomonidan konserva mahsulotlari texnologik jarayon asosida sterilizatsiya (pasterizatsiya) qilinishi va yaroqlilik muddati asoslantirilishi kerak.

2-bob. Oziq-ovqat mahsulotlarining yaroqlilik muddatiga qoʻyiladigan gigiyenik talablar

4. Oziq-ovqat mahsulotlarining yaroqlilik muddati uni ishlab chiqarilgan sanasidan boshlanadi va oziq-ovqat mahsulotlaridan foydalanish muddati tugagunga qadar amal qiladi.

5. Oziq-ovqat mahsulotlarining yaroqlilik muddatini oʻzgartirishga yoʻl qoʻyilmaydi.

6. Yaroqlilik muddati uzaytiriladigan oziq-ovqat mahsulotlarini ishlab chiqarish korxonalari (sexlar) quyidagi talablarga mos kelishi shart:

texnik jihatdan tartibga solish sohasidagi normativ hujjatlar talablariga javob beradigan jihozlarning toʻliq toʻplamiga ega boʻlish;

texnologik jarayon davomida oziq-ovqat mahsulotlari xavfsizligini taʼminlash uchun zarur laboratoriya nazoratini tashkil qilish;

veterinariya, sanitariya-gigiyena talablariga javob beradigan xom ashyo bilan taʼminlanish;

oziq-ovqat mahsulotlarini tashish uchun muzlatgichlar, sovutish xonalari va yetarli hajmga ega boʻlgan transport vositalariga (zarur haroratni saqlash sharoitlarini talab qiladigan mahsulotlar boʻlsa) ega boʻlishi.

7. Oziq-ovqat mahsulotlarining yaroqlilik muddatini belgilashda ishlatilgan tarkibiy qismlarning yaroqlilik muddati va saqlash sharoitlarini hisobga olish kerak. Koʻp tarkibli oziq-ovqat mahsulotlarini ishlab chiqarish undagi yakuniy tarkibiy qismning yaroqlilik muddatiga mos kelishi kerak.

8. Tez buziladigan oziq-ovqat mahsulotlarining yaroqlilik muddati oʻtganda va qadogʻi buzilgan taqdirda isteʼmol qilinmaydi.

9. Tez buziladigan oziq-ovqat mahsulotlarining yaroqlilik muddati va saqlash harorati ushbu sanitariya qoidalarining 1-ilovasiga muvofiq belgilanadi.

10. Tez buziluvchi oziq-ovqat mahsulotlarini vakuum, bugʻ-gaz oʻtkazmaydigan plyonkalar va modifikatsiyalangan atmosfera sharoitida qayta vakuumlashga yoʻl qoʻyilmaydi.

3-bob. Oziq-ovqat mahsulotlarini saqlashga qoʻyiladigan gigiyenik talablar

11. Ishlab chiqarish yoki savdo tashkilotining omborida saqlanadigan oziq-ovqat mahsulotlarining miqdori sovutish uskunalari (sovutishni talab qiladigan mahsulotlar uchun) bilan taʼminlanganlik darajasiga yoki mahsulotning butun yaroqlilik muddati davrida saqlash shart-sharoitlarini taʼminlash uchun mavjud saqlash maydoniga qarab aniqlanishi kerak.

12. Tayyor oziq-ovqat mahsulotlari bilan xom ashyo va yarim tayyor mahsulotlarni birgalikda saqlashga yoʻl qoʻyilmaydi.

13. Tez buziladigan oziq-ovqat mahsulotlarini saqlash shart-sharoitlari ularning ozuqaviy qiymati va inson salomatligi uchun xavfsizligini taʼminlashi kerak.

4-bob. Oziq-ovqat mahsulotlarini tashishga qoʻyiladigan gigiyenik talablar

14. Oziq-ovqat mahsulotlarini nooziq-ovqat mahsulotlari bilan birgalikda tashishga yoʻl qoʻyilmaydi.

15. Oziq-ovqat mahsulotlarini tashishda ularning yonma-yon qoʻyilishi qoidalariga rioya etilishi lozim.

16. Sifati va xavfsizligini tasdiqlovchi hujjatlari mavjud boʻlmagan oziq-ovqat mahsulotlarini oziq-ovqat mahsulotlarini saqlash omborlariga yoki savdo va umumiy ovqatlanish korxonalariga yetkazib berish mumkin emas.

