Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomni tasdiqlash haqida (312-son)

26.07.2023

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Davlat xaridlari toʻgʻrisida”gi Qonuni va Oʻzbekiston Respublikasi Prezidentining “Davlat aktivlarini xususiylashtirish jarayonlarini yanada jadallashtirish toʻgʻrisida” 2021-yil 11-fevraldagi PF-6167-son Farmoniga muvofiq, davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibini joriy etish maqsadida Vazirlar Mahkamasi qaror qiladi:

1. Quyidagilarni nazarda tutuvchi Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizom ilovaga muvofiq tasdiqlansin:

davlat aktivlarini xususiylashtirish, ishonchli boshqaruvga berish, xoʻjalik jamiyatlari ustav fondiga kiritish, davlat aktivlarini tasarruf etish va butligini saqlash bilan bogʻliq boshqa holatlarda ularni baholashda baholovchi tashkilotlar xizmatlarining boshlangʻich qiymatini aniqlash tartibi;

qishloq xoʻjaligiga moʻljallanmagan yer uchastkalarini sotish maqsadida baholashda baholovchi tashkilot xizmatlarining boshlangʻich qiymatini aniqlash tartibi;

baholash hisobotining ishonchliligini ekspertizadan oʻtkazishda baholovchi tashkilotlar xizmatlarining boshlangʻich qiymatini aniqlash tartibi.

2. Davlat aktivlarini boshqarish agentligi hamda manfaatdor vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 26-iyul,

312-son

Vazirlar Mahkamasining 2023-yil 26-iyuldagi 312-son qaroriga ILOVA

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi

NIZOM

1-bob. Umumiy qoidalar

1. Ushbu Nizom davlat aktivlarini samarali boshqarishni tashkil etishda (xususiylashtirish, ishonchli boshqaruvga berish, xoʻjalik jamiyatlari ustav fondiga kiritish, davlat aktivini tasarruf etish va butligini saqlash bilan bogʻliq boshqa holatlarda hamda qishloq xoʻjaligiga moʻljallanmagan yer uchastkasini sotishda) ularni baholash hamda baholash hisobotining ishonchliligini ekspertizadan oʻtkazish uchun baholovchi tashkilotlar xizmatlarining boshlangʻich qiymatini aniqlash tartibini belgilaydi.

2. Mazkur Nizom qoidalari davlat aktivini baholash, shuningdek baholash hisobotining ishonchliligini ekspertizadan oʻtkazishda budjet buyurtmachisi tomonidan baholovchi tashkilotlarni (xorijiy baholovchi tashkilotlar va ularning Oʻzbekistonda faoliyat yuritayotgan shuʼba korxonalari bundan mustasno) jalb qilish va ular koʻrsatgan xizmatlarning qiymati belgilangan tartibda aniqlanishini taʼminlash maqsadlari uchun tatbiq etiladi.

3. Davlat aktivlarini samarali boshqarishda baholovchi tashkilotlar xizmatlarining boshlangʻich qiymatini aniqlash tartibi budjet buyurtmachilari tomonidan davlat xaridlarini amalga oshirishda qoʻllaniladi.

2-bob. Davlat aktivini baholash boʻyicha baholovchi tashkilot xizmatining boshlangʻich qiymatini aniqlash

4. Baholovchi tashkilot xizmatlarining boshlangʻich qiymati mazkur bobda nazarda tutilgan formulalar, koeffitsiyentlar hamda kalkulyatsiyalarga muvofiq aniqlanadi.

Bunda, baholovchi tashkilot xizmatlarining boshlangʻich qiymatini aniqlash usuli baholash obyektining quyidagi tiplariga bogʻliq boʻladi:

davlat muassasalari hamda davlatga tegishli xoʻjalik yurituvchi subyektlarning ustav fondidagi aksiya (ulush)lar (keyingi oʻrinlarda — davlatga tegishli aksiyalar (ulushlar);

davlatga tegishli mulkiy majmua, mulkiy majmuaning bir qismi (keyingi oʻrinlarda — mulkiy majmua);

davlatga tegishli bino (shu jumladan, qurilishi tugallanmagan);

davlatga tegishli qishloq xoʻjaligiga moʻljallanmagan yer uchastkasi;

mazkur bandning uchinchi — oltinchi xatboshilarida nazarda tutilmagan davlatga tegishli boshqa aktivlar (inshootlar, uzatuvchi moslamalar, mashinalar, asbob-uskunalar, transport vositalari, instrumentlar, ashyo-inventarlar, ishchi hayvon, koʻp yillik oʻsimliklar va boshqa asosiy vositalar).

