Oʻzbek milliy maqom sanʼatini yanada rivojlantirish va soha vakillari faoliyatini qoʻllab-quvvatlash choralari toʻgʻrisida (PQ-289-son)

30.08.2023

Oʻzbekiston Respublikasi Prezidentining

Qarori

Xalqimiz madaniy merosining ajralmas qismi boʻlgan milliy maqom sanʼatini keng targʻib etish, uning oʻziga xos ijro maktablari va anʼanalarini yangi bosqichda ravnaq toptirish hamda xalqaro nufuzini oshirish yoʻlida mehnat faoliyatini olib borayotgan xodimlarni qoʻllab-quvvatlash maqsadida:

1. Quyidagilar:

2023-yil 1-oktabrdan boshlab Oʻzbek milliy maqom sanʼati markazi (keyingi oʻrinlarda — Markaz) va uning hududiy boʻlimlari boshqaruv, ilmiy va ijodiy xodimlarining yangilangan oylik ish haqi miqdorlari 1 va 1a-ilovalarga muvofiq;

2024-yil 1-yanvardan boshlab Oʻzbek milliy maqom sanʼati markazi huzuridagi Margʻilon shahar musiqali maqom teatri davlat muassasasining maʼmuriy-boshqaruv, badiiy, ijodiy hamda mutaxassis xodimlarining yangilangan oylik ish haqi miqdorlari 1b-ilovaga muvofiq tasdiqlansin.

2. Iqtisodiyot va moliya vazirligi uch kun muddatda Markazning oʻzbek milliy maqom sanʼatini rivojlantirish boʻyicha alohida shaxsiy gʻazna hisobvaragʻini (keyingi oʻrinlarda — Hisobvaraq) ochsin.

Quyidagilar Hisobvaraq mablagʻlarini shakllantirish manbalari etib belgilansin:

Markazning konsert-tomosha tadbirlarini tashkil etish va madaniy tadbirlarni oʻtkazishdan olinadigan daromadlari;

xalqaro moliya tashkilotlari, xorijiy davlatlar va boshqa donorlarning kreditlari, grantlari va texnik koʻmaklashish mablagʻlari;

Hisobvaraqning vaqtincha boʻsh turgan mablagʻlarini tijorat banklarining depozitlariga joylashtirishdan olinadigan daromadlar;

qonunchilik hujjatlarida taqiqlanmagan boshqa manbalar.

3. Belgilansinki, Hisobvaraq mablagʻlari quyidagi yoʻnalishlarga sarflanadi:

mahalliy va xorijiy gastrol safarlarini tashkil etish;

ommaviy axborot vositalari va ijtimoiy tarmoqlarda maqom va bastakorlar asarlarini targʻib etish;

liboslar, musiqa cholgʻulari va ovoz kuchaytirgich uskunalarni xarid qilish;

Markaz va uning hududiy boʻlimlari moddiy-texnika bazasini rivojlantirish;

Markaz xodimlarini moddiy ragʻbatlantirish;

maqom sanʼatini rivojlantirishga qaratilgan boshqa tadbirlarni moliyalashtirish.

4. Oʻzbekiston Respublikasi Bosh vaziri (A.N. Aripov) bir hafta muddatda Hisobvaraqni moliyaviy qoʻllab-quvvatlash maqsadida 100 milliard soʻm mablagʻning moliyaviy manbalarini aniqlab, tijorat banklarining depozitlariga joylashtirilishini taʼminlasin.

Belgilansinki:

Hisobvaraq mablagʻlari Markazning bosh direktori tomonidan boshqariladi;

mazkur bandning birinchi xatboshisida nazarda tutilgan mablagʻlarni tijorat banklarining depozitlariga joylashtirishdan olingan daromadlar Hisobvaraqqa yoʻnaltiriladi.

