“Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalarini tasdiqlash haqida”gi qarorga oʻzgartirishlar kiritish toʻgʻrisida (2628-1-son)

25.08.2023

OʻZBEKISTON RESPUBLIKASI EKOLOGIYA, ATROF-MUHITNI MUHOFAZA QILISh VA IQLIM OʻZGARIShI VAZIRINING

buyrugʻi

[Oʻzbekiston Respublikasi Adliya vazirligi tomonidan 2023-yil 25-avgustda roʻyxatdan oʻtkazildi, roʻyxat raqami 2628-1]

Oʻzbekiston Respublikasining 2022-yil 14-martdagi OʻRQ-759-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi, “Oʻsimlik dunyosini muhofaza qilish va undan foydalanish toʻgʻrisida”gi qonunlari hamda Oʻzbekiston Respublikasi Prezidentining 2023-yil 31-maydagi PF-81-son “Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi Tabiatni muhofaza qilish davlat qoʻmitasining 2014-yil 3-noyabrdagi 01/06-4-son “Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalarini tasdiqlash haqida”gi qaroriga (roʻyxat raqami 2628, 2014-yil 27-noyabr) (Oʻzbekiston Respublikasi qonun hujjatlari toʻplami, 2014-y., 48-son, 577-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. ABDUXAKIMOV

Toshkent sh.,

2023-yil 21-avgust,

MN-12-son

Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vazirining 2023-yil 21-avgustdagi MN-12-son buyrugʻiga ILOVA

“Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalarini tasdiqlash haqida”gi qarorga kiritilayotgan oʻzgartirishlar

1. Qarorning muqaddimasidagi “Qonuni hamda Oʻzbekiston Respublikasi Prezidentining 2013-yil 15-iyuldagi PQ-2003-sonli “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash toʻgʻrisida”gi qaroriga” degan soʻzlar “Qonuniga” degan soʻz bilan almashtirilsin.

2. Qoidalarda:

a) muqaddimadan “Oʻzbekiston Respublikasining “Oʻsimlik dunyosini muhofaza qilish va undan foydalanish toʻgʻrisida”gi Qonuni hamda Oʻzbekiston Respublikasi Prezidentining 2013-yil 15-iyuldagi PQ-2003-sonli “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash toʻgʻrisida”gi qaroriga muvofiq,” degan soʻzlar chiqarib tashlansin;

b) 1-bandning ikkinchi xatboshisi qoʻyidagi tahrirda bayon etilsin:

“botanika kolleksiyasi — ilmiy, madaniy-maʼrifiy, oʻquv-tarbiyaviy va estetik ahamiyatga ega boʻlgan, yovvoyi holda oʻsuvchi oʻsimliklar yashash faoliyati mahsulotlarining tizimlashtirilgan toʻplami(gerbariylar, urugʻlar) hamda sunʼiy yaratilgan sharoitlarda (botanika bogʻlarida, dendrologiya bogʻlarida, pitomniklarda, plantatsiyalarda va boshqalarda) yetishtiriladigan yovvoyi holda oʻsuvchi oʻsimliklar;”;

v) 5-band quyidagi tahrirda bayon etilsin:

“5. Yuridik va jismoniy shaxslar (bundan buyon matnda botanika kolleksiyasi egasi deb yuritiladi) tomonidan yovvoyi oʻsimliklar yoki ular qismlaridan toʻplangan majmualar Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi (bundan buyon matnda Vazirlik deb yuritiladi) yoki Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar va Toshkent shahar boshqarmalari (bundan buyon matnda hududiy boshqarma deb yuritiladi) tomonidan hisobga olingan taqdirda, u botanika kolleksiyasi hisoblanadi.”;

g) 6-band quyidagi tahrirda bayon etilsin:

“6. Vazirlik hududiy boshqarmalarining mahalliy ahamiyatga ega botanika kolleksiyalarini hisobga olish va ularni reyestrga kiritish bilan bogʻliq faoliyatini muvofiqlashtiradi va nazorat qiladi.