Davlatga tegishli baholash obyekti tarkibida yer uchastkasi boʻlgan taqdirda, baholovchi tashkilot xizmatlarining boshlangʻich qiymatiga mazkur Nizomning 7-bandida koʻrsatilgan tartibda aniqlanadigan davlatga tegishli qishloq xoʻjaligiga moʻljallanmagan yer uchastkasini mulk yoki ijara huquqi asosida sotish maqsadida baholash xizmatlarining boshlangʻich qiymati qoʻshiladi.

5. Davlatga tegishli aksiyalar (ulushlar) yoki mulkiy majmua baholanganda baholovchi tashkilot xizmatlarining boshlangʻich qiymati quyidagi formula boʻyicha hisoblanadi:

Qua = [(BHM x K1) + (BHM x K2)] x Kyo x Kh, bunda:

Qua — davlatga tegishli aksiyalar (ulushlar) yoki mulkiy majmua baholanganda baholovchi tashkilot xizmatlarining boshlangʻich qiymati;

BHM — boshlangʻich qiymat aniqlanayotgan kunda Oʻzbekiston Respublikasida belgilangan bazaviy hisoblash miqdori;

K1 — mazkur Nizomga 1-ilovaga muvofiq bazaviy hisoblash miqdoriga nisbatan koeffitsiyent;

K2 — mazkur Nizomga 2-ilovaga muvofiq bazaviy hisoblash miqdoriga nisbatan koeffitsiyent;

Kyo — baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda — 1,0;

ikkita yondashuv qoʻllanilganda — 1,3;

uchta yondashuv qoʻllanilganda — 1,5;

Kh — baholash obyekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent boʻlib, bunda:

agar baholash obyekti respublikaning ikkitagacha hududlarida joylashgan boʻlsa, koeffitsiyent — 1,05;

agar baholash obyekti respublikaning uchtadan oltitagacha hududlarida joylashgan boʻlsa, koeffitsiyent — 1,1;

agar baholash obyekti respublikaning yettitadan oʻntagacha hududlarida joylashgan boʻlsa, koeffitsiyent — 1,15;

agar baholash obyekti respublikaning oʻn bir va undan ortiq hududlarida joylashgan boʻlsa, koeffitsiyent — 1,2 ni tashkil etadi.

6. Davlatga tegishli bino (shu jumladan, qurilishi tugallanmagan) baholanganda baholovchi tashkilot xizmatlarining boshlangʻich qiymati quyidagi formula boʻyicha hisoblanadi:

Qbi = (BHM x K1) x Kyo x Kh, bunda:

Qbi — davlatga tegishli bino (shu jumladan, qurilishi tugallanmagan) baholanganda baholovchi tashkilot xizmatlarining boshlangʻich qiymati.

BHM — boshlangʻich qiymat aniqlanayotgan kunda Oʻzbekiston Respublikasida belgilangan bazaviy hisoblash miqdori;

K1 — mazkur Nizomga 1-ilovaga muvofiq bazaviy hisoblash miqdoriga nisbatan koeffitsiyent;

Kyo — baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda — 1,0;

ikkita yondashuv qoʻllanilganda — 1,3;

uchta yondashuv qoʻllanilganda — 1,5;

Kh — baholash obyekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent boʻlib, bunda:

agar baholash obyekti respublikaning ikkitagacha hududlarida joylashgan boʻlsa, koeffitsiyent — 1,05;

agar baholash obyekti respublikaning uchtadan oltitagacha hududlarida joylashgan boʻlsa, koeffitsiyent — 1,1;

agar baholash obyekti respublikaning yettitadan oʻntagacha hududlarida joylashgan boʻlsa, koeffitsiyent — 1,15;

agar baholash obyekti respublikaning oʻn bir va undan ortiq hududlarida joylashgan boʻlsa, koeffitsiyent — 1,2 ni tashkil etadi.