5. Markaz xodimlari faoliyatining quyidagi yoʻnalishlarida erishilgan natijalari asosida Hisobvaraq mablagʻlari hisobidan mehnatga haq toʻlash jamgʻarmasining bir baravari miqdorigacha ustamalar belgilash tartibi joriy etilsin:

respublika hududlarida va xorijiy davlatlarda gastrol konsert-tomosha tadbirlarida qatnashish;

mumtoz musiqa yoʻnalishida maqom namunalariga xos asarlarni yaratish va ularni notaga olish;

maqom va bastakorlar tomonidan bastalangan asarlarni takomillashtirish;

ommaviy axborot vositalari hamda ijtimoiy tarmoqlar orqali sof va mukammal ijrodagi maqomlarni targʻib etish;

mumtoz musiqa merosiga oid ilmiy maqolalar chop etish, izlanishlar olib borish, kitoblar va toʻplamlar yaratish;

maqom va bastakorlar tomonidan bastalangan asarlarning zamonaviy ohangdagi karaokelarini yaratish;

“ustoz-shogird” anʼanalari davom ettirish;

maqom sanʼatini rivojlantirishga qaratilgan boshqa yoʻnalishlar.

Madaniyat vazirligi bir oy muddatda Markaz boshqaruv, ilmiy hamda ijodiy xodimlari faoliyati samaradorligining asosiy koʻrsatkichlari roʻyxati va ularning ijrosini baholash tartibini tasdiqlasin.

6. Quyidagilar:

2023-2024-yillarda Oʻzbek milliy maqom sanʼati markazi va uning hududiy boʻlimlari maqom ansambllarining mahalliy gastrol safarlarini tashkil etish rejasi 2-ilovaga muvofiq;

2023-2024-yillarda Oʻzbek milliy maqom sanʼati markazi va uning hududiy boʻlimlari maqom ansambllarining korxona va tashkilotlarga gastrol safarlarini tashkil etish rejasi 3-ilovaga muvofiq;

2023 — 2025-yillarda Oʻzbek milliy maqom sanʼati markazi va uning hududiy boʻlimlari maqom ansambllarining xorijiy gastrol safarlarini tashkil etish rejasi 4-ilovaga muvofiq tasdiqlansin.

7. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari:

ushbu qarorga 2 — 4-ilovalar bilan tasdiqlangan gastrol safarlarini tashkil etish rejalarida nazarda tutilgan tadbirlarni yuqori badiiy saviyada oʻtkazish uchun shaxsan masʼul etib belgilansin;

boshqa hududlarga yoki xorijiy gastrol safarlarini amalga oshirish bilan bogʻliq xarajatlarning 50 foizi tegishli mahalliy budjetlarning qoʻshimcha manbalari hisobidan moliyalashtirilishini taʼminlasin.

8. Madaniyat vazirligi, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari:

ushbu qarorga 2 — 4-ilovalar bilan tasdiqlangan gastrol safarlarini tashkil etish rejalarida nazarda tutilgan tadbirlarni oʻtkazish joyi, vaqti, ishtirok etadigan ijodkorlar haqida ommaviy axborot vositalari va axborot tarqatishning boshqa manbalari orqali, shu jumladan tadbir oʻtkaziladigan hududlar aholisini oldindan xabardor qilish tizimini yoʻlga qoʻysin;

Oʻzbekiston milliy teleradiokompaniyasi hamda Axborot va ommaviy kommunikatsiyalar agentligi bilan birgalikda tadbirlarni ommaviy axborot vositalarida yoritish ishlari alohida ishlab chiqilgan media-reja asosida muntazam tashkil etilishini taʼminlasin.

9. Vazirlar Mahkamasining 2008-yil 1-avgustdagi “Respublika oliy taʼlim muassasalari xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 164-son qarori 4-bandining oltinchi xatboshisi “Oʻzbekiston davlat konservatoriyasi hamda uning Nukus filialida” soʻzlaridan keyin “, Yunus Rajabiy nomidagi Oʻzbekiston milliy musiqa sanʼati akademiyasida” soʻzlari bilan toʻldirilsin.

