“Soliq maslahati milliy standarti (3-sonli SMMS) “Davlat soliq xizmati organlari tomonidan soliq tekshiruvlari oʻtkazish vaqtida soliq maslahati boʻyicha xizmatlar koʻrsatish tartibi”ni tasdiqlash toʻgʻrisida”gi buyruqqa oʻzgartirishlar kiritish haqida (2425-1-son)

10.08.2023

Oʻzbekiston Respublikasi Iqtisodiyot va moliya vazirining

buyrugʻi

[Oʻzbekiston Respublikasi Adliya vazirligi tomonidan 2023-yil 10-avgustda roʻyxatdan oʻtkazildi, roʻyxat raqami 2425-1]

Oʻzbekiston Respublikasining “Soliq maslahatiga oid faoliyat toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2013-yil 8-yanvardagi 3-son “Soliq maslahati milliy standarti (3-sonli SMMS) “Davlat soliq xizmati organlari tomonidan soliq tekshiruvlari oʻtkazish vaqtida soliq maslahati boʻyicha xizmatlar koʻrsatish tartibi”ni tasdiqlash toʻgʻrisida”gi buyrugʻiga (roʻyxat raqami 2425, 2013-yil 6-fevral) (Oʻzbekiston Respublikasi qonun hujjatlari toʻplami, 2013-y., 6-son, 79-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir Sh. KUDBIYEV

Toshkent sh.,

2023-yil 17-iyul,

2425-son

Oʻzbekiston Respublikasi iqtisodiyot va moliya vazirining 2023-yil 17-iyuldagi 2425-son buyrugʻiga ILOVA

“Soliq maslahati milliy standarti (3-sonli SMMS) “Davlat soliq xizmati organlari tomonidan soliq tekshiruvlari oʻtkazish vaqtida soliq maslahati boʻyicha xizmatlar koʻrsatish tartibi”ni tasdiqlash toʻgʻrisida”gi buyruqqa kiritilayotgan

OʻZGARTIRIShLAR

1. Buyruqning muqaddimasidagi “Soliq maslahati toʻgʻrisida”gi Qonunining 7-moddasiga (Oʻzbekiston Respublikasi Oliy Majlisi palatalarining Axborotnomasi, 2006-yil, 9-son, 497-modda)” degan soʻzlar “Soliq maslahatiga oid faoliyat toʻgʻrisida”gi Qonunining 10-moddasiga” degan soʻzlar bilan almashtirilsin.

2. Ilovaning muqaddimasidan “Oʻzbekiston Respublikasining “Soliq maslahati toʻgʻrisida”gi Qonuniga (Oʻzbekiston Respublikasi Oliy Majlisi palatalarining Axborotnomasi, 2006-yil, 9-son, 497-modda) muvofiq” degan soʻzlar chiqarib tashlansin.