Oʻzbekiston Respublikasi Prezidentining “Respublikada davlat nazorati tizimini takomillashtirishga oid baʼzi tadbirlar toʻgʻrisida” 1994-yil 16 fevraldagi farmonini bajarish boʻyicha chora-tadbirlar haqida (106-son)

01.03.1994

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Respublikada davlat nazorati tizimini takomillashtirishga oid baʼzi tadbirlar toʻgʻrisida” 1994-yil 16-fevraldagi Farmonini bajarish yuzasidan Vazirlar Mahkamasi qaror qiladi:

1. Viloyatlar va Toshkent shahar hokimlari viloyatlar, Toshkent shahar, tumanlar va respublika shaharlari hokimliklari apparati tarkibida nazorat inspeksiyalarini ilovaga muvofiq tuzsinlar.

Qoraqalpogʻiston Respublikasi Joʻqargʻi Kenesiga apparatda nazorat inspeksiyasi tuzishni nazarda tutish tavsiya etilsin.

2. Belgilab qoʻyilsinki:

Qoraqalpogʻiston Respublikasi Joʻqargʻi Kenesi, viloyatlar, tumanlar va shaharlar nazorat inspeksiyalarini taʼminlash Qoraqalpogʻiston Respublikasi budjeti va tegishli mahalliy budjetlar hisobiga amalga oshiriladi;

Qoraqalpogʻiston Respublikasi Joʻqargʻi Kenesi, viloyatlar, tumanlar va shaharlar nazorat inspeksiyalari xodimlari mehnatga haq toʻlash, moddiy-maishiy taʼminot hamda tibbiy xizmat koʻrsatish shart-sharoitlari boʻyicha Qoraqalpogʻiston Respublikasi Joʻqargʻi Kenesi, viloyatlar, tumanlar va shaharlar hokimliklari boʻlimlari xodimlarining tegishli toifalariga tenglashtiriladilar.

3. Oʻzbekiston Respublikasi Moliya vazirligi:

Oʻzbekiston Respublikasi Prezidenti Devonining Ishlar Boshqarmasiga inspeksiyani taʼminlash uchun respublika budjetidan Oʻzbekiston Respublikasi Prezidenti Devonining smeta va shtat jadvaliga muvofiq zarur mablagʻlar ajratsin;

Qoraqalpogʻiston Respublikasi budjetiga va tegishli mahalliy budjetlarga Qoraqalpogʻiston Respublikasi, viloyatlar, tumanlar va shaharlar hokimliklarining nazorat inspeksiyalarini taʼminlash uchun zarur mablagʻlarni bersin.

4. Oʻzbekiston Respublikasi Prezidenti huzuridagi Davlat nazorat qoʻmitasi tugatilishi munosabati bilan uning balansidagi mol-mulk, asbob-uskuna, mebel va inventar:

markaziy apparatdan — Oʻzbekiston Respublikasi Prezidenti Devonining Ishlar Boshqarmasi balansiga;

Qoraqalpogʻiston Respublika davlat nazorati boshqarmasidan — Qoraqalpogʻiston Respublikasi Joʻqargʻi Kenesi balansiga;

mahalliy organlardan — tegishli mahalliy hokimiyat organlari balansiga oʻtkazilsin.

5. Oʻzbekiston Respublikasi Prezidenti Devoni nazorat inspeksiyasi Qoraqalpogʻiston Respublikasi Joʻqargʻi Kenesi, respublika viloyatlari, shaharlari va tumanlari nazorat inspeksiyalarining tarkibini qayta tuzish va kadrlar bilan butlashga oid tashkiliy tadbirlar majmuini bir oy muddatda taʼminlasin.

6. Oʻzbekiston Respublikasi Vazirlar Mahkamasining 1992-yil 15-fevraldagi 65-son va 1993-yil 5 martdagi 125-son qarorlari oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Bosh vazirning oʻrinbosari –– Oʻzbekiston Respublikasining Moliya vaziri B.S. Hamidov va Oʻzbekiston Respublikasi Prezidenti apparati Nazorat inspeksiyasi zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1994-yil 1-mart,

106-son

Vazirlar Mahkamasining 1994-yil 1 martdagi 106-son qaroriga ILOVA

Qoraqalpogʻiston Respublikasi, viloyatlar, tumanlar, shaharlar hokimliklari nazorat inspeksiyalarining

NAMUNAVIY TUZILMASI