10. Mazkur qarorning 1-bandida nazarda tutilgan tadbirlarni amalga oshirish bilan bogʻliq qoʻshimcha xarajatlar 2023-yilda Vazirlar Mahkamasining zaxira jamgʻarmasi mablagʻlari hisobidan amalga oshirilsin hamda 2024-yildan boshlab Davlat budjeti parametrlarida nazarda tutilsin.

11. Mazkur qarorning ijrosini samarali tashkil qilishga masʼul va shaxsiy javobgar etib madaniyat vaziri O.A. Nazarbekov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 30-avgust,

PQ-289-son

Oʻzbekiston Respublikasi Prezidentining 2023-yil 30-avgustdagi PQ-289-son qaroriga 1-ILOVA

Oʻzbek milliy maqom sanʼati markazi boshqaruv, ilmiy va ijodiy xodimlarining oylik ish haqi miqdorlari

T/r Boʻlim va lavozim nomi Oylik ish haqi miqdori (mehnatga haq toʻlashning eng kam miqdoriga nisbatan) 1. Bosh direktor 9 baravari 2. Bosh direktor oʻrinbosari 7 baravari 3. Bosh administrator 5 baravari 4. Bosh hisobchi 6 baravari 5. Kadrlar boʻyicha bosh mutaxassis 5 baravari 6. Xalqaro aloqalarni rivojlantirish boʻlimi boshligʻi 5 baravari 7. Yuriskonsult 6 baravari 8. Xoʻjalik boʻlimi mudiri 5 baravari 9. AKT va matbuot xodimi 5 baravari Yunus Rajabiy nomidagi maqom ansambli 10. Badiiy rahbar 10 baravari 11. Musiqa rahbari 8 baravari 12. Xormeyster 7 baravari 13. Oliy toifali artist-maqomchi 7 baravari 14. Birinchi toifali artist-maqomchi 7 baravari 15. Ikkinchi toifali artist-maqomchi 6 baravari 16. Toifasiz artist-maqomchi 6 baravari 17. Oliy toifali artist-sozanda 7 baravari 18. Birinchi toifali artist-sozanda 7 baravari 19. Ikkinchi toifali artist-sozanda 6 baravari 20. Toifasiz artist-sozanda 6 baravari “Ustoz-shogird” maktabi boʻlimi 21. Boʻlim boshligʻi 7 baravari 22. Yetakchi ilmiy xodim 6 baravari 23. Katta ilmiy xodim 5 baravari 24. Kichik ilmiy xodim 5 baravari Cholgʻularning akustik xususiyatlarini oʻrganish boʻlimi 25. Boʻlim boshligʻi 6 baravari 26. Bosh mutaxassis 6 baravari Maqom sanʼati tarixiy ekspozitsiyasi boʻlimi 27. Boʻlim boshligʻi 6 baravari 28. Bosh mutaxassis 6 baravari Maqom sanʼatini ilmiy rivojlantirish boʻlimi 29. Boʻlim boshligʻi 6 baravari 30. Katta ilmiy xodim 5 baravari 31. Kichik ilmiy xodim 5 baravari

Oʻzbekiston Respublikasi Prezidentining 2023-yil 30-avgustdagi PQ-289-son qaroriga 1a-ILOVA

Oʻzbek milliy maqom sanʼati markazining hududiy boʻlimlari boshqaruv, ilmiy va ijodiy xodimlarining oylik ish haqi miqdorlari

T/r Boʻlim va lavozim nomi Oylik ish haqi miqdori (Mehnatga haq toʻlashning eng kam miqdoriga nisbatan) 1. Direktor 5,5 baravari 2. Badiiy rahbar 6 baravari 3. Bosh administrator 4 baravari 4. Hisobchi 4,5 baravari 5. Kadrlar boʻyicha inspektor 3,5 baravari 6. Oliy toifali artist-maqomchi 5,5 baravari 7. Birinchi toifali artist-maqomchi 4,5 baravari 8. Ikkinchi toifali artist-maqomchi 4 baravari 9. Toifasiz artist-maqomchi 3,5 baravari 10. Oliy toifali artist-sozanda 5,5 baravari 11. Birinchi toifali artist-sozanda 4,5 baravari 12. Ikkinchi toifali artist-so�anda 4 baravari 13. Toifasiz artist-sozanda 3,5 baravari

