Oʻzbekiston Respublikasi Prezidentining “Toshkent tibbiyot akademiyasini tashkil etish toʻgʻrisida” 2005-yil 19-iyuldagi PF-3629-son Farmonini amalga oshirish chora-tadbirlari haqida (164-son)

21.07.2005

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Toshkent tibbiyot akademiyasini tashkil etish toʻgʻrisida” 2005-yil 19-iyuldagi PF-3629-son Farmonining bajarilishini taʼminlash maqsadida Vazirlar Mahkamasi qaror qiladi:

1. Shavkat Ibrohimovich Karimov Toshkent tibbiyot akademiyasining rektori etib tayinlansin.

2. Toshkent tibbiyot akademiyasini tashkil etish va uning faoliyati bilan bogʻliq tashkiliy masalalar yuzasidan Vazirlar Mahkamasining qarori loyihasini tayyorlash boʻyicha ilovaga muvofiq tarkibda Komissiya tuzilsin.

3. Komissiya (F. Nazirov) bir hafta muddatda qaror loyihasini ishlab chiqsin va tasdiqlash uchun Vazirlar Mahkamasiga kiritsin, unda:

Akademiyaning respublikadagi yuqori malakali tibbiyot kadrlari tayyorlaydigan yetakchi oʻquv muassasasi sifatida Akademiyaga yuklangan funksiyalar amalga oshirilishini taʼminlaydigan yangi tashkiliy tuzilmasini shakllantirishga;

saqlab qolinadigan beshta fakultetlarning tuzilmasini shakllantirishga, kafedralarni fakultetlar boʻyicha taqsimlashga, aʼzolari kam sonli boʻlgan kafedralar tuzilishiga, ularning bir-birini takrorlashi va parallel mavjud boʻlishiga yoʻl qoʻymagan holda kafedralar soni, tuzilmasi va nomlarini belgilashga;

tugatilayotgan Birinchi va Ikkinchi Toshkent davlat tibbiyot institutlarining binolari, inshootlari, boshqa mol-mulki va aktivlarini Akademiya balansiga oʻtkazish masalalarini hal etishga, fakultetlarni joylashtirishga hamda Akademiyaning moddiy-texnika va oʻquv bazasini mustahkamlashga alohida eʼtibor berilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2005-yil 21-iyul,

164-son

Vazirlar Mahkamasining 2005-yil 21-iyuldagi 164-son qaroriga ILOVA

Toshkent tibbiyot akademiyasini tashkil etish va uning faoliyati bilan bogʻliq tashkiliy masalalar yuzasidan Vazirlar Mahkamasining qarori loyihasini tayyorlash boʻyicha Komissiya tarkibi

(Oʻzbekiston Respublikasi Qonun hujjatlari toʻplami, 2005-y., 28-29-son, 211-modda)