Oʻzbekiston Respublikasining Davlat chegarasidan oʻtish punktlarida tibbiy nazorat (sanitariya nazorati) toʻgʻrisidagi nizomni oʻz kuchini yoʻqotgan deb topish toʻgʻrisida (927-1-son)

29.08.2023

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2023-yil 29-avgustda roʻyxatdan oʻtkazildi, roʻyxat raqami 927-1]

Oʻzbekiston Respublikasi Vazirlar Mahkamasining 2019-yil 18-noyabrdagi 912-son “Oʻzbekiston Respublikasining Davlat chegarasi orqali oʻtkazish punktlarida chegara, bojxona, sanitariya-karantin, fitosanitariya va veterinariya nazoratini tashkil etish tartibini yanada takomillashtirish toʻgʻrisida”gi qaroriga muvofiq buyuraman:

1. Oʻzbekiston Respublikasi Sogʻliqni saqlash vazirligi tomonidan 1999-yil 10-aprelda 012-2/308-son bilan tasdiqlangan Oʻzbekiston Respublikasining Davlat chegarasidan oʻtish punktlarida tibbiy nazorat (sanitariya nazorati) toʻgʻrisidagi nizom (roʻyxat raqami 927, 2000-yil 22-may) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2000-y., 10-son) oʻz kuchini yoʻqotgan deb topilsin.

2. Mazkur buyruq Oʻzbekiston Respublikasi Iqtisodiyot va moliya vazirligi, Mudofaa vazirligi, Ichki ishlar vazirligi, Transport vazirligi va Davlat xavfsizlik xizmati bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. INOYATOV

Toshkent sh.,

2023-yil 2-avgust,

32-son

Kelishildi:

Davlat xavfsizlik xizmati Raisi A. AZIZOV

2023-yil 19-iyul

Iqtisodiyot va moliya vaziri Sh. KUDBIYEV

2023-yil 8-iyul

Mudofaa vaziri B. KURBANOV

2023-yil 3-iyul

Ichki ishlar vaziri P. BOBOJONOV

2023-yil 13-iyul

Transport vaziri I. MAXKAMOV

2023-yil 11-iyul