Oʻzbekiston Respublikasi Kambagʻallikni qisqartirish va bandlik vazirligi huzuridagi Hunarmandchilik va kasanachilikni qoʻllab-quvvatlash jamgʻarmasi faoliyatini tashkil etish chora-tadbirlari toʻgʻrisida (307-son)

22.07.2023

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Aholini hunarmandchilikka jalb qilish va hunarmandchilik faoliyatini rivojlantirish uchun qulay shart-sharoitlar yaratish chora-tadbirlari toʻgʻrisida” 2023-yil 12-iyundagi PF-91-son Farmoni hamda “Kasanachilikni yanada rivojlantirishga oid qoʻshimcha chora-tadbirlar toʻgʻrisida” 2023-yil 23-fevraldagi PQ-70-son qarori, shuningdek, hunarmandchilik va kasanachilikni rivojlantirish orqali ishsiz aholi, ayniqsa, xotin-qizlar, mehnatga layoqatli nogironligi boʻlgan shaxslarning ish bilan bandligiga koʻmaklashish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Aholini hunarmandchilikka jalb qilish va hunarmandchilik faoliyatini rivojlantirish uchun qulay shart-sharoitlar yaratish chora-tadbirlari toʻgʻrisida” 2023-yil 12-iyundagi PF-91-son Farmoni hamda “Kasanachilikni yanada rivojlantirishga oid qoʻshimcha chora-tadbirlar toʻgʻrisida” 2023-yil 23-fevraldagi PQ-70-son qarorida:

a) Kambagʻallikni qisqartirish va bandlik vazirligi huzurida yuridik shaxs maqomiga ega boʻlmagan Hunarmandchilik va kasanachilikni qoʻllab-quvvatlash jamgʻarmasi tashkil etilganligi;

b) Hunarmandchilik va kasanachilikni qoʻllab-quvvatlash jamgʻarmasi mablagʻlaridan tadbirkorlik subyektlariga quyidagi subsidiyalarni ajratish:

kasanachilikni tashkil etgan mahallalar joylashgan hududdan qatʼi nazar, har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida;

2025-yil 1-yanvarga qadar kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xom ashyo xarid qilish boʻyicha xarajatlarini qoplash uchun, biroq har bir kasanachi uchun bazaviy hisoblash miqdorining 30 baravarigacha miqdorda;

kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirish uchun har bir moslashtirilayotgan ish joyi boʻyicha bazaviy hisoblash miqdorining 40 baravarigacha miqdorda;

kasanachilarni kasb-hunarga oʻqitishga sarflanadigan xarajatlarni uch oygacha boʻlgan muddatda qoplash uchun, biroq har bir kasanachi uchun har oyda bazaviy hisoblash miqdorining 2 baravarigacha miqdorda;

nodavlat taʼlim tashkilotlarida kasanachilik yoʻnalishida oʻquv kurslarini tamomlagan har bir bitiruvchiga kasbga oʻqitish uchun sarflangan xarajatlarning 70 foizi, biroq har bir bitiruvchiga bazaviy hisoblash miqdorining 4 baravaridan oshmagan miqdorda;

v) Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tuman (shahar)larning toifasiga qarab:

“Usta-shogird” anʼanalari asosida yoshlarga hunar oʻrgatayotgan hunarmandlarga shogirdlar tayyorlash, zarur xom ashyo sotib olish va shogirdlarni ish haqi bilan taʼminlash uchun bazaviy hisoblash miqdorining besh baravarigacha;

shogirdlarga — mustaqil faoliyat boshlashi uchun zarur asbob-uskuna va jihozlarni sotib olish xarajatlarining 75 foizdan oshmagan, biroq bazaviy hisoblash miqdorining oʻttiz baravarigacha;

ustalarga — internet saytlarini yaratish, oʻz mahsulotlarini jahon elektron savdo maydonchalariga chiqarish va reklama xarajatlarining 75 foizdan oshmagan, biroq bazaviy hisoblash miqdorining oʻttiz baravarigacha;

Hunarmandlarning “Hunarmand” uyushmasiga aʼzolik badali xarajatlari uchun bazaviy hisoblash miqdorining besh baravarigacha;

g) Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan jalb qilingan har bir kasanachi uchun 1 million soʻmgacha, biroq 2 yilgacha muddatga jami 150 million soʻmgacha foizsiz ssuda ajratish;

d) Kambagʻallikni qisqartirish va bandlik vazirligining Bandlikka koʻmaklashish davlat jamgʻarmasi, Jamoat ishlari jamgʻarmasiga kasanachilikni qoʻllab-quvvatlash uchun Davlat budjetidan ajratilgan transfertlar hamda Aholini tadbirkorlikka jalb qilish jamgʻarmasidan hunarmandchilik faoliyatini qoʻllab-quvvatlashga ajratiladigan subsidiyalar uchun koʻzda tutilgan mablagʻlar Jamgʻarmaga yoʻnaltirilishi, 2024-yildan boshlab — Davlat budjeti parametrlarini shakllantirishda ushbu mablagʻlar Hunarmandchilik va kasanachilikni qoʻllab-quvvatlash jamgʻarmasi uchun ajratilishi koʻzda tutilishi belgilanganligi maʼlumot uchun qabul qilinsin.

2. Quyidagilarni nazarda tutuvchi Oʻzbekiston Respublikasi Kambagʻallikni qisqartirish va bandlik vazirligi huzuridagi Hunarmandchilik va kasanachilikni qoʻllab-quvvatlash jamgʻarmasi toʻgʻrisidagi nizom 1-ilovaga muvofiq tasdiqlansin:

Hunarmandchilik va kasanachilikni qoʻllab-quvvatlash jamgʻarmasi mablagʻlarini shakllantirish tartibi;

tadbirkorlik subyektlariga subsidiyalar va ssuda ajratish tartibi;

Hunarmandchilik va kasanachilikni qoʻllab-quvvatlash jamgʻarmasi mablagʻlarini boshqarish va moliyalashtirish tartibi;

Hunarmandchilik va kasanachilikni qoʻllab-quvvatlash jamgʻarmasi mablagʻlaridan maqsadli va samarali foydalanish tartibi.

3. Oʻzbekiston Respublikasi Kambagʻallikni qisqartirish va bandlik vazirligi:

2023-yil 1-sentabrdan boshlab, ish beruvchilar tomonidan homiladorligi yoki farzandi borligi sababli ayollarni ishga qabul qilishni rad etish, ishdan boʻshatish va ularning ish haqini kamaytirish kabi holatlar boʻyicha murojaatlarni qabul qiladigan “Call-markaz”ni ishga tushirsin;

Vazirlikka “Call-markaz” orqali fuqarolardan tushayotgan barcha murojaatlarni umumlashtirish hamda belgilangan tartibda koʻrib chiqish, ushbu murojaatlar boʻyicha tashkilotlardan zarur maʼlumotlarni talab qilish, shuningdek, qonunchilik talablarining buzilish holatlari aniqlanganda, belgilangan tartibda taʼsir choralarini qoʻllash vakolati berilsin.

4. Quyidagilar:

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan mahallalarda kasanachilikni tashkil etgan tadbirkorlik subyektlariga subsidiya ajratish tartibi toʻgʻrisidagi nizom 2-ilovaga muvofiq;

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xom ashyo xarid qilish boʻyicha xarajatlarini qoplash uchun subsidiya ajratish tartibi toʻgʻrisidagi nizom 3-ilovaga muvofiq;

davlat va nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish tartibi toʻgʻrisidagi nizom 4-ilovaga muvofiq;

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirish hamda moslashtirilayotgan har bir ish joyi xarajatlarini qoplash uchun subsidiya ajratish tartibi toʻgʻrisidagi nizom 5-ilovaga muvofiq;

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan kasanachilarni kasb-hunarga oʻqitishga sarflanadigan xarajatlarni qoplash uchun subsidiya ajratish tartibi toʻgʻrisidagi nizom 6-ilovaga muvofiq;

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan hunarmandchilik faoliyatini qoʻllab-quvvatlash uchun subsidiyalar ajratish tartibi toʻgʻrisidagi nizom 7-ilovaga muvofiq;

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga foizsiz ssuda ajratish tartibi toʻgʻrisidagi nizom 8-ilovaga muvofiq tasdiqlansin.

5. Oʻzbekiston Respublikasi Hukumatining 9-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

amalga oshirilayotgan maʼmuriy islohotlar doirasida Oʻzbekiston Respublikasi Hukumatining ayrim qarorlariga Respublika ijro etuvchi hokimiyat orgnalarining nomlanishi bilan bogʻliq tegishli oʻzgartirishlar kiritish;

kasanachilarga har yilgi mehnat taʼtili muddati hamda mehnat daftarchalarini yuritish qoidalarini Mehnat kodeksi normalariga muvofiqlashtirish.

6. Oʻzbekiston Respublikasi Hukumatining 10-ilovaga muvofiq ayrim hujjatlari oʻz kuchini yoʻqotgan deb hisoblansin.

7. Oʻzbekiston Respublikasi Kambagʻallikni qisqartirish va bandlik vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi kambagʻallikni qisqartirish va bandlik vaziri B.A. Musayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 22-iyul,

307-son

Vazirlar Mahkamasining 2023-yil 22-iyuldagi 307-son qaroriga 1-ILOVA

Oʻzbekiston Respublikasi Kambagʻallikni qisqartirish va bandlik vazirligi huzuridagi Hunarmandchilik va kasanachilikni qoʻllab-quvvatlash jamgʻarmasi toʻgʻrisida

NIZOM

1-bob. Umumiy qoidalar

1. Mazkur Nizom Oʻzbekiston Respublikasi Kambagʻallikni qisqartirish va bandlik vazirligi huzuridagi Hunarmandchilik va kasanachilikni qoʻllab-quvvatlash jamgʻarmasining (keyingi oʻrinlarda — Jamgʻarma) mablagʻlari shakllantirilishi va ulardan foydalanish tartibini belgilaydi.

2. Jamgʻarma Kambagʻallikni qisqartirish va bandlik vazirligi huzurida yuridik shaxs maqomiga ega boʻlmagan, hunarmandchilik va kasanachilikni qoʻllab-quvvatlash uchun respublika darajada tashkil etiladi.

3. Respublika darajada tashkil etilgan Jamgʻarma Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi tomonidan ochiladigan shaxsiy gʻazna hisobvaraqlariga ega boʻladi.

2-bob. Jamgʻarma mablagʻlarini shakllantirish tartibi

4. Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasi Davlat budjetidan har yili ajratiladigan transfertlar;

xalqaro moliya institutlari grantlari, jismoniy va yuridik shaxslar va boshqa xorijiy donorlarning homiylik xayriyalari;

Jamgʻarmaning vaqtincha boʻsh mablagʻlarini tijorat banklariga joylashtirishdan foiz shaklida olinadigan daromadlar;

qonunchilik hujjatlarida taqiqlanmagan boshqa manbalar.

Jamgʻarma mablagʻlari soliq solinadigan obyekt hisoblanmaydi.

5. Oʻzbekiston Respublikasi Davlat budjetidan Jamgʻarmani moliyalashtirishga ajratiladigan transfertlarning hajmi har yili aniqlashtiriladi va Oʻzbekiston Respublikasi Davlat budjetining asosiy parametrlarida tasdiqlanadi.

6. Xalqaro moliya institutlari va boshqa xorijiy donorlarning grantlari, jismoniy va yuridik shaxslar hamda xayriya jamgʻarmalarining, jumladan, Oʻzbekiston Respublikasi norezidentlarining homiylik xayriyalari qonunchilikda belgilangan tartibda Jamgʻarmaning Gʻaznachilik xizmati qoʻmitasidagi shaxsiy gʻazna hisobvaraqlariga kelib tushadi, xalqaro moliya institutlari va boshqa xorijiy donorlar yoki xorijiy grantlarni berish shartlarida boshqacha tartib nazarda tutilgan holatlar bundan mustasno.

3-bob. Jamgʻarma mablagʻlarini boshqarish va moliyalashtirish tartibi

7. Oʻzbekiston Respublikasi Kambagʻallikni qisqartirish va bandlik vazirligi (keyingi oʻrinlarda — Vazirlik), Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari, tuman (shahar) kambagʻallikni qisqartirish va bandlikka koʻmaklashish boʻlimlari tegishli ravishda Jamgʻarma mablagʻlarini tasarruf etuvchilar hisoblanadi.