17. Tez buziladigan oziq-ovqat mahsulotlari oʻz xususiyatlarini yoʻqotmasligi uchun zarur haroratni taʼminlaydigan sovutgichli yoki izotermik transportlarda (muzlatgichli yuk mashinalari) tashilishi lozim.

18. Tayyor oziq-ovqat mahsulotlarini xom ashyo va yarim tayyor mahsulotlar bilan birgalikda tashishga yoʻl qoʻyilmaydi.

19. Mazkur sanitariya qoidalarini ishlab chiquvchilar roʻyxati ushbu sanitariya qoidalarining 2-ilovasida keltirilgan.

Oziq-ovqat mahsulotlarining yaroqlilik muddati, ularni saqlash va tashishga qoʻyiladigan gigiyenik talablar (0054-23-son SanQvaN)ga 1-ILOVA

Tez buziladigan oziq-ovqat mahsulotlarining yaroqlilik muddati va saqlash harorati

Mahsulot nomiYaroqlilik muddatiSaqlash harorati (°S)Goʻsht va goʻsht mahsulotlari, shuningdek ularga ishlov berish natijasida olingan mahsulotlaryarim tayyor suyaksiz goʻsht mahsulotlari1. Yarim tayyor suyaksiz goʻsht mahsulotlari (bifshteks, langet, qoʻzichoq hamda choʻchqa goʻshtidan tayyorlangan tabiiy kotlet va boshqalar — non qoʻshilmagan);48 soat+2 dan +4 gacha2. Yarim tayyor suyaksiz goʻsht mahsulotlari (qoʻzichoq hamda choʻchqa goʻshtidan tayyorlangan tabiiy kotlet va boshqalar — non qoʻshilgan);36 soat+2 dan +4 gacha3. Yarim tayyor suyaksiz goʻsht mahsulotlari (mol goʻshtidan befstrogan, dimlama, qovurilgan mol goʻshti, kabob, goʻsht assortisi — sous va ziravorlar qoʻshilmagan);36 soat+2 dan +4 gacha4. Yarim tayyor suyaksiz goʻsht mahsulotlari (mol goʻshtidan befstrogan, dimlama, qovurilgan mol goʻshti, kabob, goʻsht assortisi — marinadlangan, sousli va ziravorli);24 soat+2 dan +4 gacha5. Maydalangan yarim tayyor suyaksiz goʻsht mahsulotlari (karam doʻlma, qovoqli goʻshtli dimlama);24 soat+2 dan +4 gacha6. Aralash — kombinatsiyalangan yarim tayyor suyaksiz goʻsht mahsulotlari (goʻsht-kartoshkali, goʻsht-sabzavotli, goʻshtli karam, soya oqsili qoʻshilishgan kotletlar);24 soat+2 dan +4 gacha7. Goʻshtli — qiymali yarim tayyor suyaksiz goʻsht mahsulotlari (kombinatsiyalangan goʻsht);24 soat+2 dan +4 gacha8. Savdo va umumiy ovqatlanish shahobchalaridagi qiyma;12 soat+2 dan +4 gacha9. Yarim tayyor suyaksiz submahsulotlar (jigar, buyrak, til, yurak, miya).24 soat+2 dan +4 gacha10. Goʻshtni qaynatish yordamida tayyorlangan mahsulotlar (ruletlar, press qilingan choʻchqa va mol goʻshti, qoʻzi goʻshti, qazi);72 soat+2 dan +4 gachaParranda goʻshtidan yarim tayyor mahsulotlar11. Parranda goʻshtidan yarim tayyor mahsulotlar (tabaka, parrandaning son, boldir, qanot, koʻkrak qismlari (qovurgʻalari bilan qoʻshilgan) — non qoʻshilmagan, suyakli);48 soat+2 dan +4 gacha12. Parranda goʻshtidan yarim tayyor mahsulotlar (file, parrandaning koʻkrak qismi (qovurgʻalari qoʻshilmagan holda) — non qoʻshilgan, suyaksiz, ziravorli, sousli, tuzlangan);24 soat+2 dan +4 gacha13. Parranda goʻshtidan yarim tayyor mahsulotlar (maydalangan, suyaksiz);18 soat+2 dan +4 gacha14. Parranda goʻshtidan yarim tayyor mahsulot (qiyma);12 soat+2 dan +4 gacha15. Parrandaning submahsulotlari (yurak, buyrak, jigar va oshqozon)24 soat+2 dan +4 gachaGoʻsht va goʻsht mahsulotlaridan tayyorlangan taomlar16. Qaynatilgan goʻsht;24 soat+2 dan +4 gacha17. Qovurilgan goʻsht;24 soat+2 dan +4 gacha18. Palov, chuchvara, manti, paramash, blinchik, piroglar (goʻshtli);24 soat.