7. Davlatga tegishli qishloq xoʻjaligiga moʻljallanmagan yer uchastkasini mulk yoki ijara huquqi asosida realizatsiya qilish maqsadida baholanganda baholovchi tashkilot xizmatlarining boshlangʻich qiymati baholanayotgan yer uchastkasining umumiy maydonidan kelib chiqqan holda, boshlangʻich qiymat aniqlanayotgan kundagi bazaviy hisoblash miqdorining:

1 000 kv.m.gacha — 1,5 baravari;

1 000 kv.m.dan 10 000 kv.m.gacha — 2 baravari;

10 000 kv.m. va undan yuqori boʻlganda — 3 baravari etib belgilanadi.

8. Davlatga tegishli boshqa aktivlar baholanganda baholovchi tashkilot xizmatlarining boshlangʻich qiymati quyidagi formula boʻyicha hisoblanadi:

Qba = BHM x (K3 x S) x Kyo x Kh, bunda:

Qba — davlatga tegishli boshqa aktivlar baholanganda baholovchi tashkilot xizmatlarining boshlangʻich qiymati;

BHM — boshlangʻich qiymat aniqlanayotgan kunda Oʻzbekiston Respublikasida belgilangan bazaviy hisoblash miqdori;

K3 — mazkur Nizomga 3-ilovaga muvofiq bazaviy hisoblash miqdoriga nisbatan koeffitsiyent;

S — baholash obyektlari soni;

Kyo — baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda — 1,0;

ikkita yondashuv qoʻllanilganda — 1,3;

uchta yondashuv qoʻllanilganda — 1,5;

Kh — baholash obyekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent boʻlib, bunda:

agar baholash obyekti respublikaning ikkitagacha hududlarida joylashgan boʻlsa, koeffitsiyent — 1,05;

agar baholash obyekti respublikaning uchtadan oltitagacha hududlarida joylashgan boʻlsa, koeffitsiyent — 1,1;

agar baholash obyekti respublikaning yettitadan oʻntagacha hududlarida joylashgan boʻlsa, koeffitsiyent — 1,15;

agar baholash obyekti respublikaning oʻn bir va undan ortiq hududlarida joylashgan boʻlsa, koeffitsiyent — 1,2 ni tashkil etadi.

9. Davlatga tegishli baholash obyektlari baholanganda baholovchi tashkilot xizmatlarining boshlangʻich qiymati mazkur Nizomning 5, 6, 7 va 8-banlarida koʻrsatilgan formulalarga muvofiq aniqlanib, quyidagi kalkulyatsiyalarga asosan hisoblab chiqariladi:

davlatga tegishli aksiyalar (ulushlar) yoki mulkiy majmua baholanganda mazkur Nizomga 4-ilovada keltirilgan kalkulyatsiyaga muvofiq;

davlatga tegishli bino (shu jumladan, qurilishi tugallanmagan) baholanganda mazkur Nizomga 5-ilovada keltirilgan kalkulyatsiyaga muvofiq;

davlatga tegishli boshqa aktivlar baholanganda mazkur Nizomga 6-ilovada keltirilgan kalkulyatsiyaga muvofiq aniqlanadi.

10. Baholash obyekti talab qilish huquqi, majburiyat (qarz) boʻlganda baholovchi tashkilot xizmatlarining boshlangʻich qiymati baholash obyektining (xoʻjalik yurituvchi subyekt ustav fondidagi aksiyalar (ulushlar), mulkiy majmua, bino (shu jumladan, qurilishi tugallanmagan) va boshqa aktivlar) yuzaga kelish manbaidan kelib chiqib belgilanadi.

