Vazirlar Mahkamasining “Toshkent shahridagi metropoliten yer usti liniyasi uchun harakatlanuvchi tarkib vagonlarini xarid qilish” loyihasini texnik-iqtisodiy asoslashini tasdiqlash toʻgʻrisida” 2019-yil 4-dekabrdagi 968-son qaroriga oʻzgartirish kiritish haqida (381-son)

14.08.2023

Oʻzbekiston Respublikasi Vazirlar Mahkamasining

qarori

Aholiga koʻrsatiladigan transport xizmati sifatini oshirish, transport infratuzilmasini takomillashtirish va xalqaro iqtisodiy meʼyorlarni uygʻunlashtirish borasida salmoqli ishlar amalga oshirilmoqda.

Shu bilan birga, xalqaro moliya bozorida loyihalarni moliyalashtirishda turli valyutalar uchun LIBOR stavkalarini belgilash amaliyoti bekor qilinishi oqibatida boshqa stavkalarga oʻtish zarurati yuzaga kelmoqda.

“Toshkent shahridagi metropoliten yer usti liniyasi uchun harakatlanuvchi tarkib vagonlarini xarid qilish” loyihasining amalga oshirilishini samarali tashkil etish, vagonlarni xarid qilish boʻyicha Davlat budjeti mablagʻlarini maqbullashtirish, shuningdek, Oʻzbekiston Respublikasi Prezidentining “Maʼmuriy islohotlar doirasida transport sohasida davlat boshqaruvini samarali tashkil qilish chora-tadbirlari toʻgʻrisida” 2023-yil 14-iyundagi PF-94-son Farmoni ijrosini taʼminlash maqsadida Vazirlar Mahkamasi qaror qiladi:

1. Vazirlar Mahkamasining “Toshkent shahridagi metropoliten yer usti liniyasi uchun harakatlanuvchi tarkib vagonlarini xarid qilish” loyihasini texnik-iqtisodiy asoslashini tasdiqlash toʻgʻrisida” 2019-yil 4-dekabrdagi 968-son qaroriga ilovaga muvofiq quyidagilarni nazarda tutuvchi oʻzgartirish kiritilsin:

xalqaro moliya bozorida loyihalarni moliyalashtirishda turli valyutalar uchun LIBOR stavkalarini belgilash amaliyoti bekor qilinishi munosabati bilan ushbu stavka oʻrniga 1 foizlik stavkani qoʻllash;

“Toshkent shahridagi metropoliten yer usti liniyasi uchun harakatlanuvchi tarkib vagonlarini xarid qilish” loyihasi doirasida Tiklanish va taraqqiyot jamgʻarmasining krediti boʻyicha asosiy qarz, foizlar va vositachilik haqi toʻlovlarini 1 foizlik stavka doirasida qayta belgilash.

2. Mazkur qarorning bajarilishini nazorat qilish Oʻzbekiston Respublikasi transport vaziri I.R. Maxkamov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 14-avgust,

381-son

Vazirlar Mahkamasining 2023-yil 14-avgustdagi 381-son qaroriga ILOVA

Vazirlar Mahkamasining “Toshkent shahridagi metropoliten yer usti liniyasi uchun harakatlanuvchi tarkib vagonlarini xarid qilish” loyihasini texnik-iqtisodiy asoslashini tasdiqlash toʻgʻrisida” 2019-yil 4-dekabrdagi 968-son qaroriga kiritilayotgan oʻzgartirish

2-ilovaning matni quyidagi tahrirda bayon etilsin:

“Toshkent shahridagi metropoliten yer usti liniyasi uchun harakatlanuvchi tarkib vagonlarini xarid qilish” loyihasi doirasida Oʻzbekiston Respublikasi Tiklanish va taraqqiyot jamgʻarmasining krediti boʻyicha asosiy qarzni qaytarish, foizlar va vositachilik haqini toʻlashning

PROGNOZ JADVALI

Kredit summasi 5 511 840,65 yevro* Kredit muddati 10 yil Jumladan, imtiyozli davr 3 yil Foiz stavkasi yiliga 1% Tashkil etish vositasi haqi 0,3% Majburiyat uchun vositachilik haqi Davriylik 6 oy Toʻlov miqdori 15 marotaba yevro Toʻlov davri** Asosiy qarz Jami toʻlov Jami toʻlov Asosiy qarz foizlar 2021-yil 2-yarim 5 511 840,65 28 087,74 28 087,74 2022-yil 1-yarim 5 144 384,61 367 456,04 27 030,67 394 486,71 2-yarim 4 776 928,57 367 456,04 25 933,34 393 389,38 2023-yil 1-yarim 4 409 472,53 367 456,04 23 688,33 391 144,37 2-yarim 4 042 016,49 367 456,04 22 228,57 389 684,61 2024-yil 1-yarim 3 674 560,45 367 456,04 20 154,71 387 610,75 2-yarim 3 307 104,41 367 456,04 18 523,81 385 979,85 2025-yil 1-yarim 2 939 648,37 367 456,04 16 399,61 383 855,65 2-yarim 2 572 192,33 367 456,04 14 819,05 382 275,09 2026-yil 1-yarim 2 204 736,29 367 456,04 12 755,26 380 211,30 2-yarim 1 837 280,25 367 456,04 11 114,29 378 570,33 2027-yil 1-yarim 1 469 824,21 367 456,04 9 110,90 376 566,94 2-yarim 1 102 368,17 367 456,04 7 409,52 374 865,56 2028-yil 1-yarim 734 912,13 367 456,04 5 496,74 372 952,78 2-yarim 367 456,09 367 456,04 3 704,76 371 160,80 2029-yil 1-yarim 0,00 367 456,09 1 822,18 369 278,27 Jami 5 511 840,65 248 279,48 5 760 120,13

* Loyiha doirasida 5 535 000,0 yevro oʻzlashtirilishi koʻzda tutilgan boʻlib, haqiqatda oʻzlashtirilgan kredit summasi 5 511 840,65 yevroni tashkil etadi.

”.