Oʻzbekiston Respublikasi Prezidentining 2023-yil 30-avgustdagi PQ-289-son qaroriga 1b-ILOVA

Oʻzbek milliy maqom markazi huzuridagi Margʻilon shahar musiqali maqom teatri davlat muassasasining maʼmuriy-boshqaruv, badiiy, ijodiy hamda mutaxassis xodimlarining oylik ish haqi miqdorlari

T/r Boʻlim va lavozim nomi Oylik ish haqi miqdori (Mehnatga haq toʻlashning eng kam miqdoriga nisbatan) 1. Direktor 5 baravari 2. Direktor oʻrinbosari 4,5 baravari 3. Bosh muhandis 4 baravari 4. Bosh buxgalter 4 baravari 5. Omborxona mudiri 3 baravari 6. Chiptalar byurosi mudiri 3 baravari 7. Bosh rejissor 5 baravari 8. Bosh rassom 5 baravari 9. Badiiy sahnalashtirish boʻlimi mudiri 4,5 baravari 10. Musiqa boʻlimi mudiri 4,5 baravari 11. Adabiy boʻlim mudiri 4,5 baravari 12. Truppa rahbari 4,5 baravari 13. Sahnalashtiruvchi rejissor 4,5 baravari 14. Sahnalashtiruvchi rassom 4,5 baravari 15. Xormeyster 4,5 baravari 16. Baletmeyster 4,5 baravari 17. Vokal boʻyicha repetitor 4 baravari 18. Ovoz rejissori 3,5 baravari 19. Ovoz operatori 3 baravari 20. Rejissyor yordamchisi 2 baravari 21. Chiroq boʻyicha rassom 3 baravari 22. Artist-maqomchi oliy toifali 4,5 baravari 23. Artist-maqomchi birinchi toifali 3,5 baravari 24. Artist-maqomchi ikkinchi toifali 3 baravari 25. Artist-maqomchi toifasiz 2,5 baravari 26. Artist-sozanda oliy toifali 4,5 baravari 27. Artist-sozanda birinchi toifali 3,5 baravari 28. Artist-sozanda ikkinchi toifali 3 baravari 29. Artist-sozanda toifasiz 2,5 baravari 30. Artist-vokalchi oliy toifali 4,5 baravari 31. Artist-vokalchi birinchi toifali 3,5 baravari 32. Artist-vokalchi ikkinchi toifali 3 baravari 33. Artist-vokalchi toifasiz 2,5 baravari 34. Xor artisti birinchi toifali 3,5 baravari 35. Xor artisti ikkinchi toifali 3 baravari 36. Xor artisti toifasiz 2,5 baravari 37. Balet artisti oliy toifali 4,5 baravari 38. Balet artisti birinchi toifali 3,5 baravari 39. Balet artisti ikkinchi toifali 3 baravari 40. Balet artisti toifasiz 2,5 baravari 41. Drama artisti oliy toifali 4,5 baravari 42. Drama artisti birinchi toifali 3,5 baravari 43. Drama artisti ikkinchi toifali 3 baravari 44. Drama artisti toifasiz 2,5 baravari 45. Yuriskonsult 3 baravari 46. Kadrlar boʻyicha inspektor 3 baravari 47. Buxgalter 3 baravari 48. Muhandis-mexanik 2 baravari 49. Mehnat muhofazasi va texnika xavfsizligi boʻyicha muhandis 2 baravari 50. Maʼmur 2 baravari

Oʻzbekiston Respublikasi Prezidentining 2023-yil 30-avgustdagi PQ-289-son qaroriga 2-ILOVA

2023-2024-yillarda Oʻzbek milliy maqom sanʼati markazi va uning hududiy boʻlimlari maqom ansambllarining mahalliy gastrol safarlarini tashkil etish