+2 dan +4 gacha19. Gamburger, chizburger, tayyor sendvich va tayyor pitsalar;24 soat.+2 dan +4 gacha20. Jelelangan shoʻrva, ragu va xolodes;12 soat+2 dan +4 gacha21. Qaynatilgan va qovurilgan goʻsht submahsulotlari (til, yurak, buyrak, miya);24 soat+2 dan +4 gacha22. Jigar va goʻsht pashtetlari;12 soat+2 dan +4 gacha23. Koʻp komponentli mahsulotlar (solyanka, gazaklar);24 soat+2 dan +4 gachaParranda goʻshtidan tayyorlangan taomlar24. Parranda goʻshtini dudlab (qovurib-dudlab, qaynatib-dudlab) tayyorlangan taomlar;72 soat+2 dan +4 gacha25. Parranda goʻshtini qovurib, shuningdek, qaynatib yoki dimlab tayyorlangan taomlar;6 soat+2 dan +4 gacha26. Parranda qiyma goʻshtidan souslar yoki garnir qoʻshib tayyorlangan taomlar12 soat+2 dan +4 gacha27. Parranda goʻshtidan tayyorlangan chuchvara va piroglar24 soat+2 dan +4 gacha28. Parranda goʻshtidan tayyorlangan xolodes, shu jumladan, assorti12 soat+2 dan +4 gacha29. Parranda goʻshti va submahsulotlaridan tayyorlangan pashtetlar24 soat+2 dan +4 gachaKolbasa mahsulotlari30. Qaynatilgan kolbasa:Vakuum yoki modifikatsiyalangan atmosfera qoʻllanmaganda7 — 14 kun0 dan +6 gachaVakuum yoki modifikatsiyalangan atmosfera qoʻllanganda30 kun0 dan +6 gachaVakuum yoki modifikatsiyalangan atmosfera qoʻllanganda60 kun-10 °C31. Xom dudlangan kolbasa:Vakuum yoki modifikatsiyalangan atmosfera qoʻllanganda120 kun0 dan +10 gachaVakuum yoki modifikatsiyalangan atmosfera qoʻllanmaganda180 kun-2 dan — 4 gacha32. Xom dudlangan (quruq) kolbasalar:Vakuum yoki modifikatsiyalangan atmosfera qoʻllanmaganda180 kun0 dan +6 gachaVakuum yoki modifikatsiyalangan atmosfera qoʻllanmaganda270 kun-10 °C gacha33. Yarim dudlangan kolbasalar:Vakuum yoki modifikatsiyalangan atmosfera qoʻllanmaganda15 kun0 dan +6 gachaVakuum yoki modifikatsiyalangan atmosfera qoʻllanganda30 kun0 dan +6 gacha34. Qaynatilgan kolbasa mahsulotlari (sosiskalar, sardelkalar):Vakuum yoki modifikatsiyalangan atmosfera qoʻllanmaganda5 — 10 kun0 dan +6 gachaVakuum yoki modifikatsiyalangan atmosfera qoʻllanganda30 kun0 dan +6 gacha35. Qaynatilgan-dudlangan kolbasalar:Vakuum yoki modifikatsiyalangan atmosfera qoʻllanmaganda30 kun0 dan +6 gachaVakuum yoki modifikatsiyalangan atmosfera qoʻllanganda60 kun0 dan +6 gachaVakuum yoki modifikatsiyalangan atmosfera qoʻllanmaganda120 kun-10 °C gacha36. Qonli, liver kolbasa:Vakuum yoki modifikatsiyalangan atmosfera qoʻllanmaganda48 — 72 soat0 dan +6 gachaVakuum yoki modifikatsiyalangan atmosfera qoʻllanganda3 — 5 kun0 dan +6 gachaBaliq va baliq hisoblanmaydigan dengiz mahsulotlariYarim tayyor baliq va baliq hisoblanmaydigan dengiz mahsulotlari43. Barcha turdagi baliq mahsulotlari (muzlatilgan);48 soat0 — (-2)°S44. Polimerli isteʼmol idishlaridagi baliq pastalari48 soat+2 dan +4 gacha45. Baliq filesi;24 soat0 — (-2)°S46. Boʻlaklangan baliq mahsulotlari;24 soat0 — (+2)°S47. Qiymalangan baliq, un qoʻshib shakl berilgan baliq qiymasi mahsulotlari;24 soat0 — (-2)°S 48. Muzlatilgan tirik qisqichbaqasimonlar, ikki pallali mollyuskalar;12 soat+2 dan +4 gachaIssiqlik bilan ishlov berilgan baliq mahsulotlari49. Qaynatilgan, qisman qaynatilgan, qovurilgan, dimlangan, pishirilgan baliq;36 soat.