8. Jamgʻarma mablagʻlaridan quyidagi maqsadlar uchun foydalaniladi:

a) tadbirkorlik subyektlariga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ular kasanachilikni tashkil etgan mahallalar joylashgan hududidan qatʼi nazar ajratiladi;

b) tadbirkorlik subyektlariga quyidagi subsidiyalar ajratiladi:

2025-yil 1-yanvarga qadar kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xom ashyo xarid qilish boʻyicha xarajatlarini qoplash uchun, biroq har bir kasanachi uchun bazaviy hisoblash miqdorining 30 baravarigacha miqdorda bir martalik;

kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirish uchun har bir moslashtirilayotgan ish joyi boʻyicha bazaviy hisoblash miqdorining 40 baravarigacha miqdorda;

kasanachilarni kasb-hunarga oʻqitishga sarflanadigan xarajatlarni uch oygacha boʻlgan muddatda qoplash uchun, biroq har bir kasanachi uchun har oyda bazaviy hisoblash miqdorining 2 baravarigacha miqdorda;

davlat va nodavlat taʼlim tashkilotlarida kasanachilik yoʻnalishida oʻquv kurslarini tamomlagan har bir bitiruvchiga kasbga oʻqitish uchun sarflangan xarajatlarning 70 foizi, biroq har bir bitiruvchiga bazaviy hisoblash miqdorining 4 barobaridan oshmagan miqdorda;

davlat buyurtmasi asosida davlat va nodavlat taʼlim tashkilotlarida kasbga oʻqitilgan kasanachilarni malaka imtihonlarini tashkil etish bilan bogʻliq xarajatlarni band boʻlmagan har bir shaxs uchun bazaviy hisoblash miqdorining 4 baravaridan ortiq boʻlmagan miqdorda.

v) Jamgʻarma mablagʻlari hisobidan tuman (shahar)larning toifasiga qarab:

“Usta-shogird” anʼanalari asosida yoshlarga hunar oʻrgatayotgan hunarmandlarga shogirdlar tayyorlash, zarur xom ashyo sotib olish va shogirdlarni ish haqi bilan taʼminlash uchun 1 — 3 toifa tuman (shahar)lar uchun bazaviy hisoblash miqdorining ikki baravarigacha, 4-toifa tuman (shahar)lar uchun bazaviy hisoblash miqdorining toʻrt baravarigacha va 5-toifa tuman (shahar)lar uchun bazaviy hisoblash miqdorining besh baravarigacha;

shogirdlarga — mustaqil faoliyat boshlashi uchun zarur asbob-uskuna va jihozlarni sotib olish uchun 1 — 3 toifa tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha, 4-5-toifa tuman (shahar)lar uchun xarajatlarning 75 foizi, biroq bazaviy hisoblash miqdorining oʻttiz baravarigacha;

ustalarga — internet saytlarini yaratish, oʻz mahsulotlarini jahon elektron savdo maydonchalariga chiqarish va reklama xarajatlari uchun 1 — 3 toifa tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha, 4-5-toifa tuman (shahar)lar uchun xarajatlarning 75 foizi, biroq bazaviy hisoblash miqdorining oʻttiz baravarigacha;

hunarmandlarning “Hunarmand” uyushmasiga aʼzolik badali xarajatlari uchun bazaviy hisoblash miqdorining besh baravarigacha;

g) Jamgʻarma mablagʻlari hisobidan har bir jalb qilingan kasanachi uchun 1 million soʻmgacha, biroq jami 150 million soʻmgacha 2 yilgacha muddatga foizsiz ssuda ajratiladi. Bunda mazkur ssudani tadbirkorlik subyektlari talabiga binoan kasanachilarning bank kartalariga oʻtkazib berilishiga ruxsat etiladi.

9. Jamgʻarma mablagʻlarini mazkur Nizomda nazarda tutilmagan maqsadlar uchun sarflashga yoʻl qoʻyilmaydi.

4-bob. Jamgʻarmaning Ishchi organi

10. Oʻzbekiston Respublikasi Kambagʻallikni qisqartirish va bandlik vazirligining Moliya-iqtisod boshqarmasi Jamgʻarmaning Ishchi organi hisoblanadi.

11. Jamgʻarmaning Ishchi organi:

Jamgʻarma daromadlari va xarajatlari boʻyicha prognozni va hisobot balanslarini shakllantiradi;

Jamgʻarmaning daromadlari va xarajatlari boʻyicha hisob va hisobot yuritilishini taʼminlaydi hamda iqtisodiyot va moliya organlariga yuboradi;

Jamgʻarmaning moliyaviy hisoboti ishonchliligini taʼminlaydi;

Jamgʻarma mablagʻlaridan maqsadli va samarali foydalanish masalalari boʻyicha izohlar va takliflar beradi;

faoliyatini kasanachilik asosida tashkil etgan tadbirkorlik subyektlariga subsidiyalar ajratish, ularni moliyaviy qoʻllab-quvvatlash ishlarini tashkil etish va muvofiqlashtirish;

kasanachilik asosida ish faoliyatini tashkil etgan hamda Jamgʻarma mablagʻlari hisobidan subsidiya va ssudalar ajratilgan tadbirkorlik subyektlarining ish natijadorligini tahlil qilish.

12. Jamgʻarmaning yil yakuni boʻyicha mablagʻlari qoldigʻi olib qoʻyilmaydi va keyingi moliya yili uchun daromadlar va xarajatlar smetasini tuzishda inobatga olinadi.

5-bob. Jamgʻarmaning tushumi va mablagʻlaridan foydalanishni nazorat qilish hamda javobgarlik

13. Oʻzbekiston Respublikasi Kambagʻallikni qisqartirish va bandlik vazirligi, Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari, tuman (shahar) kambagʻallikni qisqartirish va bandlikka koʻmaklashish boʻlimlari Jamgʻarmaning mablagʻlaridan maqsadli va samarali foydalanish uchun javob beradi.

14. Jamgʻarma mablagʻlaridan foydalanish yuzasidan nazorat Oʻzbekiston Respublikasi Kambagʻallikni qisqartirish va bandlik vazirligi ichki audit xizmati hamda Davlat moliyaviy nazorati inspeksiyasi tomonidan amalga oshiriladi.

6-bob. Yakunlovchi qoidalar

15. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

16. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2023-yil 22-iyuldagi 307-son qaroriga 2-ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan mahallalarda kasanachilikni tashkil etgan tadbirkorlik subyektlariga subsidiya ajratish tartibi toʻgʻrisida

NIZOM

1-bob. Umumiy qoidalar

1. Mazkur Nizom Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan mahallalarda kasanachilikni tashkil etgan tadbirkorlik subyektlariga (keyingi oʻrinlarda — talabgor) subsidiya ajratish tartibini belgilaydi.

2. Kasanachilikni tashkil etgan talabgorga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratiladi.

3. Talabgorga subsidiya tuman (shahar) Kambagʻallikni qisqartirish va bandlikka koʻmaklashish boʻlimlari (keyingi oʻrinlarda — mahalliy mehnat organi) tomonidan mazkur Nizomga ilovaga muvofiq sxema boʻyicha ajratiladi.

2-bob. Murojaat qilish tartibi

4. Talabgor kasanachilikni tashkil etganidan soʻng subsidiya olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisining (keyingi oʻrinlarda — hokim yordamchisi) tavsiyasi asosida tegishli mahalliy mehnat organiga yozma ravishda yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

Talabgorning murojaatida kasanachining familiyasi, ismi, otasining ismi, talabgorning subsidiya toʻlab berilishi lozim boʻlgan hisobvaragʻi (rekvizitlari) va manzili koʻrsatiladi, shuningdek, murojaatga kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi, kasanachining dastlabki uch oy davomidagi daromadi miqdori toʻgʻrisidagi maʼlumotnoma (yoki kasanachining dastlabki uch oy davomidagi faoliyati uchun toʻlovlar bank orqali toʻlanganligini tasdiqlovchi maʼlumotnoma) ilova qilinadi.

3-bob. Subsidiya ajratish tartibi va shartlari

5. Mahalliy mehnat organi talabgor tomonidan subsidiya olishni soʻrab taqdim etilgan hujjatlarni 3 ish kuni ichida oʻrganib chiqadi. Bunda subsidiya berish uchun talabgor va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasining Yagona elektron shartnomalar axborot portalida (keyingi oʻrinlarda — Yagona elektron shartnomalar axborot portali) roʻyxatdan oʻtkazilganligi hamda rasmiylashtirilganligiga kamida 3 oy oʻtganligi asos hisoblanadi.

6. Talabgor tomonidan hujjatlar toʻliq taqdim etilib, unda barcha zarur maʼlumotlar koʻrsatilganligi, kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi rasmiylashtirilganligiga kamida uch oy oʻtganligi, Yagona elektron shartnomalar axborot portalida roʻyxatdan oʻtkazilganligi hamda kasanachining dastlabki uch oy davomidagi daromadi miqdori haqqoniyligi tasdiqlanganda, mahalliy mehnat organi talabgorga kasanachilikni tashkil etganligi uchun subsidiya ajratish (yoki ajratishni rad etish) toʻgʻrisida qaror qabul qiladi. Qarorda subsidiya miqdori va uni ajratish muddati (murojaat tushgandan soʻng 3 ish kunidan oshmagan muddatda) koʻrsatilishi lozim.

Bunda mahalliy mehnat organi tomonidan kasanachining dastlabki uch oy davomidagi daromadi miqdorining haqqoniyligi tuman (shahar) Soliq inspeksiyasidan maʼlumot olish yoʻli bilan yoki “Yagona milliy mehnat tizimi” idoralararo dasturiy-apparat kompleksi orqali tekshiriladi.

7. Subsidiya ajratish quyidagilarga koʻra rad etiladi:

hujjatlar ushbu Nizomning 4-bandiga muvofiq talabgor tomonidan toʻliq taqdim etilmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilmaganda;

kasanachining dastlabki uch oy davomidagi daromadi miqdori toʻgʻrisidagi maʼlumot haqqoniyligi tasdiqlanmasa.

Mahalliy mehnat organi subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini bir kun muddatda yuboradi.

8. Talabgor mahalliy mehnat organining subsidiya ajratishni rad etish toʻgʻrisidagi qaroridan norozi boʻlsa, yuqori turuvchi organga yoki sud organlariga shikoyat qilishi mumkin.

9. Mahalliy mehnat organining subsidiya ajratish toʻgʻrisidagi qarori qabul qilingandan soʻng besh ish kuni ichida ushbu Nizomning 2-bandida koʻrsatilgan miqdorda bir martalik subsidiya ajratiladi.

4-bob. Yakunlovchi qoidalar

10. Mazkur Nizomda ajratilishi belgilangan subsidiyani olayotgan talabgor bir vaqtning oʻzida qonunchilik hujjatlarida belgilangan ishsiz shaxslar bandligiga koʻmaklashishga qaratilgan boshqa turdagi subsidiyalarni ham belgilangan tartibda olishga haqli.

11. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan mahallalarda kasanachilikni tashkil etgan tadbirkorlik subyektlariga subsidiya ajratish tartibi toʻgʻrisidagi nizomga ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan mahallalarda kasanachilikni tashkil etgan tadbirkorlik subyektlariga subsidiya ajratish

SXEMASI

Bosqichlar Subyektlar Chora-tadbirlar Bajarish muddatlari 1-bosqich Kasanachilikni tashkil etgan tadbirkorlik subyekti (talabgor) Mahallalarda kasanachilikni tashkil etganligi uchun subsidiya olish maqsadida tuman (shahar) Kambagʻallikni qisqartirish va bandlikka koʻmaklashish boʻlimigazarur hujjatlarni ilova qilgan holda yozma ravishda murojaat qiladi. Oʻz xohishiga koʻra 2-bosqich tuman (shahar) Kambagʻallikni qisqartirish va bandlikka koʻmaklashish boʻlimi 1. Talabgor murojaatini ilova qilingan hujjatlar bilan birga oʻrganib chiqadi. 3 ish kuni ichida 2. Talabgorga subsidiya ajratish yoki ajratishni rad etish toʻgʻrisida qaror qabul qiladi. 3. Oʻrganish natijalariga koʻra subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini yuboradi. 1 kun muddatda 3-bosqich tuman (shahar) Kambagʻallikni qisqartirish va bandlikka koʻmaklashish boʻlimi Subsidiya ajratish toʻgʻrisida qaror qabul qilingandan soʻng talabgorga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratadi. Qaror qabul qilingandan soʻng 5 ish kuni ichida

Vazirlar Mahkamasining 2023-yil 22-iyuldagi 307-son qaroriga 3-ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xom ashyo xarid qilish boʻyicha xarajatlarini qoplash uchun subsidiya ajratish tartibi toʻgʻrisida

NIZOM

1-bob. Umumiy qoidalar

1. Mazkur Nizom Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan tadbirkorlik subyektlariga (keyingi oʻrinlarda — talabgor) kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga (keyingi oʻrinlarda — kasanachi) asbob-uskunalar va xom ashyo xarid qilish boʻyicha xarajatlarini qoplash uchun subsidiya ajratish tartibini belgilaydi.

2. Talabgorga har bir kasanachiga asbob-uskunalar va xom ashyo xarid qilish boʻyicha xarajatlarini qoplash uchun, biroq bazaviy hisoblash miqdorining 30 baravarigacha miqdorida subsidiya ajratiladi.

3. Talabgorga subsidiya tuman (shahar) Kambagʻallikni qisqartirish va bandlikka koʻmaklashish boʻlimi (keyingi oʻrinlarda — mahalliy mehnat organi) tomonidan mazkur Nizomga ilovaga muvofiq sxema boʻyicha ajratiladi.

2-bob. Subsidiya ajratish tartibi va shartlari

4. Talabgor kasanachilikni tashkil etganidan soʻng subsidiya olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining (keyingi oʻrinlarda — hokim yordamchisi) tavsiyasi asosida tegishli mahalliy mehnat organiga yozma ravishda yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

Talabgorning murojaatida kasanachining familiyasi, ismi, otasining ismi, talabgorning subsidiya toʻlab berilishi lozim boʻlgan hisobvaragʻi (rekvizitlari) va manzili koʻrsatilishi, shuningdek, murojaatga kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi ilova qilinishi shart.

Bunda talabgor murojaatda kasanachiga buyurtma berilayotgan ish turiga qarab, subsidiya hisobidan xarid qilinadigan asbob-uskunalar va xom ashyo nomi va turi, aniq xarid narxini koʻrsatishi lozim.

5. Mahalliy mehnat organi talabgorning murojaatini ilova qilingan tegishli hujjatlar bilan birga 3 ish kuni ichida oʻrganib chiqadi.

Bunda subsidiya berish uchun talabgor va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasining Yagona elektron shartnomalar axborot portalida (keyingi oʻrinlarda — Yagona elektron shartnomalar axborot portali) roʻyxatdan oʻtkazilganligi, shuningdek, kasanachilik bilan shugʻullanayotgan ishsiz va ish qidirayotgan fuqarolar, “Temir daftar”, “Ayollar daftari”, “Yoshlar daftari”ga kiritilganligi yoki “Ijtimoiy himoya yagona reyestri”da turganligi asos hisoblanadi.

6. Mahalliy mehnat organi tomonidan talabgorning xarid qiladigan asbob-uskunalar va xom ashyo narxi davlat xaridlarining elektron tizimi yoki boshqa ochiq manbalarning maʼlumotlaridan foydalanish orqali oʻrganishi mumkin. Oʻrganish natijalariga muvofiq asbob-uskunalar va xom ashyoning narxini talabgor tomonidan bozordagi ushbu asbob-uskunalar yoki xom ashyoning oʻrtacha narxi qiymatiga teng (yoki undan yuqori) belgilanganligi mahalliy mehnat organi xarid komissiyasi qarori bilan tasdiqlanadi.