11. Baholash toʻgʻrisidagi hisobotlarning ishonchliligini ekspertizadan oʻtkazish boʻyicha baholovchi tashkilot xizmatlarining boshlangʻich qiymati quyidagicha belgilanadi:

a) davlatga tegishli aksiyalar (ulushlar), mulkiy majmua, davlatga tegishli bino (shu jumladan, qurilishi tugallanmagan), davlatga tegishli boshqa asosiy vositalar boʻyicha:

tahliliy ekspertiza oʻtkazilganda, mazkur Nizomga muvofiq baholash xizmatlari boshlangʻich qiymatining 20 foizi, lekin bazaviy hisoblash miqdorining yigirma baravaridan koʻp boʻlmagan miqdorda;

joyiga chiqqan holda ekspertiza oʻtkazilganda, mazkur Nizomga muvofiq hisoblangan xizmatlar boshlangʻich qiymatining 25 foizi, lekin bazaviy hisoblash miqdorining oʻn baravaridan kam boʻlmagan miqdorda;

b) qishloq xoʻjaligiga moʻljallanmagan yer uchastkasi boʻyicha tahliliy ekspertiza yoki joyiga chiqqan holda ekspertiza oʻtkazish uchun bazaviy hisoblash miqdorining bir baravari miqdorida.

12. Tanlovda ishtirok etish uchun takliflar taqdim etilmaganligi sababli tanlov oʻtkazilmagan deb hisoblangan taqdirda, budjet buyurtmachisi mazkur Nizomga asosan aniqlangan baholovchi tashkilot xizmatlarining boshlangʻich qiymatini eng koʻpi bilan bir yarim baravarga oshirgan holda takroran eʼlon berishi mumkin.

3-bob. Yakunlovchi qoida

13. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomga 1-ILOVA

Bazaviy hisoblash miqdoriga nisbatan koeffitsiyentlar

T/r Baholash obyektining maydoni — bino (shu jumladan, qurilishi tugallanmagan)* K1 1. 100 m2 gacha 5 2. 101 dan 300 m2 gacha 9 3. 301 dan 600 m2 gacha 13 4. 601 dan 1000 m2gacha 17 5. 1001 dan 2000 m2 gacha 21 6. 2001 dan 3500 m2 gacha 25 7. 3501 dan 5000 m2 gacha 29 8. 5001 dan 7000 m2 gacha 33 9. 7001 dan 9500 m2 gacha 37 10. 9501 dan 12500 m2gacha 41 11. 12501 dan 20000 m2gacha 45 12. 20001 dan 30000 m2 gacha 49 13. 30001 dan 40000 m2 gacha 53 14 40001 dan 50000 m2 gacha 57 15 50001 dan 60000 m2 gacha 61 16 60001 m2 va undan ortiq 65

* Xizmatlar boshlangʻich qiymatini aniqlashda bino (shu jumladan, qurilishi tugallanmagan) maydoni baholanayotgan hamma binolar (shu jumladan, qurilishi tugallanmaganlari) maydonlarining yigʻindisi sifatida aniqlanadi.

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomga 2-ILOVA

Bazaviy hisoblash miqdoriga nisbatan koeffitsiyentlar

T/r Binolardan (shu jumladan, qurilishi tugallanmagan) tashqari asosiy fondlar soni* K2 1. 50 donagacha 8 2. 51 dan 200 donagacha 10 3. 201 dan 400 donagacha 15 4. 401 dan 700 donagacha 30 5. 701 dan 1100 donagacha 40 6. 1101 dan 1500 donagacha 50 7. 1501 dan 2000 donagacha 70 8. 2001 dan 3000 donagacha 100 9. 3001 dan 4000 donagacha 130 10. 4001 dan 5000 donagacha 160 11. 5001 dan 6000 donagacha 200 12. 6001 dan 7000 donagacha 230 13. 7001 dan 8000 donagacha 260 14. 8001dan 9000 donagacha 280 15. 9001 va undan ortiq 300

* Xizmatlar boshlangʻich qiymatini aniqlashda bir xil nomdagi, ishga tushirish (ekish) yili va markasi (tipi) bir xil boʻlgan baholash obyektlari baholanayotgan obyektning bitta birligi sifatida qaraladi.