+2 dan +4 gacha50. Baliq kotletidan tayyorlangan taomlar (kotlet, zraza, shnitsel, frikadelka va chuchvara);24 soat+2 dan +4 gacha51. Barcha turdagi baliqlar, baliq ikrasi va undan tayyorlangan mahsulotlar, issiq dudlangan ruletlar;48 soat+2 dan +4 gacha52. Jelelangan baliq;24 soat+2 dan +4 gachaIssiqlik bilan ishlov berilmagan baliq va baliq hisoblanmaydigan dengiz mahsulotlari53. Tuzlangan baliqdan tayyorlangan mahsulotlar (pashtet, pasta);24 soat+2 dan +4 gacha54. Selyodka, ikra, krill yogʻi va boshqalar;24 soat+2 dan +4 gacha55. Baliq ikrasidan tayyorlangan koʻp komponentli mahsulotlar;12 soat-2 — (+2) °C56. Qaynatilgan qisqichbaqalar;12 soat+2 dan +4 gacha57. Qisqichbaqa tayoqchalari;48 soat+2 dan +4 gachaSut va sut mahsulotlari, pishloqlar58. Isteʼmol idishlaridagi sut, qaymoq, sut zardoblari, pasterizatsiyalangan sut;36 soat+2 dan +4 gacha59. Idishlar va sisternalardagi sut, qaymoq, sut zardoblari, pasterizatsiyalangan sut;36 soat+2 dan +4 gacha60. Qaynatilgan sut;5 kun+2 dan +4 gacha61. Bifidobakteriyalar bilan boyitilgan sut mahsulotlari;72 soat+2 dan +4 gacha62. Qimiz (ot suti);48 soat+2 dan +4 gacha63. Ryajenka;72 soat+2 dan +4 gacha64. Smetana va tarkibida smetana mavjud boʻlgan mahsulotlar;72 soat+2 dan +4 gacha65. Tvorog va tarkibida tvorog mavjud boʻlgan mahsulotlar;72 soat+2 dan +4 gacha66. Issiqlik bilan ishlov berilgan tvorog va tarkibida tvorog mavjud boʻlgan mahsulotlar;5 kun+2 dan +4 gacha67. Pastasimon sut oqsili mahsulotlari;72 soat+2 dan +4 gacha68. Tvorogdan tayyorlangan pishloqli-tvorogli pishiriqlar, piroglar;24 soat+2 dan +4 gacha69. Tvorog pudinglari;48 soat+2 dan +4 gacha70. Uyda tayyorlanadigan pishloq;72 soat+2 dan +4 gacha71. Kremli pishloqlar;5 kun+2 dan +4 gacha72. Pishirilmagan yumshoq va tuzlangan pishloqlar;5 kun+2 dan +4 gacha73. Pishloq yogʻi;48 soat+2 dan +4 gachaBolalar uchun sut mahsulotlari74. Isteʼmol idishlardagi kefir va boshqa sut mahsulotlari;36 soat+2 dan +4 gacha75. Polimer konteynerlaridagi kefir;72 soat+2 dan +4 gacha76. Bolalar uchun tvorog;36 soat+2 dan +4 gacha77. Tvorogli mahsulotlar;24 soat+2 dan +4 gacha78. Shishalardagi sterilizatsiya qilingan sut mahsulotlari (moslashtirilgan sut aralashmalari);48 soat.