7. Talabgor tomonidan hujjatlar toʻliq taqdim etilib, unda barcha zarur maʼlumotlar koʻrsatilgan va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilganligi, kasanachilik bilan shugʻullanayotgan ishsiz va ish qidirayotgan fuqarolar, “Temir daftar”, “Ayollar daftari”, “Yoshlar daftari”ga kiritilganligi yoki “Ijtimoiy himoya yagona reyestri”da turganligi tasdiqlanganda mahalliy mehnat organi va talabgor oʻrtasida ijtimoiy kontrakt tuziladi.

8. Ijtimoiy kontrakt tuzilgandan soʻng kasanachiga buyurtma berilayotgan ish turiga qarab, asbob-uskuna va xom ashyoni xarid qilish xarajatlarini qoplash uchun mahalliy mehnat organi tomonidan talabgorga subsidiya ajratish (yoki ajratishni rad etish) toʻgʻrisida uch ish kuni ichida qaror qabul qilinadi. Qarorda subsidiya miqdori va uni ajratish muddati (murojaat tushgandan soʻng 3 ish kunidan oshmagan muddatda) koʻrsatilishi lozim.

9. Mahalliy mehnat organining subsidiya ajratish toʻgʻrisidagi qarori qabul qilingandan soʻng besh ish kuni ichida talabgorga har bir kasanachiga asbob-uskunalar va xom ashyo xarid qilish boʻyicha xarajatlarini qoplash uchun, biroq bazaviy hisoblash miqdorining 30 baravarigacha miqdorida subsidiya ajratiladi.

10. Subsidiya ajratilgandan soʻng 10 kun ichida talabgor har bir kasanachi uchun asbob-uskunalar va xom ashyo xarid qilinganligi va kasanachiga bepul berilganligi hamda asbob-uskunalar va xom ashyoning xususiyatidan kelib chiqib nomi, turi, markasi, kafolat muddatini koʻrsatgan holda ijtimoiy kontrakt tuzilgan mahalliy mehnat organini yozma ravishda xabardor qilishi shart.

11. Subsidiya ajratish quyidagilarga koʻra rad etiladi:

hujjatlar ushbu Nizomning 4-bandiga muvofiq talabgor tomonidan toʻliq taqdim etilmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilmaganda;

kasanachilik bilan shugʻullanayotgan ishsiz va ish qidirayotgan fuqarolar, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilmaganligi tasdiqlanganda;

xarid qilinadigan asbob-uskuna va xom ashyoning narxi qasddan yuqori qilib koʻrsatilganligi aniqlansa.

Mahalliy mehnat organi subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini bir kun muddatda yuboradi.

12. Talabgor mahalliy mehnat organining subsidiya ajratishni rad etish toʻgʻrisidagi qaroridan norozi boʻlsa, yuqori turuvchi organga yoki sud organlariga shikoyat qilishi mumkin.

3-bob. Kasanachining faoliyati samaradorligini monitoring qilish va foydalanilmayotgan asbob-uskunalar hamda xom ashyoga ajratilgan subsidiyani qaytarib olish tartibi

13. Mahalliy mehnat organi hamda hokim yordamchisi ajratilgan subsidiya hisobidan xarid qilingan asbob-uskuna asosida ishlayotgan kasanachining faoliyati samaradorligini bir oyda bir marotaba olti oy davomida monitoring qilib boradi.

14. Oʻtkazilgan monitoring natijalariga koʻra ijtimoiy kontraktda belgilangan majburiyatlar bajarilmaganligi hamda subsidiya asosida xarid qilingan asbob-uskunalar va xom ashyodan foydalanilmayotganligi aniqlansa, mahalliy mehnat organi tomonidan tegishli dalolatnoma rasmiylashtiriladi va ushbu kamchiliklarni bartaraf etish boʻyicha subsidiya ajratilgan talabgorga xabarnoma yuboriladi.

15. Subsidiya ajratilgan talabgor xabarnoma olingan kundan eʼtiboran bir oy ichida koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi.

16. Xabarnoma tushgan kundan eʼtiboran uch ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng) mahalliy mehnat organi va hokim yordamchisi subsidiya hisobidan xarid qilingan asbob-uskuna va xom ashyo bilan faoliyat yuritayotgan kasanachilar faoliyatining samaradorligini qayta monitoring qiladi.

Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, mahalliy mehnat organi subsidiya ajratilgan talabgordan ajratilgan subsidiyani qaytarish boʻyicha qaror qabul qiladi, ijtimoiy kontraktni bir tomonlama bekor qiladi va subsidiya ajratilgan talabgorga xabarnoma yuboradi.

Xabarnomada subsidiya ajratilgan talabgor tomonidan ajratilgan subsidiyani qaytarish uchun mahalliy mehnat organiga tegishli boʻlgan bank rekvizitlari koʻrsatilishi lozim.

17. Subsidiya ajratilgan talabgor xabarnoma tushgan kundan eʼtiboran besh ish kuni ichida ajratilgan subsidiyani xabarnomada koʻrsatilgan mahalliy mehnat organiga tegishli boʻlgan bank rekvizitlariga (Oʻzbekiston Respublikasi Markaziy bankining asosiy stavkasida foiz toʻlovlari bilan birga) toʻliq miqdorda qaytarishi shart.

4-bob. Yakunlovchi qoidalar

18. Mazkur Nizomda ajratilishi belgilangan subsidiyani olayotgan talabgor bir vaqtning oʻzida qonunchilik hujjatlarida belgilangan ishsiz shaxslar bandligiga koʻmaklashishga qaratilgan boshqa turdagi subsidiyalarni ham belgilangan tartibda olishga haqli.

19. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xom ashyo xarid qilish boʻyicha xarajatlarini qoplash uchun subsidiya ajratish tartibi toʻgʻrisidagi nizomga ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik bilan shugʻullanayotgan ishsiz va ish qidirayotgan, shuningdek, “Temir daftar”, “Ayollar daftari”, “Yoshlar daftari” yoki “Ijtimoiy himoya yagona reyestri”ga kiritilgan fuqarolarga asbob-uskunalar va xom ashyo xarid qilish uchun subsidiya ajratish

SXEMASI

Bosqichlar Subyektlar Chora-tadbirlar Bajarish muddatlari 1-bosqich Tadbirkorlik subyekti (talabgor) Kasanachilik bilan shugʻullanayotgan fuqarolarga asbob-uskunalar va xom ashyo xarid qilish uchun subsidiya olish maqsadida tuman (shahar) Kambagʻallikni qisqartirish va bandlikka koʻmaklashish boʻlimiga zarur hujjatlarni ilova qilgan holda murojaat qiladi. Oʻz xohishiga koʻra 2-bosqich Tuman (shahar) Kambagʻallikni qisqartirish va bandlikka koʻmaklashish boʻlimi 1. Talabgor tomonidan subsidiya olishni soʻrab taqdim etilgan hujjatlarni oʻrganib chiqadi. 2. Mahalliy mehnat organiva talabgor oʻrtasida ijtimoiy kontrakt tuziladi. 3. Talabgorga subsidiya ajratish yoki subsidiya ajratishni rad etish toʻgʻrisida qaror qabul qiladi. 4. Oʻrganish natijalariga koʻra subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini yuboradi. 3 ish kuni ichida 1 kun muddatda 3-bosqich Tuman (shahar) Kambagʻallikni qisqartirish va bandlikka koʻmaklashish boʻlimi Talabgorga har bir kasanachiga asbob-uskunalar va xom ashyo xarid qilish boʻyicha xarajatlarini qoplash uchun, biroq bazaviy hisoblash miqdorining 30 baravarigacha miqdorida subsidiya ajratadi. Qaror qabul qilingandan soʻng 5 ish kuni ichida 4-bosqich Subsidiya ajratilgan talabgor Subsidiya ajratilgandan soʻng talabgor har bir kasanachi uchun asbob-uskunalar va xom ashyo xarid qilinganligi va kasanachilarga bepul berilganligini hamda asbob-uskunalar va xom ashyoning xususiyatidan kelib chiqib nomi, turi, markasi, kafolat muddatini koʻrsatgan holda ijtimoiy kontrakt tuzilgan mahalliy mehnat organini yozma ravishda xabardor qiladi. 10 kun ichida 5-bosqich Tuman (shahar) Kambagʻallikni qisqartirish va bandlikka koʻmaklashish boʻlimi Ajratilgan subsidiya hisobidan xarid qilingan asbob-uskunalar va xom ashyo asosida ishlayotgan kasanachining faoliyati samaradorligini monitoring qilib boradi. Kamchiliklar aniqlansa, tadbirkorlik subyektiga ularni bartaraf etish boʻyicha xabarnoma yuboradi. Har oy bir marotaba 6-bosqich Subsidiya ajratilgan talabgor Xabarnoma olingan kundan eʼtiboran koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi. Bir oy ichida 7-bosqich Tuman (shahar) Kambagʻallikni qisqartirish va bandlikka koʻmaklashish boʻlimi 1. Xabarnoma tushgan kundan eʼtiboran subsidiya hisobidan xarid qilingan asbob-uskunalar va xom ashyo bilan faoliyat yuritayotgan kasanachining faoliyati samaradorligini qayta monitoring qiladi. 2. Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, ajratilgan subsidiyani qaytarish boʻyicha qaror qabul qiladi, ijtimoiy kontrakt bir tomonlama bekor qiladi va talabgorga xabarnoma yuboradi 3 ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng) 8-bosqich Subsidiya ajratilgan talabgor Xabarnoma tushgan kundan eʼtiboran ajratilgan subsidiyani xabarnomada koʻrsatilgan mahalliy mehnat organiga tegishli boʻlgan bank rekvizitlariga toʻliq miqdorda qaytaradi. 5 ish kuni ichida

Vazirlar Mahkamasining 2023-yil 22-iyuldagi 307-son qaroriga 4-ILOVA

Davlat va nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish tartibi toʻgʻrisida

NIZOM

1-bob. Umumiy qoidalar

1. Mazkur Nizom mehnat bozorining joriy va istiqboldagi ehtiyojlari asosida shakllantirilgan davlat buyurtmasiga muvofiq davlat va nodavlat taʼlim tashkilotlarida fuqarolarni kasanachilik yoʻnalishida kasbga oʻqitish hamda ularga malaka sertifikati berishni tashkil etish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

davlat va nodavlat taʼlim tashkilotlari — davlat buyurtmasi asosida ishsiz va band boʻlmagan shaxslarni kasanachilik yoʻnalishida kasbga oʻqitish boʻyicha xizmat koʻrsatuvchi tashkilotlar;

ishsiz va band boʻlmagan shaxslarni kasanachilik yoʻnalishida kasbga oʻqitish boʻyicha davlat buyurtmasi (keyingi oʻrinlarda — davlat buyurtmasi) — mehnat bozorining joriy va istiqboldagi ehtiyojlari asosida ishsiz va band boʻlmagan shaxslarni kasanachilik yoʻnalishida kasbga oʻqitish uchun beriladigan buyurtma.

3. Kasanachilik faoliyati bilan shugʻullanish istagini bildirgan ishsiz va band boʻlmagan shaxslarni (keyingi oʻrinlarda — kasanachi) kasanachilik yoʻnalishida quyidagi hollarda kasbga oʻqitiladi:

kasbi mavjud boʻlmaganda;

mavjud kasbiy koʻnikmalariga maqbul ish yoʻqligi sababli kasbni oʻzgartirish zarurati boʻlganda;

kasbiy koʻnikmalari mavjud yoki yetarli boʻlmaganligi, kasbiga doir talablar oʻzgartirilganligi bois malaka oshirishi zarur boʻlganda;

avvalgi kasbi boʻyicha ish bajarish qobiliyati yoʻqotilganda.

4. Kasanachilar:

Oʻzbekiston Respublikasi Kambagʻallikni qisqartirish va bandlik vazirligi tizimidagi “Ishga marhamat” monomarkazlari, kasb-hunarga oʻqitish markazlari hamda mahallalarda tashkil etilgan kasbga oʻqitish maskanlarida;

vazirlik va idoralar tizimidagi professional taʼlim tashkilotlarida tashkil etilgan qisqa muddatli kasb-hunarga oʻqitish kurslarida;

nodavlat kasb-hunarga oʻqitish tashkilotlarida kasbga oʻqitiladi.

2-bob. Davlat buyurtmasini shakllantirish

5. Davlat va nodavlat taʼlim tashkilotlarida davlat buyurtmasi asosida kasanachilar ushbu Nizomga ilovada keltirilgan sxemaga muvofiq kasbga oʻqitiladi.

6. Tuman (shahar) hokimliklari tuman (shahar) Kambagʻallikni qisqartirish va bandlikka koʻmaklashish boʻlimlari bilan birgalikda kelgusi yil uchun joriy yilning 10-dekabriga qadar:

hududlarda faoliyat yuritayotgan davlat va nodavlat tashkilotlarining kasanachilik yoʻnalishlarida malakali kadrlarga boʻlgan talab va ehtiyojlarini oʻrganadi;

kasbga oʻqitishga ehtiyoji boʻlgan fuqarolarning kasanachilik faoliyati yoʻnalishlari asosida kasblar boʻyicha davlat buyurtmasini ishlab chiqadi;

ishlab chiqilgan davlat buyurtmasini tasdiqlash uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining Kasbiy malaka va bilimlarni rivojlantirish boʻyicha hududiy kengashlariga (keyingi oʻrinlarda — hududiy kengashlar) taqdim etadi.

7. Hududiy kengashlar taqdim etilgan davlat buyurtmalarini umumlashtirib, tahlil qiladi va besh kun ichida tasdiqlaydi.

Davlat buyurtmasiga tegishli oʻzgartirish va qoʻshimchalar hududiy kengashlar tomonidan kiritiladi.