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomga 3-ILOVA

Bazaviy hisoblash miqdoriga nisbatan koeffitsiyentlar

T/r Baholash obyekti S K3 I. Moddiy aktivlar* 1. Inshootlar, uzatuvchi moslamalar, mashina va asbob-uskunlar 1 birlik 2,0 2. Yengil avtomototransport va elektr transport vositalari 1 birlik 1,5 3. Yirik yuk tashish transport va elektr transport vositalari, temir yoʻl teplavozlari, vagonlari 1 birlik 2,5 4. Instrumentlar, inventar, ishchi hayvon, koʻp yillik oʻsimliklar va boshqa asosiy fondlar 1 birlik 0,5 II. Nomoddiy aktivlar 5. Nomoddiy aktivlar 1 birlik 7,0 6. Intellektual mulk 1 birlik 20,0 III. Qarzdorliklar 7. Debitor qarzlar, investitsiyalar, kapital qoʻyilmalar 1 birlik** 2,0 8. Uzoq muddatli debitor qarzdorlik 1 birlik** 2,0

* Xizmatlar boshlangʻich qiymatini aniqlashda bir xil nomdagi, ishga tushirish (ekish) yili va markasi (tipi) bir xil boʻlgan baholash obyektlari baholanayotgan obyektning bitta birligi deb qaraladi;

** Debitor qarzdorligi mavjud tashkilotlar soni.

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomga 4-ILOVA

Xoʻjalik yurituvchi subyekt ustav fondidagi aksiyalar (ulushlar) yoki mulkiy majmua baholanganda xizmatlar boshlangʻich qiymatini aniqlash boʻyicha K A L K U L Ya S I Ya (soʻm) T/r Baholash obyekti Oʻlchov birligi Koef-t (K1, K2) Qiymat Baholovchi tashkilot xizmatlarining boshlangʻich qiymatini aniqlash sanasida Oʻzbekiston Respublikasida belgilangan bazaviy hisoblash miqdori (soʻm): 1. Bino (shu jumladan, qurilishi tugallanmagan) 100 m2gacha 5 K1 x BHM 101 dan 300 m2 gacha 9 301 dan 600 m2gacha 13 601 dan 1000 m2 gacha 17 1001 dan 2000 m2 gacha 21 2001 dan 3500 m2 gacha 25 3501 dan 5000 m2 gacha 29 5001 dan 7000 m2 gacha 33 7001 dan 9500 m2 gacha 37 9501 dan 12500 m2 gacha 41 12501 dan 20000 m2gacha 45 20001 dan 30000 m2 gacha 49 30001 dan 40000 m2 gacha 53 40001 dan 50000 m2 gacha 57 50001 dan 60000 m2 gacha 61 60001 m2 va undan ortiq 65 2. Binolardan (shu jumladan, qurilishi tugallanmaganlari) tashqari asosiy fondlar 50 donagacha 8 K2 x BHM 51 dan 200 donagacha 10 201 dan 400 donagacha 15 401 dan 700 donagacha 30 701 dan 1100 donagacha 40 1101 dan 1500 donagacha 50 1501dan 2000 donagacha 70 2001 dan 3000 donagacha 100 3001 dan 4000 donagacha 130 4001 dan 5000 donagacha 160 5001 dan 6000 donagacha 200 6001 dan 7000 donagacha 230 7001 dan 8000 donagacha 260 8001 dan 9000 donagacha 280 9001 va undan ortiq 300 3. Qimmatli qogʻozlar 3 x BHM 4. Nomoddiy aktivlar K3 x BHM 5. Intellektual mulk K3 x BHM 6. Debitorlik qarzlari, investitsiyalar, kapital qoʻyilmalar K3 x BHM 7. Uzoq muddatli debitor qarzdorlik K3 x BHM 8. Summa =1 satr+2 satr+3 satr+4 satr+5 satr+6 satr+7 satr Koʻrsatkichlar 9. Baholashda qoʻllanilgan yondashuv sonini hisobga oluvchi koeffitsiyent, (Kyo) = 8 satr x tegishli koeffitsiyent 10. Baholash obyekti joylashgan hududni hisobga oluvchi koeffitsiyent, (Kh) = 9 satr x tegishli koeffitsiyent 11. Qishloq xoʻjaligiga moʻljallanmagan yer uchastkasi mulk huquqi yoki ijara huquqi asosida sotish maqsadida baholanganda BHMning tegishli baravari 12. Xizmatlar qiymati = 10satr yoki (10satr+11satr)

