Oʻzbekiston Respublikasi Oliy Majlisining Qonunchilik palatasining faoliyatini raqamlashtirishga doir ishlarni yanada rivojlantirish chora-tadbirlari toʻgʻrisida (3373-IV-son)

24.07.2023

Oʻzbekiston Respublikasi Oliy Majlisi Qonunchilik palatasi Kengashining

qarori

Oʻzbekiston Respublikasi Oliy Majlisi Qonunchilik palatasining faoliyatini raqamlashtirishga doir ishlarni yanada rivojlantirish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Oliy Majlisi Qonunchilik palatasi Devoni Axborot texnologiyalarini joriy qilish va rivojlantirish boʻlimi mudiri A. Saribayevning Oʻzbekiston Respublikasi Oliy Majlisi Qonunchilik palatasining faoliyatini raqamlashtirishga doir ishlarni yanada rivojlantirish toʻgʻrisidagi axboroti maʼlumot uchun qabul qilinsin.

2. Oʻzbekiston Respublikasi Oliy Majlisining Qonunchilik palatasi faoliyatini raqamlashtirish boʻyicha chora-tadbirlar rejasi ilovaga muvofiq tasdiqlansin.

3. Oʻzbekiston Respublikasi Oliy Majlisi Qonunchilik palatasi faoliyatiga “Elektron parlament” tizimini joriy etishga doir chora-tadbirlarni amalga oshirish boʻyicha komissiya hamda Oʻzbekiston Respublikasi Oliy Majlisi Qonunchilik palatasining Devoni Oʻzbekiston Respublikasi Oliy Majlisining Qonunchilik palatasi faoliyatini raqamlashtirish boʻyicha chora-tadbirlar rejasida belgilangan vazifalarning oʻz vaqtida va sifatli bajarilishini taʼminlasin.

4. Mazkur Qaror ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosari A. Qodirov zimmasiga yuklatilsin.

5. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2023-yil 24-iyul,

3373-IV-son