Oʻzbekiston Respublikasi Hukumatining ayrim qarorlariga maʼmuriy qamoqqa olingan shaxslarni maxsus qabulxonalarda saqlash va ularni saqlash bilan bogʻliq xarajatlarni undirish tartibini takomillashtirishga qaratilgan oʻzgartirish va qoʻshimchalar kiritish toʻgʻrisida (459-son)

11.09.2023

Oʻzbekiston Respublikasi Vazirlar Mahkamasining

qarori

Soʻnggi yillarda mamlakatimizda sud-huquq tizimini takomillashtirish, fuqarolarning huquqlari va qonuniy manfaatlarini ishonchli himoya qilish choralarini kuchaytirish boʻyicha izchil ishlar amalga oshirilmoqda.

Xususan, Oʻzbekiston Respublikasining “Sud qarorlarini qayta koʻrish institutining takomillashtirilishi munosabati bilan Oʻzbekiston Respublikasining maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida” 2021-yil 12-yanvardagi OʻRQ-665-son Qonuniga muvofiq maʼmuriy qamoqqa olish tarzidagi jazo chorasini qoʻllash vakolati tuman (shahar) maʼmuriy sudlaridan jinoyat ishlari boʻyicha tuman (shahar) sudlariga oʻtkazildi.

Shu bilan birga, qonunchilik hujjatlarining oʻzaro muvofiqligini taʼminlash uchun Oʻzbekiston Respublikasi Hukumatining ayrim qarorlariga tegishli oʻzgartirish va qoʻshimchalar kiritish zarurati yuzaga kelmoqda.

Qonunchilik hujjatlarini muvofiqlashtirish, shuningdek, maʼmuriy qamoqqa olingan shaxslarni maxsus qabulxonalarda saqlash va ularni saqlash bilan bogʻliq xarajatlarni undirish tartibini takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

maʼmuriy qamoqqa olish jazo chorasini qoʻllash vakolati tuman (shahar) maʼmuriy sudlaridan jinoyat ishlari boʻyicha tuman (shahar) sudlariga oʻtkazilganligi sababli qarorlarni Qonunga muvofiqlashtirish;

Toshkent viloyati ichki ishlar boshqarmasi Toshkent viloyati ichki ishlar bosh boshqarmasi etib qayta tashkil etilganligi munosabati bilan amaldagi qonunchilik hujjatlarini oʻzaro muvofiqlashtirish;

maʼmuriy qamoqqa olingan shaxslarni maxsus qabulxonalarda saqlash va ularni saqlash xarajatlarni undirish tartibini takomillashtirish.

2. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 11-sentabr,

459-son

Vazirlar Mahkamasining 2023-yil 11-sentabrdagi 459-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2017-yil 18-sentabrdagi 734-son qarori bilan tasdiqlangan Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar toʻgʻrisidagi nizomda:

a) 2-banddagi “tuman (shahar) maʼmuriy sudi” soʻzlari “jinoyat ishlari boʻyicha tuman (shahar) sudi” soʻzlari bilan almashtirilsin;

b) 4-banddagi “Toshkent shahar ichki ishlar bosh boshqarmasi va” soʻzlari “Toshkent shahar va Toshkent viloyati ichki ishlar bosh boshqarmalari hamda” soʻzlari bilan almashtirilsin;

v) 9-bandning “a” kichik bandi ikkinchi xatboshisidagi “tuman (shahar) maʼmuriy sudi” soʻzlari “jinoyat ishlari boʻyicha tuman (shahar) sudi” soʻzlari bilan almashtirilsin;

g) 11-bandning toʻrtinchi xatboshisidagi “Toshkent shahar ichki ishlar bosh boshqarmasi va” soʻzlari “Toshkent shahar va Toshkent viloyati ichki ishlar bosh boshqarmalari hamda” soʻzlari bilan almashtirilsin;

d) 13-banddagi “Toshkent shahar ichki ishlar bosh boshqarmasi va” soʻzlari “Toshkent shahar va Toshkent viloyati ichki ishlar bosh boshqarmalari hamda” soʻzlari bilan almashtirilsin;

e) 15-bandning birinchi xatboshisi quyidagi tahrirda bayon etilsin:

“15. Maxsus qabulxonalar faoliyati ustidan nazorat bevosita Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalarining Jamoat xavfsizligi xizmati Jamoat tartibini saqlash boshqarmalari tomonidan amalga oshiriladi”.