3-bob. Davlat buyurtmasi asosida kasanachilarni kasbga oʻqitishga yoʻnaltirish

8. Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari:

ushbu Nizomning 4-bandida koʻrsatilgan kasbga oʻqitish boʻyicha belgilangan davlat va nodavlat taʼlim tashkilotlarining yillik oʻqitish ehtiyojlaridan kelib chiqqan holda oʻqitish taqsimotini ishlab chiqadi;

oʻqitish taqsimotiga asosan davlat va nodavlat taʼlim tashkilotlarida kasanachilarni kasanachilik yoʻnalishida kasbga oʻqitish ishlarini tashkil etadi;

kasbga oʻqitish jarayonlarini monitoring qilib boradi;

kasbga oʻqitilgan kasanachilarni kasanachilik faoliyati yoʻnalishlari boʻyicha ularning kasbiy malaka darajasini baholash uchun malakani baholash markazlariga yuboradi.

4-bob. Davlat buyurtmasi asosida kasanachilik yoʻnalishida kasbga oʻqitilgan kasanachilarning malaka darajasini baholash

9. Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari davlat buyurtmasi asosida davlat va nodavlat taʼlim tashkilotlarida kasbga oʻqigan kasanachilarning malaka darajasini baholash uchun ularning malakani baholash markazlariga, shu jumladan, “Ishga marhamat” monomarkazlarida tashkil etilgan malakani baholash markazlariga yuborilishiga koʻmaklashadi.

Bunda davlat va nodavlat taʼlim tashkilotlarida kasbga oʻqitilgan kasanachilar malaka darajasini baholatish uchun oʻzlari ixtiyoriy ravishda murojaat qilishi mumkin.

10. Tuman (shahar) Kambagʻallikni qisqartirish va bandlikka koʻmaklashish boʻlimlari davlat buyurtmasi asosida davlat va nodavlat taʼlim tashkilotlarida kasbga oʻqitilgan kasanachilarni malaka darajasini baholash uchun malakani baholash markazlariga yuboradi hamda malaka imtihonlarini tashkil etish bilan bogʻliq xarajatlarni band boʻlmagan har bir shaxs uchun bazaviy hisoblash miqdorining 4 baravaridan ortiq boʻlmagan miqdorda Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan qoplab beradi.

11. Malakani baholash markazlari tomonidan:

Oʻzbekiston Respublikasi Prezidentining 2020-yil 31-dekabrdagi PQ-4939-son qarori bilan tasdiqlangan Malaka darajalariga erishish sxemasi asosida kasbga oʻqitilgan kasanachilar malakasi baholanadi;

baholashdan muvaffaqiyatli oʻtgan kasanachilarga oʻn kun ichida malaka sertifikati beriladi.

5-bob. Kasanachilarni kasanachilik yoʻnalishida kasbga oʻqitishni moliyalashtirish

12. Kasanachilarni kasbga oʻqitish bilan bogʻliq faoliyat Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tasdiqlangan xarajatlar smetasi doirasida moliyalashtiriladi.

Bunda davlat va nodavlat taʼlim tashkilotlarida kasanachilik yoʻnalishida oʻquv kurslarini tamomlagan har bir bitiruvchiga kasbga oʻqitish uchun sarflangan xarajatlarning 70 foizi, biroq har bir bitiruvchiga bazaviy hisoblash miqdorining 4 baravaridan oshmagan miqdori davlat tomonidan qoplab beriladi.

6-bob. Yakunlovchi qoida

13. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Davlat va nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish tartibi toʻgʻrisidagi nizomga ILOVA

Davlat va nodavlat taʼlim tashkilotlarida davlat buyurtmasi asosida kasanachilik faoliyati bilan shugʻullanish istagini bildirgan ishsiz va band boʻlmagan fuqarolarni kasbga oʻqitish

SXEMASI

Bosqichlar Subyektlar Tadbirlar Bajarish muddatlari 1-bosqich Tuman (shahar) hokimliklari, Kambagʻallikni qisqartirish va bandlikka koʻmaklashish boʻlimlari 1. Hududlarda faoliyat yuritayotgan davlat va nodavlat tashkilotlarining kasanachilik yoʻnalishlarida malakali kadrlarga boʻlgan talab va ehtiyojlarini oʻrganadi. 2. Kasbga oʻqitishga ehtiyoji boʻlgan fuqarolarning kasanachilik faoliyati yoʻnalishlari boʻyicha davlat buyurtmasini ishlab chiqadi. 3. Ishlab chiqilgan davlat buyurtmasini tasdiqlash uchun hududiy kengashlarga taqdim etadi. Kelgusi yil uchun joriy yilning 10-dekabriga qadar 2-bosqich Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining Kasbiy malaka va bilimlarni rivojlantirish boʻyicha hududiy kengashlari 1. Taqdim etilgan kasbga oʻqitish boʻyicha davlat buyurtmalarini umumlashtirib, tahlil qiladi. 2. Davlat buyurtmalarini tasdiqlaydi. 5 kun ichida 3-bosqich Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari 1. Tasdiqlangan davlat buyurtmasi asosida taʼlim tashkilotlarining yillik oʻqitish ehtiyojlaridan kelib chiqqan holda oʻqitish taqsimotini ishlab chiqadi. 2. Oʻqitish taqsimotiga asosan taʼlim tashkilotlarida fuqarolarni kasanachilik yoʻnalishida kasbga oʻqitish ishlarini tashkil etadi. 3. Kasbga oʻqitish jarayonlarini monitoring qilib boradi. 4. Kasbga oʻqitilgan fuqarolarning malaka darajasini baholash uchun davlat va nodavlat taʼlim tashkilotlaridagi malakani baholash markazlariga yuboradi. Doimiy ravishda 4-bosqich Davlat va nodavlat taʼlim tashkilotlaridagi malakani baholash markazlari 1. Kasbga oʻqitilgan kasanachilarning malakasini baholaydi. 2. Baholashdan muvaffaqiyatli oʻtgan fuqarolarga malaka sertifikatini beradi. 10 kun ichida

Vazirlar Mahkamasining 2023-yil 22-iyuldagi 307-son qaroriga 5-ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirish hamda moslashtirilayotgan har bir ish joyi xarajatlarini qoplash uchun subsidiya ajratish tartibi toʻgʻrisida

NIZOM

1-bob. Umumiy qoidalar

1. Mazkur Nizom hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan tadbirkorlik subyektlariga (keyingi oʻrinlarda — talabgor) kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning (keyingi oʻrinlarda — nogironligi boʻlgan shaxs) ish joyini moslashtirish hamda moslashtirilayotgan har bir ish joyi xarajatlarini qoplash uchun subsidiya ajratish tartibini belgilaydi.

2. Talabgorga nogironligi boʻlgan shaxsning ish joyini moslashtirish uchun moslashtirilayotgan har bir ish joyi boʻyicha bazaviy hisoblash miqdorining 40 baravarigacha miqdorda subsidiya ajratiladi.

3. Talabgorga subsidiya tuman (shahar) Kambagʻallikni qisqartirish va bandlikka koʻmaklashish boʻlimi (keyingi oʻrinlarda — mahalliy mehnat organi) tomonidan mazkur Nizomga ilovaga muvofiq sxema boʻyicha ajratiladi.

2-bob. Subsidiya ajratish tartibi va shartlari

4. Talabgor nogironligi boʻlgan shaxsning ish joyini moslashtirgandan soʻng subsidiya olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining (keyingi oʻrinlarda — hokim yordamchisi) tavsiyasi asosida tegishli mahalliy mehnat organiga yozma ravishda yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

5. Talabgorning murojaatida nogironligi boʻlgan shaxsning familiyasi, ismi, otasining ismi, ish joylarini moslashtirish uchun sarflangan xarajatlarning asosli hisob-kitobi toʻgʻrisidagi maʼlumot, talabgorning subsidiya toʻlab berilishi lozim boʻlgan hisobvaragʻi (rekvizitlari) va manzili koʻrsatilishi, shuningdek, murojaatga nogironligi boʻlgan shaxs bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yohud pudrat shartnomasi, yoki yakka tartibdagi tadbirkor sifatida davlat roʻyxatidan oʻtganligi, “Hunarmand” uyushmasiga aʼzoligi toʻgʻrisidagi guvohnoma nusxasi ilova qilinishi shart.

6. Mahalliy mehnat organi talabgorning murojaatini ushbu Nizomning 5-bandiga muvofiq ilova qilingan tegishli hujjatlar bilan birga 3 ish kuni ichida oʻrganib chiqadi.

Bunda Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasining axborot tizimlarida (keyingi oʻrinlarda — Soliq qoʻmitasining axborot tizimlari) subsidiya berish uchun talabgor va nogironligi boʻlgan shaxs bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi roʻyxatdan oʻtkazilganligi yoki yakka tartibdagi tadbirkor sifatida davlat roʻyxatidan oʻtganligi hamda ish joyini nogironligi boʻlgan shaxsga moslashtirish uchun sarflangan xarajatlarning asosli hisob-kitobi toʻgʻrisidagi maʼlumot.

7. Mahalliy mehnat organi tomonidan oʻrganish natijalariga koʻra murojaatda koʻrsatilgan maʼlumotlar toʻgʻri va asosli deb topilganda, talabgorga nogironligi boʻlgan shaxsning ish joyini moslashtirish xarajatlarini qoplash uchun moslashtirilayotgan har bir ish joyi boʻyicha bazaviy hisoblash miqdorining 40 baravarigacha miqdorda subsidiya ajratish (yoki ajratishni rad etish) toʻgʻrisida uch ish kuni ichida qaror qabul qilinadi. Qarorda subsidiya miqdori koʻrsatilishi lozim.

8. Mahalliy mehnat organining subsidiya ajratish toʻgʻrisidagi qarori qabul qilingandan soʻng besh ish kuni ichida talabgorga har bir ish joyi boʻyicha bazaviy hisoblash miqdorining 40 baravarigacha miqdorda subsidiya ajratiladi.

9. Subsidiya ajratish quyidagilarga koʻra rad etiladi:

hujjatlar ushbu Nizomning 5-bandlariga muvofiq talabgor tomonidan toʻliq taqdim etilmaganda;

nogironligi boʻlgan shaxs bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi, shuningdek, yakka tartibdagi tadbirkor sifatida davlat roʻyxatidan oʻtganligi toʻgʻrisidagi maʼlumot Soliq qoʻmitasining axborot tizimlarida mavjud boʻlmaganda;

nogironligi boʻlgan shaxsning ish joyini moslashtirish toʻgʻrisidagi maʼlumotlar oʻz tasdigʻini topmasa.

Mahalliy mehnat organi subsidiya ajratishni rad etish toʻgʻrisida qaror qabul qilgan taqdirda, talabgorga ushbu qaror nusxasini bir kun muddatda yuboradi.

10. Talabgor mahalliy mehnat organining subsidiya ajratishni rad etish toʻgʻrisidagi qaroridan norozi boʻlsa, yuqori turuvchi organga yoki sud organlariga shikoyat qilishi mumkin.

3-bob. Kasanachilik va hunarmandchilik faoliyati samaradorligini monitoring qilish hamda nogironligi boʻlgan shaxslarning ish joyini moslashtirish uchun ajratilgan subsidiyalarni qaytarib olish tartibi

11. Hokim yordamchisi:

ajratilgan subsidiya hisobidan kasanachilik asosida uy sharoitida ishlayotgan nogironligi boʻlgan shaxsning ish joyi moslashtirilganligi hamda talabgor va kasanachi oʻrtasida tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnomaga asosan faoliyati olib borayotganligini;

ajratilgan subsidiya hisobidan hunarmandchilik asosida uy sharoitida ishlayotgan nogironligi boʻlgan shaxsning ish joyi moslashtirilganligi hamda yakka tartibda tadbirkor sifatida faoliyat olib borayotganligini olti oy davomida monitoring qiladi.

12. Oʻtkazilgan monitoring natijalariga koʻra talabgor tomonidan belgilangan majburiyatlar bajarilmaganligi aniqlansa, hokim yordamchisi tomonidan tegishli dalolatnoma rasmiylashtiriladi va ushbu kamchiliklarni bartaraf etish boʻyicha subsidiya ajratilgan talabgorga xabarnoma yuboriladi.

13. Subsidiya ajratilgan talabgor xabarnomani olgan kundan eʼtiboran bir oy ichida koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi.

14. Mahalliy mehnat organiga xabarnoma kelib tushgan kundan eʼtiboran uch ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng) hokim yordamchisi tomonidan qayta monitoring oʻtkaziladi.

Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, mahalliy mehnat organi talabgordan subsidiyani qaytarish yuzasidan qaror qabul qiladi va subsidiya ajratilgan talabgorga xabarnoma yuboradi.

Xabarnomada subsidiya ajratilgan talabgor tomonidan subsidiyani qaytarish uchun mahalliy mehnat organiga tegishli boʻlgan bank rekvizitlari koʻrsatilishi lozim.

15. Subsidiya ajratilgan talabgor xabarnoma tushgan kundan eʼtiboran besh ish kuni ichida ajratilgan subsidiyani xabarnomada koʻrsatilgan mahalliy mehnat organiga tegishli boʻlgan bank rekvizitlariga (Oʻzbekiston Respublikasi Markaziy bankining asosiy stavkasida foiz toʻlovlari bilan birga) toʻliq miqdorda qaytarishi shart.

4-bob. Yakunlovchi qoidalar

16. Mazkur Nizomda ajratilishi belgilangan subsidiyani olayotgan talabgor bir vaqtning oʻzida qonunchilik hujjatlarida belgilangan ishsiz shaxslar bandligiga koʻmaklashishga qaratilgan boshqa turdagi subsidiyalarni ham belgilangan tartibda olishga haqli.

17. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirish hamda moslashtirilayotgan har bir ish joyi xarajatlarini qoplash uchun subsidiya ajratish tartibi toʻgʻrisidagi nizomga ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirish hamda har bir moslashtirilayotgan ish joyi xarajatlarini qoplash uchun subsidiya ajratish

SXEMASI

Bosqichlar Subyektlar Chora-tadbirlar Bajarish muddatlari 1-bosqich Tadbirkorlik subyekti (talabgor) Kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyini moslashtirgandan soʻng subsidiya olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining (hokim yordamchisi) tavsiyasi asosida tegishli mahalliy mehnat organiga yozma ravishda murojaat qiladi. Oʻz xohishiga koʻra 2-bosqich Tuman (shahar) Kambagʻallikni qisqartirish va bandlikka koʻmaklashish boʻlimi 1. Talabgor tomonidan subsidiya olishni soʻrab taqdim etilgan hujjatlarni oʻrganib chiqadi. 2. Talabgorga subsidiya ajratish yoki subsidiya ajratishni rad etish toʻgʻrisida qaror qabul qiladi. 3. Oʻrganish natijalariga koʻra subsidiya ajratishni rad etish toʻgʻrisida qaror qabul qilingan taqdirda, talabgorga ushbu qaror nusxasini yuboradi. 3 ish kuni ichida 1 kun muddatda 3-bosqich Tuman (shahar) Kambagʻallikni qisqartirish va bandlikka koʻmaklashish boʻlimi Talabgorga nogironligi boʻlgan shaxsning ish joyini moslashtirish xarajatlarini qoplash uchun moslashtirilayotgan har bir ish joyi boʻyicha bazaviy hisoblash miqdorining 40 baravarigacha miqdorda subsidiya ajratadi. Qaror qabul qilingandan soʻng 5 ish kuni ichida 4-bosqich Tuman (shahar) Kambagʻallikni qisqartirish va bandlikka koʻmaklashish boʻlimi Ajratilgan subsidiya hisobidan kasanachilik yoki hunarmandchilik asosida uy sharoitida ishlayotgan nogironligi boʻlgan shaxslarning ish joyi moslashtirilganligi hamda ularning faoliyati samaradorligini monitoring qilib boradi. Kamchiliklar aniqlansa, talabgorga ularni bartaraf etish boʻyicha xabarnoma yuboradi. 6 oy davomida har oyda bir marotaba 5-bosqich Subsidiya ajratilgan talabgor Xabarnoma olingan kundan eʼtiboran koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi. Bir oy ichida 6-bosqich Tuman (shahar) Kambagʻallikni qisqartirish va bandlikka koʻmaklashish boʻlimi 1. Xabarnoma tushgan kundan eʼtiboran subsidiya hisobidan kasanachilik yoki hunarmandchilik asosida uy sharoitida ishlayotgan nogironligi boʻlgan shaxsning ish joyi moslashtirilganligi hamda uning faoliyati samaradorligini qayta monitoring qiladi. 2. Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, ajratilgan subsidiyani qaytarish boʻyicha qaror qabul qiladi va talabgorga xabarnoma yuboradi. 3 ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng) 7-bosqich Subsidiya ajratilgan talabgor Xabarnoma tushgan kundan eʼtiboran ajratilgan subsidiyani xabarnomada koʻrsatilgan mahalliy mehnat organiga tegishli boʻlgan bank rekvizitlariga toʻliq miqdorda qaytaradi. 5 ish kuni ichida

Vazirlar Mahkamasining 2023-yil 22-iyuldagi 307-son qaroriga 6-ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan kasanachilarni kasb-hunarga oʻqitishga sarflanadigan xarajatlarni qoplash uchun subsidiya ajratish tartibi toʻgʻrisida

NIZOM

1-bob. Umumiy qoidalar

1. Mazkur Nizom Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan tadbirkorlik subyektlariga (keyingi oʻrinlarda — talabgor) kasanachilarni kasb-hunarga oʻqitishga sarflanadigan xarajatlarini qoplash uchun subsidiya ajratish tartibini belgilaydi.

2. Talabgorga kasanachilarni kasb-hunarga oʻqitishga sarflanadigan xarajatlarini uch oygacha boʻlgan muddatda qoplash uchun, biroq har bir kasanachi uchun har oyda bazaviy hisoblash miqdorining 2 baravarigacha miqdorda subsidiya ajratiladi.

3. Talabgorga subsidiya tuman (shahar) Kambagʻallikni qisqartirish va bandlikka koʻmaklashish boʻlimi (keyingi oʻrinlarda — mahalliy mehnat organi) tomonidan mazkur Nizomga ilovaga muvofiq sxema boʻyicha ajratiladi.

2-bob. Subsidiya ajratish tartibi va shartlari

4. Talabgor kasanachilarni kasbga oʻqitish, qayta oʻqitish, ularning malakasini oshirish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining (keyingi oʻrinlarda — hokim yordamchisi) tavsiyasi asosida tegishli mahalliy mehnat organiga yozma ravishda yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

Talabgorning murojaatida kasanachining familiyasi, ismi, otasining ismi, subsidiya toʻlab berilishi lozim boʻlgan hisobvaragʻi (rekvizitlari), kasbga tayyorlash, qayta tayyorlash, shuningdek, malaka oshirish joyi, oʻqish muddati, oʻqitiladigan kasb yoʻnalishi nomi koʻrsatilishi, murojaatga kasanachi bilan tuzilgan fuqarolik-huquqiy tusdagi mehnat shartnomasi yoki pudrat shartnomasi ilova qilinishi shart.

Bunda talabgor murojaatda kasb-hunarga oʻqitishga sarflanadigan xarajat miqdorini koʻrsatishi lozim.

5. Mahalliy mehnat organi talabgorning murojaatini ilova qilingan tegishli hujjatlar bilan birga 3 ish kuni ichida oʻrganib chiqadi.

Bunda subsidiya berish uchun talabgor va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasining Yagona elektron shartnomalar axborot portalida (keyingi oʻrinlarda — Yagona elektron shartnomalar axborot portali) roʻyxatdan oʻtkazilganligi asos hisoblanadi.

6. Mahalliy mehnat organi tomonidan oʻrganish natijalariga koʻra murojaatda koʻrsatilgan maʼlumotlar toʻgʻri va toʻliq, barcha hujjatlar taqdim etilgan hamda yolgʻon maʼlumotlar koʻrsatilmagan deb topilganda, murojaat qilgan talabgorga har bir kasanachiga kasb-hunarga oʻqitishga sarflanadigan xarajatlarini uch oygacha boʻlgan muddatda qoplash uchun, biroq har bir kasanachi uchun har oyda bazaviy hisoblash miqdorining 2 baravarigacha miqdorda subsidiya ajratish (yoki ajratishni rad etish) toʻgʻrisida uch ish kuni ichida buyruq qabul qilinadi.

7. Subsidiya ajratish quyidagilarga koʻra rad etiladi:

hujjatlar ushbu Nizomning 4-bandiga muvofiq talabgor tomonidan toʻliq taqdim etilmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilmaganda.

Mahalliy mehnat organi subsidiya ajratishni rad etish toʻgʻrisida buyruq qabul qilingan taqdirda, talabgorga ushbu buyruq nusxasini bir kun muddatda yuboradi.

8. Talabgor mahalliy mehnat organining subsidiya ajratishni rad etish toʻgʻrisidagi buyrugʻidan norozi boʻlsa, yuqori turuvchi organga yoki sud organlariga shikoyat qilishi mumkin.

9. Talabgor kasbga tayyorlash, qayta tayyorlash, shuningdek, malaka oshirgan kasanachining oʻqish yakunlangan kundan boshlab 5 ish kuni ichida ushbu kasanachining oʻqishni yakunlaganligini tasdiqlovchi hujjat nusxasini mahalliy mehnat organiga taqdim etishi shart.

3-bob. Kasanachini kasb-hunarga oʻqitish samaradorligini monitoring qilish va kasb-hunarga oʻqitish uchun ajratilgan subsidiyalarni qaytarib olish tartibi

10. Mahalliy mehnat organi hamda hokim yordamchisi ajratilgan subsidiya hisobidan kasanachilarning kasb-hunar oʻrganayotganligini joyiga chiqqan holda monitoring qiladi.

11. Oʻtkazilgan monitoring natijalariga koʻra talabgor tomonidan belgilangan majburiyatlar bajarilmaganligi hamda kasanachi kasb-hunar oʻrganmayotganligi aniqlansa, mahalliy mehnat organi xodimi va hokim yordamchisi tomonidan tegishli dalolatnoma rasmiylashtiriladi va ushbu kamchiliklarni bartaraf etish boʻyicha subsidiya ajratilgan talabgorga xabarnoma yuboriladi.

12. Talabgor xabarnoma olingan kundan eʼtiboran oʻn besh kun ichida koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi.

13. Xabarnoma tushgan kundan eʼtiboran uch ish kuni ichida (yoki aniqlangan kamchiliklarni bartaraf etish choralarini koʻrish uchun oʻn besh kun muddatdan soʻng) mahalliy mehnat organi va hokim yordamchisi kasb-hunarga oʻqitishni qayta monitoring qiladi.

Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, mahalliy mehnat organi talabgorga ajratilgan subsidiyani qaytarish boʻyicha qaror qabul qiladi va unga xabarnoma yuboradi.

Xabarnomada talabgor tomonidan ajratilgan subsidiyani qaytarish uchun mahalliy mehnat organiga tegishli boʻlgan bank rekvizitlari koʻrsatilishi lozim.

14. Talabgor xabarnoma tushgan kundan eʼtiboran besh ish kuni ichida ajratilgan subsidiyani xabarnomada koʻrsatilgan mahalliy mehnat organiga tegishli boʻlgan bank rekvizitlariga (Oʻzbekiston Respublikasi Markaziy bankining asosiy stavkasida foiz toʻlovlari bilan birga) toʻliq miqdorda qaytarishi shart.

4-bob. Yakunlovchi qoidalar

15. Mazkur Nizomda ajratilishi belgilangan subsidiyani olayotgan talabgor bir vaqtning oʻzida qonunchilik hujjatlarida belgilangan ishsiz shaxslar bandligiga koʻmaklashishga qaratilgan boshqa turdagi subsidiyalarni ham belgilangan tartibda olishga haqli.

16. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan kasanachilarni kasb-hunarga oʻqitishga sarflanadigan xarajatlarni qoplash uchun subsidiya ajratish tartibi toʻgʻrisidagi nizomga ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan kasanachilarni kasb-hunarga oʻqitishga sarflanadigan xarajatlarni qoplash uchun subsidiya ajratish

SXEMASI

Bosqichlar Subyektlar Chora-tadbirlar Bajarish muddatlari 1-bosqich Tadbirkorlik subyekti (talabgor) Kasanachilik bilan shugʻullanayotgan fuqarolarni kasb-hunarga oʻqitish uchun subsidiya olish maqsadida tuman (shahar) Kambagʻallikni qisqartirish va bandlikka koʻmaklashish boʻlimiga zarur hujjatlarni ilova qilgan holda murojaat qiladi. Oʻz xohishiga koʻra 2-bosqich Tuman (shahar) Kambagʻallikni qisqartirish va bandlikka koʻmaklashish boʻlimi 1. Talabgor tomonidan subsidiya olishni soʻrab taqdim etilgan hujjatlarni oʻrganib chiqadi. 2. Mahalliy mehnat organi va talabgor oʻrtasida shartnoma tuziladi. 3. Talabgorga subsidiya ajratish yoki subsidiya ajratishni rad etish toʻgʻrisida buyruq qabul qiladi. 4. Oʻrganish natijalariga koʻra subsidiya ajratishni rad etish toʻgʻrisida buyruq qabul qilingan taqdirda, talabgorga ushbu buyruq nusxasini yuboradi. 3 ish kuni ichida 1 kun muddatda 3-bosqich Tuman (shahar) Kambagʻallikni qisqartirish va bandlikka koʻmaklashish boʻlimi Talabgorga har bir kasanachini kasb-hunarga oʻqitishga sarflanadigan xarajatlarini uch oygacha boʻlgan muddatda qoplash uchun bazaviy hisoblash miqdorining 2 baravarigacha miqdorda subsidiya ajratadi. Oʻqish boshlangan oydan keyingi oyning beshinchi sanasida 4-bosqich Subsidiya ajratilgan talabgor Kasanachilarni kasb-hunarga oʻqitish boshlaganligi toʻgʻrisida mahalliy mehnat organiga yozma ravishda xabardor qiladi. Oʻqish boshlangan kundan 10 kun ichida 5-bosqich Subsidiya ajratilgan talabgor Kasbga tayyorlash, qayta tayyorlash, shuningdek, malaka oshirgan kasanachining oʻqishni yakunlaganligini tasdiqlovchi hujjat nusxasini mahalliy mehnat organiga taqdim etadi Oʻqish yakunlangandan soʻng besh kun ichida 6-bosqich Mahalliy mehnat organi, hokim yordachisi Kasanachilarni kasb-hunarga oʻrganish jarayonlarini monitoring qilib boradi. Kamchiliklar aniqlansa, talabgorga ularni bartaraf etish boʻyicha xabarnoma yuboradi. Har oy bir marotaba 7-bosqich Subsidiya ajratilgan talabgor Xabarnoma olingan kundan eʼtiboran koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan mahalliy mehnat organiga xabarnoma yuboradi. Oʻn besh kun ichida 8-bosqich Tuman (shahar) Kambagʻallikni qisqartirish va bandlikka koʻmaklashish boʻlimi 1. Xabarnoma tushgan kundan eʼtiboran subsidiya hisobidan kasb-hunar egallayotgan kasanachilar faoliyati samaradorligini qayta monitoring qiladi. 2. Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, ajratilgan subsidiyalarni qaytarish boʻyicha buyruq qabul qiladi, shartnomani bir tomonlama bekor qiladi va talabgorga xabarnoma yuboradi. 3 ish kuni ichida (yoki aniqlangan kamchiliklarni bartaraf etish choralarini koʻrish uchun bir oy muddatdan soʻng) 9-bosqich Subsidiya ajratilgan talabgor Xabarnoma tushgan kundan eʼtiboran ajratilgan subsidiyalarni xabarnomada koʻrsatilgan mahalliy mehnat organiga tegishli boʻlgan bank rekvizitlariga toʻliq miqdorda qaytaradi. 5 ish kuni ichida

Vazirlar Mahkamasining 2023-yil 22-iyuldagi 307-son qaroriga 7-ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan hunarmandchilik faoliyatini qoʻllab-quvvatlash uchun subsidiyalar ajratish tartibi toʻgʻrisida

NIZOM

1-bob. Umumiy qoidalar

1. Ushbu Nizom Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan hunarmandchilik faoliyatini qoʻllab-quvvatlash uchun subsidiyalar ajratish tartibini belgilaydi.