+2 dan +4 gacha79. Germetik idishlardagi sterilizatsiya qilingan sut mahsulotlari (moslashtirilgan sut aralashmalari);10 soat+2 dan +4 gachaSabzavot mahsulotlari80. Tozalangan va sulfitlangan xom kartoshka;48 soat+2 dan +4 gacha81. Yangi tozalangan karam, rediska;12 soat+2 dan +4 gacha82. Tozalangan xom sabzi, lavlagi, piyoz, petrushka, selderey;24 soat+2 dan +4 gacha83. Tozalangan ukrop, koʻk piyoz;18 soat+2 dan +4 gacha84. Pishirilgan, qaynatilgan yoki qovurilgan sabzavotlar18 soat+2 dan +4 gachaOziq-ovqat mahsulotlari85. Xom sabzavot va mevalardan tayyorlangan salatlar (qoʻshimchalarsiz);18 soat+2 dan +4 gacha86. Xom sabzavot va mevalardan tayyorlangan salatlar (qoʻshimchalar bilan);6 soat+2 dan +4 gacha87. Konservalangan sabzavotlar, tuxum va boshqa xom sabzavotlar qoʻshilgan salatlar (qoʻshimchalarsiz);18 soat+2 dan +4 gacha88. Konservalangan sabzavotlar, tuxum va boshqa xom sabzavotlar qoʻshilgan salatlar (qoʻshimchalar bilan);6 soat+2 dan +4 gacha89. Tuzlangan, marinadlangan sabzavotli salatlar;36 soat+2 dan +4 gacha90. Qaynatilgan sabzavotlardan tayyorlangan salatlar va vinegretlar (qoʻshimchalarsiz);18 soat+2 dan +4 gacha91. Qaynatilgan sabzavotlardan tayyorlangan salatlar va vinegretlar (qoʻshimchalar bilan);6 soat+2 dan +4 gacha92. Qaynatilgan, qovurilgan sabzavotlardan tayyorlangan salatlar;24 soat+2 dan +4 gacha93. Goʻsht, parranda goʻshti, baliq, dudlangan goʻsht qoʻshilgan salatlar (qoʻshimchalarsiz);18 soat+2 dan +4 gacha94. Goʻsht, parranda goʻshti, baliq, dudlangan goʻsht qoʻshilgan salatlar (qoʻshimchalar bilan);12 soat+2 dan +4 gacha95. Garnirlar (qaynatilgan guruch, qaynatilgan makaron, kartoshka pyuresi);12 soat+2 dan +4 gacha96. Qaynatilgan tuxum;36 soat+2 dan +4 gacha97. Ikkinchi taomlar uchun souslar va qoʻshimchalar;48 soat+2 dan +4 gachaUn, qandolat mahsulotlari va ichimliklarUn mahsulotlari98. Pishirilgan va qovurilgan pirojka, paramash, pirog va boshqa un mahsuloti uchun xamirlar;9 soat+2 dan +4 gacha99. Tort, pirojniy va boshqa un mahsulotlari uchun qatlamali xamir;24 soat+2 dan +4 gacha100. Tort va pirojniy uchun xamir;36 soat+2 dan +4 gacha101. Xamirdan tayyorlangan pishiriqlar va piroglar (tvorogli, murabboli va mevali);24 soat+2 dan +4 gacha102. Cheburek, belyashi, qovurilgan yoki pishirilgan pirojkalar, pirog (goʻshtli, tuxumli, karamli, jigarli va boshqa qoʻshimchalar bilan);24 soat+2 dan +4 gacha103. Dumaloq kotlet (manniy va tariq yormali);18 soat+2 dan +4 gachaQandolat mahsulotlari104. Sufle, meva va rezavorli tort va pirojniylar;72 soat+2 dan +4 gacha105. “Kartoshka” pirojniylari;36 soat+2 dan +4 gacha106. Qaymoq, tvorog-qaymoqli kremli tort va pirojniylar;18 soat+2 dan +4 gacha107. Qaymoq kremli, mevali, makli biskvit-ruletlar;36 soat+2 dan +4 gacha108. Tvorogli biskvit-ruletlar;18 soat+2 dan +4 gacha109. Jele, musslar, kremlar;24 soat+2 dan +4 gacha110. Qaymoqli krem;24 soat+2 dan +4 gacha1101. Shokolad va karamel mahsulotlari180 — 270 kun+2 dan +6 gacha1102. Kekslar7 kun+10 dan +20 gacha1103. Kreker pechenesi90 kun+10 dan +20 gacha1104. Pryaniklar45 kun+10 dan +20 gacha1105. Zefir, marmelad90 kun+10 dan +20 gacha1106. Vafelli tort15 — 20 kun0 dan +6 gachaIchimliklar111. Sanoat korxonalari tomonidan ishlab chiqarilgan kvas (pasterizatsiya qilinmagan);48 soat+2 dan +4 gacha112. Sanoat korxonalari tomonidan ishlab chiqarilgan kvas (pasterizatsiya qilingan);72 soat+2 dan +4 gacha113. Meva-sabzavot sharbatlari.48 soat+2 dan +4 gacha