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomga 5-ILOVA

Bino (shu jumladan, qurilishi tugallanmagan) baholanganda xizmatlar boshlangʻich qiymatini aniqlash boʻyicha K A L K U L YaS I Ya (soʻm) T/r Baholash obyekti Oʻlchov birligi Koef-t (K1) Qiymat Baholovchi tashkilot xizmatlarining boshlangʻich qiymatini aniqlash sanasida Oʻzbekiston Respublikasida belgilangan bazaviy hisoblash miqdori (soʻm): 1. Bino (shu jumladan, qurilishi tugallanmagan) 100 m2gacha 5 K1 x BHM 101 dan 300 m2 gacha 9 301 dan 600 m2gacha 13 601 dan 1000 m2 gacha 17 1001 dan 2000 m2 gacha 21 2001 dan 3500 m2 gacha 25 3501 dan 5000 m2 gacha 29 5001 dan 7000 m2 gacha 33 7001 dan 9500 m2 gacha 37 9501 dan 12500 m2 gacha 41 12501 dan 20000 m2gacha 45 20001 dan 30000 m2 gacha 49 30001 dan 40000 m2 gacha 53 40001 dan 50000 m2 gacha 57 50001 dan 60000 m2 gacha 61 60001 m2 va undan ortiq 65 2. Summa = 1 satr Koʻrsatkichlar 3. Baholashda qoʻllanilgan yondashuv sonini hisobga oluvchi koeffitsiyent, (Kyo) = 2 satr x tegishli koeffitsiyent 4. Baholash obyekti joylashgan hududni hisobga oluvchi koeffitsiyent, (Kh) = 3 satr x tegishli koeffitsiyent 5. Qishloq xoʻjaligiga moʻljallanmagan yer uchastkasi mulk huquqi yoki ijara huquqi asosida sotish maqsadida baholanganda BHMning tegishli baravari 6. Xizmatlar qiymati = (4 satr + 5 satr)

Davlat aktivlarini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash tartibi toʻgʻrisidagi nizomga 6-ILOVA

Boshqa davlat aktivlari baholanganda xizmatlar boshlangʻich qiymatini aniqlash boʻyicha K A L K U L Ya S I Ya (soʻm) T/r Baholash obyekti Oʻlchov birligi Koef-t (K3) Soni (S) Qiymat Baholovchi tashkilot xizmatlarining boshlangʻich qiymatini aniqlash sanasida Oʻzbekiston Respublikasida belgilangan bazaviy hisoblash miqdori (soʻm): 1. Inshootlar, uzatuvchi moslamalar, mashina va asbob-uskunlar 1 birlik 2 1 birlik K3 x BHM x S 2. Yengil avtomototransport va elektr transport vositalari 1 birlik 1,5 1 birlik K3 x BHM x S 3. Yirik yuk tashish transport va elektr transport vositalari, temir yoʻl teplovozlari, vagonlari 1 birlik 2,5 1 birlik K3 x BHM x S 4. Instrumentlar, ashyo-inventar, ishchi hayvon, koʻp yillik oʻsimliklar va boshqa asosiy fondlar 1 birlik 0,5 1 birlik K3 x BHM x S 5. Nomoddiy aktivlar 1 birlik 7,0 1 birlik K3 x BHM x S 6. Intellektual mulk 1 birlik 20,0 1 birlik K3 x BHM x S 7. Debitorlik qarzlari, investitsiyalar, kapital qoʻyilmalar 1 birlik 2,0 1 birlik K3 x BHM x S 8. Uzoq muddatli debitor qarzdorlik 1 birlik 2,0 1 birlik K3 x BHM x S 9. Summa =1 satr+2 satr+3 satr +4 satr+5 satr+6 satr +7 satr+8 satr Koʻrsatkichlar 10. Baholashda qoʻllanilgan yondashuv sonini hisobga oluvchi koeffitsiyent, (Kyo) = 9 satr x tegishli koeffitsiyent 11. Baholash obyekti joylashgan hududni hisobga oluvchi koeffitsiyent, (Kh) = 10 satr x tegishli koeffitsiyent 12. Xizmatlar qiymati = 11 satr