2. Jamgʻarma mablagʻlari hisobidan subsidiyalar tuman (shahar)larning toifasiga qarab quyidagi maqsadlar uchun ajratiladi:

“Usta-shogird” anʼanalari asosida yoshlarga hunar oʻrgatayotgan hunarmandlarga shogirdlar tayyorlash, zarur xom ashyo sotib olish va shogirdlarni ish haqi bilan taʼminlash uchun — 6 oy davomida har oyda 1 — 3-toifa tuman (shahar)lar uchun bazaviy hisoblash miqdorining ikki baravarigacha, 4-toifa tuman (shahar)lar uchun bazaviy hisoblash miqdorining toʻrt baravarigacha va 5-toifa tuman (shahar)lar uchun bazaviy hisoblash miqdorining besh baravarigacha;

shogirdlarga — mustaqil faoliyat boshlashi uchun zarur asbob-uskuna va jihozlarni sotib olish uchun 1 — 3-toifa tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha, 4-5-toifa tuman (shahar)lar uchun xarajatlarning 75 foizi, biroq bazaviy hisoblash miqdorining oʻttiz baravarigacha;

ustalarga — internet saytlarini yaratish, oʻz mahsulotlarini jahon elektron savdo maydonchalariga chiqarish va reklama xarajatlari uchun 1 — 3-toifa tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha, 4-5-toifa tuman (shahar)lar uchun xarajatlarning 75 foizi, biroq bazaviy hisoblash miqdorining oʻttiz baravarigacha;

hunarmandlarning “Hunarmand” uyushmasiga aʼzolik badali xarajatlari uchun bazaviy hisoblash miqdorining besh baravarigacha.

3. Talabgorga subsidiya tuman (shahar) Kambagʻallikni qisqartirish va bandlikka koʻmaklashish boʻlimi (keyingi oʻrinlarda — mahalliy mehnat organi) tomonidan tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisining (keyingi oʻrinlarda — hokim yordamchisi) tavsiyasi asosida mazkur Nizomga ilovaga muvofiq sxema boʻyicha ajratiladi.

2-bob. “Usta-shogird” anʼanalari asosida yoshlarga hunar oʻrgatayotgan hunarmandlarga shogirdlar tayyorlash, zarur xom ashyo sotib olish va shogirdlarni ish haqi bilan taʼminlash uchun subsidiya ajratish

4. “Usta-shogird” anʼanalari asosida yoshlarga hunar oʻrgatayotgan va tadbirkor sifatida davlat roʻyxatidan oʻtgan hunarmandlar (keyingi oʻrinlarda — hunarmand) shogirdlar tayyorlash, zarur xom ashyo sotib olish va shogirdlarni ish haqi bilan taʼminlashi uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yozma, “Onlayn mahalla” elektron platformasi yoki Yagona interaktiv davlat xizmatlari portali orqali elektron shakldagi ariza bilan murojaat qilishi mumkin.

Arizada hunarmandning familiyasi, ismi va otasining ismi, doimiy yashash manzili, pasport (ID-karta) seriyasi va raqami, ishlab chiqarish ehtiyojlari uchun zarur xom ashyo sotib olish va shogirdlarni ish haqi bilan taʼminlashi uchun soʻralayotgan subsidiya turi, “Hunarmand” uyushmasiga aʼzoligi va tadbirkor sifatida davlat roʻyxatidan oʻtganligi, bank rekvizitlari koʻrsatiladi, shuningdek, “usta-shogird” anʼanalari asosida shogird sifatida qabul qilgan mehnatga layoqatli yoshlarning (familiyasi, ismi va otasining ismi koʻrsatgan holda) roʻyxati ilova qilinadi.

Arizada qayd etilgan va ilova qilingan hujjatlardagi maʼlumotlar haqqoniyligi uchun hunarmand javobgar hisoblanadi.

5. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

hunarmand haqiqatda “Hunarmand” uyushmasi aʼzosi ekanligini;

hunarmand soʻralayotgan subsidiya turidan muqaddam foydalanmaganligini;

b) joyiga chiqqan holda quyidagilarni oʻrganadi:

yoshlarning haqiqatda “usta-shogird” anʼanalari asosida hunarmandlardan hunar oʻrganayotganligini;

ishlab chiqarish ehtiyojlari uchun zarur xom ashyoga ehtiyojini;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettiriladi:

hunarmandning “Hunarmand” uyushmasiga aʼzoligi;

yoshlar haqiqatda “usta-shogird” anʼanalari asosida hunarmandlardan hunar oʻrganayotganligi;

soʻralayotgan subsidiya turidan muqaddam foydalanmaganligi;

ishlab chiqarish ehtiyojlari uchun zarur xom ashyoga ehtiyoji mavjudligi;

g) “Onlayn mahalla” elektron platformasi orqali quyidagi maʼlumotlarni mahalliy mehnat organiga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha hunarmandning arizasi va unga ilova qilingan hujjatlar;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

6. Agarda hunarmand mazkur Nizomning 5-bandi “a” va “b” kichik bandlariga mos kelmasa yoki notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda hunarmandga xabarnoma yuboradi.

7. Mahalliy mehnat organi ikki ish kunida:

hokim yordamchisining tavsiyasi va tavsiya bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda tavsiya va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida mahalliy mehnat organining tegishli buyrugʻi qabul qilinadi hamda bu haqda hokim yordamchisiga va hunarmandga xabarnoma yuboradi.

8. Mahalliy mehnat organi hunarmandga shogirdlar tayyorlash, zarur xom ashyo sotib olish va shogirdlarni ish haqi bilan taʼminlash uchun — 6 oy davomida har oyda 1 — 3-toifadagi tuman (shahar)lar uchun bazaviy hisoblash miqdorining ikki baravarigacha, 4-toifadagi tuman (shahar)lar uchun bazaviy hisoblash miqdorining toʻrt baravarigacha va 5-toifadagi tuman (shahar)lar uchun bazaviy hisoblash miqdorining besh baravarigacha miqdorda subsidiya ajratadi hamda subsidiyani ikki ish kuni ichida ustaning bankdagi hisobvaragʻiga oʻtkazib beradi.

9. Agarda hokim yordamchisi tomonidan berilgan tavsiya va yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, mahalliy mehnat organi tomonidan subsidiya ajratish rad etiladi hamda bu haqda sabablarni koʻrsatgan holda hokim yordamchisiga va hunarmandga xabarnoma yuboradi.

10. Ushbu subsidiya turidan foydalanish huquqi bir marta beriladi.

3-bob. “Usta-shogird” anʼanalari asosida hunar oʻrgangan shogirdga mustaqil oʻz faoliyatini boshlash uchun zarur asbob-uskuna va jihozlarni sotib olishga subsidiya ajratish

11. “Usta-shogird” anʼanalari asosida hunar oʻrgangan shogird (keyingi oʻrinlarda — shogird) mustaqil oʻz faoliyatini boshlashi uchun zarur asbob-uskuna va jihozlarni sotib olishga subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yozma, “Onlayn mahalla” elektron platformasi yoki Yagona interaktiv davlat xizmatlari portali orqali elektron ariza bilan murojaat qilishi mumkin.

Arizada shogirdning familiyasi, ismi va otasining ismi, doimiy yashash manzili, pasport (ID-karta) seriyasi va raqami, soʻralayotgan subsidiya turi, “Hunarmand” uyushmasiga aʼzolik maʼlumotnomasi koʻrsatiladi, shuningdek, “usta-shogird” anʼanalari asosida hunar oʻrganganligini tasdiqlovchi hujjatlarning nusxalari ilova qilinadi.

Arizada qayd etilgan maʼlumotlar haqqoniyligi uchun shogird javobgar hisoblanadi.

12. Hokim yordamchisi uch ish kunida:

a) “Onlayn mahalla” elektron platformasi orqali soʻralayotgan subsidiya turidan muqaddam foydalanmaganligi toʻgʻrisidagi maʼlumotlarni aniqlaydi;

b) joyiga chiqqan holda quyidagilarni oʻrganadi:

shogirdning haqiqatda “usta-shogird” anʼanalari asosida hunarmanddan hunar oʻrganganligini;

mustaqil faoliyat boshlashi uchun zarur asbob-uskuna va jihozlarni sotib olishga ehtiyojini;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettiriladi:

soʻralayotgan subsidiya turidan muqaddam foydalanmaganligi;

shogirdning haqiqatda “usta-shogird” anʼanalari asosida hunarmanddan hunar oʻrganganligi;

mustaqil faoliyat boshlashi uchun zarur asbob-uskuna va jihozlarni sotib olishga ehtiyoji mavjudligi;

g) “Onlayn mahalla” elektron platformasi orqali quyidagi maʼlumotlarni mahalliy mehnat organiga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha shogirdning arizasi va unga ilova qilingan hujjatlar;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

13. Agarda shogird mazkur Nizomning 12-bandi “a” va “b” kichik bandlariga mos kelmasa yoki joyiga chiqqan holda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda shogirdga xabarnoma yuboradi.

14. Mahalliy mehnat organi ikki ish kunida:

hokim yordamchisining tavsiyasi va tavsiya bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda tavsiya va hujjatlarda koʻrsatilgan maʼlumotlar oʻz tasdigʻini topsa) shogirdga mustaqil faoliyat boshlashi uchun zarur asbob-uskuna va jihozlarni sotib olish uchun 1 — 3-toifadagi tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha, 4-5-toifadagi tuman (shahar)lar uchun xarajatlarning 75 foizi, biroq bazaviy hisoblash miqdorining oʻttiz baravarigacha subsidiya ajratish toʻgʻrisida mahalliy mehnat organining tegishli buyrugʻi qabul qilinadi.

Buyruqda asbob-uskuna va jihozlarning nomi va ularni xarid qilish uchun ajratiladigan subsidiya miqdori koʻrsatiladi.

15. Mahalliy mehnat organi buyruq rasmiylashtirilgan kundan boshlab besh ish kunida Elektron davlat xaridlari portali (dxarid.uzex.uz) orqali buyruqda koʻrsatilgan asbob-uskuna va jihozlarni xarid qilish boʻyicha buyurtma beradi.

Buyurtmada yetkazib beruvchiga mahalliy mehnat organining yuridik manzili yoki shogirdning manzili koʻrsatiladi.

16. Asbob-uskuna va jihozlar shogirdga dalolatnoma asosida yetkazib beruvchi va mahalliy mehnat organi tomonidan topshiriladi.

17. Agarda hokim yordamchisi bergan tavsiya va yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, mahalliy mehnat organi tomonidan subsidiya ajratish rad etiladi hamda bu haqda sabablarni koʻrsatgan holda hokim yordamchisiga va “usta-shogird” anʼanalari asosida hunar oʻrgangan shogirdga xabarnoma yuboriladi.

18. Ushbu subsidiya turidan foydalanish huquqi bir marta beriladi.

4-bob. Ustalarga internet saytlarini tashkil etish, oʻz mahsulotlarini jahon elektron savdo maydonchalariga chiqarish va reklama xarajatlari uchun subsidiya ajratish

19. “Hunarmand” uyushmasi aʼzosi boʻlgan va tadbirkor sifatida davlat roʻyxatidan oʻtgan shaxslar (keyingi oʻrinlarda — usta) internet saytlarini tashkil etish, oʻz mahsulotlarini jahon elektron savdo maydonchalariga chiqarish yoki reklama xarajatlari uchun ajratiladigan subsidiyalarning aynan bir turini tanlagan holda, xarajatlarni qoplash uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yozma, “Onlayn mahalla” elektron platformasi yoki Yagona interaktiv davlat xizmatlari portali orqali elektron ariza bilan murojaat qilishi mumkin.

Arizada ustaning familiyasi, ismi va otasining ismi, doimiy yashash manzili, pasport (ID-karta) seriyasi va raqami, soʻralayotgan subsidiya turi, “Hunarmand” uyushmasiga aʼzoligi va tadbirkor sifatida davlat roʻyxatidan oʻtganligi, bank rekvizitlari koʻrsatiladi, shuningdek, elektron dasturiy taʼminot ishlab chiqaruvchi yuridik shaxs (keyingi oʻrinlarda — dasturchi) bilan tuzilgan shartnoma nusxasi ilova qilinadi.

Arizada qayd etilgan va ilova qilingan hujjatlardagi maʼlumotlar haqqoniyligi uchun usta javobgar hisoblanadi.

20. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

ustani haqiqatda “Hunarmand” uyushmasiga aʼzoligini va tadbirkor sifatida davlat roʻyxatidan oʻtganligini;

dasturchining soliq xizmati organlarida roʻyxatdan oʻtganligini;

soʻralayotgan subsidiya turidan muqaddam foydalanmaganligini;

b) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettiriladi:

ustaning haqiqatda “Hunarmand” uyushmasiga aʼzoligi va tadbirkor sifatida davlat roʻyxatidan oʻtganligi;

internet saytlarini tashkil etishi, oʻz mahsulotlarini jahon elektron savdo maydonchalariga chiqarishi yoki reklamaning aynan bir turi boʻyicha dasturchi bilan tuzilgan shartnomaning mavjudligi;

soʻralayotgan subsidiya turidan muqaddam foydalanmaganligi;

v) “Onlayn mahalla” elektron platformasi orqali quyidagi maʼlumotlarni mahalliy mehnat organiga yuboradi:

tavsiya (tavsiyada ushbu bandning “a” kichik bandida nazarda tutilgan maʼlumotlar aks ettiriladi);

subsidiya olish boʻyicha ustaning arizasi va unga ilova qilingan hujjatlar;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

21. Agarda usta mazkur Nizomning 20-bandi “a” kichik bandida koʻrsatilgan talablarga mos kelmasa yoki notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda ustaga xabarnoma yuboradi.