Hududiy boshqarmalar mahalliy ahamiyatga ega boʻlgan botanika kolleksiyalarini hisobga olish va ularni reyestrga kiritish bilan bogʻliq maʼlumotlarni har yili Vazirlikka taqdim etadi.”;

d) 7-bandda:

ikkinchi hatboshidagi “Davbionazoratga” degan soʻz “Vazirlikka” degan soʻz bilan almashtirilsin;

uchinchi hatboshidagi “hududiy qoʻmitaga” degan soʻzlar “hududiy boshqarmaga” degan soʻzlar bilan almashtirilsin;

e) 8-bandning uchinchi xatboshisidagi “pasportining nusxasi” degan soʻzlar “pasport yoki identifikatsiyalovchi ID-kartasi maʼlumotlari” degan soʻzlar bilan almashtirilsin;

j) 10-bandning ikkinchi xatboshisi quyidagi tahrirda bayon etilsin:

“Bunda respublika ekspert guruhi Vazirlik huzurida, mahalliy ekspert guruhi esa hududiy boshqarma huzurida tegishli hududiy boshqarma qaroriga asosan tashkil etiladi. Ekspert guruhlari qonunchilik hujjatlari va mazkur Qoidalar talablariga muvofiq faoliyat yuritadi.”;

z) 11-bandning birinchi xatboshisi quyidagi tahrirda bayon etilsin:

“11. Vazirlik rahbari lavozimiga koʻra respublika ekspert guruhining, hududiy boshqarmaning boshligʻi oʻrinbosari esa mahalliy ekspert guruhining raisi hisoblanadi. Ekspert guruhlari tarkibiga Oʻzbekiston Respublikasi Fanlar akademiyasi, ilmiy-tadqiqot institutlari, oliy taʼlim muassasalari, tabiat va botanika bogʻlarining mutaxassislari kelishuv asosida aʼzo sifatida kiritilishi mumkin.”;

i) 12-banddagi “Davbionazorat yoki hududiy qoʻmitalar” degan soʻzlar “Vazirlik yoki hududiy boshqarmalar” degan soʻzlar bilan almashtirilsin;

k) 15-banddagi “Davbionazorat yoki tegishli hududiy qoʻmita” degan soʻzlar “Vazirlik yoki tegishli hududiy boshqarma” degan soʻzlar bilan almashtirilsin;

l) 16-band quyidagi tahrirda bayon etilsin:

“16. Har bir guvohnoma hisobda turuvchi blanka boʻlib, oʻz seriyasi va tartib raqamiga ega boʻladi. Bunda, Vazirlik tomonidan beriladigan guvohnomalarga “UZ” qisqartmasi, hududiy boshqarmalar tomonidan beriladigan guvohnomalarda esa mazkur Qoidalarning 2-ilovasiga muvofiq qisqartmalar qoʻyiladi.”;

m) 17-banddagi “Davbionazorat yoki hududiy qoʻmitaning” degan soʻzlar “Vazirlik yoki hududiy boshqarmaning” degan soʻzlar bilan almashtirilsin;

n) 18-banddagi “Davbionazorat va hududiy qoʻmitalar” degan soʻzlar “Vazirlik va hududiy boshqarmaning” degan soʻzlar bilan almashtirilsin;

o) 19-bandning ikkinchi xatboshisi va 23-banddagi “Davbionazorat” degan soʻz “Vazirlik” degan soʻz bilan almashtirilsin;

p) 25 va 26-bandlardagi “Davbionazorat yoki hududiy qoʻmita” degan soʻzlar “Vazirlik yoki hududiy boshqarma” degan soʻzlar bilan almashtirilsin;

r) 1-ilova matnidagi “Oʻzbekiston Respublikasi Tabiatni muhofaza qilish davlat qoʻmitasi” degan soʻzlar “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi”degan soʻzlar bilan almashtirilsin.