2. Vazirlar Mahkamasining 2018-yil 13-iyuldagi 535-son qarori bilan tasdiqlangan Maʼmuriy qamoqqa olingan shaxslarni maxsus qabulxonada saqlash bilan bogʻliq xarajatlarni undirish tartibi toʻgʻrisidagi nizomda:

a) 3-bandning ikkinchi xatboshisidagi “ushbu Nizomga ilovadagi” soʻzlari “ushbu Nizomga 1-ilovadagi” soʻzlari bilan almashtirilsin;

b) 8 va 9-bandlar quyidagi tahrirda bayon etilsin:

“8. Navbatchi kun davomida qabul qilingan shaxslarning yigʻmajildlari va maʼmuriy qamoqqa olingan shaxslardan olingan hujjatlar, pul mablagʻlari, qimmatbaho buyumlar va boshqa ashyolarni jamlab, maxsus qabulxona boshligʻi tomonidan tayinlangan maxsus qabulxonaning hisob-kitobi bilan shugʻullanuvchi masʼul xodim (hisobchi)ga topshiradi.

9. Masʼul xodim (hisobchi) yigʻmajildlarning yuritilishini va maʼmuriy qamoqqa olingan shaxslardan olingan hujjatlar, pul mablagʻlari, qimmatbaho buyumlar va boshqa ashyolarning saqlanishini taʼminlaydi hamda ushbu Nizomga 2-ilovaga muvofiq shaklda alohida kitobda qayd etib boradi.

Olib qoʻyilgan hujjatlar, pul mablagʻlari, qimmatbaho buyumlar va boshqa ashyolar masʼul xodim (hisobchi) xonasida oʻrnatilgan, alohida yacheykalardan iborat, raqamlanadigan hamda qulflanadigan shkaflarda saqlanadi”;

v) 11-band “qoplaganligi toʻgʻrisida” soʻzlaridan keyin “ushbu Nizomga 3-ilovaga muvofiq shaklda” soʻzlari bilan toʻldirilsin;

g) 12-bandning birinchi xatboshisi “lozimligi toʻgʻrisida” soʻzlaridan keyin “ushbu Nizomga 4-ilovaga muvofiq shaklda” soʻzlari bilan toʻldirilsin;

d) 13-band “ushbu shaxsdan” soʻzlaridan keyin “mazkur Nizomga 5-ilovaga muvofiq shaklda” soʻzlari bilan toʻldirilsin;

e) 15-banddagi “Toshkent shahar ichki ishlar bosh boshqarmasi va” soʻzlari “Toshkent shahar va Toshkent viloyati ichki ishlar bosh boshqarmalari hamda” soʻzlari bilan almashtirilsin;

j) ilova belgisidagi “ilova” soʻzi “1-ilova” soʻzi bilan almashtirilsin;

z) quyidagi mazmundagi 2 — 5-ilovalar bilan toʻldirilsin:

“Maʼmuriy qamoqqa olingan shaxslarni maxsus qabulxonada saqlash bilan bogʻliq xarajatlarni undirish tartibi toʻgʻrisidagi nizomga 2-ILOVA

Maʼmuriy qamoqqa olingan shaxslardan olingan hujjatlar, pul mablagʻlari, qimmatbaho buyumlar va boshqa ashyolarni qayd etish

DAFTARI

T/r Shaxsning F.I.O. Shaxsdan olib qoʻyilgan muhim narsalar qayd etilgan hujjat turi va sanasi Saqlash uchun qabul qilingan muhim narsalarning soni, turi, tavsiflari va identifikatsiya raqamlarining hujjatda ular haqida qayd etilgan maʼlumotlar bilan mosligi yoki tafovutlar mavjudligi Qabul qilib olingan sana va vaqt Saqlashga topshirgan masʼul xodimning lavozimi, unvoni, F.I.O. Saqlash uchun joylashtirilgan yacheykaning raqami Maʼmuriy qamoqqa olingan shaxsning muhim narsalari toʻliq qabul qilib olinganligi toʻgʻrisida tilxati, qabul qilib olish sanasi va imzosi ...

Maʼmuriy qamoqqa olingan shaxslarni maxsus qabulxonada saqlash bilan bogʻliq xarajatlarni undirish tartibi toʻgʻrisidagi nizomga 3-ILOVA

Maʼmuriy qamoqqa olingan shaxslarni maxsus qabulxonada saqlash bilan bogʻliq xarajatlarni undirish tartibi toʻgʻrisidagi nizomga 4-ILOVA

Maʼmuriy qamoqqa olingan shaxslarni maxsus qabulxonada saqlash bilan bogʻliq xarajatlarni undirish tartibi toʻgʻrisidagi nizomga 5-ILOVA

(Qonunchilik maʼlumotlari milliy bazasi, 11.09.2023-y., 09/23/459/0690-son)