22. Mahalliy mehnat organi ikki ish kunida:

hokim yordamchisining tavsiyasi va tavsiya bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda tavsiya va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida mahalliy mehnat organining tegishli buyrugʻi qabul qilinadi hamda bu haqda hokim yordamchisiga va ustaga xabarnoma yuboradi.

23. Mahalliy mehnat organi usta va dasturchi oʻrtasida tuzilgan shartnomada koʻrsatilgan umumiy summaning, 1 — 3-toifadagi tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha, 4-5-toifadagi tuman (shahar)lar uchun xarajatlarning 75 foizi, biroq bazaviy hisoblash miqdorining oʻttiz baravarigacha boʻlgan miqdorda subsidiya ajratadi hamda ikki ish kuni ichida subsidiyani ustaning bankdagi hisobvaragʻiga oʻtkazib beradi.

24. Agarda hokim yordamchisi bergan tavsiya va yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, mahalliy mehnat organi tomonidan subsidiya ajratish rad etiladi hamda bu haqda sabablarni koʻrsatgan holda hokim yordamchisiga va ustaga xabarnoma yuboradi.

25. Ushbu subsidiya turidan foydalanish huquqi bir marta beriladi.

5-bob. Jamgʻarma mablagʻlari hisobidan hunarmandlarning “Hunarmand” uyushmasiga aʼzolik badali xarajatlarini qoplash uchun subsidiya ajratish tartibi

26. Hunarmandlar (keyingi oʻrinlarda — hunarmand) oʻzlarining “Hunarmand” uyushmasiga aʼzolik badali xarajatlarini qoplash uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yozma, “Onlayn mahalla” elektron platformasi yoki Yagona interaktiv davlat xizmatlari portali orqali elektron shaklda ariza bilan murojaat qilishi mumkin.

Arizada hunarmandning familiyasi, ismi va otasining ismi, doimiy yashash manzili, pasport (ID-karta) seriyasi va raqami, tadbirkor sifatida davlat roʻyxatidan oʻtganligi, “Hunarmand” uyushmasiga aʼzolik badali xarajatlarini qoplash uchun toʻlash lozim boʻlgan hisobvaraq va soʻralayotgan subsidiya miqdori koʻrsatiladi, shuningdek, “Hunarmand” uyushmasining badiiy kengashi qarori nusxasi ilova qilinadi.

Arizada qayd etilgan va ilova qilingan hujjatlardagi maʼlumotlar haqqoniyligi uchun hunarmand javobgar hisoblanadi.

27. Hokim yordamchisi uch ish kunida:

a) “Onlayn mahalla” elektron platformasi orqali hunarmand soʻralayotgan subsidiya turidan muqaddam foydalanmaganligini oʻrganadi;

b) oʻrganish natijalari hunarmandning arizasi va unga ilova qilingan hujjatlarni hamda tavsiyani “Onlayn mahalla” elektron platformasi orqali mahalliy mehnat organiga yuboradi.

Bunda tavsiyada hunarmandning tadbirkor sifatida davlat roʻyxatidan oʻtganligi va soʻralayotgan subsidiya turidan muqaddam foydalanmaganligi toʻgʻrisidagi maʼlumotlar koʻrsatilishi kerak.

Tavsiyada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

28. Agarda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda hunarmandga xabarnoma yuboradi.

29. Mahalliy mehnat organi ikki ish kunida:

hokim yordamchisining tavsiyasi va tavsiya bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda tavsiya va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida mahalliy mehnat organining tegishli buyrugʻi qabul qilinadi hamda bu haqda hokim yordamchisiga va hunarmandga xabarnoma yuboradi.

30. Mahalliy mehnat organi “Hunarmand” uyushmasiga aʼzolik badali xarajatlarini qoplash uchun subsidiya ajratadi hamda ikki ish kuni ichida “Hunarmand” uyushmasiga aʼzolik badali xarajatlarini qoplash uchun toʻlash lozim boʻlgan hisobvaraqqa subsidiyani oʻtkazib beradi.

31. Hunarmand subsidiya ajratilgandan soʻng besh ish kunida “Hunarmand” uyushmasiga aʼzolik guvohnomasi nusxasini hokim yordamchisi yoki mahalliy mehnat organiga taqdim etadi.

32. Agarda hunarmand subsidiya ajratilgandan soʻng bir oy ichida “Hunarmand” uyushmasiga aʼzo boʻlmasa, uning aʼzolik badalini qoplash uchun ajratilgan subsidiya “Hunarmand” uyushmasi tomonidan mahalliy mehnat organiga qaytarilishi shart.

33. Agarda hokim yordamchisi bergan tavsiya va yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, mahalliy mehnat organi tomonidan subsidiya ajratish rad etiladi hamda bu haqda sabablarni koʻrsatgan holda hokim yordamchisiga va hunarmandga xabarnoma yuboradi.

34. Ushbu subsidiya turidan foydalanish huquqi bir marta beriladi.

6-bob. Yakunlovchi qoidalar

35. Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari ushbu Nizomga muvofiq hunarmandchilik faoliyatini qoʻllab-quvvatlash uchun ajratilayotgan subsidiyalarning manzilliligi, samaradorligi va ularni maqsadli foydalanilishi boʻyicha doimiy ravishda oʻrganish oʻtkazib boradi.

36. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

37. Manfaatdor shaxslar hokim yordamchisi va mahalliy mehnat organining harakatlari yoki harakatsizligi boʻyicha hamda subsidiyalar ajratilishi asossiz rad etilgan taqdirda, qonunchilik hujjatlarida belgilangan tartibda sudga murojaat qilishlari mumkin.

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan hunarmandchilik faoliyatini qoʻllab-quvvatlash uchun subsidiyalar ajratish tartibi toʻgʻrisidagi nizomga ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan hunarmandchilik faoliyatini qoʻllab-quvvatlash uchun subsidiyalar ajratish

SXEMASI

Bosqichlar Subyektlar Tadbirlar Ijro muddati 1-bosqich Subsidiya turidan foydalanmoqchi boʻlgan hunarmand yoki jismoniy shaxslar Tavsiya berishni soʻrab oʻzining doimiy yashash manzilidagi hokim yordamchisiga yozma, “Onlayn mahalla” elektron platformasi yoki Yagona interaktiv davlat xizmatlari portali orqali elektron shaklda ariza bilan murojaat qiladi. Hunarmand yoki jismoniy shaxslar xohishiga koʻra 2-bosqich Hokim yordamchisi a) “Onlayn mahalla” elektron platformasi orqali hunarmand yoki jismoniy shaxslarning maʼlumotlarini oʻrganadi; b) joyiga chiqqan holda oʻrganish oʻtkazadi; v) oʻrganish natijalari boʻyicha dalolatnoma rasmiylashtiradi; g) tavsiyani, ustaning arizasi va oʻrganish natijalari boʻyicha rasmiylashtirilgan dalolatnomani “Onlayn mahalla” elektron platformasi orqali mahalliy mehnat organiga yuboradi. Uch ish kunida 3-bosqich Mahalliy mehnat organi a) hokim yordamchisi tomonidan yuborilgan hujjatlarni oʻrganib chiqadi; b) oʻrganish natijasiga koʻra (agarda tavsiya va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida mahalliy mehnat organining tegishli buyrugʻi qabul qilinadi hamda bu haqda hokim yordamchisiga va hunarmand yoki jismoniy shaxslarga xabarnoma yuboradi; v) subsidiyani hunarmandning (ustaning) bankdagi hisobvaragʻiga oʻtkazib beradi. Ikki ish kunida

Vazirlar Mahkamasining 2023-yil 22-iyuldagi 307-son qaroriga 8-ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga foizsiz ssuda ajratish tartibi toʻgʻrisida

NIZOM

1-bob. Umumiy qoidalar

1. Mazkur Nizom Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan tadbirkorlik subyektlariga (keyingi oʻrinlarda — talabgor) jalb qilingan har bir kasanachi uchun foizsiz ssuda (keyingi oʻrinlarda — ssuda) ajratish tartibini belgilaydi.

2. Ssuda Jamgʻarma mablagʻlari hisobidan talabgorga jalb qilingan har bir kasanachi uchun 1 million soʻmgacha, biroq 2 yilgacha muddatga jami 150 million soʻmgacha aylanma mablagʻlarini toʻldirish uchun ajratiladi.

3. Talabgorga ssuda Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari (keyingi oʻrinlarda — hududiy bosh boshqarma) tomonidan ilovaga muvofiq sxema boʻyicha ajratiladi.

2-bob. Ssudani ajratish tartibi va shartlari

4. Talabgor kasanachilarni jalb etgandan soʻng ssuda olish uchun mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining (keyingi oʻrinlarda — hokim yordamchisi) tavsiyasi asosida hududiy bosh boshqarmaga yozma ravishda yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

Talabgorning murojaatida quyidagilar ilova qilinishi shart:

jalb qilingan kasanachilarning soni, familiyasi, ismi, otasining ismi;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi;

oxirgi hisobot davri uchun soliqdan qarzdorligi yoʻqligi toʻgʻrisida soliq organlari maʼlumoti, shuningdek, muddati oʻtgan kredit qarzlari mavjud emasligi haqida xizmat koʻrsatuvchi tijorat bankidan maʼlumotnoma;

ssudaning miqdori va ssuda soʻralayotgan davr, shuningdek, ssudani qaytarishning kafolatlangan manbalari;

talabgorning ssuda toʻlab berilishi lozim boʻlgan hisobvaragʻi (rekvizitlari) va manzili.

5. Hududiy bosh boshqarma talabgorning murojaatini ilova qilingan tegishli hujjatlar bilan birga besh ish kuni ichida oʻrganib chiqadi.

Hududiy bosh boshqarma tomonidan zarurat tugʻilganda, hududiy iqtisodiyot va moliya boshqarmalari, tijorat banklari va boshqa tashkilotlardan qoʻshimcha maʼlumotlar soʻrab olinishi mumkin.

6. Hududiy bosh boshqarma tomonidan talabgorga ssuda ajratish (yoki ajratishni rad etish) toʻgʻrisida uch ish kuni ichida qaror qabul qilinadi hamda qabul qilingan qaror haqida talabgor xabardor qilinadi. Qarorda ssuda miqdori, uni ajratish va qaytarish muddatlari koʻrsatilishi lozim.

7. Ssuda ajratish quyidagilarga koʻra rad etiladi:

hujjatlar ushbu Nizomning 4-bandiga muvofiq talabgor tomonidan toʻliq taqdim etilmaganda;

taqdim etilgan hujjatlar oʻz tasdigʻini topmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasining Yagona elektron shartnomalar axborot portalida roʻyxatdan oʻtkazilmaganda.

8. Ssuda ajratish toʻgʻrisida qaror qabul qilingandan soʻng hududiy bosh boshqarma boshligʻi va talabgor imzolari bilan tasdiqlanadigan ssuda ajratish toʻgʻrisida shartnoma tuziladi.

Shartnomada ssudani qaytarish tartibi hamda jadvali ilova qilinadi.

Ssudani qaytarish, qoida tariqasida, ssuda ajratilgan oydan 3 oy oʻtgach boshlanadi.

9. Hududiy bosh boshqarma va talabgor oʻrtasida shartnoma imzolangandan soʻng besh ish kuni ichida ssuda ajratiladi.

Mazkur ssuda talabgor talabiga binoan kasanachilarning bank kartalariga oʻtkazib berilishiga ruxsat beriladi.

3-bob. Ssuda oluvchining javobgarligi va ssudaning qaytarilishi

10. Ssuda oluvchi ssudani ajratish uchun taqdim etilgan hujjatlarning toʻgʻriligi va asosliligi, shuningdek, ssudaning oʻz vaqtida qaytarilishi uchun javobgardir.

11. Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.

4-bob. Yakunlovchi qoida

12. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga foizsiz ssuda ajratish tartibi toʻgʻrisidagi nizomga ILOVA

Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan tadbirkorlik subyektlariga foizsiz ssuda ajratish

SXEMASI

Bosqichlar Subyektlar Chora-tadbirlar Bajarish muddatlari 1-bosqich Tadbirkorlik subyekt (talabgor) Tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlarining yordamchilari (keyingi oʻrinlarda — hokim yordamchisi) tavsiyasi asosida hududiy bosh boshqarmalarga zarur hujjatlarni ilova qilgan holda murojaat qiladi. Oʻz xohishiga koʻra 2-bosqich Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari (keyingi oʻrinlarda — hududiy bosh boshqarma) 1. Talabgor tomonidan ssuda olishni soʻrab taqdim etilgan hujjatlarni oʻrganib chiqadi. 2. Talabgorga ssuda ajratish yoki ssuda ajratishni rad etish toʻgʻrisida qaror qabul qiladi hamda qabul qilingan qaror haqida talabgorni xabardor qiladi. 3. Hududiy bosh boshqarma va talabgor oʻrtasida shartnoma tuziladi. 5 ish kuni ichida 3 ish kunida 3-bosqich Hududiy bosh boshqarmalar Ssudani ajratish toʻgʻrisida qaror qabul qilib, shartnoma imzolangandan soʻng ssuda ajratadi. 5 ish kuni ichida 4-bosqich Talabgor Ssudani shartnoma shartlariga koʻra belgilangan muddatlarda qaytaradi. Belgilangan muddatlarda

Vazirlar Mahkamasining 2023-yil 22-iyuldagi 307-son qaroriga 9-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi Prezidentining “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida” 2006-yil 5-yanvardagi PF-3706-son Farmonini amalga oshirish haqida” 2006-yil 11-yanvardagi 4-son qarorida:

a) 2 va 5-bandlardagi “Mehnat va aholini ijtimoiy muhofaza qilish” soʻzlari “Kambagʻallikni qisqartirish va bandlik” soʻzlari bilan almashtirilsin.