REJASI

T/r Ijodiy jamoalar Qoraqalpogʻiston Respublikasi Andijon viloyati Buxoro viloyati Jizzax viloyati Qashqadaryo viloyati Navoiy viloyati Namangan viloyati Samarqand viloyati Surxondaryo viloyati Sirdaryo viloyati Toshkent viloyati Fargʻona viloyati Xorazm viloyati Toshkent shahri 1. Yunus Rajabiy nomidagi maqom ansambli 2024-yil oktyabr 2023-yil noyabr 2023-yil dekabr 2024-yil fevral 2024-yil may 2024-yil iyul 2024-yil sentyabr 2024-yil iyun 2. Qoraqalpogʻiston Respublikasi 2024-yil oktyabr 2024-yil may 2024-yil oktyabr 2024-yil may 2024-yil noyabr 2024-yil aprel 3. Andijon viloyati 2024-yil aprel 2024-yil sentyabr 2024-yil aprel 2024-yil aprel 2024-yil may 2024-yil aprel 2024-yil may 4. Buxoro viloyati 2024-yil iyun 2024-yil iyul 2024-yil iyun 2024-yil aprel 2024-yil iyul 2023-yil dekabr 5. Jizzax viloyati 2024-yil fevral 2024-yil iyul 2024-yil aprel 2024-yil may 2024-yil iyun 2024-yil mart 6. Qashqadaryo viloyati 2024-yil may 2023-yil noyabr 2024-yil may 2024-yil sentyabr 2024-yil aprel 2024-yil may 2024-yil aprel 7. Navoiy viloyati 2024-yil sentyabr 2023-yil dekabr 2024-yil fevral 2023-yil noyabr 2024-yil yanvar 2024-yil may 8. Namangan viloyati 2024-yil iyul 2024-yil yanvar 2024-yil fevral 2024-yil mart 2024-yil iyun 2024-yil sentyabr 9. Samarqand viloyati 2024-yil aprel 2023-yil oktyabr 2024-yil yanvar 2024-yil fevral 2024-yil aprel 2024-yil mart 10. Surxondaryo viloyati 2024-yil may 2024-yil aprel 2023-yil dekabr 2024-yil yanvar 2024-yil fevral 2024-yil mart 11. Sirdaryo viloyati 2023-yil noyabr 2024-yil may 2023-yil dekabr 2024-yil yanvar 2024-yil mart 2024-yil aprel 12. Toshkent viloyati 2024-yil iyun 2024-yil iyul 2024-yil mart 2023-yil dekabr 2024-yil sentyabr 2023-yil noyabr 13. Fargʻona viloyati 2024-yil mart 2024-yil fevral 2024-yil mart 2023-yil noyabr 2023-yil dekabr 2024-yil iyul 14. Xorazm viloyati 2024-yil sentyabr 2024-yil aprel 2024-yil sentyabr 2024-yil mart 2024-yil oktyabr 2024-yil avgust

Izohlar:

Madaniyat vazirligiga zaruratga koʻra ushbu reja-jadvalda koʻrsatilgan hududlar va muddatlarga oʻzgartirish kiritish huquqi beriladi.

Reja-jadvalga asosan gastrol safarlarini tashkil etish bilan bogʻliq xarajatlar mahalliy budjet, metsenatlik koʻmagi, homiylik xayriyalari va qonunchilikda taqiqlanmagan boshqa manbalar hisobidan qoplanadi.

