Tabiiy suv havzalari mahsuldorligini oshirishda baliqlantirish meʼyorlari va texnologiyasiga oʻzgartirishlar kiritish haqida (3103-1-son)

22.08.2023

Oʻzbekiston Respublikasi Qishloq xoʻjaligi vazirining

buyrugʻi

[Oʻzbekiston Respublikasi Adliya vazirligi tomonidan 2023-yil 22-avgustda roʻyxatdan oʻtkazildi, roʻyxat raqami 3103-1]

Oʻzbekiston Respublikasi Prezidentining 2023-yil 31-maydagi PF-81-son “Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida”gi va 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi farmonlariga muvofiq buyuraman:

1. Oʻzbekiston Respublikasi qishloq xoʻjaligi vazirining 2018-yil 16-noyabrdagi 54-son buyrugʻi (roʻyxat raqami 3103, 2018-yil 20-dekabr) (Qonun hujjatlari maʼlumotlari milliy bazasi, 21.12.2018-y., 10/18/3103/2355-son) bilan tasdiqlangan Tabiiy suv havzalari mahsuldorligini oshirishda baliqlantirish meʼyorlari va texnologiyasiga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. VOITOV

Toshkent sh.,

2023-yil 4-avgust,

144-son

Kelishildi:

Ekologiya, atrof-muhitni muhofaza qilish va iqlim oʻzgarishi vaziri A. ABDUXAKIMOV

2023-yil 27-iyul

Oʻzbekiston Respublikasi qishloq xoʻjaligi vazirining 2023-yil 4-avgustdagi 144-son buyrugʻiga ILOVA

Tabiiy suv havzalari mahsuldorligini oshirishda baliqlantirish meʼyorlari va texnologiyasiga kiritilayotgan oʻzgartirishlar

1. Muqaddimadan “Oʻzbekiston Respublikasi Prezidentining 2018-yil 6-apreldagi PQ-3657-son “Baliqchilik tarmogʻini jadal rivojlantirishga doir qoʻshimcha chora-tadbirlar toʻgʻrisida”gi qaroriga muvofiq” degan soʻzlar chiqarib tashlansin.

2. 9-banddagi “Ekologiya va atrof-muhitni muhofaza qilish davlat qoʻmitasi” degan soʻzlar “Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar bilan almashtirilsin.