6-bandda:

ikkinchi xatboshidagi “Davlat soliq qoʻmitasi” soʻzlari “Iqtisodiyot va moliya vazirligi huzuridagi Soliq qoʻmitasi” soʻzlari bilan almashtirilsin;

uchinchi xatboshi quyidagi tahrirda bayon qilinsin:

“oʻn kun muddatda har bir tumanda (shaharda) korxonalar bilan uyda mahsulotlar ishlab chiqaradigan va xizmatlar koʻrsatadigan fuqarolar oʻrtasida kooperatsiyani muvofiqlashtirish, qoʻllab-quvvatlash va rivojlantirish boʻyicha hokimlarning moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari (komissiya raisi) hamda Kambagʻallikni qisqartirish va bandlikka koʻmaklashish boʻlimi boshliqlari (komissiya raisining oʻrinbosari) boshchilik qiladigan ishchi komissiyalar tashkil etsinlar”;

b) qarorga 1-ilovada:

8-bandning ikkinchi xatboshisidagi “Aholini ish bilan taʼminlash toʻgʻrisida” soʻzlari “Aholi bandligi toʻgʻrisida” soʻzlari bilan, “7” raqami “38” raqami bilan almashtirilsin;

10-banddagi “mehnat daftarchasi beriladi” soʻzlari “elektron mehnat daftarchalari yuritiladi” soʻzlari bilan almashtirilsin;

12-banddagi “tuzilishiga” soʻzi “bilan bir qatorda ishlarni bajarish, tovarlar ishlab chiqarish yoki xizmatlar koʻrsatish haqidagi fuqarolik-huquqiy shartnomalar, shu jumladan pudrat shartnomasi asosida tashkil etishga” soʻzlari bilan almashtirilsin;

14-band quyidagi tahrirda bayon qilinsin:

“14. Kasanachining elektron mehnat daftarchasi ish beruvchi tomonidan mehnat shartnomasi amal qilishining butun davri uchun yuritiladi. Ilgari ishlamagan va mehnat daftarchisiga ega boʻlmagan kasanachi uchun elektron mehnat daftarchasi ish beruvchi tomonidan yuritiladi.

Ish beruvchi elektron mehnat daftarchasiga mehnat shartnomasi tuzilishi va toʻxtatilishi toʻgʻrisidagi maʼlumotlarni kiritishi shart. Kasanachi bilan mehnat shartnomasi toʻxtatilgan taqdirda, ish beruvchi elektron mehnat daftarchasiga ushbu maʼlumotlarni kiritishi shart”;

27-band quyidagi tahrirda bayon etilsin:

“27. Kasanachining ish haqi, basharti kasanachi mehnat normalarini va mehnat majburiyatlarini bajarsa, qonunchilikda belgilangan mehnatga haq toʻlashning eng kam miqdoridan kam boʻlmasligi kerak va biron-bir eng yuqori miqdor bilan cheklanmaydi”;

32-bandning beshinchi xatboshisidagi “Moliya” soʻzi “Iqtisodiyot va moliya” soʻzlari bilan almashtirilsin;

36-banddagi “15 ish” soʻzlari “21 kalendar” soʻzlari bilan almashtirilsin;

43-banddagi “Moliya” soʻzi “Iqtisodiyot va moliya” soʻzlari bilan almashtirilsin;

49-banddagi “Moliya” soʻzi “Iqtisodiyot va moliya” soʻzlari bilan almashtirilsin.

2. Vazirlar Mahkamasining “Kasanachilikni tashkil etishni takomillashtirish hamda mahalliy davlat hokimiyati va xoʻjalik boshqaruvi organlari rahbarlarining uni rivojlantirish parametrlari bajarilishi yuzasidan javobgarligini oshirish chora-tadbirlari toʻgʻrisida” 2008-yil 1-iyuldagi 146-son qarorida:

a) 1-bandning ikkinchi xatboshisidagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;

b) 3-banddagi “Mehnat va aholini ijtimoiy muhofaza qilish” soʻzlari “Kambagʻallikni qisqartirish va bandlik” soʻzlari bilan almashtirilsin;

v) 1-ilovada:

6-band quyidagi tahrirda bayon etilsin:

“6. Korxonalar tomonidan tumanlar (shaharlar) Kambagʻallikni qisqartirish va bandlikka koʻmaklashish boʻlimlari bilan birgalikda har yili joriy yilning 5-yanvarigacha korxonalar faoliyati xususiyatlarini hamda ulardagi kasanachilik ish oʻrinlarini tashkil etishning mavjud zaxiralarini hisobga olgan holda, shu jumladan kasanachilik turlarini kengaytirish hisobiga joriy kalendar yil uchun kasanachilikni rivojlantirish parametrlari ishlab chiqiladi. Korxonalar boʻyicha kasanachilikni rivojlantirish parametrlari ushbu Nizomga 1-ilovaga muvofiq shakl boʻyicha ishlab chiqiladi hamda tumanlar (shaharlar) Kambagʻallikni qisqartirish va bandlikka koʻmaklashish boʻlimlari boshliqlari tomonidan imzolanadi.

Tumanlar (shaharlar) Kambagʻallikni qisqartirish va bandlikka koʻmaklashish boʻlimlari korxonalar boʻyicha kasanachilikni rivojlantirish parametrlari asosida korxonalar va uyida mahsulotlar ishlab chiqarish va xizmatlar koʻrsatishni amalga oshiruvchi fuqarolar oʻrtasidagi kooperatsiyani muvofiqlashtirish, qoʻllab-quvvatlash va rivojlantirish boʻyicha Vazirlar Mahkamasining 2006-yil 11-yanvardagi 4-son qaroriga muvofiq tashkil etilgan ishchi komissiyalar (keyingi oʻrinlarda ishchi komissiyalar deb ataladi) bilan kelishgan holda kasanachilikni rivojlantirishning tuman (shahar) parametrlarini ishlab chiqadilar. Tumanlar (shaharlar) Kambagʻallikni qisqartirish va bandlik boʻlimlari tomonidan kasanachilikni rivojlantirish tuman (shahar) parametrlari tegishli ravishda joriy yilning 8-yanvariga qadar muddatda Qoraqalpogʻiston Respublikasi Kambagʻallikni qisqartirish va bandlik vazirligiga, viloyatlar va Toshkent shahar Kambagʻallikni qisqartirish va bandlik bosh boshqarmalariga taqdim etiladi.

Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari tuman (shahar) kasanachilikni rivojlantirish parametrlari asosida Oʻzbekiston Respublikasi Kambagʻallikni qisqartirish va bandlik vazirligi bilan kelishgan holda, kasanachilikni rivojlantirishning hududiy parametrlarini ishlab chiqadilar hamda ularni koʻrib chiqish va tasdiqlash uchun joriy yilning 15-yanvarigacha boʻlgan muddatda Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga kiritadilar.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari kasanachilikni rivojlantirishning tasdiqlangan hududiy parametrlarini joriy yilning 20-yanvarigacha boʻlgan muddatda Oʻzbekiston Respublikasi Kambagʻallikni qisqartirish va bandlik vazirligiga taqdim etadilar. Tasdiqlangan hududiy parametrlar ularning bajarilish monitoringini taʼminlash uchun koʻrsatib oʻtilgan muddatda ishchi komissiyalarga ham joʻnatiladi.

Oʻzbekiston Respublikasi Kambagʻallikni qisqartirish va bandlik vazirligi kasanachilikni rivojlantirishning tasdiqlangan hududiy parametrlarini umumlashtiradi va joriy yilning 25-yanvarigacha boʻlgan muddatda Vazirlar Mahkamasiga taqdim etadi”;

7-bandning uchinchi xatboshisidagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;

10-bandda:

ikkinchi xatboshidagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;

uchinchi xatboshidagi “Bandlik va mehnat munosabatlari vazirligi, bandlik bosh boshqarmalari” soʻzlari “Kambagʻallikni qisqartirish va bandlik vazirligiga, viloyatlar va Toshkent shahar Kambagʻallikni qisqartirish va bandlik bosh boshqarmalari” soʻzlari bilan almashtirilsin;

beshinchi xatboshidagi “bandlikka koʻmaklashish markazlari” soʻzlari “Kambagʻallikni qisqartirish va bandlikka koʻmaklashish boʻlimlari” soʻzlari bilan almashtirilsin;

oltinchi xatboshidagi “Iqtisodiy taraqqiyot va kambagʻallikni qisqartirish” soʻzlari “Kambagʻallikni qisqartirish va bandlik” soʻzlari bilan almashtirilsin.

12-bandning uchinchi xatboshisidagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;

13-banddagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;

15-bandning ikkinchi — toʻrtinchi xatboshilari quyidagi tahrirda bayon etilsin:

“ishchi komissiyaga — tuman (shahar) Kambagʻallikni qisqartirish va bandlikka koʻmaklashish boʻlimlari tomonidan;

Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga — Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari tomonidan;

Oʻzbekiston Respublikasi Kambagʻallikni qisqartirish va bandlik vazirligi hayʼatiga — vazirlikning markaziy apparati tegishli tarkibiy boʻlinmasi tomonidan” .

Nizomga 1-ilovadagi “aholi bandligiga koʻmaklashish markazi rahbari” soʻzlari “Kambagʻallikni qisqartirish va bandlikka koʻmaklashish boʻlimi boshligʻi” soʻzlari bilan almashtirilsin.

2-ilovada:

2-bandning “Axborot qayerga taqdim etiladi ustuni” dagi “aholi bandligiga koʻmaklashish markazi” soʻzlari “Kambagʻallikni qisqartirish va bandlikka koʻmaklashish boʻlimi” soʻzlari bilan almashtirilsin;

3-bandda:

“Axborot beruvchi organ (subyekt) ustuni” dagi “aholi bandligiga koʻmaklashish markazi” soʻzlari “Kambagʻallikni qisqartirish va bandlikka koʻmaklashish boʻlimi” soʻzlari bilan almashtirilsin;

“Axborot qayerga taqdim etiladi ustuni” dagi “Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari” soʻzlari “Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari” soʻzlari bilan almashtirilsin;

4-bandda:

“Axborot beruvchi organ (subyekt) ustuni” dagi “Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari” soʻzlari “Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari” soʻzlari bilan almashtirilsin;

“Axborot olish manbai ustuni” dagi “aholi bandligiga koʻmaklashish” soʻzlari “Kambagʻallikni qisqartirish va bandlikka koʻmaklashish boʻlimi” soʻzlari bilan almashtirilsin;

“Axborot qayerga taqdim etiladi ustuni” dagi “Bandlik va mehnat munosabatlari” soʻzlari, “Kambagʻallikni qisqartirish va bandlik” soʻzlari bilan almashtirilsin;

5-bandning “Axborot qayerga taqdim etiladi ustuni” dagi “Davlat statistika qoʻmitasi” soʻzlari “Oʻzbekiston Respublikasi Prezidenti huzuridagi Statistika agentligi” soʻzlari bilan almashtirilsin;

7-bandda:

“Axborot beruvchi organ (subyekt) ustuni” dagi “Davlat statistika qoʻmitasi” soʻzlari “Oʻzbekiston Respublikasi Prezidenti huzuridagi Statistika agentligi” soʻzlari bilan almashtirilsin;

“Axborot qayerga taqdim etiladi ustuni” dagi “Iqtisodiy taraqqiyot va kambagʻallikni qisqartirish, Bandlik va mehnat munosabatlari” soʻzlari “Iqtisodiyot va moliya, Kambagʻallikni qisqartirish va bandlik” soʻzlari bilan almashtirilsin;

8-bandning “Axborot qayerga taqdim etiladi ustuni” dagi “Iqtisodiy taraqqiyot va kambagʻallikni qisqartirish, Bandlik va mehnat munosabatlari” soʻzlari “Iqtisodiyot va moliya, Kambagʻallikni qisqartirish va bandlik” soʻzlari bilan almashtirilsin;

9-bandda:

“Axborot beruvchi organ (subyekt) ustuni” dagi “Bandlik va mehnat munosabatlari” soʻzlari “Kambagʻallikni qisqartirish va bandlik” soʻzlari bilan almashtirilsin;

“Axborot olish manbai ustuni” dagi “Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari, Davlat statistika qoʻmitasi” soʻzlari “Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar Kambagʻallikni qisqartirish va bandlik bosh boshqarmalari, Oʻzbekiston Respublikasi Prezidenti huzuridagi Statistika agentligi” soʻzlari bilan almashtirilsin;

“Axborot qayerga taqdim etiladi ustuni” dagi “Iqtisodiy taraqqiyot va kambagʻallikni qisqartirish” soʻzlari “Iqtisodiyot va moliya” soʻzlari bilan almashtirilsin;

10-bandda:

“Axborot beruvchi organ (subyekt) ustuni” dagi “Iqtisodiy taraqqiyot va kambagʻallikni qisqartirish” soʻzlari “Iqtisodiyot va moliya” soʻzlari bilan almashtirilsin;

“Axborot olish manbai ustuni” dagi “Bandlik va mehnat munosabatlari vazirligi, Davlat statistika qoʻmitasi” soʻzlari “Kambagʻallikni qisqartirish va bandlik vazirligi, Oʻzbekiston Respublikasi Prezidenti huzuridagi Statistika agentligi” soʻzlari bilan almashtirilsin.

Vazirlar Mahkamasining 2023-yil 22-iyuldagi 307-son qaroriga 10-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim hujjatlari

ROʻYXATI

1. Vazirlar Mahkamasining “Kasanachilikni tashkil etgan tadbirkorlik subyektlarini yanada qoʻllab-quvvatlash chora-tadbirlari toʻgʻrisida” 2022-yil 14-oktabrdagi 596-son qarorining 1 — 4 bandlari hamda 1 — 3 ilovalari.

2. Vazirlar Mahkamasining 2022-yil 11-maydagi 252-son bilan tasdiqlangan “Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan subsidiyalar ajratish tartibi toʻgʻrisida”gi Nizomning 3-bandi “z”, “k”, “l” kichik bandlari hamda 3-bobining 8, 10, 11 va 12-paragraflari.