Oʻzbekiston Respublikasi Adliya Vazirligi tomonidan 1999-yil 15-yanvarda 594-son bilan roʻyxatga olingan, Oʻzbekiston Respublikasi Moliya vazirligi va Davlat soliq qoʻmitasi 27/99-02-son bilan tasdiqlagan Erkin almashtiriladigan valyutani sotib olishda yigʻim toʻlash tartibining 2.1-bandi 2-xatboshisiga (650-son)

26.02.1999

TUShUNTIRISh

[Oʻzbekiston Respublikasi Adliya vazirligi tomonidan 1999-yil 26-fevralda 650-son bilan davlat roʻyxatidan oʻtkazilgan]

Moliya vazirligi va Davlat soliq qoʻmitasi tushayotgan soʻrovlar munosabati bilan Oʻzbekiston Respublikasining “Davlat soliq xizmati toʻgʻrisida”gi Qonunining 7-moddasiga muvofiq tushuntirish beradi.

Oʻzbekiston Respublikasi Adliya vazirligi tomonidan roʻyxatga olingan, Oʻzbekiston Respublikasi Moliya vazirligi va Davlat soliq qoʻmitasi 1999-yil 8-yanvarda 27/99-02-son bilan tasdiqlagan Erkin almashtiriladigan valyuta xaridi uchun yigʻim toʻlash tartibining 2.1-bandi 2-xatboshi Oʻzbekiston Respublikasi Hukumati tomonidan kafolatlangan, vakolatli banklarning xorijiy kreditlari, valyuta kreditlari boʻyicha asosiy qarzini uzish va foizlarni toʻlash uchun valyutani xarid qilish va xorijiy valyuta xaridiga doir operatsiyalar uchun yigʻimdan ozod qilishni nazarda tutadi.