Oʻzbekiston Respublikasi Prezidentining 2023-yil 30-avgustdagi PQ-289-son qaroriga 3-ILOVA

2023-2024-yillarda Oʻzbek milliy maqom sanʼati markazi va uning hududiy boʻlimlari maqom ansambllarining korxona va tashkilotlarga gastrol safarlarini tashkil etish

REJASI

T/r Gastrol safarlari tashkil etiladigan korxona va tashkilotlar Muddati l. “Navoiyazot” AJ 2023-yil oktyabr-noyabr 2. “Navoiy kon-metallurgiya kombinati” AJ 3. “Navoiyuran” DK 4. “Oʻzbekkoʻmir” AJ 5. “Oʻzmetkombinat” AJ 2023-yil noyabr-dekabr 6. “Olmalik, kon-metallurgiya kombinati” AJ 7. “Oʻzavtosanoat” AJ 8. “Oʻzbekiston temir yoʻllari” AJ 9. AT “Aloqabank” 2024-yil yanvar-fevral 10. “Asakabank” AJ 11. “Uzbekistan airways” AJ 12. “Oʻzbekiston pochtasi” AJ 13. “Oʻzbekiston Respublikasi Tashqi iqtisodiy faoliyat milliy banki” AJ 14. “Toshshahartransxizmat” AJ 2024-yil mart-aprel 15. “Oʻzsanoatqurilishbank” ATB 16. “Oʻzbekiston milliy elektr tarmoqlari” AJ 17. “Oʻzbektelekom” AJ 18. “Hududiy elektr tarmoqlari” AJ 2024-yil may-iyun 19. “Oʻztransgaz” AJ 20. “Turonbank” ATB 21. “Oʻzkimyosanoat” AJ 22. “Oʻzbekgidroenergo” AJ 2024-yil iyul-avgust 23. ATB “Qishloq qurilish bank” 24. “Hududgaztaʼminot” AJ 25. “Mikrokreditbank” ATB 26. “Issiqlik elektr stansiyalari” AJ 2024-yil sentyabr-oktyabr 27. AT “Xalq banki” 28. “Agrobank” ATB 29. “UzGasTrade” AJ 30. “Uzbekistan Airports” AJ 2024-yil noyabr-dekabr 31. “Oʻzbekneftgaz” AJ 32. “Navoiyazot” AJ 33. “Navoiy kon-metallurgiya kombinati” AJ

Izohlar:

Gastrol safarlarini tashkil etish bilan bogʻliq sarf-xarajatlar korxona va tashkilotlarning tashabbusiga koʻra ular tomonidan qoplanadi.

Gastrol safarlariga yuboriladigan maqom ansambli jamoasining tarkibi Madaniyat vazirligi tomonidan tasdiqlanadi hamda tadbir boshlanishidan oldin tegishli korxona va tashkilotlarga yetkaziladi.

Madaniyat vazirligi, zaruratga koʻra, Vazirlar Mahkamasi bilan kelishgan holda ushbu rejaga oʻzgartirish kiritishi mumkin. Shuningdek, gastrol safarlari boshqa korxona va tashkilotlarning tashabbusiga koʻra ular uchun ham tashkil etilishi mumkin.

Oʻzbekiston Respublikasi Prezidentining 2023-yil 30-avgustdagi PQ-289-son qaroriga 4-ILOVA

2023 — 2025-yillarda Oʻzbek milliy maqom sanʼati markazi va uning hududiy boʻlimlari maqom ansambllarining xorijiy gastrol safarlarini tashkil etish

REJASI

T/r Davlatlar nomi Muddat Masʼullar 1. Ozarbayjon 2023-yil noyabr Madaniyat vazirligi, Tashqi ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Isroil 2024-yil mart 3. Misr 2024-yil iyul 4. Tojikiston 2024-yil oktyabr 5. AQSh 2025-yil mart 6. Turkiya 2025-yil iyul 7. Hindiston 2025-yil oktyabr 8. Eron 2025-yil dekabr

Izohlar:

Madaniyat vazirligi, zaruratga koʻra, ushbu reja-jadvalda koʻrsatilgan davlatlar va muddatlarga oʻzgartirish kiritishi mumkin.

Gastrol safarlari Oʻzbek milliy maqom sanʼati markazining oʻzbek milliy maqom sanʼatini rivojlantirish boʻyicha alohida shaxsiy gʻazna hisobvaragʻi mablagʻlari va qonunchilik hujjatlari bilan taqiqlanmagan boshqa manbalar hisobidan amalga oshiriladi.