Oziq-ovqat mahsulotlarining yaroqlilik muddati, ularni saqlash va tashishga qoʻyiladigan gigiyenik talablar (0054-23-son SanQvaN)ga 2-ILOVA

Ishlab chiquvchilar roʻyxati:A.S. Xudayberganov—Sanitariya, gigiyena va kasbiy kasalliklar ilmiy-tadqiqot instituti, Ovqatlanish gigiyenasi laboratoriyasi mudiri, t.f.d., professor;E.B. Navruzov—Sanitariya, gigiyena va kasbiy kasalliklar ilmiy-tadqiqot instituti, Ovqatlanish gigiyenasi laboratoriyasi katta ilmiy xodimi, t.f.n.;G.M. Israilova—Tibbiyot xodimlarining kasbiy malakasini oshirish markazi gigiyena kafedrasi dotsenti, t.f.n., dotsent;A.R. Nosirova—Sanitariya, gigiyena va kasbiy kasalliklar ilmiy-tadqiqot instituti, Ovqatlanish gigiyenasi laboratoriyasi katta ilmiy xodimi;Sh.O. Tillayeva—Sanitariya, gigiyena va kasbiy kasalliklar ilmiy-tadqiqot instituti, Bolalar va oʻsmirlar gigiyenasi laboratoriyasi kichik ilmiy xodimi;B.R. Bobojonov—Sanitariya, gigiyena va kasbiy kasalliklar ilmiy-tadqiqot instituti, Ovqatlanish gigiyenasi laboratoriyasi laboranti;J.T. Tuychiyev—Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining Sanitariya-gigiyena boshqarmasi boshligʻi;A.D. Ismailov—Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining Sanitariya-gigiyena boshqarmasi bosh mutaxassisi, t.f.n;Sh.E. Erkinov—Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining Sanitariya-gigiyena boshqarmasi yetakchi mutaxassisi.Taqrizchilar roʻyxati:D.A. Zaredinov—Tibbiyot xodimlarining kasbiy malakasini rivojlantirish markazi “Gigiyena” kafedrasi mudiri, t.f.d., professor;F.I. Salomova—Toshkent tibbiyot akademiyasi “Atrof-muhit gigiyenasi” kafedrasi mudiri, t.f.d., dotsenti;F.L. Azizova—Toshkent tibbiyot akademiyasi “Bolalar, oʻsmirlar va ovqatlanish gigiyenasi” kafedrasi dotsenti, t.f.d., dotsent.